| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4. දෙවතාවග්‌ගො
4. Devatāvaggo
1. සෙඛසුත්‌තං
1. Sekhasuttaṃ
31. ‘‘ඡයිමෙ , භික්‌ඛවෙ, ධම්‌මා සෙඛස්‌ස භික්‌ඛුනො පරිහානාය සංවත්‌තන්‌ති. කතමෙ ඡ? කම්‌මාරාමතා , භස්‌සාරාමතා, නිද්‌දාරාමතා, සඞ්‌ගණිකාරාමතා, ඉන්‌ද්‍රියෙසු අගුත්‌තද්‌වාරතා, භොජනෙ අමත්‌තඤ්‌ඤුතා – ඉමෙ ඛො, භික්‌ඛවෙ, ඡ ධම්‌මා සෙඛස්‌ස භික්‌ඛුනො පරිහානාය සංවත්‌තන්‌ති.
31. ‘‘Chayime , bhikkhave, dhammā sekhassa bhikkhuno parihānāya saṃvattanti. Katame cha? Kammārāmatā , bhassārāmatā, niddārāmatā, saṅgaṇikārāmatā, indriyesu aguttadvāratā, bhojane amattaññutā – ime kho, bhikkhave, cha dhammā sekhassa bhikkhuno parihānāya saṃvattanti.
‘‘ඡයිමෙ, භික්‌ඛවෙ, ධම්‌මා සෙඛස්‌ස භික්‌ඛුනො අපරිහානාය සංවත්‌තන්‌ති. කතමෙ ඡ? න කම්‌මාරාමතා, න භස්‌සාරාමතා, න නිද්‌දාරාමතා, න සඞ්‌ගණිකාරාමතා, ඉන්‌ද්‍රියෙසු ගුත්‌තද්‌වාරතා, භොජනෙ මත්‌තඤ්‌ඤුතා – ඉමෙ ඛො , භික්‌ඛවෙ, ඡ ධම්‌මා සෙඛස්‌ස භික්‌ඛුනො අපරිහානාය සංවත්‌තන්‌තී’’ති. පඨමං.
‘‘Chayime, bhikkhave, dhammā sekhassa bhikkhuno aparihānāya saṃvattanti. Katame cha? Na kammārāmatā, na bhassārāmatā, na niddārāmatā, na saṅgaṇikārāmatā, indriyesu guttadvāratā, bhojane mattaññutā – ime kho , bhikkhave, cha dhammā sekhassa bhikkhuno aparihānāya saṃvattantī’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. සෙඛසුත්‌තවණ්‌ණනා • 1. Sekhasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. සෙඛසුත්‌තාදිවණ්‌ණනා • 1-4. Sekhasuttādivaṇṇanā
