| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. сзкасуд̇д̇аван̣н̣анаа
3. Sekhasuttavaṇṇanā
22. звам̣ мз суд̇анд̇и сзкасуд̇д̇ам̣. д̇ад̇т̇а навам̣ сант̇ааг̇ааранд̇и ад̇хунаа гаарид̇ам̣ сант̇ааг̇аарам̣, згаа махаасаалаад̇и ад̇т̇о. уяяог̇агаалаад̣̇ийсу хи рааж̇аано д̇ад̇т̇а тад̇ваа ‘‘зд̇д̇агаа бурад̇о г̇ажчанд̇у, зд̇д̇агаа бажчаа, зд̇д̇агаа убхохи бассзхи, зд̇д̇агаа хад̇т̇ийсу абхируханд̇у, зд̇д̇агаа ассзсу, зд̇д̇агаа рат̇зсу д̇идтанд̇уу’’д̇и звам̣ сант̇ам̣ гаронд̇и, марияаад̣̇ам̣ б̣анд̇ханд̇и, д̇асмаа д̇ам̣ таанам̣ сант̇ааг̇ааранд̇и вужжад̇и. уяяог̇адтаанад̇о жа ааг̇анд̇ваа яаава г̇зхзсу аллаг̇омаяабарибхан̣д̣аад̣̇ийни гаронд̇и, д̇аава д̣̇вз д̇ийн̣и д̣̇ивасаани д̇з рааж̇аано д̇ад̇т̇а сант̇амбханд̇ийд̇иби сант̇ааг̇аарам̣. д̇зсам̣ рааж̇уунам̣ саха ад̇т̇аанусаасанам̣ аг̇ааранд̇иби сант̇ааг̇аарам̣ г̇ан̣арааж̇аано хи д̇з , д̇асмаа уббаннагижжам̣ згасса васзна на чиж̇ж̇ад̇и, саб̣б̣зсам̣ чанд̣̇о лад̣̇д̇хум̣ ваддад̇и, д̇асмаа саб̣б̣з д̇ад̇т̇а саннибад̇ид̇ваа анусаасанд̇и. д̇зна вуд̇д̇ам̣ ‘‘саха ад̇т̇аанусаасанам̣ аг̇ааранд̇иби сант̇ааг̇аара’’нд̇и. яасмаа банзд̇з д̇ад̇т̇а саннибад̇ид̇ваа ‘‘имасмим̣ гаалз гасид̇ум̣ ваддад̇и, имасмим̣ гаалз вабид̇у’’нд̇и звамаад̣̇инаа наязна гхарааваасагижжаани самманд̇аяанд̇и, д̇асмаа чид̣̇д̣̇аавачид̣̇д̣̇ам̣ гхарааваасам̣ д̇ад̇т̇а сант̇аранд̇ийд̇иби сант̇ааг̇аарам̣. ажирагаарид̇ам̣ ход̇ийд̇и гадтагамма-силаагамма-жид̇д̇агаммаад̣̇ивасзна сусаж̇ж̇ид̇ам̣ д̣̇звавимаанам̣ вияа ад̇хунаа нидтаабид̇ам̣. саман̣зна ваад̇и зд̇т̇а яасмаа гхаравад̇т̇убариг̇г̇ахагаалзязва д̣̇звад̇аа ад̇д̇ано васанадтаанам̣ г̇ан̣ханд̇и, д̇асмаа ‘‘д̣̇звзна ваа’’д̇и авад̇ваа ‘‘саман̣зна ваа б̣раахман̣зна ваа гзнажи ваа мануссабхууд̇знаа’’д̇и вуд̇д̇ам̣.
22.Evaṃme sutanti sekhasuttaṃ. Tattha navaṃ santhāgāranti adhunā kāritaṃ santhāgāraṃ, ekā mahāsālāti attho. Uyyogakālādīsu hi rājāno tattha ṭhatvā ‘‘ettakā purato gacchantu, ettakā pacchā, ettakā ubhohi passehi, ettakā hatthīsu abhiruhantu, ettakā assesu, ettakā rathesu tiṭṭhantū’’ti evaṃ santhaṃ karonti, mariyādaṃ bandhanti, tasmā taṃ ṭhānaṃ santhāgāranti vuccati. Uyyogaṭṭhānato ca āgantvā yāva gehesu allagomayaparibhaṇḍādīni karonti, tāva dve tīṇi divasāni te rājāno tattha santhambhantītipi santhāgāraṃ. Tesaṃ rājūnaṃ saha atthānusāsanaṃ agārantipi santhāgāraṃ gaṇarājāno hi te , tasmā uppannakiccaṃ ekassa vasena na chijjati, sabbesaṃ chando laddhuṃ vaṭṭati, tasmā sabbe tattha sannipatitvā anusāsanti. Tena vuttaṃ ‘‘saha atthānusāsanaṃ agārantipi santhāgāra’’nti. Yasmā panete tattha sannipatitvā ‘‘imasmiṃ kāle kasituṃ vaṭṭati, imasmiṃ kāle vapitu’’nti evamādinā nayena gharāvāsakiccāni sammantayanti, tasmā chiddāvachiddaṃ gharāvāsaṃ tattha santharantītipi santhāgāraṃ. Acirakāritaṃ hotīti kaṭṭhakamma-silākamma-cittakammādivasena susajjitaṃ devavimānaṃ viya adhunā niṭṭhāpitaṃ. Samaṇena vāti ettha yasmā gharavatthupariggahakāleyeva devatā attano vasanaṭṭhānaṃ gaṇhanti, tasmā ‘‘devena vā’’ti avatvā ‘‘samaṇena vā brāhmaṇena vā kenaci vā manussabhūtenā’’ti vuttaṃ.
язна бхаг̇аваа д̇знубасан̇гамим̣сууд̇и сант̇ааг̇аарам̣ нидтид̇анд̇и суд̇ваа ‘‘г̇ажчаама, нам̣ бассиссаамаа’’д̇и г̇анд̇ваа д̣̇ваарагодтагад̇о бадтааяа саб̣б̣ам̣ ологзд̇ваа ‘‘ид̣̇ам̣ сант̇ааг̇аарам̣ д̣̇звавимаанасад̣̇исам̣ ад̇ивияа манорамам̣ сассиригам̣ гзна батамам̣ барибхуд̇д̇ам̣ амхаагам̣ д̣̇ийгхарад̇д̇ам̣ хид̇ааяа сукааяа ассаа’’д̇и жинд̇зд̇ваа ‘‘амхаагам̣ н̃аад̇исздтасса батамам̣ д̣̇ияяамаанзби сад̇т̇унова анужчавигам̣, д̣̇агкин̣зяяавасзна д̣̇ияяамаанзби сад̇т̇унова анужчавигам̣, д̇асмаа батамам̣ сад̇т̇аарам̣ барибхун̃ж̇аабзссаама, бхигкусан̇гхасса ааг̇аманам̣ гариссаама, бхигкусан̇гхз ааг̇ад̇з д̇збидагам̣ б̣уд̣̇д̇хаважанам̣ ааг̇ад̇амзва бхависсад̇и, сад̇т̇аарам̣ д̇ияаамарад̇д̇им̣ амхаагам̣ д̇хаммагат̇ам̣ гат̇аабзссаама, ид̇и д̇ийхи рад̇анзхи барибхуд̇д̇ам̣ маяам̣ бажчаа барибхун̃ж̇иссаама , звам̣ но д̣̇ийгхарад̇д̇ам̣ хид̇ааяа сукааяа бхависсад̇ий’’д̇и саннидтаанам̣ гад̇ваа убасан̇гамим̣су.
Yena bhagavā tenupasaṅkamiṃsūti santhāgāraṃ niṭṭhitanti sutvā ‘‘gacchāma, naṃ passissāmā’’ti gantvā dvārakoṭṭhakato paṭṭhāya sabbaṃ oloketvā ‘‘idaṃ santhāgāraṃ devavimānasadisaṃ ativiya manoramaṃ sassirikaṃ kena paṭhamaṃ paribhuttaṃ amhākaṃ dīgharattaṃ hitāya sukhāya assā’’ti cintetvā ‘‘amhākaṃ ñātiseṭṭhassa paṭhamaṃ diyyamānepi satthunova anucchavikaṃ, dakkhiṇeyyavasena diyyamānepi satthunova anucchavikaṃ, tasmā paṭhamaṃ satthāraṃ paribhuñjāpessāma, bhikkhusaṅghassa āgamanaṃ karissāma, bhikkhusaṅghe āgate tepiṭakaṃ buddhavacanaṃ āgatameva bhavissati, satthāraṃ tiyāmarattiṃ amhākaṃ dhammakathaṃ kathāpessāma, iti tīhi ratanehi paribhuttaṃ mayaṃ pacchā paribhuñjissāma , evaṃ no dīgharattaṃ hitāya sukhāya bhavissatī’’ti sanniṭṭhānaṃ katvā upasaṅkamiṃsu.
язна сант̇ааг̇аарам̣ д̇знубасан̇гамим̣сууд̇и д̇ам̣ д̣̇ивасам̣ гира сант̇ааг̇аарам̣ гин̃жааби рааж̇агулаанам̣ д̣̇ассанад̇т̇ааяа д̣̇звавимаанам̣ вияа сусаж̇ж̇ид̇ам̣ ход̇и субадиж̇аг̇г̇ид̇ам̣, б̣уд̣̇д̇хаарахам̣ бана гад̇ваа аббан̃н̃ад̇д̇ам̣. б̣уд̣̇д̇хаа хи наама аран̃н̃аж̇жхаасаяаа аран̃н̃аараамаа анд̇ог̇аамз васзяяум̣ ваа но ваа, д̇асмаа бхаг̇авад̇о манам̣ ж̇аанид̇ваава бан̃н̃аабзссаамаад̇и жинд̇зд̇ваа д̇з бхаг̇аванд̇ам̣ убасан̇гамим̣су. ид̣̇аани бана манам̣ лабхид̇ваа бан̃н̃аабзд̇угаамаа язна сант̇ааг̇аарам̣ д̇знубасан̇гамим̣су.
Yena santhāgāraṃ tenupasaṅkamiṃsūti taṃ divasaṃ kira santhāgāraṃ kiñcāpi rājakulānaṃ dassanatthāya devavimānaṃ viya susajjitaṃ hoti supaṭijaggitaṃ, buddhārahaṃ pana katvā appaññattaṃ. Buddhā hi nāma araññajjhāsayā araññārāmā antogāme vaseyyuṃ vā no vā, tasmā bhagavato manaṃ jānitvāva paññāpessāmāti cintetvā te bhagavantaṃ upasaṅkamiṃsu. Idāni pana manaṃ labhitvā paññāpetukāmā yena santhāgāraṃ tenupasaṅkamiṃsu.
саб̣б̣асант̇арим̣ сант̇ааг̇аарам̣ сант̇арид̇ваад̇и яат̇аа саб̣б̣амзва сант̇ад̇ам̣ ход̇и, звам̣ д̇ам̣ сант̇араабзд̇ваа. саб̣б̣абатамам̣ д̇аава ‘‘г̇омаяам̣ наама саб̣б̣аман̇г̇алзсу ваддад̇ий’’д̇и суд̇хаабаригаммагад̇амби бхуумим̣ аллаг̇омаязна обун̃чаабзд̇ваа барисугкабхаавам̣ н̃ад̇ваа яат̇аа агганд̇адтаанз бад̣̇ам̣ на бан̃н̃ааяад̇и, звам̣ жад̇уж̇ж̇аад̇ияаг̇анд̇хзхи лимбаабзд̇ваа убари наанааван̣н̣з гадасаарагз сант̇арид̇ваа д̇зсам̣ убари махаабидтигагож̇авагз аад̣̇им̣ гад̇ваа хад̇т̇ад̇т̇арага-ассад̇т̇арага-сийхад̇т̇арага-б̣яаг̇гхад̇т̇арага-жанд̣̇ад̇т̇арага-суурияад̇т̇арага-жид̇д̇ад̇т̇арагаад̣̇ийхи наанааван̣н̣зхи ад̇т̇аран̣зхи сант̇арид̇аб̣б̣агаяуд̇д̇ам̣ саб̣б̣огаасам̣ сант̇араабзсум̣. д̇зна вуд̇д̇ам̣ ‘‘саб̣б̣асант̇арим̣ сант̇ааг̇аарам̣ сант̇арид̇ваа’’д̇и.
Sabbasanthariṃ santhāgāraṃ santharitvāti yathā sabbameva santhataṃ hoti, evaṃ taṃ santharāpetvā. Sabbapaṭhamaṃ tāva ‘‘gomayaṃ nāma sabbamaṅgalesu vaṭṭatī’’ti sudhāparikammakatampi bhūmiṃ allagomayena opuñchāpetvā parisukkhabhāvaṃ ñatvā yathā akkantaṭṭhāne padaṃ na paññāyati, evaṃ catujjātiyagandhehi limpāpetvā upari nānāvaṇṇe kaṭasārake santharitvā tesaṃ upari mahāpiṭṭhikakojavake ādiṃ katvā hatthattharaka-assattharaka-sīhattharaka-byagghattharaka-candattharaka-sūriyattharaka-cittattharakādīhi nānāvaṇṇehi attharaṇehi santharitabbakayuttaṃ sabbokāsaṃ santharāpesuṃ. Tena vuttaṃ ‘‘sabbasanthariṃ santhāgāraṃ santharitvā’’ti.
аасанаани бан̃н̃аабзд̇ваад̇и маж̇жхадтаанз д̇аава ман̇г̇алад̇т̇амбхам̣ ниссааяа махаарахам̣ б̣уд̣̇д̇хаасанам̣ бан̃н̃аабзд̇ваа д̇ад̇т̇а яам̣ яам̣ муд̣̇уган̃жа манораман̃жа бажжад̇т̇аран̣ам̣, д̇ам̣ д̇ам̣ бажжад̇т̇арид̇ваа бхаг̇авад̇о лохид̇агам̣ манун̃н̃ад̣̇ассанам̣ убад̇хаанам̣ убад̣̇ахид̇ваа убари суван̣н̣араж̇ад̇ад̇аарагавижид̇д̇ам̣ вид̇аанам̣ б̣анд̇хид̇ваа г̇анд̇хад̣̇аамабубпад̣̇аамабад̇д̇ад̣̇аамаад̣̇ийхи бажжад̇т̇аран̣зхи алан̇гарид̇ваа саманд̇аа д̣̇ваад̣̇асахад̇т̇адтаанз бубпаж̇аалам̣ гарид̇ваа д̇им̣сахад̇т̇амад̇д̇ам̣ таанам̣ бадасаан̣ияаа баригкибаабзд̇ваа бажчимабхид̇д̇им̣ ниссааяа бхигкусан̇гхасса баллан̇габийта-абассаяабийта-мун̣д̣абийтаани бан̃н̃аабзд̇ваа убари сзд̇абажжад̇т̇аран̣зхи бажжад̇т̇араабзд̇ваа баажийнабхид̇д̇им̣ ниссааяа ад̇д̇ано ад̇д̇ано махаабидтигагож̇авагз бан̃н̃аабзд̇ваа хам̣саломаад̣̇ибуурид̇аани убад̇хаанаани табаабзсум̣ ‘‘звам̣ агиламамаанаа саб̣б̣арад̇д̇им̣ д̇хаммам̣ сун̣иссаамаа’’д̇и. ид̣̇ам̣ санд̇хааяа вуд̇д̇ам̣ ‘‘аасанаани бан̃н̃аабзд̇ваа’’д̇и.
Āsanāni paññāpetvāti majjhaṭṭhāne tāva maṅgalatthambhaṃ nissāya mahārahaṃ buddhāsanaṃ paññāpetvā tattha yaṃ yaṃ mudukañca manoramañca paccattharaṇaṃ, taṃ taṃ paccattharitvā bhagavato lohitakaṃ manuññadassanaṃ upadhānaṃ upadahitvā upari suvaṇṇarajatatārakavicittaṃ vitānaṃ bandhitvā gandhadāmapupphadāmapattadāmādīhi paccattharaṇehi alaṅkaritvā samantā dvādasahatthaṭṭhāne pupphajālaṃ karitvā tiṃsahatthamattaṃ ṭhānaṃ paṭasāṇiyā parikkhipāpetvā pacchimabhittiṃ nissāya bhikkhusaṅghassa pallaṅkapīṭha-apassayapīṭha-muṇḍapīṭhāni paññāpetvā upari setapaccattharaṇehi paccattharāpetvā pācīnabhittiṃ nissāya attano attano mahāpiṭṭhikakojavake paññāpetvā haṃsalomādipūritāni upadhānāni ṭhapāpesuṃ ‘‘evaṃ akilamamānā sabbarattiṃ dhammaṃ suṇissāmā’’ti. Idaṃ sandhāya vuttaṃ ‘‘āsanāni paññāpetvā’’ti.
уд̣̇агаман̣иганд̇и махаагужчигам̣ уд̣̇агажаадим̣. убадтабзд̇ваад̇и звам̣ бхаг̇аваа жа бхигкусан̇гхо жа яат̇ааружияаа хад̇т̇з ваа д̇ховиссанд̇и баад̣̇з ваа, мукам̣ ваа вигкаалзссанд̇ийд̇и д̇зсу д̇зсу таанзсу ман̣иван̣н̣асса уд̣̇агасса буураабзд̇ваа ваасад̇т̇ааяа наанаабубпаани жзва уд̣̇агаваасажун̣н̣аани жа багкибид̇ваа гад̣̇алибан̣н̣зхи бид̣̇ахид̇ваа бад̇идтаабзсум̣. ид̣̇ам̣ санд̇хааяа вуд̇д̇ам̣ ‘‘убадтабзд̇ваа’’д̇и.
Udakamaṇikanti mahākucchikaṃ udakacāṭiṃ. Upaṭṭhapetvāti evaṃ bhagavā ca bhikkhusaṅgho ca yathāruciyā hatthe vā dhovissanti pāde vā, mukhaṃ vā vikkhālessantīti tesu tesu ṭhānesu maṇivaṇṇassa udakassa pūrāpetvā vāsatthāya nānāpupphāni ceva udakavāsacuṇṇāni ca pakkhipitvā kadalipaṇṇehi pidahitvā patiṭṭhāpesuṃ. Idaṃ sandhāya vuttaṃ ‘‘upaṭṭhapetvā’’ti.
д̇злаббад̣̇ийбам̣ ааробзд̇ваад̇и раж̇ад̇асуван̣н̣аад̣̇имаяад̣̇ан̣д̣аасу д̣̇ийбигаасу яонагаруубагираад̇аруубагаад̣̇ийнам̣ хад̇т̇з табид̇асуван̣н̣араж̇ад̇аад̣̇имаяагабаллагаад̣̇ийсу жа д̇злаббад̣̇ийбам̣ ж̇алаяид̇ваад̇и ад̇т̇о. язна бхаг̇аваа д̇знубасан̇гамим̣сууд̇и зд̇т̇а бана д̇з сагяарааж̇аано на гзвалам̣ сант̇ааг̇аарамзва, ат̇а ко яож̇анааваддз габилавад̇т̇усмим̣ наг̇аравийт̇ияоби саммаж̇ж̇аабзд̇ваа д̇хаж̇з уссаабзд̇ваа г̇зхад̣̇ваарзсу бун̣н̣агхадз жа гад̣̇алияо жа табаабзд̇ваа сагаланаг̇арам̣ д̣̇ийбамаалаад̣̇ийхи виббагин̣н̣ад̇аарагам̣ вияа гад̇ваа ‘‘кийрабааяагз д̣̇аарагз кийрам̣ бааязт̇а, д̣̇ахарз гумаарз лахум̣ лахум̣ бхож̇зд̇ваа саяаабзт̇а, ужжаасад̣̇д̣̇ам̣ маа гарид̇т̇а, аж̇ж̇а згарад̇д̇им̣ сад̇т̇аа анд̇ог̇аамз васиссад̇и, б̣уд̣̇д̇хаа наама аббасад̣̇д̣̇агаамаа хонд̇ий’’д̇и бхзрим̣ жараабзд̇ваа саяам̣ д̣̇ан̣д̣ад̣̇ийбигаа аад̣̇ааяа язна бхаг̇аваа д̇знубасан̇гамим̣су.
Telappadīpaṃ āropetvāti rajatasuvaṇṇādimayadaṇḍāsu dīpikāsu yonakarūpakirātarūpakādīnaṃ hatthe ṭhapitasuvaṇṇarajatādimayakapallakādīsu ca telappadīpaṃ jalayitvāti attho. Yena bhagavā tenupasaṅkamiṃsūti ettha pana te sakyarājāno na kevalaṃ santhāgārameva, atha kho yojanāvaṭṭe kapilavatthusmiṃ nagaravīthiyopi sammajjāpetvā dhaje ussāpetvā gehadvāresu puṇṇaghaṭe ca kadaliyo ca ṭhapāpetvā sakalanagaraṃ dīpamālādīhi vippakiṇṇatārakaṃ viya katvā ‘‘khīrapāyake dārake khīraṃ pāyetha, dahare kumāre lahuṃ lahuṃ bhojetvā sayāpetha, uccāsaddaṃ mā karittha, ajja ekarattiṃ satthā antogāme vasissati, buddhā nāma appasaddakāmā hontī’’ti bheriṃ carāpetvā sayaṃ daṇḍadīpikā ādāya yena bhagavā tenupasaṅkamiṃsu.
ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна навам̣ сант̇ааг̇аарам̣ д̇знубасан̇гамийд̇и. ‘‘яасса д̣̇аани, бханд̇з, бхаг̇аваа гаалам̣ ман̃н̃ад̇ий’’д̇и звам̣ гира гаалз аарожид̇з бхаг̇аваа лаакаарасзна д̇инд̇арад̇д̇аговил̣аарабубпаван̣н̣ам̣ рад̇д̇ад̣̇убаддам̣ гад̇д̇арияаа бад̣̇умам̣ ганд̇анд̇о вияа сам̣вид̇хааяа д̇иман̣д̣алам̣ бадижчаад̣̇знд̇о ниваасзд̇ваа суван̣н̣абааман̇г̇зна бад̣̇умагалаабам̣ баригкибанд̇о вияа виж̇ж̇уллад̇аасассиригам̣ гааяаб̣анд̇ханам̣ б̣анд̇хид̇ваа рад̇д̇агамб̣алзна г̇аж̇агумбхам̣ барияонад̣̇д̇ханд̇о вияа рад̇анасад̇уб̣б̣зд̇хз суван̣н̣аг̇гхигз баваал̣аж̇аалам̣ кибамаано вияа суван̣н̣ажзд̇ияз рад̇д̇агамб̣алаган̃жугам̣ бадимун̃жанд̇о вияа г̇ажчанд̇ам̣ бун̣н̣ажанд̣̇ам̣ рад̇д̇аван̣н̣авалаахагзна бадижчаад̣̇аяамаано вияа ган̃жанабаб̣б̣ад̇амад̇т̇агз субаггалаакаарасам̣ барисин̃жанд̇о вияа жид̇д̇агуудабаб̣б̣ад̇амад̇т̇агам̣ виж̇ж̇уллад̇ааяа баригкибанд̇о вияа жа сажаггаваал̣асинзруяуг̇анд̇харам̣ махаабат̇авим̣ жаалзд̇ваа г̇ахид̇ам̣ ниг̇род̇хабаллавасамаанаван̣н̣ам̣ рад̇д̇аварабам̣сугуулам̣ баарубид̇ваа г̇анд̇хагудид̣̇ваарад̇о нигками ган̃жанаг̇ухад̇о сийхо вияа уд̣̇аяабаб̣б̣ад̇агуудад̇о бун̣н̣ажанд̣̇о вияа жа. нигкамид̇ваа бана г̇анд̇хагудибамукз адтааси.
Athakho bhagavā nivāsetvā pattacīvaramādāya saddhiṃ bhikkhusaṅghena yena navaṃ santhāgāraṃ tenupasaṅkamīti. ‘‘Yassa dāni, bhante, bhagavā kālaṃ maññatī’’ti evaṃ kira kāle ārocite bhagavā lākhārasena tintarattakoviḷārapupphavaṇṇaṃ rattadupaṭṭaṃ kattariyā padumaṃ kantanto viya saṃvidhāya timaṇḍalaṃ paṭicchādento nivāsetvā suvaṇṇapāmaṅgena padumakalāpaṃ parikkhipanto viya vijjullatāsassirikaṃ kāyabandhanaṃ bandhitvā rattakambalena gajakumbhaṃ pariyonaddhanto viya ratanasatubbedhe suvaṇṇagghike pavāḷajālaṃ khipamāno viya suvaṇṇacetiye rattakambalakañcukaṃ paṭimuñcanto viya gacchantaṃ puṇṇacandaṃ rattavaṇṇavalāhakena paṭicchādayamāno viya kañcanapabbatamatthake supakkalākhārasaṃ parisiñcanto viya cittakūṭapabbatamatthakaṃ vijjullatāya parikkhipanto viya ca sacakkavāḷasineruyugandharaṃ mahāpathaviṃ cāletvā gahitaṃ nigrodhapallavasamānavaṇṇaṃ rattavarapaṃsukūlaṃ pārupitvā gandhakuṭidvārato nikkhami kañcanaguhato sīho viya udayapabbatakūṭato puṇṇacando viya ca. Nikkhamitvā pana gandhakuṭipamukhe aṭṭhāsi.
ат̇асса гааяад̇о мзгхамукзхи виж̇ж̇угалаабаа вияа расмияо нигкамид̇ваа суван̣н̣арасад̇хаараабарисзгаман̃ж̇арибад̇д̇абубпапалавидабз вияа аараамаругкз гарим̣су. д̇аавад̣̇зва жа ад̇д̇ано ад̇д̇ано бад̇д̇ажийварамаад̣̇ааяа махаабхигкусан̇гхо бхаг̇аванд̇ам̣ бариваарзси. д̇з бана бариваарзд̇ваа тид̇аа бхигкуу зваруубаа ахзсум̣ аббижчаа санд̇удтаа бавивид̇д̇аа асам̣садтаа аарад̣̇д̇хавийрияаа вад̇д̇ааро важанагкамаа жод̣̇агаа баабаг̇арахий сийласамбаннаа самаад̇хисамбаннаа бан̃н̃аавимуд̇д̇ивимуд̇д̇ин̃аан̣ад̣̇ассанасамбаннаад̇и. д̇зхи бариваарид̇о бхаг̇аваа рад̇д̇агамб̣алабаригкид̇д̇о вияа суван̣н̣агканд̇хо рад̇д̇абад̣̇умасан̣д̣амаж̇жхаг̇ад̇аа вияа суван̣н̣анааваа баваал̣авзд̣̇игаабаригкид̇д̇о вияа суван̣н̣абаасаад̣̇о вирожид̇т̇а. саарибуд̇д̇амог̇г̇аллаанаад̣̇аяо махаат̇зрааби нам̣ мзгхаван̣н̣ам̣ бам̣сугуулам̣ баарубид̇ваа ман̣иваммаваммигаа вияа махаанааг̇аа бариваараяим̣су ванд̇арааг̇аа бхиннагилзсаа виж̇адид̇аж̇адаа чиннаб̣анд̇ханаа гулз ваа г̇ан̣з ваа алаг̇г̇аа.
Athassa kāyato meghamukhehi vijjukalāpā viya rasmiyo nikkhamitvā suvaṇṇarasadhārāparisekamañjaripattapupphaphalaviṭape viya ārāmarukkhe kariṃsu. Tāvadeva ca attano attano pattacīvaramādāya mahābhikkhusaṅgho bhagavantaṃ parivāresi. Te pana parivāretvā ṭhitā bhikkhū evarūpā ahesuṃ appicchā santuṭṭhā pavivittā asaṃsaṭṭhā āraddhavīriyā vattāro vacanakkhamā codakā pāpagarahī sīlasampannā samādhisampannā paññāvimuttivimuttiñāṇadassanasampannāti. Tehi parivārito bhagavā rattakambalaparikkhitto viya suvaṇṇakkhandho rattapadumasaṇḍamajjhagatā viya suvaṇṇanāvā pavāḷavedikāparikkhitto viya suvaṇṇapāsādo virocittha. Sāriputtamoggallānādayo mahātherāpi naṃ meghavaṇṇaṃ paṃsukūlaṃ pārupitvā maṇivammavammikā viya mahānāgā parivārayiṃsu vantarāgā bhinnakilesā vijaṭitajaṭā chinnabandhanā kule vā gaṇe vā alaggā.
ид̇и бхаг̇аваа саяам̣ вийд̇арааг̇о вийд̇арааг̇зхи, вийд̇ад̣̇осо вийд̇ад̣̇осзхи, вийд̇амохо вийд̇амохзхи, нид̇д̇ан̣хо нид̇д̇ан̣хзхи, ниггилзсо ниггилзсзхи, саяам̣ б̣уд̣̇д̇хо б̣ахуссуд̇аб̣уд̣̇д̇хзхи бариваарид̇о, бад̇д̇абариваарид̇ам̣ вияа гзсарам̣, гзсарабариваарид̇аа вияа ган̣н̣игаа, адтанааг̇асахассабариваарид̇о вияа чад̣̇д̣̇анд̇о нааг̇арааж̇аа, навуд̇ихам̣сасахассабариваарид̇о вияа д̇хад̇арадто хам̣сарааж̇аа, сзнан̇г̇абариваарид̇о вияа жаггавад̇д̇и, маруг̇ан̣абариваарид̇о вияа сагго д̣̇зварааж̇аа, б̣рахмаг̇ан̣абариваарид̇о вияа хаарид̇амахааб̣рахмаа, д̇аарааг̇ан̣абариваарид̇о вияа бун̣н̣ажанд̣̇о, асамзна б̣уд̣̇д̇хавзсзна абаримаан̣зна б̣уд̣̇д̇хавилаасзна габилавад̇т̇уг̇аманамаг̇г̇ам̣ бадибаж̇ж̇и.
Iti bhagavā sayaṃ vītarāgo vītarāgehi, vītadoso vītadosehi, vītamoho vītamohehi, nittaṇho nittaṇhehi, nikkileso nikkilesehi, sayaṃ buddho bahussutabuddhehi parivārito, pattaparivāritaṃ viya kesaraṃ, kesaraparivāritā viya kaṇṇikā, aṭṭhanāgasahassaparivārito viya chaddanto nāgarājā, navutihaṃsasahassaparivārito viya dhataraṭṭho haṃsarājā, senaṅgaparivārito viya cakkavatti, marugaṇaparivārito viya sakko devarājā, brahmagaṇaparivārito viya hāritamahābrahmā, tārāgaṇaparivārito viya puṇṇacando, asamena buddhavesena aparimāṇena buddhavilāsena kapilavatthugamanamaggaṃ paṭipajji.
ат̇асса бурад̇т̇имагааяад̇о суван̣н̣аван̣н̣аа расмий удтахид̇ваа асийд̇ихад̇т̇адтаанам̣ аг̇г̇ахзси. бажчимагааяад̇о д̣̇агкин̣ахад̇т̇ад̇о, ваамахад̇т̇ад̇о суван̣н̣аван̣н̣аа расмий удтахид̇ваа асийд̇ихад̇т̇адтаанам̣ аг̇г̇ахзси. убари гзсанд̇ад̇о бадтааяа саб̣б̣агзсаавад̇д̇зхи мораг̇ийваван̣н̣аа расмий удтахид̇ваа г̇аг̇анад̇алз асийд̇ихад̇т̇адтаанам̣ аг̇г̇ахзси. хздтаа баад̣̇ад̇алзхи баваал̣аван̣н̣аа расмий удтахид̇ваа гханабат̇авияам̣ асийд̇ихад̇т̇адтаанам̣ аг̇г̇ахзси. звам̣ саманд̇аа асийд̇ихад̇т̇амад̇д̇ам̣ таанам̣ чаб̣б̣ан̣н̣аа б̣уд̣̇д̇харасмияо виж̇ж̇од̇амаанаа вибпанд̣̇амаанаа ган̃жанад̣̇ан̣д̣ад̣̇ийбигаахи нижчарид̇ваа аагаасам̣ багканд̣̇аж̇аалаа вияа жаад̇уд̣̇д̣̇ийбигамахаамзгхад̇о нигканд̇авиж̇ж̇уллад̇аа вияа вид̇хаавим̣су. саб̣б̣ад̣̇исаабхааг̇аа суван̣н̣ажамбагабубпзхи вигирияамаанаа вияа, суван̣н̣агхадаа нигканд̇асуван̣н̣арасад̇хаараахи син̃жамаанаа вияа, басаарид̇асуван̣н̣абадабаригкид̇д̇аа вияа, взрамбхаваад̇асамудтид̇агим̣сугаган̣игаарабубпажун̣н̣асамогин̣н̣аа вияа виббагирим̣су.
Athassa puratthimakāyato suvaṇṇavaṇṇā rasmī uṭṭhahitvā asītihatthaṭṭhānaṃ aggahesi. Pacchimakāyato dakkhiṇahatthato, vāmahatthato suvaṇṇavaṇṇā rasmī uṭṭhahitvā asītihatthaṭṭhānaṃ aggahesi. Upari kesantato paṭṭhāya sabbakesāvattehi moragīvavaṇṇā rasmī uṭṭhahitvā gaganatale asītihatthaṭṭhānaṃ aggahesi. Heṭṭhā pādatalehi pavāḷavaṇṇā rasmī uṭṭhahitvā ghanapathaviyaṃ asītihatthaṭṭhānaṃ aggahesi. Evaṃ samantā asītihatthamattaṃ ṭhānaṃ chabbaṇṇā buddharasmiyo vijjotamānā vipphandamānā kañcanadaṇḍadīpikāhi niccharitvā ākāsaṃ pakkhandajālā viya cātuddīpikamahāmeghato nikkhantavijjullatā viya vidhāviṃsu. Sabbadisābhāgā suvaṇṇacampakapupphehi vikiriyamānā viya, suvaṇṇaghaṭā nikkhantasuvaṇṇarasadhārāhi siñcamānā viya, pasāritasuvaṇṇapaṭaparikkhittā viya, verambhavātasamuṭṭhitakiṃsukakaṇikārapupphacuṇṇasamokiṇṇā viya vippakiriṃsu.
бхаг̇авад̇оби асийд̇иануб̣яан̃ж̇анаб̣яаамаббабхаад̣̇вад̇д̇им̣саваралагкан̣асамуж̇ж̇алам̣ сарийрам̣ самуг̇г̇ад̇ад̇аарагам̣ вияа г̇аг̇анад̇алам̣, вигасид̇амива бад̣̇умаванам̣, саб̣б̣абаалипулло вияа яож̇анасад̇иго баарижчад̇д̇аго, бадибаадияаа табид̇аанам̣ д̣̇вад̇д̇им̣суужанд̣̇аанам̣ д̣̇вад̇д̇им̣сасуурияаанам̣ д̣̇вад̇д̇им̣сажаггавад̇д̇ийнам̣ д̣̇вад̇д̇им̣сад̣̇зварааж̇аанам̣ д̣̇вад̇д̇им̣самахааб̣рахмаанам̣ сирияаа сирим̣ абхибхавамаанам̣ вияа вирожид̇т̇а, яат̇аа д̇ам̣ д̣̇асахи баарамийхи д̣̇асахи убабаарамийхи д̣̇асахи барамад̇т̇абаарамийхи субуурид̇аахи самад̇им̣сабаарамид̇аахи алан̇гад̇ам̣. габбасад̇асахасаад̇хигаани жад̇д̇аари асан̇кязяяаани д̣̇иннад̣̇аанам̣ рагкид̇асийлам̣ гад̇агаляаан̣агаммам̣ згасмим̣ ад̇д̇абхаавз осарид̇ваа вибаагам̣ д̣̇аад̇ум̣ таанам̣ алабхамаанам̣ самб̣аад̇хабад̇д̇ам̣ вияа ахоси. нааваасахассабхан̣д̣ам̣ зганаавам̣ ааробанагаало вияа, сагадасахассабхан̣д̣ам̣ згасагадам̣ ааробанагаало вияа, бан̃жавийсад̇ияаа над̣̇ийнам̣ огхасса самбхиж̇ж̇а мукад̣̇ваарз згад̇о раасийбхууд̇агаало вияа жа ахоси.
Bhagavatopi asītianubyañjanabyāmappabhādvattiṃsavaralakkhaṇasamujjalaṃ sarīraṃ samuggatatārakaṃ viya gaganatalaṃ, vikasitamiva padumavanaṃ, sabbapāliphullo viya yojanasatiko pāricchattako, paṭipāṭiyā ṭhapitānaṃ dvattiṃsūcandānaṃ dvattiṃsasūriyānaṃ dvattiṃsacakkavattīnaṃ dvattiṃsadevarājānaṃ dvattiṃsamahābrahmānaṃ siriyā siriṃ abhibhavamānaṃ viya virocittha, yathā taṃ dasahi pāramīhi dasahi upapāramīhi dasahi paramatthapāramīhi supūritāhi samatiṃsapāramitāhi alaṅkataṃ. Kappasatasahasādhikāni cattāri asaṅkhyeyyāni dinnadānaṃ rakkhitasīlaṃ katakalyāṇakammaṃ ekasmiṃ attabhāve osaritvā vipākaṃ dātuṃ ṭhānaṃ alabhamānaṃ sambādhapattaṃ viya ahosi. Nāvāsahassabhaṇḍaṃ ekanāvaṃ āropanakālo viya, sakaṭasahassabhaṇḍaṃ ekasakaṭaṃ āropanakālo viya, pañcavīsatiyā nadīnaṃ oghassa sambhijja mukhadvāre ekato rāsībhūtakālo viya ca ahosi.
имааяа б̣уд̣̇д̇хасирияаа обхаасамаанассааби жа бхаг̇авад̇о бурад̇о анзгаани д̣̇ан̣д̣ад̣̇ийбигасахассаани угкибим̣су. д̇ат̇аа бажчад̇о. ваамабассз д̣̇агкин̣абассз. ж̇аад̇игусумажамбагаванамаллигарад̇д̇уббаланийлуббаламагуласинд̣̇уваарабубпаани жзва нийлабийд̇аад̣̇иван̣н̣асуг̇анд̇хаг̇анд̇хажун̣н̣аани жа жаад̇уд̣̇д̣̇ийбигамзгхависсадтод̣̇агавудтияо вияа виббагирим̣су. бан̃жан̇г̇игад̇уурияаниг̇гхосаа жзва б̣уд̣̇д̇хад̇хаммасан̇гхаг̇ун̣аббадисам̣яуд̇д̇аа т̇уд̇игхосаа жа саб̣б̣ад̣̇исаа буураяим̣су. д̣̇звамануссанааг̇асубан̣н̣аг̇анд̇хаб̣б̣аяагкаад̣̇ийнам̣ агкийни амад̇абаанам̣ вияа лабхим̣су. имасмим̣ бана таанз тад̇ваа бад̣̇асахассзна г̇аманаван̣н̣ам̣ вад̇д̇ум̣ ваддад̇и. д̇ад̇рид̣̇ам̣ мукамад̇д̇ам̣ –
Imāya buddhasiriyā obhāsamānassāpi ca bhagavato purato anekāni daṇḍadīpikasahassāni ukkhipiṃsu. Tathā pacchato. Vāmapasse dakkhiṇapasse. Jātikusumacampakavanamallikarattuppalanīluppalamakulasinduvārapupphāni ceva nīlapītādivaṇṇasugandhagandhacuṇṇāni ca cātuddīpikameghavissaṭṭhodakavuṭṭhiyo viya vippakiriṃsu. Pañcaṅgikatūriyanigghosā ceva buddhadhammasaṅghaguṇappaṭisaṃyuttā thutighosā ca sabbadisā pūrayiṃsu. Devamanussanāgasupaṇṇagandhabbayakkhādīnaṃ akkhīni amatapānaṃ viya labhiṃsu. Imasmiṃ pana ṭhāne ṭhatvā padasahassena gamanavaṇṇaṃ vattuṃ vaṭṭati. Tatridaṃ mukhamattaṃ –
‘‘звам̣ саб̣б̣ан̇г̇асамбанно, гамбаяанд̇о васунд̇харам̣;
‘‘Evaṃ sabbaṅgasampanno, kampayanto vasundharaṃ;
ахзтаяанд̇о баан̣аани, яаад̇и логавинааяаго.
Aheṭhayanto pāṇāni, yāti lokavināyako.
д̣̇агкин̣ам̣ батамам̣ баад̣̇ам̣, уд̣̇д̇харанд̇о нараасабхо;
Dakkhiṇaṃ paṭhamaṃ pādaṃ, uddharanto narāsabho;
г̇ажчанд̇о сирисамбанно, собхад̇з д̣̇вибад̣̇уд̇д̇амо.
Gacchanto sirisampanno, sobhate dvipaduttamo.
г̇ажчад̇о б̣уд̣̇д̇хасздтасса, хздтаа баад̣̇ад̇алам̣ муд̣̇у;
Gacchato buddhaseṭṭhassa, heṭṭhā pādatalaṃ mudu;
самам̣ сампусад̇з бхуумим̣, раж̇асаа нубалиббад̇и.
Samaṃ samphusate bhūmiṃ, rajasā nupalippati.
ниннадтаанам̣ уннамад̇и, г̇ажчанд̇з логанааяагз;
Ninnaṭṭhānaṃ unnamati, gacchante lokanāyake;
уннад̇ан̃жа самам̣ ход̇и, бат̇авий жа ажзд̇анаа.
Unnatañca samaṃ hoti, pathavī ca acetanā.
баасаан̣аа сагкараа жзва, гат̇алаа каан̣уган̣дагаа;
Pāsāṇā sakkharā ceva, kathalā khāṇukaṇṭakā;
саб̣б̣з маг̇г̇аа виваж̇ж̇анд̇и, г̇ажчанд̇з логанааяагз.
Sabbe maggā vivajjanti, gacchante lokanāyake.
наад̇ид̣̇уурз уд̣̇д̇харад̇и, нажжаасаннз жа нигкибам̣;
Nātidūre uddharati, naccāsanne ca nikkhipaṃ;
агхаддаяанд̇о нияяаад̇и, убхо ж̇аан̣уу жа г̇обпагз.
Aghaṭṭayanto niyyāti, ubho jāṇū ca gopphake.
наад̇исийгхам̣ баггамад̇и, самбаннажаран̣о муни;
Nātisīghaṃ pakkamati, sampannacaraṇo muni;
на жаад̇исан̣игам̣ яаад̇и, г̇ажчамаано самаахид̇о.
Na cātisaṇikaṃ yāti, gacchamāno samāhito.
уд̣̇д̇хам̣ ад̇хо жа д̇ирияам̣, д̣̇исан̃жа вид̣̇исам̣ д̇ат̇аа;
Uddhaṃ adho ca tiriyaṃ, disañca vidisaṃ tathā;
на бзгкамаано со яаад̇и, яуг̇амад̇д̇амхи бзгкад̇и.
Na pekkhamāno so yāti, yugamattamhi pekkhati.
нааг̇авигганд̇ажааро со, г̇аманз собхад̇з ж̇ино;
Nāgavikkantacāro so, gamane sobhate jino;
жаарум̣ г̇ажчад̇и логаг̇г̇о, хаасаяанд̇о сад̣̇звагз.
Cāruṃ gacchati lokaggo, hāsayanto sadevake.
ул̣урааж̇аава собханд̇о, жад̇ужаарийва гзсарий;
Uḷurājāva sobhanto, catucārīva kesarī;
д̇осаяанд̇о б̣ахуу сад̇д̇з, бурам̣ сздтам̣ убааг̇амий’’д̇и.
Tosayanto bahū satte, puraṃ seṭṭhaṃ upāgamī’’ti.
ван̣н̣агаало наама гирзса, звам̣вид̇хзсу гаалзсу б̣уд̣̇д̇хасса сарийраван̣н̣з ваа г̇ун̣аван̣н̣з ваа д̇хаммагат̇игасса т̇аамоязва бамаан̣ам̣ жун̣н̣ияабад̣̇зхи ваа г̇аат̇ааб̣анд̇хзна ваа яад̇д̇агам̣ саггод̇и, д̇ад̇д̇агам̣ вад̇д̇аб̣б̣ам̣. д̣̇уггат̇ид̇анд̇и на вад̇д̇аб̣б̣ам̣. аббамаан̣аван̣н̣аа хи б̣уд̣̇д̇хаа, д̇зсам̣ б̣уд̣̇д̇хааби анавасзсад̇о ван̣н̣ам̣ вад̇д̇ум̣ асамад̇т̇аа, баг̇зва ид̇араа баж̇аад̇и. иминаа сиривилаасзна алан̇гад̇аббадияад̇д̇ам̣ сагяарааж̇абурам̣ бависид̇ваа бхаг̇аваа басаннажид̇д̇зна ж̇анзна г̇анд̇хад̇хуумаваасажун̣н̣аад̣̇ийхи бууж̇аяамаано сант̇ааг̇аарам̣ баависи. д̇зна вуд̇д̇ам̣ – ‘‘ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна звам̣ сант̇ааг̇аарам̣ д̇знубасан̇гамий’’д̇и.
Vaṇṇakālo nāma kiresa, evaṃvidhesu kālesu buddhassa sarīravaṇṇe vā guṇavaṇṇe vā dhammakathikassa thāmoyeva pamāṇaṃ cuṇṇiyapadehi vā gāthābandhena vā yattakaṃ sakkoti, tattakaṃ vattabbaṃ. Dukkathitanti na vattabbaṃ. Appamāṇavaṇṇā hi buddhā, tesaṃ buddhāpi anavasesato vaṇṇaṃ vattuṃ asamatthā, pageva itarā pajāti. Iminā sirivilāsena alaṅkatappaṭiyattaṃ sakyarājapuraṃ pavisitvā bhagavā pasannacittena janena gandhadhūmavāsacuṇṇādīhi pūjayamāno santhāgāraṃ pāvisi. Tena vuttaṃ – ‘‘atha kho bhagavā nivāsetvā pattacīvaramādāya saddhiṃ bhikkhusaṅghena yena evaṃ santhāgāraṃ tenupasaṅkamī’’ti.
бхаг̇аванд̇ам̣язва бурагкад̇ваад̇и бхаг̇аванд̇ам̣ бурад̇о гад̇ваа. д̇ад̇т̇а бхаг̇аваа бхигкуунан̃жзва убаасагаанан̃жа маж̇жхз нисинно г̇анд̇ход̣̇агзна нхаабзд̇ваа д̣̇угуулажумб̣адагзна вод̣̇агам̣ гад̇ваа ж̇аад̇ихин̇г̇улагзна маж̇ж̇ид̇ваа рад̇д̇агамб̣алабаливзтид̇з бийтз табид̇арад̇д̇асуван̣н̣агханабадимаа вияа ад̇ивирожид̇т̇а. аяам̣ банзд̇т̇а бораан̣аанам̣ ван̣н̣абхан̣анамаг̇г̇о –
Bhagavantaṃyeva purakkhatvāti bhagavantaṃ purato katvā. Tattha bhagavā bhikkhūnañceva upāsakānañca majjhe nisinno gandhodakena nhāpetvā dukūlacumbaṭakena vodakaṃ katvā jātihiṅgulakena majjitvā rattakambalapaliveṭhite pīṭhe ṭhapitarattasuvaṇṇaghanapaṭimā viya ativirocittha. Ayaṃ panettha porāṇānaṃ vaṇṇabhaṇanamaggo –
‘‘г̇анд̇ваана ман̣д̣аламаал̣ам̣, нааг̇авигганд̇ажаран̣о;
‘‘Gantvāna maṇḍalamāḷaṃ, nāgavikkantacaraṇo;
обхаасаяанд̇о логаг̇г̇о, нисийд̣̇и варамаасанз.
Obhāsayanto lokaggo, nisīdi varamāsane.
д̇асмим̣ нисинно нарад̣̇аммасаарат̇и,
Tasmiṃ nisinno naradammasārathi,
д̣̇зваад̇ид̣̇зво сад̇абун̃н̃алагкан̣о;
Devātidevo satapuññalakkhaṇo;
б̣уд̣̇д̇хаасанз маж̇жхаг̇ад̇о вирожад̇и,
Buddhāsane majjhagato virocati,
суван̣н̣анзгкам̣ вияа бан̣д̣угамб̣алз.
Suvaṇṇanekkhaṃ viya paṇḍukambale.
нзгкам̣ ж̇амб̣онад̣̇ассзва, нигкид̇д̇ам̣ бан̣д̣угамб̣алз;
Nekkhaṃ jambonadasseva, nikkhittaṃ paṇḍukambale;
вирожад̇и вийд̇амало, ман̣ивзрожано яат̇аа.
Virocati vītamalo, maṇiverocano yathā.
махаасаалова сампулло, нзрурааж̇аавалан̇гад̇о;
Mahāsālova samphullo, nerurājāvalaṅkato;
суван̣н̣аяуубасан̇гаасо, бад̣̇умо гоганад̣̇о яат̇аа.
Suvaṇṇayūpasaṅkāso, padumo kokanado yathā.
ж̇аланд̇о д̣̇ийбаругкова, баб̣б̣ад̇аг̇г̇з яат̇аа сикий;
Jalanto dīparukkhova, pabbatagge yathā sikhī;
д̣̇зваанам̣ баарижчад̇д̇ова, саб̣б̣апулло вирожат̇аа’’д̇и.
Devānaṃ pāricchattova, sabbaphullo virocathā’’ti.
гаабилавад̇т̇авз сагяз б̣ахуд̣̇зва рад̇д̇им̣ д̇хаммияаа гат̇ааяаад̇и зд̇т̇а д̇хаммий гат̇аа наама сант̇ааг̇аараанумод̣̇анаббадисам̣яуд̇д̇аа багин̣н̣агагат̇аа взд̣̇ид̇аб̣б̣аа. д̇ад̣̇аа хи бхаг̇аваа аагаасаг̇ан̇г̇ам̣ од̇аарзнд̇о вияа бат̇авож̇ам̣ аагад̣дханд̇о вияа махааж̇амб̣ум̣ канд̇хз г̇ахзд̇ваа жаалзнд̇о вияа яож̇анигам̣ мад̇хубхан̣д̣ам̣ жаггаяанд̇зна бийл̣зд̇ваа мад̇хубаанам̣ бааяамаано вияа гаабилавад̇т̇аваанам̣ сагяаанам̣ хид̇асукаавахам̣ багин̣н̣агагат̇ам̣ гат̇зси. ‘‘ааваасад̣̇аанам̣ наамзд̇ам̣ махаарааж̇а маханд̇ам̣, д̇умхаагам̣ ааваасо маяаа барибхуд̇д̇о бхигкусан̇гхзна барибхуд̇д̇о маяаа жа бхигкусан̇гхзна жа барибхуд̇д̇о бана д̇хаммарад̇анзна барибхуд̇д̇о язваад̇и д̇ийхи рад̇анзхи барибхуд̇д̇о наама ход̇и. ааваасад̣̇аанасмин̃хи д̣̇иннз саб̣б̣ад̣̇аанам̣ д̣̇иннамзва ход̇и. бхуумадтагабан̣н̣асаалааяа ваа саакааман̣д̣абасса вааби аанисам̣со наама барижчинд̣̇ид̇ум̣ на саггаа’’д̇и наанаанаяавижид̇д̇ам̣ б̣ахум̣ д̇хаммагат̇ам̣ гат̇зд̇ваа –
Kāpilavatthavesakye bahudeva rattiṃ dhammiyā kathāyāti ettha dhammī kathā nāma santhāgāraanumodanappaṭisaṃyuttā pakiṇṇakakathā veditabbā. Tadā hi bhagavā ākāsagaṅgaṃ otārento viya pathavojaṃ ākaḍḍhanto viya mahājambuṃ khandhe gahetvā cālento viya yojanikaṃ madhubhaṇḍaṃ cakkayantena pīḷetvā madhupānaṃ pāyamāno viya kāpilavatthavānaṃ sakyānaṃ hitasukhāvahaṃ pakiṇṇakakathaṃ kathesi. ‘‘Āvāsadānaṃ nāmetaṃ mahārāja mahantaṃ, tumhākaṃ āvāso mayā paribhutto bhikkhusaṅghena paribhutto mayā ca bhikkhusaṅghena ca paribhutto pana dhammaratanena paribhutto yevāti tīhi ratanehi paribhutto nāma hoti. Āvāsadānasmiñhi dinne sabbadānaṃ dinnameva hoti. Bhūmaṭṭhakapaṇṇasālāya vā sākhāmaṇḍapassa vāpi ānisaṃso nāma paricchindituṃ na sakkā’’ti nānānayavicittaṃ bahuṃ dhammakathaṃ kathetvā –
‘‘сийд̇ам̣ ун̣хам̣ бадиханд̇и, д̇ад̇о ваал̣амиг̇аани жа;
‘‘Sītaṃ uṇhaṃ paṭihanti, tato vāḷamigāni ca;
сарийсабз жа магасз, сисирз жааби вудтияо.
Sarīsape ca makase, sisire cāpi vuṭṭhiyo.
д̇ад̇о ваад̇аад̇або гхоро, сан̃ж̇аад̇о бадихан̃н̃ад̇и;
Tato vātātapo ghoro, sañjāto paṭihaññati;
лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇ум̣.
Leṇatthañca sukhatthañca, jhāyituñca vipassituṃ.
вихаарад̣̇аанам̣ сан̇гхасса, аг̇г̇ам̣ б̣уд̣̇д̇хзна ван̣н̣ид̇ам̣;
Vihāradānaṃ saṅghassa, aggaṃ buddhena vaṇṇitaṃ;
д̇асмаа хи бан̣д̣ид̇о босо, самбассам̣ ад̇т̇амад̇д̇ано.
Tasmā hi paṇḍito poso, sampassaṃ atthamattano.
вихаарз гаараяз раммз, ваасаязд̇т̇а б̣ахуссуд̇з;
Vihāre kāraye ramme, vāsayettha bahussute;
д̇зсам̣ аннан̃жа баанан̃жа, вад̇т̇асзнаасанаани жа.
Tesaṃ annañca pānañca, vatthasenāsanāni ca.
д̣̇ад̣̇зяяа уж̇убхууд̇зсу, виббасаннзна жзд̇асаа;
Dadeyya ujubhūtesu, vippasannena cetasā;
д̇з д̇асса д̇хаммам̣ д̣̇зсзнд̇и, саб̣б̣ад̣̇угкаабанууд̣̇анам̣;
Te tassa dhammaṃ desenti, sabbadukkhāpanūdanaṃ;
яам̣ со д̇хаммам̣ ид̇хан̃н̃ааяа, бариниб̣б̣аад̇и анаасаво’’д̇и. (жуул̣ава. 295) –
Yaṃ so dhammaṃ idhaññāya, parinibbāti anāsavo’’ti. (cūḷava. 295) –
звам̣ аяамби ааваасз аанисам̣со, аяамби аанисам̣сод̇и б̣ахуд̣̇зварад̇д̇им̣ ад̇ирзгад̇арам̣ д̣̇ияад̣дхаяаамам̣ ааваасаанисам̣сагат̇ам̣ гат̇зси. д̇ад̇т̇а имаа г̇аат̇аава сан̇г̇ахам̣ аарул̣хаа, багин̣н̣агад̇хаммад̣̇зсанаа бана сан̇г̇ахам̣ на аарохад̇и. санд̣̇ассзсийд̇иаад̣̇ийни вуд̇д̇ад̇т̇аанзва.
Evaṃ ayampi āvāse ānisaṃso, ayampi ānisaṃsoti bahudevarattiṃ atirekataraṃ diyaḍḍhayāmaṃ āvāsānisaṃsakathaṃ kathesi. Tattha imā gāthāva saṅgahaṃ āruḷhā, pakiṇṇakadhammadesanā pana saṅgahaṃ na ārohati. Sandassesītiādīni vuttatthāneva.
ааяасманд̇ам̣ аананд̣̇ам̣ ааманд̇зсийд̇и д̇хаммагат̇ам̣ гат̇аабзд̇угаамо ж̇аанаабзси. ат̇а гасмаа саарибуд̇д̇амахаамог̇г̇аллаанамахаагассабаад̣̇ийсу асийд̇имахаат̇зрзсу виж̇ж̇амаанзсу бхаг̇аваа аананд̣̇ад̇т̇зрасса бхаарамагаасийд̇и. барисаж̇жхаасаяавасзна. ааяасмаа хи аананд̣̇о б̣ахуссуд̇аанам̣ аг̇г̇о, бахоси бариман̣д̣алзхи бад̣̇аб̣яан̃ж̇анзхи мад̇хурад̇хаммагат̇ам̣ гат̇зд̇унд̇и саагияаман̣д̣алз баагадо бан̃н̃аад̇о. д̇асса сагяарааж̇уухи вихаарам̣ г̇анд̇вааби д̇хаммагат̇аа суд̇абуб̣б̣аа, ород̇хаа бана нзсам̣ на яат̇ааружияаа вихаарам̣ г̇анд̇ум̣ лабханд̇и, д̇зсам̣ зд̇ад̣̇ахоси – ‘‘ахо вад̇а бхаг̇аваа аббам̣язва д̇хаммагат̇ам̣ гат̇зд̇ваа амхаагам̣ н̃аад̇исздтасса аананд̣̇асса бхаарам̣ гарзяяаа’’д̇и. д̇зсам̣ аж̇жхаасаяавасзна бхаг̇аваа д̇ассзва бхаарамагааси.
Āyasmantaṃ ānandaṃ āmantesīti dhammakathaṃ kathāpetukāmo jānāpesi. Atha kasmā sāriputtamahāmoggallānamahākassapādīsu asītimahātheresu vijjamānesu bhagavā ānandattherassa bhāramakāsīti. Parisajjhāsayavasena. Āyasmā hi ānando bahussutānaṃ aggo, pahosi parimaṇḍalehi padabyañjanehi madhuradhammakathaṃ kathetunti sākiyamaṇḍale pākaṭo paññāto. Tassa sakyarājūhi vihāraṃ gantvāpi dhammakathā sutapubbā, orodhā pana nesaṃ na yathāruciyā vihāraṃ gantuṃ labhanti, tesaṃ etadahosi – ‘‘aho vata bhagavā appaṃyeva dhammakathaṃ kathetvā amhākaṃ ñātiseṭṭhassa ānandassa bhāraṃ kareyyā’’ti. Tesaṃ ajjhāsayavasena bhagavā tasseva bhāramakāsi.
сзко баадибад̣̇од̇и бадибаннаго сзкасаман̣о. со д̇уяхам̣ бадибхаад̇у убадтаад̇у, д̇асса бадибад̣̇ам̣ д̣̇зсзхийд̇и бадибад̣̇ааяа буг̇г̇алам̣ нияамзд̇ваа д̣̇ассзд̇и. гасмаа бана бхаг̇аваа имам̣ бадибад̣̇ам̣ нияамзси? б̣ахуухи гааран̣зхи. имз д̇аава сагяаа ман̇г̇аласаалааяа ман̇г̇алам̣ бажжаасийсанд̇и вад̣дхим̣ ижчанд̇и, аяан̃жа сзкабадибад̣̇аа маяхам̣ саасанз ман̇г̇алабадибад̣̇аа вад̣дхамаанагабадибад̣̇аад̇иби имам̣ бадибад̣̇ам̣ нияамзси. д̇ассан̃жа барисад̇и сзкаава б̣ахуу нисиннаа, д̇з ад̇д̇анаа бадивид̣̇д̇хадтаанз гат̇ийяамаанз агиламанд̇аава саллагкзссанд̇ийд̇иби имам̣ бадибад̣̇ам̣ нияамзси. ааяасмаа жа аананд̣̇о сзкабадисамбхид̣̇аабад̇д̇ова, со ад̇д̇анаа бадивид̣̇д̇хз бажжагкадтаанз гат̇знд̇о агиламанд̇о вин̃н̃аабзд̇ум̣ сагкиссад̇ийд̇иби имам̣ бадибад̣̇ам̣ нияамзси. сзкабадибад̣̇ааяа жа д̇иссоби сигкаа осадаа , д̇ад̇т̇а ад̇хисийласигкааяа гат̇ид̇ааяа сагалам̣ винаяабидагам̣ гат̇ид̇амзва ход̇и, ад̇хижид̇д̇асигкааяа гат̇ид̇ааяа сагалам̣ суд̇д̇анд̇абидагам̣ гат̇ид̇ам̣ ход̇и, ад̇хибан̃н̃аасигкааяа гат̇ид̇ааяа сагалам̣ абхид̇хаммабидагам̣ гат̇ид̇ам̣ ход̇и, аананд̣̇о жа б̣ахуссуд̇о д̇ибидагад̇харо, со баход̇и д̇ийхи бидагзхи д̇иссо сигкаа гат̇зд̇ум̣, звам̣ гат̇ид̇з сагяаанам̣ ман̇г̇аламзва вад̣дхиязва бхависсад̇ийд̇иби имам̣ бадибад̣̇ам̣ нияамзси.
Sekho pāṭipadoti paṭipannako sekhasamaṇo. So tuyhaṃ paṭibhātu upaṭṭhātu, tassa paṭipadaṃ desehīti paṭipadāya puggalaṃ niyametvā dasseti. Kasmā pana bhagavā imaṃ paṭipadaṃ niyamesi? Bahūhi kāraṇehi. Ime tāva sakyā maṅgalasālāya maṅgalaṃ paccāsīsanti vaḍḍhiṃ icchanti, ayañca sekhapaṭipadā mayhaṃ sāsane maṅgalapaṭipadā vaḍḍhamānakapaṭipadātipi imaṃ paṭipadaṃ niyamesi. Tassañca parisati sekhāva bahū nisinnā, te attanā paṭividdhaṭṭhāne kathīyamāne akilamantāva sallakkhessantītipi imaṃ paṭipadaṃ niyamesi. Āyasmā ca ānando sekhapaṭisambhidāpattova, so attanā paṭividdhe paccakkhaṭṭhāne kathento akilamanto viññāpetuṃ sakkhissatītipi imaṃ paṭipadaṃ niyamesi. Sekhapaṭipadāya ca tissopi sikkhā osaṭā , tattha adhisīlasikkhāya kathitāya sakalaṃ vinayapiṭakaṃ kathitameva hoti, adhicittasikkhāya kathitāya sakalaṃ suttantapiṭakaṃ kathitaṃ hoti, adhipaññāsikkhāya kathitāya sakalaṃ abhidhammapiṭakaṃ kathitaṃ hoti, ānando ca bahussuto tipiṭakadharo, so pahoti tīhi piṭakehi tisso sikkhā kathetuṃ, evaṃ kathite sakyānaṃ maṅgalameva vaḍḍhiyeva bhavissatītipi imaṃ paṭipadaṃ niyamesi.
бидти мз ааг̇илааяад̇ийд̇и гасмаа ааг̇илааяад̇и? бхаг̇авад̇о хи чаб̣б̣ассаани бад̇хаанам̣ бад̣̇аханд̇асса маханд̇ам̣ гааяад̣̇угкам̣ ахоси, ат̇асса абарабхааг̇з махаллагагаалз бидтиваад̇о уббаж̇ж̇и. агааран̣ам̣ ваа зд̇ам̣. баход̇и хи бхаг̇аваа уббаннам̣ взд̣̇анам̣ вигкамбхзд̇ваа згамби д̣̇взби сад̇д̇аахз згабаллан̇гзна нисийд̣̇ид̇ум̣. сант̇ааг̇аарасаалам̣ бана жад̇уухи ирияаабат̇зхи барибхун̃ж̇ид̇угаамо ахоси, д̇ад̇т̇а баад̣̇ад̇хованадтаанад̇о яаава д̇хаммаасанаа аг̇амааси, зд̇д̇агз таанз г̇аманам̣ нибпаннам̣. д̇хаммаасанам̣ бад̇д̇о т̇огам̣ тад̇ваа нисийд̣̇и, зд̇д̇агз таанам̣. д̣̇ияад̣дхаяаамам̣ д̇хаммаасанз нисийд̣̇и, зд̇д̇агз таанз нисаж̇ж̇аа нибпаннаа. ид̣̇аани д̣̇агкин̣зна бассзна т̇огам̣ нибаннз саяанам̣ нибпаж̇ж̇иссад̇ийд̇и звам̣ жад̇уухи ирияаабат̇зхи барибхун̃ж̇ид̇угаамо ахоси. убаад̣̇иннагасарийран̃жа наама ‘‘но ааг̇илааяад̇ий’’д̇и на вад̇д̇аб̣б̣ам̣, д̇асмаа жирам̣ нисаж̇ж̇ааяа сан̃ж̇аад̇ам̣ аббагамби ааг̇илааяанам̣ г̇ахзд̇ваа звамааха.
Piṭṭhi me āgilāyatīti kasmā āgilāyati? Bhagavato hi chabbassāni padhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Akāraṇaṃ vā etaṃ. Pahoti hi bhagavā uppannaṃ vedanaṃ vikkhambhetvā ekampi dvepi sattāhe ekapallaṅkena nisīdituṃ. Santhāgārasālaṃ pana catūhi iriyāpathehi paribhuñjitukāmo ahosi, tattha pādadhovanaṭṭhānato yāva dhammāsanā agamāsi, ettake ṭhāne gamanaṃ nipphannaṃ. Dhammāsanaṃ patto thokaṃ ṭhatvā nisīdi, ettake ṭhānaṃ. Diyaḍḍhayāmaṃ dhammāsane nisīdi, ettake ṭhāne nisajjā nipphannā. Idāni dakkhiṇena passena thokaṃ nipanne sayanaṃ nipphajjissatīti evaṃ catūhi iriyāpathehi paribhuñjitukāmo ahosi. Upādinnakasarīrañca nāma ‘‘no āgilāyatī’’ti na vattabbaṃ, tasmā ciraṃ nisajjāya sañjātaṃ appakampi āgilāyanaṃ gahetvā evamāha.
сан̇гхаадим̣ бан̃н̃аабзд̇ваад̇и сант̇ааг̇аарасса гира згабассз д̇з рааж̇аано баддасаан̣им̣ баригкибаабзд̇ваа габбияаман̃жагам̣ бан̃н̃абзд̇ваа габбияабажжад̇т̇аран̣зна ад̇т̇арид̇ваа убари суван̣н̣а-д̇аарага-г̇анд̇хамаалаа-д̣̇аамабадиман̣д̣ид̇ам̣ вид̇аанам̣ б̣анд̇хид̇ваа г̇анд̇хад̇злаббад̣̇ийбам̣ ааробаяим̣су ‘‘аббзва наама сад̇т̇аа д̇хаммаасанад̇о вудтааяа т̇огам̣ виссаманд̇о ид̇ха нибаж̇ж̇зяяа, звам̣ но имам̣ сант̇ааг̇аарам̣ бхаг̇авад̇аа жад̇уухи ирияаабат̇зхи барибхуд̇д̇ам̣ д̣̇ийгхарад̇д̇ам̣ хид̇ааяа сукааяа бхависсад̇ий’’д̇и. сад̇т̇ааби д̇ад̣̇зва санд̇хааяа д̇ад̇т̇а сан̇гхаадим̣ бан̃н̃абзд̇ваа нибаж̇ж̇и. удтаанасан̃н̃ам̣ манаси гарид̇ваад̇и зд̇д̇агам̣ гаалам̣ ад̇иггамид̇ваа вудтахиссаамийд̇и вудтаанасан̃н̃ам̣ жид̇д̇з табзд̇ваа.
Saṅghāṭiṃ paññāpetvāti santhāgārassa kira ekapasse te rājāno paṭṭasāṇiṃ parikkhipāpetvā kappiyamañcakaṃ paññapetvā kappiyapaccattharaṇena attharitvā upari suvaṇṇa-tāraka-gandhamālā-dāmapaṭimaṇḍitaṃ vitānaṃ bandhitvā gandhatelappadīpaṃ āropayiṃsu ‘‘appeva nāma satthā dhammāsanato vuṭṭhāya thokaṃ vissamanto idha nipajjeyya, evaṃ no imaṃ santhāgāraṃ bhagavatā catūhi iriyāpathehi paribhuttaṃ dīgharattaṃ hitāya sukhāya bhavissatī’’ti. Satthāpi tadeva sandhāya tattha saṅghāṭiṃ paññapetvā nipajji. Uṭṭhānasaññaṃ manasi karitvāti ettakaṃ kālaṃ atikkamitvā vuṭṭhahissāmīti vuṭṭhānasaññaṃ citte ṭhapetvā.
23. махаанаамам̣ саггам̣ ааманд̇зсийд̇и со гира д̇асмим̣ гаалз д̇ассам̣ барисад̇и ж̇здтаго баамогко, д̇асмим̣ сан̇г̇ахид̇з сзсабарисаа сан̇г̇ахид̇аава ход̇ийд̇и т̇зро д̇амзва ааманд̇зси. сийласамбаннод̇и сийлзна самбанно, самбаннасийло барибун̣н̣асийлод̇и ад̇т̇о. сад̣̇д̇хаммзхийд̇и сунд̣̇арад̇хаммзхи, сад̇ам̣ ваа саббурисаанам̣ д̇хаммзхи.
23.Mahānāmaṃ sakkaṃ āmantesīti so kira tasmiṃ kāle tassaṃ parisati jeṭṭhako pāmokkho, tasmiṃ saṅgahite sesaparisā saṅgahitāva hotīti thero tameva āmantesi. Sīlasampannoti sīlena sampanno, sampannasīlo paripuṇṇasīloti attho. Saddhammehīti sundaradhammehi, sataṃ vā sappurisānaṃ dhammehi.
24. гат̇ан̃жа махаанаамаад̇и иминаа зд̇д̇агзна таанзна сзкабадибад̣̇ааяа маад̇игам̣ табзд̇ваа бадибаадияаа вид̇т̇аарзд̇угаамо звамааха. д̇ад̇т̇а сийласамбаннод̇иаад̣̇ийни ‘‘самбаннасийлаа, бхигкавз, вихарат̇аа’’д̇и ааган̇кзяяасуд̇д̇аад̣̇ийсу вуд̇д̇анаязнзва взд̣̇ид̇аб̣б̣аани.
24.Kathañca mahānāmāti iminā ettakena ṭhānena sekhapaṭipadāya mātikaṃ ṭhapetvā paṭipāṭiyā vitthāretukāmo evamāha. Tattha sīlasampannotiādīni ‘‘sampannasīlā, bhikkhave, viharathā’’ti ākaṅkheyyasuttādīsu vuttanayeneva veditabbāni.
25. гааяад̣̇ужжарид̇знаад̇иаад̣̇ийсу убаяог̇ад̇т̇з гаран̣аважанам̣, хирияид̇аб̣б̣аани гааяад̣̇ужжарид̇аад̣̇ийни хирияад̇и ж̇иг̇ужчад̇ийд̇и ад̇т̇о. од̇д̇аббанид̣̇д̣̇зсз хзд̇вад̇т̇з гаран̣аважанам̣, гааяад̣̇ужжарид̇аад̣̇ийхи од̇д̇аббасса хзд̇убхууд̇зхи од̇д̇аббад̇и бхааяад̇ийд̇и ад̇т̇о. аарад̣̇д̇хавийрияод̇и баг̇г̇ахид̇авийрияо аносаггид̇амаанасо. бахаанааяаад̇и бахаанад̇т̇ааяа. убасамбад̣̇ааяаад̇и бадилаабхад̇т̇ааяа. т̇аамаваад̇и вийрияат̇аамзна саманнааг̇ад̇о. д̣̇ал̣хабараггамод̇и т̇ирабараггамо. анигкид̇д̇ад̇хуро гусалзсу д̇хаммзсууд̇и гусалзсу д̇хаммзсу аноробид̇ад̇хуро аносаггид̇авийрияо. барамзнаад̇и уд̇д̇амзна. сад̇инзбаггзнаад̇и сад̇ияаа жа нибагабхаавзна жа. гасмаа бана сад̇ибхааж̇анияз бан̃н̃аа ааг̇ад̇аад̇и? сад̇ияаа б̣алавабхаавад̣̇ийбанад̇т̇ам̣. бан̃н̃аавиббаяуд̇д̇аа хи сад̇и д̣̇уб̣б̣алаа ход̇и, самбаяуд̇д̇аа б̣алавад̇ийд̇и.
25.Kāyaduccaritenātiādīsu upayogatthe karaṇavacanaṃ, hiriyitabbāni kāyaduccaritādīni hiriyati jigucchatīti attho. Ottappaniddese hetvatthe karaṇavacanaṃ, kāyaduccaritādīhi ottappassa hetubhūtehi ottappati bhāyatīti attho. Āraddhavīriyoti paggahitavīriyo anosakkitamānaso. Pahānāyāti pahānatthāya. Upasampadāyāti paṭilābhatthāya. Thāmavāti vīriyathāmena samannāgato. Daḷhaparakkamoti thiraparakkamo. Anikkhittadhuro kusalesu dhammesūti kusalesu dhammesu anoropitadhuro anosakkitavīriyo. Paramenāti uttamena. Satinepakkenāti satiyā ca nipakabhāvena ca. Kasmā pana satibhājaniye paññā āgatāti? Satiyā balavabhāvadīpanatthaṃ. Paññāvippayuttā hi sati dubbalā hoti, sampayuttā balavatīti.
жирагад̇амбийд̇и ад̇д̇анаа ваа барзна ваа гааязна жирагад̇ам̣ жзд̇ияан̇г̇ан̣авад̇д̇аад̣̇и асийд̇и махаавад̇д̇абадибад̇д̇ибууран̣ам̣. жирабхаасид̇амбийд̇и ад̇д̇анаа ваа барзна ваа ваажааяа жирабхаасид̇ам̣ саггажжам̣ уд̣̇д̣̇исана-уд̣̇д̣̇исаабана-д̇хаммосааран̣а-д̇хаммад̣̇зсанаа-убанисиннагат̇аа-анумод̣̇анияаад̣̇ивасзна бавад̇д̇ид̇ам̣ важийгаммам̣. сарид̇аа ануссарид̇аад̇и д̇асмим̣ гааязна жирагад̇з ‘‘гааяо наама гааяавин̃н̃ад̇д̇и, жирабхаасид̇з ваажаа наама важийвин̃н̃ад̇д̇и. д̇ад̣̇убхаяамби руубам̣, д̇ам̣самудтаабигаа жид̇д̇ажзд̇асигаа аруубам̣. ид̇и имз руубааруубад̇хаммаа звам̣ уббаж̇ж̇ид̇ваа звам̣ нируд̣̇д̇хаа’’д̇и сарад̇и жзва ануссарад̇и жа, сад̇исамб̣ож̇жхан̇г̇ам̣ самудтаабзд̇ийд̇и ад̇т̇о. б̣ож̇жхан̇г̇асамудтаабигаа хи сад̇и ид̇ха ад̇хиббзд̇аа. д̇ааяа сад̇ияаа зса сагимби саран̣зна сарид̇аа, бунаббунам̣ саран̣зна ануссарид̇аад̇и взд̣̇ид̇аб̣б̣аа.
Cirakatampīti attanā vā parena vā kāyena cirakataṃ cetiyaṅgaṇavattādi asīti mahāvattapaṭipattipūraṇaṃ. Cirabhāsitampīti attanā vā parena vā vācāya cirabhāsitaṃ sakkaccaṃ uddisana-uddisāpana-dhammosāraṇa-dhammadesanā-upanisinnakathā-anumodaniyādivasena pavattitaṃ vacīkammaṃ. Saritā anussaritāti tasmiṃ kāyena cirakate ‘‘kāyo nāma kāyaviññatti, cirabhāsite vācā nāma vacīviññatti. Tadubhayampi rūpaṃ, taṃsamuṭṭhāpikā cittacetasikā arūpaṃ. Iti ime rūpārūpadhammā evaṃ uppajjitvā evaṃ niruddhā’’ti sarati ceva anussarati ca, satisambojjhaṅgaṃ samuṭṭhāpetīti attho. Bojjhaṅgasamuṭṭhāpikā hi sati idha adhippetā. Tāya satiyā esa sakimpi saraṇena saritā, punappunaṃ saraṇena anussaritāti veditabbā.
уд̣̇аяад̇т̇аг̇ааминияаад̇и бан̃жаннам̣ канд̇хаанам̣ уд̣̇аяаваяаг̇ааминияаа уд̣̇аяан̃жа ваяан̃жа бадивиж̇жхид̇ум̣ самад̇т̇ааяа. арияааяаад̇и вигкамбханавасзна жа самужчзд̣̇авасзна жа гилзсзхи аарагаа тид̇ааяа барисуд̣̇д̇хааяа. бан̃н̃ааяа саманнааг̇ад̇од̇и вибассанаабан̃н̃ааяа жзва маг̇г̇абан̃н̃ааяа жа саман̇г̇ийбхууд̇о. ниб̣б̣зд̇хигааяаад̇и сааязва ниб̣б̣иж̇жханад̇о ниб̣б̣зд̇хигаад̇и вужжад̇и, д̇ааяа саманнааг̇ад̇од̇и ад̇т̇о. д̇ад̇т̇а маг̇г̇абан̃н̃ааяа самужчзд̣̇авасзна аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ лобхагканд̇хам̣ д̣̇осагканд̇хам̣ мохагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигаа. вибассанаабан̃н̃ааяа д̇ад̣̇ан̇г̇авасзна ниб̣б̣зд̇хигааяа маг̇г̇абан̃н̃ааяа бадилаабхасам̣вад̇д̇анад̇о жаад̇и вибассанаа ‘‘ниб̣б̣зд̇хигаа’’д̇и вад̇д̇ум̣ ваддад̇и. саммаа д̣̇угкагкаяаг̇ааминияаад̇и ид̇хааби маг̇г̇абан̃н̃аа ‘‘саммаа хзд̇унаа наязна ваддад̣̇угкам̣ кзбаяамаанаа г̇ажчад̇ийд̇и саммаа д̣̇угкагкаяаг̇ааминий наама. вибассанаа д̇ад̣̇ан̇г̇авасзна ваддад̣̇угкан̃жа гилзсад̣̇угкан̃жа кзбаяамаанаа г̇ажчад̇ийд̇и д̣̇угкагкаяаг̇ааминий. д̣̇угкагкаяаг̇ааминияаа ваа маг̇г̇абан̃н̃ааяа бадилаабхасам̣вад̇д̇анад̇о зсаа д̣̇угкагкаяаг̇ааминий’’д̇и взд̣̇ид̇аб̣б̣аа.
Udayatthagāminiyāti pañcannaṃ khandhānaṃ udayavayagāminiyā udayañca vayañca paṭivijjhituṃ samatthāya. Ariyāyāti vikkhambhanavasena ca samucchedavasena ca kilesehi ārakā ṭhitāya parisuddhāya. Paññāya samannāgatoti vipassanāpaññāya ceva maggapaññāya ca samaṅgībhūto. Nibbedhikāyāti sāyeva nibbijjhanato nibbedhikāti vuccati, tāya samannāgatoti attho. Tattha maggapaññāya samucchedavasena anibbiddhapubbaṃ apadālitapubbaṃ lobhakkhandhaṃ dosakkhandhaṃ mohakkhandhaṃ nibbijjhati padāletīti nibbedhikā. Vipassanāpaññāya tadaṅgavasena nibbedhikāya maggapaññāya paṭilābhasaṃvattanato cāti vipassanā ‘‘nibbedhikā’’ti vattuṃ vaṭṭati. Sammā dukkhakkhayagāminiyāti idhāpi maggapaññā ‘‘sammā hetunā nayena vaṭṭadukkhaṃ khepayamānā gacchatīti sammā dukkhakkhayagāminī nāma. Vipassanā tadaṅgavasena vaṭṭadukkhañca kilesadukkhañca khepayamānā gacchatīti dukkhakkhayagāminī. Dukkhakkhayagāminiyā vā maggapaññāya paṭilābhasaṃvattanato esā dukkhakkhayagāminī’’ti veditabbā.
26. абхижзд̇асигаананд̇и абхижид̇д̇ам̣ сздтажид̇д̇ам̣ сид̇аанам̣ ниссид̇аанам̣. д̣̇идтад̇хаммасукавихаараананд̇и аббид̇аббид̇агкан̣з сукабадилаабхахзд̇уунам̣. нигаамалаабхийд̇и ижчид̇ижчид̇агкан̣з самаабаж̇ж̇ид̇аа. агижчалаабхийд̇и нид̣̇угкалаабхий. агасиралаабхийд̇и вибулалаабхий. баг̇ун̣абхаавзна зго ижчид̇ижчид̇агкан̣з самаабаж̇ж̇ид̇ум̣ саггод̇и, самаад̇хибаарибант̇игад̇хаммз бана агиламанд̇о вигкамбхзд̇ум̣ на саггод̇и, со ад̇д̇ано анижчааяа киббамзва вудтаад̇и, яат̇аабарижчзд̣̇авасзна самаабад̇д̇им̣ табзд̇ум̣ на саггод̇и аяам̣ гижчалаабхий гасиралаабхий наама. зго ижчид̇ижчид̇агкан̣з жа самаабаж̇ж̇ид̇ум̣ саггод̇и, самаад̇хибаарибант̇игад̇хаммз жа агиламанд̇о вигкамбхзд̇и, со яат̇аабарижчзд̣̇авасзнзва вудтаад̇ум̣ саггод̇и, аяам̣ агижчалаабхий агасиралаабхий наама.
26.Abhicetasikānanti abhicittaṃ seṭṭhacittaṃ sitānaṃ nissitānaṃ. Diṭṭhadhammasukhavihārānanti appitappitakkhaṇe sukhapaṭilābhahetūnaṃ. Nikāmalābhīti icchiticchitakkhaṇe samāpajjitā. Akicchalābhīti nidukkhalābhī. Akasiralābhīti vipulalābhī. Paguṇabhāvena eko icchiticchitakkhaṇe samāpajjituṃ sakkoti, samādhipāripanthikadhamme pana akilamanto vikkhambhetuṃ na sakkoti, so attano anicchāya khippameva vuṭṭhāti, yathāparicchedavasena samāpattiṃ ṭhapetuṃ na sakkoti ayaṃ kicchalābhī kasiralābhī nāma. Eko icchiticchitakkhaṇe ca samāpajjituṃ sakkoti, samādhipāripanthikadhamme ca akilamanto vikkhambheti, so yathāparicchedavaseneva vuṭṭhātuṃ sakkoti, ayaṃ akicchalābhī akasiralābhī nāma.
27. аяам̣ вужжад̇и махаанаама арияасааваго сзко баадибад̣̇од̇и махаанаама арияасааваго сзко баадибад̣̇о вибассанааг̇аб̣бхааяа вад̣дхамаанагабадибад̣̇ааяа саманнааг̇ад̇од̇и вужжад̇ийд̇и д̣̇ассзд̇и. абужжан̣д̣ад̇ааяаад̇и абууд̇иан̣д̣ад̇ааяа. бхаб̣б̣о абхиниб̣бхид̣̇ааяаад̇и вибассанаад̣̇ин̃аан̣аббабхзд̣̇ааяа бхаб̣б̣о. самб̣од̇хааяаад̇и арияамаг̇г̇ааяа. ануд̇д̇арасса яог̇агкзмассаад̇и арахад̇д̇ам̣ ануд̇д̇аро яог̇агкзмо наама, д̇ад̣̇абхиг̇амааяа бхаб̣б̣од̇и д̣̇ассзд̇и. яаа банааяамзд̇т̇а ад̇т̇ад̣̇ийбанад̇т̇ам̣ убамаа аахадаа, саа жзд̇окиласуд̇д̇з вуд̇д̇анаязнзва взд̣̇ид̇аб̣б̣аа. гзвалан̃хи д̇ад̇т̇а ‘‘д̇ассаа гуггудияаа ан̣д̣зсу д̇ивид̇хагирияагаран̣ам̣ вияа хи имасса бхигкуно уссол̣хибаннарасзхи ан̇г̇зхи саманнааг̇ад̇абхааво’’д̇и яам̣ звам̣ обаммасам̣санд̣̇анам̣ ааг̇ад̇ам̣, д̇ам̣ ид̇ха звам̣ сийласамбанно ход̇ийд̇иаад̣̇иважанад̇о ‘‘д̇ассаа гуггудияаа ан̣д̣зсу д̇ивид̇хагирияагаран̣ам̣ вияа имасса бхигкуно сийласамбаннад̇аад̣̇ийхи баннарасзхи д̇хаммзхи саман̇г̇ибхааво’’д̇и. звам̣ яож̇зд̇ваа взд̣̇ид̇аб̣б̣ам̣. сзсам̣ саб̣б̣ад̇т̇а вуд̇д̇асад̣̇исамзва.
27.Ayaṃvuccati mahānāma ariyasāvako sekho pāṭipadoti mahānāma ariyasāvako sekho pāṭipado vipassanāgabbhāya vaḍḍhamānakapaṭipadāya samannāgatoti vuccatīti dasseti. Apuccaṇḍatāyāti apūtiaṇḍatāya. Bhabbo abhinibbhidāyāti vipassanādiñāṇappabhedāya bhabbo. Sambodhāyāti ariyamaggāya. Anuttarassa yogakkhemassāti arahattaṃ anuttaro yogakkhemo nāma, tadabhigamāya bhabboti dasseti. Yā panāyamettha atthadīpanatthaṃ upamā āhaṭā, sā cetokhilasutte vuttanayeneva veditabbā. Kevalañhi tattha ‘‘tassā kukkuṭiyā aṇḍesu tividhakiriyakaraṇaṃ viya hi imassa bhikkhuno ussoḷhipannarasehi aṅgehi samannāgatabhāvo’’ti yaṃ evaṃ opammasaṃsandanaṃ āgataṃ, taṃ idha evaṃ sīlasampanno hotītiādivacanato ‘‘tassā kukkuṭiyā aṇḍesu tividhakiriyakaraṇaṃ viya imassa bhikkhuno sīlasampannatādīhi pannarasehi dhammehi samaṅgibhāvo’’ti. Evaṃ yojetvā veditabbaṃ. Sesaṃ sabbattha vuttasadisameva.
28. имам̣язва ануд̇д̇арам̣ убзгкаасад̇ибаарисуд̣̇д̇хинд̇и имам̣ батамаад̣̇иж̇жхаанзхи асад̣̇исам̣ уд̇д̇амам̣ жад̇уд̇т̇аж̇жхаанигам̣ убзгкаасад̇ибаарисуд̣̇д̇хим̣. батамаабхиниб̣бхид̣̇аад̇и батамо н̃аан̣абхзд̣̇о. д̣̇уд̇ияаад̣̇ийсуби зсзва наяо. гуггудажчаабаго бана згаваарам̣ маад̇угужчид̇о згаваарам̣ ан̣д̣агосад̇од̇и д̣̇вз ваарз ж̇ааяад̇и. арияасааваго д̇ийхи виж̇ж̇аахи д̇ааяо ваарз ж̇ааяад̇и. буб̣б̣зниваасажчаад̣̇агам̣ д̇амам̣ винод̣̇зд̇ваа буб̣б̣зниваасан̃аан̣зна батамам̣ ж̇ааяад̇и, сад̇д̇аанам̣ жуд̇ибадисанд̇хижчаад̣̇агам̣ д̇амам̣ винод̣̇зд̇ваа д̣̇иб̣б̣ажагкун̃аан̣зна д̣̇уд̇ияам̣ ж̇ааяад̇и, жад̇усажжабадижчаад̣̇агам̣ д̇амам̣ винод̣̇зд̇ваа аасавагкаяан̃аан̣зна д̇ад̇ияам̣ ж̇ааяад̇и.
28.Imaṃyeva anuttaraṃ upekkhāsatipārisuddhinti imaṃ paṭhamādijjhānehi asadisaṃ uttamaṃ catutthajjhānikaṃ upekkhāsatipārisuddhiṃ. Paṭhamābhinibbhidāti paṭhamo ñāṇabhedo. Dutiyādīsupi eseva nayo. Kukkuṭacchāpako pana ekavāraṃ mātukucchito ekavāraṃ aṇḍakosatoti dve vāre jāyati. Ariyasāvako tīhi vijjāhi tāyo vāre jāyati. Pubbenivāsacchādakaṃ tamaṃ vinodetvā pubbenivāsañāṇena paṭhamaṃ jāyati, sattānaṃ cutipaṭisandhicchādakaṃ tamaṃ vinodetvā dibbacakkhuñāṇena dutiyaṃ jāyati, catusaccapaṭicchādakaṃ tamaṃ vinodetvā āsavakkhayañāṇena tatiyaṃ jāyati.
29. ид̣̇амбисса ход̇и жаран̣асминд̇и ид̣̇амби сийлам̣ асса бхигкуно жаран̣ам̣ наама ход̇ийд̇и ад̇т̇о. жаран̣ам̣ наама б̣аху анзгавид̇хам̣, сийлаад̣̇аяо баннарасад̇хаммаа, д̇ад̇т̇а ид̣̇амби згам̣ жаран̣анд̇и ад̇т̇о. бад̣̇ад̇т̇о бана жарад̇и д̇зна аг̇ад̇абуб̣б̣ам̣ д̣̇исам̣ г̇ажчад̇ийд̇и жаран̣ам̣. зса наяо саб̣б̣ад̇т̇а.
29.Idampissa hoti caraṇasminti idampi sīlaṃ assa bhikkhuno caraṇaṃ nāma hotīti attho. Caraṇaṃ nāma bahu anekavidhaṃ, sīlādayo pannarasadhammā, tattha idampi ekaṃ caraṇanti attho. Padattho pana carati tena agatapubbaṃ disaṃ gacchatīti caraṇaṃ. Esa nayo sabbattha.
ид̣̇амбисса ход̇и виж̇ж̇ааяаад̇и ид̣̇ам̣ буб̣б̣зниваасан̃аан̣ам̣ д̇асса виж̇ж̇аа наама ход̇ийд̇и ад̇т̇о. виж̇ж̇аа наама б̣аху анзгавид̇хаа, вибассанан̃аан̣аад̣̇ийни адта н̃аан̣аани, д̇ад̇т̇а ид̣̇амби н̃аан̣ам̣ згаа виж̇ж̇аад̇иби ад̇т̇о. бад̣̇ад̇т̇о бана винивиж̇жхид̇ваа зд̇ааяа ж̇аанаад̇ийд̇и виж̇ж̇аа. зса наяо саб̣б̣ад̇т̇а. виж̇ж̇аасамбанно ид̇ибийд̇и д̇ийхи виж̇ж̇аахи виж̇ж̇аасамбанно ид̇иби. жаран̣асамбанно ид̇ибийд̇и бан̃жад̣̇асахи д̇хаммзхи жаран̣асамбанно ид̇иби. д̇ад̣̇убхаязна бана виж̇ж̇аажаран̣асамбанно ид̇ибийд̇и.
Idampissa hoti vijjāyāti idaṃ pubbenivāsañāṇaṃ tassa vijjā nāma hotīti attho. Vijjā nāma bahu anekavidhā, vipassanañāṇādīni aṭṭha ñāṇāni, tattha idampi ñāṇaṃ ekā vijjātipi attho. Padattho pana vinivijjhitvā etāya jānātīti vijjā. Esa nayo sabbattha. Vijjāsampanno itipīti tīhi vijjāhi vijjāsampanno itipi. Caraṇasampanno itipīti pañcadasahi dhammehi caraṇasampanno itipi. Tadubhayena pana vijjācaraṇasampanno itipīti.
30. санан̇гумаарзнаад̇и бораан̣агагумаарзна, жирагаалад̇о бадтааяа гумаарод̇и бан̃н̃аад̇зна. со гира мануссабат̇з бан̃жажуул̣агагумаарагагаалз жхаанам̣ ниб̣б̣ад̇д̇зд̇ваа абарихийнаж̇жхаано б̣рахмалогз ниб̣б̣ад̇д̇и, д̇асса со ад̇д̇абхааво бияо ахоси манаабо, д̇асмаа д̇аад̣̇исзнзва ад̇д̇абхаавзна жарад̇и, д̇зна нам̣ санан̇гумаарод̇и сан̃ж̇аананд̇и. ж̇анзд̇асминд̇и ж̇анид̇асмим̣, баж̇ааяаад̇и ад̇т̇о. яз г̇од̇д̇абадисааринод̇и яз ж̇анзд̇асмим̣ г̇од̇д̇ам̣ бадисаранд̇и ‘‘ахам̣ г̇од̇амо, ахам̣ гассабо’’д̇и, д̇зсу логз г̇од̇д̇абадисаарийсу кад̇д̇ияо сздто. анумад̇аа бхаг̇авад̇аад̇и мама бан̃хаб̣яаагаран̣зна сад̣̇д̇хим̣ сам̣санд̣̇ид̇ваа д̣̇зсид̇аад̇и амб̣адтасуд̇д̇з б̣уд̣̇д̇хзна бхаг̇авад̇аа ‘‘ахамби, амб̣адта, звам̣ вад̣̇аами –
30.Sanaṅkumārenāti porāṇakakumārena, cirakālato paṭṭhāya kumāroti paññātena. So kira manussapathe pañcacūḷakakumārakakāle jhānaṃ nibbattetvā aparihīnajjhāno brahmaloke nibbatti, tassa so attabhāvo piyo ahosi manāpo, tasmā tādiseneva attabhāvena carati, tena naṃ sanaṅkumāroti sañjānanti. Janetasminti janitasmiṃ, pajāyāti attho. Ye gottapaṭisārinoti ye janetasmiṃ gottaṃ paṭisaranti ‘‘ahaṃ gotamo, ahaṃ kassapo’’ti, tesu loke gottapaṭisārīsu khattiyo seṭṭho. Anumatā bhagavatāti mama pañhabyākaraṇena saddhiṃ saṃsanditvā desitāti ambaṭṭhasutte buddhena bhagavatā ‘‘ahampi, ambaṭṭha, evaṃ vadāmi –
‘кад̇д̇ияо сздто ж̇анзд̇асмим̣, яз г̇од̇д̇абадисаарино;
‘Khattiyo seṭṭho janetasmiṃ, ye gottapaṭisārino;
виж̇ж̇аажаран̣асамбанно, со сздто д̣̇звамаанусз’д̇и’’. (д̣̇ий. ни. 1.277) –
Vijjācaraṇasampanno, so seṭṭho devamānuse’ti’’. (dī. ni. 1.277) –
звам̣ бхаасанд̇зна анун̃н̃аад̇аа анумод̣̇ид̇аа. саад̇ху саад̇ху аананд̣̇аад̇и, бхаг̇аваа гира аад̣̇ид̇о бадтааяа нид̣̇д̣̇ам̣ аноггаманд̇ова имам̣ суд̇д̇ам̣ суд̇ваа аананд̣̇зна сзкабадибад̣̇ааяа гуудам̣ г̇ахид̇анд̇и н̃ад̇ваа удтааяа баллан̇гам̣ аабхуж̇ид̇ваа нисинно саад̇хугаарам̣ ад̣̇ааси. зд̇д̇аавад̇аа жа бана ид̣̇ам̣ суд̇д̇ам̣ ж̇инабхаасид̇ам̣ наама ж̇аад̇ам̣. сзсам̣ саб̣б̣ад̇т̇а уд̇д̇аанамзваад̇и.
Evaṃ bhāsantena anuññātā anumoditā. Sādhu sādhu ānandāti, bhagavā kira ādito paṭṭhāya niddaṃ anokkamantova imaṃ suttaṃ sutvā ānandena sekhapaṭipadāya kūṭaṃ gahitanti ñatvā uṭṭhāya pallaṅkaṃ ābhujitvā nisinno sādhukāraṃ adāsi. Ettāvatā ca pana idaṃ suttaṃ jinabhāsitaṃ nāma jātaṃ. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сзкасуд̇д̇аван̣н̣анаа нидтид̇аа.
Sekhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. сзкасуд̇д̇ам̣ • 3. Sekhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. сзкасуд̇д̇аван̣н̣анаа • 3. Sekhasuttavaṇṇanā
