| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਸਉਪਾਦਿਸੇਸਸੁਤ੍ਤવਣ੍ਣਨਾ
2. Saupādisesasuttavaṇṇanā
੧੨. ਦੁਤਿਯੇ ਸਉਪਾਦਿਸੇਸਨ੍ਤਿ ਸਉਪਾਦਾਨਸੇਸਂ। ਅਨੁਪਾਦਿਸੇਸਨ੍ਤਿ ਉਪਾਦਾਨਸੇਸਰਹਿਤਂ ਨਿਗ੍ਗਹਣਂ। ਮਤ੍ਤਸੋ ਕਾਰੀਤਿ ਪਮਾਣਕਾਰੀ ਨ ਪਰਿਪੂਰਕਾਰੀ। ਨ ਤਾવਾਯਂ, ਸਾਰਿਪੁਤ੍ਤ, ਧਮ੍ਮਪਰਿਯਾਯੋ ਪਟਿਭਾਸੀਤਿ ਅਪ੍ਪਟਿਭਾਨਂ ਨਾਮ ਭਗવਤੋ ਨਤ੍ਥਿ, ਨ ਤਾવਾਹਂ ਇਮਂ ਧਮ੍ਮਪਰਿਯਾਯਂ ਕਥੇਸਿਨ੍ਤਿ ਅਯਂ ਪਨੇਤ੍ਥ ਅਤ੍ਥੋ। ਮਾਯਿਮਂ ਧਮ੍ਮਪਰਿਯਾਯਂ ਸੁਤ੍વਾ ਪਮਾਦਂ ਆਹਰਿਂਸੂਤਿ ‘‘ਮਯਂ ਕਿਰ ਚਤੂਹਿ ਅਪਾਯੇਹਿ ਮੁਤ੍ਤਾ’’ਤਿ ਉਪਰਿ ਅਰਹਤ੍ਤਤ੍ਥਾਯ વੀਰਿਯਂ ਅਕਰੋਨ੍ਤਾ ਮਾ ਪਮਾਦਂ ਆਪਜ੍ਜਿਂਸੁ। ਪਞ੍ਹਾਧਿਪ੍ਪਾਯੇਨ ਭਾਸਿਤੋਤਿ ਤਯਾ ਪੁਚ੍ਛਿਤਪਞ੍ਹਸ੍ਸ ਸਭਾવੇਨ ਕਥਿਤੋਤਿ ਦਸ੍ਸੇਤਿ। ਇਮੇਸਂ ਪਨ ਨવਨ੍ਨਂ ਪੁਗ੍ਗਲਾਨਂ ਭવੇਸੁ ਛਨ੍ਦਰਾਗવਿਨੋਦਨਤ੍ਥਂ ਏਤਮੇવ ਅਤ੍ਥੁਪ੍ਪਤ੍ਤਿਂ ਕਤ੍વਾ – ‘‘ਸੇਯ੍ਯਥਾਪਿ, ਭਿਕ੍ਖવੇ, ਅਪ੍ਪਮਤ੍ਤਕੋਪਿ ਗੂਥੋ ਦੁਗ੍ਗਨ੍ਧੋ ਹੋਤਿ, ਏવਮੇવ ਖੋ ਖ੍વਾਹਂ, ਭਿਕ੍ਖવੇ, ਅਪ੍ਪਮਤ੍ਤਕਮ੍ਪਿ ਭવਂ ਨ વਣ੍ਣੇਮਿ ਅਨ੍ਤਮਸੋ ਅਚ੍ਛਰਾਸਙ੍ਘਾਤਮਤ੍ਤਮ੍ਪੀ’’ਤਿ ਇਮਂ ਸੁਤ੍ਤਂ (ਅ॰ ਨਿ॰ ੧.੩੨੧) ਅਭਾਸਿ। ਨ ਕੇવਲਞ੍ਚ ਏਤੇਸਂਯੇવ ਨવਨ੍ਨਂ ਪੁਗ੍ਗਲਾਨਂ ਗਤਿ ਨਿਬਦ੍ਧਾ, ਯੇਸਂ ਪਨ ਕੁਲਾਨਂ ਤੀਣਿ ਸਰਣਾਨਿ ਪਞ੍ਚ ਸੀਲਾਨਿ ਏਕਂ ਸਲਾਕਭਤ੍ਤਂ ਏਕਂ ਪਕ੍ਖਿਯਭਤ੍ਤਂ ਏਕਂ વਸ੍ਸਾવਾਸਿਕਂ ਏਕਾ ਪੋਕ੍ਖਰਣੀ ਏਕੋ ਆવਾਸੋ, ਏવਰੂਪਾਨਿ ਨਿਬਦ੍ਧਪੁਞ੍ਞਾਨਿ ਅਤ੍ਥਿ। ਤੇਸਮ੍ਪਿ ਗਤਿ ਨਿਬਦ੍ਧਾ, ਸੋਤਾਪਨ੍ਨਸਦਿਸਾਨੇવ ਤਾਨਿ ਕੁਲਾਨਿ।
12. Dutiye saupādisesanti saupādānasesaṃ. Anupādisesanti upādānasesarahitaṃ niggahaṇaṃ. Mattaso kārīti pamāṇakārī na paripūrakārī. Na tāvāyaṃ, sāriputta, dhammapariyāyo paṭibhāsīti appaṭibhānaṃ nāma bhagavato natthi, na tāvāhaṃ imaṃ dhammapariyāyaṃ kathesinti ayaṃ panettha attho. Māyimaṃ dhammapariyāyaṃ sutvā pamādaṃ āhariṃsūti ‘‘mayaṃ kira catūhi apāyehi muttā’’ti upari arahattatthāya vīriyaṃ akarontā mā pamādaṃ āpajjiṃsu. Pañhādhippāyena bhāsitoti tayā pucchitapañhassa sabhāvena kathitoti dasseti. Imesaṃ pana navannaṃ puggalānaṃ bhavesu chandarāgavinodanatthaṃ etameva atthuppattiṃ katvā – ‘‘seyyathāpi, bhikkhave, appamattakopi gūtho duggandho hoti, evameva kho khvāhaṃ, bhikkhave, appamattakampi bhavaṃ na vaṇṇemi antamaso accharāsaṅghātamattampī’’ti imaṃ suttaṃ (a. ni. 1.321) abhāsi. Na kevalañca etesaṃyeva navannaṃ puggalānaṃ gati nibaddhā, yesaṃ pana kulānaṃ tīṇi saraṇāni pañca sīlāni ekaṃ salākabhattaṃ ekaṃ pakkhiyabhattaṃ ekaṃ vassāvāsikaṃ ekā pokkharaṇī eko āvāso, evarūpāni nibaddhapuññāni atthi. Tesampi gati nibaddhā, sotāpannasadisāneva tāni kulāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਸਉਪਾਦਿਸੇਸਸੁਤ੍ਤਂ • 2. Saupādisesasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਸਉਪਾਦਿਸੇਸਸੁਤ੍ਤવਣ੍ਣਨਾ • 2. Saupādisesasuttavaṇṇanā
