| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਸੇਦਕਸੁਤ੍ਤવਣ੍ਣਨਾ
9. Sedakasuttavaṇṇanā
੩੮੫. ਨવਮੇ ਸੁਮ੍ਭੇਸੂਤਿ ਏવਂਨਾਮਕੇ ਜਨਪਦੇ। ਮੇਦਕਥਾਲਿਕਾਤਿ ਏવਂ ਇਤ੍ਥਿਲਿਙ੍ਗવਸੇਨ ਲਦ੍ਧਨਾਮਂ। ਮਮਂ ਰਕ੍ਖ, ਅਹਂ ਤਂ ਰਕ੍ਖਿਸ੍ਸਾਮੀਤਿ ਏਤ੍ਥ ਅਯਂ ਤਸ੍ਸ ਲਦ੍ਧਿ – ਆਚਰਿਯੋ ਉਕ੍ਖਿਤ੍ਤવਂਸਂ ਸੁਗ੍ਗਹਿਤਂ ਅਗਣ੍ਹਨ੍ਤੋ, ਅਨ੍ਤੇવਾਸਿਕੇਨ ਪਕ੍ਖਨ੍ਤਪਕ੍ਖਨ੍ਤਦਿਸਂ ਅਗਚ੍ਛਨ੍ਤੋ, ਸਬ੍ਬਕਾਲਞ੍ਚ વਂਸਗ੍ਗਂ ਅਨੁਲ੍ਲੋਕੇਨ੍ਤੋ ਅਨ੍ਤੇવਾਸਿਕਂ ਨ ਰਕ੍ਖਤਿ ਨਾਮ, ਏવਂ ਅਰਕ੍ਖਿਤੋ ਅਨ੍ਤੇવਾਸਿਕੋ ਪਤਿਤ੍વਾ ਚੁਣ੍ਣવਿਚੁਣ੍ਣਂ ਹੋਤਿ। વਂਸਂ ਪਨ ਸੁਗ੍ਗਹਿਤਂ ਗਣ੍ਹਨ੍ਤੋ, ਤੇਨ ਪਕ੍ਖਨ੍ਤਪਕ੍ਖਨ੍ਤਦਿਸਂ ਗਚ੍ਛਨ੍ਤੋ, ਸਬ੍ਬਕਾਲਞ੍ਚ વਂਸਗ੍ਗਂ ਉਲ੍ਲੋਕੇਨ੍ਤੋ ਤਂ ਰਕ੍ਖਤਿ ਨਾਮ। ਅਨ੍ਤੇવਾਸਿਕੋਪਿ ਇਤੋ ਚਿਤੋ ਚ ਪਕ੍ਖਨ੍ਦਿਤ੍વਾ ਮਿਗੋ વਿਯ ਕੀਲ਼ਨ੍ਤੋ ਆਚਰਿਯਂ ਨ ਰਕ੍ਖਤਿ ਨਾਮ। ਏવਞ੍ਹਿ ਸਤਿ ਤਿਖਿਣવਂਸਕੋਟਿ ਆਚਰਿਯਸ੍ਸ ਗਲવਾਟਕੇ વਾ ਨਲਾਟੇ વਾ ਠਪਿਤਾ ਠਿਤਟ੍ਠਾਨਂ ਭਿਨ੍ਦਿਤ੍વਾ ਗਚ੍ਛੇਯ੍ਯ। ਆਚਾਰਸਮ੍ਪਨ੍ਨਤਾਯ ਪਨ ਯਤੋ વਂਸੋ ਨਮਤਿ, ਤਤੋ ਅਨਾਮੇਨ੍ਤੋ ਤਂ ਆਕਡ੍ਢੇਨ੍ਤੋ વਿਯ ਏਕਤੋਭਾਗਿਯਂ ਕਤ੍વਾ વਾਤੂਪਥਮ੍ਭਂ ਗਾਹਾਪੇਤ੍વਾ ਸਤਿਂ ਸੂਪਟ੍ਠਿਤਂ ਕਤ੍વਾ ਨਿਚ੍ਚਲੋવ ਨਿਸੀਦਨ੍ਤੋ ਆਚਰਿਯਂ ਰਕ੍ਖਤਿ ਨਾਮਾਤਿ।
385. Navame sumbhesūti evaṃnāmake janapade. Medakathālikāti evaṃ itthiliṅgavasena laddhanāmaṃ. Mamaṃ rakkha, ahaṃ taṃ rakkhissāmīti ettha ayaṃ tassa laddhi – ācariyo ukkhittavaṃsaṃ suggahitaṃ agaṇhanto, antevāsikena pakkhantapakkhantadisaṃ agacchanto, sabbakālañca vaṃsaggaṃ anullokento antevāsikaṃ na rakkhati nāma, evaṃ arakkhito antevāsiko patitvā cuṇṇavicuṇṇaṃ hoti. Vaṃsaṃ pana suggahitaṃ gaṇhanto, tena pakkhantapakkhantadisaṃ gacchanto, sabbakālañca vaṃsaggaṃ ullokento taṃ rakkhati nāma. Antevāsikopi ito cito ca pakkhanditvā migo viya kīḷanto ācariyaṃ na rakkhati nāma. Evañhi sati tikhiṇavaṃsakoṭi ācariyassa galavāṭake vā nalāṭe vā ṭhapitā ṭhitaṭṭhānaṃ bhinditvā gaccheyya. Ācārasampannatāya pana yato vaṃso namati, tato anāmento taṃ ākaḍḍhento viya ekatobhāgiyaṃ katvā vātūpathambhaṃ gāhāpetvā satiṃ sūpaṭṭhitaṃ katvā niccalova nisīdanto ācariyaṃ rakkhati nāmāti.
ਤ੍વਂ ਆਚਰਿਯ ਅਤ੍ਤਾਨਂ ਰਕ੍ਖ, ਅਹਂ ਅਤ੍ਤਾਨਂ ਰਕ੍ਖਿਸ੍ਸਾਮੀਤਿ ਏਤ੍ਥ ਅਯਮਧਿਪ੍ਪਾਯੋ – ਆਚਰਿਯੋ વਂਸਂ ਸੁਗ੍ਗਹਿਤਂ ਗਣ੍ਹਨ੍ਤੋ, ਅਨ੍ਤੇવਾਸਿਕੇਨ ਪਕ੍ਖਨ੍ਤਪਕ੍ਖਨ੍ਤਦਿਸਂਗਚ੍ਛਨ੍ਤੋ , ਸਬ੍ਬਕਾਲਞ੍ਚ વਂਸਗ੍ਗਂ ਉਲ੍ਲੋਕੇਨ੍ਤੋ, ਅਤ੍ਤਾਨਮੇવ ਰਕ੍ਖਤਿ, ਨ ਅਨ੍ਤੇવਾਸਿਕਂ। ਅਨ੍ਤੇવਾਸਿਕੋਪਿ ਕਾਯਮ੍ਪਿ ਏਕਤੋਭਾਗਿਯਂ ਕਤ੍વਾ વਾਤੂਪਥਮ੍ਭਂ ਗਾਹਾਪੇਤ੍વਾ ਸਤਿਂ ਸੂਪਟ੍ਠਿਤਂ ਕਤ੍વਾ ਨਿਚ੍ਚਲੋવ ਨਿਸੀਦਮਾਨੋ ਅਤ੍ਤਾਨਂਯੇવ ਰਕ੍ਖਤਿ ਨਾਮ, ਨ ਆਚਰਿਯਂ।
Tvaṃ ācariya attānaṃ rakkha, ahaṃ attānaṃ rakkhissāmīti ettha ayamadhippāyo – ācariyo vaṃsaṃ suggahitaṃ gaṇhanto, antevāsikena pakkhantapakkhantadisaṃgacchanto , sabbakālañca vaṃsaggaṃ ullokento, attānameva rakkhati, na antevāsikaṃ. Antevāsikopi kāyampi ekatobhāgiyaṃ katvā vātūpathambhaṃ gāhāpetvā satiṃ sūpaṭṭhitaṃ katvā niccalova nisīdamāno attānaṃyeva rakkhati nāma, na ācariyaṃ.
ਸੋ ਤਤ੍ਥ ਞਾਯੋਤਿ ਯਂ ਮੇਦਕਥਾਲਿਕਾ ਆਹ। ਸੋ ਤਤ੍ਥ ਞਾਯੋ, ਸੋ ਉਪਾਯੋ, ਤਂ ਕਾਰਣਨ੍ਤਿ ਅਤ੍ਥੋ। ਸਤਿਪਟ੍ਠਾਨਂ ਸੇવਿਤਬ੍ਬਨ੍ਤਿ ਚਤੁਬ੍ਬਿਧਂ ਸਤਿਪਟ੍ਠਾਨਂ ਸੇવਿਤਬ੍ਬਂ। ਆਸੇવਨਾਯਾਤਿ ਕਮ੍ਮਟ੍ਠਾਨਾਸੇવਨਾਯ। ਏવਂ ਖੋ, ਭਿਕ੍ਖવੇ, ਅਤ੍ਤਾਨਂ ਰਕ੍ਖਨ੍ਤੋ ਪਰਂ ਰਕ੍ਖਤੀਤਿ ਯੋ ਭਿਕ੍ਖੁ ਕਮ੍ਮਾਰਾਮਤਾਦੀਨਿ ਪਹਾਯ ਰਤ੍ਤਿਟ੍ਠਾਨਦਿવਾਟ੍ਠਾਨੇਸੁ ਮੂਲਕਮ੍ਮਟ੍ਠਾਨਂ ਆਸੇવਨ੍ਤੋ ਭਾવੇਨ੍ਤੋ ਅਰਹਤ੍ਤਂ ਪਾਪੁਣਾਤਿ, ਅਥ ਨਂ ਪਰੋ ਦਿਸ੍વਾ – ‘‘ਭਦ੍ਦਕੋ વਤਾਯਂ, ਭਿਕ੍ਖੁ, ਸਮ੍ਮਾਪਟਿਪਨ੍ਨੋ’’ਤਿ ਤਸ੍ਮਿਂ ਚਿਤ੍ਤਂ ਪਸਾਦੇਤ੍વਾ ਸਗ੍ਗਪਰਾਯਣੋ ਹੋਤਿ। ਅਯਂ ਅਤ੍ਤਾਨਂ ਰਕ੍ਖਨ੍ਤੋ ਪਰਂ ਰਕ੍ਖਤਿ ਨਾਮ।
So tattha ñāyoti yaṃ medakathālikā āha. So tattha ñāyo, so upāyo, taṃ kāraṇanti attho. Satipaṭṭhānaṃsevitabbanti catubbidhaṃ satipaṭṭhānaṃ sevitabbaṃ. Āsevanāyāti kammaṭṭhānāsevanāya. Evaṃ kho, bhikkhave, attānaṃ rakkhanto paraṃ rakkhatīti yo bhikkhu kammārāmatādīni pahāya rattiṭṭhānadivāṭṭhānesu mūlakammaṭṭhānaṃ āsevanto bhāvento arahattaṃ pāpuṇāti, atha naṃ paro disvā – ‘‘bhaddako vatāyaṃ, bhikkhu, sammāpaṭipanno’’ti tasmiṃ cittaṃ pasādetvā saggaparāyaṇo hoti. Ayaṃ attānaṃ rakkhanto paraṃ rakkhati nāma.
ਖਨ੍ਤਿਯਾਤਿ ਅਧਿવਾਸਨਖਨ੍ਤਿਯਾ। ਅવਿਹਿਂਸਾਯਾਤਿ ਸਪੁਬ੍ਬਭਾਗਾਯ ਕਰੁਣਾਯ। ਮੇਤ੍ਤਚਿਤ੍ਤਤਾਯਾਤਿ ਸਪੁਬ੍ਬਭਾਗਾਯ ਮੇਤ੍ਤਾਯ। ਅਨੁਦਯਤਾਯਾਤਿ ਅਨੁવਡ੍ਢਿਯਾ, ਸਪੁਬ੍ਬਭਾਗਾਯ ਮੁਦਿਤਾਯਾਤਿ ਅਤ੍ਥੋ। ਪਰਂ ਰਕ੍ਖਨ੍ਤੋ ਅਤ੍ਤਾਨਂ ਰਕ੍ਖਤੀਤਿ ਏਤ੍ਥ ਯੋ ਭਿਕ੍ਖੁ ਰਤ੍ਤਿਟ੍ਠਾਨਦਿવਾਟ੍ਠਾਨਂ ਗਤੋ ਤੀਸੁ ਬ੍ਰਹ੍ਮવਿਹਾਰੇਸੁ ਤਿਕਚਤੁਕ੍ਕਜ੍ਝਾਨਾਨਿ ਨਿਬ੍ਬਤ੍ਤੇਤ੍વਾ ਝਾਨਂ ਪਾਦਕਂ ਕਤ੍વਾ ਸਙ੍ਖਾਰੇ ਸਮ੍ਮਸਨ੍ਤੋ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਾਪੁਣਾਤਿ। ਅਯਂ ਪਰਂ ਰਕ੍ਖਨ੍ਤੋ ਅਤ੍ਤਾਨਂ ਰਕ੍ਖਤਿ ਨਾਮਾਤਿ વੇਦਿਤਬ੍ਬੋ।
Khantiyāti adhivāsanakhantiyā. Avihiṃsāyāti sapubbabhāgāya karuṇāya. Mettacittatāyāti sapubbabhāgāya mettāya. Anudayatāyāti anuvaḍḍhiyā, sapubbabhāgāya muditāyāti attho. Paraṃ rakkhanto attānaṃ rakkhatīti ettha yo bhikkhu rattiṭṭhānadivāṭṭhānaṃ gato tīsu brahmavihāresu tikacatukkajjhānāni nibbattetvā jhānaṃ pādakaṃ katvā saṅkhāre sammasanto vipassanaṃ vaḍḍhetvā arahattaṃ pāpuṇāti. Ayaṃ paraṃ rakkhanto attānaṃ rakkhati nāmāti veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਸੇਦਕਸੁਤ੍ਤਂ • 9. Sedakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਸੇਦਕਸੁਤ੍ਤવਣ੍ਣਨਾ • 9. Sedakasuttavaṇṇanā
