савибхан̇г̇асигкаабад̣̇аван̣н̣анаа

197. багад̇имануссзхи уд̇д̇арид̇араанам̣ б̣уд̣̇д̇хаад̣̇иуд̇д̇амабурисаанам̣ ад̇хиг̇амад̇хаммо уд̇д̇аримануссад̇хаммод̇и ааха уд̇д̇аримануссаананд̇иаад̣̇и. баал̣ияам̣ (баараа. 198) ‘‘ад̇т̇и жа мз зд̇з д̇хаммаа маяий’’д̇и зд̇т̇а мзд̇и ид̣̇ам̣ бад̣̇абууран̣амад̇д̇ам̣. ад̇хиг̇анд̇аб̣б̣ад̇о ад̇хиг̇амасан̇каад̇асса жхаанаад̣̇ино бужчаа ад̇хиг̇амабужчаа, саа жа жхаанаад̣̇ийсу сааман̃н̃ад̇о бавад̇д̇аад̇и ид̣̇аани д̇ад̇т̇а батамаж̇жхаанам̣ ваа д̣̇уд̇ияаад̣̇ийсу ан̃н̃ад̇арам̣ ваа д̇ад̇т̇ааби гасин̣аад̣̇иаарамман̣зсу гад̇арамаарамман̣ам̣ жхаанам̣ ваа логуд̇д̇арзсу жа сод̇аабад̇д̇имаг̇г̇ам̣ ваа сагад̣̇ааг̇аамимаг̇г̇аад̣̇ийсу ан̃н̃ад̇арам̣ ваа д̇ад̇т̇ааби сун̃н̃ад̇авимогкам̣ ваа аббан̣ихид̇авимогкаад̣̇ийсу ан̃н̃ад̇арам̣ ваад̇и звам̣ бажжзгам̣ бхзд̣̇анид̣̇д̇хааран̣авасзна бужчанаагаарам̣ д̣̇ассзд̇ум̣ баал̣ияам̣ (баараа. 198) ‘‘буна гад̇амзсам̣ д̇вам̣ д̇хаммаанам̣ лаабхий’’д̇и аяам̣ бужчаа д̣̇ассид̇аад̇и д̣̇адтаб̣б̣аа, д̇знааха батамамаг̇г̇аад̣̇ийсууд̇иаад̣̇и. яааяа ануггамабадибад̇д̇ияаа логуд̇д̇аро ад̇хиг̇амо ааг̇ажчад̇и, саа буб̣б̣абхааг̇абадибад̇д̇и ааг̇аманабадибад̣̇аа. на суж̇жхад̇ийд̇и бужчияамаано бадибад̇д̇иггамам̣ уллан̇гхид̇ваа гат̇зд̇и. абанзд̇аб̣б̣од̇и д̇аяаа вуд̇д̇аггамзнааяам̣ на саггаа ад̇хиг̇анд̇унд̇и ад̇хиг̇ад̇амаанад̇о абанзд̇аб̣б̣о. саннихид̇зсу габбиязсуби жад̇уусу бажжаязсу алаг̇г̇ад̇д̇аа ‘‘аагаасз баан̣исамзна жзд̇асаа’’д̇и вуд̇д̇ам̣. вуд̇д̇асад̣̇исам̣ б̣яаагаран̣ам̣ ход̇ийд̇и яож̇анаа. кийн̣аасавабадибад̇д̇исад̣̇исаа бадибад̣̇аа ход̇и сувигкамбхид̇агилзсад̇д̇аа. ид̣̇ан̃жа арахад̇д̇ам̣ бадиж̇аананд̇асса васзна вуд̇д̇ам̣, д̇знааха кийн̣аасавасса наамаад̇иаад̣̇и. звам̣ сувигкамбхид̇агилзсасса вад̇д̇анасзгкад̇хаммабадиж̇аананам̣ иминаа бхаяуббаад̣̇анзна, амб̣илаад̣̇ид̣̇ассанз кзл̣уббаад̣̇аад̣̇инаа жа на саггаа виймам̣сид̇ум̣, д̇асмаа д̇асса важанзнзва д̇ам̣ сад̣̇д̇хаад̇аб̣б̣ам̣. аяам̣ бхигку самбаннаб̣яаагаран̣од̇и ид̣̇ам̣ на гзвалам̣ абхааяанагамзва санд̇хааяа вуд̇д̇ам̣ згажжасса суураж̇аад̇игасса бут̇уж̇ж̇анассааби абхааяанад̇о, раж̇ж̇анийяаарамман̣аанам̣ б̣ад̣̇арасаал̣аваад̣̇иамб̣иламад̣̇д̣̇анаад̣̇ийнам̣ убанаяанзби кзл̣уббаад̣̇аад̣̇ид̇ан̣хаабавад̇д̇арахид̇ам̣ саб̣б̣ат̇аа сусод̇хид̇амзва санд̇хааяа вуд̇д̇анд̇и г̇ахзд̇аб̣б̣ам̣.

асанд̇аг̇ун̣асамбхааваналагкан̣аа баабижчаад̇и ааха яаа саа ид̇хзгажжод̇иаад̣̇и. аад̣̇и-сад̣̇д̣̇зна ассад̣̇д̇ход̇иаад̣̇ибаатам̣ сан̇г̇ан̣хаад̇и. сааман̃н̃ам̣ д̣̇уббараамадтанд̇и саман̣ад̇хаммасан̇каад̇ам̣ сааман̃н̃ам̣ кан̣д̣асийлаад̣̇ид̇ааяа д̣̇уббараамадтам̣ д̣̇удту г̇ахид̇ам̣ нираяааяа нираяад̣̇угкааяа д̇ам̣ буг̇г̇алам̣ д̇ад̇т̇а нираяз убагад̣дхад̇и ниб̣б̣ад̇д̇аабзд̇ийд̇и ад̇т̇о. сит̇илод̇и олийяид̇ваа гаран̣зна сит̇илаг̇аахзна гад̇о, сат̇зна ваа саатзяязна аад̣̇ин̣н̣о сит̇ило. бариб̣б̣аж̇од̇и саман̣абхааво. бхияяод̇и буб̣б̣з виж̇ж̇амаанаанам̣ рааг̇араж̇аад̣̇ийнам̣ убари абарамби раж̇ам̣ аагирад̇ийд̇и ад̇т̇о. бхигкубхаавод̇и ад̇хаммигабадин̃н̃аамад̇д̇асид̣̇д̇хо бхигкубхааво. аж̇аанамзваад̇и зд̇т̇а зва-сад̣̇д̣̇о авад̇хааран̣з аж̇аананд̇о зваад̇и, ‘‘аж̇аанамзва’’нд̇иби баато, д̇ад̇т̇а бана звам̣ ж̇аанаами звам̣ бассаамийд̇и яож̇зд̇аб̣б̣ам̣.