| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. сзд̣̇агасуд̇д̇аван̣н̣анаа
9. Sedakasuttavaṇṇanā
385. аяам̣ д̇асса лад̣̇д̇хийд̇и аяам̣ ид̣̇аани вужжамаанаа д̇асса аажарияасса лад̣̇д̇хи. д̇ад̇о анаамзнд̇од̇и язна вам̣со намад̇и, д̇зна гааяам̣ анаамзнд̇о. д̇ат̇аа наманд̇о хи бад̇ид̇ваа жун̣н̣авижун̣н̣ам̣ ход̇и. д̇анд̇и гааяам̣, д̇ам̣ вам̣сам̣ ваа. аагад̣дхзнд̇о вияаад̇и намид̇адтаанад̇о барабхааг̇зна аагад̣дхзнд̇о вияа. згад̇обхааг̇ияам̣ гад̇ваад̇и яат̇аавуд̇д̇ам̣ сад̇им̣ суубадтид̇ам̣ гад̇ваа онад̇ам̣ вияа гад̇ваа. д̇ат̇аа гаран̣ам̣ бана д̇ат̇аа ваад̇уубад̇т̇амбхаг̇аахаабанзнаад̇и ааха – ‘‘ваад̇уубад̇т̇амбхам̣ г̇аахаабзд̇ваа’’д̇и. д̇ан̃жа сад̇ияаа д̇ад̣̇ад̇т̇ам̣ убадтаанзнаад̇и вуд̇д̇ам̣ ‘‘сад̇им̣ суубадтид̇ам̣ гад̇ваа’’д̇и. нижжалова нисийд̣̇анд̇о анд̇зваасий аажарияам̣ рагкад̇и, зд̇д̇агам̣ аажарияасса лад̣̇д̇хивасзна вуд̇д̇ам̣. ‘‘аажарияо вам̣сам̣ суг̇г̇ахид̇ам̣ г̇ан̣ханд̇о’’д̇иаад̣̇и саб̣б̣ам̣ хздтаа вуд̇д̇анаяамзва.
385.Ayaṃ tassa laddhīti ayaṃ idāni vuccamānā tassa ācariyassa laddhi. Tato anāmentoti yena vaṃso namati, tena kāyaṃ anāmento. Tathā namanto hi patitvā cuṇṇavicuṇṇaṃ hoti. Tanti kāyaṃ, taṃ vaṃsaṃ vā. Ākaḍḍhento viyāti namitaṭṭhānato parabhāgena ākaḍḍhento viya. Ekatobhāgiyaṃ katvāti yathāvuttaṃ satiṃ sūpaṭṭhitaṃ katvā onataṃ viya katvā. Tathā karaṇaṃ pana tathā vātūpatthambhagāhāpanenāti āha – ‘‘vātūpatthambhaṃ gāhāpetvā’’ti. Tañca satiyā tadatthaṃ upaṭṭhānenāti vuttaṃ ‘‘satiṃ sūpaṭṭhitaṃ katvā’’ti. Niccalova nisīdanto antevāsī ācariyaṃ rakkhati, ettakaṃ ācariyassa laddhivasena vuttaṃ. ‘‘Ācariyo vaṃsaṃ suggahitaṃ gaṇhanto’’tiādi sabbaṃ heṭṭhā vuttanayameva.
‘‘ад̇д̇аанамзва рагкад̇ий’’д̇и ид̣̇ам̣ ад̇д̇ано рагкан̣ам̣ бад̇хаанам̣ гад̇ваа вуд̇д̇ам̣, на анд̇зваасиганд̇и авад̇хааран̣апалам̣. ад̇д̇арагкааяа банзд̇т̇а сиж̇жхамаанааяа анд̇зваасигарагкааби сид̣̇д̇хаа зва ход̇ийд̇и. д̣̇уд̇ияабагкзби зсзва наяо. со д̇ад̇т̇а н̃ааяод̇и яаа ад̇д̇ано зва рагкаа, саа ад̇т̇ад̇о барарагкааби ход̇ийд̇и аяамзд̇т̇а н̃ааяо яуд̇д̇аббаяог̇о. анувад̣дхияаад̇и яат̇аавад̣дхид̇асса ануанувад̣дхияаа. зд̇зна бадилад̣̇д̇хасамбаяуд̇д̇абамод̣̇анаагааро д̣̇ассид̇од̇и ааха – ‘‘сабуб̣б̣абхааг̇ааяа муд̣̇ид̇ааяаад̇и ад̇т̇о’’д̇и. аасзванааяаад̇иаад̣̇ийни бад̣̇аани ануд̣̇аяад̇аабарияосаанаани (яасмаа сад̇ибадтаанам̣ сзванд̇асса сид̣̇д̇хам̣ ад̇д̇ано жа барасса жа рагкан̣ам̣ багаасзнд̇и, д̇асмаа) – ‘‘ад̇д̇аанам̣, бхигкавз, рагкиссаамийд̇и сад̇ибадтаанам̣ сзвид̇аб̣б̣а’’нд̇иаад̣̇и вуд̇д̇ам̣.
‘‘Attānameva rakkhatī’’ti idaṃ attano rakkhaṇaṃ padhānaṃ katvā vuttaṃ, na antevāsikanti avadhāraṇaphalaṃ. Attarakkhāya panettha sijjhamānāya antevāsikarakkhāpi siddhā eva hotīti. Dutiyapakkhepi eseva nayo. So tattha ñāyoti yā attano eva rakkhā, sā atthato pararakkhāpi hotīti ayamettha ñāyo yuttappayogo. Anuvaḍḍhiyāti yathāvaḍḍhitassa anuanuvaḍḍhiyā. Etena paṭiladdhasampayuttapamodanākāro dassitoti āha – ‘‘sapubbabhāgāya muditāyāti attho’’ti. Āsevanāyātiādīni padāni anudayatāpariyosānāni (yasmā satipaṭṭhānaṃ sevantassa siddhaṃ attano ca parassa ca rakkhaṇaṃ pakāsenti, tasmā) – ‘‘attānaṃ, bhikkhave, rakkhissāmīti satipaṭṭhānaṃ sevitabba’’ntiādi vuttaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. сзд̣̇агасуд̇д̇ам̣ • 9. Sedakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. сзд̣̇агасуд̇д̇аван̣н̣анаа • 9. Sedakasuttavaṇṇanā
