| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5-8. ஸாவஜ்ஜஸுத்தாதி³வண்ணனா
5-8. Sāvajjasuttādivaṇṇanā
135-8. பஞ்சமே ஸாவஜ்ஜோதி ஸதோ³ஸோ. ஸாவஜ்ஜேன காயகம்மேனாதி ஸதோ³ஸேன பாணாதிபாதாதி³னா காயகம்மேன. இதரேஸுபி ஏஸேவ நயோ. அயங் வுச்சதீதி அயங் புக்³க³லோ தீஹி த்³வாரேஹி ஆயூஹனகம்மஸ்ஸ ஸதோ³ஸத்தா கூ³த²குணபாதி³ப⁴ரிதோ பதே³ஸோ விய ‘‘ஸாவஜ்ஜோ’’தி வுச்சதி. ஸாவஜ்ஜேன ப³ஹுலந்தி யஸ்ஸ ஸாவஜ்ஜமேவ காயகம்மங் ப³ஹுலங் ஹோதி, அப்பங் அனவஜ்ஜங். ஸோ ‘‘ஸாவஜ்ஜேன ப³ஹுலங் காயகம்மேன ஸமன்னாக³தோ அப்பங் அனவஜ்ஜேனா’’தி வுச்சதி. இதரேஸுபி ஏஸேவ நயோ. கோ பன ஏவரூபோ ஹோதீதி? யோ கா³மத⁴ம்மதாய வா நிக³மத⁴ம்மதாய வா கதா³சி கரஹசி உபோஸத²ங் ஸமாதி³யதி, ஸீலானி பூரேதி. அயங் வுச்சதீதி அயங் புக்³க³லோ தீஹி த்³வாரேஹி ஆயூஹனகம்மேஸு ஸாவஜ்ஜஸ்ஸேவ ப³ஹுலதாய அனவஜ்ஜஸ்ஸ அப்பதாய ‘‘வஜ்ஜப³ஹுலோ’’தி வுச்சதி. யதா² ஹி ஏகஸ்மிங் பதே³ஸே து³ப்³ப³ண்ணானி து³க்³க³ந்தா⁴னி புப்பா²னி ராஸிகதானஸ்ஸு, தேஸங் உபரி தஹங் தஹங் அதி⁴முத்தகவஸ்ஸிகபாடலானி பதிதானி ப⁴வெய்யுங், ஏவரூபோ அயங் புக்³க³லோ வேதி³தப்³போ³. யதா² பன ஏகஸ்மிங் பதே³ஸே அதி⁴முத்தகவஸ்ஸிகபாடலானி ராஸிகதானஸ்ஸு, தேஸங் உபரி தஹங் தஹங் து³க்³க³ந்தா⁴னி ப³த³ரபுப்பா²தீ³னி பதிதானி ப⁴வெய்யுங். ஏவரூபோ ததியோ புக்³க³லோ வேதி³தப்³போ³. சதுத்தோ² பன தீஹி த்³வாரேஹி ஆயூஹனகம்மஸ்ஸ நித்³தோ³ஸத்தா ச சதுமது⁴ரப⁴ரிதஸுவண்ணவாதி விய த³ட்ட²ப்³போ³. ச²ட்டா²தீ³னி உத்தானத்தா²னேவ.
135-8. Pañcame sāvajjoti sadoso. Sāvajjena kāyakammenāti sadosena pāṇātipātādinā kāyakammena. Itaresupi eseva nayo. Ayaṃ vuccatīti ayaṃ puggalo tīhi dvārehi āyūhanakammassa sadosattā gūthakuṇapādibharito padeso viya ‘‘sāvajjo’’ti vuccati. Sāvajjena bahulanti yassa sāvajjameva kāyakammaṃ bahulaṃ hoti, appaṃ anavajjaṃ. So ‘‘sāvajjena bahulaṃ kāyakammena samannāgato appaṃ anavajjenā’’ti vuccati. Itaresupi eseva nayo. Ko pana evarūpo hotīti? Yo gāmadhammatāya vā nigamadhammatāya vā kadāci karahaci uposathaṃ samādiyati, sīlāni pūreti. Ayaṃ vuccatīti ayaṃ puggalo tīhi dvārehi āyūhanakammesu sāvajjasseva bahulatāya anavajjassa appatāya ‘‘vajjabahulo’’ti vuccati. Yathā hi ekasmiṃ padese dubbaṇṇāni duggandhāni pupphāni rāsikatānassu, tesaṃ upari tahaṃ tahaṃ adhimuttakavassikapāṭalāni patitāni bhaveyyuṃ, evarūpo ayaṃ puggalo veditabbo. Yathā pana ekasmiṃ padese adhimuttakavassikapāṭalāni rāsikatānassu, tesaṃ upari tahaṃ tahaṃ duggandhāni badarapupphādīni patitāni bhaveyyuṃ. Evarūpo tatiyo puggalo veditabbo. Catuttho pana tīhi dvārehi āyūhanakammassa niddosattā ca catumadhurabharitasuvaṇṇavāti viya daṭṭhabbo. Chaṭṭhādīni uttānatthāneva.
ஸாவஜ்ஜஸுத்தாதி³வண்ணனா நிட்டி²தா.
Sāvajjasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
5. ஸாவஜ்ஜஸுத்தங் • 5. Sāvajjasuttaṃ
6. பட²மஸீலஸுத்தங் • 6. Paṭhamasīlasuttaṃ
7. து³தியஸீலஸுத்தங் • 7. Dutiyasīlasuttaṃ
8. நிகட்ட²ஸுத்தங் • 8. Nikaṭṭhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
5. ஸாவஜ்ஜஸுத்தவண்ணனா • 5. Sāvajjasuttavaṇṇanā
6-7. ஸீலஸுத்தாதி³வண்ணனா • 6-7. Sīlasuttādivaṇṇanā
8. நிகட்ட²ஸுத்தவண்ணனா • 8. Nikaṭṭhasuttavaṇṇanā
