| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. саяанад̣̇ааяагад̇т̇зраабад̣̇аанаван̣н̣анаа
7. Sayanadāyakattheraapadānavaṇṇanā
сид̣̇д̇хад̇т̇асса бхаг̇авад̇од̇иаад̣̇игам̣ ааяасмад̇о саяанад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз ан̃н̃ад̇арасмим̣ гулз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа хад̇т̇ид̣̇ан̣д̣асуван̣н̣аад̣̇ийхи саяанад̇т̇ааяа ман̃жам̣ гаарзд̇ваа анаг̇гхзхи вижид̇д̇ад̇т̇аран̣зхи ад̇т̇арид̇ваа бхаг̇аванд̇ам̣ бууж̇зси. со бхаг̇аваа д̇ассаанугамбааяа бадиг̇г̇ахзд̇ваа анубхави. со д̇зна бун̃н̃агаммзна д̣̇иб̣б̣амануссасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇у саасанз басанно баб̣б̣аж̇ид̇ваа вибассанам̣ аарабхид̇ваа нажирассзва арахаа ахоси. буб̣б̣з гад̇абун̃н̃анаамзна саяанад̣̇ааяагад̇т̇зрод̇и баагадо.
Siddhatthassa bhagavatotiādikaṃ āyasmato sayanadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle aññatarasmiṃ kule nibbatto viññutaṃ patto satthari pasīditvā hatthidaṇḍasuvaṇṇādīhi sayanatthāya mañcaṃ kāretvā anagghehi vicittattharaṇehi attharitvā bhagavantaṃ pūjesi. So bhagavā tassānukampāya paṭiggahetvā anubhavi. So tena puññakammena dibbamanussasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patvā satthu sāsane pasanno pabbajitvā vipassanaṃ ārabhitvā nacirasseva arahā ahosi. Pubbe katapuññanāmena sayanadāyakattheroti pākaṭo.
88. со згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о сид̣̇д̇хад̇т̇асса бхаг̇авад̇од̇иаад̣̇имааха. д̇ам̣ саб̣б̣ам̣ баал̣инаяаанусаарзна сувин̃н̃зяяамзваад̇и.
88. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ sabbaṃ pāḷinayānusārena suviññeyyamevāti.
саяанад̣̇ааяагад̇т̇зраабад̣̇аанаван̣н̣анаа самад̇д̇аа.
Sayanadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. саяанад̣̇ааяагад̇т̇зраабад̣̇аанам̣ • 7. Sayanadāyakattheraapadānaṃ
