| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. сзд̣̇агасуд̇д̇аван̣н̣анаа
9. Sedakasuttavaṇṇanā
385. навамз сумбхзсууд̇и звам̣наамагз ж̇анабад̣̇з. мзд̣̇агат̇аалигаад̇и звам̣ ид̇т̇илин̇г̇авасзна лад̣̇д̇ханаамам̣. мамам̣ рагка, ахам̣ д̇ам̣ рагкиссаамийд̇и зд̇т̇а аяам̣ д̇асса лад̣̇д̇хи – аажарияо угкид̇д̇авам̣сам̣ суг̇г̇ахид̇ам̣ аг̇ан̣ханд̇о, анд̇зваасигзна багканд̇абагканд̇ад̣̇исам̣ аг̇ажчанд̇о, саб̣б̣агаалан̃жа вам̣саг̇г̇ам̣ ануллогзнд̇о анд̇зваасигам̣ на рагкад̇и наама, звам̣ арагкид̇о анд̇зваасиго бад̇ид̇ваа жун̣н̣авижун̣н̣ам̣ ход̇и. вам̣сам̣ бана суг̇г̇ахид̇ам̣ г̇ан̣ханд̇о, д̇зна багканд̇абагканд̇ад̣̇исам̣ г̇ажчанд̇о, саб̣б̣агаалан̃жа вам̣саг̇г̇ам̣ уллогзнд̇о д̇ам̣ рагкад̇и наама. анд̇зваасигоби ид̇о жид̇о жа багканд̣̇ид̇ваа миг̇о вияа гийл̣анд̇о аажарияам̣ на рагкад̇и наама. зван̃хи сад̇и д̇икин̣авам̣сагоди аажарияасса г̇алаваадагз ваа налаадз ваа табид̇аа тид̇адтаанам̣ бхинд̣̇ид̇ваа г̇ажчзяяа. аажаарасамбаннад̇ааяа бана яад̇о вам̣со намад̇и, д̇ад̇о анаамзнд̇о д̇ам̣ аагад̣дхзнд̇о вияа згад̇обхааг̇ияам̣ гад̇ваа ваад̇уубат̇амбхам̣ г̇аахаабзд̇ваа сад̇им̣ суубадтид̇ам̣ гад̇ваа нижжалова нисийд̣̇анд̇о аажарияам̣ рагкад̇и наамаад̇и.
385. Navame sumbhesūti evaṃnāmake janapade. Medakathālikāti evaṃ itthiliṅgavasena laddhanāmaṃ. Mamaṃ rakkha, ahaṃ taṃ rakkhissāmīti ettha ayaṃ tassa laddhi – ācariyo ukkhittavaṃsaṃ suggahitaṃ agaṇhanto, antevāsikena pakkhantapakkhantadisaṃ agacchanto, sabbakālañca vaṃsaggaṃ anullokento antevāsikaṃ na rakkhati nāma, evaṃ arakkhito antevāsiko patitvā cuṇṇavicuṇṇaṃ hoti. Vaṃsaṃ pana suggahitaṃ gaṇhanto, tena pakkhantapakkhantadisaṃ gacchanto, sabbakālañca vaṃsaggaṃ ullokento taṃ rakkhati nāma. Antevāsikopi ito cito ca pakkhanditvā migo viya kīḷanto ācariyaṃ na rakkhati nāma. Evañhi sati tikhiṇavaṃsakoṭi ācariyassa galavāṭake vā nalāṭe vā ṭhapitā ṭhitaṭṭhānaṃ bhinditvā gaccheyya. Ācārasampannatāya pana yato vaṃso namati, tato anāmento taṃ ākaḍḍhento viya ekatobhāgiyaṃ katvā vātūpathambhaṃ gāhāpetvā satiṃ sūpaṭṭhitaṃ katvā niccalova nisīdanto ācariyaṃ rakkhati nāmāti.
д̇вам̣ аажарияа ад̇д̇аанам̣ рагка, ахам̣ ад̇д̇аанам̣ рагкиссаамийд̇и зд̇т̇а аяамад̇хиббааяо – аажарияо вам̣сам̣ суг̇г̇ахид̇ам̣ г̇ан̣ханд̇о, анд̇зваасигзна багканд̇абагканд̇ад̣̇исам̣г̇ажчанд̇о , саб̣б̣агаалан̃жа вам̣саг̇г̇ам̣ уллогзнд̇о, ад̇д̇аанамзва рагкад̇и, на анд̇зваасигам̣. анд̇зваасигоби гааяамби згад̇обхааг̇ияам̣ гад̇ваа ваад̇уубат̇амбхам̣ г̇аахаабзд̇ваа сад̇им̣ суубадтид̇ам̣ гад̇ваа нижжалова нисийд̣̇амаано ад̇д̇аанам̣язва рагкад̇и наама, на аажарияам̣.
Tvaṃ ācariya attānaṃ rakkha, ahaṃ attānaṃ rakkhissāmīti ettha ayamadhippāyo – ācariyo vaṃsaṃ suggahitaṃ gaṇhanto, antevāsikena pakkhantapakkhantadisaṃgacchanto , sabbakālañca vaṃsaggaṃ ullokento, attānameva rakkhati, na antevāsikaṃ. Antevāsikopi kāyampi ekatobhāgiyaṃ katvā vātūpathambhaṃ gāhāpetvā satiṃ sūpaṭṭhitaṃ katvā niccalova nisīdamāno attānaṃyeva rakkhati nāma, na ācariyaṃ.
со д̇ад̇т̇а н̃ааяод̇и яам̣ мзд̣̇агат̇аалигаа ааха. со д̇ад̇т̇а н̃ааяо, со убааяо, д̇ам̣ гааран̣анд̇и ад̇т̇о. сад̇ибадтаанам̣ сзвид̇аб̣б̣анд̇и жад̇уб̣б̣ид̇хам̣ сад̇ибадтаанам̣ сзвид̇аб̣б̣ам̣. аасзванааяаад̇и гаммадтаанаасзванааяа. звам̣ ко, бхигкавз, ад̇д̇аанам̣ рагканд̇о барам̣ рагкад̇ийд̇и яо бхигку гаммаараамад̇аад̣̇ийни бахааяа рад̇д̇идтаанад̣̇иваадтаанзсу муулагаммадтаанам̣ аасзванд̇о бхаавзнд̇о арахад̇д̇ам̣ баабун̣аад̇и, ат̇а нам̣ баро д̣̇исваа – ‘‘бхад̣̇д̣̇аго вад̇ааяам̣, бхигку, саммаабадибанно’’д̇и д̇асмим̣ жид̇д̇ам̣ басаад̣̇зд̇ваа саг̇г̇абарааяан̣о ход̇и. аяам̣ ад̇д̇аанам̣ рагканд̇о барам̣ рагкад̇и наама.
So tattha ñāyoti yaṃ medakathālikā āha. So tattha ñāyo, so upāyo, taṃ kāraṇanti attho. Satipaṭṭhānaṃsevitabbanti catubbidhaṃ satipaṭṭhānaṃ sevitabbaṃ. Āsevanāyāti kammaṭṭhānāsevanāya. Evaṃ kho, bhikkhave, attānaṃ rakkhanto paraṃ rakkhatīti yo bhikkhu kammārāmatādīni pahāya rattiṭṭhānadivāṭṭhānesu mūlakammaṭṭhānaṃ āsevanto bhāvento arahattaṃ pāpuṇāti, atha naṃ paro disvā – ‘‘bhaddako vatāyaṃ, bhikkhu, sammāpaṭipanno’’ti tasmiṃ cittaṃ pasādetvā saggaparāyaṇo hoti. Ayaṃ attānaṃ rakkhanto paraṃ rakkhati nāma.
канд̇ияаад̇и ад̇хиваасанаканд̇ияаа. авихим̣сааяаад̇и сабуб̣б̣абхааг̇ааяа гарун̣ааяа. мзд̇д̇ажид̇д̇ад̇ааяаад̇и сабуб̣б̣абхааг̇ааяа мзд̇д̇ааяа. ануд̣̇аяад̇ааяаад̇и анувад̣дхияаа, сабуб̣б̣абхааг̇ааяа муд̣̇ид̇ааяаад̇и ад̇т̇о. барам̣ рагканд̇о ад̇д̇аанам̣ рагкад̇ийд̇и зд̇т̇а яо бхигку рад̇д̇идтаанад̣̇иваадтаанам̣ г̇ад̇о д̇ийсу б̣рахмавихаарзсу д̇игажад̇уггаж̇жхаанаани ниб̣б̣ад̇д̇зд̇ваа жхаанам̣ баад̣̇агам̣ гад̇ваа сан̇каарз саммасанд̇о вибассанам̣ вад̣дхзд̇ваа арахад̇д̇ам̣ баабун̣аад̇и. аяам̣ барам̣ рагканд̇о ад̇д̇аанам̣ рагкад̇и наамаад̇и взд̣̇ид̇аб̣б̣о.
Khantiyāti adhivāsanakhantiyā. Avihiṃsāyāti sapubbabhāgāya karuṇāya. Mettacittatāyāti sapubbabhāgāya mettāya. Anudayatāyāti anuvaḍḍhiyā, sapubbabhāgāya muditāyāti attho. Paraṃ rakkhanto attānaṃ rakkhatīti ettha yo bhikkhu rattiṭṭhānadivāṭṭhānaṃ gato tīsu brahmavihāresu tikacatukkajjhānāni nibbattetvā jhānaṃ pādakaṃ katvā saṅkhāre sammasanto vipassanaṃ vaḍḍhetvā arahattaṃ pāpuṇāti. Ayaṃ paraṃ rakkhanto attānaṃ rakkhati nāmāti veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. сзд̣̇агасуд̇д̇ам̣ • 9. Sedakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. сзд̣̇агасуд̇д̇аван̣н̣анаа • 9. Sedakasuttavaṇṇanā
