| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. ஸஉபாதி³ஸேஸஸுத்தவண்ணனா
2. Saupādisesasuttavaṇṇanā
12. து³தியே ஸஉபாதி³ஸேஸந்தி ஸஉபாதா³னஸேஸங். அனுபாதி³ஸேஸந்தி உபாதா³னஸேஸரஹிதங் நிக்³க³ஹணங். மத்தஸோ காரீதி பமாணகாரீ ந பரிபூரகாரீ. ந தாவாயங், ஸாரிபுத்த, த⁴ம்மபரியாயோ படிபா⁴ஸீதி அப்படிபா⁴னங் நாம ப⁴க³வதோ நத்தி², ந தாவாஹங் இமங் த⁴ம்மபரியாயங் கதே²ஸிந்தி அயங் பனெத்த² அத்தோ². மாயிமங் த⁴ம்மபரியாயங் ஸுத்வா பமாத³ங் ஆஹரிங்ஸூதி ‘‘மயங் கிர சதூஹி அபாயேஹி முத்தா’’தி உபரி அரஹத்தத்தா²ய வீரியங் அகரொந்தா மா பமாத³ங் ஆபஜ்ஜிங்ஸு. பஞ்ஹாதி⁴ப்பாயேன பா⁴ஸிதோதி தயா புச்சி²தபஞ்ஹஸ்ஸ ஸபா⁴வேன கதி²தோதி த³ஸ்ஸேதி. இமேஸங் பன நவன்னங் புக்³க³லானங் ப⁴வேஸு ச²ந்த³ராக³வினோத³னத்த²ங் ஏதமேவ அத்து²ப்பத்திங் கத்வா – ‘‘ஸெய்யதா²பி, பி⁴க்க²வே, அப்பமத்தகோபி கூ³தோ² து³க்³க³ந்தோ⁴ ஹோதி, ஏவமேவ கோ² க்²வாஹங், பி⁴க்க²வே, அப்பமத்தகம்பி ப⁴வங் ந வண்ணேமி அந்தமஸோ அச்ச²ராஸங்கா⁴தமத்தம்பீ’’தி இமங் ஸுத்தங் (அ॰ நி॰ 1.321) அபா⁴ஸி. ந கேவலஞ்ச ஏதேஸங்யேவ நவன்னங் புக்³க³லானங் க³தி நிப³த்³தா⁴, யேஸங் பன குலானங் தீணி ஸரணானி பஞ்ச ஸீலானி ஏகங் ஸலாகப⁴த்தங் ஏகங் பக்கி²யப⁴த்தங் ஏகங் வஸ்ஸாவாஸிகங் ஏகா பொக்க²ரணீ ஏகோ ஆவாஸோ, ஏவரூபானி நிப³த்³த⁴புஞ்ஞானி அத்தி². தேஸம்பி க³தி நிப³த்³தா⁴, ஸோதாபன்னஸதி³ஸானேவ தானி குலானி.
12. Dutiye saupādisesanti saupādānasesaṃ. Anupādisesanti upādānasesarahitaṃ niggahaṇaṃ. Mattaso kārīti pamāṇakārī na paripūrakārī. Na tāvāyaṃ, sāriputta, dhammapariyāyo paṭibhāsīti appaṭibhānaṃ nāma bhagavato natthi, na tāvāhaṃ imaṃ dhammapariyāyaṃ kathesinti ayaṃ panettha attho. Māyimaṃ dhammapariyāyaṃ sutvā pamādaṃ āhariṃsūti ‘‘mayaṃ kira catūhi apāyehi muttā’’ti upari arahattatthāya vīriyaṃ akarontā mā pamādaṃ āpajjiṃsu. Pañhādhippāyena bhāsitoti tayā pucchitapañhassa sabhāvena kathitoti dasseti. Imesaṃ pana navannaṃ puggalānaṃ bhavesu chandarāgavinodanatthaṃ etameva atthuppattiṃ katvā – ‘‘seyyathāpi, bhikkhave, appamattakopi gūtho duggandho hoti, evameva kho khvāhaṃ, bhikkhave, appamattakampi bhavaṃ na vaṇṇemi antamaso accharāsaṅghātamattampī’’ti imaṃ suttaṃ (a. ni. 1.321) abhāsi. Na kevalañca etesaṃyeva navannaṃ puggalānaṃ gati nibaddhā, yesaṃ pana kulānaṃ tīṇi saraṇāni pañca sīlāni ekaṃ salākabhattaṃ ekaṃ pakkhiyabhattaṃ ekaṃ vassāvāsikaṃ ekā pokkharaṇī eko āvāso, evarūpāni nibaddhapuññāni atthi. Tesampi gati nibaddhā, sotāpannasadisāneva tāni kulāni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ஸஉபாதி³ஸேஸஸுத்தங் • 2. Saupādisesasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. ஸஉபாதி³ஸேஸஸுத்தவண்ணனா • 2. Saupādisesasuttavaṇṇanā
