| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. सयंपटिभानियत्थेरअपदानं
9. Sayaṃpaṭibhāniyattheraapadānaṃ
४५.
45.
‘‘ककुधं विलसन्तंव, देवदेवं नरासभं।
‘‘Kakudhaṃ vilasantaṃva, devadevaṃ narāsabhaṃ;
रथियं पटिपज्जन्तं, को दिस्वा न पसीदति॥
Rathiyaṃ paṭipajjantaṃ, ko disvā na pasīdati.
४६.
46.
‘‘तमन्धकारं नासेत्वा, सन्तारेत्वा बहुं जनं।
‘‘Tamandhakāraṃ nāsetvā, santāretvā bahuṃ janaṃ;
ञाणालोकेन जोतन्तं, को दिस्वा न पसीदति॥
Ñāṇālokena jotantaṃ, ko disvā na pasīdati.
४७.
47.
‘‘वसीसतसहस्सेहि, नीयन्तं लोकनायकं।
‘‘Vasīsatasahassehi, nīyantaṃ lokanāyakaṃ;
उद्धरन्तं बहू सत्ते, को दिस्वा न पसीदति॥
Uddharantaṃ bahū satte, ko disvā na pasīdati.
४८.
48.
सीहनादं विनदन्तं, को दिस्वा न पसीदति॥
Sīhanādaṃ vinadantaṃ, ko disvā na pasīdati.
४९.
49.
‘‘यावता ब्रह्मलोकतो, आगन्त्वान सब्रह्मका।
‘‘Yāvatā brahmalokato, āgantvāna sabrahmakā;
पुच्छन्ति निपुणे पञ्हे, को दिस्वा न पसीदति॥
Pucchanti nipuṇe pañhe, ko disvā na pasīdati.
५०.
50.
‘‘यस्सञ्जलिं करित्वान, आयाचन्ति सदेवका।
‘‘Yassañjaliṃ karitvāna, āyācanti sadevakā;
तेन पुञ्ञं अनुभोन्ति, को दिस्वा न पसीदति॥
Tena puññaṃ anubhonti, ko disvā na pasīdati.
५१.
51.
‘‘सब्बे जना समागन्त्वा, सम्पवारेन्ति चक्खुमं।
‘‘Sabbe janā samāgantvā, sampavārenti cakkhumaṃ;
न विकम्पति अज्झिट्ठो, को दिस्वा न पसीदति॥
Na vikampati ajjhiṭṭho, ko disvā na pasīdati.
५२.
52.
‘‘नगरं पविसतो यस्स, रवन्ति भेरियो बहू।
‘‘Nagaraṃ pavisato yassa, ravanti bheriyo bahū;
विनदन्ति गजा मत्ता, को दिस्वा न पसीदति॥
Vinadanti gajā mattā, ko disvā na pasīdati.
५३.
53.
अब्भुन्नता समा होन्ति, को दिस्वा न पसीदति॥
Abbhunnatā samā honti, ko disvā na pasīdati.
५४.
54.
‘‘ब्याहरन्तस्स बुद्धस्स, चक्कवाळम्पि सुय्यति।
‘‘Byāharantassa buddhassa, cakkavāḷampi suyyati;
सब्बे सत्ते विञ्ञापेति, को दिस्वा न पसीदति॥
Sabbe satte viññāpeti, ko disvā na pasīdati.
५५.
55.
‘‘सतसहस्सितो कप्पे, यं बुद्धमभिकित्तयिं।
‘‘Satasahassito kappe, yaṃ buddhamabhikittayiṃ;
दुग्गतिं नाभिजानामि, कित्तनाय इदं फलं॥
Duggatiṃ nābhijānāmi, kittanāya idaṃ phalaṃ.
५६.
56.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
५७.
57.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
५८.
58.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सयंपटिभानियो थेरो इमा गाथायो
Itthaṃ sudaṃ āyasmā sayaṃpaṭibhāniyo thero imā gāthāyo
अभासित्थाति।
Abhāsitthāti.
सयंपटिभानियत्थेरस्सापदानं नवमं।
Sayaṃpaṭibhāniyattherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
