| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
сзкияаган̣д̣ам̣
Sekhiyakaṇḍaṃ
сзкиязсу сад̇иби вийд̇иггамз анаад̣̇арияаабзгкассзва аабад̇д̇ийд̇и д̣̇ассанад̇т̇ам̣ гаараго на вуд̇д̇о. аяан̃хи винаяад̇хаммад̇аа, яад̣̇ид̣̇ам̣ саабзгкз гаараганид̣̇д̣̇зсо, со вуд̇д̇анияамз вид̇хи, бхуммагаран̣ан̃жа. адтан̇г̇улаад̇хигамби од̇аарзд̇ваа ниваасзд̇ум̣ ваддад̇и. д̇ад̇о барам̣ од̇аарзнд̇асса д̣̇уггаданд̇и махааадтагат̇ааяам̣ вуд̇д̇ам̣. аараамз ваад̇и б̣уд̣̇д̇хубадтаанаад̣̇игаалз. баарубид̇аб̣б̣анд̇и уд̇д̇араасан̇г̇агижжавасзна вуд̇д̇ам̣.
Sekhiyesu satipi vītikkame anādariyāpekkhasseva āpattīti dassanatthaṃ kārako na vutto. Ayañhi vinayadhammatā, yadidaṃ sāpekkhe kārakaniddeso, so vuttaniyame vidhi, bhummakaraṇañca. Aṭṭhaṅgulādhikampi otāretvā nivāsetuṃ vaṭṭati. Tato paraṃ otārentassa dukkaṭanti mahāaṭṭhakathāyaṃ vuttaṃ. Ārāme vāti buddhupaṭṭhānādikāle. Pārupitabbanti uttarāsaṅgakiccavasena vuttaṃ.
тад̇ваад̇и зд̇т̇а г̇ажчанд̇оби бариссаяаабхаавам̣ ологзд̇ум̣ лабхад̇иязваад̇и (важ̇ира. дий. баажид̇д̇ияа 582) ликид̇ам̣. яат̇аа ваасуубаг̇ад̇асса анд̇арагхарз гааяам̣ виварид̇ваа нисийд̣̇ид̇ум̣ ваддад̇и, д̇ат̇аа д̇асса санд̇игз г̇анд̇угаамассаби гааяаб̣анд̇ханам̣ аб̣анд̇хид̇ваа сан̇гхаадим̣ абаарубид̇ваа г̇аамаббавзсанаманаарожзд̇ваа яат̇аагаамам̣ г̇анд̇ум̣ ваддад̇и. д̇асмаа ад̣̇д̇хаанамаг̇г̇аг̇аманагаалз зго бхигку г̇аамаббавзсанавад̇д̇ам̣ буурзд̇ваа г̇аамам̣ бависид̇ваа згам̣ аавасат̇ам̣ бурад̇ова тид̇ам̣ бад̇ваа баригкаарам̣ табзд̇ваа ваасуубаг̇ад̇о жз ход̇и, ид̇арзхи д̇асса санд̇игам̣ яат̇аасукам̣ г̇анд̇ум̣ ваддад̇и. го бана ваад̣̇о жад̇уухабан̃жаахам̣ ваасамад̇хидтааяа васид̇абхигкуунам̣ санд̇игам̣ г̇анд̇ун̃жа ваасуубаг̇ад̇аанам̣ санд̇игам̣ г̇анд̇ун̃жа ваддад̇ийд̇и. б̣уд̣̇д̇хабууж̇амби яат̇аасукам̣ г̇анд̇ум̣ ваддад̇и. вуд̇д̇амби жзд̇ам̣ адтагат̇ааяам̣ ‘‘анаабад̇д̇и гааран̣ам̣ бадижжа д̇ахам̣ д̇ахам̣ ологзд̇ий’’д̇и. д̇ад̇т̇а гааран̣ам̣ наама аамисабууж̇аад̇и взд̣̇ид̇аб̣б̣аад̇и ликид̇ам̣.
Ṭhatvāti ettha gacchantopi parissayābhāvaṃ oloketuṃ labhatiyevāti (vajira. ṭī. pācittiya 582) likhitaṃ. Yathā vāsūpagatassa antaraghare kāyaṃ vivaritvā nisīdituṃ vaṭṭati, tathā tassa santike gantukāmassapi kāyabandhanaṃ abandhitvā saṅghāṭiṃ apārupitvā gāmappavesanamanārocetvā yathākāmaṃ gantuṃ vaṭṭati. Tasmā addhānamaggagamanakāle eko bhikkhu gāmappavesanavattaṃ pūretvā gāmaṃ pavisitvā ekaṃ āvasathaṃ puratova ṭhitaṃ patvā parikkhāraṃ ṭhapetvā vāsūpagato ce hoti, itarehi tassa santikaṃ yathāsukhaṃ gantuṃ vaṭṭati. Ko pana vādo catūhapañcāhaṃ vāsamadhiṭṭhāya vasitabhikkhūnaṃ santikaṃ gantuñca vāsūpagatānaṃ santikaṃ gantuñca vaṭṭatīti. Buddhapūjampi yathāsukhaṃ gantuṃ vaṭṭati. Vuttampi cetaṃ aṭṭhakathāyaṃ ‘‘anāpatti kāraṇaṃ paṭicca tahaṃ tahaṃ oloketī’’ti. Tattha kāraṇaṃ nāma āmisapūjāti veditabbāti likhitaṃ.
чаб̣б̣ийсад̇исааруббаван̣н̣анаа нидтид̇аа.
Chabbīsatisāruppavaṇṇanā niṭṭhitā.
яасмаа ‘‘самад̇ид̇д̇иго бин̣д̣абаад̇о бадиг̇г̇ахзд̇аб̣б̣о’’д̇и (баажи. 602-603) важанам̣ бин̣д̣абаад̇о самабун̣н̣о бадиг̇г̇ахзд̇аб̣б̣од̇и д̣̇ийбзд̇и, д̇асмаа ад̇д̇ано хад̇т̇аг̇ад̇з бад̇д̇з бин̣д̣абаад̇о д̣̇ияяамаано т̇уубийгад̇оби жз ход̇и, ваддад̇ийд̇и д̣̇ийбид̇о ход̇и. суубод̣̇анавин̃н̃ад̇д̇ияам̣ мукз багкибид̇ваа виббадисаарз уббаннз буна уг̇г̇ирид̇угаамассааби сахасаа жз бависад̇и, зд̇т̇а асан̃жижжа бхун̃ж̇ад̇и наама. вин̃н̃ад̇д̇игад̇ан̃жа агад̇ан̃жа згасмим̣ таанз тид̇ам̣ сахасаа анубад̇хаарзд̇ваа г̇ахзд̇ваа бхун̃ж̇ад̇и, ассад̇ияаа бхун̃ж̇ад̇и наама.
Yasmā ‘‘samatittiko piṇḍapāto paṭiggahetabbo’’ti (pāci. 602-603) vacanaṃ piṇḍapāto samapuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpito hoti. Sūpodanaviññattiyaṃ mukhe pakkhipitvā vippaṭisāre uppanne puna uggiritukāmassāpi sahasā ce pavisati, ettha asañciccabhuñjati nāma. Viññattikatañca akatañca ekasmiṃ ṭhāne ṭhitaṃ sahasā anupadhāretvā gahetvā bhuñjati, assatiyā bhuñjati nāma.
саяам̣ яаанаг̇ад̇о худ̇ваа, яат̇аа яаанаг̇ад̇асса жз;
Sayaṃ yānagato hutvā, yathā yānagatassa ce;
алам̣ вад̇т̇ум̣ д̇ат̇аа наалам̣, сачад̇д̇о чад̇д̇абаан̣ино.
Alaṃ vatthuṃ tathā nālaṃ, sachatto chattapāṇino.
‘‘суубод̣̇анавин̃н̃ад̇д̇исигкаабад̣̇ам̣ т̇зяяасад̇т̇асамудтаанам̣, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ана’’нд̇и баато.
‘‘Sūpodanaviññattisikkhāpadaṃ theyyasatthasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedana’’nti pāṭho.
сзкияаван̣н̣анаа нидтид̇аа.
Sekhiyavaṇṇanā niṭṭhitā.
бхигкубаад̇имогкаван̣н̣анаа нидтид̇аа.
Bhikkhupātimokkhavaṇṇanā niṭṭhitā.
