| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[402] 7. сад̇д̇убхасд̇аж̇аад̇агаван̣н̣анаа
[402] 7. Sattubhastajātakavaṇṇanā
виб̣бханд̇ажид̇д̇од̇и ид̣̇ам̣ сад̇т̇аа ж̇зд̇аванз вихаранд̇о ад̇д̇ано бан̃н̃аабаарамим̣ аараб̣бха гат̇зси. бажжуббаннавад̇т̇у уман̇г̇аж̇аад̇агз (ж̇аа. 2.22.590 аад̣̇аяо) аави бхависсад̇и.
Vibbhantacittoti idaṃ satthā jetavane viharanto attano paññāpāramiṃ ārabbha kathesi. Paccuppannavatthu umaṅgajātake (jā. 2.22.590 ādayo) āvi bhavissati.
ад̇ийд̇з б̣аараан̣асияам̣ ж̇анаго наама рааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о б̣раахман̣агулз ниб̣б̣ад̇д̇и , сзнагагумаарод̇исса наамам̣ гарим̣су. со ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа б̣аараан̣асим̣ бажжааг̇анд̇ваа рааж̇аанам̣ басси, рааж̇аа д̇ам̣ амажжадтаанз табзси, маханд̇ан̃жасса яасам̣ ануббад̣̇ааси . со ран̃н̃о ад̇т̇ан̃жа д̇хамман̃жа анусааси, мад̇хурагат̇о д̇хаммагат̇иго худ̇ваа рааж̇аанам̣ бан̃жасу сийлзсу бад̇идтаабзд̇ваа д̣̇аанз убосат̇агаммз д̣̇асасу гусалагаммабат̇зсууд̇и имааяа галяаан̣абадибад̣̇ааяа бад̇идтаабзси , сагаларадтз б̣уд̣̇д̇хаанам̣ уббаннагаало вияа ахоси. багкад̣̇ивасзсу рааж̇аа жа убарааж̇аад̣̇аяо жа саб̣б̣з саннибад̇ид̇ваа д̇хаммасабхам̣ саж̇ж̇знд̇и. махаасад̇д̇о саж̇ж̇ид̇ад̇хаммасабхааяам̣ рад̇анабаллан̇гавараг̇ад̇о б̣уд̣̇д̇халийл̣ааяа д̇хаммам̣ д̣̇зсзд̇и, б̣уд̣̇д̇хаанам̣ д̇хаммагат̇аасад̣̇исаавасса гат̇аа ход̇и.
Atīte bārāṇasiyaṃ janako nāma rājā rajjaṃ kāresi. Tadā bodhisatto brāhmaṇakule nibbatti , senakakumārotissa nāmaṃ kariṃsu. So vayappatto takkasilāyaṃ sabbasippāni uggaṇhitvā bārāṇasiṃ paccāgantvā rājānaṃ passi, rājā taṃ amaccaṭṭhāne ṭhapesi, mahantañcassa yasaṃ anuppadāsi . So rañño atthañca dhammañca anusāsi, madhurakatho dhammakathiko hutvā rājānaṃ pañcasu sīlesu patiṭṭhāpetvā dāne uposathakamme dasasu kusalakammapathesūti imāya kalyāṇapaṭipadāya patiṭṭhāpesi , sakalaraṭṭhe buddhānaṃ uppannakālo viya ahosi. Pakkhadivasesu rājā ca uparājādayo ca sabbe sannipatitvā dhammasabhaṃ sajjenti. Mahāsatto sajjitadhammasabhāyaṃ ratanapallaṅkavaragato buddhalīḷāya dhammaṃ deseti, buddhānaṃ dhammakathāsadisāvassa kathā hoti.
ат̇а ан̃н̃ад̇аро махаллагаб̣раахман̣о д̇ханабхигкам̣ жарид̇ваа гахаабан̣асахассам̣ лабхид̇ваа згасмим̣ б̣раахман̣агулз нигкибид̇ваа буна ‘‘бхигкам̣ жариссаамий’’д̇и г̇ад̇о. д̇асса г̇ад̇агаалз д̇ам̣ гулам̣ гахаабан̣з вал̣ан̃ж̇зси. со ааг̇анд̇ваа гахаабан̣з аахараабзси. б̣раахман̣о гахаабан̣з д̣̇аад̇ум̣ асаггонд̇о ад̇д̇ано д̇хийд̇арам̣ д̇асса баад̣̇абарижааригам̣ гад̇ваа ад̣̇ааси. б̣раахман̣о д̇ам̣ г̇ахзд̇ваа б̣аараан̣асид̇о авид̣̇уурз згасмим̣ б̣раахман̣аг̇аамз ваасам̣ габбзси. ат̇асса бхарияаа д̣̇ахарад̇ааяа гаамзсу ад̇ид̇д̇аа ан̃н̃зна д̇арун̣аб̣раахман̣зна сад̣̇д̇хим̣ мижчаажаарам̣ жари. сол̣аса хи ад̇аббанийяавад̇т̇ууни наама. гад̇амаани сол̣аса? сааг̇аро саб̣б̣асаванд̇ийхи на д̇аббад̇и, аг̇г̇и убаад̣̇аанзна на д̇аббад̇и, рааж̇аа радтзна на д̇аббад̇и, б̣аало баабзхи на д̇аббад̇и, ид̇т̇ий мзт̇унад̇хаммзна алан̇гаарзна виж̇ааяанзнаад̇и имзхи д̇ийхи на д̇аббад̇и, б̣раахман̣о манд̇зхи на д̇аббад̇и, жхааяий вихаарасамаабад̇д̇ияаа на д̇аббад̇и, сзгко абажаязна на д̇аббад̇и, аббижчо д̇худ̇ан̇г̇аг̇ун̣зна на д̇аббад̇и, аарад̣̇д̇хавийрияо вийрияаарамбхзна на д̇аббад̇и, д̇хаммагат̇иго саагажчааяа на д̇аббад̇и, висаарад̣̇о барисааяа на д̇аббад̇и, сад̣̇д̇хо сан̇гхубадтаанзна на д̇аббад̇и, д̣̇ааяаго барижжааг̇зна на д̇аббад̇и, бан̣д̣ид̇о д̇хаммассаванзна на д̇аббад̇и, жад̇ассо барисаа д̇ат̇ааг̇ад̇ад̣̇ассанзна на д̇аббанд̇ийд̇и.
Atha aññataro mahallakabrāhmaṇo dhanabhikkhaṃ caritvā kahāpaṇasahassaṃ labhitvā ekasmiṃ brāhmaṇakule nikkhipitvā puna ‘‘bhikkhaṃ carissāmī’’ti gato. Tassa gatakāle taṃ kulaṃ kahāpaṇe vaḷañjesi. So āgantvā kahāpaṇe āharāpesi. Brāhmaṇo kahāpaṇe dātuṃ asakkonto attano dhītaraṃ tassa pādaparicārikaṃ katvā adāsi. Brāhmaṇo taṃ gahetvā bārāṇasito avidūre ekasmiṃ brāhmaṇagāme vāsaṃ kappesi. Athassa bhariyā daharatāya kāmesu atittā aññena taruṇabrāhmaṇena saddhiṃ micchācāraṃ cari. Soḷasa hi atappanīyavatthūni nāma. Katamāni soḷasa? Sāgaro sabbasavantīhi na tappati, aggi upādānena na tappati, rājā raṭṭhena na tappati, bālo pāpehi na tappati, itthī methunadhammena alaṅkārena vijāyanenāti imehi tīhi na tappati, brāhmaṇo mantehi na tappati, jhāyī vihārasamāpattiyā na tappati, sekkho apacayena na tappati, appiccho dhutaṅgaguṇena na tappati, āraddhavīriyo vīriyārambhena na tappati, dhammakathiko sākacchāya na tappati, visārado parisāya na tappati, saddho saṅghupaṭṭhānena na tappati, dāyako pariccāgena na tappati, paṇḍito dhammassavanena na tappati, catasso parisā tathāgatadassanena na tappantīti.
сааби б̣раахман̣ий мзт̇унад̇хаммзна, ад̇ид̇д̇аа д̇ам̣ б̣раахман̣ам̣ нийхарид̇ваа виссад̇т̇аа баабагаммам̣ гаад̇угаамаа худ̇ваа згад̣̇ивасам̣ д̣̇умманаа нибаж̇ж̇ид̇ваа ‘‘гим̣ бход̇ий’’д̇и вуд̇д̇аа ‘‘б̣раахман̣а, ахам̣ д̇ава г̇зхз гаммам̣ гаад̇ум̣ на саггоми, д̣̇аасид̣̇аасам̣ аанзхий’’д̇и ааха. ‘‘бход̇и д̇ханам̣ мз над̇т̇и, гим̣ д̣̇ад̇ваа аанзмий’’д̇и. ‘‘бхигкам̣ жарид̇ваа д̇ханам̣ бариязсид̇ваа аанзхий’’д̇и. ‘‘д̇зна хи бход̇и баат̇зяяам̣ мз саж̇ж̇зхий’’д̇и. ‘‘саа д̇асса б̣ад̣̇д̇хасад̇д̇уунан̃жа аб̣ад̣̇д̇хасад̇д̇уунан̃жа жаммабасиб̣б̣агам̣ буурзд̇ваа ад̣̇ааси’’. б̣раахман̣о г̇ааманиг̇амарааж̇ад̇хаанийсу жаранд̇о сад̇д̇а гахаабан̣асад̇аани лабхид̇ваа ‘‘алам̣ мз зд̇д̇агам̣ д̇ханам̣ д̣̇аасид̣̇аасамуулааяаа’’д̇и нивад̇д̇ид̇ваа ад̇д̇ано г̇аамам̣ ааг̇ажчанд̇о згасмим̣ уд̣̇агапаасугадтаанз басиб̣б̣агам̣ мун̃жид̇ваа сад̇д̇ум̣ каад̣̇ид̇ваа басиб̣б̣агамукам̣ аб̣анд̇хид̇ваава баанийяам̣ бивид̇ум̣ од̇ин̣н̣о. ат̇згасмим̣ ругкасусирз зго ган̣хасаббо сад̇д̇уг̇анд̇хам̣ гхааяид̇ваа басиб̣б̣агам̣ бависид̇ваа бхог̇ам̣ аабхуж̇ид̇ваа сад̇д̇ум̣ каад̣̇анд̇о нибаж̇ж̇и. б̣раахман̣о ааг̇анд̇ваа басиб̣б̣агасса аб̣бханд̇арам̣ анологзд̇ваа басиб̣б̣агам̣ б̣анд̇хид̇ваа ам̣сз гад̇ваа бааяааси. анд̇араамаг̇г̇з згасмим̣ ругкз ниб̣б̣ад̇д̇ад̣̇звад̇аа канд̇хавидабз тад̇ваа ‘‘б̣раахман̣а, сажз анд̇араамаг̇г̇з васиссаси, саяам̣ мариссаси, сажз аж̇ж̇а гхарам̣ г̇амиссаси, бхарияаа д̇з мариссад̇ий’’д̇и вад̇ваа анд̇арад̇хааяи. со ологзнд̇о д̣̇звад̇ам̣ ад̣̇исваа бхийд̇о маран̣абхаяад̇аж̇ж̇ид̇о род̣̇анд̇о барид̣̇званд̇о б̣аараан̣асинаг̇арад̣̇ваарам̣ самбаабун̣и.
Sāpi brāhmaṇī methunadhammena, atittā taṃ brāhmaṇaṃ nīharitvā vissatthā pāpakammaṃ kātukāmā hutvā ekadivasaṃ dummanā nipajjitvā ‘‘kiṃ bhotī’’ti vuttā ‘‘brāhmaṇa, ahaṃ tava gehe kammaṃ kātuṃ na sakkomi, dāsidāsaṃ ānehī’’ti āha. ‘‘Bhoti dhanaṃ me natthi, kiṃ datvā ānemī’’ti. ‘‘Bhikkhaṃ caritvā dhanaṃ pariyesitvā ānehī’’ti. ‘‘Tena hi bhoti pātheyyaṃ me sajjehī’’ti. ‘‘Sā tassa baddhasattūnañca abaddhasattūnañca cammapasibbakaṃ pūretvā adāsi’’. Brāhmaṇo gāmanigamarājadhānīsu caranto satta kahāpaṇasatāni labhitvā ‘‘alaṃ me ettakaṃ dhanaṃ dāsidāsamūlāyā’’ti nivattitvā attano gāmaṃ āgacchanto ekasmiṃ udakaphāsukaṭṭhāne pasibbakaṃ muñcitvā sattuṃ khāditvā pasibbakamukhaṃ abandhitvāva pānīyaṃ pivituṃ otiṇṇo. Athekasmiṃ rukkhasusire eko kaṇhasappo sattugandhaṃ ghāyitvā pasibbakaṃ pavisitvā bhogaṃ ābhujitvā sattuṃ khādanto nipajji. Brāhmaṇo āgantvā pasibbakassa abbhantaraṃ anoloketvā pasibbakaṃ bandhitvā aṃse katvā pāyāsi. Antarāmagge ekasmiṃ rukkhe nibbattadevatā khandhaviṭape ṭhatvā ‘‘brāhmaṇa, sace antarāmagge vasissasi, sayaṃ marissasi, sace ajja gharaṃ gamissasi, bhariyā te marissatī’’ti vatvā antaradhāyi. So olokento devataṃ adisvā bhīto maraṇabhayatajjito rodanto paridevanto bārāṇasinagaradvāraṃ sampāpuṇi.
д̇ад̣̇аа жа баннарасубосат̇о ход̇и алан̇гад̇ад̇хаммаасанз нисийд̣̇ид̇ваа б̣од̇хисад̇д̇асса д̇хаммагат̇анад̣̇ивасо. махааж̇ано наанааг̇анд̇хабубпаад̣̇ихад̇т̇о ваг̇г̇аваг̇г̇о худ̇ваа д̇хаммим̣ гат̇ам̣ сод̇ум̣ г̇ажчад̇и. б̣раахман̣о д̇ам̣ д̣̇исваа ‘‘гахам̣ г̇ажчат̇аа’’д̇и бужчид̇ваа ‘‘б̣раахман̣а, аж̇ж̇а сзнагабан̣д̣ид̇о мад̇хурассарзна б̣уд̣̇д̇халийл̣ааяа д̇хаммам̣ д̣̇зсзд̇и, гим̣ д̇вамби на ж̇аанаасий’’д̇и вуд̇д̇з жинд̇зси ‘‘бан̣д̣ид̇о гира д̇хаммагат̇иго, ахан̃жамхи маран̣абхаяад̇аж̇ж̇ид̇о, бан̣д̣ид̇аа ко бана маханд̇амби согам̣ харид̇ум̣ саггонд̇и, маяааби д̇ад̇т̇а г̇анд̇ваа д̇хаммам̣ сод̇ум̣ ваддад̇ий’’д̇и. со д̇зхи сад̣̇д̇хим̣ д̇ад̇т̇а г̇анд̇ваа махаасад̇д̇ам̣ бариваарзд̇ваа нисиннааяа сарааж̇игааяа барисааяа барияанд̇з сад̇д̇убасиб̣б̣агзна канд̇хаг̇ад̇зна д̇хаммаасанад̇о авид̣̇уурз маран̣абхаяад̇аж̇ж̇ид̇о род̣̇амаано адтааси. махаасад̇д̇о аагаасаг̇ан̇г̇ам̣ од̇аранд̇о вияа амад̇авассам̣ вассзнд̇о вияа жа д̇хаммам̣ д̣̇зсзси. махааж̇ано сан̃ж̇аад̇асоманассо саад̇хугаарам̣ д̣̇ад̇ваа д̇хаммам̣ ассоси.
Tadā ca pannarasuposatho hoti alaṅkatadhammāsane nisīditvā bodhisattassa dhammakathanadivaso. Mahājano nānāgandhapupphādihattho vaggavaggo hutvā dhammiṃ kathaṃ sotuṃ gacchati. Brāhmaṇo taṃ disvā ‘‘kahaṃ gacchathā’’ti pucchitvā ‘‘brāhmaṇa, ajja senakapaṇḍito madhurassarena buddhalīḷāya dhammaṃ deseti, kiṃ tvampi na jānāsī’’ti vutte cintesi ‘‘paṇḍito kira dhammakathiko, ahañcamhi maraṇabhayatajjito, paṇḍitā kho pana mahantampi sokaṃ harituṃ sakkonti, mayāpi tattha gantvā dhammaṃ sotuṃ vaṭṭatī’’ti. So tehi saddhiṃ tattha gantvā mahāsattaṃ parivāretvā nisinnāya sarājikāya parisāya pariyante sattupasibbakena khandhagatena dhammāsanato avidūre maraṇabhayatajjito rodamāno aṭṭhāsi. Mahāsatto ākāsagaṅgaṃ otaranto viya amatavassaṃ vassento viya ca dhammaṃ desesi. Mahājano sañjātasomanasso sādhukāraṃ datvā dhammaṃ assosi.
бан̣д̣ид̇аа жа наама д̣̇исаажагкугаа хонд̇и. д̇асмим̣ кан̣з махаасад̇д̇о басаннабан̃жабасаад̣̇аани агкийни уммийлзд̇ваа саманд̇ад̇о барисам̣ ологзнд̇о д̇ам̣ б̣раахман̣ам̣ д̣̇исваа жинд̇зси ‘‘зд̇д̇агаа барисаа соманассаж̇аад̇аа саад̇хугаарам̣ д̣̇ад̇ваа д̇хаммам̣ сун̣анд̇и, аяам̣ банзго б̣раахман̣о д̣̇оманассаббад̇д̇о род̣̇ад̇и, зд̇асса аб̣бханд̇арз ассуж̇ананасамад̇т̇зна согзна бхавид̇аб̣б̣ам̣, д̇амасса амб̣илзна бахарид̇ваа д̇амб̣амалам̣ вияа бад̣̇умабалаасад̇о уд̣̇агаб̣инд̣̇ум̣ вияа винивад̇д̇зд̇ваа зд̇т̇зва нам̣ ниссогам̣ д̇удтамаанасам̣ гад̇ваа д̇хаммам̣ д̣̇зсзссаамий’’д̇и. со д̇ам̣ ааманд̇зд̇ваа ‘‘б̣раахман̣а, сзнагабан̣д̣ид̇о наамаахам̣, ид̣̇аанзва д̇ам̣ ниссогам̣ гариссаами, виссад̇т̇о гат̇зхий’’д̇и д̇зна сад̣̇д̇хим̣ саллабанд̇о батамам̣ г̇аат̇амааха –
Paṇḍitā ca nāma disācakkhukā honti. Tasmiṃ khaṇe mahāsatto pasannapañcapasādāni akkhīni ummīletvā samantato parisaṃ olokento taṃ brāhmaṇaṃ disvā cintesi ‘‘ettakā parisā somanassajātā sādhukāraṃ datvā dhammaṃ suṇanti, ayaṃ paneko brāhmaṇo domanassappatto rodati, etassa abbhantare assujananasamatthena sokena bhavitabbaṃ, tamassa ambilena paharitvā tambamalaṃ viya padumapalāsato udakabinduṃ viya vinivattetvā ettheva naṃ nissokaṃ tuṭṭhamānasaṃ katvā dhammaṃ desessāmī’’ti. So taṃ āmantetvā ‘‘brāhmaṇa, senakapaṇḍito nāmāhaṃ, idāneva taṃ nissokaṃ karissāmi, vissattho kathehī’’ti tena saddhiṃ sallapanto paṭhamaṃ gāthamāha –
46.
46.
‘‘виб̣бханд̇ажид̇д̇о губид̇инд̣̇рияоси, нзд̇д̇зхи д̇з ваариг̇ан̣аа саванд̇и;
‘‘Vibbhantacitto kupitindriyosi, nettehi te vārigaṇā savanti;
гим̣ д̇з надтам̣ гим̣ бана бад̇т̇аяаано, ид̇хааг̇амаа б̣рахмз д̇ад̣̇ин̇гха б̣руухий’’д̇и.
Kiṃ te naṭṭhaṃ kiṃ pana patthayāno, idhāgamā brahme tadiṅgha brūhī’’ti.
д̇ад̇т̇а губид̇инд̣̇рияосийд̇и жагкунд̣̇рияамзва санд̇хааяа ‘‘губид̇инд̣̇рияосий’’д̇и ааха. ваариг̇ан̣аад̇и ассуб̣инд̣̇ууни. ин̇гхаад̇и жод̣̇анад̇т̇з нибаад̇о. д̇ан̃хи махаасад̇д̇о жод̣̇знд̇о звамааха ‘‘б̣раахман̣а, сад̇д̇аа наама д̣̇вийхи гааран̣зхи сожанд̇и барид̣̇званд̇и сад̇д̇асан̇каарзсу гисмин̃жид̣̇зва бияаж̇аад̇игз надтз ваа, гин̃жид̣̇зва бияаж̇аад̇игам̣ бад̇т̇зд̇ваа алабханд̇аа ваа. д̇ад̇т̇а гим̣ д̇з надтам̣, гим̣ ваа бана бад̇т̇аяанд̇о д̇вам̣ ид̇ха ааг̇ад̇о, ид̣̇ам̣ мз киббам̣ б̣руухий’’д̇и.
Tattha kupitindriyosīti cakkhundriyameva sandhāya ‘‘kupitindriyosī’’ti āha. Vārigaṇāti assubindūni. Iṅghāti codanatthe nipāto. Tañhi mahāsatto codento evamāha ‘‘brāhmaṇa, sattā nāma dvīhi kāraṇehi socanti paridevanti sattasaṅkhāresu kismiñcideva piyajātike naṭṭhe vā, kiñcideva piyajātikaṃ patthetvā alabhantā vā. Tattha kiṃ te naṭṭhaṃ, kiṃ vā pana patthayanto tvaṃ idha āgato, idaṃ me khippaṃ brūhī’’ti.
ат̇асса ад̇д̇ано согагааран̣ам̣ гат̇знд̇о б̣раахман̣о д̣̇уд̇ияам̣ г̇аат̇амааха –
Athassa attano sokakāraṇaṃ kathento brāhmaṇo dutiyaṃ gāthamāha –
47.
47.
‘‘мияязт̇а бхарияаа важ̇ад̇о мамаж̇ж̇а, аг̇ажчад̇о маран̣амааха яагко;
‘‘Miyyetha bhariyā vajato mamajja, agacchato maraṇamāha yakkho;
зд̇зна д̣̇угкзна бавзд̇хид̇осми, агкаахи мз сзнага зд̇амад̇т̇а’’нд̇и.
Etena dukkhena pavedhitosmi, akkhāhi me senaka etamattha’’nti.
д̇ад̇т̇а важ̇ад̇од̇и г̇зхам̣ г̇ажчанд̇асса. аг̇ажчад̇од̇и аг̇ажчанд̇асса. яагкод̇и анд̇араамаг̇г̇з згаа ругкад̣̇звад̇аа звамаахаад̇и вад̣̇ад̇и. саа гира д̣̇звад̇аа ‘‘басиб̣б̣агз д̇з б̣раахман̣а, ган̣хасаббо’’д̇и анаажигканд̇ий б̣од̇хисад̇д̇асса н̃аан̣аанубхааваббагаасанад̇т̇ам̣ наажигки. зд̇зна д̣̇угкзнаад̇и г̇ажчад̇о бхарияааяа маран̣ад̣̇угкзна, аг̇ажчад̇о ад̇д̇ано маран̣ад̣̇угкзна, д̇знасми бавзд̇хид̇о гхаддид̇о гамбид̇о. зд̇амад̇т̇анд̇и зд̇ам̣ гааран̣ам̣. язна мз гааран̣зна г̇ажчад̇о бхарияааяа маран̣ам̣, аг̇ажчад̇о ад̇д̇ано маран̣ам̣ ход̇и, зд̇ам̣ мз гааран̣ам̣ аажигкаахийд̇и ад̇т̇о.
Tattha vajatoti gehaṃ gacchantassa. Agacchatoti agacchantassa. Yakkhoti antarāmagge ekā rukkhadevatā evamāhāti vadati. Sā kira devatā ‘‘pasibbake te brāhmaṇa, kaṇhasappo’’ti anācikkhantī bodhisattassa ñāṇānubhāvappakāsanatthaṃ nācikkhi. Etena dukkhenāti gacchato bhariyāya maraṇadukkhena, agacchato attano maraṇadukkhena, tenasmi pavedhito ghaṭṭito kampito. Etamatthanti etaṃ kāraṇaṃ. Yena me kāraṇena gacchato bhariyāya maraṇaṃ, agacchato attano maraṇaṃ hoti, etaṃ me kāraṇaṃ ācikkhāhīti attho.
махаасад̇д̇о б̣раахман̣асса важанам̣ суд̇ваа самуд̣̇д̣̇амад̇т̇агз ж̇аалам̣ кибанд̇о вияа н̃аан̣аж̇аалам̣ бад̇т̇арид̇ваа ‘‘имзсам̣ сад̇д̇аанам̣ б̣ахууни маран̣агааран̣аани. самуд̣̇д̣̇з нимуг̇г̇ааби маранд̇и, д̇ад̇т̇а ваал̣амажчзхи г̇ахид̇ааби, г̇ан̇г̇ааяа бад̇ид̇ааби, д̇ад̇т̇а сусумаарзхи г̇ахид̇ааби, ругкад̇о бад̇ид̇ааби, ган̣дагзна вид̣̇д̇хааби, наанаббагаарзхи аавуд̇хзхи бахадааби, висам̣ каад̣̇ид̇вааби, уб̣б̣анд̇хид̇вааби, бабаад̇з бад̇ид̇ааби, ад̇исийд̇аад̣̇ийхи ваа наанаббагаарзхи ваа рог̇зхи убад̣̇д̣̇уд̇ааби маранд̇иязва, звам̣ б̣ахуусу маран̣агааран̣зсу гад̇арзна ну ко гааран̣зна аж̇ж̇зса б̣раахман̣о анд̇араамаг̇г̇з васанд̇о саяам̣ мариссад̇и, г̇зхамасса важ̇ад̇о бхарияаа мариссад̇ий’’д̇и жинд̇зси. жинд̇знд̇о зва б̣раахман̣асса канд̇хз басиб̣б̣агам̣ д̣̇исваа ‘‘имасмим̣ басиб̣б̣агз згзна саббзна бавидтзна бхавид̇аб̣б̣ам̣, бависанд̇о жа банзсо имасмим̣ б̣раахман̣з баад̇араасасамаяз сад̇д̇ум̣ каад̣̇ид̇ваа басиб̣б̣агамукам̣ аб̣анд̇хид̇ваа баанийяам̣ баад̇ум̣ г̇ад̇з сад̇д̇уг̇анд̇хзна саббо бавидто бхависсад̇и. б̣раахман̣оби баанийяам̣ бивид̇ваа ааг̇ад̇о саббасса бавидтабхаавам̣ аж̇аанид̇ваа басиб̣б̣агам̣ б̣анд̇хид̇ваа аад̣̇ааяа багганд̇о бхависсад̇и, сажааяам̣ анд̇араамаг̇г̇з васанд̇о сааяам̣ васанадтаанз ‘‘сад̇д̇ум̣ каад̣̇иссаамий’’д̇и басиб̣б̣агам̣ мун̃жид̇ваа хад̇т̇ам̣ бавзсзссад̇и , ат̇а нам̣ саббо хад̇т̇з д̣ам̣сид̇ваа ж̇ийвид̇агкаяам̣ баабзссад̇и, ид̣̇амасса анд̇араамаг̇г̇з васанд̇асса маран̣агааран̣ам̣. сажз бана г̇зхам̣ г̇ажчзяяа, басиб̣б̣аго бхарияааяа хад̇т̇аг̇ад̇о бхависсад̇и, саа ‘анд̇обхан̣д̣ам̣ ологзссаамий’’д̇и басиб̣б̣агам̣ мун̃жид̇ваа хад̇т̇ам̣ бавзсзссад̇и, ат̇а нам̣ саббо д̣ам̣сид̇ваа ж̇ийвид̇агкаяам̣ баабзссад̇и, ид̣̇амасса аж̇ж̇а г̇зхам̣ г̇ад̇асса бхарияааяа маран̣агааран̣а’’нд̇и убааяагосаллан̃аан̣знзва ан̃н̃ааси.
Mahāsatto brāhmaṇassa vacanaṃ sutvā samuddamatthake jālaṃ khipanto viya ñāṇajālaṃ pattharitvā ‘‘imesaṃ sattānaṃ bahūni maraṇakāraṇāni. Samudde nimuggāpi maranti, tattha vāḷamacchehi gahitāpi, gaṅgāya patitāpi, tattha susumārehi gahitāpi, rukkhato patitāpi, kaṇṭakena viddhāpi, nānappakārehi āvudhehi pahaṭāpi, visaṃ khāditvāpi, ubbandhitvāpi, papāte patitāpi, atisītādīhi vā nānappakārehi vā rogehi upaddutāpi marantiyeva, evaṃ bahūsu maraṇakāraṇesu katarena nu kho kāraṇena ajjesa brāhmaṇo antarāmagge vasanto sayaṃ marissati, gehamassa vajato bhariyā marissatī’’ti cintesi. Cintento eva brāhmaṇassa khandhe pasibbakaṃ disvā ‘‘imasmiṃ pasibbake ekena sappena paviṭṭhena bhavitabbaṃ, pavisanto ca paneso imasmiṃ brāhmaṇe pātarāsasamaye sattuṃ khāditvā pasibbakamukhaṃ abandhitvā pānīyaṃ pātuṃ gate sattugandhena sappo paviṭṭho bhavissati. Brāhmaṇopi pānīyaṃ pivitvā āgato sappassa paviṭṭhabhāvaṃ ajānitvā pasibbakaṃ bandhitvā ādāya pakkanto bhavissati, sacāyaṃ antarāmagge vasanto sāyaṃ vasanaṭṭhāne ‘‘sattuṃ khādissāmī’’ti pasibbakaṃ muñcitvā hatthaṃ pavesessati , atha naṃ sappo hatthe ḍaṃsitvā jīvitakkhayaṃ pāpessati, idamassa antarāmagge vasantassa maraṇakāraṇaṃ. Sace pana gehaṃ gaccheyya, pasibbako bhariyāya hatthagato bhavissati, sā ‘antobhaṇḍaṃ olokessāmī’’ti pasibbakaṃ muñcitvā hatthaṃ pavesessati, atha naṃ sappo ḍaṃsitvā jīvitakkhayaṃ pāpessati, idamassa ajja gehaṃ gatassa bhariyāya maraṇakāraṇa’’nti upāyakosallañāṇeneva aññāsi.
ат̇асса зд̇ад̣̇ахоси ‘‘иминаа ган̣хасаббзна суурзна ниб̣бхаязна бхавид̇аб̣б̣ам̣. аяан̃хи б̣раахман̣асса махаапаасугам̣ бахаранд̇оби басиб̣б̣агз ад̇д̇ано жаланам̣ ваа панд̣̇анам̣ ваа на д̣̇ассзд̇и, зваруубааяа барисааяа маж̇жхзби ад̇д̇ано ад̇т̇ибхаавам̣ на д̣̇ассзд̇и, д̇асмаа иминаа ган̣хасаббзна суурзна ниб̣бхаязна бхавид̇аб̣б̣а’’нд̇и. ид̣̇амби со убааяагосаллан̃аан̣знзва д̣̇иб̣б̣ажагкунаа бассанд̇о вияа ан̃н̃ааси. звам̣ сарааж̇игааяа барисааяа маж̇жхз саббам̣ басиб̣б̣агам̣ бависанд̇ам̣ д̣̇исваа тид̇абурисо вияа махаасад̇д̇о убааяагосаллан̃аан̣знзва барижчинд̣̇ид̇ваа б̣раахман̣асса бан̃хам̣ гат̇знд̇о д̇ад̇ияам̣ г̇аат̇амааха –
Athassa etadahosi ‘‘iminā kaṇhasappena sūrena nibbhayena bhavitabbaṃ. Ayañhi brāhmaṇassa mahāphāsukaṃ paharantopi pasibbake attano calanaṃ vā phandanaṃ vā na dasseti, evarūpāya parisāya majjhepi attano atthibhāvaṃ na dasseti, tasmā iminā kaṇhasappena sūrena nibbhayena bhavitabba’’nti. Idampi so upāyakosallañāṇeneva dibbacakkhunā passanto viya aññāsi. Evaṃ sarājikāya parisāya majjhe sappaṃ pasibbakaṃ pavisantaṃ disvā ṭhitapuriso viya mahāsatto upāyakosallañāṇeneva paricchinditvā brāhmaṇassa pañhaṃ kathento tatiyaṃ gāthamāha –
48.
48.
‘‘б̣ахууни таанаани вижинд̇аяид̇ваа, яамзд̇т̇а вагкаами д̇ад̣̇зва сажжам̣;
‘‘Bahūni ṭhānāni vicintayitvā, yamettha vakkhāmi tadeva saccaṃ;
ман̃н̃аами д̇з б̣раахман̣а сад̇д̇убхасд̇ам̣, аж̇аанад̇о ган̣хасаббо бавидто’’д̇и.
Maññāmi te brāhmaṇa sattubhastaṃ, ajānato kaṇhasappo paviṭṭho’’ti.
д̇ад̇т̇а б̣ахууни таанаанийд̇и б̣ахууни гааран̣аани. вижинд̇аяид̇ваад̇и бадивиж̇жхид̇ваа жинд̇аавасзна бавад̇д̇абадивзд̇хо худ̇ваа. яамзд̇т̇а вагкаамийд̇и яам̣ д̇з ахам̣ зд̇зсу гааран̣зсу зд̇ам̣ гааран̣ам̣ вагкаами. д̇ад̣̇зва сажжанд̇и д̇ад̣̇зва д̇ат̇ам̣ д̣̇иб̣б̣ажагкунаа д̣̇исваа гат̇ид̇асад̣̇исам̣ бхависсад̇ийд̇и д̣̇ийбзд̇и. ман̃н̃аамийд̇и саллагкзми. сад̇д̇убхасд̇анд̇и сад̇д̇убасиб̣б̣агам̣. аж̇аанад̇од̇и аж̇аананд̇ассзва зго ган̣хасаббо бавидтод̇и ман̃н̃аамийд̇и.
Tattha bahūni ṭhānānīti bahūni kāraṇāni. Vicintayitvāti paṭivijjhitvā cintāvasena pavattapaṭivedho hutvā. Yamettha vakkhāmīti yaṃ te ahaṃ etesu kāraṇesu etaṃ kāraṇaṃ vakkhāmi. Tadeva saccanti tadeva tathaṃ dibbacakkhunā disvā kathitasadisaṃ bhavissatīti dīpeti. Maññāmīti sallakkhemi. Sattubhastanti sattupasibbakaṃ. Ajānatoti ajānantasseva eko kaṇhasappo paviṭṭhoti maññāmīti.
зван̃жа бана вад̇ваа ‘‘ад̇т̇и д̇з б̣раахман̣а, зд̇асмим̣ басиб̣б̣агз сад̇д̇уу’’д̇и бужчи. ‘‘ад̇т̇и, бан̣д̣ид̇аа’’д̇и. ‘‘аж̇ж̇а баад̇араасавзлааяа сад̇д̇ум̣ каад̣̇ий’’д̇и? ‘‘аама, бан̣д̣ид̇аа’’д̇и. ‘‘гад̇т̇а нисийд̣̇ид̇ваа’’д̇и? ‘‘аран̃н̃з ругкамууласмим̣, бан̣д̣ид̇аа’’д̇и. ‘‘сад̇д̇ум̣ каад̣̇ид̇ваа баанийяам̣ баад̇ум̣ г̇ажчанд̇о басиб̣б̣агамукам̣ б̣анд̇хи, на б̣анд̇хий’’д̇и? ‘‘на б̣анд̇хим̣, бан̣д̣ид̇аа’’д̇и. ‘‘баанийяам̣ бивид̇ваа ааг̇ад̇о басиб̣б̣агам̣ ологзд̇ваа б̣анд̇хий’’д̇и. ‘‘анологзд̇ваава б̣анд̇хим̣, бан̣д̣ид̇аа’’д̇и. ‘‘б̣раахман̣а, д̇ава баанийяам̣ баад̇ум̣ г̇ад̇агаалз аж̇аананд̇ассзва д̇з сад̇д̇уг̇анд̇хзна басиб̣б̣агам̣ саббо бавидтод̇и ман̃н̃аами, звамзд̇т̇а ааг̇ад̇о д̇вам̣, д̇асмаа басиб̣б̣агам̣ од̇аарзд̇ваа барисамаж̇жхз табзд̇ваа басиб̣б̣агамукам̣ можзд̇ваа бадиггамма тид̇о згам̣ д̣̇ан̣д̣агам̣ г̇ахзд̇ваа басиб̣б̣агам̣ д̇аава бахара, д̇ад̇о бад̇т̇адапан̣ам̣ сусууд̇исад̣̇д̣̇ам̣ гад̇ваа нигкаманд̇ам̣ ган̣хасаббам̣ д̣̇исваа нигган̇ко бхависсад̇ий’’д̇и жад̇уд̇т̇ам̣ г̇аат̇амааха –
Evañca pana vatvā ‘‘atthi te brāhmaṇa, etasmiṃ pasibbake sattū’’ti pucchi. ‘‘Atthi, paṇḍitā’’ti. ‘‘Ajja pātarāsavelāya sattuṃ khādī’’ti? ‘‘Āma, paṇḍitā’’ti. ‘‘Kattha nisīditvā’’ti? ‘‘Araññe rukkhamūlasmiṃ, paṇḍitā’’ti. ‘‘Sattuṃ khāditvā pānīyaṃ pātuṃ gacchanto pasibbakamukhaṃ bandhi, na bandhī’’ti? ‘‘Na bandhiṃ, paṇḍitā’’ti. ‘‘Pānīyaṃ pivitvā āgato pasibbakaṃ oloketvā bandhī’’ti. ‘‘Anoloketvāva bandhiṃ, paṇḍitā’’ti. ‘‘Brāhmaṇa, tava pānīyaṃ pātuṃ gatakāle ajānantasseva te sattugandhena pasibbakaṃ sappo paviṭṭhoti maññāmi, evamettha āgato tvaṃ, tasmā pasibbakaṃ otāretvā parisamajjhe ṭhapetvā pasibbakamukhaṃ mocetvā paṭikkamma ṭhito ekaṃ daṇḍakaṃ gahetvā pasibbakaṃ tāva pahara, tato patthaṭaphaṇaṃ susūtisaddaṃ katvā nikkhamantaṃ kaṇhasappaṃ disvā nikkaṅkho bhavissatī’’ti catutthaṃ gāthamāha –
49.
49.
‘‘аад̣̇ааяа д̣̇ан̣д̣ам̣ барисумбха бхасд̇ам̣, бассзл̣амууг̇ам̣ ураг̇ам̣ д̣̇уж̇ивхам̣;
‘‘Ādāya daṇḍaṃ parisumbha bhastaṃ, passeḷamūgaṃ uragaṃ dujivhaṃ;
чинд̣̇аж̇ж̇а ган̇кам̣ вижигижчид̇аани, бхуж̇ан̇г̇амам̣ басса бамун̃жа бхасд̇а’’нд̇и.
Chindajja kaṅkhaṃ vicikicchitāni, bhujaṅgamaṃ passa pamuñca bhasta’’nti.
д̇ад̇т̇а барисумбхаад̇и бахара. бассзл̣амууг̇анд̇и зл̣ам̣ баг̇гхаранд̇зна мукзна зл̣амууг̇ам̣ басиб̣б̣агад̇о нигкаманд̇ам̣ д̣̇уж̇ивхам̣ ураг̇ам̣ басса. чанд̣̇аж̇ж̇а ган̇кам̣ вижигижчид̇аанийд̇и ‘‘ад̇т̇и ну ко мз басиб̣б̣агз саббо, уд̣̇ааху над̇т̇ий’’д̇и ган̇камзва бунаббунам̣ уббаж̇ж̇амаанаани вижигижчид̇аани жа аж̇ж̇а чинд̣̇а, маяхам̣ сад̣̇д̣̇аха, авид̇ат̇ан̃хи мз взяяаагаран̣ам̣, ид̣̇аанзва нигкаманд̇ам̣ бхуж̇ан̇г̇амам̣ басса бамун̃жа бхасд̇анд̇и.
Tattha parisumbhāti pahara. Passeḷamūganti eḷaṃ paggharantena mukhena eḷamūgaṃ pasibbakato nikkhamantaṃ dujivhaṃ uragaṃ passa. Chandajja kaṅkhaṃ vicikicchitānīti ‘‘atthi nu kho me pasibbake sappo, udāhu natthī’’ti kaṅkhameva punappunaṃ uppajjamānāni vicikicchitāni ca ajja chinda, mayhaṃ saddaha, avitathañhi me veyyākaraṇaṃ, idāneva nikkhamantaṃ bhujaṅgamaṃ passa pamuñca bhastanti.
б̣раахман̣о махаасад̇д̇асса гат̇ам̣ суд̇ваа сам̣виг̇г̇о бхаяаббад̇д̇о д̇ат̇аа агааси. саббоби сад̇д̇убхасд̇з д̣̇ан̣д̣зна бахадз басиб̣б̣агамукаа нигкамид̇ваа махааж̇анам̣ ологзнд̇о адтааси. д̇амад̇т̇ам̣ багаасзнд̇о сад̇т̇аа бан̃жамам̣ г̇аат̇амааха –
Brāhmaṇo mahāsattassa kathaṃ sutvā saṃviggo bhayappatto tathā akāsi. Sappopi sattubhaste daṇḍena pahaṭe pasibbakamukhā nikkhamitvā mahājanaṃ olokento aṭṭhāsi. Tamatthaṃ pakāsento satthā pañcamaṃ gāthamāha –
50.
50.
‘‘сам̣виг̇г̇аруубо барисааяа маж̇жхз, со б̣раахман̣о сад̇д̇убхасд̇ам̣ бамун̃жи;
‘‘Saṃviggarūpo parisāya majjhe, so brāhmaṇo sattubhastaṃ pamuñci;
ат̇а нигками ураг̇о уг̇г̇ад̇зж̇о, аасийвисо саббо пан̣ам̣ гарид̇ваа’’д̇и.
Atha nikkhami urago uggatejo, āsīviso sappo phaṇaṃ karitvā’’ti.
саббасса пан̣ам̣ гад̇ваа нигканд̇агаалз ‘‘махаасад̇д̇асса саб̣б̣ан̃н̃уб̣уд̣̇д̇хассзва б̣яаагаран̣ам̣ ахосий’’д̇и махааж̇ано жзлугкзбасахассаани бавад̇д̇зси, ан̇г̇улиподанасахассаани бариб̣бхамим̣су, гханамзгхавассам̣ вияа сад̇д̇арад̇анавассам̣ васси, саад̇хугаарасахассаани бавад̇д̇им̣су, махаабат̇авийбхиж̇ж̇анасад̣̇д̣̇о вияа ахоси. ид̣̇ам̣ бана б̣уд̣̇д̇халийл̣ааяа зваруубасса бан̃хасса гат̇анам̣ наама нзва ж̇аад̇ияаа б̣алам̣, на г̇од̇д̇агулаббад̣̇зсаанам̣ б̣алам̣, гасса банзд̇ам̣ б̣аланд̇и? бан̃н̃ааяа б̣алам̣. бан̃н̃аваа хи буг̇г̇ало вибассанам̣ вад̣дхзд̇ваа арияамаг̇г̇ад̣̇ваарам̣ виварид̇ваа амад̇амахааниб̣б̣аанам̣ бависад̇и, саавагабаарамимби бажжзгаб̣од̇химби саммаасамб̣од̇химби бадивиж̇жхад̇и. амад̇амахааниб̣б̣аанасамбаабагзсу хи д̇хаммзсу бан̃н̃аава сздтаа, авасзсаа д̇ассаа бариваараа хонд̇и. д̇знзд̇ам̣ вуд̇д̇ам̣ –
Sappassa phaṇaṃ katvā nikkhantakāle ‘‘mahāsattassa sabbaññubuddhasseva byākaraṇaṃ ahosī’’ti mahājano celukkhepasahassāni pavattesi, aṅguliphoṭanasahassāni paribbhamiṃsu, ghanameghavassaṃ viya sattaratanavassaṃ vassi, sādhukārasahassāni pavattiṃsu, mahāpathavībhijjanasaddo viya ahosi. Idaṃ pana buddhalīḷāya evarūpassa pañhassa kathanaṃ nāma neva jātiyā balaṃ, na gottakulappadesānaṃ balaṃ, kassa panetaṃ balanti? Paññāya balaṃ. Paññavā hi puggalo vipassanaṃ vaḍḍhetvā ariyamaggadvāraṃ vivaritvā amatamahānibbānaṃ pavisati, sāvakapāramimpi paccekabodhimpi sammāsambodhimpi paṭivijjhati. Amatamahānibbānasampāpakesu hi dhammesu paññāva seṭṭhā, avasesā tassā parivārā honti. Tenetaṃ vuttaṃ –
‘‘бан̃н̃аа хи сздтаа гусалаа вад̣̇анд̇и, нагкад̇д̇арааж̇аарива д̇аарагаанам̣;
‘‘Paññā hi seṭṭhā kusalā vadanti, nakkhattarājāriva tārakānaṃ;
сийлам̣ сирий жааби сад̇ан̃жа д̇хаммо, анвааяигаа бан̃н̃авад̇о бхаванд̇ий’’д̇и. (ж̇аа. 2.17.81);
Sīlaṃ sirī cāpi satañca dhammo, anvāyikā paññavato bhavantī’’ti. (jā. 2.17.81);
звам̣ гат̇ид̇з жа бана махаасад̇д̇зна бан̃хз зго ахид̇ун̣д̣иго саббасса мукаб̣анд̇ханам̣ гад̇ваа саббам̣ г̇ахзд̇ваа аран̃н̃з виссаж̇ж̇зси. б̣раахман̣о рааж̇аанам̣ убасан̇гамид̇ваа ж̇аяаабзд̇ваа ан̃ж̇алим̣ баг̇г̇аяха ран̃н̃о т̇уд̇им̣ гаронд̇о убад̣дхаг̇аат̇амааха –
Evaṃ kathite ca pana mahāsattena pañhe eko ahituṇḍiko sappassa mukhabandhanaṃ katvā sappaṃ gahetvā araññe vissajjesi. Brāhmaṇo rājānaṃ upasaṅkamitvā jayāpetvā añjaliṃ paggayha rañño thutiṃ karonto upaḍḍhagāthamāha –
51.
51.
‘‘сулад̣̇д̇халаабхаа ж̇анагасса ран̃н̃о;
‘‘Suladdhalābhā janakassa rañño;
яо бассад̇ий сзнагам̣ саад̇хубан̃н̃а’’нд̇и.
Yo passatī senakaṃ sādhupañña’’nti.
д̇ассад̇т̇о – яо саад̇хубан̃н̃ам̣ уд̇д̇амабан̃н̃ам̣ сзнагабан̣д̣ид̇ам̣ агкийни уммийлзд̇ваа ижчид̇ижчид̇агкан̣з бияажагкуухи бассид̇ум̣ лабхад̇и, д̇асса ран̃н̃о ж̇анагасса зд̇з ижчид̇ижчид̇агкан̣з д̣̇ассаналаабхаа сулад̣̇д̇халаабхаа вад̇а, зд̇зна лад̣̇д̇хзсу саб̣б̣алаабхзсу зд̇зва лаабхаа сулад̣̇д̇халаабхаа наамаад̇и.
Tassattho – yo sādhupaññaṃ uttamapaññaṃ senakapaṇḍitaṃ akkhīni ummīletvā icchiticchitakkhaṇe piyacakkhūhi passituṃ labhati, tassa rañño janakassa ete icchiticchitakkhaṇe dassanalābhā suladdhalābhā vata, etena laddhesu sabbalābhesu eteva lābhā suladdhalābhā nāmāti.
б̣раахман̣оби ран̃н̃о т̇уд̇им̣ гад̇ваа буна басиб̣б̣агад̇о сад̇д̇а гахаабан̣асад̇аани г̇ахзд̇ваа махаасад̇д̇асса т̇уд̇им̣ гад̇ваа д̇удтид̣̇ааяам̣ д̣̇аад̇угаамо д̣̇ияад̣дхаг̇аат̇амааха –
Brāhmaṇopi rañño thutiṃ katvā puna pasibbakato satta kahāpaṇasatāni gahetvā mahāsattassa thutiṃ katvā tuṭṭhidāyaṃ dātukāmo diyaḍḍhagāthamāha –
‘‘виваддачад̣̇д̣̇о нуси саб̣б̣ад̣̇ассий, н̃аан̣ам̣ ну д̇з б̣раахман̣а бхим̣саруубам̣.
‘‘Vivaṭṭachaddo nusi sabbadassī, ñāṇaṃ nu te brāhmaṇa bhiṃsarūpaṃ.
52.
52.
‘‘имаани мз сад̇д̇асад̇аани ад̇т̇и, г̇ан̣хаахи саб̣б̣аани д̣̇ад̣̇аами д̇уяхам̣;
‘‘Imāni me sattasatāni atthi, gaṇhāhi sabbāni dadāmi tuyhaṃ;
д̇аяаа хи мз ж̇ийвид̇амаж̇ж̇а лад̣̇д̇хам̣, ат̇оби бхарияааяа магааси сод̇т̇и’’нд̇и.
Tayā hi me jīvitamajja laddhaṃ, athopi bhariyāya makāsi sotthi’’nti.
д̇ад̇т̇а виваддачад̣̇д̣̇о нуси саб̣б̣ад̣̇ассийд̇и гим̣ ну ко д̇вам̣ саб̣б̣зсу д̇хаммаагаарзсу виваддачад̣̇ано вивадданзяяад̇хаммо саб̣б̣ан̃н̃уб̣уд̣̇д̇ход̇и т̇уд̇ивасзна бужчад̇и. н̃аан̣ам̣ ну д̇з б̣раахман̣а бхим̣саруубанд̇и уд̣̇ааху асаб̣б̣ан̃н̃уссаби сад̇о д̇ава н̃аан̣ам̣ ад̇ивияа бхим̣саруубам̣ саб̣б̣ан̃н̃уд̇ан̃н̃аан̣ам̣ вияа б̣алаванд̇и. д̇аяаа хи мзд̇и д̇аяаа хи д̣̇иннад̇д̇аа аж̇ж̇а маяаа ж̇ийвид̇ам̣ лад̣̇д̇хам̣. ат̇оби бхарияааяа магааси сод̇т̇инд̇и ат̇оби мз бхарияааяа д̇вамзва сод̇т̇им̣ агааси.
Tattha vivaṭṭachaddo nusi sabbadassīti kiṃ nu kho tvaṃ sabbesu dhammākāresu vivaṭṭachadano vivaṭṭaneyyadhammo sabbaññubuddhoti thutivasena pucchati. Ñāṇaṃ nu te brāhmaṇa bhiṃsarūpanti udāhu asabbaññussapi sato tava ñāṇaṃ ativiya bhiṃsarūpaṃ sabbaññutaññāṇaṃ viya balavanti. Tayā hi meti tayā hi dinnattā ajja mayā jīvitaṃ laddhaṃ. Athopi bhariyāya makāsi sotthinti athopi me bhariyāya tvameva sotthiṃ akāsi.
ид̇и со вад̇ваа ‘‘сажзби сад̇асахассам̣ бхавзяяа, д̣̇ад̣̇зяяамзваахам̣, зд̇д̇агамзва мз д̇ханам̣, имаани мз сад̇д̇а сад̇аани г̇ан̣хаа’’д̇и бунаббунам̣ б̣од̇хисад̇д̇ам̣ яаажи. д̇ам̣ суд̇ваа б̣од̇хисад̇д̇о адтамам̣ г̇аат̇амааха –
Iti so vatvā ‘‘sacepi satasahassaṃ bhaveyya, dadeyyamevāhaṃ, ettakameva me dhanaṃ, imāni me satta satāni gaṇhā’’ti punappunaṃ bodhisattaṃ yāci. Taṃ sutvā bodhisatto aṭṭhamaṃ gāthamāha –
53.
53.
‘‘на бан̣д̣ид̇аа взд̇анамаад̣̇ияанд̇и, жид̇раахи г̇аат̇аахи субхаасид̇аахи;
‘‘Na paṇḍitā vetanamādiyanti, citrāhi gāthāhi subhāsitāhi;
ид̇оби д̇з б̣рахмз д̣̇ад̣̇анд̇у вид̇д̇ам̣, аад̣̇ааяа д̇вам̣ г̇ажча сагам̣ нигзд̇а’’нд̇и.
Itopi te brahme dadantu vittaṃ, ādāya tvaṃ gaccha sakaṃ niketa’’nti.
д̇ад̇т̇а взд̇ананд̇и взд̇д̇анам̣, аяамзва ваа баато. ид̇оби д̇з б̣рахмзд̇и б̣раахман̣а, ид̇о мама баад̣̇амуулад̇оби д̇уяхам̣ д̇ханам̣ д̣̇ад̣̇анд̇у. вид̇д̇ам̣ аад̣̇ааяа д̇вам̣ г̇ажчаад̇и ид̇о ан̃н̃аани д̇ийн̣и сад̇аани г̇ахзд̇ваа сахассабхан̣д̣игам̣ аад̣̇ааяа саганивзсанам̣ г̇ажча.
Tattha vetananti vettanaṃ, ayameva vā pāṭho. Itopi te brahmeti brāhmaṇa, ito mama pādamūlatopi tuyhaṃ dhanaṃ dadantu. Vittaṃ ādāya tvaṃ gacchāti ito aññāni tīṇi satāni gahetvā sahassabhaṇḍikaṃ ādāya sakanivesanaṃ gaccha.
зван̃жа бана вад̇ваа махаасад̇д̇о б̣раахман̣асса сахассам̣ буураабзнд̇о гахаабан̣з д̣̇аабзд̇ваа ‘‘б̣раахман̣а, гзна д̇вам̣ д̇ханабхигкааяа бзсид̇о’’д̇и бужчи. ‘‘бхарияааяа мз бан̣д̣ид̇аа’’д̇и. ‘‘бхарияаа бана д̇з махаллигаа, д̣̇ахараа’’д̇и. ‘‘д̣̇ахараа, бан̣д̣ид̇аа’’д̇и. ‘‘д̇зна хи саа ан̃н̃зна сад̣̇д̇хим̣ анаажаарам̣ гаронд̇ий ‘ниб̣бхаяаа худ̇ваа гариссаамий’д̇и д̇ам̣ бзсзси, сажз имз гахаабан̣з гхарам̣ нзссаси, саа д̇з д̣̇угкзна лад̣̇д̇хагахаабан̣з ад̇д̇ано ж̇аарасса д̣̇ассад̇и, д̇асмаа д̇вам̣ уж̇угамзва г̇зхам̣ аг̇анд̇ваа б̣ахиг̇аамз ругкамуулз ваа яад̇т̇а гад̇т̇ажи ваа гахаабан̣з табзд̇ваа бависзяяаасий’’д̇и вад̇ваа д̇ам̣ уяяож̇зси. со г̇аамасамийбам̣ г̇анд̇ваа згасмим̣ ругкамуулз гахаабан̣з табзд̇ваа сааяам̣ г̇зхам̣ аг̇амааси. бхарияаабисса д̇асмим̣ кан̣з ж̇аарзна сад̣̇д̇хим̣ нисиннаа ахоси. б̣раахман̣о д̣̇ваарз тад̇ваа ‘‘бход̇ий’’д̇и ааха. саа д̇асса сад̣̇д̣̇ам̣ саллагкзд̇ваа д̣̇ийбам̣ ниб̣б̣аабзд̇ваа д̣̇ваарам̣ виварид̇ваа б̣раахман̣з анд̇о бавидтз ид̇арам̣ нийхарид̇ваа д̣̇ваарамуулз табзд̇ваа г̇зхам̣ бависид̇ваа басиб̣б̣агз гин̃жи ад̣̇исваа ‘‘б̣раахман̣а, гим̣ д̇з бхигкам̣ жарид̇ваа лад̣̇д̇ха’’нд̇и бужчи. ‘‘сахассам̣ мз лад̣̇д̇ха’’нд̇и. ‘‘гахам̣ бана д̇а’’нд̇и. ‘‘асугадтаанз наама табид̇ам̣, баад̇ова аахариссаами, маа жинд̇аяий’’д̇и. саа г̇анд̇ваа ж̇аарасса аажигки. со нигкамид̇ваа ад̇д̇анаа табид̇ам̣ вияа г̇ан̣хи.
Evañca pana vatvā mahāsatto brāhmaṇassa sahassaṃ pūrāpento kahāpaṇe dāpetvā ‘‘brāhmaṇa, kena tvaṃ dhanabhikkhāya pesito’’ti pucchi. ‘‘Bhariyāya me paṇḍitā’’ti. ‘‘Bhariyā pana te mahallikā, daharā’’ti. ‘‘Daharā, paṇḍitā’’ti. ‘‘Tena hi sā aññena saddhiṃ anācāraṃ karontī ‘nibbhayā hutvā karissāmī’ti taṃ pesesi, sace ime kahāpaṇe gharaṃ nessasi, sā te dukkhena laddhakahāpaṇe attano jārassa dassati, tasmā tvaṃ ujukameva gehaṃ agantvā bahigāme rukkhamūle vā yattha katthaci vā kahāpaṇe ṭhapetvā paviseyyāsī’’ti vatvā taṃ uyyojesi. So gāmasamīpaṃ gantvā ekasmiṃ rukkhamūle kahāpaṇe ṭhapetvā sāyaṃ gehaṃ agamāsi. Bhariyāpissa tasmiṃ khaṇe jārena saddhiṃ nisinnā ahosi. Brāhmaṇo dvāre ṭhatvā ‘‘bhotī’’ti āha. Sā tassa saddaṃ sallakkhetvā dīpaṃ nibbāpetvā dvāraṃ vivaritvā brāhmaṇe anto paviṭṭhe itaraṃ nīharitvā dvāramūle ṭhapetvā gehaṃ pavisitvā pasibbake kiñci adisvā ‘‘brāhmaṇa, kiṃ te bhikkhaṃ caritvā laddha’’nti pucchi. ‘‘Sahassaṃ me laddha’’nti. ‘‘Kahaṃ pana ta’’nti. ‘‘Asukaṭṭhāne nāma ṭhapitaṃ, pātova āharissāmi, mā cintayī’’ti. Sā gantvā jārassa ācikkhi. So nikkhamitvā attanā ṭhapitaṃ viya gaṇhi.
б̣раахман̣о бунад̣̇ивасз г̇анд̇ваа гахаабан̣з абассанд̇о б̣од̇хисад̇д̇асса санд̇игам̣ г̇анд̇ваа ‘‘гим̣, б̣раахман̣аа’’д̇и вуд̇д̇з ‘‘гахаабан̣з на бассаами, бан̣д̣ид̇аа’’д̇и ааха. ‘‘бхарияааяа д̇з аажигкий’’д̇и? ‘‘аама, бан̣д̣ид̇аа’’д̇и. махаасад̇д̇о д̇ааяа ж̇аарасса аажигкид̇абхаавам̣ н̃ад̇ваа ‘‘ад̇т̇и бана д̇з б̣раахман̣а, бхарияааяа гулуубагаб̣раахман̣о’’д̇и бужчи. ‘‘ад̇т̇и, бан̣д̣ид̇аа’’д̇и. ‘‘д̇уяхамби ад̇т̇ий’’д̇и? ‘‘аама, бан̣д̣ид̇аа’’д̇и. ат̇асса махаасад̇д̇о сад̇д̇аннам̣ д̣̇ивасаанам̣ бариб̣б̣аяам̣ д̣̇аабзд̇ваа ‘‘г̇ажча батамад̣̇ивасз д̇ава сад̇д̇а, бхарияааяа д̇з сад̇д̇аад̇и жуд̣̇д̣̇аса б̣раахман̣з ниманд̇зд̇ваа бхож̇зт̇а, бунад̣̇ивасад̇о бадтааяа згзгам̣ хаабзд̇ваа сад̇д̇амз д̣̇ивасз д̇ава згам̣, бхарияааяа д̇з зганд̇и д̣̇вз б̣раахман̣з ниманд̇зд̇ваа бхарияааяа д̇з сад̇д̇а д̣̇ивасз ниманд̇ид̇аб̣раахман̣асса ниб̣ад̣̇д̇хам̣ ааг̇аманабхаавам̣ н̃ад̇ваа маяхам̣ аарожзхий’’д̇и ааха. б̣раахман̣о д̇ат̇аа гад̇ваа ‘‘саллагкид̇о мз бан̣д̣ид̇а, ниб̣ад̣̇д̇хам̣ бхун̃ж̇анагаб̣раахман̣о’’д̇и махаасад̇д̇асса аарожзси.
Brāhmaṇo punadivase gantvā kahāpaṇe apassanto bodhisattassa santikaṃ gantvā ‘‘kiṃ, brāhmaṇā’’ti vutte ‘‘kahāpaṇe na passāmi, paṇḍitā’’ti āha. ‘‘Bhariyāya te ācikkhī’’ti? ‘‘Āma, paṇḍitā’’ti. Mahāsatto tāya jārassa ācikkhitabhāvaṃ ñatvā ‘‘atthi pana te brāhmaṇa, bhariyāya kulūpakabrāhmaṇo’’ti pucchi. ‘‘Atthi, paṇḍitā’’ti. ‘‘Tuyhampi atthī’’ti? ‘‘Āma, paṇḍitā’’ti. Athassa mahāsatto sattannaṃ divasānaṃ paribbayaṃ dāpetvā ‘‘gaccha paṭhamadivase tava satta, bhariyāya te sattāti cuddasa brāhmaṇe nimantetvā bhojetha, punadivasato paṭṭhāya ekekaṃ hāpetvā sattame divase tava ekaṃ, bhariyāya te ekanti dve brāhmaṇe nimantetvā bhariyāya te satta divase nimantitabrāhmaṇassa nibaddhaṃ āgamanabhāvaṃ ñatvā mayhaṃ ārocehī’’ti āha. Brāhmaṇo tathā katvā ‘‘sallakkhito me paṇḍita, nibaddhaṃ bhuñjanakabrāhmaṇo’’ti mahāsattassa ārocesi.
б̣од̇хисад̇д̇о д̇зна сад̣̇д̇хим̣ бурисз бзсзд̇ваа д̇ам̣ б̣раахман̣ам̣ аахараабзд̇ваа ‘‘асугаругкамуулад̇о д̇з имасса б̣раахман̣асса санд̇агам̣ гахаабан̣асахассам̣ г̇ахид̇а’’нд̇и бужчи. ‘‘на г̇ан̣хаами, бан̣д̣ид̇аа’’д̇и. ‘‘д̇вам̣ мама сзнагабан̣д̣ид̇абхаавам̣ на ж̇аанааси, аахараабзссаами д̇з гахаабан̣з’’д̇и. со бхийд̇о ‘‘г̇ахид̇аа мз’’д̇и самбадижчи. ‘‘гухим̣ д̇з табид̇аа’’д̇и? ‘‘д̇ад̇т̇зва, бан̣д̣ид̇а, табид̇аа’’д̇и. б̣од̇хисад̇д̇о б̣раахман̣ам̣ бужчи ‘‘б̣раахман̣а, гим̣ д̇з сааязва бхарияаа ход̇у, уд̣̇ааху ан̃н̃ам̣ г̇ан̣хиссасий’’д̇и. ‘‘сааязва мз ход̇у, бан̣д̣ид̇аа’’д̇и. б̣од̇хисад̇д̇о мануссз бзсзд̇ваа б̣раахман̣асса гахаабан̣з жа б̣раахман̣ин̃жа аахараабзд̇ваа жораб̣раахман̣асса хад̇т̇ад̇о гахаабан̣з б̣раахман̣асса д̣̇аабзд̇ваа ид̇арасса рааж̇аан̣ам̣ гаарзд̇ваа наг̇араа нийхараабзд̇ваа б̣раахман̣ияааби рааж̇аан̣ам̣ гаарзд̇ваа б̣раахман̣асса маханд̇ам̣ яасам̣ д̣̇ад̇ваа ад̇д̇аноязва санд̇игз васаабзси.
Bodhisatto tena saddhiṃ purise pesetvā taṃ brāhmaṇaṃ āharāpetvā ‘‘asukarukkhamūlato te imassa brāhmaṇassa santakaṃ kahāpaṇasahassaṃ gahita’’nti pucchi. ‘‘Na gaṇhāmi, paṇḍitā’’ti. ‘‘Tvaṃ mama senakapaṇḍitabhāvaṃ na jānāsi, āharāpessāmi te kahāpaṇe’’ti. So bhīto ‘‘gahitā me’’ti sampaṭicchi. ‘‘Kuhiṃ te ṭhapitā’’ti? ‘‘Tattheva, paṇḍita, ṭhapitā’’ti. Bodhisatto brāhmaṇaṃ pucchi ‘‘brāhmaṇa, kiṃ te sāyeva bhariyā hotu, udāhu aññaṃ gaṇhissasī’’ti. ‘‘Sāyeva me hotu, paṇḍitā’’ti. Bodhisatto manusse pesetvā brāhmaṇassa kahāpaṇe ca brāhmaṇiñca āharāpetvā corabrāhmaṇassa hatthato kahāpaṇe brāhmaṇassa dāpetvā itarassa rājāṇaṃ kāretvā nagarā nīharāpetvā brāhmaṇiyāpi rājāṇaṃ kāretvā brāhmaṇassa mahantaṃ yasaṃ datvā attanoyeva santike vasāpesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу сод̇аабад̇д̇ипалаад̣̇ийни сажчигарим̣су. д̇ад̣̇аа б̣раахман̣о аананд̣̇о ахоси, ругкад̣̇звад̇аа саарибуд̇д̇о, барисаа б̣уд̣̇д̇хабарисаа, сзнагабан̣д̣ид̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū sotāpattiphalādīni sacchikariṃsu. Tadā brāhmaṇo ānando ahosi, rukkhadevatā sāriputto, parisā buddhaparisā, senakapaṇḍito pana ahameva ahosinti.
сад̇д̇убхасд̇аж̇аад̇агаван̣н̣анаа сад̇д̇амаа.
Sattubhastajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 402. сад̇д̇убхасд̇аж̇аад̇агам̣ • 402. Sattubhastajātakaṃ
