| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
сзкияаган̣д̣о
Sekhiyakaṇḍo
1. бариман̣д̣аласигкаабад̣̇аван̣н̣анаа
1. Parimaṇḍalasikkhāpadavaṇṇanā
сзкиязсу батамз бариман̣д̣аланд̇и саманд̇ад̇о ман̣д̣алам̣. сигкаа гаран̣ийяаад̇и ‘‘звам̣ ниваасзссаамий’’д̇и аараамзби анд̇арагхарзби саб̣б̣ад̇т̇а сигкаа гаад̇аб̣б̣аа, зд̇т̇а жа яасмаа вад̇д̇агканд̇хагз вуд̇д̇авад̇д̇ааниби сигкид̇аб̣б̣ад̇д̇аа сзкияаанзва хонд̇и, д̇асмаа баарааж̇игаад̣̇ийсу вияа барижчзд̣̇о на гад̇о. жаарид̇д̇авинаяад̣̇ассанад̇т̇ан̃жа ‘‘яо бана бхигку оламб̣знд̇о ниваасзяяа, д̣̇уггада’’нд̇и звам̣ аабад̇д̇инаамзна авад̇ваа ‘‘сигкаа гаран̣ийяаа’’д̇и звам̣ саб̣б̣асигкаабад̣̇зсу баал̣и ааробид̇аа, бад̣̇абхааж̇анз (баажи. 576) бана ‘‘аабад̇д̇и д̣̇уггадассаа’’д̇и вуд̇д̇ад̇д̇аа саб̣б̣ад̇т̇а анаад̣̇арияагаран̣з д̣̇уггадам̣ взд̣̇ид̇аб̣б̣ам̣.
Sekhiyesu paṭhame parimaṇḍalanti samantato maṇḍalaṃ. Sikkhā karaṇīyāti ‘‘evaṃ nivāsessāmī’’ti ārāmepi antaragharepi sabbattha sikkhā kātabbā, ettha ca yasmā vattakkhandhake vuttavattānipi sikkhitabbattā sekhiyāneva honti, tasmā pārājikādīsu viya paricchedo na kato. Cārittavinayadassanatthañca ‘‘yo pana bhikkhu olambento nivāseyya, dukkaṭa’’nti evaṃ āpattināmena avatvā ‘‘sikkhā karaṇīyā’’ti evaṃ sabbasikkhāpadesu pāḷi āropitā, padabhājane (pāci. 576) pana ‘‘āpatti dukkaṭassā’’ti vuttattā sabbattha anādariyakaraṇe dukkaṭaṃ veditabbaṃ.
ид̣̇аани бариман̣д̣аланд̇и зд̇т̇а наабхиман̣д̣алам̣ бадижчаад̣̇зд̇ваа ж̇аан̣уман̣д̣аласса хздтаа ж̇ан̇гхадтигад̇о бадтааяа адтан̇г̇уламад̇д̇ам̣ ниваасанам̣ од̇аарзд̇ваа ниваасзнд̇зна бариман̣д̣алам̣ нивад̇т̇ам̣ наама ход̇и, звам̣ аниваасзд̇ваа анаад̣̇ариязна бурад̇о ваа бажчад̇о ваа оламб̣зд̇ваа ниваасзнд̇асса д̣̇уггадам̣. на гзвалан̃жа д̇ассзва, яз жан̃н̃з ‘‘д̇зна ко бана самаязна чаб̣б̣аг̇г̇ияаа г̇ихинивад̇т̇ам̣ ниваасзнд̇и, хад̇т̇исон̣д̣агам̣ мажчаваалагам̣ жад̇угган̣н̣агам̣ д̇аалаван̣дагам̣ сад̇авалигам̣ ниваасзнд̇и, сам̣валлияам̣ ниваасзнд̇ий’’д̇и канд̇хагз (жуул̣ава. 280) ниваасанад̣̇осаа вуд̇д̇аа, д̇ат̇аа ниваасзнд̇ассаби д̣̇уггадамзва.
Idāni parimaṇḍalanti ettha nābhimaṇḍalaṃ paṭicchādetvā jāṇumaṇḍalassa heṭṭhā jaṅghaṭṭhikato paṭṭhāya aṭṭhaṅgulamattaṃ nivāsanaṃ otāretvā nivāsentena parimaṇḍalaṃ nivatthaṃ nāma hoti, evaṃ anivāsetvā anādariyena purato vā pacchato vā olambetvā nivāsentassa dukkaṭaṃ. Na kevalañca tasseva, ye caññe ‘‘tena kho pana samayena chabbaggiyā gihinivatthaṃ nivāsenti, hatthisoṇḍakaṃ macchavālakaṃ catukkaṇṇakaṃ tālavaṇṭakaṃ satavalikaṃ nivāsenti, saṃvalliyaṃ nivāsentī’’ti khandhake (cūḷava. 280) nivāsanadosā vuttā, tathā nivāsentassapi dukkaṭameva.
д̇ад̇т̇а хад̇т̇исон̣д̣агам̣ наама наабхимуулад̇о хад̇т̇исон̣д̣асан̣таанам̣ оламб̣агам̣ гад̇ваа нивад̇т̇ам̣ жол̣игаид̇т̇ийнам̣ ниваасанам̣ вияа. мажчаваалагам̣ наама згад̇од̣̇асанд̇ам̣ згад̇о баасанд̇ам̣ оламб̣зд̇ваа нивад̇т̇ам̣. жад̇угган̣н̣агам̣ наама убари д̣̇вз, хздтад̇о д̣̇взд̇и звам̣ жад̇д̇ааро ган̣н̣з д̣̇ассзд̇ваа нивад̇т̇ам̣. д̇аалаван̣дагам̣ наама д̇аалаван̣даагаарзна саадагам̣ оламб̣зд̇ваа нивад̇т̇ам̣. сад̇авалигам̣ наама д̣̇ийгхасаадагам̣ анзгагкад̇д̇ум̣ обхуж̇ид̇ваа оваддигам̣ гаронд̇зна нивад̇т̇ам̣, ваамад̣̇агкин̣абассзсу ваа ниранд̇арам̣ валияо д̣̇ассзд̇ваа нивад̇т̇ам̣. сажз бана ж̇аан̣уд̇о бадтааяа згаа ваа д̣̇вз ваа валияо бан̃н̃ааяанд̇и, ваддад̇и. сам̣валлияанд̇и маллагаммагаараад̣̇ийхи вияа гажчам̣ б̣анд̇хид̇ваа нивад̇т̇ам̣. звам̣ ниваасзд̇ум̣ г̇илаанассааби маг̇г̇аббадибаннассааби на ваддад̇и. яамби маг̇г̇ам̣ г̇ажчанд̇аа згам̣ ваа д̣̇вз ваа ган̣н̣з угкибид̇ваа анд̇араваасагасса убари лаг̇г̇анд̇и, анд̇о ваа згам̣ гаасаавам̣ д̇ат̇аа ниваасзд̇ваа б̣ахи абарам̣ ниваасзнд̇и, саб̣б̣ам̣ на ваддад̇и.
Tattha hatthisoṇḍakaṃ nāma nābhimūlato hatthisoṇḍasaṇṭhānaṃ olambakaṃ katvā nivatthaṃ coḷikaitthīnaṃ nivāsanaṃ viya. Macchavālakaṃ nāma ekatodasantaṃ ekato pāsantaṃ olambetvā nivatthaṃ. Catukkaṇṇakaṃ nāma upari dve, heṭṭhato dveti evaṃ cattāro kaṇṇe dassetvā nivatthaṃ. Tālavaṇṭakaṃ nāma tālavaṇṭākārena sāṭakaṃ olambetvā nivatthaṃ. Satavalikaṃ nāma dīghasāṭakaṃ anekakkhattuṃ obhujitvā ovaṭṭikaṃ karontena nivatthaṃ, vāmadakkhiṇapassesu vā nirantaraṃ valiyo dassetvā nivatthaṃ. Sace pana jāṇuto paṭṭhāya ekā vā dve vā valiyo paññāyanti, vaṭṭati. Saṃvalliyanti mallakammakārādīhi viya kacchaṃ bandhitvā nivatthaṃ. Evaṃ nivāsetuṃ gilānassāpi maggappaṭipannassāpi na vaṭṭati. Yampi maggaṃ gacchantā ekaṃ vā dve vā kaṇṇe ukkhipitvā antaravāsakassa upari lagganti, anto vā ekaṃ kāsāvaṃ tathā nivāsetvā bahi aparaṃ nivāsenti, sabbaṃ na vaṭṭati.
г̇илаано бана анд̇огаасаавасса оваддигам̣ д̣̇ассзд̇ваа абарам̣ убари ниваасзд̇ум̣ лабхад̇и, аг̇илаанзна д̣̇вз ниваасзнд̇зна саг̇ун̣ам̣ гад̇ваа ниваасзд̇аб̣б̣аани. ид̇и имам̣ канд̇хагз бадигкид̇д̇ан̃жа оламб̣аган̃жа саб̣б̣ам̣ виваж̇ж̇зд̇ваа вуд̇д̇алагкан̣асамбаннам̣ ниб̣б̣игаарам̣ бариман̣д̣алам̣ ниваасзд̇аб̣б̣ам̣, д̇ат̇аа аниваасзд̇ваа яам̣гин̃жи вигаарам̣ гаронд̇асса д̣̇уггадам̣.
Gilāno pana antokāsāvassa ovaṭṭikaṃ dassetvā aparaṃ upari nivāsetuṃ labhati, agilānena dve nivāsentena saguṇaṃ katvā nivāsetabbāni. Iti imaṃ khandhake paṭikkhittañca olambakañca sabbaṃ vivajjetvā vuttalakkhaṇasampannaṃ nibbikāraṃ parimaṇḍalaṃ nivāsetabbaṃ, tathā anivāsetvā yaṃkiñci vikāraṃ karontassa dukkaṭaṃ.
‘‘нид̣̇аанам̣ буг̇г̇алам̣ вад̇т̇у’’нд̇иаад̣̇игз (ган̇каа. адта. батамабаарааж̇игаван̣н̣анаа ) бана винижчаяз сурусуругаарагам̣ госамб̣ияам̣ бан̃н̃ад̇д̇ам̣, саамисзна хад̇т̇зна баанийяат̇аалагасасид̇т̇агабад̇д̇ад̇хованабадисам̣яуд̇д̇ад̣̇ваяам̣ бхаг̇г̇зсу самб̣ахулз бхигкуу аараб̣бха, сзсаани саб̣б̣аанзва саавад̇т̇ияам̣ чаб̣б̣аг̇г̇ияз аараб̣бха оламб̣зд̇ваа ниваасанаад̣̇ивад̇т̇усмим̣ бан̃н̃ад̇д̇аани. суубод̣̇анавин̃н̃ад̇д̇ияам̣ д̇хаммад̣̇зсанаад̣̇ийсу жа г̇илаанавасзна згаа анубан̃н̃ад̇д̇и, саб̣б̣аани саад̇хааран̣абан̃н̃ад̇д̇ияо, анаан̣ад̇д̇игаани, саб̣б̣зсу д̣̇уггадамзва, ан̃н̃о аабад̇д̇ибхзд̣̇о над̇т̇и, вибад̇д̇ивижааран̣аа вуд̇д̇ааязва, самудтаанаад̣̇ийни саб̣б̣зсам̣ авасаанз д̣̇ассаяиссаама. анаабад̇д̇имад̇д̇ам̣ бана ан̇г̇ан̃жа саб̣б̣ад̇т̇а вад̇д̇аб̣б̣ам̣, д̇аяид̣̇ам̣ вужжад̇и. имасмим̣ д̇аава сигкаабад̣̇з асан̃жижжа, ассад̇ияаа, аж̇аананд̇асса, г̇илаанасса, аабад̣̇аасу, уммад̇д̇агаад̣̇ийнан̃жа анаабад̇д̇и.
‘‘Nidānaṃ puggalaṃ vatthu’’ntiādike (kaṅkhā. aṭṭha. paṭhamapārājikavaṇṇanā ) pana vinicchaye surusurukārakaṃ kosambiyaṃ paññattaṃ, sāmisena hatthena pānīyathālakasasitthakapattadhovanapaṭisaṃyuttadvayaṃ bhaggesu sambahule bhikkhū ārabbha, sesāni sabbāneva sāvatthiyaṃ chabbaggiye ārabbha olambetvā nivāsanādivatthusmiṃ paññattāni. Sūpodanaviññattiyaṃ dhammadesanādīsu ca gilānavasena ekā anupaññatti, sabbāni sādhāraṇapaññattiyo, anāṇattikāni, sabbesu dukkaṭameva, añño āpattibhedo natthi, vipattivicāraṇā vuttāyeva, samuṭṭhānādīni sabbesaṃ avasāne dassayissāma. Anāpattimattaṃ pana aṅgañca sabbattha vattabbaṃ, tayidaṃ vuccati. Imasmiṃ tāva sikkhāpade asañcicca, assatiyā, ajānantassa, gilānassa, āpadāsu, ummattakādīnañca anāpatti.
д̇ад̇т̇а асан̃жижжаад̇и ‘‘абариман̣д̣алам̣ ниваасзссаамий’’д̇и звам̣ асан̃жижжа, ат̇а ко ‘‘бариман̣д̣алам̣язва ниваасзссаамий’’д̇и вираж̇жхид̇ваа абариман̣д̣алам̣ ниваасзнд̇асса анаабад̇д̇и. ассад̇ияаад̇и ан̃н̃аавихид̇ассааби д̇ат̇аа ниваасзнд̇асса анаабад̇д̇и. аж̇аананд̇ассаад̇и бариман̣д̣алам̣ ниваасзд̇ум̣ аж̇аананд̇асса анаабад̇д̇и, абижа ниваасанавад̇д̇ам̣ уг̇г̇ахзд̇аб̣б̣ам̣. яо бана сугкаж̇ан̇гхо ваа ход̇и махаабин̣д̣игамам̣со ваа, д̇асса сааруббад̇т̇ааяа адтан̇г̇улаад̇хигамби од̇аарзд̇ваа ниваасзд̇ум̣ ваддад̇и. г̇илаанассаад̇и яасса ж̇ан̇гхааяа ваа баад̣̇з ваа ван̣о ход̇и, д̇асса угкибид̇ваа ваа од̇аарзд̇ваа ваа ниваасзд̇ум̣ ваддад̇и. аабад̣̇аасууд̇и ваал̣аа ваа жораа ваа ануб̣анд̇ханд̇и, зваруубаасу аабад̣̇аасу анаабад̇д̇и . уммад̇д̇агаад̣̇аяо вуд̇д̇анаяаа зва. анаад̣̇арияам̣, анаабад̇д̇игааран̣аабхааво, абариман̣д̣аланиваасананд̇и имаанзд̇т̇а д̇ийн̣и ан̇г̇аани. яат̇аа жзд̇т̇а, звам̣ саб̣б̣ад̇т̇а буримаани д̣̇вз д̇ад̇т̇а д̇ад̇т̇а вуд̇д̇аббадибагкагаран̣ан̃жаад̇и д̇ийн̣иязва хонд̇и, д̇асмаа ид̇о барам̣ д̇ааниби авад̇ваа анаабад̇д̇имад̇д̇амзва вагкаамаад̇и.
Tattha asañciccāti ‘‘aparimaṇḍalaṃ nivāsessāmī’’ti evaṃ asañcicca, atha kho ‘‘parimaṇḍalaṃyeva nivāsessāmī’’ti virajjhitvā aparimaṇḍalaṃ nivāsentassa anāpatti. Assatiyāti aññāvihitassāpi tathā nivāsentassa anāpatti. Ajānantassāti parimaṇḍalaṃ nivāsetuṃ ajānantassa anāpatti, apica nivāsanavattaṃ uggahetabbaṃ. Yo pana sukkhajaṅgho vā hoti mahāpiṇḍikamaṃso vā, tassa sāruppatthāya aṭṭhaṅgulādhikampi otāretvā nivāsetuṃ vaṭṭati. Gilānassāti yassa jaṅghāya vā pāde vā vaṇo hoti, tassa ukkhipitvā vā otāretvā vā nivāsetuṃ vaṭṭati. Āpadāsūti vāḷā vā corā vā anubandhanti, evarūpāsu āpadāsu anāpatti . Ummattakādayo vuttanayā eva. Anādariyaṃ, anāpattikāraṇābhāvo, aparimaṇḍalanivāsananti imānettha tīṇi aṅgāni. Yathā cettha, evaṃ sabbattha purimāni dve tattha tattha vuttappaṭipakkhakaraṇañcāti tīṇiyeva honti, tasmā ito paraṃ tānipi avatvā anāpattimattameva vakkhāmāti.
2. д̣̇уд̇ияабариман̣д̣аласигкаабад̣̇аван̣н̣анаа
2. Dutiyaparimaṇḍalasikkhāpadavaṇṇanā
д̣̇уд̇ияз ‘‘на, бхигкавз, г̇ихибааруд̇ам̣ баарубид̇аб̣б̣а’’нд̇и (жуул̣ава. 280) звам̣ бадигкид̇д̇ам̣ г̇ихибааруд̇ам̣ абаарубид̇ваа убхо ган̣н̣з самам̣ гад̇ваа баарубанам̣ бариман̣д̣алабаарубанам̣ наама, д̇ад̇т̇а яам̣гин̃жи сзд̇абадабааруд̇ам̣ бариб̣б̣ааж̇агабааруд̇ам̣ згасаадагабааруд̇ам̣ сураасон̣д̣абааруд̇ам̣ анд̇збуригабааруд̇ам̣ махааж̇здтабааруд̇ам̣ гудиббавзсагабааруд̇ам̣ б̣раахман̣абааруд̇ам̣ баал̣игаарагабааруд̇анд̇и звамаад̣̇и бариман̣д̣алалагкан̣ад̇о ан̃н̃ат̇аа бааруд̇ам̣, саб̣б̣амзд̇ам̣ г̇ихибааруд̇ам̣ наама. д̇асмаа яат̇аа сзд̇абадаа ад̣дхабаалаганиг̇ан̣таа баарубанд̇и, яат̇аа жа згажжз бариб̣б̣ааж̇агаа урам̣ виварид̇ваа д̣̇вийсу ам̣сагуудзсу баавуран̣ам̣ табзнд̇и, яат̇аа жа згасаадагаа мануссаа нивад̇т̇асаадагасса згзна анд̇зна бидтим̣ баарубид̇ваа убхо ган̣н̣з убхосу ам̣сагуудзсу табзнд̇и, яат̇аа жа сураасон̣д̣аад̣̇аяо саадагзна г̇ийвам̣ баригкибид̇ваа убхо анд̇з урз ваа оламб̣знд̇и, бидтияам̣ ваа кибанд̇и, яат̇аа жа анд̇збуригааяо агкид̇аарагамад̇д̇ам̣ д̣̇ассзд̇ваа ог̇ун̣тид̇ам̣ баарубанд̇и, яат̇аа жа махааж̇здтаа д̣̇ийгхасаадагам̣ ниваасзд̇ваа д̇ассзва згзнанд̇зна сагаласарийрам̣ баарубанд̇и, яат̇аа жа гассагаа кзд̇д̇агудим̣ бависанд̇аа саадагам̣ баливзтзд̇ваа убагажчагз багкибид̇ваа д̇ассзва згзнанд̇зна сарийрам̣ баарубанд̇и, яат̇аа жа б̣раахман̣аа убхиннам̣ убагажчагаанам̣ анд̇арз саадагам̣ бавзсзд̇ваа ам̣сагуудзсу багкибанд̇и, яат̇аа жа баал̣игаараго бхигку згам̣сабаарубанзна бааруд̇ам̣ ваамаб̣аахум̣ виварид̇ваа жийварам̣ ам̣сагуудз ааробзд̇и, звам̣ абаарубид̇ваа саб̣б̣зби зд̇з, ан̃н̃з жа зваруубз баарубанад̣̇осз важ̇ж̇зд̇ваа ниб̣б̣игаарам̣ бариман̣д̣алам̣ баарубид̇аб̣б̣ам̣. д̇ат̇аа абаарубид̇ваа аараамз ваа анд̇арагхарз ваа анаад̣̇арзна яам̣гин̃жи вигаарам̣ гаронд̇асса д̣̇уггадам̣, анаабад̇д̇и буримасад̣̇исааязва, яат̇аа жзд̇т̇а, звам̣ саб̣б̣ад̇т̇а. яад̇т̇а бана висзсо бхависсад̇и, д̇ад̇т̇а вагкаамаад̇и.
Dutiye ‘‘na, bhikkhave, gihipārutaṃ pārupitabba’’nti (cūḷava. 280) evaṃ paṭikkhittaṃ gihipārutaṃ apārupitvā ubho kaṇṇe samaṃ katvā pārupanaṃ parimaṇḍalapārupanaṃ nāma, tattha yaṃkiñci setapaṭapārutaṃ paribbājakapārutaṃ ekasāṭakapārutaṃ surāsoṇḍapārutaṃ antepurikapārutaṃ mahājeṭṭhapārutaṃ kuṭippavesakapārutaṃ brāhmaṇapārutaṃ pāḷikārakapārutanti evamādi parimaṇḍalalakkhaṇato aññathā pārutaṃ, sabbametaṃ gihipārutaṃ nāma. Tasmā yathā setapaṭā aḍḍhapālakanigaṇṭhā pārupanti, yathā ca ekacce paribbājakā uraṃ vivaritvā dvīsu aṃsakūṭesu pāvuraṇaṃ ṭhapenti, yathā ca ekasāṭakā manussā nivatthasāṭakassa ekena antena piṭṭhiṃ pārupitvā ubho kaṇṇe ubhosu aṃsakūṭesu ṭhapenti, yathā ca surāsoṇḍādayo sāṭakena gīvaṃ parikkhipitvā ubho ante ure vā olambenti, piṭṭhiyaṃ vā khipanti, yathā ca antepurikāyo akkhitārakamattaṃ dassetvā oguṇṭhitaṃ pārupanti, yathā ca mahājeṭṭhā dīghasāṭakaṃ nivāsetvā tasseva ekenantena sakalasarīraṃ pārupanti, yathā ca kassakā khettakuṭiṃ pavisantā sāṭakaṃ paliveṭhetvā upakacchake pakkhipitvā tasseva ekenantena sarīraṃ pārupanti, yathā ca brāhmaṇā ubhinnaṃ upakacchakānaṃ antare sāṭakaṃ pavesetvā aṃsakūṭesu pakkhipanti, yathā ca pāḷikārako bhikkhu ekaṃsapārupanena pārutaṃ vāmabāhuṃ vivaritvā cīvaraṃ aṃsakūṭe āropeti, evaṃ apārupitvā sabbepi ete, aññe ca evarūpe pārupanadose vajjetvā nibbikāraṃ parimaṇḍalaṃ pārupitabbaṃ. Tathā apārupitvā ārāme vā antaraghare vā anādarena yaṃkiñci vikāraṃ karontassa dukkaṭaṃ, anāpatti purimasadisāyeva, yathā cettha, evaṃ sabbattha. Yattha pana viseso bhavissati, tattha vakkhāmāti.
3-4. суббадижчаннасигкаабад̣̇аван̣н̣анаа
3-4. Suppaṭicchannasikkhāpadavaṇṇanā
д̇ад̇ияз суббадижчаннод̇и судту бадижчанно, г̇ан̣тигам̣ бадимун̃жид̇ваа ануваад̇анд̇зна г̇ийвам̣ бадижчаад̣̇зд̇ваа убхо ган̣н̣з самам̣ гад̇ваа бадисан̇гхарид̇ваа яаава ман̣иб̣анд̇хам̣ бадижчаад̣̇зд̇ваа анд̇арагхарз г̇амиссаамийд̇и ад̇т̇о, д̇ат̇аа агад̇ваа бана ж̇аан̣ум̣ ваа урам̣ ваа виварид̇ваа г̇ажчанд̇асса д̣̇уггадам̣.
Tatiye suppaṭicchannoti suṭṭhu paṭicchanno, gaṇṭhikaṃ paṭimuñcitvā anuvātantena gīvaṃ paṭicchādetvā ubho kaṇṇe samaṃ katvā paṭisaṅgharitvā yāva maṇibandhaṃ paṭicchādetvā antaraghare gamissāmīti attho, tathā akatvā pana jāṇuṃ vā uraṃ vā vivaritvā gacchantassa dukkaṭaṃ.
жад̇уд̇т̇з г̇алаваадагад̇о бадтааяа сийсам̣, ман̣иб̣анд̇хад̇о бадтааяа хад̇т̇з, бин̣д̣игамам̣сад̇о бадтааяа баад̣̇з виварид̇ваа сзсам̣ чаад̣̇зд̇ваа нисинно суббадижчанно наама ход̇и, зд̇т̇а бана ваасуубаг̇ад̇асса анаабад̇д̇и.
Catutthe galavāṭakato paṭṭhāya sīsaṃ, maṇibandhato paṭṭhāya hatthe, piṇḍikamaṃsato paṭṭhāya pāde vivaritvā sesaṃ chādetvā nisinno suppaṭicchanno nāma hoti, ettha pana vāsūpagatassa anāpatti.
5-6. сусам̣вуд̇асигкаабад̣̇аван̣н̣анаа
5-6. Susaṃvutasikkhāpadavaṇṇanā
бан̃жамз сусам̣вуд̇од̇и хад̇т̇ам̣ ваа баад̣̇ам̣ ваа агийл̣аабзнд̇о сувинийд̇од̇и ад̇т̇о. чадтзби зсзва наяо.
Pañcame susaṃvutoti hatthaṃ vā pādaṃ vā akīḷāpento suvinītoti attho. Chaṭṭhepi eseva nayo.
7-8. огкид̇д̇ажагкусигкаабад̣̇аван̣н̣анаа
7-8. Okkhittacakkhusikkhāpadavaṇṇanā
сад̇д̇амз огкид̇д̇ажагкууд̇и хздтаа кид̇д̇ажагку худ̇ваа бурад̇о яуг̇амад̇д̇ам̣ бхуумибхааг̇ам̣ бзгкамаано, згасмим̣ бана таанз тад̇ваа хад̇т̇иассаад̣̇ибариссаяаабхаавам̣ ологзд̇ум̣ ваддад̇и. адтамзби зсзва наяо.
Sattame okkhittacakkhūti heṭṭhā khittacakkhu hutvā purato yugamattaṃ bhūmibhāgaṃ pekkhamāno, ekasmiṃ pana ṭhāne ṭhatvā hatthiassādiparissayābhāvaṃ oloketuṃ vaṭṭati. Aṭṭhamepi eseva nayo.
9-10. угкид̇д̇агасигкаабад̣̇аван̣н̣анаа
9-10. Ukkhittakasikkhāpadavaṇṇanā
навамз угкид̇д̇агааяаад̇и угкзбзна, ид̇т̇амбхууд̇алагкан̣з гаран̣аважанам̣, згад̇о ваа убхад̇о ваа угкид̇д̇ажийваро худ̇ваад̇и ад̇т̇о, анд̇о инд̣̇акийлад̇о бадтааяа звам̣ на г̇анд̇аб̣б̣ам̣.
Navame ukkhittakāyāti ukkhepena, itthambhūtalakkhaṇe karaṇavacanaṃ, ekato vā ubhato vā ukkhittacīvaro hutvāti attho, anto indakhīlato paṭṭhāya evaṃ na gantabbaṃ.
д̣̇асамз нисиннагаалз д̇хамагаран̣ам̣ нийхаранд̇знааби жийварам̣ анугкибид̇ваава нийхарид̇аб̣б̣ам̣, ваасуубаг̇ад̇асса бана анаабад̇д̇и.
Dasame nisinnakāle dhamakaraṇaṃ nīharantenāpi cīvaraṃ anukkhipitvāva nīharitabbaṃ, vāsūpagatassa pana anāpatti.
11-12. уж̇ж̇аг̇гхигасигкаабад̣̇аван̣н̣анаа
11-12. Ujjagghikasikkhāpadavaṇṇanā
згаад̣̇асамз уж̇ж̇аг̇гхигааяаад̇и махаахасид̇ам̣ хасанд̇од̇и ад̇т̇о. ид̇хааби хи ид̇т̇амбхууд̇алагкан̣зязва гаран̣аважанам̣.
Ekādasame ujjagghikāyāti mahāhasitaṃ hasantoti attho. Idhāpi hi itthambhūtalakkhaṇeyeva karaṇavacanaṃ.
д̣̇ваад̣̇асамзби зсзва наяо. убхаяад̇т̇а хасанийяасмим̣ вад̇т̇усмим̣ михид̇амад̇д̇ам̣ гаронд̇асса анаабад̇д̇и.
Dvādasamepi eseva nayo. Ubhayattha hasanīyasmiṃ vatthusmiṃ mihitamattaṃ karontassa anāpatti.
13-14. ужжасад̣̇д̣̇асигкаабад̣̇аван̣н̣анаа
13-14. Uccasaddasikkhāpadavaṇṇanā
д̇зрасамз аббасад̣̇д̣̇од̇и на ужжаасад̣̇д̣̇амахаасад̣̇д̣̇о худ̇ваа. жуд̣̇д̣̇асамзби зсзва наяо. аяам̣ банзд̇т̇а аббасад̣̇д̣̇ад̇аабарижчзд̣̇о – сажз д̣̇ваад̣̇асахад̇т̇з г̇зхз аад̣̇имхи сан̇гхад̇т̇зро, маж̇жхз д̣̇уд̇ияад̇т̇зро , анд̇з д̇ад̇ияад̇т̇зрод̇и звам̣ нисиннзсу яам̣ сан̇гхад̇т̇зро д̣̇уд̇ияад̇т̇зрзна сад̣̇д̇хим̣ манд̇зд̇и, д̣̇уд̇ияад̇т̇зро жа д̇асса сад̣̇д̣̇ам̣ сун̣аад̇и, гат̇ан̃жа вавад̇т̇абзд̇и. д̇ад̇ияад̇т̇зро бана сад̣̇д̣̇амзва сун̣аад̇и, гат̇ам̣ на вавад̇т̇абзд̇и, зд̇д̇аавад̇аа аббасад̣̇д̣̇о ход̇и. сажз бана д̇ад̇ияад̇т̇зро гат̇ан̃жа вавад̇т̇абзд̇и, махаасад̣̇д̣̇о наама ход̇и.
Terasame appasaddoti na uccāsaddamahāsaddo hutvā. Cuddasamepi eseva nayo. Ayaṃ panettha appasaddatāparicchedo – sace dvādasahatthe gehe ādimhi saṅghatthero, majjhe dutiyatthero , ante tatiyattheroti evaṃ nisinnesu yaṃ saṅghatthero dutiyattherena saddhiṃ manteti, dutiyatthero ca tassa saddaṃ suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti, ettāvatā appasaddo hoti. Sace pana tatiyatthero kathañca vavatthapeti, mahāsaddo nāma hoti.
15…бз…20. гааяаббажаалагаад̣̇исигкаабад̣̇аван̣н̣анаа
15…Pe…20. kāyappacālakādisikkhāpadavaṇṇanā
ид̇о барзсу часу гааяаббажаалаганд̇и гааяам̣ жаалзд̇ваа жаалзд̇ваа, зса наяо саб̣б̣ад̇т̇а. д̇асмаа гааяаад̣̇ийни баг̇г̇ахзд̇ваа нижжалаани уж̇угаани табзд̇ваа г̇анд̇аб̣б̣ан̃жзва нисийд̣̇ид̇аб̣б̣ан̃жа, нисийд̣̇анаббадисам̣яуд̇д̇зсу д̇ийсу ваасуубаг̇ад̇асса анаабад̇д̇и.
Ito paresu chasu kāyappacālakanti kāyaṃ cāletvā cāletvā, esa nayo sabbattha. Tasmā kāyādīni paggahetvā niccalāni ujukāni ṭhapetvā gantabbañceva nisīditabbañca, nisīdanappaṭisaṃyuttesu tīsu vāsūpagatassa anāpatti.
21-22. камбхагад̇асигкаабад̣̇аван̣н̣анаа
21-22. Khambhakatasikkhāpadavaṇṇanā
згавийсад̣̇ваавийсзсу камбхагад̇од̇и гадияам̣ хад̇т̇ам̣ табзд̇ваа гад̇акамбхо.
Ekavīsadvāvīsesu khambhakatoti kaṭiyaṃ hatthaṃ ṭhapetvā katakhambho.
23-24. ог̇ун̣тид̇асигкаабад̣̇аван̣н̣анаа
23-24. Oguṇṭhitasikkhāpadavaṇṇanā
д̇звийсажад̇увийсзсу ог̇ун̣тид̇од̇и сасийсам̣ бааруд̇о.
Tevīsacatuvīsesu oguṇṭhitoti sasīsaṃ pāruto.
25. уггудигасигкаабад̣̇аван̣н̣анаа
25. Ukkuṭikasikkhāpadavaṇṇanā
бан̃жавийсз уггудигаа вужжад̇и бан̣хияо угкибид̇ваа аг̇г̇абаад̣̇зхзва, аг̇г̇абаад̣̇з ваа угкибид̇ваа бан̣хийхиязва бхуумияам̣ пусанд̇асса г̇аманам̣, гаран̣аважанам̣ банзд̇т̇а вуд̇д̇алагкан̣амзва.
Pañcavīse ukkuṭikā vuccati paṇhiyo ukkhipitvā aggapādeheva, aggapāde vā ukkhipitvā paṇhīhiyeva bhūmiyaṃ phusantassa gamanaṃ, karaṇavacanaṃ panettha vuttalakkhaṇameva.
26. баллад̇т̇игасигкаабад̣̇аван̣н̣анаа
26. Pallatthikasikkhāpadavaṇṇanā
чаб̣б̣ийсз на баллад̇т̇игааяаад̇и хад̇т̇абаллад̇т̇игааяа ваа д̣̇уссабаллад̇т̇игааяа ваа на нисийд̣̇ид̇аб̣б̣ам̣. анаад̣̇арзна нисийд̣̇анд̇асса д̣̇уггадам̣, ваасуубаг̇ад̇асса бана ид̇хааби буримзсу жа д̣̇ваавийсажад̇увийсзсу анаабад̇д̇и.
Chabbīse na pallatthikāyāti hatthapallatthikāya vā dussapallatthikāya vā na nisīditabbaṃ. Anādarena nisīdantassa dukkaṭaṃ, vāsūpagatassa pana idhāpi purimesu ca dvāvīsacatuvīsesu anāpatti.
чаб̣б̣ийсад̇исааруббасигкаабад̣̇аван̣н̣анаа нидтид̇аа.
Chabbīsatisāruppasikkhāpadavaṇṇanā niṭṭhitā.
27. саггажжабадиг̇г̇ахан̣асигкаабад̣̇аван̣н̣анаа
27. Sakkaccapaṭiggahaṇasikkhāpadavaṇṇanā
бхож̇анаббадисам̣яуд̇д̇зсу батамз саггажжанд̇и сад̇им̣ убадтаабзд̇ваа.
Bhojanappaṭisaṃyuttesu paṭhame sakkaccanti satiṃ upaṭṭhāpetvā.
28. бад̇д̇асан̃н̃ийбадиг̇г̇ахан̣асигкаабад̣̇аван̣н̣анаа
28. Pattasaññīpaṭiggahaṇasikkhāpadavaṇṇanā
д̣̇уд̇ияз бад̇д̇з сан̃н̃аа бад̇д̇асан̃н̃аа, саа асса ад̇т̇ийд̇и бад̇д̇асан̃н̃ий, ад̇д̇ано бхааж̇анз убаниб̣ад̣̇д̇хасан̃н̃ий худ̇ваад̇и ад̇т̇о.
Dutiye patte saññā pattasaññā, sā assa atthīti pattasaññī, attano bhājane upanibaddhasaññī hutvāti attho.
29. самасуубагабадиг̇г̇ахан̣асигкаабад̣̇аван̣н̣анаа
29. Samasūpakapaṭiggahaṇasikkhāpadavaṇṇanā
д̇ад̇ияз самасуубаго наама яад̇т̇а муг̇г̇амаасзхи ваа гулад̇т̇аад̣̇ийхи ваа гад̇о хад̇т̇ахаарияо суубо бхад̇д̇асса жад̇уд̇т̇абхааг̇аббамаан̣о ход̇и, д̇ад̇о хи ад̇хигам̣ г̇ан̣ханд̇асса д̣̇уггадам̣. табзд̇ваа бана суубам̣ авасзсаа саб̣б̣ааби суубзяяаб̣яан̃ж̇анавигад̇и расарасо наама ход̇и, д̇асмим̣ расарасз, н̃аад̇агаанам̣ ваа баваарид̇аанам̣ ваа ан̃н̃ассад̇т̇ааяа ваа ад̇д̇ано д̇ханзна ваа ид̇ха анаабад̇д̇и.
Tatiye samasūpako nāma yattha muggamāsehi vā kulatthādīhi vā kato hatthahāriyo sūpo bhattassa catutthabhāgappamāṇo hoti, tato hi adhikaṃ gaṇhantassa dukkaṭaṃ. Ṭhapetvā pana sūpaṃ avasesā sabbāpi sūpeyyabyañjanavikati rasaraso nāma hoti, tasmiṃ rasarase, ñātakānaṃ vā pavāritānaṃ vā aññassatthāya vā attano dhanena vā idha anāpatti.
30…бз…32. самад̇ид̇д̇игасигкаабад̣̇аван̣н̣анаа
30…Pe…32. samatittikasikkhāpadavaṇṇanā
жад̇уд̇т̇з самад̇ид̇д̇иганд̇и самабун̣н̣ам̣ самабхарид̇ам̣ ад̇хидтаанубаг̇абад̇д̇асса анд̇омукаваддилзкам̣ анад̇иггамид̇ваа ражид̇ам̣. бин̣д̣абаад̇анд̇и яам̣гин̃жи яаавагаалигам̣. анад̇хидтаанубаг̇з бана яаавагаалигам̣ яаамагаалигаад̣̇ийни жа яад̇т̇агад̇т̇ажи т̇уубийгад̇ааниби вадданд̇и, яам̣ бана д̣̇вийсу бад̇д̇зсу г̇ахзд̇ваа згам̣ буурзд̇ваа вихаарам̣ харад̇и, яам̣ ваа багкибияамаанам̣ бууваужчугкан̣д̣апалаапалаад̣̇и хздтаа орохад̇и , д̇агголавадам̣сагаад̣̇аяо ваа убари табзд̇ваа д̣̇ияяанд̇и, яан̃жа бан̣н̣з ваа т̇аалагз ваа багкибид̇ваа бад̇д̇амад̇т̇агз табид̇ам̣ ход̇и, на д̇ам̣ т̇уубийгад̇ам̣ наама, д̇асмаа д̇ам̣ саб̣б̣ам̣ ваддад̇и. ид̇ха бана г̇илаанассааби анаабад̇д̇и над̇т̇и, д̇асмаа д̇знаби самад̇ид̇д̇игоязва г̇ахзд̇аб̣б̣о. саб̣б̣ад̇т̇а бана бадиг̇г̇ахзд̇умзва на ваддад̇и, бадиг̇г̇ахид̇ам̣ бана суббадиг̇г̇ахид̇ам̣ барибхун̃ж̇ид̇ум̣ ваддад̇и. бан̃жамачадтаани вуд̇д̇анаяаанзва.
Catutthe samatittikanti samapuṇṇaṃ samabharitaṃ adhiṭṭhānupagapattassa antomukhavaṭṭilekhaṃ anatikkamitvā racitaṃ. Piṇḍapātanti yaṃkiñci yāvakālikaṃ. Anadhiṭṭhānupage pana yāvakālikaṃ yāmakālikādīni ca yatthakatthaci thūpīkatānipi vaṭṭanti, yaṃ pana dvīsu pattesu gahetvā ekaṃ pūretvā vihāraṃ harati, yaṃ vā pakkhipiyamānaṃ pūvaucchukkhaṇḍaphalāphalādi heṭṭhā orohati , takkolavaṭaṃsakādayo vā upari ṭhapetvā diyyanti, yañca paṇṇe vā thālake vā pakkhipitvā pattamatthake ṭhapitaṃ hoti, na taṃ thūpīkataṃ nāma, tasmā taṃ sabbaṃ vaṭṭati. Idha pana gilānassāpi anāpatti natthi, tasmā tenapi samatittikoyeva gahetabbo. Sabbattha pana paṭiggahetumeva na vaṭṭati, paṭiggahitaṃ pana suppaṭiggahitaṃ paribhuñjituṃ vaṭṭati. Pañcamachaṭṭhāni vuttanayāneva.
33-34. сабад̣̇аанасигкаабад̣̇аван̣н̣анаа
33-34. Sapadānasikkhāpadavaṇṇanā
сад̇д̇амз сабад̣̇аананд̇и д̇ад̇т̇а д̇ад̇т̇а од̇хим̣ агад̇ваа анубадибаадияаа. яо бана ан̃н̃зсам̣ ваа д̣̇знд̇о, ан̃н̃абхааж̇анз ваа аагиранд̇о д̇ад̇о д̇ад̇о омасад̇и, д̇асса, уд̇д̇арибхан̇г̇ан̃жа уббадибаадияаа г̇ан̣ханд̇ассааби ид̇ха анаабад̇д̇и. адтамам̣ вуд̇д̇анаяамзва.
Sattame sapadānanti tattha tattha odhiṃ akatvā anupaṭipāṭiyā. Yo pana aññesaṃ vā dento, aññabhājane vā ākiranto tato tato omasati, tassa, uttaribhaṅgañca uppaṭipāṭiyā gaṇhantassāpi idha anāpatti. Aṭṭhamaṃ vuttanayameva.
35. т̇уубагад̇асигкаабад̣̇аван̣н̣анаа
35. Thūpakatasikkhāpadavaṇṇanā
навамз т̇уубагад̇од̇и мад̇т̇агад̇о взмаж̇жхад̇од̇и ад̇т̇о. яо бана барид̇д̇агз сзсз згад̇о сан̇гад̣дхид̇ваа омад̣̇д̣̇ид̇ваа бхун̃ж̇ад̇и, д̇ассааби анаабад̇д̇и.
Navame thūpakatoti matthakato vemajjhatoti attho. Yo pana parittake sese ekato saṅkaḍḍhitvā omadditvā bhuñjati, tassāpi anāpatti.
36. од̣̇анаббадижчаад̣̇анасигкаабад̣̇аван̣н̣анаа
36. Odanappaṭicchādanasikkhāpadavaṇṇanā
д̣̇асамз яасса бхад̇д̇асаамигаа маагхаад̇асамаяаад̣̇ийсу б̣яан̃ж̇анам̣ бадижчаад̣̇зд̇ваа д̣̇знд̇и, яо жа на бхияяогамяад̇ааяа бадижчаад̣̇зд̇и, д̇зсам̣ анаабад̇д̇и, г̇илаанасса бана анааг̇ад̇ад̇д̇аа аабад̇д̇иязва.
Dasame yassa bhattasāmikā māghātasamayādīsu byañjanaṃ paṭicchādetvā denti, yo ca na bhiyyokamyatāya paṭicchādeti, tesaṃ anāpatti, gilānassa pana anāgatattā āpattiyeva.
37. суубод̣̇анавин̃н̃ад̇д̇исигкаабад̣̇аван̣н̣анаа
37. Sūpodanaviññattisikkhāpadavaṇṇanā
згаад̣̇асамз н̃аад̇агаанам̣ ваа баваарид̇аанам̣ ваа ан̃н̃ассад̇т̇ааяа ад̇д̇ано д̇ханзнаад̇и ид̣̇ам̣ анаабад̇д̇ияам̣ ад̇хигам̣.
Ekādasame ñātakānaṃ vā pavāritānaṃ vā aññassatthāya attano dhanenāti idaṃ anāpattiyaṃ adhikaṃ.
38. уж̇жхаанасан̃н̃ийсигкаабад̣̇аван̣н̣анаа
38. Ujjhānasaññīsikkhāpadavaṇṇanā
д̣̇ваад̣̇асамз уж̇жхаанз сан̃н̃аа уж̇жхаанасан̃н̃аа, саа асса ад̇т̇ийд̇и уж̇жхаанасан̃н̃ий. ид̇хааби г̇илаано на мужжад̇и, ‘‘д̣̇ассаамий’’д̇и ваа, ‘‘д̣̇аабзссаамий’’д̇и ваа ологзнд̇асса бана, на уж̇жхаанасан̃н̃исса жа анаабад̇д̇и.
Dvādasame ujjhāne saññā ujjhānasaññā, sā assa atthīti ujjhānasaññī. Idhāpi gilāno na muccati, ‘‘dassāmī’’ti vā, ‘‘dāpessāmī’’ti vā olokentassa pana, na ujjhānasaññissa ca anāpatti.
39. габ̣ал̣асигкаабад̣̇аван̣н̣анаа
39. Kabaḷasikkhāpadavaṇṇanā
д̇зрасамз наад̇имаханд̇анд̇и маяууран̣д̣ам̣ ад̇имаханд̇ам̣, гуггудан̣д̣ам̣ ад̇икуд̣̇д̣̇агам̣, д̇зсам̣ взмаж̇жхаббамаан̣ам̣. муулакаад̣̇анийяаад̣̇ибхзд̣̇з бана саб̣б̣акаж̇ж̇агз палаапалз жа анаабад̇д̇и.
Terasame nātimahantanti mayūraṇḍaṃ atimahantaṃ, kukkuṭaṇḍaṃ atikhuddakaṃ, tesaṃ vemajjhappamāṇaṃ. Mūlakhādanīyādibhede pana sabbakhajjake phalāphale ca anāpatti.
40. аалобасигкаабад̣̇аван̣н̣анаа
40. Ālopasikkhāpadavaṇṇanā
жуд̣̇д̣̇асамз бариман̣д̣аланд̇и ад̣̇ийгхам̣. ид̇ха бана каж̇ж̇агапалаапалзхи сад̣̇д̇хим̣ уд̇д̇арибхан̇г̇зби анаабад̇д̇и.
Cuddasame parimaṇḍalanti adīghaṃ. Idha pana khajjakaphalāphalehi saddhiṃ uttaribhaṅgepi anāpatti.
41-42. анаахадасигкаабад̣̇аван̣н̣анаа
41-42. Anāhaṭasikkhāpadavaṇṇanā
баннарасамз анаахадзд̇и анаахарид̇з, мукад̣̇ваарам̣ асамбад̇д̇зд̇и ад̇т̇о. сол̣асамз саб̣б̣ахад̇т̇анд̇и сагалам̣ хад̇т̇ам̣.
Pannarasame anāhaṭeti anāharite, mukhadvāraṃ asampatteti attho. Soḷasame sabbahatthanti sakalaṃ hatthaṃ.
43. сагаб̣ал̣асигкаабад̣̇аван̣н̣анаа
43. Sakabaḷasikkhāpadavaṇṇanā
сад̇д̇арасамз сагаб̣ал̣знаад̇и зд̇т̇а яад̇д̇агзна важанам̣ абарибун̣н̣ам̣ ход̇и, д̇ад̇д̇агз сад̇и гат̇знд̇асса аабад̇д̇и. яо бана д̇хаммам̣ гат̇знд̇о харидагаад̣̇ийни мукз багкибид̇ваа гат̇зд̇и, яад̇д̇агзна важанам̣ абарибун̣н̣ам̣ на ход̇и, д̇ад̇д̇агз мукамхи сад̇и ваддад̇и.
Sattarasame sakabaḷenāti ettha yattakena vacanaṃ aparipuṇṇaṃ hoti, tattake sati kathentassa āpatti. Yo pana dhammaṃ kathento hariṭakādīni mukhe pakkhipitvā katheti, yattakena vacanaṃ aparipuṇṇaṃ na hoti, tattake mukhamhi sati vaṭṭati.
44. бин̣д̣угкзбагасигкаабад̣̇аван̣н̣анаа
44. Piṇḍukkhepakasikkhāpadavaṇṇanā
адтаарасамз бин̣д̣угкзбаганд̇и бин̣д̣ам̣ угкибид̇ваа угкибид̇ваа, ид̇хааби каж̇ж̇агапалаапалзсу анаабад̇д̇и.
Aṭṭhārasame piṇḍukkhepakanti piṇḍaṃ ukkhipitvā ukkhipitvā, idhāpi khajjakaphalāphalesu anāpatti.
45. габ̣ал̣ааважчзд̣̇агасигкаабад̣̇аван̣н̣анаа
45. Kabaḷāvacchedakasikkhāpadavaṇṇanā
згуунавийсад̇имз габ̣ал̣ааважчзд̣̇аганд̇и габ̣ал̣ам̣ аважчинд̣̇ид̇ваа аважчинд̣̇ид̇ваа, ид̇ха каж̇ж̇агапалаапалзхи сад̣̇д̇хим̣ уд̇д̇арибхан̇г̇зби анаабад̇д̇и.
Ekūnavīsatime kabaḷāvacchedakanti kabaḷaṃ avacchinditvā avacchinditvā, idha khajjakaphalāphalehi saddhiṃ uttaribhaṅgepi anāpatti.
46. аваг̇ан̣д̣агаарагасигкаабад̣̇аван̣н̣анаа
46. Avagaṇḍakārakasikkhāpadavaṇṇanā
вийсад̇имз аваг̇ан̣д̣агаараганд̇и маггадо вияа г̇ан̣д̣з гад̇ваа гад̇ваа, ид̇ха палаапаламад̇д̇агз анаабад̇д̇и.
Vīsatime avagaṇḍakārakanti makkaṭo viya gaṇḍe katvā katvā, idha phalāphalamattake anāpatti.
47. хад̇т̇анид̣̇д̇хунагасигкаабад̣̇аван̣н̣анаа
47. Hatthaniddhunakasikkhāpadavaṇṇanā
згавийсад̇имз хад̇т̇анид̣̇д̇хунаганд̇и хад̇т̇ам̣ нид̣̇д̇хунид̇ваа нид̣̇д̇хунид̇ваа, анаабад̇д̇ияам̣ банзд̇т̇а ‘‘гажаварам̣ чад̣д̣знд̇о хад̇т̇ам̣ нид̣̇д̇хунаад̇ий’’д̇и (баажи. 623) ид̣̇ам̣ ад̇хигам̣.
Ekavīsatime hatthaniddhunakanti hatthaṃ niddhunitvā niddhunitvā, anāpattiyaṃ panettha ‘‘kacavaraṃ chaḍḍento hatthaṃ niddhunātī’’ti (pāci. 623) idaṃ adhikaṃ.
48. сид̇т̇аавагаарагасигкаабад̣̇аван̣н̣анаа
48. Sitthāvakārakasikkhāpadavaṇṇanā
д̣̇ваавийсад̇имз сид̇т̇аавагаараганд̇и сид̇т̇аани авагирид̇ваа авагирид̇ваа, ид̇хааби ‘‘гажаварам̣ чад̣д̣знд̇о сид̇т̇ам̣ чад̣д̣аяад̇ий’’д̇и (баажи. 623) ид̣̇ам̣ анаабад̇д̇ияам̣ ад̇хигам̣.
Dvāvīsatime sitthāvakārakanti sitthāni avakiritvā avakiritvā, idhāpi ‘‘kacavaraṃ chaḍḍento sitthaṃ chaḍḍayatī’’ti (pāci. 623) idaṃ anāpattiyaṃ adhikaṃ.
49. ж̇ивхаанижчаарагасигкаабад̣̇аван̣н̣анаа
49. Jivhānicchārakasikkhāpadavaṇṇanā
д̇звийсад̇имз ж̇ивхаанижчаараганд̇и ж̇ивхам̣ нижчаарзд̇ваа нижчаарзд̇ваа.
Tevīsatime jivhānicchārakanti jivhaṃ nicchāretvā nicchāretvā.
50-51. жабужабугаарагасигкаабад̣̇аван̣н̣анаа
50-51. Capucapukārakasikkhāpadavaṇṇanā
жад̇увийсад̇имз жабужабугаараганд̇и жабу жабууд̇и звам̣ сад̣̇д̣̇ам̣ гад̇ваа гад̇ваа. бан̃жавийсад̇имзби зсзва наяо.
Catuvīsatime capucapukārakanti capu capūti evaṃ saddaṃ katvā katvā. Pañcavīsatimepi eseva nayo.
52…бз…54. хад̇т̇аниллзхагаад̣̇исигкаабад̣̇аван̣н̣анаа
52…Pe…54. hatthanillehakādisikkhāpadavaṇṇanā
чаб̣б̣ийсад̇имз хад̇т̇аниллзхаганд̇и хад̇т̇ам̣ ниллзхид̇ваа ниллзхид̇ваа. бхун̃ж̇анд̇зна хи ан̇г̇улимад̇д̇амби ниллзхид̇ум̣ на ваддад̇и. гханаяааг̇упаан̣ид̇абааяаасаад̣̇игз бана ан̇г̇улийхи г̇ахзд̇ваа ан̇г̇улияо мукз бавзсзд̇ваа бхун̃ж̇ид̇ум̣ ваддад̇и, сад̇д̇авийсад̇имаадтавийсад̇имзсуби зсзва наяо. д̇асмаа зган̇г̇улияааби бад̇д̇о на ниллзхид̇аб̣б̣о, згаодтоби жа ж̇ивхааяа на ниллзхид̇аб̣б̣о, одтамам̣сзхи зва бана г̇ахзд̇ваа анд̇о бавзсзд̇ум̣ ваддад̇и.
Chabbīsatime hatthanillehakanti hatthaṃ nillehitvā nillehitvā. Bhuñjantena hi aṅgulimattampi nillehituṃ na vaṭṭati. Ghanayāguphāṇitapāyāsādike pana aṅgulīhi gahetvā aṅguliyo mukhe pavesetvā bhuñjituṃ vaṭṭati, sattavīsatimaaṭṭhavīsatimesupi eseva nayo. Tasmā ekaṅguliyāpi patto na nillehitabbo, ekaoṭṭhopi ca jivhāya na nillehitabbo, oṭṭhamaṃsehi eva pana gahetvā anto pavesetuṃ vaṭṭati.
55. саамисасигкаабад̣̇аван̣н̣анаа
55. Sāmisasikkhāpadavaṇṇanā
згуунад̇им̣сад̇имз на саамисзнаад̇и зд̇ам̣ бадигуулавасзна бадигкид̇д̇ам̣, д̇асмаа сан̇гхигамби буг̇г̇алигамби г̇ихисанд̇агамби ад̇д̇ано санд̇агамби сан̇коби сараавагамби т̇аалагамби на г̇ахзд̇аб̣б̣амзва, г̇ан̣ханд̇асса д̣̇уггадам̣. сажз бана хад̇т̇асса згад̣̇зсо аамисамагкид̇о на ход̇и, д̇зна бад̣̇зсзна г̇ахзд̇ум̣ ваддад̇и, ид̇ха ‘‘д̇ховиссаамийд̇и ваа, д̇ховаабзссаамийд̇и ваа бадиг̇г̇ан̣хаад̇ий’’д̇и (баажи. 631) ид̣̇ам̣ анаабад̇д̇ияам̣ ад̇хигам̣.
Ekūnatiṃsatime na sāmisenāti etaṃ paṭikūlavasena paṭikkhittaṃ, tasmā saṅghikampi puggalikampi gihisantakampi attano santakampi saṅkhopi sarāvakampi thālakampi na gahetabbameva, gaṇhantassa dukkaṭaṃ. Sace pana hatthassa ekadeso āmisamakkhito na hoti, tena padesena gahetuṃ vaṭṭati, idha ‘‘dhovissāmīti vā, dhovāpessāmīti vā paṭiggaṇhātī’’ti (pāci. 631) idaṃ anāpattiyaṃ adhikaṃ.
56. сасид̇т̇агасигкаабад̣̇аван̣н̣анаа
56. Sasitthakasikkhāpadavaṇṇanā
д̇им̣сад̇имз ‘‘уд̣̇д̇харид̇ваа ваа бхинд̣̇ид̇ваа ваа бадиг̇г̇ахз ваа нийхарид̇ваа ваа чад̣д̣зд̇ий’’д̇и ид̣̇ам̣ анаабад̇д̇ияам̣ ад̇хигам̣. д̇ад̇т̇а уд̣̇д̇харид̇ваа ваад̇и сид̇т̇аани уд̣̇агад̇о уд̣̇д̇харид̇ваа, згасмим̣ таанз раасим̣ гад̇ваа уд̣̇агам̣ чад̣д̣зд̇и. бхинд̣̇ид̇ваа ваад̇и сид̇т̇аани бхинд̣̇ид̇ваа уд̣̇агаг̇ад̇игаани гад̇ваа чад̣д̣зд̇и. бадиг̇г̇ахз ваад̇и бадиг̇г̇ахзна бадижчанд̇аанам̣ бадиг̇г̇ахз чад̣д̣зд̇и. нийхарид̇ваад̇и б̣ахи нийхарид̇ваа чад̣д̣зд̇и, звам̣ чад̣д̣знд̇асса анаабад̇д̇и.
Tiṃsatime ‘‘uddharitvā vā bhinditvā vā paṭiggahe vā nīharitvā vā chaḍḍetī’’ti idaṃ anāpattiyaṃ adhikaṃ. Tattha uddharitvā vāti sitthāni udakato uddharitvā, ekasmiṃ ṭhāne rāsiṃ katvā udakaṃ chaḍḍeti. Bhinditvā vāti sitthāni bhinditvā udakagatikāni katvā chaḍḍeti. Paṭiggahe vāti paṭiggahena paṭicchantānaṃ paṭiggahe chaḍḍeti. Nīharitvāti bahi nīharitvā chaḍḍeti, evaṃ chaḍḍentassa anāpatti.
д̇им̣сабхож̇анаббадисам̣яуд̇д̇асигкаабад̣̇аван̣н̣анаа нидтид̇аа.
Tiṃsabhojanappaṭisaṃyuttasikkhāpadavaṇṇanā niṭṭhitā.
57. чад̇д̇абаан̣исигкаабад̣̇аван̣н̣анаа
57. Chattapāṇisikkhāpadavaṇṇanā
д̇хаммад̣̇зсанаабадисам̣яуд̇д̇зсу батамз яам̣гин̃жи чад̇д̇ам̣ баан̣имхи ассаад̇и чад̇д̇абаан̣и. со д̇ам̣ чад̇д̇ам̣ яад̇т̇агад̇т̇ажи сарийрааваяавз табзд̇вааби яаава хад̇т̇зна на мун̃жад̇и, д̇аавасса д̇хаммам̣ д̣̇зсзд̇ум̣ на ваддад̇и. сажз банасса ан̃н̃о чад̇д̇ам̣ д̇хаарзд̇и, бассз ваа тид̇ам̣ ход̇и, хад̇т̇ад̇о абаг̇ад̇амад̇д̇з чад̇д̇абаан̣и наама на ход̇и, д̇асса д̣̇зсзд̇ум̣ ваддад̇и. д̇хаммабарижчзд̣̇о жзд̇т̇а бад̣̇асод̇хаммз вуд̇д̇анаязнзва взд̣̇ид̇аб̣б̣о.
Dhammadesanāpaṭisaṃyuttesu paṭhame yaṃkiñci chattaṃ pāṇimhi assāti chattapāṇi. So taṃ chattaṃ yatthakatthaci sarīrāvayave ṭhapetvāpi yāva hatthena na muñcati, tāvassa dhammaṃ desetuṃ na vaṭṭati. Sace panassa añño chattaṃ dhāreti, passe vā ṭhitaṃ hoti, hatthato apagatamatte chattapāṇi nāma na hoti, tassa desetuṃ vaṭṭati. Dhammaparicchedo cettha padasodhamme vuttanayeneva veditabbo.
58-59. д̣̇ан̣д̣абаан̣исигкаабад̣̇аван̣н̣анаа
58-59. Daṇḍapāṇisikkhāpadavaṇṇanā
д̣̇уд̇ияз д̣̇ан̣д̣о наама маж̇жхимасса бурисасса жад̇ухад̇т̇аббамаан̣о, д̣̇ан̣д̣абаан̣ибхааво банасса чад̇д̇абаан̣имхи вуд̇д̇анаязнзва взд̣̇ид̇аб̣б̣о. д̇ад̇иязби зсзва наяо. асим̣ саннахид̇ваа тид̇оби хи сад̇т̇абаан̣исан̇кяам̣ на г̇ажчад̇и.
Dutiye daṇḍo nāma majjhimassa purisassa catuhatthappamāṇo, daṇḍapāṇibhāvo panassa chattapāṇimhi vuttanayeneva veditabbo. Tatiyepi eseva nayo. Asiṃ sannahitvā ṭhitopi hi satthapāṇisaṅkhyaṃ na gacchati.
60. аавуд̇хабаан̣исигкаабад̣̇аван̣н̣анаа
60. Āvudhapāṇisikkhāpadavaṇṇanā
жад̇уд̇т̇з саб̣б̣ааби д̇ханувигад̇и сад̣̇д̇хим̣ саравигад̇ияаа аавуд̇ханд̇и взд̣̇ид̇аб̣б̣аа, д̇асмаа сад̣̇д̇хим̣ ваа сарзна д̇ханум̣ г̇ахзд̇ваа, суд̣̇д̇хад̇ханум̣ ваа суд̣̇д̇хасарам̣ ваа саж̇ияад̇ханум̣ ваа ниж̇ж̇ияад̇ханум̣ ваа г̇ахзд̇ваа тид̇асса ваа нисиннасса ваа д̇хаммам̣ д̣̇зсзд̇ум̣ на ваддад̇и. сажз банасса д̇хану канд̇хзби бадимуггам̣ ход̇и, яаава на г̇ан̣хаад̇и, д̇аава ваддад̇и.
Catutthe sabbāpi dhanuvikati saddhiṃ saravikatiyā āvudhanti veditabbā, tasmā saddhiṃ vā sarena dhanuṃ gahetvā, suddhadhanuṃ vā suddhasaraṃ vā sajiyadhanuṃ vā nijjiyadhanuṃ vā gahetvā ṭhitassa vā nisinnassa vā dhammaṃ desetuṃ na vaṭṭati. Sace panassa dhanu khandhepi paṭimukkaṃ hoti, yāva na gaṇhāti, tāva vaṭṭati.
61-62. баад̣̇угасигкаабад̣̇аван̣н̣анаа
61-62. Pādukasikkhāpadavaṇṇanā
бан̃жамз баад̣̇угаарул̣хассаад̇и чад̇д̇ад̣̇ан̣д̣агз ан̇г̇уланд̇аригам̣ аббавзсзд̇ваа гзвалам̣ агганд̇асса ваа, бавзсзд̇ваа таанавасзна бадимуггасса ваа. чадтзби зсзва наяо. ид̇ха бана явааяам̣ бан̣хигаб̣анд̇хам̣ омун̃жид̇ваа таанавасзна ‘‘омугго’’д̇и вужжад̇и, д̇ассааби на ваддад̇и.
Pañcame pādukāruḷhassāti chattadaṇḍake aṅgulantarikaṃ appavesetvā kevalaṃ akkantassa vā, pavesetvā ṭhānavasena paṭimukkassa vā. Chaṭṭhepi eseva nayo. Idha pana yvāyaṃ paṇhikabandhaṃ omuñcitvā ṭhānavasena ‘‘omukko’’ti vuccati, tassāpi na vaṭṭati.
63. яаанасигкаабад̣̇аван̣н̣анаа
63. Yānasikkhāpadavaṇṇanā
сад̇д̇амз сажзби д̣̇вийхи ж̇анзхи хад̇т̇асан̇гхаадзна г̇ахид̇о, саадагз ваа табзд̇ваа вам̣сзна ваяхад̇и, аяуд̇д̇з ваа ваяхаад̣̇игз яаанз висан̇карид̇ваа ваа табид̇з жаггамад̇д̇зби нисинно ход̇и, яаанаг̇ад̇од̇взва сан̇кам̣ г̇ажчад̇и. сажз бана д̣̇взби згаяаанз нисиннаа хонд̇и, ваддад̇и. висум̣ нисиннзсуби ужжз яаанз нисиннзна нийжз нисиннасса д̣̇зсзд̇ум̣ ваддад̇и, самаббамаан̣зби ваддад̇и, д̇ат̇аа буримз нисиннзна бажчимз нисиннасса. бажчимз бана ужжад̇арзби нисиннзна д̣̇зсзд̇ум̣ на ваддад̇и.
Sattame sacepi dvīhi janehi hatthasaṅghāṭena gahito, sāṭake vā ṭhapetvā vaṃsena vayhati, ayutte vā vayhādike yāne visaṅkharitvā vā ṭhapite cakkamattepi nisinno hoti, yānagatotveva saṅkhaṃ gacchati. Sace pana dvepi ekayāne nisinnā honti, vaṭṭati. Visuṃ nisinnesupi ucce yāne nisinnena nīce nisinnassa desetuṃ vaṭṭati, samappamāṇepi vaṭṭati, tathā purime nisinnena pacchime nisinnassa. Pacchime pana uccatarepi nisinnena desetuṃ na vaṭṭati.
64. саяанасигкаабад̣̇аван̣н̣анаа
64. Sayanasikkhāpadavaṇṇanā
адтамз саяанаг̇ад̇ассаад̇и анд̇амасо гадасаарагзби багад̇ибхуумияамби нибаннасса ужжзби ман̃жз ваа бийтз ваа бхуумиббад̣̇зсз ваа тид̇зна нисиннзна ваа д̣̇зсзд̇ум̣ на ваддад̇и. саяанаг̇ад̇зна бана саяанаг̇ад̇асса ужжад̇арз ваа самаббамаан̣з ваа нибаннзна д̣̇зсзд̇ум̣ ваддад̇и. нибаннзна бана тид̇асса ваа нисиннасса ваа нибаннасса ваа, нисиннзна жа тид̇асса ваа нисиннасса ваа, тид̇зна тид̇ассзва ваддад̇и.
Aṭṭhame sayanagatassāti antamaso kaṭasārakepi pakatibhūmiyampi nipannassa uccepi mañce vā pīṭhe vā bhūmippadese vā ṭhitena nisinnena vā desetuṃ na vaṭṭati. Sayanagatena pana sayanagatassa uccatare vā samappamāṇe vā nipannena desetuṃ vaṭṭati. Nipannena pana ṭhitassa vā nisinnassa vā nipannassa vā, nisinnena ca ṭhitassa vā nisinnassa vā, ṭhitena ṭhitasseva vaṭṭati.
65. баллад̇т̇игасигкаабад̣̇аван̣н̣анаа
65. Pallatthikasikkhāpadavaṇṇanā
навамз хад̇т̇абаллад̇т̇игаад̣̇ийсу яааяа гааяажи нисиннасса д̣̇зсзд̇ум̣ на ваддад̇и.
Navame hatthapallatthikādīsu yāya kāyaci nisinnassa desetuṃ na vaṭṭati.
66. взтид̇асигкаабад̣̇аван̣н̣анаа
66. Veṭhitasikkhāpadavaṇṇanā
д̣̇асамз взтид̇асийсассаад̇и д̣̇уссавзтзна ваа мол̣иаад̣̇ийхи ваа яат̇аа гзсанд̇о на д̣̇иссад̇и, звам̣ взтид̇асийсасса, д̇знзвасса анаабад̇д̇ияам̣ ‘‘гзсанд̇ам̣ вивараабзд̇ваа д̣̇зсзд̇ий’’д̇и (баажи. 643) вуд̇д̇ам̣.
Dasame veṭhitasīsassāti dussaveṭhena vā moḷiādīhi vā yathā kesanto na dissati, evaṃ veṭhitasīsassa, tenevassa anāpattiyaṃ ‘‘kesantaṃ vivarāpetvā desetī’’ti (pāci. 643) vuttaṃ.
67. ог̇ун̣тид̇асигкаабад̣̇аван̣н̣анаа
67. Oguṇṭhitasikkhāpadavaṇṇanā
згаад̣̇асамз ог̇ун̣тид̇асийсассаад̇и сасийсам̣ бааруд̇асса, анаабад̇д̇ияам̣ банзд̇т̇а ‘‘сийсам̣ вивараабзд̇ваа д̣̇зсзд̇ий’’д̇и (баажи. 644) ад̇хигам̣.
Ekādasame oguṇṭhitasīsassāti sasīsaṃ pārutassa, anāpattiyaṃ panettha ‘‘sīsaṃ vivarāpetvā desetī’’ti (pāci. 644) adhikaṃ.
68. чамаасигкаабад̣̇аван̣н̣анаа
68. Chamāsikkhāpadavaṇṇanā
д̣̇ваад̣̇асамз чамааяам̣ нисийд̣̇ид̇ваад̇и бхуумияам̣ нисийд̣̇ид̇ваа. аасанзд̇и анд̇амасо вад̇т̇амби д̇ин̣ааниби сант̇арид̇ваа нисиннасса.
Dvādasame chamāyaṃ nisīditvāti bhūmiyaṃ nisīditvā. Āsaneti antamaso vatthampi tiṇānipi santharitvā nisinnassa.
69. нийжаасанасигкаабад̣̇аван̣н̣анаа
69. Nīcāsanasikkhāpadavaṇṇanā
д̇зрасамз ужжз аасанзд̇и анд̇амасо бхуумиббад̣̇зсзби уннад̇аббад̣̇зсз нисиннасса.
Terasame ucce āsaneti antamaso bhūmippadesepi unnatappadese nisinnassa.
70. тид̇асигкаабад̣̇аван̣н̣анаа
70. Ṭhitasikkhāpadavaṇṇanā
жуд̣̇д̣̇асамз на тид̇о нисиннассаад̇и сажз т̇зрасса убадтаанам̣ г̇анд̇ваа тид̇ам̣ д̣̇ахарам̣ аасанз нисинно махаат̇зро бан̃хам̣ бужчад̇и, на гат̇зд̇аб̣б̣ам̣. г̇ааравзна бана т̇зрам̣ ‘‘удтахид̇ваа бужчаа’’д̇и вад̇д̇ум̣ на саггаа, д̇асмаа ‘‘бассз тид̇асса бхигкуно гат̇зссаамий’’д̇и гат̇зд̇ум̣ ваддад̇и.
Cuddasame na ṭhito nisinnassāti sace therassa upaṭṭhānaṃ gantvā ṭhitaṃ daharaṃ āsane nisinno mahāthero pañhaṃ pucchati, na kathetabbaṃ. Gāravena pana theraṃ ‘‘uṭṭhahitvā pucchā’’ti vattuṃ na sakkā, tasmā ‘‘passe ṭhitassa bhikkhuno kathessāmī’’ti kathetuṃ vaṭṭati.
71. бажчад̇ог̇аманасигкаабад̣̇аван̣н̣анаа
71. Pacchatogamanasikkhāpadavaṇṇanā
баннарасамз сажз бурад̇о г̇ажчанд̇о бан̃хам̣ бужчад̇и, д̇асса д̇ам̣ агат̇зд̇ваа ‘‘бажчимасса бхигкуно гат̇зссаамий’’д̇и гат̇зд̇аб̣б̣ам̣. сад̣̇д̇хим̣ уг̇г̇ахид̇ад̇хаммам̣ бана саж̇жхааяид̇ум̣, самад̇хурзна ваа г̇ажчанд̇асса гат̇зд̇ум̣ ваддад̇и.
Pannarasame sace purato gacchanto pañhaṃ pucchati, tassa taṃ akathetvā ‘‘pacchimassa bhikkhuno kathessāmī’’ti kathetabbaṃ. Saddhiṃ uggahitadhammaṃ pana sajjhāyituṃ, samadhurena vā gacchantassa kathetuṃ vaṭṭati.
72. уббат̇знаг̇аманасигкаабад̣̇аван̣н̣анаа
72. Uppathenagamanasikkhāpadavaṇṇanā
сол̣асамз на уббат̇знаад̇и зд̇т̇а сажз д̣̇взби сагадамаг̇г̇асмим̣ згзгажаггабат̇зна ваа уббат̇зна ваа самад̇хурам̣ г̇ажчанд̇и, ваддад̇и.
Soḷasame na uppathenāti ettha sace dvepi sakaṭamaggasmiṃ ekekacakkapathena vā uppathena vā samadhuraṃ gacchanti, vaṭṭati.
73. тид̇оужжаарасигкаабад̣̇аван̣н̣анаа
73. Ṭhitouccārasikkhāpadavaṇṇanā
сад̇д̇арасамз ‘‘асан̃жижжаа’’д̇и анаабад̇д̇ияам̣ сажз бадижчаннадтаанам̣ г̇ажчанд̇асса сахасаа ужжааро ваа бассааво ваа нигкамад̇и, асан̃жижжа гад̇о наама ход̇и.
Sattarasame ‘‘asañciccā’’ti anāpattiyaṃ sace paṭicchannaṭṭhānaṃ gacchantassa sahasā uccāro vā passāvo vā nikkhamati, asañcicca kato nāma hoti.
74. харид̇зужжаарасигкаабад̣̇аван̣н̣анаа
74. Hariteuccārasikkhāpadavaṇṇanā
адтаарасамз яамби ж̇ийвамаанаругкасса муулам̣ бат̇авияам̣ д̣̇иссамаанам̣ г̇ажчад̇и, саакаа ваа бхуумилаг̇г̇аа г̇ажчад̇и, саб̣б̣ам̣ харид̇асан̇каад̇амзва. канд̇хз нисийд̣̇ид̇ваа бана аббахарид̇адтаанз баад̇зд̇ум̣ ваддад̇и. сажз аббахарид̇адтаанам̣ ологзнд̇ассзва сахасаа нигкамад̇и, г̇илаанадтаанз тид̇о ход̇и, ‘‘аббахарид̇з гад̇о харид̇ам̣ од̇т̇арад̇ий’’д̇и (баажи. 652) ид̣̇амзд̇т̇а анаабад̇д̇ияам̣ ад̇хигам̣. д̇ад̇т̇а сажзби аббахарид̇ам̣ алабханд̇зна д̇ин̣ан̣д̣убагам̣ ваа балалан̣д̣убагам̣ ваа табзд̇ваа гад̇о бажчаа харид̇ам̣ од̇т̇арад̇и, ваддад̇иязва. кзл̣зна жзд̇т̇а син̇гхаан̣игааби сан̇г̇ахид̇аа.
Aṭṭhārasame yampi jīvamānarukkhassa mūlaṃ pathaviyaṃ dissamānaṃ gacchati, sākhā vā bhūmilaggā gacchati, sabbaṃ haritasaṅkhātameva. Khandhe nisīditvā pana appaharitaṭṭhāne pātetuṃ vaṭṭati. Sace appaharitaṭṭhānaṃ olokentasseva sahasā nikkhamati, gilānaṭṭhāne ṭhito hoti, ‘‘appaharite kato haritaṃ ottharatī’’ti (pāci. 652) idamettha anāpattiyaṃ adhikaṃ. Tattha sacepi appaharitaṃ alabhantena tiṇaṇḍupakaṃ vā palalaṇḍupakaṃ vā ṭhapetvā kato pacchā haritaṃ ottharati, vaṭṭatiyeva. Kheḷena cettha siṅghāṇikāpi saṅgahitā.
75. уд̣̇агзужжаарасигкаабад̣̇аван̣н̣анаа
75. Udakeuccārasikkhāpadavaṇṇanā
згуунавийсад̇имз на уд̣̇агзд̇и зд̇ам̣ барибхог̇ауд̣̇агамзва санд̇хааяа вуд̇д̇ам̣, важжагудисамуд̣̇д̣̇аад̣̇иуд̣̇агзсу бана абарибхог̇зсу анаабад̇д̇и. д̣̇звз вассанд̇з саманд̇ад̇о уд̣̇агогхз ж̇аад̇з ануд̣̇агадтаанам̣ алабханд̇зна уд̣̇агз гаад̇ум̣ ваддад̇и, ид̇хааби ‘‘т̇алз гад̇о уд̣̇агам̣ од̇т̇арад̇ий’’д̇и (баажи. 654) ид̣̇ам̣ анаабад̇д̇ияам̣ ад̇хигам̣, сзсам̣ саб̣б̣асигкаабад̣̇зсу уд̇д̇аанамзва.
Ekūnavīsatime na udaketi etaṃ paribhogaudakameva sandhāya vuttaṃ, vaccakuṭisamuddādiudakesu pana aparibhogesu anāpatti. Deve vassante samantato udakoghe jāte anudakaṭṭhānaṃ alabhantena udake kātuṃ vaṭṭati, idhāpi ‘‘thale kato udakaṃ ottharatī’’ti (pāci. 654) idaṃ anāpattiyaṃ adhikaṃ, sesaṃ sabbasikkhāpadesu uttānameva.
самудтаанаад̣̇ид̣̇ийбанад̇т̇ааяа банзд̇т̇а ид̣̇ам̣ багин̣н̣агам̣ – уж̇ж̇аг̇гхигаужжаасад̣̇д̣̇аббадисам̣яуд̇д̇аани жад̇д̇аари, сагаб̣ал̣зна мукзна б̣яаахаран̣ам̣ згам̣, чамаанийжаасананисиннатид̇абажчад̇ог̇аманауббат̇аг̇аманаббадисам̣яуд̇д̇аани бан̃жаад̇и имаани д̣̇аса сигкаабад̣̇аани саманубхаасанасамудтаанаани, згзгамзд̇т̇а гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇анам̣. суубод̣̇анавин̃н̃ад̇д̇исигкаабад̣̇ам̣ т̇зяяасад̇т̇асамудтаанам̣, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇анам̣. чад̇д̇абаан̣ид̣̇ан̣д̣абаан̣исад̇т̇абаан̣иаавуд̇хабаан̣ибаад̣̇угааубааханаяаанасаяанабаллад̇т̇игавзтид̇аог̇ун̣тид̇анаамагаани згаад̣̇аса д̇хаммад̣̇зсанаасамудтаанаани, гирияаагирияаани, сан̃н̃аавимогкаани, сажид̇д̇агаани, логаваж̇ж̇аани, важийгаммаани, агусалажид̇д̇аани, д̣̇угкавзд̣̇анаани. сзсаани д̇збан̣н̣ааса батамабаарааж̇игасамаудтаанаад̣̇ибхзд̣̇аанийд̇и.
Samuṭṭhānādidīpanatthāya panettha idaṃ pakiṇṇakaṃ – ujjagghikauccāsaddappaṭisaṃyuttāni cattāri, sakabaḷena mukhena byāharaṇaṃ ekaṃ, chamānīcāsananisinnaṭhitapacchatogamanauppathagamanappaṭisaṃyuttāni pañcāti imāni dasa sikkhāpadāni samanubhāsanasamuṭṭhānāni, ekekamettha kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedanaṃ. Sūpodanaviññattisikkhāpadaṃ theyyasatthasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedanaṃ. Chattapāṇidaṇḍapāṇisatthapāṇiāvudhapāṇipādukāupāhanayānasayanapallatthikaveṭhitaoguṇṭhitanāmakāni ekādasa dhammadesanāsamuṭṭhānāni, kiriyākiriyāni, saññāvimokkhāni, sacittakāni, lokavajjāni, vacīkammāni, akusalacittāni, dukkhavedanāni. Sesāni tepaṇṇāsa paṭhamapārājikasamauṭṭhānādibhedānīti.
згуунавийсад̇ид̇хаммад̣̇зсанаабадисам̣яуд̇д̇асигкаабад̣̇аван̣н̣анаа нидтид̇аа.
Ekūnavīsatidhammadesanāpaṭisaṃyuttasikkhāpadavaṇṇanā niṭṭhitā.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
сзкияаван̣н̣анаа нидтид̇аа.
Sekhiyavaṇṇanā niṭṭhitā.
ад̇хигаран̣асамат̇аван̣н̣анаа
Adhikaraṇasamathavaṇṇanā
ад̇хигаран̣асамат̇зсу сад̇д̇аад̇и д̇зсам̣ г̇ан̣анабарижчзд̣̇о. ад̇хигаран̣аани самзнд̇и вуубасамзнд̇ийд̇и ад̇хигаран̣асамат̇аа. уд̣̇д̣̇зсам̣ ааг̇ажчанд̇ийд̇и аабад̇д̇аад̇хигаран̣асан̇каад̇аасу жа авасзсаад̇хигаран̣ад̇д̇аяабажжаяаасу жа аабад̇д̇ийсу барисуд̣̇д̇хабхаавам̣ бужчанад̇т̇ам̣ уд̣̇д̣̇исид̇аб̣б̣ад̇ам̣ ааг̇ажчанд̇и. уббаннуббаннаананд̇и уббаннаанам̣ уббаннаанам̣. ад̇хигаран̣аананд̇и виваад̣̇аад̇хигаран̣ам̣ ануваад̣̇аад̇хигаран̣ам̣ аабад̇д̇аад̇хигаран̣ам̣ гижжаад̇хигаран̣анд̇и имзсам̣ жад̇уннам̣. самат̇ааяа вуубасамааяаад̇и саманад̇т̇ан̃жзва вуубасаманад̇т̇ан̃жа саммукаавинаяо д̣̇аад̇аб̣б̣о…бз… д̇ин̣авад̇т̇аарагод̇и имз сад̇д̇а самат̇аа д̣̇аад̇аб̣б̣аа. д̇ад̇рааяам̣ винижчаяо – ад̇хигаран̣зсу д̇аава ‘‘д̇хаммо’’д̇и ваа, ‘‘ад̇хаммо’’д̇и ваа адтаарасахи вад̇т̇уухи вивад̣̇анд̇аанам̣ бхигкуунам̣ яо виваад̣̇о, ид̣̇ам̣ виваад̣̇аад̇хигаран̣ам̣ наама. сийлавибад̇д̇ияаа ваа аажаарад̣̇идтиааж̇ийвавибад̇д̇ияаа ваа анувад̣̇анд̇аанам̣ яо ануваад̣̇о убавад̣̇анаа жзва жод̣̇анаа жа, ид̣̇ам̣ ануваад̣̇аад̇хигаран̣ам̣ наама. маад̇игааяа ааг̇ад̇аа бан̃жа, вибхан̇г̇з д̣̇взд̇и сад̇д̇аби аабад̇д̇игканд̇хаа аабад̇д̇аад̇хигаран̣ам̣ , наама. яам̣ сан̇гхасса абалоганаад̣̇ийнам̣ жад̇уннам̣ гаммаанам̣ гаран̣ам̣, ид̣̇ам̣ гижжаад̇хигаран̣ам̣ наама.
Adhikaraṇasamathesu sattāti tesaṃ gaṇanaparicchedo. Adhikaraṇāni samenti vūpasamentīti adhikaraṇasamathā. Uddesaṃ āgacchantīti āpattādhikaraṇasaṅkhātāsu ca avasesādhikaraṇattayapaccayāsu ca āpattīsu parisuddhabhāvaṃ pucchanatthaṃ uddisitabbataṃ āgacchanti. Uppannuppannānanti uppannānaṃ uppannānaṃ. Adhikaraṇānanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesaṃ catunnaṃ. Samathāya vūpasamāyāti samanatthañceva vūpasamanatthañca sammukhāvinayo dātabbo…pe… tiṇavatthārakoti ime satta samathā dātabbā. Tatrāyaṃ vinicchayo – adhikaraṇesu tāva ‘‘dhammo’’ti vā, ‘‘adhammo’’ti vā aṭṭhārasahi vatthūhi vivadantānaṃ bhikkhūnaṃ yo vivādo, idaṃ vivādādhikaraṇaṃ nāma. Sīlavipattiyā vā ācāradiṭṭhiājīvavipattiyā vā anuvadantānaṃ yo anuvādo upavadanā ceva codanā ca, idaṃ anuvādādhikaraṇaṃ nāma. Mātikāya āgatā pañca, vibhaṅge dveti sattapi āpattikkhandhā āpattādhikaraṇaṃ, nāma. Yaṃ saṅghassa apalokanādīnaṃ catunnaṃ kammānaṃ karaṇaṃ, idaṃ kiccādhikaraṇaṃ nāma.
д̇ад̇т̇а виваад̣̇аад̇хигаран̣ам̣ (жуул̣ава. 228) д̣̇вийхи самат̇зхи саммад̇и саммукаавинаязна жа язбхуяяасигааяа жа, саммукаавинаязнзва саммамаанам̣ яасмим̣ вихаарз уббаннам̣, д̇асмим̣язва ваа, ан̃н̃ад̇т̇а вуубасамзд̇ум̣ г̇ажчанд̇аанам̣ анд̇араамаг̇г̇з ваа, яад̇т̇а г̇анд̇ваа сан̇гхасса нияяаад̇ид̇ам̣, д̇ад̇т̇а сан̇гхзна ваа вуубасамзд̇ум̣ асаггонд̇з д̇ад̇т̇зва уб̣б̣аахигааяа саммад̇абуг̇г̇алзхи ваа винижчид̇ам̣ саммад̇и, звам̣ саммамаанз жа бана д̇асмим̣ яаа сан̇гхасаммукад̇аа д̇хаммасаммукад̇аа винаяасаммукад̇аа буг̇г̇аласаммукад̇аа аяам̣ саммукаавинаяо наама. д̇ад̇т̇а жа гаарагасан̇гхасса сан̇гхасаамаг̇г̇ивасзна саммукийбхааво сан̇гхасаммукад̇аа, самзд̇аб̣б̣асса вад̇т̇уно бхууд̇ад̇аа д̇хаммасаммукад̇аа, яат̇аа д̇ам̣ самзд̇аб̣б̣ам̣, д̇ат̇звасса саманам̣ винаяасаммукад̇аа, яо жа вивад̣̇ад̇и, язна жа вивад̣̇ад̇и, д̇зсам̣ убхиннам̣ ад̇т̇абажжад̇т̇игаанам̣ саммукийбхааво буг̇г̇аласаммукад̇аа. уб̣б̣аахигааяа вуубасаманз банзд̇т̇а сан̇гхасаммукад̇аа барихааяад̇и, звам̣ д̇аава саммукаавинаязнзва саммад̇и.
Tattha vivādādhikaraṇaṃ (cūḷava. 228) dvīhi samathehi sammati sammukhāvinayena ca yebhuyyasikāya ca, sammukhāvinayeneva sammamānaṃ yasmiṃ vihāre uppannaṃ, tasmiṃyeva vā, aññattha vūpasametuṃ gacchantānaṃ antarāmagge vā, yattha gantvā saṅghassa niyyātitaṃ, tattha saṅghena vā vūpasametuṃ asakkonte tattheva ubbāhikāya sammatapuggalehi vā vinicchitaṃ sammati, evaṃ sammamāne ca pana tasmiṃ yā saṅghasammukhatā dhammasammukhatā vinayasammukhatā puggalasammukhatā ayaṃ sammukhāvinayo nāma. Tattha ca kārakasaṅghassa saṅghasāmaggivasena sammukhībhāvo saṅghasammukhatā, sametabbassa vatthuno bhūtatā dhammasammukhatā, yathā taṃ sametabbaṃ, tathevassa samanaṃ vinayasammukhatā, yo ca vivadati, yena ca vivadati, tesaṃ ubhinnaṃ atthapaccatthikānaṃ sammukhībhāvo puggalasammukhatā. Ubbāhikāya vūpasamane panettha saṅghasammukhatā parihāyati, evaṃ tāva sammukhāvinayeneva sammati.
сажз банзвамби на саммад̇и, ат̇а нам̣ уб̣б̣аахигааяа саммад̇аа бхигкуу ‘‘на маяам̣ саггома вуубасамзд̇у’’нд̇и сан̇гхассзва нияяаад̇знд̇и, д̇ад̇о сан̇гхо бан̃жан̇г̇асаманнааг̇ад̇ам̣ бхигкум̣ салаагаг̇г̇аахаабагам̣ самманнид̇ваа д̇зна г̇ул̣хагавиваддагасаган̣н̣аж̇аббагзсу д̇ийсу салаагаг̇г̇аахзсу ан̃н̃ад̇аравасзна салаагам̣ г̇аахзд̇ваа саннибад̇ид̇абарисааяа д̇хаммаваад̣̇ийнам̣ язбхуяяад̇ааяа яат̇аа д̇з д̇хаммаваад̣̇ино вад̣̇анд̇и, звам̣ вуубасанд̇ам̣ ад̇хигаран̣ам̣ саммукаавинаязна жа язбхуяяасигааяа жа вуубасанд̇ам̣ ход̇и. д̇ад̇т̇а саммукаавинаяо вуд̇д̇анаяо зва, яам̣ бана язбхуяяасигагаммасса гаран̣ам̣. аяам̣ язбхуяяасигаа наама, звам̣ виваад̣̇аад̇хигаран̣ам̣ д̣̇вийхи самат̇зхи саммад̇и.
Sace panevampi na sammati, atha naṃ ubbāhikāya sammatā bhikkhū ‘‘na mayaṃ sakkoma vūpasametu’’nti saṅghasseva niyyātenti, tato saṅgho pañcaṅgasamannāgataṃ bhikkhuṃ salākaggāhāpakaṃ sammannitvā tena guḷhakavivaṭṭakasakaṇṇajappakesu tīsu salākaggāhesu aññataravasena salākaṃ gāhetvā sannipatitaparisāya dhammavādīnaṃ yebhuyyatāya yathā te dhammavādino vadanti, evaṃ vūpasantaṃ adhikaraṇaṃ sammukhāvinayena ca yebhuyyasikāya ca vūpasantaṃ hoti. Tattha sammukhāvinayo vuttanayo eva, yaṃ pana yebhuyyasikakammassa karaṇaṃ. Ayaṃ yebhuyyasikā nāma, evaṃ vivādādhikaraṇaṃ dvīhi samathehi sammati.
ануваад̣̇аад̇хигаран̣ам̣ (жуул̣ава. 236) жад̇уухи самат̇зхи саммад̇и саммукаавинаязна жа сад̇ивинаязна жа амуул̣хавинаязна жа д̇ассабаабияасигааяа жа. саммукаавинаязнзва саммамаанам̣ яо жа анувад̣̇ад̇и, яан̃жа анувад̣̇ад̇и, д̇зсам̣ важанам̣ суд̇ваа сажз гаажи аабад̇д̇и над̇т̇и, убхо камаабзд̇ваа, сажз ад̇т̇и, ‘‘аяам̣ наамзд̇т̇а аабад̇д̇ий’’д̇и звам̣ винижчид̇ам̣ вуубасаммад̇и, д̇ад̇т̇а саммукаавинаяалагкан̣ам̣ вуд̇д̇анаяамзва. яад̣̇аа бана кийн̣аасавасса бхигкуно амуулигааяа сийлавибад̇д̇ияаа ануд̣̇д̇хам̣сид̇асса сад̇ивинаяам̣ яаажамаанасса сан̇гхо н̃ад̇д̇ижад̇уд̇т̇зна гаммзна сад̇ивинаяам̣ д̣̇зд̇и, д̇ад̣̇аа саммукаавинаязна жа сад̇ивинаязна жа вуубасанд̇ам̣ ход̇и, д̣̇иннз бана сад̇ивинаяз буна д̇асмим̣ буг̇г̇алз гассажи ануваад̣̇о на рухад̇и. яад̣̇аа уммад̇д̇аго бхигку уммаад̣̇авасзна г̇ад̇з ассааман̣агз аж̇жхаажаарз ‘‘сарад̇ааяасмаа зваруубим̣ аабад̇д̇и’’нд̇и бхигкуухи жод̣̇ияамаано ‘‘уммад̇д̇агзна мз, аавусо, зд̇ам̣ гад̇ам̣, наахам̣ д̇ам̣ сараамий’’д̇и бхан̣анд̇оби бхигкуухи жод̣̇ияамаанова буна ажод̣̇анад̇т̇ааяа амуул̣хавинаяам̣ яаажад̇и, сан̇гхо жасса н̃ад̇д̇ижад̇уд̇т̇зна гаммзна амуул̣хавинаяам̣ д̣̇зд̇и. д̇ад̣̇аа саммукаавинаязна жа амуул̣хавинаязна жа вуубасанд̇ам̣ ход̇и, д̣̇иннз бана амуул̣хавинаяз буна д̇асмим̣ буг̇г̇алз гассажи д̇аббажжаяаа ануваад̣̇о на рухад̇и.
Anuvādādhikaraṇaṃ (cūḷava. 236) catūhi samathehi sammati sammukhāvinayena ca sativinayena ca amūḷhavinayena ca tassapāpiyasikāya ca. Sammukhāvinayeneva sammamānaṃ yo ca anuvadati, yañca anuvadati, tesaṃ vacanaṃ sutvā sace kāci āpatti natthi, ubho khamāpetvā, sace atthi, ‘‘ayaṃ nāmettha āpattī’’ti evaṃ vinicchitaṃ vūpasammati, tattha sammukhāvinayalakkhaṇaṃ vuttanayameva. Yadā pana khīṇāsavassa bhikkhuno amūlikāya sīlavipattiyā anuddhaṃsitassa sativinayaṃ yācamānassa saṅgho ñatticatutthena kammena sativinayaṃ deti, tadā sammukhāvinayena ca sativinayena ca vūpasantaṃ hoti, dinne pana sativinaye puna tasmiṃ puggale kassaci anuvādo na ruhati. Yadā ummattako bhikkhu ummādavasena gate assāmaṇake ajjhācāre ‘‘saratāyasmā evarūpiṃ āpatti’’nti bhikkhūhi codiyamāno ‘‘ummattakena me, āvuso, etaṃ kataṃ, nāhaṃ taṃ sarāmī’’ti bhaṇantopi bhikkhūhi codiyamānova puna acodanatthāya amūḷhavinayaṃ yācati, saṅgho cassa ñatticatutthena kammena amūḷhavinayaṃ deti. Tadā sammukhāvinayena ca amūḷhavinayena ca vūpasantaṃ hoti, dinne pana amūḷhavinaye puna tasmiṃ puggale kassaci tappaccayā anuvādo na ruhati.
яад̣̇аа бана баарааж̇игзна ваа баарааж̇игасааманд̇зна ваа жод̣̇ияамаанасса ан̃н̃знан̃н̃ам̣ бадижарад̇о баабуссаннад̇ааяа баабияасса буг̇г̇аласса ‘‘сажааяам̣ ажчиннамууло бхависсад̇и, саммаа вад̇д̇ид̇ваа осааран̣ам̣ лабхиссад̇и, сажз чиннамууло, саяамзвасса наасанаа бхависсад̇ий’’д̇и ман̃н̃амаано сан̇гхо н̃ад̇д̇ижад̇уд̇т̇зна гаммзна д̇ассабаабияасигам̣ гаммам̣ гарод̇и, д̇ад̣̇аа саммукаавинаязна жа д̇ассабаабияасигааяа жа вуубасанд̇ам̣ ход̇и, звам̣ ануваад̣̇аад̇хигаран̣ам̣ жад̇уухи самат̇зхи саммад̇и.
Yadā pana pārājikena vā pārājikasāmantena vā codiyamānassa aññenaññaṃ paṭicarato pāpussannatāya pāpiyassa puggalassa ‘‘sacāyaṃ acchinnamūlo bhavissati, sammā vattitvā osāraṇaṃ labhissati, sace chinnamūlo, sayamevassa nāsanā bhavissatī’’ti maññamāno saṅgho ñatticatutthena kammena tassapāpiyasikaṃ kammaṃ karoti, tadā sammukhāvinayena ca tassapāpiyasikāya ca vūpasantaṃ hoti, evaṃ anuvādādhikaraṇaṃ catūhi samathehi sammati.
аабад̇д̇аад̇хигаран̣ам̣ (жуул̣ава. 239) д̇ийхи самат̇зхи саммад̇и саммукаавинаязна жа бадин̃н̃аад̇агаран̣зна жа д̇ин̣авад̇т̇аарагзна жа. д̇асса саммукаавинаязнзва вуубасамо над̇т̇и, яад̣̇аа бана згасса ваа бхигкуно, ниссаг̇г̇ияаван̣н̣анааяам̣ вуд̇д̇анаязна сан̇гхаг̇ан̣амаж̇жхзсу ваа бхигку лахугам̣ аабад̇д̇им̣ д̣̇зсзд̇и, д̇ад̣̇аа аабад̇д̇аад̇хигаран̣ам̣ саммукаавинаязна жа бадин̃н̃аад̇агаран̣зна жа вуубасаммад̇и. д̇ад̇т̇а саммукаавинаяз д̇аава яо жа д̣̇зсзд̇и, яасса жа д̣̇зсзд̇и, д̇зсам̣ саммукийбхааво буг̇г̇аласаммукад̇аа, сзсам̣ вуд̇д̇анаяамзва. буг̇г̇аласса жа г̇ан̣асса жа д̣̇зсанаагаалз сан̇гхасаммукад̇аа барихааяад̇и.
Āpattādhikaraṇaṃ (cūḷava. 239) tīhi samathehi sammati sammukhāvinayena ca paṭiññātakaraṇena ca tiṇavatthārakena ca. Tassa sammukhāvinayeneva vūpasamo natthi, yadā pana ekassa vā bhikkhuno, nissaggiyavaṇṇanāyaṃ vuttanayena saṅghagaṇamajjhesu vā bhikkhu lahukaṃ āpattiṃ deseti, tadā āpattādhikaraṇaṃ sammukhāvinayena ca paṭiññātakaraṇena ca vūpasammati. Tattha sammukhāvinaye tāva yo ca deseti, yassa ca deseti, tesaṃ sammukhībhāvo puggalasammukhatā, sesaṃ vuttanayameva. Puggalassa ca gaṇassa ca desanākāle saṅghasammukhatā parihāyati.
яаа банзд̇т̇а ‘‘ахам̣, бханд̇з, ид̇т̇аннаамам̣ аабад̇д̇им̣ аабанно’’д̇и жа, ‘‘бассасий’’д̇и, ‘‘аама бассаамий’’д̇и жа бадин̃н̃аа, д̇ааяа ‘‘ааяад̇им̣ сам̣варзяяаасий’’д̇и гаран̣ам̣ бадин̃н̃аад̇агаран̣ам̣ наама. сан̇гхаад̣̇исзсз бариваасаад̣̇ияаажанаа бадин̃н̃аа, бариваасаад̣̇ийнам̣ д̣̇аанам̣ бадин̃н̃аад̇агаран̣ам̣ наама. д̣̇взбагкаж̇аад̇аа бана бхан̣д̣анагаарагаа бхигкуу б̣ахум̣ ассааман̣агам̣ аж̇жхаажаарам̣ жарид̇ваа буна лаж̇ж̇ид̇хаммз уббаннз ‘‘сажз маяам̣ имаахи аабад̇д̇ийхи ан̃н̃аман̃н̃ам̣ гариссаама, сияааби д̇ам̣ ад̇хигаран̣ам̣ гагкал̣ад̇т̇ааяа ваал̣ад̇т̇ааяа сам̣вад̇д̇зяяаа’’д̇и ан̃н̃аман̃н̃ам̣ аабад̇д̇ияаа гаараабанз д̣̇осам̣ д̣̇исваа яад̣̇аа д̇ин̣авад̇т̇аарагагаммам̣ гаронд̇и, д̇ад̣̇аа аабад̇д̇аад̇хигаран̣ам̣ саммукаавинаязна жа д̇ин̣авад̇т̇аарагзна жа саммад̇и. д̇ад̇ра хи яад̇д̇агаа хад̇т̇абаасуубаг̇ад̇аа ‘‘на мзд̇ам̣ камад̇ий’’д̇и звам̣ д̣̇идтаавигаммам̣ агад̇ваа нид̣̇д̣̇амби оггаманд̇аа хонд̇и, саб̣б̣зсам̣ табзд̇ваа т̇уллаваж̇ж̇ан̃жа г̇ихиббадисам̣яуд̇д̇ан̃жа саб̣б̣аабад̇д̇ияо вудтаханд̇и, звам̣ аабад̇д̇аад̇хигаран̣ам̣ д̇ийхи самат̇зхи саммад̇и.
Yā panettha ‘‘ahaṃ, bhante, itthannāmaṃ āpattiṃ āpanno’’ti ca, ‘‘passasī’’ti, ‘‘āma passāmī’’ti ca paṭiññā, tāya ‘‘āyatiṃ saṃvareyyāsī’’ti karaṇaṃ paṭiññātakaraṇaṃ nāma. Saṅghādisese parivāsādiyācanā paṭiññā, parivāsādīnaṃ dānaṃ paṭiññātakaraṇaṃ nāma. Dvepakkhajātā pana bhaṇḍanakārakā bhikkhū bahuṃ assāmaṇakaṃ ajjhācāraṃ caritvā puna lajjidhamme uppanne ‘‘sace mayaṃ imāhi āpattīhi aññamaññaṃ karissāma, siyāpi taṃ adhikaraṇaṃ kakkhaḷatthāya vāḷatthāya saṃvatteyyā’’ti aññamaññaṃ āpattiyā kārāpane dosaṃ disvā yadā tiṇavatthārakakammaṃ karonti, tadā āpattādhikaraṇaṃ sammukhāvinayena ca tiṇavatthārakena ca sammati. Tatra hi yattakā hatthapāsūpagatā ‘‘na metaṃ khamatī’’ti evaṃ diṭṭhāvikammaṃ akatvā niddampi okkamantā honti, sabbesaṃ ṭhapetvā thullavajjañca gihippaṭisaṃyuttañca sabbāpattiyo vuṭṭhahanti, evaṃ āpattādhikaraṇaṃ tīhi samathehi sammati.
гижжаад̇хигаран̣ам̣ (жуул̣ава. 242) згзна самат̇зна саммад̇и саммукаавинаязнзва. ид̇и имаани жад̇д̇аари ад̇хигаран̣аани яат̇аануруубам̣ имзхи сад̇д̇ахи самат̇зхи самманд̇и, д̇зна вуд̇д̇ам̣ ‘‘уббаннуббаннаанам̣ ад̇хигаран̣аанам̣ самат̇ааяа вуубасамааяа саммукаавинаяо д̣̇аад̇аб̣б̣о…бз… д̇ин̣авад̇т̇аараго’’д̇и. аяамзд̇т̇а винижчаяанаяо, вид̇т̇ааро бана самат̇агканд̇хагз ааг̇ад̇оязва, винижчаяобисса саманд̇абаасаад̣̇игааяам̣ вуд̇д̇о.
Kiccādhikaraṇaṃ (cūḷava. 242) ekena samathena sammati sammukhāvinayeneva. Iti imāni cattāri adhikaraṇāni yathānurūpaṃ imehi sattahi samathehi sammanti, tena vuttaṃ ‘‘uppannuppannānaṃ adhikaraṇānaṃ samathāya vūpasamāya sammukhāvinayo dātabbo…pe… tiṇavatthārako’’ti. Ayamettha vinicchayanayo, vitthāro pana samathakkhandhake āgatoyeva, vinicchayopissa samantapāsādikāyaṃ vutto.
д̇ад̇т̇ааяасманд̇з бужчаами, гажжид̇т̇а барисуд̣̇д̇хаад̇и д̇зсу сад̇д̇асу ад̇хигаран̣асамат̇зсу гажжид̇т̇а барисуд̣̇д̇хаа, над̇т̇и во гин̃жи самат̇зхи вуубасамзд̇аб̣б̣анд̇и бужчаами, зд̇зна саб̣б̣аабад̇д̇ийхи барисуд̣̇д̇хабхааво бужчид̇о ход̇и.
Tatthāyasmante pucchāmi, kaccittha parisuddhāti tesu sattasu adhikaraṇasamathesu kaccittha parisuddhā, natthi vo kiñci samathehi vūpasametabbanti pucchāmi, etena sabbāpattīhi parisuddhabhāvo pucchito hoti.
уд̣̇д̣̇идтам̣ ко ааяасманд̇о нид̣̇аананд̇иаад̣̇и ниг̇аманаважанам̣. д̇ад̇т̇а зд̇д̇аганд̇и зд̇д̇агам̣ сигкаабад̣̇ам̣. суд̇д̇ааг̇ад̇анд̇и суд̇д̇з баад̇имогкз ааг̇ад̇ам̣. суд̇д̇абарияаабаннанд̇и д̇ад̇т̇зва анд̇ог̇ад̇хам̣. анвад̣̇д̇хамаасам̣ уд̣̇д̣̇зсам̣ ааг̇ажчад̇ийд̇и ад̣̇д̇хамаасз ад̣̇д̇хамаасз убосат̇авасзна уд̣̇д̣̇исид̇аб̣б̣ад̇ам̣ ааг̇ажчад̇и. самаг̇г̇зхийд̇и гааяасаамаг̇г̇ивасзна самаг̇г̇зхи. саммод̣̇амаанзхийд̇и жид̇д̇асаамаг̇г̇ивасзна згаж̇жхаасаяад̇ааяа судту мод̣̇амаанзхи. авивад̣̇амаанзхийд̇и адтаарасасу виваад̣̇авад̇т̇уусу ан̃н̃ад̇аравасзнааби авивад̣̇амаанзхи. сигкид̇аб̣б̣анд̇и д̇ам̣ д̇ам̣ сигкаабад̣̇ам̣ авийд̇иггаманд̇зхи ад̇хисийласигкаа самбаад̣̇зд̇аб̣б̣аа. анд̇аранд̇араа бана яам̣ на вуд̇д̇ам̣, д̇ам̣ саб̣б̣ам̣ буримз буримз сигкаабад̣̇з вуд̇д̇ад̇д̇аа жзва уд̇д̇аанад̇т̇ад̇д̇аа жаад̇и.
Uddiṭṭhaṃ kho āyasmanto nidānantiādi nigamanavacanaṃ. Tattha ettakanti ettakaṃ sikkhāpadaṃ. Suttāgatanti sutte pātimokkhe āgataṃ. Suttapariyāpannanti tattheva antogadhaṃ. Anvaddhamāsaṃ uddesaṃ āgacchatīti addhamāse addhamāse uposathavasena uddisitabbataṃ āgacchati. Samaggehīti kāyasāmaggivasena samaggehi. Sammodamānehīti cittasāmaggivasena ekajjhāsayatāya suṭṭhu modamānehi. Avivadamānehīti aṭṭhārasasu vivādavatthūsu aññataravasenāpi avivadamānehi. Sikkhitabbanti taṃ taṃ sikkhāpadaṃ avītikkamantehi adhisīlasikkhā sampādetabbā. Antarantarā pana yaṃ na vuttaṃ, taṃ sabbaṃ purime purime sikkhāpade vuttattā ceva uttānatthattā cāti.
ад̇хигаран̣асамат̇аван̣н̣анаа нидтид̇аа.
Adhikaraṇasamathavaṇṇanā niṭṭhitā.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
бхигкубаад̇имогкаван̣н̣анаа нидтид̇аа.
Bhikkhupātimokkhavaṇṇanā niṭṭhitā.
