| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. སེཀྑསུཏྟཝཎྞནཱ
5. Sekkhasuttavaṇṇanā
༨༦. པཉྩམེ ཨུཛུམགྒཱནུསཱརིནོཏི ཨུཛུམགྒོ ཝུཙྩཏི ཨརིཡམགྒོ, ཏཾ ཨནུསྶརནྟསྶ པཊིཔནྣཀསྶཱཏི ཨཏྠོ། ཁཡསྨིཾ པཋམཾ ཉཱཎནྟི པཋམམེཝ མགྒཉཱཎཾ ཨུཔྤཛྫཏི། མགྒོ ཧི ཀིལེསཱནཾ ཁེཔནཏོ ཁཡོ ནཱམ, ཏཾསམྤཡུཏྟཾ ཉཱཎཾ ཁཡསྨིཾ ཉཱཎཾ ནཱམ། ཏཏོ ཨཉྙཱ ཨནནྟརཱཏི ཏཏོ ཙཏུཏྠམགྒཉཱཎཏོ ཨནནྟརཱ ཨཉྙཱ ཨུཔྤཛྫཏི, ཨརཧཏྟཕལཾ ཨུཔྤཛྫཏཱིཏི ཨཏྠོ། ཨཉྙཱཝིམུཏྟསྶཱཏི ཨརཧཏྟཕལཝིམུཏྟིཡཱ ཝིམུཏྟསྶ། ཉཱཎཾ ཝེ ཧོཏཱིཏི པཙྩཝེཀྑཎཉཱཎཾ ཧོཏི། ཨིཏི སུཏྟེཔི གཱཐཱསུཔི སཏྟ སེཁཱ ཀཐིཏཱ། ཨཝསཱནེ པན ཁཱིཎཱསཝོ དསྶིཏོཏི།
86. Pañcame ujumaggānusārinoti ujumaggo vuccati ariyamaggo, taṃ anussarantassa paṭipannakassāti attho. Khayasmiṃ paṭhamaṃ ñāṇanti paṭhamameva maggañāṇaṃ uppajjati. Maggo hi kilesānaṃ khepanato khayo nāma, taṃsampayuttaṃ ñāṇaṃ khayasmiṃ ñāṇaṃ nāma. Tatoaññā anantarāti tato catutthamaggañāṇato anantarā aññā uppajjati, arahattaphalaṃ uppajjatīti attho. Aññāvimuttassāti arahattaphalavimuttiyā vimuttassa. Ñāṇaṃ ve hotīti paccavekkhaṇañāṇaṃ hoti. Iti suttepi gāthāsupi satta sekhā kathitā. Avasāne pana khīṇāsavo dassitoti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. སེཀྑསུཏྟཾ • 5. Sekkhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༥. སམཎསུཏྟཱདིཝཎྞནཱ • 1-5. Samaṇasuttādivaṇṇanā
