| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. ஸேத³கஸுத்தங்
9. Sedakasuttaṃ
385. ஏகங் ஸமயங் ப⁴க³வா ஸும்பே⁴ஸு விஹரதி ஸேத³கங் நாம ஸும்பா⁴னங் நிக³மோ. தத்ர கோ² ப⁴க³வா பி⁴க்கூ² ஆமந்தேஸி – ‘‘பூ⁴தபுப்³ப³ங், பி⁴க்க²வே, சண்டா³லவங்ஸிகோ சண்டா³லவங்ஸங் உஸ்ஸாபெத்வா மேத³கதா²லிகங் அந்தேவாஸிங் ஆமந்தேஸி – ‘ஏஹி த்வங், ஸம்ம மேத³கதா²லிகே, சண்டா³லவங்ஸங் அபி⁴ருஹித்வா மம உபரிக²ந்தே⁴ திட்டா²ஹீ’தி. ‘ஏவங், ஆசரியா’தி கோ², பி⁴க்க²வே, மேத³கதா²லிகா அந்தேவாஸீ சண்டா³லவங்ஸிகஸ்ஸ படிஸ்ஸுத்வா சண்டா³லவங்ஸங் அபி⁴ருஹித்வா ஆசரியஸ்ஸ உபரிக²ந்தே⁴ அட்டா²ஸி. அத² கோ², பி⁴க்க²வே, சண்டா³லவங்ஸிகோ மேத³கதா²லிகங் அந்தேவாஸிங் ஏதத³வோச – ‘த்வங், ஸம்ம மேத³கதா²லிகே, மமங் ரக்க², அஹங் தங் ரக்கி²ஸ்ஸாமி. ஏவங் மயங் அஞ்ஞமஞ்ஞங் கு³த்தா அஞ்ஞமஞ்ஞங் ரக்கி²தா ஸிப்பானி சேவ த³ஸ்ஸெஸ்ஸாம, லாப⁴ஞ்ச 1 லச்சா²ம, ஸொத்தி²னா ச சண்டா³லவங்ஸா ஓரோஹிஸ்ஸாமா’தி. ஏவங் வுத்தே, பி⁴க்க²வே, மேத³கதா²லிகா அந்தேவாஸீ சண்டா³லவங்ஸிகங் ஏதத³வோச – ‘ந கோ² பனேதங், ஆசரிய, ஏவங் ப⁴விஸ்ஸதி. த்வங், ஆசரிய, அத்தானங் ரக்க², அஹங் அத்தானங் ரக்கி²ஸ்ஸாமி. ஏவங் மயங் அத்தகு³த்தா அத்தரக்கி²தா ஸிப்பானி சேவ த³ஸ்ஸெஸ்ஸாம, லாப⁴ஞ்ச லச்சா²ம, ஸொத்தி²னா ச சண்டா³லவங்ஸா ஓரோஹிஸ்ஸாமா’’’தி. ‘‘ஸோ தத்த² ஞாயோ’’தி ப⁴க³வா ஏதத³வோச, ‘‘யதா² மேத³கதா²லிகா அந்தேவாஸீ ஆசரியங் அவோச. அத்தானங், பி⁴க்க²வே, ரக்கி²ஸ்ஸாமீதி ஸதிபட்டா²னங் ஸேவிதப்³ப³ங்; பரங் ரக்கி²ஸ்ஸாமீதி ஸதிபட்டா²னங் ஸேவிதப்³ப³ங். அத்தானங், பி⁴க்க²வே, ரக்க²ந்தோ பரங் ரக்க²தி, பரங் ரக்க²ந்தோ அத்தானங் ரக்க²தி’’.
385. Ekaṃ samayaṃ bhagavā sumbhesu viharati sedakaṃ nāma sumbhānaṃ nigamo. Tatra kho bhagavā bhikkhū āmantesi – ‘‘bhūtapubbaṃ, bhikkhave, caṇḍālavaṃsiko caṇḍālavaṃsaṃ ussāpetvā medakathālikaṃ antevāsiṃ āmantesi – ‘ehi tvaṃ, samma medakathālike, caṇḍālavaṃsaṃ abhiruhitvā mama uparikhandhe tiṭṭhāhī’ti. ‘Evaṃ, ācariyā’ti kho, bhikkhave, medakathālikā antevāsī caṇḍālavaṃsikassa paṭissutvā caṇḍālavaṃsaṃ abhiruhitvā ācariyassa uparikhandhe aṭṭhāsi. Atha kho, bhikkhave, caṇḍālavaṃsiko medakathālikaṃ antevāsiṃ etadavoca – ‘tvaṃ, samma medakathālike, mamaṃ rakkha, ahaṃ taṃ rakkhissāmi. Evaṃ mayaṃ aññamaññaṃ guttā aññamaññaṃ rakkhitā sippāni ceva dassessāma, lābhañca 2 lacchāma, sotthinā ca caṇḍālavaṃsā orohissāmā’ti. Evaṃ vutte, bhikkhave, medakathālikā antevāsī caṇḍālavaṃsikaṃ etadavoca – ‘na kho panetaṃ, ācariya, evaṃ bhavissati. Tvaṃ, ācariya, attānaṃ rakkha, ahaṃ attānaṃ rakkhissāmi. Evaṃ mayaṃ attaguttā attarakkhitā sippāni ceva dassessāma, lābhañca lacchāma, sotthinā ca caṇḍālavaṃsā orohissāmā’’’ti. ‘‘So tattha ñāyo’’ti bhagavā etadavoca, ‘‘yathā medakathālikā antevāsī ācariyaṃ avoca. Attānaṃ, bhikkhave, rakkhissāmīti satipaṭṭhānaṃ sevitabbaṃ; paraṃ rakkhissāmīti satipaṭṭhānaṃ sevitabbaṃ. Attānaṃ, bhikkhave, rakkhanto paraṃ rakkhati, paraṃ rakkhanto attānaṃ rakkhati’’.
‘‘கத²ஞ்ச , பி⁴க்க²வே, அத்தானங் ரக்க²ந்தோ பரங் ரக்க²தி? ஆஸேவனாய, பா⁴வனாய, ப³ஹுலீகம்மேன – ஏவங் கோ², பி⁴க்க²வே, அத்தானங் ரக்க²ந்தோ பரங் ரக்க²தி. கத²ஞ்ச, பி⁴க்க²வே, பரங் ரக்க²ந்தோ அத்தானங் ரக்க²தி? க²ந்தியா, அவிஹிங்ஸாய, மெத்தசித்ததாய, அனுத³யதாய – ஏவங் கோ², பி⁴க்க²வே, பரங் ரக்க²ந்தோ அத்தானங் ரக்க²தி. அத்தானங், பி⁴க்க²வே, ரக்கி²ஸ்ஸாமீதி ஸதிபட்டா²னங் ஸேவிதப்³ப³ங்; பரங் ரக்கி²ஸ்ஸாமீதி ஸதிபட்டா²னங் ஸேவிதப்³ப³ங். அத்தானங், பி⁴க்க²வே, ரக்க²ந்தோ பரங் ரக்க²தி, பரங் ரக்க²ந்தோ அத்தானங் ரக்க²தீ’’தி. நவமங்.
‘‘Kathañca , bhikkhave, attānaṃ rakkhanto paraṃ rakkhati? Āsevanāya, bhāvanāya, bahulīkammena – evaṃ kho, bhikkhave, attānaṃ rakkhanto paraṃ rakkhati. Kathañca, bhikkhave, paraṃ rakkhanto attānaṃ rakkhati? Khantiyā, avihiṃsāya, mettacittatāya, anudayatāya – evaṃ kho, bhikkhave, paraṃ rakkhanto attānaṃ rakkhati. Attānaṃ, bhikkhave, rakkhissāmīti satipaṭṭhānaṃ sevitabbaṃ; paraṃ rakkhissāmīti satipaṭṭhānaṃ sevitabbaṃ. Attānaṃ, bhikkhave, rakkhanto paraṃ rakkhati, paraṃ rakkhanto attānaṃ rakkhatī’’ti. Navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஸேத³கஸுத்தவண்ணனா • 9. Sedakasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ஸேத³கஸுத்தவண்ணனா • 9. Sedakasuttavaṇṇanā
