| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. саубаад̣̇исзсасуд̇д̇ам̣
2. Saupādisesasuttaṃ
12. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа саарибуд̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. ат̇а ко ааяасмад̇о саарибуд̇д̇асса зд̇ад̣̇ахоси – ‘‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣, яам̣нуунаахам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяа’’нд̇и. ат̇а ко ааяасмаа саарибуд̇д̇о язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гами; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и.
12. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā sāriputto pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Atha kho āyasmato sāriputtassa etadahosi – ‘‘atippago kho tāva sāvatthiyaṃ piṇḍāya carituṃ, yaṃnūnāhaṃ yena aññatitthiyānaṃ paribbājakānaṃ ārāmo tenupasaṅkameyya’’nti. Atha kho āyasmā sāriputto yena aññatitthiyānaṃ paribbājakānaṃ ārāmo tenupasaṅkami; upasaṅkamitvā tehi aññatitthiyehi paribbājakehi saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi.
д̇зна ко бана самаязна д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘яо хи гожи, аавусо, саубаад̣̇исзсо гаалам̣ гарод̇и, саб̣б̣о со абаримуд̇д̇о нираяаа абаримуд̇д̇о д̇иражчаанаяонияаа абаримуд̇д̇о бзд̇д̇ивисаяаа абаримуд̇д̇о абааяад̣̇уг̇г̇ад̇ивинибаад̇аа’’д̇и. ат̇а ко ааяасмаа саарибуд̇д̇о д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇и наббадиггоси. анабхинанд̣̇ид̇ваа аббадиггосид̇ваа удтааяаасанаа баггаами – ‘‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамий’’д̇и. ат̇а ко ааяасмаа саарибуд̇д̇о саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа –
Tena kho pana samayena tesaṃ aññatitthiyānaṃ paribbājakānaṃ sannisinnānaṃ sannipatitānaṃ ayamantarākathā udapādi – ‘‘yo hi koci, āvuso, saupādiseso kālaṃ karoti, sabbo so aparimutto nirayā aparimutto tiracchānayoniyā aparimutto pettivisayā aparimutto apāyaduggativinipātā’’ti. Atha kho āyasmā sāriputto tesaṃ aññatitthiyānaṃ paribbājakānaṃ bhāsitaṃ neva abhinandi nappaṭikkosi. Anabhinanditvā appaṭikkositvā uṭṭhāyāsanā pakkāmi – ‘‘bhagavato santike etassa bhāsitassa atthaṃ ājānissāmī’’ti. Atha kho āyasmā sāriputto sāvatthiyaṃ piṇḍāya caritvā pacchābhattaṃ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca –
‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависим̣. д̇асса маяхам̣, бханд̇з, зд̇ад̣̇ахоси – ‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣; яам̣нуунаахам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяа’нд̇и. ат̇а ко ахам̣, бханд̇з, язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамим̣; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. д̇зна ко бана самаязна д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘яо хи гожи, аавусо, саубаад̣̇исзсо гаалам̣ гарод̇и, саб̣б̣о со абаримуд̇д̇о нираяаа абаримуд̇д̇о д̇иражчаанаяонияаа абаримуд̇д̇о бзд̇д̇ивисаяаа абаримуд̇д̇о абааяад̣̇уг̇г̇ад̇ивинибаад̇аа’д̇и. ат̇а ко ахам̣, бханд̇з, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇им̣ наббадиггосим̣. анабхинанд̣̇ид̇ваа аббадиггосид̇ваа удтааяаасанаа баггамим̣ – ‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамий’’’д̇и.
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisiṃ. Tassa mayhaṃ, bhante, etadahosi – ‘atippago kho tāva sāvatthiyaṃ piṇḍāya carituṃ; yaṃnūnāhaṃ yena aññatitthiyānaṃ paribbājakānaṃ ārāmo tenupasaṅkameyya’nti. Atha kho ahaṃ, bhante, yena aññatitthiyānaṃ paribbājakānaṃ ārāmo tenupasaṅkamiṃ; upasaṅkamitvā tehi aññatitthiyehi paribbājakehi saddhiṃ sammodiṃ. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃ. Tena kho pana samayena tesaṃ aññatitthiyānaṃ paribbājakānaṃ sannisinnānaṃ sannipatitānaṃ ayamantarākathā udapādi – ‘yo hi koci, āvuso, saupādiseso kālaṃ karoti, sabbo so aparimutto nirayā aparimutto tiracchānayoniyā aparimutto pettivisayā aparimutto apāyaduggativinipātā’ti. Atha kho ahaṃ, bhante, tesaṃ aññatitthiyānaṃ paribbājakānaṃ bhāsitaṃ neva abhinandiṃ nappaṭikkosiṃ. Anabhinanditvā appaṭikkositvā uṭṭhāyāsanā pakkamiṃ – ‘bhagavato santike etassa bhāsitassa atthaṃ ājānissāmī’’’ti.
‘‘наваяимз, саарибуд̇д̇а, буг̇г̇алаа саубаад̣̇исзсаа гаалам̣ гурумаанаа баримуд̇д̇аа нираяаа баримуд̇д̇аа д̇иражчаанаяонияаа баримуд̇д̇аа бзд̇д̇ивисаяаа баримуд̇д̇аа абааяад̣̇уг̇г̇ад̇ивинибаад̇аа. гад̇амз нава? ид̇ха , саарибуд̇д̇а, згажжо буг̇г̇ало сийлзсу барибуурагаарий ход̇и, самаад̇хисмим̣ барибуурагаарий , бан̃н̃ааяа мад̇д̇асо гаарий. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа анд̇араабариниб̣б̣ааяий ход̇и. аяам̣, саарибуд̇д̇а , батамо буг̇г̇ало саубаад̣̇исзсо гаалам̣ гурумаано баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Navayime, sāriputta, puggalā saupādisesā kālaṃ kurumānā parimuttā nirayā parimuttā tiracchānayoniyā parimuttā pettivisayā parimuttā apāyaduggativinipātā. Katame nava? Idha , sāriputta, ekacco puggalo sīlesu paripūrakārī hoti, samādhismiṃ paripūrakārī , paññāya mattaso kārī. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti. Ayaṃ, sāriputta , paṭhamo puggalo saupādiseso kālaṃ kurumāno parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘буна жабарам̣, саарибуд̇д̇а, ид̇хзгажжо буг̇г̇ало сийлзсу барибуурагаарий ход̇и, самаад̇хисмим̣ барибуурагаарий, бан̃н̃ааяа мад̇д̇асо гаарий. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа убахажжабариниб̣б̣ааяий ход̇и…бз… асан̇каарабариниб̣б̣ааяий ход̇и…бз… сасан̇каарабариниб̣б̣ааяий ход̇и…бз… уд̣̇д̇хам̣сод̇о ход̇и аганидтаг̇аамий. аяам̣, саарибуд̇д̇а, бан̃жамо буг̇г̇ало саубаад̣̇исзсо гаалам̣ гурумаано баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Puna caparaṃ, sāriputta, idhekacco puggalo sīlesu paripūrakārī hoti, samādhismiṃ paripūrakārī, paññāya mattaso kārī. So pañcannaṃ orambhāgiyānaṃ saṃyojanānaṃ parikkhayā upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, sāriputta, pañcamo puggalo saupādiseso kālaṃ kurumāno parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘буна жабарам̣, саарибуд̇д̇а, ид̇хзгажжо буг̇г̇ало сийлзсу барибуурагаарий ход̇и, самаад̇хисмим̣ мад̇д̇асо гаарий, бан̃н̃ааяа мад̇д̇асо гаарий. со д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и. аяам̣, саарибуд̇д̇а, чадто буг̇г̇ало саубаад̣̇исзсо гаалам̣ гурумаано баримуд̇д̇о нираяаа…бз… баримуд̇д̇о абааяад̣̇уг̇г̇ад̇ивинибаад̇аа.
‘‘Puna caparaṃ, sāriputta, idhekacco puggalo sīlesu paripūrakārī hoti, samādhismiṃ mattaso kārī, paññāya mattaso kārī. So tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva imaṃ lokaṃ āgantvā dukkhassantaṃ karoti. Ayaṃ, sāriputta, chaṭṭho puggalo saupādiseso kālaṃ kurumāno parimutto nirayā…pe… parimutto apāyaduggativinipātā.
‘‘буна жабарам̣, саарибуд̇д̇а, ид̇хзгажжо буг̇г̇ало сийлзсу барибуурагаарий ход̇и, самаад̇хисмим̣ мад̇д̇асо гаарий, бан̃н̃ааяа мад̇д̇асо гаарий. со д̇ин̣н̣ам̣ сам̣яож̇анаанам̣ баригкаяаа згаб̣ийж̇ий ход̇и, згам̣язва маанусагам̣ бхавам̣ ниб̣б̣ад̇д̇зд̇ваа д̣̇угкассанд̇ам̣ гарод̇и. аяам̣, саарибуд̇д̇а, сад̇д̇амо буг̇г̇ало саубаад̣̇исзсо гаалам̣ гурумаано баримуд̇д̇о нираяаа…бз… баримуд̇д̇о абааяад̣̇уг̇г̇ад̇ивинибаад̇аа.
‘‘Puna caparaṃ, sāriputta, idhekacco puggalo sīlesu paripūrakārī hoti, samādhismiṃ mattaso kārī, paññāya mattaso kārī. So tiṇṇaṃ saṃyojanānaṃ parikkhayā ekabījī hoti, ekaṃyeva mānusakaṃ bhavaṃ nibbattetvā dukkhassantaṃ karoti. Ayaṃ, sāriputta, sattamo puggalo saupādiseso kālaṃ kurumāno parimutto nirayā…pe… parimutto apāyaduggativinipātā.
‘‘буна жабарам̣, саарибуд̇д̇а, ид̇хзгажжо буг̇г̇ало сийлзсу барибуурагаарий ход̇и, самаад̇хисмим̣ мад̇д̇асо гаарий, бан̃н̃ааяа мад̇д̇асо гаарий. со д̇ин̣н̣ам̣ сам̣яож̇анаанам̣ баригкаяаа голам̣голо ход̇и, д̣̇вз ваа д̇ийн̣и ваа гулаани санд̇хаавид̇ваа сам̣сарид̇ваа д̣̇угкассанд̇ам̣ гарод̇и. аяам̣, саарибуд̇д̇а, адтамо буг̇г̇ало саубаад̣̇исзсо гаалам̣ гурумаано баримуд̇д̇о нираяаа…бз… баримуд̇д̇о абааяад̣̇уг̇г̇ад̇ивинибаад̇аа.
‘‘Puna caparaṃ, sāriputta, idhekacco puggalo sīlesu paripūrakārī hoti, samādhismiṃ mattaso kārī, paññāya mattaso kārī. So tiṇṇaṃ saṃyojanānaṃ parikkhayā kolaṃkolo hoti, dve vā tīṇi vā kulāni sandhāvitvā saṃsaritvā dukkhassantaṃ karoti. Ayaṃ, sāriputta, aṭṭhamo puggalo saupādiseso kālaṃ kurumāno parimutto nirayā…pe… parimutto apāyaduggativinipātā.
‘‘буна жабарам̣, саарибуд̇д̇а, ид̇хзгажжо буг̇г̇ало сийлзсу барибуурагаарий ход̇и, самаад̇хисмим̣ мад̇д̇асо гаарий, бан̃н̃ааяа мад̇д̇асо гаарий. со д̇ин̣н̣ам̣ сам̣яож̇анаанам̣ баригкаяаа сад̇д̇агкад̇д̇убарамо ход̇и, сад̇д̇агкад̇д̇убарамам̣ д̣̇звз жа мануссз жа санд̇хаавид̇ваа сам̣сарид̇ваа д̣̇угкассанд̇ам̣ гарод̇и. аяам̣, саарибуд̇д̇а, навамо буг̇г̇ало саубаад̣̇исзсо гаалам̣ гурумаано баримуд̇д̇о нираяаа баримуд̇д̇о д̇иражчаанаяонияаа баримуд̇д̇о бзд̇д̇ивисаяаа баримуд̇д̇о абааяад̣̇уг̇г̇ад̇ивинибаад̇аа.
‘‘Puna caparaṃ, sāriputta, idhekacco puggalo sīlesu paripūrakārī hoti, samādhismiṃ mattaso kārī, paññāya mattaso kārī. So tiṇṇaṃ saṃyojanānaṃ parikkhayā sattakkhattuparamo hoti, sattakkhattuparamaṃ deve ca manusse ca sandhāvitvā saṃsaritvā dukkhassantaṃ karoti. Ayaṃ, sāriputta, navamo puggalo saupādiseso kālaṃ kurumāno parimutto nirayā parimutto tiracchānayoniyā parimutto pettivisayā parimutto apāyaduggativinipātā.
‘‘гз жа, саарибуд̇д̇а, ан̃н̃ад̇ид̇т̇ияаа бариб̣б̣ааж̇агаа б̣аалаа аб̣яад̇д̇аа, гз жа саубаад̣̇исзсам̣ ваа ‘саубаад̣̇исзсо’д̇и ж̇ааниссанд̇и, анубаад̣̇исзсам̣ ваа ‘анубаад̣̇исзсо’д̇и ж̇ааниссанд̇и! имз ко, саарибуд̇д̇а, нава буг̇г̇алаа саубаад̣̇исзсаа гаалам̣ гурумаанаа баримуд̇д̇аа нираяаа баримуд̇д̇аа д̇иражчаанаяонияаа баримуд̇д̇аа бзд̇д̇ивисаяаа баримуд̇д̇аа абааяад̣̇уг̇г̇ад̇ивинибаад̇аа. на д̇аавааяам̣, саарибуд̇д̇а, д̇хаммабарияааяо бадибхааси бхигкуунам̣ бхигкунийнам̣ убаасагаанам̣ убаасигаанам̣. д̇ам̣ гисса хзд̇у? мааяимам̣ д̇хаммабарияааяам̣ суд̇ваа бамаад̣̇ам̣ аахарим̣сууд̇и 5. аби жа маяаа 6, саарибуд̇д̇а, д̇хаммабарияааяо бан̃хаад̇хиббааязна бхаасид̇о’’д̇и. д̣̇уд̇ияам̣.
‘‘Ke ca, sāriputta, aññatitthiyā paribbājakā bālā abyattā, ke ca saupādisesaṃ vā ‘saupādiseso’ti jānissanti, anupādisesaṃ vā ‘anupādiseso’ti jānissanti! Ime kho, sāriputta, nava puggalā saupādisesā kālaṃ kurumānā parimuttā nirayā parimuttā tiracchānayoniyā parimuttā pettivisayā parimuttā apāyaduggativinipātā. Na tāvāyaṃ, sāriputta, dhammapariyāyo paṭibhāsi bhikkhūnaṃ bhikkhunīnaṃ upāsakānaṃ upāsikānaṃ. Taṃ kissa hetu? Māyimaṃ dhammapariyāyaṃ sutvā pamādaṃ āhariṃsūti 7. Api ca mayā 8, sāriputta, dhammapariyāyo pañhādhippāyena bhāsito’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. саубаад̣̇исзсасуд̇д̇аван̣н̣анаа • 2. Saupādisesasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. саубаад̣̇исзсасуд̇д̇аван̣н̣анаа • 2. Saupādisesasuttavaṇṇanā
