| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[217] 7. сзг̇г̇уж̇аад̇агаван̣н̣анаа
[217] 7. Seggujātakavaṇṇanā
саб̣б̣о логод̇и ид̣̇ам̣ сад̇т̇аа ж̇зд̇аванз вихаранд̇о згам̣ бан̣н̣игаубаасагам̣ аараб̣бха гат̇зси. вад̇т̇у згаганибаад̇з вид̇т̇аарид̇амзва. ид̇хааби сад̇т̇аа д̇ам̣ ‘‘гим̣, убаасага, жирассам̣ ааг̇ад̇осий’’д̇и бужчи. бан̣н̣игаубаасаго ‘‘д̇хийд̇аа мз, бханд̇з, нижжам̣ бахам̣сид̇амукий, д̇амахам̣ виймам̣сид̇ваа згасса гулад̣̇аарагасса ад̣̇аасим̣, д̇ад̇т̇а ид̇игад̇д̇аб̣б̣ад̇ааяа д̇умхаагам̣ д̣̇ассанааяа ааг̇анд̇ум̣ огаасам̣ на лабхи’’нд̇и ааха. ат̇а нам̣ сад̇т̇аа ‘‘на ко, убаасага, ид̣̇аанзвзсаа сийлавад̇ий, буб̣б̣зби сийлавад̇ий, д̇ван̃жа на ид̣̇аанзвзд̇ам̣ виймам̣саси, буб̣б̣зби виймам̣сиязваа’’д̇и вад̇ваа д̇зна яаажид̇о ад̇ийд̇ам̣ аахари.
Sabbo lokoti idaṃ satthā jetavane viharanto ekaṃ paṇṇikaupāsakaṃ ārabbha kathesi. Vatthu ekakanipāte vitthāritameva. Idhāpi satthā taṃ ‘‘kiṃ, upāsaka, cirassaṃ āgatosī’’ti pucchi. Paṇṇikaupāsako ‘‘dhītā me, bhante, niccaṃ pahaṃsitamukhī, tamahaṃ vīmaṃsitvā ekassa kuladārakassa adāsiṃ, tattha itikattabbatāya tumhākaṃ dassanāya āgantuṃ okāsaṃ na labhi’’nti āha. Atha naṃ satthā ‘‘na kho, upāsaka, idānevesā sīlavatī, pubbepi sīlavatī, tvañca na idānevetaṃ vīmaṃsasi, pubbepi vīmaṃsiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ругкад̣̇звад̇аа ахоси. д̇ад̣̇аа аяамзва бан̣н̣игаубаасаго ‘‘д̇хийд̇арам̣ виймам̣сиссаамий’’д̇и аран̃н̃ам̣ нзд̇ваа гилзсавасзна ижчанд̇о вияа хад̇т̇з г̇ан̣хи. ат̇а нам̣ барид̣̇звамаанам̣ батамаг̇аат̇ааяа аж̇жхабхааси –
Atīte bārāṇasiyaṃ brahmadatte rajjaṃ kārente bodhisatto rukkhadevatā ahosi. Tadā ayameva paṇṇikaupāsako ‘‘dhītaraṃ vīmaṃsissāmī’’ti araññaṃ netvā kilesavasena icchanto viya hatthe gaṇhi. Atha naṃ paridevamānaṃ paṭhamagāthāya ajjhabhāsi –
133.
133.
‘‘саб̣б̣о лого ад̇д̇амано ахоси, аговид̣̇аа г̇аамад̇хаммасса сзг̇г̇у;
‘‘Sabbo loko attamano ahosi, akovidā gāmadhammassa seggu;
гомаари го наама д̇аваж̇ж̇а д̇хаммо, яам̣ д̇вам̣ г̇ахид̇аа баванз барод̣̇асий’’д̇и.
Komāri ko nāma tavajja dhammo, yaṃ tvaṃ gahitā pavane parodasī’’ti.
д̇ад̇т̇а саб̣б̣о лого ад̇д̇амано ахосийд̇и, амма, сагалоби сад̇д̇алого зд̇иссаа гаамасзванааяа ад̇д̇амано ж̇аад̇о. аговид̣̇аа г̇аамад̇хаммасса сзг̇г̇ууд̇и сзг̇г̇ууд̇и д̇ассаа наамам̣. д̇зна д̇вам̣ бана, амма, сзг̇г̇у аговид̣̇аа г̇аамад̇хаммасса, имасмим̣ г̇аамад̇хаммз васалад̇хаммз агусалаасийд̇и вуд̇д̇ам̣ ход̇и. гомаари го наама д̇аваж̇ж̇а д̇хаммод̇и, амма, гумаари го наамзса д̇ава аж̇ж̇а сабхааво. яам̣ д̇вам̣ г̇ахид̇аа баванз барод̣̇асийд̇и д̇вам̣ маяаа имасмим̣ баванз сант̇ававасзна хад̇т̇з г̇ахид̇аа барод̣̇аси на самбадижчаси, го зса д̇ава сабхааво, гим̣ гумааригааязва д̇ванд̇и бужчад̇и.
Tattha sabbo loko attamano ahosīti, amma, sakalopi sattaloko etissā kāmasevanāya attamano jāto. Akovidā gāmadhammassa seggūti seggūti tassā nāmaṃ. Tena tvaṃ pana, amma, seggu akovidā gāmadhammassa, imasmiṃ gāmadhamme vasaladhamme akusalāsīti vuttaṃ hoti. Komāri ko nāma tavajja dhammoti, amma, kumāri ko nāmesa tava ajja sabhāvo. Yaṃ tvaṃ gahitā pavane parodasīti tvaṃ mayā imasmiṃ pavane santhavavasena hatthe gahitā parodasi na sampaṭicchasi, ko esa tava sabhāvo, kiṃ kumārikāyeva tvanti pucchati.
д̇ам̣ суд̇ваа гумааригаа ‘‘аама, д̇аад̇а, гумааригааязваахам̣, наахам̣ мзт̇унад̇хаммам̣ наама ж̇аанаамий’’д̇и вад̇ваа барид̣̇звамаанаа д̣̇уд̇ияам̣ г̇аат̇амааха –
Taṃ sutvā kumārikā ‘‘āma, tāta, kumārikāyevāhaṃ, nāhaṃ methunadhammaṃ nāma jānāmī’’ti vatvā paridevamānā dutiyaṃ gāthamāha –
134.
134.
‘‘яо д̣̇угкапудтааяа бхавзяяа д̇аан̣ам̣, со мз бид̇аа д̣̇уб̣бхи ванз гарод̇и;
‘‘Yo dukkhaphuṭṭhāya bhaveyya tāṇaṃ, so me pitā dubbhi vane karoti;
саа гасса ганд̣̇аами ванасса маж̇жхз, яо д̇ааяид̇аа со сахасам̣ гарод̇ий’’д̇и.
Sā kassa kandāmi vanassa majjhe, yo tāyitā so sahasaṃ karotī’’ti.
саа хздтаа гат̇ид̇ааязва. ид̇и со бан̣н̣иго д̇ад̣̇аа д̇хийд̇арам̣ виймам̣сид̇ваа г̇зхам̣ нзд̇ваа гулад̣̇аарагасса д̣̇ад̇ваа яат̇аагаммам̣ г̇ад̇о.
Sā heṭṭhā kathitāyeva. Iti so paṇṇiko tadā dhītaraṃ vīmaṃsitvā gehaṃ netvā kuladārakassa datvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз бан̣н̣игаубаасаго сод̇аабад̇д̇ипалз бад̇идтахи. ‘‘д̇ад̣̇аа д̇хийд̇аа д̇хийд̇ааязва, бид̇аа бид̇ааязва ахоси, д̇асса гааран̣асса бажжагкагааригаа ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne paṇṇikaupāsako sotāpattiphale patiṭṭhahi. ‘‘Tadā dhītā dhītāyeva, pitā pitāyeva ahosi, tassa kāraṇassa paccakkhakārikā rukkhadevatā pana ahameva ahosi’’nti.
сзг̇г̇уж̇аад̇агаван̣н̣анаа сад̇д̇амаа.
Seggujātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 217. сзг̇г̇уж̇аад̇агам̣ • 217. Seggujātakaṃ
