| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. сзкасуд̇д̇ам̣
3. Sekhasuttaṃ
523. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. д̇ад̇ра ко бхаг̇аваа бхигкуу ааманд̇зси – ‘‘ад̇т̇и ну ко, бхигкавз, барияааяо яам̣ барияааяам̣ ааг̇амма сзко бхигку сзкабхуумияам̣ тид̇о ‘сзкосмий’д̇и баж̇аанзяяа, асзко бхигку асзкабхуумияам̣ тид̇о ‘асзкосмий’д̇и баж̇аанзяяаа’’д̇и?
523. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. Tatra kho bhagavā bhikkhū āmantesi – ‘‘atthi nu kho, bhikkhave, pariyāyo yaṃ pariyāyaṃ āgamma sekho bhikkhu sekhabhūmiyaṃ ṭhito ‘sekhosmī’ti pajāneyya, asekho bhikkhu asekhabhūmiyaṃ ṭhito ‘asekhosmī’ti pajāneyyā’’ti?
бхаг̇авам̣муулагаа но, бханд̇з, д̇хаммаа…бз… ‘‘ад̇т̇и, бхигкавз, барияааяо яам̣ барияааяам̣ ааг̇амма сзко бхигку сзкабхуумияам̣ тид̇о ‘сзкосмий’д̇и баж̇аанзяяа, асзко бхигку асзкабхуумияам̣ тид̇о ‘асзкосмий’д̇и баж̇аанзяяа’’.
Bhagavaṃmūlakā no, bhante, dhammā…pe… ‘‘atthi, bhikkhave, pariyāyo yaṃ pariyāyaṃ āgamma sekho bhikkhu sekhabhūmiyaṃ ṭhito ‘sekhosmī’ti pajāneyya, asekho bhikkhu asekhabhūmiyaṃ ṭhito ‘asekhosmī’ti pajāneyya’’.
‘‘гад̇амо жа, бхигкавз, барияааяо яам̣ барияааяам̣ ааг̇амма сзко бхигку сзкабхуумияам̣ тид̇о ‘сзкосмий’д̇и баж̇аанаад̇и? ид̇ха, бхигкавз, сзко бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и – аяамби ко, бхигкавз, барияааяо яам̣ барияааяам̣ ааг̇амма сзко бхигку сзкабхуумияам̣ тид̇о ‘сзкосмий’д̇и баж̇аанаад̇и’’.
‘‘Katamo ca, bhikkhave, pariyāyo yaṃ pariyāyaṃ āgamma sekho bhikkhu sekhabhūmiyaṃ ṭhito ‘sekhosmī’ti pajānāti? Idha, bhikkhave, sekho bhikkhu ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti – ayampi kho, bhikkhave, pariyāyo yaṃ pariyāyaṃ āgamma sekho bhikkhu sekhabhūmiyaṃ ṭhito ‘sekhosmī’ti pajānāti’’.
‘‘буна жабарам̣, бхигкавз, сзко бхигку ид̇и бадисан̃жигкад̇и – ‘ад̇т̇и ну ко ид̇о б̣ахид̣̇д̇хаа ан̃н̃о саман̣о ваа б̣раахман̣о ваа яо звам̣ бхууд̇ам̣ д̇ажчам̣ д̇ат̇ам̣ д̇хаммам̣ д̣̇зсзд̇и яат̇аа бхаг̇аваа’д̇и? со звам̣ баж̇аанаад̇и – ‘над̇т̇и ко ид̇о б̣ахид̣̇д̇хаа ан̃н̃о саман̣о ваа б̣раахман̣о ваа яо звам̣ бхууд̇ам̣ д̇ажчам̣ д̇ат̇ам̣ д̇хаммам̣ д̣̇зсзд̇и яат̇аа бхаг̇аваа’д̇и. аяамби ко, бхигкавз, барияааяо яам̣ барияааяам̣ ааг̇амма сзко бхигку сзкабхуумияам̣ тид̇о ‘сзкосмий’д̇и баж̇аанаад̇и’’.
‘‘Puna caparaṃ, bhikkhave, sekho bhikkhu iti paṭisañcikkhati – ‘atthi nu kho ito bahiddhā añño samaṇo vā brāhmaṇo vā yo evaṃ bhūtaṃ tacchaṃ tathaṃ dhammaṃ deseti yathā bhagavā’ti? So evaṃ pajānāti – ‘natthi kho ito bahiddhā añño samaṇo vā brāhmaṇo vā yo evaṃ bhūtaṃ tacchaṃ tathaṃ dhammaṃ deseti yathā bhagavā’ti. Ayampi kho, bhikkhave, pariyāyo yaṃ pariyāyaṃ āgamma sekho bhikkhu sekhabhūmiyaṃ ṭhito ‘sekhosmī’ti pajānāti’’.
‘‘буна жабарам̣, бхигкавз, сзко бхигку бан̃жинд̣̇рияаани баж̇аанаад̇и – сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣ – яам̣г̇ад̇игаани яам̣барамаани яам̣палаани яам̣барияосаанаани. на хзва ко гааязна пусид̇ваа вихарад̇и; бан̃н̃ааяа жа ад̇ивиж̇жха бассад̇и. аяамби ко, бхигкавз, барияааяо яам̣ барияааяам̣ ааг̇амма сзко бхигку сзкабхуумияам̣ тид̇о ‘сзкосмий’д̇и баж̇аанаад̇и’’.
‘‘Puna caparaṃ, bhikkhave, sekho bhikkhu pañcindriyāni pajānāti – saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – yaṃgatikāni yaṃparamāni yaṃphalāni yaṃpariyosānāni. Na heva kho kāyena phusitvā viharati; paññāya ca ativijjha passati. Ayampi kho, bhikkhave, pariyāyo yaṃ pariyāyaṃ āgamma sekho bhikkhu sekhabhūmiyaṃ ṭhito ‘sekhosmī’ti pajānāti’’.
‘‘гад̇амо жа, бхигкавз, барияааяо яам̣ барияааяам̣ ааг̇амма асзко бхигку асзкабхуумияам̣ тид̇о ‘асзкосмий’д̇и баж̇аанаад̇и? ид̇ха, бхигкавз, асзко бхигку бан̃жинд̣̇рияаани баж̇аанаад̇и – сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣ – яам̣г̇ад̇игаани яам̣барамаани яам̣палаани яам̣барияосаанаани. гааязна жа пусид̇ваа вихарад̇и; бан̃н̃ааяа жа ад̇ивиж̇жха бассад̇и. аяамби ко, бхигкавз, барияааяо яам̣ барияааяам̣ ааг̇амма асзко бхигку асзкабхуумияам̣ тид̇о ‘асзкосмий’д̇и баж̇аанаад̇и’’.
‘‘Katamo ca, bhikkhave, pariyāyo yaṃ pariyāyaṃ āgamma asekho bhikkhu asekhabhūmiyaṃ ṭhito ‘asekhosmī’ti pajānāti? Idha, bhikkhave, asekho bhikkhu pañcindriyāni pajānāti – saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – yaṃgatikāni yaṃparamāni yaṃphalāni yaṃpariyosānāni. Kāyena ca phusitvā viharati; paññāya ca ativijjha passati. Ayampi kho, bhikkhave, pariyāyo yaṃ pariyāyaṃ āgamma asekho bhikkhu asekhabhūmiyaṃ ṭhito ‘asekhosmī’ti pajānāti’’.
‘‘буна жабарам̣, бхигкавз, асзко бхигку ча инд̣̇рияаани баж̇аанаад̇и. ‘жагкунд̣̇рияам̣, сод̇инд̣̇рияам̣, гхаанинд̣̇рияам̣, ж̇ивхинд̣̇рияам̣, гааяинд̣̇рияам̣, манинд̣̇рияам̣ – имаани ко ча инд̣̇рияаани саб̣б̣зна саб̣б̣ам̣ саб̣б̣ат̇аа саб̣б̣ам̣ абарисзсам̣ нируж̇жхиссанд̇и, ан̃н̃аани жа ча инд̣̇рияаани на гухин̃жи гисмин̃жи уббаж̇ж̇иссанд̇ий’д̇и баж̇аанаад̇и. аяамби ко, бхигкавз, барияааяо яам̣ барияааяам̣ ааг̇амма асзко бхигку асзкабхуумияам̣ тид̇о ‘асзкосмий’д̇и баж̇аанаад̇ий’’д̇и. д̇ад̇ияам̣.
‘‘Puna caparaṃ, bhikkhave, asekho bhikkhu cha indriyāni pajānāti. ‘Cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ – imāni kho cha indriyāni sabbena sabbaṃ sabbathā sabbaṃ aparisesaṃ nirujjhissanti, aññāni ca cha indriyāni na kuhiñci kismiñci uppajjissantī’ti pajānāti. Ayampi kho, bhikkhave, pariyāyo yaṃ pariyāyaṃ āgamma asekho bhikkhu asekhabhūmiyaṃ ṭhito ‘asekhosmī’ti pajānātī’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. сзкасуд̇д̇аван̣н̣анаа • 3. Sekhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. сзкасуд̇д̇аван̣н̣анаа • 3. Sekhasuttavaṇṇanā
