савибхан̇г̇асигкаабад̣̇аван̣н̣анаа

197-198. яасмаа банаад̇иаад̣̇и ‘‘асанд̇ам̣ абхууд̇ам̣ асам̣виж̇ж̇амаана’’нд̇и зд̇зсам̣ гааран̣аважанам̣. д̇ад̇т̇а яанд̇и яам̣ уд̇д̇аримануссад̇хаммам̣. анабхиж̇аананд̇и ад̇д̇ани ад̇т̇ибхаавам̣ аж̇аананд̇о. самуд̣̇аажарад̇ийд̇и ‘‘ад̇т̇и маяхам̣ зса д̇хаммо’’д̇и гат̇зд̇и ж̇аанаабзд̇и ваа. ‘‘асанд̇ам̣ абхууд̇а’’нд̇и имасса гааран̣аважанам̣ санд̇аанз ануббаннод̇и. н̃аан̣зна жа асажчигад̇од̇и ид̣̇ам̣ бана ‘‘асам̣виж̇ж̇амаана’’нд̇и зд̇асса гааран̣аважанам̣. багад̇имануссзхи уд̇д̇арид̇араанам̣ б̣уд̣̇д̇хаад̣̇иуд̇д̇амабурисаанам̣ ад̇хиг̇амад̇хаммо уд̇д̇аримануссад̇хаммод̇и ааха ‘‘уд̇д̇аримануссаана’’нд̇иаад̣̇и. д̇анд̇и уд̇д̇аримануссад̇хаммам̣. ат̇а бад̣̇абхааж̇анз б̣ахуважананид̣̇д̣̇зсо гасмаа гад̇од̇и ааха ‘‘бад̣̇абхааж̇анз банаа’’д̇иаад̣̇и. гин̃жааби уд̇д̇аримануссад̇хаммо аб̣яаагад̇оби ход̇и, аарог̇яадтзна бана б̣аахид̇игасуд̇д̇з вияа ‘‘гусалз д̇хаммз’’д̇и вуд̇д̇ам̣. ассаад̇и уд̇д̇аримануссад̇хаммасса. кан̣алаяамухуд̇д̇а-сад̣̇д̣̇аа ан̃н̃ад̇т̇а бхиннад̇т̇ааби хонд̇и, ид̇ха бана кан̣абарияааяавасзнзва ‘‘д̇ам̣ кан̣ам̣ д̇ам̣ лаяам̣ д̇ам̣ мухуд̇д̇а’’нд̇и баал̣ияам̣ вуд̇д̇ам̣.

ад̇хиг̇анд̇аб̣б̣ад̇о ад̇хиг̇амо, жхаанаад̣̇и, ад̇хиг̇амасса бужчаа ад̇хиг̇амабужчаа. д̇знааха ‘‘жхаанавимогкаад̣̇ийсуу’’д̇иаад̣̇и. убааяабужчаад̇и ад̇хиг̇амубааяабужчаа. гинд̇ийд̇и гзна багаарзна, гзна вид̇хинаад̇и ад̇т̇о. гад̇амзсам̣ д̇вам̣ д̇хаммаанам̣ лаабхийд̇и ид̣̇ам̣ бана буб̣б̣з ‘‘гим̣ д̇з ад̇хиг̇ад̇а’’нд̇и анид̣̇д̇хаарид̇абхзд̣̇аа жхаанаад̣̇ивисзсаа бужчид̇аад̇и ид̣̇аани д̇зсам̣ нид̣̇д̇хаарзд̇ваа бужчанаагаарад̣̇ассанам̣.

д̇асмаад̇и яасмаа яат̇аавуд̇д̇зхи чахаагаарзхи ад̇хиг̇амаб̣яаагаран̣ам̣ сод̇хзд̇аб̣б̣ам̣, д̇асмаа. зд̇д̇аавад̇ааваад̇и зд̇д̇агзна б̣яаагаран̣амад̇д̇знзва на саггаад̇аб̣б̣о. б̣яаагаран̣ан̃хи згажжасса аяаат̇аавад̇оби ход̇ийд̇и. имзсу бана часу таанзсу сод̇ханад̇т̇ам̣ вад̇д̇аб̣б̣од̇и яат̇аа наама ж̇аад̇аруубабад̇ируубагамби ж̇аад̇аруубам̣ вияа кааяад̇ийд̇и ж̇аад̇аруубам̣ нигхам̣санад̇аабанажчзд̣̇анзхи сод̇хзд̇аб̣б̣ам̣, звамзва имзсу ид̣̇аанзва вуд̇д̇зсу часу таанзсу багкибид̇ваа сод̇ханад̇т̇ам̣ вад̇д̇аб̣б̣о. вимогкаад̣̇ийсууд̇и аад̣̇и-сад̣̇д̣̇зна самаад̇хисамаабад̇д̇ин̃аан̣ад̣̇ассанамаг̇г̇абхааванаапаласажчигирияаад̣̇им̣ сан̇г̇ан̣хаад̇и. баагадо ход̇ийд̇и ад̇хиг̇ад̇ависзсасса сад̇исаммосаабхаавад̇о. сзсабужчаасуби баагадо ход̇ийд̇и бад̣̇з зсзва наяо.

саб̣б̣зсан̃хи ад̇д̇анаа ад̇хиг̇ад̇амаг̇г̇зна бахийнагилзсаа баагадаа хонд̇ийд̇и ид̣̇ам̣ язбхуяяавасзна вуд̇д̇ам̣. гассажи хи ад̇д̇анаа ад̇хиг̇ад̇амаг̇г̇аваж̇жхагилзсзсу санд̣̇зхо уббаж̇ж̇ад̇иязва махаанаамасса саггасса вияа. со хи сагад̣̇ааг̇аамий самааноби ‘‘д̇асса маяхам̣, бханд̇з, звам̣ ход̇и ‘го су наама мз д̇хаммо аж̇жхад̇д̇ам̣ аббахийно, язна мз згад̣̇аа лобхад̇хаммааби жид̇д̇ам̣ барияаад̣̇ааяа д̇идтанд̇и, д̣̇осад̇хаммааби жид̇д̇ам̣ барияаад̣̇ааяа д̇идтанд̇и, мохад̇хаммааби жид̇д̇ам̣ барияаад̣̇ааяа д̇идтанд̇ий’’’д̇и (ма. ни. 1.175) бхаг̇аванд̇ам̣ бужчи. аяам̣ гира рааж̇аа сагад̣̇ааг̇аамимаг̇г̇зна лобхад̣̇осамохаа ниравасзсаа бахийяанд̇ийд̇и сан̃н̃ий ахоси. гим̣ арияасаавагасса звам̣ санд̣̇зхо уббаж̇ж̇ад̇ийд̇и? аама уббаж̇ж̇ад̇и. гасмаа? бан̣н̣ад̇д̇ияам̣ аговид̣̇ад̇д̇аа. ‘‘аяам̣ гилзсо асугамаг̇г̇аваж̇жхо’’д̇и имиссаа бан̣н̣ад̇д̇ияаа аговид̣̇асса хи арияасаавагасса звам̣ ход̇и. гим̣ д̇асса бажжавзгкан̣аа над̇т̇ийд̇и? ад̇т̇и, саа бана на саб̣б̣зсам̣ барибун̣н̣аа ход̇и. зго хи бахийнагилзсамзва бажжавзгкад̇и, зго авасидтагилзсамзва, зго маг̇г̇амзва, зго паламзва, зго ниб̣б̣аанамзва. имаасу бана бан̃жасу бажжавзгкан̣аасу згам̣ ваа д̣̇вз ваа но лад̣̇д̇хум̣ на ваддад̇и. ид̇и яасса бажжавзгкан̣аа на барибун̣н̣аа, д̇асса маг̇г̇аваж̇жхагилзсабан̣н̣ад̇д̇ияам̣ аговид̣̇ад̇д̇аа звам̣ ход̇и. уг̇г̇ахабарибужчаагусалаад̇и саж̇жхааяамаг̇г̇асам̣ван̣н̣анаасу нибун̣аа.

яааяа бадибад̣̇ааяа яасса арияамаг̇г̇о ааг̇ажчад̇и, саа буб̣б̣абхааг̇абадибад̇д̇и ааг̇аманабадибад̣̇аа. сод̇хзд̇аб̣б̣аад̇и суд̣̇д̇хаа уд̣̇ааху на суд̣̇д̇хаад̇и вижааран̣авасзна сод̇хзд̇аб̣б̣аа. на суж̇жхад̇ийд̇и д̇ад̇т̇а д̇ад̇т̇а бамаад̣̇абадибад̇д̇исаб̣бхаавад̇о. абанзд̇аб̣б̣од̇и ад̇д̇ано бадин̃н̃ааяа абанзд̇аб̣б̣о. ‘‘суж̇жхад̇ий’’д̇и вад̇ваа суж̇жханаагаарам̣ д̣̇ассзд̇ум̣ ‘‘д̣̇ийгхарад̇д̇а’’нд̇иаад̣̇и вуд̇д̇ам̣. бан̃н̃ааяад̇ийд̇и зд̇т̇ааби ‘‘яад̣̇ий’’д̇и бад̣̇ам̣ аанзд̇ваа яад̣̇и со бхигку д̇ааяа бадибад̣̇ааяа бан̃н̃ааяад̇ийд̇и самб̣анд̇хо . жад̇уусу бажжаязсу алаг̇г̇ад̇д̇аа ‘‘аагаасз баан̣исамзна жзд̇асаа’’д̇и вуд̇д̇ам̣. вуд̇д̇асад̣̇исанд̇и д̇асса бхигкуно б̣яаагаран̣ам̣ имасмим̣ суд̇д̇з вуд̇д̇зна сад̣̇исам̣, саманд̇и ад̇т̇о.

кийн̣аасавабадибад̇д̇исад̣̇исаа бадибад̣̇аа ход̇ийд̇и д̣̇ийгхарад̇д̇ам̣ сувигкамбхид̇агилзсад̇д̇аа. кийн̣аасавасса наама…бз… на ход̇ийд̇и бахийнавибаллаасад̇д̇аа ж̇ийвид̇аниганд̇ияаа жа абхаавад̇о на ход̇и. бут̇уж̇ж̇анасса бана аббахийнавибаллаасад̇д̇аа ж̇ийвид̇аниганд̇исаб̣бхаавад̇о жа аббамад̇д̇агзнаби ход̇и.

д̇ад̇римаани вад̇т̇ууни – д̣̇ийгхабхаан̣агаабхаяад̇т̇зро гира згам̣ бин̣д̣абаад̇игам̣ бариг̇г̇ахзд̇ум̣ асаггонд̇о д̣̇ахарасса сан̃н̃ам̣ ад̣̇ааси. со д̇ам̣ нахааяамаанам̣ галяаан̣ийнад̣̇иймукад̣̇ваарз нимуж̇ж̇ид̇ваа баад̣̇з аг̇г̇ахзси. бин̣д̣абаад̇иго ‘‘гумбхийло’’д̇и сан̃н̃ааяа махаасад̣̇д̣̇ам̣ агааси, д̇ад̣̇аа нам̣ ‘‘бут̇уж̇ж̇ано’’д̇и ж̇ааним̣су. жанд̣̇амукад̇иссарааж̇агаалз бана махаавихаарз сан̇гхад̇т̇зро кийн̣аасаво д̣̇уб̣б̣алажагкуго вихаарзязва ажчад̇и. д̇ам̣ рааж̇аа ‘‘т̇зрам̣ бариг̇г̇ан̣хиссаамий’’д̇и бхигкуусу бхигкаажаарам̣ г̇ад̇зсу аббасад̣̇д̣̇о убасан̇гамид̇ваа саббо вияа баад̣̇з аг̇г̇ахзси. т̇зро силаат̇амбхо вияа нижжало худ̇ваа ‘‘го зд̇т̇аа’’д̇и ааха. ахам̣, бханд̇з, д̇иссод̇и. суг̇анд̇хам̣ вааяаси но д̇иссаад̇и. звам̣ кийн̣аасавасса бхаяам̣ наама над̇т̇и. згажжо бана бут̇уж̇ж̇аноби ад̇исууро ход̇и ниб̣бхаяо, со раж̇анийязна аарамман̣зна бариг̇г̇ан̣хид̇аб̣б̣о. васабхарааж̇ааби хи згам̣ т̇зрам̣ бариг̇г̇ан̣хамаано гхарз нисийд̣̇аабзд̇ваа д̇асса санд̇игз б̣ад̣̇арасаал̣авам̣ мад̣̇д̣̇амаано нисийд̣̇и. махаат̇зрасса кзл̣о жалид̇о, т̇зрасса бут̇уж̇ж̇анабхааво аавибхууд̇о. кийн̣аасавасса хи расад̇ан̣хаа наама суббахийнаа, д̣̇иб̣б̣зсуби расзсу ниганд̇и наама на ход̇и. д̇асмаа имзхи убааязхи бариг̇г̇ахзд̇ваа сажасса бхаяам̣ ваа чамбхид̇ад̇д̇ам̣ ваа расад̇ан̣хаа ваа уббаж̇ж̇ад̇и, ‘‘на д̇вам̣ арахаа’’д̇и абанзд̇аб̣б̣о.

асанд̇аг̇ун̣асамбхааваналагкан̣аа баабижчаад̇и ааха – ‘‘яаа саа ид̇хзгажжо…бз… аад̣̇инаа наязнаа’’д̇и. аад̣̇и-сад̣̇д̣̇зна ‘‘ассад̣̇д̇хо самаано ‘сад̣̇д̇ход̇и мам̣ ж̇ано ж̇аанаад̇уу’д̇и ижчад̇и, аббассуд̇ова самаано ‘б̣ахуссуд̇од̇и мам̣ ж̇ано ж̇аанаад̇уу’д̇и ижчад̇и, сан̇г̇ан̣игаараамова самаано ‘бавивид̇д̇од̇и мам̣ ж̇ано ж̇аанаад̇уу’д̇и ижчад̇и, гусийд̇ова самаано ‘аарад̣̇д̇хавийрияод̇и мам̣ ж̇ано ж̇аанаад̇уу’д̇и ижчад̇и, мудтассад̇ийва самаано ‘убадтид̇ассад̇ийд̇и мам̣ ж̇ано ж̇аанаад̇уу’д̇и ижчад̇и, асамаахид̇ова самаано ‘самаахид̇од̇и мам̣ ж̇ано ж̇аанаад̇уу’д̇и ижчад̇и, д̣̇уббан̃н̃ова самаано ‘бан̃н̃аваад̇и мам̣ ж̇ано ж̇аанаад̇уу’д̇и ижчад̇и, акийн̣аасавова самаано ‘кийн̣аасавод̇и мам̣ ж̇ано ж̇аанаад̇уу’д̇и ижчад̇и, яаа зваруубаа ижчаа ижчааг̇ад̇аа баабижчад̇аа рааг̇о саарааг̇о жид̇д̇асса саарааг̇о, аяам̣ вужжад̇и баабижчад̇аа’’д̇и (вибха. 851) звам̣ вуд̇д̇ам̣ баал̣ибад̣̇зсам̣ сан̇г̇ан̣хаад̇и. баабигааяаад̇и лаамигааяа ижчааяа. абагад̇од̇и баабигааяа ижчааяа саммааааж̇ийвад̇о абзд̇о гад̇од̇и ижчааяа абагад̇о. д̇ат̇аабхууд̇о жа мижчааж̇ийвзна абхибхууд̇о барааж̇ид̇о наама ход̇ийд̇и ааха ‘‘абхибхууд̇о барааж̇ид̇о’’д̇и.

сааман̃н̃ам̣ д̣̇уббараамадтам̣ нираяааяубагад̣дхад̇ийд̇и яат̇аа гусо язна д̣̇уг̇г̇ахид̇о, д̇асса хад̇т̇ам̣ ануганд̇ад̇и паалзд̇и, звамзва саман̣ад̇хаммасан̇каад̇ам̣ сааман̃н̃амби кан̣д̣асийлаад̣̇ид̇ааяа д̣̇уббараамадтам̣ нираяааяа убагад̣дхад̇и, нираяз ниб̣б̣ад̇д̇аабзд̇ийд̇и ад̇т̇о. сит̇илод̇и олийяид̇ваа гаран̣зна сит̇илаг̇г̇аахзна гад̇о. бариб̣б̣ааж̇од̇и кан̣д̣аад̣̇ибхааваббад̇д̇о саман̣ад̇хаммо. бхияяо аагирад̇з раж̇анд̇и аб̣бханд̇арз виж̇ж̇амаанам̣ рааг̇араж̇аад̣̇им̣ зваруубо саман̣ад̇хаммо абанзд̇ум̣ на саггод̇и, ат̇а ко д̇асса убари абарамби рааг̇араж̇аад̣̇им̣ аагирад̇ийд̇и ад̇т̇о. бхигкубхаавод̇и баарааж̇игам̣ аабаж̇ж̇ид̇ваа ‘‘саман̣о аха’’нд̇и бадиж̇аананад̇о вохаарамад̇д̇асид̣̇д̇хо бхигкубхааво. аж̇аанамзваад̇и баатз зваад̇и авад̇хааран̣ад̇т̇з нибаад̇о. аж̇аанамзванд̇и баатз бана звам̣ ж̇аанаами звам̣ бассаамийд̇и аважанд̇и яож̇зд̇аб̣б̣ам̣.