Library / Tipiṭaka / திபிடக • Tipiṭaka / பட்டா²னபாளி • Paṭṭhānapāḷi

    11. ஸெக்க²த்திகங்

    11. Sekkhattikaṃ

    1. படிச்சவாரோ

    1. Paṭiccavāro

    1. பச்சயானுலோமங்

    1. Paccayānulomaṃ

    1. விப⁴ங்க³வாரோ

    1. Vibhaṅgavāro

    ஹேதுபச்சயோ

    Hetupaccayo

    1. ஸெக்க²ங் த⁴ம்மங் படிச்ச ஸெக்கோ² த⁴ம்மோ உப்பஜ்ஜதி ஹேதுபச்சயா – ஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴…பே॰…. (1)

    1. Sekkhaṃ dhammaṃ paṭicca sekkho dhammo uppajjati hetupaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ஸெக்க²ங் த⁴ம்மங் படிச்ச நேவஸெக்க²னாஸெக்கோ² 1 த⁴ம்மோ உப்பஜ்ஜதி ஹேதுபச்சயா – ஸெக்கே² க²ந்தே⁴ படிச்ச சித்தஸமுட்டா²னங் ரூபங். (2)

    Sekkhaṃ dhammaṃ paṭicca nevasekkhanāsekkho 2 dhammo uppajjati hetupaccayā – sekkhe khandhe paṭicca cittasamuṭṭhānaṃ rūpaṃ. (2)

    ஸெக்க²ங் த⁴ம்மங் படிச்ச ஸெக்கோ² ச நேவஸெக்க²னாஸெக்கோ² ச த⁴ம்மா உப்பஜ்ஜந்தி ஹேதுபச்சயா – ஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴…பே॰…. (3)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    2. அஸெக்க²ங் த⁴ம்மங் படிச்ச அஸெக்கோ² த⁴ம்மோ உப்பஜ்ஜதி ஹேதுபச்சயா – அஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰…. (1)

    2. Asekkhaṃ dhammaṃ paṭicca asekkho dhammo uppajjati hetupaccayā – asekkhaṃ ekaṃ khandhaṃ paṭicca tayo khandhā…pe…. (1)

    அஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா – அஸெக்கே² க²ந்தே⁴ படிச்ச சித்தஸமுட்டா²னங் ரூபங். (2)

    Asekkhaṃ dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe paṭicca cittasamuṭṭhānaṃ rūpaṃ. (2)

    அஸெக்க²ங் த⁴ம்மங் படிச்ச அஸெக்கோ² ச நேவஸெக்க²னாஸெக்கோ² ச த⁴ம்மா…பே॰… அஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴…பே॰…. (3)

    Asekkhaṃ dhammaṃ paṭicca asekkho ca nevasekkhanāsekkho ca dhammā…pe… asekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    3. நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா – நேவஸெக்க²னாஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴…பே॰… படிஸந்தி⁴க்க²ணே …பே॰… க²ந்தே⁴ படிச்ச வத்து², வத்து²ங் படிச்ச க²ந்தா⁴, ஏகங் மஹாபூ⁴தங் படிச்ச தயோ மஹாபூ⁴தா…பே॰… த்³வே மஹாபூ⁴தே படிச்ச த்³வே மஹாபூ⁴தா, மஹாபூ⁴தே படிச்ச சித்தஸமுட்டா²னங் ரூபங் கடத்தாரூபங் உபாதா³ரூபங். (1)

    3. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா – ஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    அஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா – அஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ஆரம்மணபச்சயாதி³

    Ārammaṇapaccayādi

    4. ஸெக்க²ங் த⁴ம்மங் படிச்ச ஸெக்கோ² த⁴ம்மோ உப்பஜ்ஜதி ஆரம்மணபச்சயா… அதி⁴பதிபச்சயா (படிஸந்தி⁴ நத்தி²)… அனந்தரபச்சயா… ஸமனந்தரபச்சயா… ஸஹஜாதபச்சயா (ஸப்³பே³ மஹாபூ⁴தா காதப்³பா³)… அஞ்ஞமஞ்ஞபச்சயா… நிஸ்ஸயபச்சயா… உபனிஸ்ஸயபச்சயா… புரேஜாதபச்சயா… ஆஸேவனபச்சயா – ஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴…பே॰….

    4. Sekkhaṃ dhammaṃ paṭicca sekkho dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā (sabbe mahābhūtā kātabbā)… aññamaññapaccayā… nissayapaccayā… upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe….

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி ஆஸேவனபச்சயா – நேவஸெக்க²னாஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴ …பே॰… கம்மபச்சயா, விபாகபச்சயா – விபாகங் ஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴…பே॰… (தீணி, பரிபுண்ணங்).

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paṭicca tayo khandhā…pe… dve khandhe …pe… kammapaccayā, vipākapaccayā – vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe… (tīṇi, paripuṇṇaṃ).

    அஸெக்க²ங் த⁴ம்மங் படிச்ச அஸெக்கோ² த⁴ம்மோ உப்பஜ்ஜதி விபாகபச்சயா – அஸெக்க²ங் ஏகங் க²ந்த⁴ங் படிச்ச… தீணி.

    Asekkhaṃ dhammaṃ paṭicca asekkho dhammo uppajjati vipākapaccayā – asekkhaṃ ekaṃ khandhaṃ paṭicca… tīṇi.

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி விபாகபச்சயா – விபாகங் நேவஸெக்க²னாஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴…பே॰… படிஸந்தி⁴க்க²ணே…பே॰… க²ந்தே⁴ படிச்ச வத்து², வத்து²ங் படிச்ச க²ந்தா⁴, ஏகங் மஹாபூ⁴தங்…பே॰…. (1)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati vipākapaccayā – vipākaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி விபாகபச்சயா – விபாகே ஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – vipāke sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    அஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி விபாகபச்சயா – அஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ஆஹாரபச்சயாதி³

    Āhārapaccayādi

    5. ஸெக்க²ங் த⁴ம்மங் படிச்ச ஸெக்கோ² த⁴ம்மோ உப்பஜ்ஜதி ஆஹாரபச்சயா… இந்த்³ரியபச்சயா… ஜா²னபச்சயா… மக்³க³பச்சய… ஸம்பயுத்தபச்சயா… விப்பயுத்தபச்சயா… அத்தி²பச்சயா… நத்தி²பச்சயா… விக³தபச்சயா… அவிக³தபச்சயா.

    5. Sekkhaṃ dhammaṃ paṭicca sekkho dhammo uppajjati āhārapaccayā… indriyapaccayā… jhānapaccayā… maggapaccaya… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    1. பச்சயானுலோமங்

    1. Paccayānulomaṃ

    2. ஸங்க்²யாவாரோ

    2. Saṅkhyāvāro

    ஸுத்³த⁴ங்

    Suddhaṃ

    6. ஹேதுயா நவ, ஆரம்மணே தீணி, அதி⁴பதியா நவ, அனந்தரே தீணி, ஸமனந்தரே தீணி, ஸஹஜாதே நவ, அஞ்ஞமஞ்ஞே தீணி, நிஸ்ஸயே நவ, உபனிஸ்ஸயே தீணி, புரேஜாதே தீணி, ஆஸேவனே த்³வே, கம்மே நவ, விபாகே ஆஹாரே இந்த்³ரியே ஜா²னே மக்³கே³ நவ, ஸம்பயுத்தே தீணி, விப்பயுத்தே நவ, அத்தி²யா நவ, நத்தி²யா தீணி, விக³தே தீணி, அவிக³தே நவ (ஏவங் க³ணேதப்³ப³ங்).

    6. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke āhāre indriye jhāne magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava (evaṃ gaṇetabbaṃ).

    அனுலோமங்.

    Anulomaṃ.

    2. பச்சயபச்சனீயங்

    2. Paccayapaccanīyaṃ

    1. விப⁴ங்க³வாரோ

    1. Vibhaṅgavāro

    நஹேதுபச்சயோ

    Nahetupaccayo

    7. நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஹேதுபச்சயா – அஹேதுகங் நேவஸெக்க²னாஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴…பே॰… அஹேதுகபடிஸந்தி⁴க்க²ணே…பே॰… க²ந்தே⁴ படிச்ச வத்து², வத்து²ங் படிச்ச க²ந்தா⁴, ஏகங் மஹாபூ⁴தங்…பே॰… பா³ஹிரங்… ஆஹாரஸமுட்டா²னங்… உதுஸமுட்டா²னங்… அஸஞ்ஞஸத்தானங் ஏகங் மஹாபூ⁴தங்…பே॰… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

    7. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    நஆரம்மணபச்சயோ

    Naārammaṇapaccayo

    8. ஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆரம்மணபச்சயா – ஸெக்கே² க²ந்தே⁴ படிச்ச சித்தஸமுட்டா²னங் ரூபங். (1)

    8. Sekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe paṭicca cittasamuṭṭhānaṃ rūpaṃ. (1)

    அஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆரம்மணபச்சயா – அஸெக்கே² க²ந்தே⁴ படிச்ச சித்தஸமுட்டா²னங் ரூபங். (1)

    Asekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe paṭicca cittasamuṭṭhānaṃ rūpaṃ. (1)

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆரம்மணபச்சயா – நேவஸெக்க²னாஸெக்கே² க²ந்தே⁴ படிச்ச சித்தஸமுட்டா²னங் ரூபங்…பே॰… படிஸந்தி⁴க்க²ணே…பே॰… க²ந்தே⁴ படிச்ச வத்து²…பே॰… ஏகங் மஹாபூ⁴தங்…பே॰… அஸஞ்ஞஸத்தானங்…பே॰…. (1)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – nevasekkhanāsekkhe khandhe paṭicca cittasamuṭṭhānaṃ rūpaṃ…pe… paṭisandhikkhaṇe…pe… khandhe paṭicca vatthu…pe… ekaṃ mahābhūtaṃ…pe… asaññasattānaṃ…pe…. (1)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆரம்மணபச்சயா – ஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    அஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆரம்மணபச்சயா – அஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    நஅதி⁴பதிபச்சயாதி³

    Naadhipatipaccayādi

    9. ஸெக்க²ங் த⁴ம்மங் படிச்ச ஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – ஸெக்கே² க²ந்தே⁴ படிச்ச ஸெக்கோ² அதி⁴பதி. (1)

    9. Sekkhaṃ dhammaṃ paṭicca sekkho dhammo uppajjati naadhipatipaccayā – sekkhe khandhe paṭicca sekkho adhipati. (1)

    அஸெக்க²ங் த⁴ம்மங் படிச்ச அஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – அஸெக்கே² க²ந்தே⁴ படிச்ச அஸெக்கோ² அதி⁴பதி. (1)

    Asekkhaṃ dhammaṃ paṭicca asekkho dhammo uppajjati naadhipatipaccayā – asekkhe khandhe paṭicca asekkho adhipati. (1)

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஅதி⁴பதிபச்சயா… (பரிபுண்ணங், படிஸந்தி⁴பி மஹாபூ⁴தாபி ஸப்³பே³) நஅனந்தரபச்சயா… நஸமனந்தரபச்சயா… நஅஞ்ஞமஞ்ஞபச்சயா… நஉபனிஸ்ஸயபச்சயா… நபுரேஜாதபச்சயா… ஸத்த (குஸலத்திகஸதி³ஸா)… நபச்சா²ஜாதபச்சயா…பே॰… நஆஸேவனபச்சயா. விபாகங் ஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴…பே॰…. (1)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naadhipatipaccayā… (paripuṇṇaṃ, paṭisandhipi mahābhūtāpi sabbe) naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… satta (kusalattikasadisā)… napacchājātapaccayā…pe… naāsevanapaccayā. Vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    10. ஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆஸேவனபச்சயா – ஸெக்கே² க²ந்தே⁴ படிச்ச சித்தஸமுட்டா²னங் ரூபங். (2)

    10. Sekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā – sekkhe khandhe paṭicca cittasamuṭṭhānaṃ rūpaṃ. (2)

    ஸெக்க²ங் த⁴ம்மங் படிச்ச ஸெக்கோ² ச நேவஸெக்க²னாஸெக்கோ² ச த⁴ம்மா உப்பஜ்ஜந்தி நஆஸேவனபச்சயா – விபாகங் ஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴…பே॰…. (3)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti naāsevanapaccayā – vipākaṃ sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    அஸெக்க²ங் த⁴ம்மங் படிச்ச அஸெக்கோ² த⁴ம்மோ… தீணி.

    Asekkhaṃ dhammaṃ paṭicca asekkho dhammo… tīṇi.

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆஸேவனபச்சயா… நேவஸெக்க²னாஸெக்க²ங் (ஏகங், பரிபுண்ணங், ஸெக்க²ஞ்ச, நேவஸெக்க²னாஸெக்க²ஞ்ச, க⁴டனா பரிபுண்ணா, த்³வேபி காதப்³பா³. நவ) நகம்மபச்சயா – ஸெக்கே² க²ந்தே⁴ படிச்ச ஸெக்கா² சேதனா.

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā… nevasekkhanāsekkhaṃ (ekaṃ, paripuṇṇaṃ, sekkhañca, nevasekkhanāsekkhañca, ghaṭanā paripuṇṇā, dvepi kātabbā. Nava) nakammapaccayā – sekkhe khandhe paṭicca sekkhā cetanā.

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நகம்மபச்சயா – நேவஸெக்க²னாஸெக்கே² க²ந்தே⁴ படிச்ச நேவஸெக்க²னாஸெக்கா² சேதனா; பா³ஹிரங்… ஆஹாரஸமுட்டா²னங்… உதுஸமுட்டா²னங்… ஏகங் மஹாபூ⁴தங்…பே॰….

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nakammapaccayā – nevasekkhanāsekkhe khandhe paṭicca nevasekkhanāsekkhā cetanā; bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe….

    நவிபாகபச்சயோ

    Navipākapaccayo

    11. ஸெக்க²ங் த⁴ம்மங் படிச்ச ஸெக்கோ² த⁴ம்மோ உப்பஜ்ஜதி நவிபாகபச்சயா – ஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰…. (1)

    11. Sekkhaṃ dhammaṃ paṭicca sekkho dhammo uppajjati navipākapaccayā – sekkhaṃ ekaṃ khandhaṃ paṭicca tayo khandhā…pe…. (1)

    ஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நவிபாகபச்சயா – ஸெக்கே² க²ந்தே⁴ படிச்ச சித்தஸமுட்டா²னங் ரூபங்.(2)

    Sekkhaṃ dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe paṭicca cittasamuṭṭhānaṃ rūpaṃ.(2)

    ஸெக்க²ங் த⁴ம்மங் படிச்ச ஸெக்கோ² ச நேவஸெக்க²னாஸெக்கோ² ச த⁴ம்மா உப்பஜ்ஜந்தி நவிபாகபச்சயா – ஸெக்க²ங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰…. (3)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti navipākapaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    12. நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நவிபாகபச்சயா (பரிபுண்ணங், படிஸந்தி⁴ நத்தி² ).

    12. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navipākapaccayā (paripuṇṇaṃ, paṭisandhi natthi ).

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நவிபாகபச்சயா – ஸெக்கே² க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    நஆஹாரபச்சயாதி³

    Naāhārapaccayādi

    13. நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஆஹாரபச்சயா… நஇந்த்³ரியபச்சயா… நஜா²னபச்சயா… நமக்³க³பச்சயா .

    13. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā .

    நஸம்பயுத்தபச்சயோ

    Nasampayuttapaccayo

    14. ஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நஸம்பயுத்தபச்சயா…பே॰… (நஆரம்மணபச்சயஸதி³ஸங்).

    14. Sekkhaṃ dhammaṃ paṭicca nevasekkhanāsekkho dhammo uppajjati nasampayuttapaccayā…pe… (naārammaṇapaccayasadisaṃ).

    நவிப்பயுத்தபச்சயாதி³

    Navippayuttapaccayādi

    ஸெக்க²ங் த⁴ம்மங் படிச்ச ஸெக்கோ² த⁴ம்மோ உப்பஜ்ஜதி நவிப்பயுத்தபச்சயா. அரூபே ஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰…. (1)

    Sekkhaṃ dhammaṃ paṭicca sekkho dhammo uppajjati navippayuttapaccayā. Arūpe sekkhaṃ ekaṃ khandhaṃ paṭicca tayo khandhā…pe…. (1)

    அஸெக்க²ங் த⁴ம்மங் படிச்ச அஸெக்கோ² த⁴ம்மோ உப்பஜ்ஜதி நவிப்பயுத்தபச்சயா – அரூபே அஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰…. (1)

    Asekkhaṃ dhammaṃ paṭicca asekkho dhammo uppajjati navippayuttapaccayā – arūpe asekkhaṃ ekaṃ khandhaṃ paṭicca tayo khandhā…pe…. (1)

    நேவஸெக்க²னாஸெக்க²ங் த⁴ம்மங் படிச்ச நேவஸெக்க²னாஸெக்கோ² த⁴ம்மோ உப்பஜ்ஜதி நவிப்பயுத்தபச்சயா – அரூபே நேவஸெக்க²னாஸெக்க²ங் ஏகங் க²ந்த⁴ங் படிச்ச தயோ க²ந்தா⁴…பே॰… பா³ஹிரங்… ஆஹாரஸமுட்டா²னங்… உதுஸமுட்டா²னங்… அஸஞ்ஞஸத்தானங்…பே॰… நோனத்தி²பச்சயா… நோவிக³தபச்சயா.

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navippayuttapaccayā – arūpe nevasekkhanāsekkhaṃ ekaṃ khandhaṃ paṭicca tayo khandhā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā… novigatapaccayā.

    2. பச்சயபச்சனீயங்

    2. Paccayapaccanīyaṃ

    2. ஸங்க்²யாவாரோ

    2. Saṅkhyāvāro

    ஸுத்³த⁴ங்

    Suddhaṃ

    15. நஹேதுயா ஏகங், நஆரம்மணே பஞ்ச, நஅதி⁴பதியா தீணி, நஅனந்தரே நஸமனந்தரே நஅஞ்ஞமஞ்ஞே நஉபனிஸ்ஸயே பஞ்ச, நபுரேஜாதே ஸத்த, நபச்சா²ஜாதே நவ, நஆஸேவனே நவ, நகம்மே த்³வே, நவிபாகே பஞ்ச, நஆஹாரே ஏகங், நஇந்த்³ரியே ஏகங், நஜா²னே ஏகங், நமக்³கே³ ஏகங், நஸம்பயுத்தே பஞ்ச, நவிப்பயுத்தே தீணி, நோனத்தி²யா பஞ்ச, நோவிக³தே பஞ்ச (ஏவங் க³ணேதப்³ப³ங்).

    15. Nahetuyā ekaṃ, naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte nava, naāsevane nava, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    பச்சனீயங்.

    Paccanīyaṃ.

    3. பச்சயானுலோமபச்சனீயங்

    3. Paccayānulomapaccanīyaṃ

    ஹேதுது³கங்

    Hetudukaṃ

    16. ஹேதுபச்சயா நஆரம்மணே பஞ்ச, நஅதி⁴பதியா தீணி, நஅனந்தரே நஸமனந்தரே நஅஞ்ஞமஞ்ஞே நஉபனிஸ்ஸயே பஞ்ச, நபுரேஜாதே ஸத்த, நபச்சா²ஜாதே நஆஸேவனே நவ, நகம்மே த்³வே, நவிபாகே பஞ்ச, நஸம்பயுத்தே பஞ்ச, நவிப்பயுத்தே தீணி, நோனத்தி²யா பஞ்ச, நோவிக³தே பஞ்ச (ஏவங் க³ணேதப்³ப³ங்).

    16. Hetupaccayā naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte naāsevane nava, nakamme dve, navipāke pañca, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    அனுலோமபச்சனீயங்.

    Anulomapaccanīyaṃ.

    4. பச்சயபச்சனீயானுலோமங்

    4. Paccayapaccanīyānulomaṃ

    நஹேதுது³கங்

    Nahetudukaṃ

    17. நஹேதுபச்சயா ஆரம்மணே ஏகங், அனந்தரே ஸமனந்தரே ஸஹஜாதே அஞ்ஞமஞ்ஞே நிஸ்ஸயே உபனிஸ்ஸயே புரேஜாதே ஆஸேவனே கம்மே விபாகே ஆஹாரே இந்த்³ரியே ஜா²னே மக்³கே³ ஸம்பயுத்தே விப்பயுத்தே அத்தி²யா நத்தி²யா விக³தே அவிக³தே ஏகங் (ஏவங் க³ணேதப்³ப³ங்).

    17. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    பச்சனீயானுலோமங்.

    Paccanīyānulomaṃ.

    படிச்சவாரோ.

    Paṭiccavāro.

    2. ஸஹஜாதவாரோ

    2. Sahajātavāro

    (ஸஹஜாதவாரோ படிச்சவாரஸதி³ஸோ.)

    (Sahajātavāro paṭiccavārasadiso.)

    3. பச்சயவாரோ

    3. Paccayavāro

    1. பச்சயானுலோமங்

    1. Paccayānulomaṃ

    1. விப⁴ங்க³வாரோ

    1. Vibhaṅgavāro

    ஹேதுபச்சயோ

    Hetupaccayo

    18. ஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஹேதுபச்சயா… தீணி (படிச்சவாரஸதி³ஸங்).

    18. Sekkhaṃ dhammaṃ paccayā sekkho dhammo uppajjati hetupaccayā… tīṇi (paṭiccavārasadisaṃ).

    அஸெக்க²ங் த⁴ம்மங் பச்சயா அஸெக்கோ² த⁴ம்மோ உப்பஜ்ஜதி ஹேதுபச்சயா… தீணி (படிச்சவாரஸதி³ஸங்).

    Asekkhaṃ dhammaṃ paccayā asekkho dhammo uppajjati hetupaccayā… tīṇi (paṭiccavārasadisaṃ).

    19. நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா (பரிபுண்ணங்), மஹாபூ⁴தே பச்சயா சித்தஸமுட்டா²னங் ரூபங் கடத்தாரூபங் உபாதா³ரூபங், வத்து²ங் பச்சயா நேவஸெக்க²னாஸெக்கா² க²ந்தா⁴. (1)

    19. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati hetupaccayā (paripuṇṇaṃ), mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā nevasekkhanāsekkhā khandhā. (1)

    நேவஸெக்க²னாஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஹேதுபச்சயா – வத்து²ங் பச்சயா ஸெக்கா² க²ந்தா⁴. (2)

    Nevasekkhanāsekkhaṃ dhammaṃ paccayā sekkho dhammo uppajjati hetupaccayā – vatthuṃ paccayā sekkhā khandhā. (2)

    நேவஸெக்க²னாஸெக்க²ங் த⁴ம்மங் பச்சயா அஸெக்கோ² த⁴ம்மோ உப்பஜ்ஜதி ஹேதுபச்சயா – வத்து²ங் பச்சயா அஸெக்கா² க²ந்தா⁴. (3)

    Nevasekkhanāsekkhaṃ dhammaṃ paccayā asekkho dhammo uppajjati hetupaccayā – vatthuṃ paccayā asekkhā khandhā. (3)

    நேவஸெக்க²னாஸெக்க²ங் த⁴ம்மங் பச்சயா ஸெக்கோ² ச நேவஸெக்க²னாஸெக்கோ² ச த⁴ம்மா உப்பஜ்ஜந்தி ஹேதுபச்சயா – வத்து²ங் பச்சயா ஸெக்கா² க²ந்தா⁴, மஹாபூ⁴தே பச்சயா சித்தஸமுட்டா²னங் ரூபங். (4)

    Nevasekkhanāsekkhaṃ dhammaṃ paccayā sekkho ca nevasekkhanāsekkho ca dhammā uppajjanti hetupaccayā – vatthuṃ paccayā sekkhā khandhā, mahābhūte paccayā cittasamuṭṭhānaṃ rūpaṃ. (4)

    நேவஸெக்க²னாஸெக்க²ங் த⁴ம்மங் பச்சயா அஸெக்கோ² ச நேவஸெக்க²னாஸெக்கோ² ச த⁴ம்மா உப்பஜ்ஜந்தி ஹேதுபச்சயா – வத்து²ங் பச்சயா அஸெக்கா² க²ந்தா⁴, மஹாபூ⁴தே பச்சயா சித்தஸமுட்டா²னங் ரூபங். (5)

    Nevasekkhanāsekkhaṃ dhammaṃ paccayā asekkho ca nevasekkhanāsekkho ca dhammā uppajjanti hetupaccayā – vatthuṃ paccayā asekkhā khandhā, mahābhūte paccayā cittasamuṭṭhānaṃ rūpaṃ. (5)

    20. ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஹேதுபச்சயா – ஸெக்க²ங் ஏகங் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே॰… த்³வே க²ந்தா⁴. (1)

    20. Sekkhañca nevasekkhanāsekkhañca dhammaṃ paccayā sekkho dhammo uppajjati hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா – ஸெக்கே² க²ந்தே⁴ ச மஹாபூ⁴தே ச பச்சயா சித்தஸமுட்டா²னங் ரூபங். (2)

    Sekkhañca nevasekkhanāsekkhañca dhammaṃ paccayā nevasekkhanāsekkho dhammo uppajjati hetupaccayā – sekkhe khandhe ca mahābhūte ca paccayā cittasamuṭṭhānaṃ rūpaṃ. (2)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² ச நேவஸெக்க²னாஸெக்கோ² ச த⁴ம்மா உப்பஜ்ஜந்தி ஹேதுபச்சயா – ஸெக்க²ங் ஏகங் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே॰… த்³வே க²ந்தா⁴. ஸெக்கே² க²ந்தே⁴ ச மஹாபூ⁴தே ச பச்சயா சித்தஸமுட்டா²னங் ரூபங். (3)

    Sekkhañca nevasekkhanāsekkhañca dhammaṃ paccayā sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. Sekkhe khandhe ca mahābhūte ca paccayā cittasamuṭṭhānaṃ rūpaṃ. (3)

    அஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா… தீணி (ஸெக்க²ஸதி³ஸா).

    Asekkhañca nevasekkhanāsekkhañca dhammaṃ paccayā… tīṇi (sekkhasadisā).

    ஆரம்மணபச்சயோ

    Ārammaṇapaccayo

    21. ஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஆரம்மணபச்சயா… ஏகங்.

    21. Sekkhaṃ dhammaṃ paccayā sekkho dhammo uppajjati ārammaṇapaccayā… ekaṃ.

    அஸெக்க²ங் த⁴ம்மங் பச்சயா அஸெக்கோ² த⁴ம்மோ… ஏகங்.

    Asekkhaṃ dhammaṃ paccayā asekkho dhammo… ekaṃ.

    நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி ஆரம்மணபச்சயா… ஏகங், வத்து²ங் பச்சயா நேவஸெக்க²னாஸெக்கா² க²ந்தா⁴, சக்கா²யதனங் பச்சயா சக்கு²விஞ்ஞாணங்…பே॰… காயாயதனங் பச்சயா காயவிஞ்ஞாணங், வத்து²ங் பச்சயா நேவஸெக்க²னாஸெக்கா² க²ந்தா⁴. (1)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati ārammaṇapaccayā… ekaṃ, vatthuṃ paccayā nevasekkhanāsekkhā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā nevasekkhanāsekkhā khandhā. (1)

    நேவஸெக்க²னாஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஆரம்மணபச்சயா – வத்து²ங் பச்சயா ஸெக்கா² க²ந்தா⁴. (2)

    Nevasekkhanāsekkhaṃ dhammaṃ paccayā sekkho dhammo uppajjati ārammaṇapaccayā – vatthuṃ paccayā sekkhā khandhā. (2)

    நேவஸெக்க²னாஸெக்க²ங் த⁴ம்மங் பச்சயா அஸெக்கோ² த⁴ம்மோ உப்பஜ்ஜதி ஆரம்மணபச்சயா – வத்து²ங் பச்சயா அஸெக்கா² க²ந்தா⁴. (3)

    Nevasekkhanāsekkhaṃ dhammaṃ paccayā asekkho dhammo uppajjati ārammaṇapaccayā – vatthuṃ paccayā asekkhā khandhā. (3)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஆரம்மணபச்சயா – ஸெக்க²ங் ஏகங் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே॰… த்³வே க²ந்தா⁴. (1)

    Sekkhañca nevasekkhanāsekkhañca dhammaṃ paccayā sekkho dhammo uppajjati ārammaṇapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    அஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா அஸெக்கோ² த⁴ம்மோ உப்பஜ்ஜதி ஆரம்மணபச்சயா – அஸெக்க²ங் ஏகங் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே॰… த்³வே க²ந்தா⁴. (1)

    Asekkhañca nevasekkhanāsekkhañca dhammaṃ paccayā asekkho dhammo uppajjati ārammaṇapaccayā – asekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    அதி⁴பதிபச்சயாதி³

    Adhipatipaccayādi

    22. ஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி அதி⁴பதிபச்சயா… அனந்தரபச்சயா… ஸமனந்தரபச்சயா… ஸஹஜாதபச்சயா… அஞ்ஞமஞ்ஞபச்சய… நிஸ்ஸயபச்சயா … உபனிஸ்ஸயபச்சயா… புரேஜாதபச்சயா… ஆஸேவனபச்சயா – ஸெக்க²ங் ஏகங் க²ந்த⁴ங் பச்சயா தயோ க²ந்தா⁴…பே॰…

    22. Sekkhaṃ dhammaṃ paccayā sekkho dhammo uppajjati adhipatipaccayā… anantarapaccayā… samanantarapaccayā… sahajātapaccayā… aññamaññapaccaya… nissayapaccayā … upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paccayā tayo khandhā…pe…

    நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி ஆஸேவனபச்சயா – நேவஸெக்க²னாஸெக்க²ங் ஏகங் க²ந்த⁴ங் பச்சயா…பே॰… வத்து²ங் பச்சயா நேவஸெக்க²னாஸெக்கா² க²ந்தா⁴. (1)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paccayā…pe… vatthuṃ paccayā nevasekkhanāsekkhā khandhā. (1)

    நேவஸெக்க²னாஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஆஸேவனபச்சயா – வத்து²ங் பச்சயா ஸெக்கா² க²ந்தா⁴. (2)

    Nevasekkhanāsekkhaṃ dhammaṃ paccayā sekkho dhammo uppajjati āsevanapaccayā – vatthuṃ paccayā sekkhā khandhā. (2)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² த⁴ம்மோ உப்பஜ்ஜதி ஆஸேவனபச்சயா – ஸெக்க²ங் ஏகங் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே॰… த்³வே க²ந்தா⁴. (1)

    Sekkhañca nevasekkhanāsekkhañca dhammaṃ paccayā sekkho dhammo uppajjati āsevanapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    கம்மபச்சயாதி³

    Kammapaccayādi

    23. ஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி கம்மபச்சயா… விபாகபச்சயா – விபாகங் ஸெக்க²ங் ஏகங் க²ந்த⁴ங்…பே॰… ஆஹாரபச்சயா… இந்த்³ரியபச்சயா… ஜா²னபச்சயா… மக்³க³பச்சயா… ஸம்பயுத்தபச்சயா… விப்பயுத்தபச்சயா… அத்தி²பச்சயா… நத்தி²பச்சயா… விக³தபச்சயா… அவிக³தபச்சயா.

    23. Sekkhaṃ dhammaṃ paccayā sekkho dhammo uppajjati kammapaccayā… vipākapaccayā – vipākaṃ sekkhaṃ ekaṃ khandhaṃ…pe… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    1. பச்சயானுலோமங்

    1. Paccayānulomaṃ

    2. ஸங்க்²யாவாரோ

    2. Saṅkhyāvāro

    ஸுத்³த⁴ங்

    Suddhaṃ

    24. ஹேதுயா ஸத்தரஸ, ஆரம்மணே ஸத்த, அதி⁴பதியா ஸத்தரஸ, அனந்தரே ஸத்த, ஸமனந்தரே ஸத்த, ஸஹஜாதே ஸத்தரஸ, அஞ்ஞமஞ்ஞே ஸத்த, நிஸ்ஸயே ஸத்தரஸ, உபனிஸ்ஸயே ஸத்த, புரேஜாதே ஸத்த, ஆஸேவனே சத்தாரி, கம்மே ஸத்தரஸ, விபாகே ஸத்தரஸ, ஆஹாரே ஸத்தரஸ, இந்த்³ரியே ஜா²னே மக்³கே³ ஸத்தரஸ, ஸம்பயுத்தே ஸத்த, விப்பயுத்தே ஸத்தரஸ, அத்தி²யா ஸத்தரஸ, நத்தி²யா ஸத்த, விக³தே ஸத்த, அவிக³தே ஸத்தரஸ (ஏவங் க³ணேதப்³ப³ங்).

    24. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane cattāri, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ).

    அனுலோமங்.

    Anulomaṃ.

    2. பச்சயபச்சனீயங்

    2. Paccayapaccanīyaṃ

    1. விப⁴ங்க³வாரோ

    1. Vibhaṅgavāro

    நஹேதுபச்சயோ

    Nahetupaccayo

    25. நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நஹேதுபச்சயா – அஹேதுகங் நேவஸெக்க²னாஸெக்க²ங் ஏகங் க²ந்த⁴ங் பச்சயா தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தா⁴. அஹேதுகபடிஸந்தி⁴க்க²ணே…பே॰… க²ந்தே⁴ பச்சயா வத்து², வத்து²ங் பச்சயா க²ந்தா⁴, ஏகங் மஹாபூ⁴தங் பச்சயா…பே॰… பா³ஹிரங்… ஆஹாரஸமுட்டா²னங்… உதுஸமுட்டா²னங்… அஸஞ்ஞஸத்தானங்…பே॰… சக்கா²யதனங் பச்சயா சக்கு²விஞ்ஞாணங்…பே॰… காயாயதனங் பச்சயா காயவிஞ்ஞாணங், வத்து²ங் பச்சயா அஹேதுகா நேவஸெக்க²னாஸெக்கா² க²ந்தா⁴, விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ ச வத்து²ஞ்ச பச்சயா விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

    25. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhā. Ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ paccayā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    நஆரம்மணபச்சயாதி³

    Naārammaṇapaccayādi

    26. ஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நஆரம்மணபச்சயா…பே॰…. (1)

    26. Sekkhaṃ dhammaṃ paccayā nevasekkhanāsekkho dhammo uppajjati naārammaṇapaccayā…pe…. (1)

    ஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – ஸெக்கே² க²ந்தே⁴ பச்சயா ஸெக்கோ² அதி⁴பதி. (1)

    Sekkhaṃ dhammaṃ paccayā sekkho dhammo uppajjati naadhipatipaccayā – sekkhe khandhe paccayā sekkho adhipati. (1)

    அஸெக்க²ங் த⁴ம்மங் பச்சயா அஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – அஸெக்கே² க²ந்தே⁴ பச்சயா அஸெக்கோ² அதி⁴பதி. (1)

    Asekkhaṃ dhammaṃ paccayā asekkho dhammo uppajjati naadhipatipaccayā – asekkhe khandhe paccayā asekkho adhipati. (1)

    நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நஅதி⁴பதிபச்சயா (பரிபுண்ணங்) அஸஞ்ஞஸத்தானங்…பே॰… சக்கா²யதனங்…பே॰… வத்து²ங் பச்சயா நேவஸெக்க²னாஸெக்கா² க²ந்தா⁴. (1)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naadhipatipaccayā (paripuṇṇaṃ) asaññasattānaṃ…pe… cakkhāyatanaṃ…pe… vatthuṃ paccayā nevasekkhanāsekkhā khandhā. (1)

    நேவஸெக்க²னாஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – வத்து²ங் பச்சயா ஸெக்கோ² அதி⁴பதி. (2)

    Nevasekkhanāsekkhaṃ dhammaṃ paccayā sekkho dhammo uppajjati naadhipatipaccayā – vatthuṃ paccayā sekkho adhipati. (2)

    நேவஸெக்க²னாஸெக்க²ங் த⁴ம்மங் பச்சயா அஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – வத்து²ங் பச்சயா அஸெக்கோ² அதி⁴பதி. (3)

    Nevasekkhanāsekkhaṃ dhammaṃ paccayā asekkho dhammo uppajjati naadhipatipaccayā – vatthuṃ paccayā asekkho adhipati. (3)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – ஸெக்கே² க²ந்தே⁴ ச வத்து²ஞ்ச பச்சயா ஸெக்கோ² அதி⁴பதி. (1)

    Sekkhañca nevasekkhanāsekkhañca dhammaṃ paccayā sekkho dhammo uppajjati naadhipatipaccayā – sekkhe khandhe ca vatthuñca paccayā sekkho adhipati. (1)

    அஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா அஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – அஸெக்கே² க²ந்தே⁴ ச வத்து²ஞ்ச பச்சயா அஸெக்கோ² அதி⁴பதி. (1)

    Asekkhañca nevasekkhanāsekkhañca dhammaṃ paccayā asekkho dhammo uppajjati naadhipatipaccayā – asekkhe khandhe ca vatthuñca paccayā asekkho adhipati. (1)

    நஅனந்தரபச்சயாதி³

    Naanantarapaccayādi

    27. ஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நஅனந்தரபச்சயா… நஸமனந்தரபச்சயா… நஅஞ்ஞமஞ்ஞபச்சயா… நஉபனிஸ்ஸயபச்சயா… நபுரேஜாதபச்சயா… நபச்சா²ஜாதபச்சயா (ஸத்த)… நஆஸேவனபச்சயா… நகம்மபச்சயா – ஸெக்கே² க²ந்தே⁴ பச்சயா ஸெக்கா² சேதனா.

    27. Sekkhaṃ dhammaṃ paccayā nevasekkhanāsekkho dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… napacchājātapaccayā (satta)… naāsevanapaccayā… nakammapaccayā – sekkhe khandhe paccayā sekkhā cetanā.

    நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நகம்மபச்சயா – நேவஸெக்க²னாஸெக்கே² க²ந்தே⁴ பச்சயா நேவஸெக்க²னாஸெக்கா² சேதனா. பா³ஹிரங்… ஆஹாரஸமுட்டா²னங்… உதுஸமுட்டா²னங்…பே॰… வத்து²ங் பச்சயா நேவஸெக்க²னாஸெக்கா² சேதனா. (1)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nakammapaccayā – nevasekkhanāsekkhe khandhe paccayā nevasekkhanāsekkhā cetanā. Bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevasekkhanāsekkhā cetanā. (1)

    நேவஸெக்க²னாஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நகம்மபச்சயா – வத்து²ங் பச்சயா ஸெக்கா² சேதனா. (2)

    Nevasekkhanāsekkhaṃ dhammaṃ paccayā sekkho dhammo uppajjati nakammapaccayā – vatthuṃ paccayā sekkhā cetanā. (2)

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நகம்மபச்சயா – ஸெக்கே² க²ந்தே⁴ ச வத்து²ஞ்ச பச்சயா ஸெக்கா² சேதனா. (1)

    Sekkhañca nevasekkhanāsekkhañca dhammaṃ paccayā sekkho dhammo uppajjati nakammapaccayā – sekkhe khandhe ca vatthuñca paccayā sekkhā cetanā. (1)

    நவிபாகபச்சயோ

    Navipākapaccayo

    28. ஸெக்க²ங் த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நவிபாகபச்சயா (ஸெக்க²மூலகே தீணி).

    28. Sekkhaṃ dhammaṃ paccayā sekkho dhammo uppajjati navipākapaccayā (sekkhamūlake tīṇi).

    நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நவிபாகபச்சயா (நேவஸெக்க²னாஸெக்க²மூலகே தீணி).

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati navipākapaccayā (nevasekkhanāsekkhamūlake tīṇi).

    ஸெக்க²ஞ்ச நேவஸெக்க²னாஸெக்க²ஞ்ச த⁴ம்மங் பச்சயா ஸெக்கோ² த⁴ம்மோ உப்பஜ்ஜதி நவிபாகபச்சயா (ஸெக்க²க⁴டனேஸு தீணி).

    Sekkhañca nevasekkhanāsekkhañca dhammaṃ paccayā sekkho dhammo uppajjati navipākapaccayā (sekkhaghaṭanesu tīṇi).

    நஆஹாரபச்சயாதி³

    Naāhārapaccayādi

    29. நேவஸெக்க²னாஸெக்க²ங் த⁴ம்மங் பச்சயா நேவஸெக்க²னாஸெக்கோ² த⁴ம்மோ உப்பஜ்ஜதி நஆஹாரபச்சயா… நஇந்த்³ரியபச்சயா… நஜா²னபச்சயா… நமக்³க³பச்சயா… நஸம்பயுத்தபச்சயா… நவிப்பயுத்தபச்சயா… நோனத்தி²பச்சயா… நோவிக³தபச்சயா…பே॰….

    29. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā…pe….

    2. பச்சயபச்சனீயங்

    2. Paccayapaccanīyaṃ

    2. ஸங்க்²யாவாரோ

    2. Saṅkhyāvāro

    ஸுத்³த⁴ங்

    Suddhaṃ

    30. நஹேதுயா ஏகங், நஆரம்மணே பஞ்ச, நஅதி⁴பதியா ஸத்த, நஅனந்தரே பஞ்ச, நஸமனந்தரே பஞ்ச, நஅஞ்ஞமஞ்ஞே பஞ்ச, நஉபனிஸ்ஸயே பஞ்ச, நபுரேஜாதே ஸத்த, நபச்சா²ஜாதே ஸத்தரஸ, நஆஸேவனே ஸத்தரஸ, நகம்மே சத்தாரி, நவிபாகே நவ, நஆஹாரே ஏகங், நஇந்த்³ரியே ஏகங், நஜா²னே ஏகங், நமக்³கே³ ஏகங், நஸம்பயுத்தே பஞ்ச, நவிப்பயுத்தே தீணி, நோனத்தி²யா பஞ்ச, நோவிக³தே பஞ்ச (ஏவங் க³ணேதப்³ப³ங்).

    30. Nahetuyā ekaṃ, naārammaṇe pañca, naadhipatiyā satta, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    பச்சனீயங்.

    Paccanīyaṃ.

    3. பச்சயானுலோமபச்சனீயங்

    3. Paccayānulomapaccanīyaṃ

    ஹேதுது³கங்

    Hetudukaṃ

    31. ஹேதுபச்சயா நஆரம்மணே பஞ்ச, நஅதி⁴பதியா ஸத்த, நஅனந்தரே நஸமனந்தரே நஅஞ்ஞமஞ்ஞே நஉபனிஸ்ஸயே பஞ்ச, நபுரேஜாதே ஸத்த, நபச்சா²ஜாதே ஸத்தரஸ, நஆஸேவனே ஸத்தரஸ, நகம்மே சத்தாரி, நவிபாகே நவ, நஸம்பயுத்தே பஞ்ச, நவிப்பயுத்தே தீணி, நோனத்தி²யா பஞ்ச, நோவிக³தே பஞ்ச (ஏவங் க³ணேதப்³ப³ங்).

    31. Hetupaccayā naārammaṇe pañca, naadhipatiyā satta, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    அனுலோமபச்சனீயங்.

    Anulomapaccanīyaṃ.

    4. பச்சயபச்சனீயானுலோமங்

    4. Paccayapaccanīyānulomaṃ

    32. நஹேதுபச்சயா ஆரம்மணே ஏகங், அனந்தரே ஸமனந்தரே ஸஹஜாதே அஞ்ஞமஞ்ஞே ஏகங்…பே॰… அவிக³தே ஏகங் (ஏவங் க³ணேதப்³ப³ங்).

    32. Nahetupaccayā ārammaṇe ekaṃ, anantare samanantare sahajāte aññamaññe ekaṃ…pe… avigate ekaṃ (evaṃ gaṇetabbaṃ).

    பச்சனீயானுலோமங்.

    Paccanīyānulomaṃ.

    பச்சயவாரோ.

    Paccayavāro.

    4. நிஸ்ஸயவாரோ

    4. Nissayavāro

    (நிஸ்ஸயவாரோ பச்சயவாரஸதி³ஸோ.)

    (Nissayavāro paccayavārasadiso.)

    5. ஸங்ஸட்ட²வாரோ

    5. Saṃsaṭṭhavāro

    1. பச்சயானுலோமங்

    1. Paccayānulomaṃ

    1. விப⁴ங்க³வாரோ

    1. Vibhaṅgavāro

    ஹேதுபச்சயோ

    Hetupaccayo

    33. ஸெக்க²ங் த⁴ம்மங் ஸங்ஸட்டோ² ஸெக்கோ² த⁴ம்மோ உப்பஜ்ஜதி ஹேதுபச்சயா – ஸெக்க²ங் ஏகங் க²ந்த⁴ங் ஸங்ஸட்டா² தயோ க²ந்தா⁴…பே॰… த்³வே க²ந்தே⁴…பே॰…. (1)

    33. Sekkhaṃ dhammaṃ saṃsaṭṭho sekkho dhammo uppajjati hetupaccayā – sekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    அஸெக்க²ங் த⁴ம்மங் ஸங்ஸட்டோ² அஸெக்கோ² த⁴ம்மோ உப்பஜ்ஜதி ஹேதுபச்சயா – அஸெக்க²ங் ஏகங் க²ந்த⁴ங் ஸங்ஸட்டா² தயோ க²ந்தா⁴…பே॰… த்³வே க²ந்தே⁴…பே॰…. (1)

    Asekkhaṃ dhammaṃ saṃsaṭṭho asekkho dhammo uppajjati hetupaccayā – asekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    நேவஸெக்க²னாஸெக்க²ங் த⁴ம்மங் ஸங்ஸட்டோ² நேவஸெக்க²னாஸெக்கோ² த⁴ம்மோ உப்பஜ்ஜதி ஹேதுபச்சயா – நேவஸெக்க²னாஸெக்க²ங் ஏகங் க²ந்த⁴ங் ஸங்ஸட்டா² தயோ க²ந்தா⁴…பே॰… த்³வே க²ந்தே⁴…பே॰… படிஸந்தி⁴க்க²ணே…பே॰…. (1)

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ஆரம்மணபச்சயாதி³

    Ārammaṇapaccayādi

    34. ஸெக்க²ங் த⁴ம்மங் ஸங்ஸட்டோ² ஸெக்கோ² த⁴ம்மோ உப்பஜ்ஜதி ஆரம்மணபச்சயா… அதி⁴பதிபச்சயா…பே॰… புரேஜாதபச்சயா… ஆஸேவனபச்சயா (த்³வே காதப்³பா³)…பே॰… அவிக³தபச்சயா.

    34. Sekkhaṃ dhammaṃ saṃsaṭṭho sekkho dhammo uppajjati ārammaṇapaccayā… adhipatipaccayā…pe… purejātapaccayā… āsevanapaccayā (dve kātabbā)…pe… avigatapaccayā.

    1. பச்சயானுலோமங்

    1. Paccayānulomaṃ

    2. ஸங்க்²யாவாரோ

    2. Saṅkhyāvāro

    35. ஹேதுயா தீணி, ஆரம்மணே தீணி, அதி⁴பதியா தீணி, அனந்தரே ஸமனந்தரே ஸஹஜாதே அஞ்ஞமஞ்ஞே நிஸ்ஸயே உபனிஸ்ஸயே புரேஜாதே தீணி, ஆஸேவனே த்³வே, கம்மே தீணி…பே॰… அவிக³தே தீணி (ஏவங் க³ணேதப்³ப³ங்).

    35. Hetuyā tīṇi, ārammaṇe tīṇi, adhipatiyā tīṇi, anantare samanantare sahajāte aññamaññe nissaye upanissaye purejāte tīṇi, āsevane dve, kamme tīṇi…pe… avigate tīṇi (evaṃ gaṇetabbaṃ).

    அனுலோமங்.

    Anulomaṃ.

    2. பச்சயபச்சனீயங்

    2. Paccayapaccanīyaṃ

    1. விப⁴ங்க³வாரோ

    1. Vibhaṅgavāro

    நஹேதுபச்சயோ

    Nahetupaccayo

    36. நேவஸெக்க²னாஸெக்க²ங் த⁴ம்மங் ஸங்ஸட்டோ² நேவஸெக்க²னாஸெக்கோ² த⁴ம்மோ உப்பஜ்ஜதி நஹேதுபச்சயா – அஹேதுகங் நேவஸெக்க²னாஸெக்க²ங் ஏகங் க²ந்த⁴ங் ஸங்ஸட்டா² தயோ க²ந்தா⁴…பே॰… த்³வே க²ந்தே⁴…பே॰… அஹேதுகபடிஸந்தி⁴க்க²ணே…பே॰… விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ ஸங்ஸட்டோ² விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

    36. Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    நஅதி⁴பதிபச்சயோ

    Naadhipatipaccayo

    37. ஸெக்க²ங் த⁴ம்மங் ஸங்ஸட்டோ² ஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – ஸெக்கே² க²ந்தே⁴ ஸங்ஸட்டோ² ஸெக்கோ² அதி⁴பதி. (1)

    37. Sekkhaṃ dhammaṃ saṃsaṭṭho sekkho dhammo uppajjati naadhipatipaccayā – sekkhe khandhe saṃsaṭṭho sekkho adhipati. (1)

    அஸெக்க²ங் த⁴ம்மங் ஸங்ஸட்டோ² அஸெக்கோ² த⁴ம்மோ உப்பஜ்ஜதி நஅதி⁴பதிபச்சயா – அஸெக்கே² க²ந்தே⁴ ஸங்ஸட்டோ² அஸெக்கோ² அதி⁴பதி. (1)

    Asekkhaṃ dhammaṃ saṃsaṭṭho asekkho dhammo uppajjati naadhipatipaccayā – asekkhe khandhe saṃsaṭṭho asekkho adhipati. (1)

    நேவஸெக்க²னாஸெக்க²ங் த⁴ம்மங் ஸங்ஸட்டோ² நேவஸெக்க²னாஸெக்கோ² த⁴ம்மோ உப்பஜ்ஜதி நஅதி⁴பதிபச்சயா (பரிபுண்ணங், ஏகங்).

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati naadhipatipaccayā (paripuṇṇaṃ, ekaṃ).

    நபுரேஜாதபச்சயாதி³

    Napurejātapaccayādi

    38. ஸெக்க²ங் த⁴ம்மங் ஸங்ஸட்டோ² ஸெக்கோ² த⁴ம்மோ உப்பஜ்ஜதி நபுரேஜாதபச்சயா… நபச்சா²ஜாதபச்சயா… நஆஸேவனபச்சயா… நகம்மபச்சயா (த்³வே காதப்³பா³)… நவிபாகபச்சயா (த்³வே காதப்³பா³)… நஜா²னபச்சயா… நமக்³க³பச்சயா… நவிப்பயுத்தபச்சயா…பே॰….

    38. Sekkhaṃ dhammaṃ saṃsaṭṭho sekkho dhammo uppajjati napurejātapaccayā… napacchājātapaccayā… naāsevanapaccayā… nakammapaccayā (dve kātabbā)… navipākapaccayā (dve kātabbā)… najhānapaccayā… namaggapaccayā… navippayuttapaccayā…pe….

    2. பச்சயபச்சனீயங்

    2. Paccayapaccanīyaṃ

    2. ஸங்க்²யாவாரோ

    2. Saṅkhyāvāro

    39. நஹேதுயா ஏகங், நஅதி⁴பதியா தீணி, நபுரேஜாதே தீணி, நபச்சா²ஜாதே தீணி, நஆஸேவனே தீணி, நகம்மே த்³வே, நவிபாகே த்³வே, நஜா²னே ஏகங், நமக்³கே³ ஏகங், நவிப்பயுத்தே தீணி (ஏவங் க³ணேதப்³ப³ங்).

    39. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme dve, navipāke dve, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    பச்சனீயங்.

    Paccanīyaṃ.

    3. பச்சயானுலோமபச்சனீயங்

    3. Paccayānulomapaccanīyaṃ

    40. ஹேதுபச்சயா நஅதி⁴பதியா தீணி, நபுரேஜாதே தீணி, நபச்சா²ஜாதே நஆஸேவனே தீணி, நகம்மே த்³வே, நவிபாகே த்³வே, நவிப்பயுத்தே தீணி (ஏவங் க³ணேதப்³ப³ங்).

    40. Hetupaccayā naadhipatiyā tīṇi, napurejāte tīṇi, napacchājāte naāsevane tīṇi, nakamme dve, navipāke dve, navippayutte tīṇi (evaṃ gaṇetabbaṃ).

    அனுலோமபச்சனீயங்.

    Anulomapaccanīyaṃ.

    4. பச்சயபச்சனீயானுலோமங்

    4. Paccayapaccanīyānulomaṃ

    41. நஹேதுபச்சயா ஆரம்மணே ஏகங், அனந்தரே ஸமனந்தரே ஸஹஜாதே அஞ்ஞமஞ்ஞே நிஸ்ஸயே உபனிஸ்ஸயே புரேஜாதே ஆஸேவனே கம்மே விபாகே ஆஹாரே இந்த்³ரியே ஜா²னே மக்³கே³ ஸம்பயுத்தே விப்பயுத்தே அத்தி²யா நத்தி²யா விக³தே அவிக³தே ஏகங் (ஏவங் க³ணேதப்³ப³ங்).

    41. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    பச்சனீயானுலோமங்.

    Paccanīyānulomaṃ.

    ஸங்ஸட்ட²வாரோ.

    Saṃsaṭṭhavāro.

    6. ஸம்பயுத்தவாரோ

    6. Sampayuttavāro

    (ஸம்பயுத்தவாரோ ஸங்ஸட்ட²வாரஸதி³ஸோ.)

    (Sampayuttavāro saṃsaṭṭhavārasadiso.)

    7. பஞ்ஹாவாரோ

    7. Pañhāvāro

    1. பச்சயானுலோமங்

    1. Paccayānulomaṃ

    1. விப⁴ங்க³வாரோ

    1. Vibhaṅgavāro

    ஹேதுபச்சயோ

    Hetupaccayo

    42. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஹேதுபச்சயேன பச்சயோ – ஸெக்கா² ஹேதூ ஸம்பயுத்தகானங் க²ந்தா⁴னங் ஹேதுபச்சயேன பச்சயோ. (1)

    42. Sekkho dhammo sekkhassa dhammassa hetupaccayena paccayo – sekkhā hetū sampayuttakānaṃ khandhānaṃ hetupaccayena paccayo. (1)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஹேதுபச்சயேன பச்சயோ – ஸெக்கா² ஹேதூ சித்தஸமுட்டா²னானங் ரூபானங் ஹேதுபச்சயேன பச்சயோ. (2)

    Sekkho dhammo nevasekkhanāsekkhassa dhammassa hetupaccayena paccayo – sekkhā hetū cittasamuṭṭhānānaṃ rūpānaṃ hetupaccayena paccayo. (2)

    ஸெக்கோ² த⁴ம்மோ ஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ ஹேதுபச்சயேன பச்சயோ – ஸெக்கா² ஹேதூ ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் ஹேதுபச்சயேன பச்சயோ. (3)

    Sekkho dhammo sekkhassa ca nevasekkhanāsekkhassa ca dhammassa hetupaccayena paccayo – sekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ (தீணி).

    Asekkho dhammo asekkhassa dhammassa (tīṇi).

    நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஹேதுபச்சயேன பச்சயோ – நேவஸெக்க²னாஸெக்கா² ஹேதூ ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் ஹேதுபச்சயேன பச்சயோ. படிஸந்தி⁴க்க²ணே…பே॰…. (1)

    Nevasekkhanāsekkho dhammo nevasekkhanāsekkhassa dhammassa hetupaccayena paccayo – nevasekkhanāsekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    ஆரம்மணபச்சயோ

    Ārammaṇapaccayo

    43. ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா மக்³க³ங் பச்சவெக்க²ந்தி, ஸெக்க²ங் ப²லங் பச்சவெக்க²ந்தி, சேதோபரியஞாணேன ஸெக்க²சித்தஸமங்கி³ஸ்ஸ சித்தங் ஜானந்தி, ஸெக்கா² க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தங்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

    43. Sekkho dhammo nevasekkhanāsekkhassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, sekkhaṃ phalaṃ paccavekkhanti, cetopariyañāṇena sekkhacittasamaṅgissa cittaṃ jānanti, sekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – அரஹா அஸெக்க²ங் ப²லங் பச்சவெக்க²தி, சேதோபரியஞாணேன அஸெக்க²சித்தஸமங்கி³ஸ்ஸ சித்தங் ஜானாதி, அஸெக்கா² க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தங்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

    Asekkho dhammo nevasekkhanāsekkhassa dhammassa ārammaṇapaccayena paccayo – arahā asekkhaṃ phalaṃ paccavekkhati, cetopariyañāṇena asekkhacittasamaṅgissa cittaṃ jānāti, asekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    44. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னங் த³த்வா ஸீலங் ஸமாதி³யித்வா உபோஸத²கம்மங் கத்வா தங் பச்சவெக்க²தி, புப்³பே³ ஸுசிண்ணானி…பே॰… ஜா²னா வுட்ட²ஹித்வா ஜா²னங் பச்சவெக்க²தி, அரியா நிப்³பா³னங் பச்சவெக்க²ந்தி. நிப்³பா³னங் கொ³த்ரபு⁴ஸ்ஸ, வோதா³னஸ்ஸ, ஆவஜ்ஜனாய ஆரம்மணபச்சயேன பச்சயோ. அரியா பஹீனே கிலேஸே பச்சவெக்க²ந்தி விக்க²ம்பி⁴தே கிலேஸே பச்சவெக்க²ந்தி, புப்³பே³ ஸமுதா³சிண்ணே கிலேஸே ஜானந்தி, சக்கு²ங் அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதெ³ந்தி அபி⁴னந்த³ந்தி, தங் ஆரப்³ப⁴ ராகோ³ உப்பஜ்ஜதி…பே॰… தோ³மனஸ்ஸங் உப்பஜ்ஜதி, ஸோதங்…பே॰… வத்து²ங் நேவஸெக்க²னாஸெக்கே² க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதெ³ந்தி…பே॰… தோ³மனஸ்ஸங் உப்பஜ்ஜதி, தி³ப்³பே³ன சக்கு²னா ரூபங் பஸ்ஸதி, தி³ப்³பா³ய ஸோததா⁴துயா ஸத்³த³ங் ஸுணாதி, சேதோபரியஞாணேன நேவஸெக்க²னாஸெக்க²சித்தஸமங்கி³ஸ்ஸ சித்தங் ஜானாதி, ஆகாஸானஞ்சாயதனங் விஞ்ஞாணஞ்சாயதனஸ்ஸ…பே॰… ஆகிஞ்சஞ்ஞாயதனங் நேவஸஞ்ஞானாஸஞ்ஞாயதனஸ்ஸ ஆரம்மணபச்சயேன பச்சயோ. ரூபாயதனங் சக்கு²விஞ்ஞாணஸ்ஸ…பே॰… பொ²ட்ட²ப்³பா³யதனங் காயவிஞ்ஞாணஸ்ஸ…பே॰… நேவஸெக்க²னாஸெக்கா² க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தங்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

    44. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā pahīne kilese paccavekkhanti vikkhambhite kilese paccavekkhanti, pubbe samudāciṇṇe kilese jānanti, cakkhuṃ aniccato dukkhato anattato vipassanti, assādenti abhinandanti, taṃ ārabbha rāgo uppajjati…pe… domanassaṃ uppajjati, sotaṃ…pe… vatthuṃ nevasekkhanāsekkhe khandhe aniccato dukkhato anattato vipassanti, assādenti…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena nevasekkhanāsekkhacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… nevasekkhanāsekkhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னங் மக்³க³ஸ்ஸ, ஸெக்க²ஸ்ஸ ப²லஸ்ஸ ஆரம்மணபச்சயேன பச்சயோ. (2)

    Nevasekkhanāsekkho dhammo sekkhassa dhammassa ārammaṇapaccayena paccayo – nibbānaṃ maggassa, sekkhassa phalassa ārammaṇapaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னங் அஸெக்க²ஸ்ஸ ப²லஸ்ஸ ஆரம்மணபச்சயேன பச்சயோ. (3)

    Nevasekkhanāsekkho dhammo asekkhassa dhammassa ārammaṇapaccayena paccayo – nibbānaṃ asekkhassa phalassa ārammaṇapaccayena paccayo. (3)

    அதி⁴பதிபச்சயோ

    Adhipatipaccayo

    45. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸெக்கா²தி⁴பதி ஸம்பயுத்தகானங் க²ந்தா⁴னங் அதி⁴பதிபச்சயேன பச்சயோ. (1)

    45. Sekkho dhammo sekkhassa dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ adhipatipaccayena paccayo. (1)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா மக்³க³ங் க³ருங் கத்வா பச்சவெக்க²ந்தி, ஸெக்க²ங் ப²லங் க³ருங் கத்வா பச்சவெக்க²ந்தி . ஸஹஜாதாதி⁴பதி – ஸெக்கா²தி⁴பதி சித்தஸமுட்டா²னானங் ரூபானங் அதி⁴பதிபச்சயேன பச்சயோ. (2)

    Sekkho dhammo nevasekkhanāsekkhassa dhammassa adhipatipaccayena paccayo. Ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, sekkhaṃ phalaṃ garuṃ katvā paccavekkhanti . Sahajātādhipati – sekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    ஸெக்கோ² த⁴ம்மோ ஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸெக்கா²தி⁴பதி ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் அதி⁴பதிபச்சயேன பச்சயோ. (3)

    Sekkho dhammo sekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    46. அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அஸெக்கா²தி⁴பதி ஸம்பயுத்தகானங் க²ந்தா⁴னங் அதி⁴பதிபச்சயேன பச்சயோ. (1)

    46. Asekkho dhammo asekkhassa dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ adhipatipaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரஹா அஸெக்க²ங் ப²லங் க³ருங் கத்வா பச்சவெக்க²தி. ஸஹஜாதாதி⁴பதி – அஸெக்கா²தி⁴பதி சித்தஸமுட்டா²னானங் ரூபானங் அதி⁴பதிபச்சயேன பச்சயோ. (2)

    Asekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā asekkhaṃ phalaṃ garuṃ katvā paccavekkhati. Sahajātādhipati – asekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    அஸெக்கோ² த⁴ம்மோ அஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அஸெக்கா²தி⁴பதி ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் அதி⁴பதிபச்சயேன பச்சயோ. (3)

    Asekkho dhammo asekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    47. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னங் த³த்வா ஸீலங் ஸமாதி³யித்வா உபோஸத²கம்மங் கத்வா தங் க³ருங் கத்வா பச்சவெக்க²தி, புப்³பே³ ஸுசிண்ணானி க³ருங் கத்வா பச்சவெக்க²தி, ஜா²னா வுட்ட²ஹித்வா ஜா²னங் க³ருங் கத்வா பச்சவெக்க²தி, அரியா நிப்³பா³னங் க³ருங் கத்வா பச்சவெக்க²ந்தி, நிப்³பா³னங் கொ³த்ரபு⁴ஸ்ஸ, வோதா³னஸ்ஸ அதி⁴பதிபச்சயேன பச்சயோ. சக்கு²ங் க³ருங் கத்வா அஸ்ஸாதே³தி அபி⁴னந்த³தி, தங் க³ருங் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸோதங்…பே॰… வத்து²ங் நேவஸெக்க²னாஸெக்கே² க²ந்தே⁴ க³ருங் கத்வா அஸ்ஸாதே³தி அபி⁴னந்த³தி, தங் க³ருங் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – நேவஸெக்க²னாஸெக்கா²தி⁴பதி ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் அதி⁴பதிபச்சயேன பச்சயோ. (1)

    47. Nevasekkhanāsekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ariyā nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Cakkhuṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sotaṃ…pe… vatthuṃ nevasekkhanāsekkhe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nevasekkhanāsekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – நிப்³பா³னங் மக்³க³ஸ்ஸ, ஸெக்க²ஸ்ஸ ப²லஸ்ஸ அதி⁴பதிபச்சயேன பச்சயோ. (2)

    Nevasekkhanāsekkho dhammo sekkhassa dhammassa adhipatipaccayena paccayo. Ārammaṇādhipati – nibbānaṃ maggassa, sekkhassa phalassa adhipatipaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – நிப்³பா³னங் அஸெக்க²ஸ்ஸ ப²லஸ்ஸ அதி⁴பதிபச்சயேன பச்சயோ. (3)

    Nevasekkhanāsekkho dhammo asekkhassa dhammassa adhipatipaccayena paccayo. Ārammaṇādhipati – nibbānaṃ asekkhassa phalassa adhipatipaccayena paccayo. (3)

    அனந்தரபச்சயோ

    Anantarapaccayo

    48. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஸெக்கா² க²ந்தா⁴ பச்சி²மானங் பச்சி²மானங் ஸெக்கா²னங் க²ந்தா⁴னங் அனந்தரபச்சயேன பச்சயோ. மக்³கோ³ ஸெக்க²ஸ்ஸ ப²லஸ்ஸ… ஸெக்க²ங் ப²லங் ஸெக்க²ஸ்ஸ ப²லஸ்ஸ அனந்தரபச்சயேன பச்சயோ. (1)

    48. Sekkho dhammo sekkhassa dhammassa anantarapaccayena paccayo – purimā purimā sekkhā khandhā pacchimānaṃ pacchimānaṃ sekkhānaṃ khandhānaṃ anantarapaccayena paccayo. Maggo sekkhassa phalassa… sekkhaṃ phalaṃ sekkhassa phalassa anantarapaccayena paccayo. (1)

    ஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – மக்³கோ³ அஸெக்க²ஸ்ஸ ப²லஸ்ஸ அனந்தரபச்சயேன பச்சயோ. (2)

    Sekkho dhammo asekkhassa dhammassa anantarapaccayena paccayo – maggo asekkhassa phalassa anantarapaccayena paccayo. (2)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – ஸெக்க²ங் ப²லங் வுட்டா²னஸ்ஸ அனந்தரபச்சயேன பச்சயோ. (3)

    Sekkho dhammo nevasekkhanāsekkhassa dhammassa anantarapaccayena paccayo – sekkhaṃ phalaṃ vuṭṭhānassa anantarapaccayena paccayo. (3)

    49. அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அஸெக்கா² க²ந்தா⁴ பச்சி²மானங் பச்சி²மானங் அஸெக்கா²னங் க²ந்தா⁴னங் அனந்தரபச்சயேன பச்சயோ. அஸெக்க²ங் ப²லங் அஸெக்க²ஸ்ஸ ப²லஸ்ஸ அனந்தரபச்சயேன பச்சயோ. (1)

    49. Asekkho dhammo asekkhassa dhammassa anantarapaccayena paccayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ anantarapaccayena paccayo. Asekkhaṃ phalaṃ asekkhassa phalassa anantarapaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – அஸெக்க²ங் ப²லங் வுட்டா²னஸ்ஸ அனந்தரபச்சயேன பச்சயோ. (2)

    Asekkho dhammo nevasekkhanāsekkhassa dhammassa anantarapaccayena paccayo – asekkhaṃ phalaṃ vuṭṭhānassa anantarapaccayena paccayo. (2)

    50. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நேவஸெக்க²னாஸெக்கா² க²ந்தா⁴ பச்சி²மானங் பச்சி²மானங் நேவஸெக்க²னாஸெக்கா²னங் க²ந்தா⁴னங்…பே॰… அனுலோமங் கொ³த்ரபு⁴ஸ்ஸ… அனுலோமங் வோதா³னஸ்ஸ… ஆவஜ்ஜனா நேவஸெக்க²னாஸெக்கா²னங் க²ந்தா⁴னங் அனந்தரபச்சயேன பச்சயோ. (1)

    50. Nevasekkhanāsekkho dhammo nevasekkhanāsekkhassa dhammassa anantarapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ…pe… anulomaṃ gotrabhussa… anulomaṃ vodānassa… āvajjanā nevasekkhanāsekkhānaṃ khandhānaṃ anantarapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – கொ³த்ரபு⁴ மக்³க³ஸ்ஸ… வோதா³னங் மக்³க³ஸ்ஸ… அனுலோமங் ஸெக்கா²ய ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகுஸலங் ஸெக்கா²ய ப²லஸமாபத்தியா அனந்தரபச்சயேன பச்சயோ. (2)

    Nevasekkhanāsekkho dhammo sekkhassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ sekkhāya phalasamāpattiyā… nirodhā vuṭṭhahantassa nevasaññānāsaññāyatanakusalaṃ sekkhāya phalasamāpattiyā anantarapaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – அனுலோமங் அஸெக்கா²ய ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகிரியங் அஸெக்கா²ய ப²லஸமாபத்தியா அனந்தரபச்சயேன பச்சயோ. (3)

    Nevasekkhanāsekkho dhammo asekkhassa dhammassa anantarapaccayena paccayo – anulomaṃ asekkhāya phalasamāpattiyā… nirodhā vuṭṭhahantassa nevasaññānāsaññāyatanakiriyaṃ asekkhāya phalasamāpattiyā anantarapaccayena paccayo. (3)

    ஸமனந்தரபச்சயோ

    Samanantarapaccayo

    51. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஸமனந்தரபச்சயேன பச்சயோ…பே॰… (அனந்தரஸதி³ஸங், அட்ட² பஞ்ஹா).

    51. Sekkho dhammo sekkhassa dhammassa samanantarapaccayena paccayo…pe… (anantarasadisaṃ, aṭṭha pañhā).

    ஸஹஜாதபச்சயாதி³

    Sahajātapaccayādi

    52. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஸஹஜாதபச்சயேன பச்சயோ…பே॰… (படிச்சவாரே ஸஹஜாதஸதி³ஸங், நவ பஞ்ஹா) அஞ்ஞமஞ்ஞபச்சயேன பச்சயோ (படிச்சவாரே அஞ்ஞமஞ்ஞஸதி³ஸங், தீணி. நிஸ்ஸயபச்சயே குஸலத்திகே நிஸ்ஸயபச்சயஸதி³ஸங், தேரஸ பஞ்ஹா).

    52. Sekkho dhammo sekkhassa dhammassa sahajātapaccayena paccayo…pe… (paṭiccavāre sahajātasadisaṃ, nava pañhā) aññamaññapaccayena paccayo (paṭiccavāre aññamaññasadisaṃ, tīṇi. Nissayapaccaye kusalattike nissayapaccayasadisaṃ, terasa pañhā).

    உபனிஸ்ஸயபச்சயோ

    Upanissayapaccayo

    53. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – பட²மோ மக்³கோ³ து³தியஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. து³தியோ மக்³கோ³ ததியஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. ததியோ மக்³கோ³ சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. மக்³கோ³ ஸெக்கா²ய ப²லஸமாபத்தியா உபனிஸ்ஸயபச்சயேன பச்சயோ. (1)

    53. Sekkho dhammo sekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa upanissayapaccayena paccayo. Tatiyo maggo catutthassa maggassa upanissayapaccayena paccayo. Maggo sekkhāya phalasamāpattiyā upanissayapaccayena paccayo. (1)

    ஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – மக்³கோ³ அஸெக்கா²ய ப²லஸமாபத்தியா உபனிஸ்ஸயபச்சயேன பச்சயோ. (2)

    Sekkho dhammo asekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – maggo asekkhāya phalasamāpattiyā upanissayapaccayena paccayo. (2)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சய – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – அரியா மக்³க³ங் உபனிஸ்ஸாய அனுப்பன்னங் குஸலஸமாபத்திங் உப்பாதெ³ந்தி, உப்பன்னங் ஸமாபஜ்ஜந்தி, ஸங்கா²ரே அனிச்சதோ…பே॰… விபஸ்ஸந்தி, மக்³கோ³ அரியானங் அத்த²ப்படிஸம்பி⁴தா³ய…பே॰… படிபா⁴னப்படிஸம்பி⁴தா³ய… டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ. ஸெக்கா² ப²லஸமாபத்தியா காயிகஸ்ஸ ஸுக²ஸ்ஸ உபனிஸ்ஸயபச்சயேன பச்சயோ. (3)

    Sekkho dhammo nevasekkhanāsekkhassa dhammassa upanissayapaccayena paccaya – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ kusalasamāpattiṃ uppādenti, uppannaṃ samāpajjanti, saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. Sekkhā phalasamāpattiyā kāyikassa sukhassa upanissayapaccayena paccayo. (3)

    54. அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. அனந்தரூபனிஸ்ஸயோ – புரிமா புரிமா அஸெக்கா² க²ந்தா⁴ பச்சி²மானங் பச்சி²மானங் அஸெக்கா²னங் க²ந்தா⁴னங்…பே॰… அஸெக்க²ங் ப²லங் அஸெக்க²ஸ்ஸ ப²லஸ்ஸ உபனிஸ்ஸயபச்சயேன பச்சயோ. (1)

    54. Asekkho dhammo asekkhassa dhammassa upanissayapaccayena paccayo. Anantarūpanissayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ…pe… asekkhaṃ phalaṃ asekkhassa phalassa upanissayapaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – அஸெக்கா² ப²லஸமாபத்தி காயிகஸ்ஸ ஸுக²ஸ்ஸ உபனிஸ்ஸயபச்சயேன பச்சயோ. (2)

    Asekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – asekkhā phalasamāpatti kāyikassa sukhassa upanissayapaccayena paccayo. (2)

    55. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – நேவஸெக்க²னாஸெக்க²ங் ஸத்³த⁴ங் உபனிஸ்ஸாய தா³னங் தே³தி. ஸீலங்…பே॰… உபோஸத²கம்மங்…பே॰… ஜா²னங்…பே॰… விபஸ்ஸனங்…பே॰… அபி⁴ஞ்ஞங்…பே॰… ஸமாபத்திங் உப்பாதே³தி, மானங் ஜப்பேதி, தி³ட்டி²ங் க³ண்ஹாதி. நேவஸெக்க²னாஸெக்க²ங் ஸீலங்…பே॰… பஞ்ஞங்… ராக³ங்…பே॰… பத்த²னங்… காயிகங் ஸுக²ங்…பே॰… உதுங்… போ⁴ஜனங்… ஸேனாஸனங் உபனிஸ்ஸாய தா³னங் தே³தி, ஸீலங்…பே॰… ஸமாபத்திங் உப்பாதே³தி, பாணங் ஹனதி…பே॰… ஸங்க⁴ங் பி⁴ந்த³தி. நேவஸெக்க²னாஸெக்கா² ஸத்³தா⁴…பே॰… பஞ்ஞா, ராகோ³…பே॰… பத்த²னா, காயிகங் ஸுக²ங்…பே॰… ஸேனாஸனங் நேவஸெக்க²னாஸெக்கா²ய ஸத்³தா⁴ய…பே॰… பஞ்ஞாய, ராக³ஸ்ஸ…பே॰… பத்த²னாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ உபனிஸ்ஸயபச்சயேன பச்சயோ. பட²மஸ்ஸ ஜா²னஸ்ஸ பரிகம்மங் பட²மஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே॰… நேவஸஞ்ஞானாஸஞ்ஞாயதனஸ்ஸ பரிகம்மங் நேவஸஞ்ஞானாஸஞ்ஞாயதனஸ்ஸ…பே॰… பட²மங் ஜா²னங் து³தியஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே॰… ஆகிஞ்சஞ்ஞாயதனங் நேவஸஞ்ஞானாஸஞ்ஞாயதனஸ்ஸ உபனிஸ்ஸயபச்சயேன பச்சயோ. (1)

    55. Nevasekkhanāsekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nevasekkhanāsekkhaṃ saddhaṃ upanissāya dānaṃ deti. Sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Nevasekkhanāsekkhaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… utuṃ… bhojanaṃ… senāsanaṃ upanissāya dānaṃ deti, sīlaṃ…pe… samāpattiṃ uppādeti, pāṇaṃ hanati…pe… saṅghaṃ bhindati. Nevasekkhanāsekkhā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ nevasekkhanāsekkhāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Paṭhamassa jhānassa parikammaṃ paṭhamassa jhānassa upanissayapaccayena paccayo…pe… nevasaññānāsaññāyatanassa parikammaṃ nevasaññānāsaññāyatanassa…pe… paṭhamaṃ jhānaṃ dutiyassa jhānassa upanissayapaccayena paccayo…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ , அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – பட²மஸ்ஸ மக்³க³ஸ்ஸ பரிகம்மங் பட²மஸ்ஸ மக்³க³ஸ்ஸ உபனிஸ்ஸயபச்சயேன பச்சயோ…பே॰… சதுத்த²ஸ்ஸ மக்³க³ஸ்ஸ பரிகம்மங் சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (2)

    Nevasekkhanāsekkho dhammo sekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo…pe… catutthassa maggassa parikammaṃ catutthassa maggassa upanissayapaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – காயிகங் ஸுக²ங்… காயிகங் து³க்க²ங்… உதுங்… போ⁴ஜனங்… ஸேனாஸனங் அஸெக்கா²ய ப²லஸமாபத்தியா உபனிஸ்ஸயபச்சயேன பச்சயோ. (3)

    Nevasekkhanāsekkho dhammo asekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ asekkhāya phalasamāpattiyā upanissayapaccayena paccayo. (3)

    புரேஜாதபச்சயோ

    Purejātapaccayo

    56. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதங், வத்து²புரேஜாதங். ஆரம்மணபுரேஜாதங் – சக்கு²ங் அனிச்சதோ…பே॰… விபஸ்ஸதி, அஸ்ஸாதே³தி அபி⁴னந்த³தி; தங் ஆரப்³ப⁴ ராகோ³ உப்பஜ்ஜதி…பே॰… தோ³மனஸ்ஸங் உப்பஜ்ஜதி. ஸோதங்…பே॰… வத்து²ங் அனிச்சதோ து³க்க²தோ அனத்ததோ விபஸ்ஸதி…பே॰… தோ³மனஸ்ஸங் உப்பஜ்ஜதி, தி³ப்³பே³ன சக்கு²னா ரூபங் பஸ்ஸதி, தி³ப்³பா³ய ஸோததா⁴துயா ஸத்³த³ங் ஸுணாதி, ரூபாயதனங் சக்கு²விஞ்ஞாணஸ்ஸ…பே॰… பொ²ட்ட²ப்³பா³யதனங் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதங் – சக்கா²யதனங் சக்கு²விஞ்ஞாணஸ்ஸ…பே॰… காயாயதனங் காயவிஞ்ஞாணஸ்ஸ, வத்து² நேவஸெக்க²னாஸெக்கா²னங் க²ந்தா⁴னங் புரேஜாதபச்சயேன பச்சயோ. (1)

    56. Nevasekkhanāsekkho dhammo nevasekkhanāsekkhassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ purejātapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதங் – வத்து² ஸெக்கா²னங் க²ந்தா⁴னங் புரேஜாதபச்சயேன பச்சயோ. (2)

    Nevasekkhanāsekkho dhammo sekkhassa dhammassa purejātapaccayena paccayo. Vatthupurejātaṃ – vatthu sekkhānaṃ khandhānaṃ purejātapaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதங் – வத்து² அஸெக்கா²னங் க²ந்தா⁴னங் புரேஜாதபச்சயேன பச்சயோ. (3)

    Nevasekkhanāsekkho dhammo asekkhassa dhammassa purejātapaccayena paccayo. Vatthupurejātaṃ – vatthu asekkhānaṃ khandhānaṃ purejātapaccayena paccayo. (3)

    பச்சா²ஜாதபச்சயோ

    Pacchājātapaccayo

    57. ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

    57. Sekkho dhammo nevasekkhanāsekkhassa dhammassa pacchājātapaccayena paccayo – pacchājātā sekkhā khandhā purejātassa imassa kāyassa pacchājātapaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா அஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

    Asekkho dhammo nevasekkhanāsekkhassa dhammassa pacchājātapaccayena paccayo – pacchājātā asekkhā khandhā purejātassa imassa kāyassa pacchājātapaccayena paccayo. (1)

    நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா நேவஸெக்க²னாஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

    Nevasekkhanāsekkho dhammo nevasekkhanāsekkhassa dhammassa pacchājātapaccayena paccayo – pacchājātā nevasekkhanāsekkhā khandhā purejātassa imassa kāyassa pacchājātapaccayena paccayo. (1)

    ஆஸேவனபச்சயோ

    Āsevanapaccayo

    58. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா நேவஸெக்க²னாஸெக்கா² க²ந்தா⁴ பச்சி²மானங் பச்சி²மானங் நேவஸெக்க²னாஸெக்கா²னங் க²ந்தா⁴னங் ஆஸேவனபச்சயேன பச்சயோ. அனுலோமங் கொ³த்ரபு⁴ஸ்ஸ… அனுலோமங் வோதா³னஸ்ஸ ஆஸேவனபச்சயேன பச்சயோ. (1)

    58. Nevasekkhanāsekkho dhammo nevasekkhanāsekkhassa dhammassa āsevanapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஆஸேவனபச்சயேன பச்சயோ – கொ³த்ரபு⁴ மக்³க³ஸ்ஸ… வோதா³னங் மக்³க³ஸ்ஸ ஆஸேவனபச்சயேன பச்சயோ. (2)

    Nevasekkhanāsekkho dhammo sekkhassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)

    கம்மபச்சயோ

    Kammapaccayo

    59. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸெக்கா² சேதனா ஸம்பயுத்தகானங் க²ந்தா⁴னங் கம்மபச்சயேன பச்சயோ. நானாக்க²ணிகா – ஸெக்கா² சேதனா விபாகானங் ஸெக்கா²னங் க²ந்தா⁴னங் கம்மபச்சயேன பச்சயோ. (1)

    59. Sekkho dhammo sekkhassa dhammassa kammapaccayena paccayo – sahajātā, nānākkhaṇikā. Sahajātā – sekkhā cetanā sampayuttakānaṃ khandhānaṃ kammapaccayena paccayo. Nānākkhaṇikā – sekkhā cetanā vipākānaṃ sekkhānaṃ khandhānaṃ kammapaccayena paccayo. (1)

    ஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – ஸெக்கா² சேதனா அஸெக்கா²னங் க²ந்தா⁴னங் கம்மபச்சயேன பச்சயோ. (2)

    Sekkho dhammo asekkhassa dhammassa kammapaccayena paccayo. Nānākkhaṇikā – sekkhā cetanā asekkhānaṃ khandhānaṃ kammapaccayena paccayo. (2)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ கம்மபச்சயேன பச்சயோ. ஸஹஜாதா – ஸெக்கா² சேதனா சித்தஸமுட்டா²னானங் ரூபானங் கம்மபச்சயேன பச்சயோ. (3)

    Sekkho dhammo nevasekkhanāsekkhassa dhammassa kammapaccayena paccayo. Sahajātā – sekkhā cetanā cittasamuṭṭhānānaṃ rūpānaṃ kammapaccayena paccayo. (3)

    ஸெக்கோ² த⁴ம்மோ ஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ கம்மபச்சயேன பச்சயோ – ஸெக்கா² சேதனா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் கம்மபச்சயேன பச்சயோ. (4)

    Sekkho dhammo sekkhassa ca nevasekkhanāsekkhassa ca dhammassa kammapaccayena paccayo – sekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (4)

    60. அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ கம்மபச்சயேன பச்சயோ – அஸெக்கா² சேதனா ஸம்பயுத்தகானங் க²ந்தா⁴னங் கம்மபச்சயேன பச்சயோ. (1)

    60. Asekkho dhammo asekkhassa dhammassa kammapaccayena paccayo – asekkhā cetanā sampayuttakānaṃ khandhānaṃ kammapaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ கம்மபச்சயேன பச்சயோ – அஸெக்கா² சேதனா சித்தஸமுட்டா²னானங் ரூபானங் கம்மபச்சயேன பச்சயோ. (2)

    Asekkho dhammo nevasekkhanāsekkhassa dhammassa kammapaccayena paccayo – asekkhā cetanā cittasamuṭṭhānānaṃ rūpānaṃ kammapaccayena paccayo. (2)

    அஸெக்கோ² த⁴ம்மோ அஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ கம்மபச்சயேன பச்சயோ – அஸெக்கா² சேதனா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் கம்மபச்சயேன பச்சயோ. (3)

    Asekkho dhammo asekkhassa ca nevasekkhanāsekkhassa ca dhammassa kammapaccayena paccayo – asekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    61. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நேவஸெக்க²னாஸெக்கா² சேதனா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் கம்மபச்சயேன பச்சயோ. படிஸந்தி⁴க்க²ணே…பே॰…. நானாக்க²ணிகா – நேவஸெக்க²னாஸெக்கா² சேதனா விபாகானங் நேவஸெக்க²னாஸெக்கா²னங் க²ந்தா⁴னங் கடத்தா ச ரூபானங் கம்மபச்சயேன பச்சயோ. (1)

    61. Nevasekkhanāsekkho dhammo nevasekkhanāsekkhassa dhammassa kammapaccayena paccayo – sahajātā, nānākkhaṇikā. Sahajātā – nevasekkhanāsekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – nevasekkhanāsekkhā cetanā vipākānaṃ nevasekkhanāsekkhānaṃ khandhānaṃ kaṭattā ca rūpānaṃ kammapaccayena paccayo. (1)

    விபாகபச்சயோ

    Vipākapaccayo

    62. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ விபாகபச்சயேன பச்சயோ – விபாகோ ஸெக்கோ² ஏகோ க²ந்தோ⁴ திண்ணன்னங் க²ந்தா⁴னங்…பே॰… (ஸெக்க²மூலகே தீணி ).

    62. Sekkho dhammo sekkhassa dhammassa vipākapaccayena paccayo – vipāko sekkho eko khandho tiṇṇannaṃ khandhānaṃ…pe… (sekkhamūlake tīṇi ).

    அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ விபாகபச்சயேன பச்சயோ – அஸெக்கோ² ஏகோ க²ந்தோ⁴ திண்ணன்னங் க²ந்தா⁴னங்…பே॰… (அஸெக்க²மூலகே தீணி).

    Asekkho dhammo asekkhassa dhammassa vipākapaccayena paccayo – asekkho eko khandho tiṇṇannaṃ khandhānaṃ…pe… (asekkhamūlake tīṇi).

    நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ விபாகபச்சயேன பச்சயோ – விபாகோ நேவஸெக்க²னாஸெக்கோ² ஏகோ க²ந்தோ⁴ திண்ணன்னங் க²ந்தா⁴னங்…பே॰… படிஸந்தி⁴க்க²ணே…பே॰… க²ந்தா⁴ வத்து²ஸ்ஸ விபாகபச்சயேன பச்சயோ. (1)

    Nevasekkhanāsekkho dhammo nevasekkhanāsekkhassa dhammassa vipākapaccayena paccayo – vipāko nevasekkhanāsekkho eko khandho tiṇṇannaṃ khandhānaṃ…pe… paṭisandhikkhaṇe…pe… khandhā vatthussa vipākapaccayena paccayo. (1)

    ஆஹாரபச்சயாதி³

    Āhārapaccayādi

    63. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ…பே॰….

    63. Sekkho dhammo sekkhassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo…pe….

    விப்பயுத்தபச்சயோ

    Vippayuttapaccayo

    64. ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதங், பச்சா²ஜாதங். ஸஹஜாதா – ஸெக்கா² க²ந்தா⁴ சித்தஸமுட்டா²னானங் ரூபானங் விப்பயுத்தபச்சயேன பச்சயோ. பச்சா²ஜாதா – ஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ (1).

    64. Sekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – sekkhā khandhā purejātassa imassa kāyassa vippayuttapaccayena paccayo (1).

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதங், பச்சா²ஜாதங் (ஸெக்க²ஸதி³ஸங்).

    Asekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ (sekkhasadisaṃ).

    நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதங் , புரேஜாதங், பச்சா²ஜாதங். ஸஹஜாதா – நேவஸெக்க²னாஸெக்கா² க²ந்தா⁴ சித்தஸமுட்டா²னானங் ரூபானங் விப்பயுத்தபச்சயேன பச்சயோ. படிஸந்தி⁴க்க²ணே நேவஸெக்க²னாஸெக்கா² க²ந்தா⁴ கடத்தாரூபானங் விப்பயுத்தபச்சயேன பச்சயோ. க²ந்தா⁴ வத்து²ஸ்ஸ விப்பயுத்தபச்சயேன பச்சயோ. வத்து² க²ந்தா⁴னங் விப்பயுத்தபச்சயேன பச்சயோ. புரேஜாதங் – சக்கா²யதனங் சக்கு²விஞ்ஞாணஸ்ஸ…பே॰… காயாயதனங் காயவிஞ்ஞாணஸ்ஸ, வத்து² நேவஸெக்க²னாஸெக்கா²னங் க²ந்தா⁴னங் விப்பயுத்தபச்சயேன பச்சயோ. பச்சா²ஜாதா – நேவஸெக்க²னாஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

    Nevasekkhanāsekkho dhammo nevasekkhanāsekkhassa dhammassa vippayuttapaccayena paccayo – sahajātaṃ , purejātaṃ, pacchājātaṃ. Sahajātā – nevasekkhanāsekkhā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe nevasekkhanāsekkhā khandhā kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ vippayuttapaccayena paccayo. Pacchājātā – nevasekkhanāsekkhā khandhā purejātassa imassa kāyassa vippayuttapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதங் – வத்து² ஸெக்கா²னங் க²ந்தா⁴னங் விப்பயுத்தபச்சயேன பச்சயோ. (2)

    Nevasekkhanāsekkho dhammo sekkhassa dhammassa vippayuttapaccayena paccayo. Purejātaṃ – vatthu sekkhānaṃ khandhānaṃ vippayuttapaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதங் – வத்து² அஸெக்கா²னங் க²ந்தா⁴னங் விப்பயுத்தபச்சயேன பச்சயோ. (3)

    Nevasekkhanāsekkho dhammo asekkhassa dhammassa vippayuttapaccayena paccayo. Purejātaṃ – vatthu asekkhānaṃ khandhānaṃ vippayuttapaccayena paccayo. (3)

    அத்தி²பச்சயோ

    Atthipaccayo

    65. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸெக்கோ² ஏகோ க²ந்தோ⁴ திண்ணன்னங் க²ந்தா⁴னங்…பே॰…. (1)

    65. Sekkho dhammo sekkhassa dhammassa atthipaccayena paccayo – sekkho eko khandho tiṇṇannaṃ khandhānaṃ…pe…. (1)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், பச்சா²ஜாதங். ஸஹஜாதா – ஸெக்கா² க²ந்தா⁴ சித்தஸமுட்டா²னானங் ரூபானங் அத்தி²பச்சயேன பச்சயோ. பச்சா²ஜாதா – ஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

    Sekkho dhammo nevasekkhanāsekkhassa dhammassa atthipaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā purejātassa imassa kāyassa atthipaccayena paccayo. (2)

    ஸெக்கோ² த⁴ம்மோ ஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸெக்கோ² ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் அத்தி²பச்சயேன பச்சயோ…பே॰… த்³வே க²ந்தா⁴…பே॰…. (3)

    Sekkho dhammo sekkhassa ca nevasekkhanāsekkhassa ca dhammassa atthipaccayena paccayo – sekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ…பே॰… தீணி (ஸெக்க²ஸதி³ஸங்).

    Asekkho dhammo asekkhassa dhammassa atthipaccayena paccayo…pe… tīṇi (sekkhasadisaṃ).

    66. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், புரேஜாதங், பச்சா²ஜாதங், ஆஹாரங், இந்த்³ரியங். ஸஹஜாதோ – நேவஸெக்க²னாஸெக்கோ² ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் அத்தி²பச்சயேன பச்சயோ…பே॰… த்³வே க²ந்தா⁴…பே॰… படிஸந்தி⁴க்க²ணே…பே॰… க²ந்தா⁴ வத்து²ஸ்ஸ அத்தி²பச்சயேன பச்சயோ. வத்து² க²ந்தா⁴னங் அத்தி²பச்சயேன பச்சயோ, ஏகங் மஹாபூ⁴தங்…பே॰… பா³ஹிரங்…பே॰… அஸஞ்ஞஸத்தானங்…பே॰…. புரேஜாதங் – சக்கு²ங் அனிச்சதோ து³க்க²தோ அனத்ததோ விபஸ்ஸதி; அஸ்ஸாதே³தி அபி⁴னந்த³தி; தங் ஆரப்³ப⁴ ராகோ³ உப்பஜ்ஜதி…பே॰… தோ³மனஸ்ஸங் உப்பஜ்ஜதி. ஸோதங்…பே॰… வத்து²ங் அனிச்சதோ…பே॰… விபஸ்ஸதி, தி³ப்³பே³ன சக்கு²னா ரூபங் பஸ்ஸதி, தி³ப்³பா³ய ஸோததா⁴துயா ஸத்³த³ங் ஸுணாதி, ரூபாயதனங் சக்கு²விஞ்ஞாணஸ்ஸ…பே॰… பொ²ட்ட²ப்³பா³யதனங் காயவிஞ்ஞாணஸ்ஸ…பே॰… சக்கா²யதனங் சக்கு²விஞ்ஞாணஸ்ஸ…பே॰… காயாயதனங் காயவிஞ்ஞாணஸ்ஸ… வத்து² நேவஸெக்க²னாஸெக்கா²னங் க²ந்தா⁴னங் அத்தி²பச்சயேன பச்சயோ. பச்சா²ஜாதா – நேவஸெக்க²னாஸெக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. கப³ளீகாரோ ஆஹாரோ இமஸ்ஸ காயஸ்ஸ அத்தி²பச்சயேன பச்சயோ. ரூபஜீவிதிந்த்³ரியங் கடத்தாரூபானங் அத்தி²பச்சயேன பச்சயோ. (1)

    66. Nevasekkhanāsekkho dhammo nevasekkhanāsekkhassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevasekkhanāsekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo, ekaṃ mahābhūtaṃ…pe… bāhiraṃ…pe… asaññasattānaṃ…pe…. Purejātaṃ – cakkhuṃ aniccato dukkhato anattato vipassati; assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu nevasekkhanāsekkhānaṃ khandhānaṃ atthipaccayena paccayo. Pacchājātā – nevasekkhanāsekkhā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதங் – வத்து² ஸெக்கா²னங் க²ந்தா⁴னங் அத்தி²பச்சயேன பச்சயோ. (2)

    Nevasekkhanāsekkho dhammo sekkhassa dhammassa atthipaccayena paccayo. Purejātaṃ – vatthu sekkhānaṃ khandhānaṃ atthipaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதங் – வத்து² அஸெக்கா²னங் க²ந்தா⁴னங் அத்தி²பச்சயேன பச்சயோ. (3)

    Nevasekkhanāsekkho dhammo asekkhassa dhammassa atthipaccayena paccayo. Purejātaṃ – vatthu asekkhānaṃ khandhānaṃ atthipaccayena paccayo. (3)

    67. ஸெக்கோ² ச நேவஸெக்க²னாஸெக்கோ² ச த⁴ம்மா ஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், புரேஜாதங். ஸஹஜாதோ – ஸெக்கோ² ஏகோ க²ந்தோ⁴ ச வத்து² ச திண்ணன்னங் க²ந்தா⁴னங் அத்தி²பச்சயேன பச்சயோ…பே॰… த்³வே க²ந்தா⁴…பே॰…. (1)

    67. Sekkho ca nevasekkhanāsekkho ca dhammā sekkhassa dhammassa atthipaccayena paccayo – sahajātaṃ, purejātaṃ. Sahajāto – sekkho eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    ஸெக்கோ² ச நேவஸெக்க²னாஸெக்கோ² ச த⁴ம்மா நேவஸெக்க²னாஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், பச்சா²ஜாதங், ஆஹாரங், இந்த்³ரியங். ஸஹஜாதா – ஸெக்கா² க²ந்தா⁴ ச மஹாபூ⁴தா ச சித்தஸமுட்டா²னானங் ரூபானங் அத்தி²பச்சயேன பச்சயோ. பச்சா²ஜாதா – ஸெக்கா² க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஸெக்கா² க²ந்தா⁴ ச ரூபஜீவிதிந்த்³ரியஞ்ச கடத்தாரூபானங் அத்தி²பச்சயேன பச்சயோ. (2)

    Sekkho ca nevasekkhanāsekkho ca dhammā nevasekkhanāsekkhassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – sekkhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – sekkhā khandhā ca rūpajīvitindriyañca kaṭattārūpānaṃ atthipaccayena paccayo. (2)

    அஸெக்கோ² ச நேவஸெக்க²னாஸெக்கோ² ச த⁴ம்மா அஸெக்க²ஸ்ஸ த⁴ம்மஸ்ஸ அத்தி²பச்சயேன பச்சயோ…பே॰… (த்³வே பஞ்ஹா காதப்³பா³, ஸெக்க²ஸதி³ஸா).

    Asekkho ca nevasekkhanāsekkho ca dhammā asekkhassa dhammassa atthipaccayena paccayo…pe… (dve pañhā kātabbā, sekkhasadisā).

    1. பச்சயானுலோமங்

    1. Paccayānulomaṃ

    2. ஸங்க்²யாவாரோ

    2. Saṅkhyāvāro

    68. ஹேதுயா ஸத்த, ஆரம்மணே பஞ்ச, அதி⁴பதியா நவ, அனந்தரே அட்ட², ஸமனந்தரே அட்ட², ஸஹஜாதே நவ, அஞ்ஞமஞ்ஞே தீணி, நிஸ்ஸயே தேரஸ, உபனிஸ்ஸயே அட்ட², புரேஜாதே தீணி, பச்சா²ஜாதே தீணி, ஆஸேவனே த்³வே, கம்மே அட்ட², விபாகே ஆஹாரே இந்த்³ரியே ஜா²னே மக்³கே³ ஸத்த, ஸம்பயுத்தே தீணி, விப்பயுத்தே பஞ்ச, அத்தி²யா தேரஸ, நத்தி²யா அட்ட², விக³தே அட்ட², அவிக³தே தேரஸ (ஏவங் க³ணேதப்³ப³ங்).

    68. Hetuyā satta, ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    அனுலோமங்.

    Anulomaṃ.

    2. பச்சனீயுத்³தா⁴ரோ

    2. Paccanīyuddhāro

    69. ஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ. (1)

    69. Sekkho dhammo sekkhassa dhammassa sahajātapaccayena paccayo… upanissayapaccayena paccayo. (1)

    ஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. (2)

    Sekkho dhammo asekkhassa dhammassa upanissayapaccayena paccayo. (2)

    ஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… பச்சா²ஜாதபச்சயேன பச்சயோ. (3)

    Sekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

    ஸெக்கோ² த⁴ம்மோ ஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ ஸஹஜாதபச்சயேன பச்சயோ. (4)

    Sekkho dhammo sekkhassa ca nevasekkhanāsekkhassa ca dhammassa sahajātapaccayena paccayo. (4)

    70. அஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ. (1)

    70. Asekkho dhammo asekkhassa dhammassa sahajātapaccayena paccayo… upanissayapaccayena paccayo. (1)

    அஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… பச்சா²ஜாதபச்சயேன பச்சயோ. (2)

    Asekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    அஸெக்கோ² த⁴ம்மோ அஸெக்க²ஸ்ஸ ச நேவஸெக்க²னாஸெக்க²ஸ்ஸ ச த⁴ம்மஸ்ஸ ஸஹஜாதபச்சயேன பச்சயோ. (3)

    Asekkho dhammo asekkhassa ca nevasekkhanāsekkhassa ca dhammassa sahajātapaccayena paccayo. (3)

    71. நேவஸெக்க²னாஸெக்கோ² த⁴ம்மோ நேவஸெக்க²னாஸெக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ… பச்சா²ஜாதபச்சயேன பச்சயோ… கம்மபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ. (1)

    71. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    நேவஸெக்க²னாஸெக்கோ² த⁴ம்மோ ஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ… புரேஜாதபச்சயேன பச்சயோ. (2)

    Nevasekkhanāsekkho dhammo sekkhassa dhammassa upanissayapaccayena paccayo… purejātapaccayena paccayo. (2)

    நேவஸெக்க²னாஸெக்கோ² த⁴ம்மோ அஸெக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ… புரேஜாதபச்சயேன பச்சயோ. (3)

    Nevasekkhanāsekkho dhammo asekkhassa dhammassa upanissayapaccayena paccayo… purejātapaccayena paccayo. (3)

    72. ஸெக்கோ² ச நேவஸெக்க²னாஸெக்கோ² ச த⁴ம்மா ஸெக்க²ஸ்ஸ த⁴ம்மஸ்ஸ ஸஹஜாதங், புரேஜாதங். (1)

    72. Sekkho ca nevasekkhanāsekkho ca dhammā sekkhassa dhammassa sahajātaṃ, purejātaṃ. (1)

    ஸெக்கோ² ச நேவஸெக்க²னாஸெக்கோ² ச த⁴ம்மா நேவஸெக்க²னாஸெக்க²ஸ்ஸ த⁴ம்மஸ்ஸ ஸஹஜாதங், பச்சா²ஜாதங், ஆஹாரங், இந்த்³ரியங். (2)

    Sekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    அஸெக்கோ² ச நேவஸெக்க²னாஸெக்கோ² ச த⁴ம்மா அஸெக்க²ஸ்ஸ த⁴ம்மஸ்ஸ ஸஹஜாதங், புரேஜாதங். (1)

    Asekkho ca nevasekkhanāsekkho ca dhammā asekkhassa dhammassa sahajātaṃ, purejātaṃ. (1)

    அஸெக்கோ² ச நேவஸெக்க²னாஸெக்கோ² ச த⁴ம்மா நேவஸெக்க²னாஸெக்க²ஸ்ஸ த⁴ம்மஸ்ஸ ஸஹஜாதங், பச்சா²ஜாதங், ஆஹாரங், இந்த்³ரியங். (2)

    Asekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    2. பச்சயபச்சனீயங்

    2. Paccayapaccanīyaṃ

    2. ஸங்க்²யாவாரோ

    2. Saṅkhyāvāro

    73. நஹேதுயா சுத்³த³ஸ, நஆரம்மணே நஅதி⁴பதியா நஅனந்தரே நஸமனந்தரே சுத்³த³ஸ, நஸஹஜாதே த³ஸ, நஅஞ்ஞமஞ்ஞே த³ஸ, நனிஸ்ஸயே த³ஸ , நஉபனிஸ்ஸயே தேரஸ, நபுரேஜாதே த்³வாத³ஸ, நபச்சா²ஜாதே சுத்³த³ஸ, நஆஸேவனே நகம்மே சுத்³த³ஸ, நவிபாகே த்³வாத³ஸ, நஆஹாரே நஇந்த்³ரியே நஜா²னே நமக்³கே³ சுத்³த³ஸ, நஸம்பயுத்தே த³ஸ, நவிப்பயுத்தே அட்ட², நோஅத்தி²யா அட்ட², நோனத்தி²யா சுத்³த³ஸ, நோவிக³தே சுத்³த³ஸ, நோஅவிக³தே அட்ட² (ஏவங் க³ணேதப்³ப³ங்).

    73. Nahetuyā cuddasa, naārammaṇe naadhipatiyā naanantare nasamanantare cuddasa, nasahajāte dasa, naaññamaññe dasa, nanissaye dasa , naupanissaye terasa, napurejāte dvādasa, napacchājāte cuddasa, naāsevane nakamme cuddasa, navipāke dvādasa, naāhāre naindriye najhāne namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha (evaṃ gaṇetabbaṃ).

    பச்சனீயங்.

    Paccanīyaṃ.

    3. பச்சயானுலோமபச்சனீயங்

    3. Paccayānulomapaccanīyaṃ

    ஹேதுது³கங்

    Hetudukaṃ

    74. ஹேதுபச்சயா நஆரம்மணே ஸத்த, நஅதி⁴பதியா ஸத்த, நஅனந்தரே ஸத்த, நஸமனந்தரே ஸத்த, நஅஞ்ஞமஞ்ஞே தீணி, நஉபனிஸ்ஸயே நபுரேஜாதே நபச்சா²ஜாதே நஆஸேவனே நகம்மே ஸத்த, நவிபாகே சத்தாரி, நஆஹாரே நஇந்த்³ரியே நஜா²னே நமக்³கே³ ஸத்த, நஸம்பயுத்தே தீணி, நவிப்பயுத்தே தீணி, நோனத்தி²யா ஸத்த, நோவிக³தே ஸத்த (ஏவங் க³ணேதப்³ப³ங்).

    74. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye napurejāte napacchājāte naāsevane nakamme satta, navipāke cattāri, naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    அனுலோமபச்சனீயங்.

    Anulomapaccanīyaṃ.

    4. பச்சயபச்சனீயானுலோமங்

    4. Paccayapaccanīyānulomaṃ

    நஹேதுது³கங்

    Nahetudukaṃ

    75. நஹேதுபச்சயா ஆரம்மணே பஞ்ச, அதி⁴பதியா நவ, அனந்தரே அட்ட², ஸமனந்தரே அட்ட², ஸஹஜாதே நவ, அஞ்ஞமஞ்ஞே தீணி, நிஸ்ஸயே தேரஸ, உபனிஸ்ஸயே அட்ட², புரேஜாதே தீணி, பச்சா²ஜாதே தீணி, ஆஸேவனே த்³வே, கம்மே அட்ட², விபாகே ஆஹாரே இந்த்³ரியே ஜா²னே மக்³கே³ ஸத்த, ஸம்பயுத்தே தீணி, விப்பயுத்தே பஞ்ச, அத்தி²யா தேரஸ, நத்தி²யா அட்ட², விக³தே அட்ட², அவிக³தே தேரஸ (ஏவங் க³ணேதப்³ப³ங்).

    75. Nahetupaccayā ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    பச்சனீயானுலோமங்.

    Paccanīyānulomaṃ.

    பஞ்ஹாவாரோ.

    Pañhāvāro.

    ஸெக்க²த்திகங் நிட்டி²தங்.

    Sekkhattikaṃ niṭṭhitaṃ.




    Next: 12. பரித்தத்திகங் • 12. Parittattikaṃ




    Footnotes:
    1. நேவஸேகா²னாஸேகோ² (ஸீ॰), நேவஸெக்கா²னாஸெக்கோ² (ஸ்யா॰ க॰)
    2. nevasekhānāsekho (sī.), nevasekkhānāsekkho (syā. ka.)



    Related texts:



    அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 5-22. ஸங்கிலிட்ட²த்திகாதி³வண்ணனா • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact