| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. саяанад̣̇ааяагад̇т̇зраабад̣̇аанаван̣н̣анаа
3. Sayanadāyakattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о саяанад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа сукаманубхаванд̇о сад̇т̇у д̇хаммад̣̇зсанам̣ суд̇ваа сад̇т̇ари басанно д̣̇анд̇асуван̣н̣араж̇ад̇амуд̇д̇аман̣имаяам̣ махаарахам̣ ман̃жам̣ гаараабзд̇ваа жийнабаддагамб̣алаад̣̇ийни ад̇т̇арид̇ваа саяанад̇т̇ааяа бхаг̇авад̇о ад̣̇ааси. бхаг̇аваа д̇асса ануг̇г̇ахам̣ гаронд̇о д̇ад̇т̇а саяи . со д̇зна бун̃н̃агаммзна д̣̇звамануссзсу сам̣саранд̇о д̇ад̣̇ануруубам̣ аагаасаг̇аманасукасзяяаад̣̇исукам̣ анубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулз ниб̣б̣ад̇д̇ид̇ваа вин̃н̃уд̇ам̣ баабун̣ид̇ваа сад̇т̇у д̇хаммад̣̇зсанам̣ суд̇ваа басаннамаанасо баб̣б̣аж̇ид̇ваа вибассанд̇о нажирассзва арахаа ахоси.
Padumuttarabuddhassātiādikaṃ āyasmato sayanadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā sukhamanubhavanto satthu dhammadesanaṃ sutvā satthari pasanno dantasuvaṇṇarajatamuttamaṇimayaṃ mahārahaṃ mañcaṃ kārāpetvā cīnapaṭṭakambalādīni attharitvā sayanatthāya bhagavato adāsi. Bhagavā tassa anuggahaṃ karonto tattha sayi . So tena puññakammena devamanussesu saṃsaranto tadanurūpaṃ ākāsagamanasukhaseyyādisukhaṃ anubhavitvā imasmiṃ buddhuppāde vibhavasampanne ekasmiṃ kule nibbattitvā viññutaṃ pāpuṇitvā satthu dhammadesanaṃ sutvā pasannamānaso pabbajitvā vipassanto nacirasseva arahā ahosi.
20. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. д̇ам̣ хздтаа вуд̇д̇ад̇т̇амзва.
20. So attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Taṃ heṭṭhā vuttatthameva.
21. сукзд̇д̇з б̣ийж̇асамбад̣̇аад̇и яат̇аа д̇ин̣агажаварарахид̇з гад̣̇д̣̇амаад̣̇исамбаннз сукзд̇д̇з вуд̇д̇аб̣ийж̇аани саад̣̇упалаани нибпаад̣̇знд̇и, звамзва рааг̇ад̣̇осаад̣̇ид̣̇ияад̣дхасахассагилзсасан̇каад̇ад̇ин̣агажаварарахид̇з суд̣̇д̇хасанд̇аанз бун̃н̃агкзд̇д̇з вуд̇д̇ад̣̇аанаани аббааниби самаанаани махабпалаани хонд̇ийд̇и ад̇т̇о. сзсам̣ сувин̃н̃зяяамзваад̇и.
21.Sukhette bījasampadāti yathā tiṇakacavararahite kaddamādisampanne sukhette vuttabījāni sāduphalāni nipphādenti, evameva rāgadosādidiyaḍḍhasahassakilesasaṅkhātatiṇakacavararahite suddhasantāne puññakkhette vuttadānāni appānipi samānāni mahapphalāni hontīti attho. Sesaṃ suviññeyyamevāti.
саяанад̣̇ааяагад̇т̇зраабад̣̇аанаван̣н̣анаа самад̇д̇аа.
Sayanadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. саяанад̣̇ааяагад̇т̇зраабад̣̇аанам̣ • 3. Sayanadāyakattheraapadānaṃ
