| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫-੮. ਸਾવਜ੍ਜਸੁਤ੍ਤਾਦਿવਣ੍ਣਨਾ
5-8. Sāvajjasuttādivaṇṇanā
੧੩੫-੮. ਪਞ੍ਚਮੇ ਸਾવਜ੍ਜੋਤਿ ਸਦੋਸੋ। ਸਾવਜ੍ਜੇਨ ਕਾਯਕਮ੍ਮੇਨਾਤਿ ਸਦੋਸੇਨ ਪਾਣਾਤਿਪਾਤਾਦਿਨਾ ਕਾਯਕਮ੍ਮੇਨ। ਇਤਰੇਸੁਪਿ ਏਸੇવ ਨਯੋ। ਅਯਂ વੁਚ੍ਚਤੀਤਿ ਅਯਂ ਪੁਗ੍ਗਲੋ ਤੀਹਿ ਦ੍વਾਰੇਹਿ ਆਯੂਹਨਕਮ੍ਮਸ੍ਸ ਸਦੋਸਤ੍ਤਾ ਗੂਥਕੁਣਪਾਦਿਭਰਿਤੋ ਪਦੇਸੋ વਿਯ ‘‘ਸਾવਜ੍ਜੋ’’ਤਿ વੁਚ੍ਚਤਿ। ਸਾવਜ੍ਜੇਨ ਬਹੁਲਨ੍ਤਿ ਯਸ੍ਸ ਸਾવਜ੍ਜਮੇવ ਕਾਯਕਮ੍ਮਂ ਬਹੁਲਂ ਹੋਤਿ, ਅਪ੍ਪਂ ਅਨવਜ੍ਜਂ। ਸੋ ‘‘ਸਾવਜ੍ਜੇਨ ਬਹੁਲਂ ਕਾਯਕਮ੍ਮੇਨ ਸਮਨ੍ਨਾਗਤੋ ਅਪ੍ਪਂ ਅਨવਜ੍ਜੇਨਾ’’ਤਿ વੁਚ੍ਚਤਿ। ਇਤਰੇਸੁਪਿ ਏਸੇવ ਨਯੋ। ਕੋ ਪਨ ਏવਰੂਪੋ ਹੋਤੀਤਿ? ਯੋ ਗਾਮਧਮ੍ਮਤਾਯ વਾ ਨਿਗਮਧਮ੍ਮਤਾਯ વਾ ਕਦਾਚਿ ਕਰਹਚਿ ਉਪੋਸਥਂ ਸਮਾਦਿਯਤਿ, ਸੀਲਾਨਿ ਪੂਰੇਤਿ। ਅਯਂ વੁਚ੍ਚਤੀਤਿ ਅਯਂ ਪੁਗ੍ਗਲੋ ਤੀਹਿ ਦ੍વਾਰੇਹਿ ਆਯੂਹਨਕਮ੍ਮੇਸੁ ਸਾવਜ੍ਜਸ੍ਸੇવ ਬਹੁਲਤਾਯ ਅਨવਜ੍ਜਸ੍ਸ ਅਪ੍ਪਤਾਯ ‘‘વਜ੍ਜਬਹੁਲੋ’’ਤਿ વੁਚ੍ਚਤਿ। ਯਥਾ ਹਿ ਏਕਸ੍ਮਿਂ ਪਦੇਸੇ ਦੁਬ੍ਬਣ੍ਣਾਨਿ ਦੁਗ੍ਗਨ੍ਧਾਨਿ ਪੁਪ੍ਫਾਨਿ ਰਾਸਿਕਤਾਨਸ੍ਸੁ, ਤੇਸਂ ਉਪਰਿ ਤਹਂ ਤਹਂ ਅਧਿਮੁਤ੍ਤਕવਸ੍ਸਿਕਪਾਟਲਾਨਿ ਪਤਿਤਾਨਿ ਭવੇਯ੍ਯੁਂ, ਏવਰੂਪੋ ਅਯਂ ਪੁਗ੍ਗਲੋ વੇਦਿਤਬ੍ਬੋ। ਯਥਾ ਪਨ ਏਕਸ੍ਮਿਂ ਪਦੇਸੇ ਅਧਿਮੁਤ੍ਤਕવਸ੍ਸਿਕਪਾਟਲਾਨਿ ਰਾਸਿਕਤਾਨਸ੍ਸੁ, ਤੇਸਂ ਉਪਰਿ ਤਹਂ ਤਹਂ ਦੁਗ੍ਗਨ੍ਧਾਨਿ ਬਦਰਪੁਪ੍ਫਾਦੀਨਿ ਪਤਿਤਾਨਿ ਭવੇਯ੍ਯੁਂ। ਏવਰੂਪੋ ਤਤਿਯੋ ਪੁਗ੍ਗਲੋ વੇਦਿਤਬ੍ਬੋ। ਚਤੁਤ੍ਥੋ ਪਨ ਤੀਹਿ ਦ੍વਾਰੇਹਿ ਆਯੂਹਨਕਮ੍ਮਸ੍ਸ ਨਿਦ੍ਦੋਸਤ੍ਤਾ ਚ ਚਤੁਮਧੁਰਭਰਿਤਸੁવਣ੍ਣવਾਤਿ વਿਯ ਦਟ੍ਠਬ੍ਬੋ। ਛਟ੍ਠਾਦੀਨਿ ਉਤ੍ਤਾਨਤ੍ਥਾਨੇવ।
135-8. Pañcame sāvajjoti sadoso. Sāvajjena kāyakammenāti sadosena pāṇātipātādinā kāyakammena. Itaresupi eseva nayo. Ayaṃ vuccatīti ayaṃ puggalo tīhi dvārehi āyūhanakammassa sadosattā gūthakuṇapādibharito padeso viya ‘‘sāvajjo’’ti vuccati. Sāvajjena bahulanti yassa sāvajjameva kāyakammaṃ bahulaṃ hoti, appaṃ anavajjaṃ. So ‘‘sāvajjena bahulaṃ kāyakammena samannāgato appaṃ anavajjenā’’ti vuccati. Itaresupi eseva nayo. Ko pana evarūpo hotīti? Yo gāmadhammatāya vā nigamadhammatāya vā kadāci karahaci uposathaṃ samādiyati, sīlāni pūreti. Ayaṃ vuccatīti ayaṃ puggalo tīhi dvārehi āyūhanakammesu sāvajjasseva bahulatāya anavajjassa appatāya ‘‘vajjabahulo’’ti vuccati. Yathā hi ekasmiṃ padese dubbaṇṇāni duggandhāni pupphāni rāsikatānassu, tesaṃ upari tahaṃ tahaṃ adhimuttakavassikapāṭalāni patitāni bhaveyyuṃ, evarūpo ayaṃ puggalo veditabbo. Yathā pana ekasmiṃ padese adhimuttakavassikapāṭalāni rāsikatānassu, tesaṃ upari tahaṃ tahaṃ duggandhāni badarapupphādīni patitāni bhaveyyuṃ. Evarūpo tatiyo puggalo veditabbo. Catuttho pana tīhi dvārehi āyūhanakammassa niddosattā ca catumadhurabharitasuvaṇṇavāti viya daṭṭhabbo. Chaṭṭhādīni uttānatthāneva.
ਸਾવਜ੍ਜਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Sāvajjasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਸਾવਜ੍ਜਸੁਤ੍ਤਂ • 5. Sāvajjasuttaṃ
੬. ਪਠਮਸੀਲਸੁਤ੍ਤਂ • 6. Paṭhamasīlasuttaṃ
੭. ਦੁਤਿਯਸੀਲਸੁਤ੍ਤਂ • 7. Dutiyasīlasuttaṃ
੮. ਨਿਕਟ੍ਠਸੁਤ੍ਤਂ • 8. Nikaṭṭhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੫. ਸਾવਜ੍ਜਸੁਤ੍ਤવਣ੍ਣਨਾ • 5. Sāvajjasuttavaṇṇanā
੬-੭. ਸੀਲਸੁਤ੍ਤਾਦਿવਣ੍ਣਨਾ • 6-7. Sīlasuttādivaṇṇanā
੮. ਨਿਕਟ੍ਠਸੁਤ੍ਤવਣ੍ਣਨਾ • 8. Nikaṭṭhasuttavaṇṇanā
