Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi

    ১১. সেক্খত্তিকং

    11. Sekkhattikaṃ

    ১. পটিচ্চৰারো

    1. Paṭiccavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ১. সেক্খং ধম্মং পটিচ্চ সেক্খো ধম্মো উপ্পজ্জতি হেতুপচ্চযা – সেক্খং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰…। (১)

    1. Sekkhaṃ dhammaṃ paṭicca sekkho dhammo uppajjati hetupaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    সেক্খং ধম্মং পটিচ্চ নেৰসেক্খনাসেক্খো 1 ধম্মো উপ্পজ্জতি হেতুপচ্চযা – সেক্খে খন্ধে পটিচ্চ চিত্তসমুট্ঠানং রূপং। (২)

    Sekkhaṃ dhammaṃ paṭicca nevasekkhanāsekkho 2 dhammo uppajjati hetupaccayā – sekkhe khandhe paṭicca cittasamuṭṭhānaṃ rūpaṃ. (2)

    সেক্খং ধম্মং পটিচ্চ সেক্খো চ নেৰসেক্খনাসেক্খো চ ধম্মা উপ্পজ্জন্তি হেতুপচ্চযা – সেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ২. অসেক্খং ধম্মং পটিচ্চ অসেক্খো ধম্মো উপ্পজ্জতি হেতুপচ্চযা – অসেক্খং একং খন্ধং পটিচ্চ তযো খন্ধা…পে॰…। (১)

    2. Asekkhaṃ dhammaṃ paṭicca asekkho dhammo uppajjati hetupaccayā – asekkhaṃ ekaṃ khandhaṃ paṭicca tayo khandhā…pe…. (1)

    অসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি হেতুপচ্চযা – অসেক্খে খন্ধে পটিচ্চ চিত্তসমুট্ঠানং রূপং। (২)

    Asekkhaṃ dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe paṭicca cittasamuṭṭhānaṃ rūpaṃ. (2)

    অসেক্খং ধম্মং পটিচ্চ অসেক্খো চ নেৰসেক্খনাসেক্খো চ ধম্মা…পে॰… অসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)

    Asekkhaṃ dhammaṃ paṭicca asekkho ca nevasekkhanāsekkho ca dhammā…pe… asekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ৩. নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি হেতুপচ্চযা – নেৰসেক্খনাসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে …পে॰… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং পটিচ্চ তযো মহাভূতা…পে॰… দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং। (১)

    3. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    সেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি হেতুপচ্চযা – সেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    অসেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি হেতুপচ্চযা – অসেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    আরম্মণপচ্চযাদি

    Ārammaṇapaccayādi

    ৪. সেক্খং ধম্মং পটিচ্চ সেক্খো ধম্মো উপ্পজ্জতি আরম্মণপচ্চযা… অধিপতিপচ্চযা (পটিসন্ধি নত্থি)… অনন্তরপচ্চযা… সমনন্তরপচ্চযা… সহজাতপচ্চযা (সব্বে মহাভূতা কাতব্বা)… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা – সেক্খং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰…।

    4. Sekkhaṃ dhammaṃ paṭicca sekkho dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā (sabbe mahābhūtā kātabbā)… aññamaññapaccayā… nissayapaccayā… upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe….

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি আসেৰনপচ্চযা – নেৰসেক্খনাসেক্খং একং খন্ধং পটিচ্চ তযো খন্ধা…পে॰… দ্ৰে খন্ধে …পে॰… কম্মপচ্চযা, ৰিপাকপচ্চযা – ৰিপাকং সেক্খং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰… (তীণি, পরিপুণ্ণং)।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paṭicca tayo khandhā…pe… dve khandhe …pe… kammapaccayā, vipākapaccayā – vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe… (tīṇi, paripuṇṇaṃ).

    অসেক্খং ধম্মং পটিচ্চ অসেক্খো ধম্মো উপ্পজ্জতি ৰিপাকপচ্চযা – অসেক্খং একং খন্ধং পটিচ্চ… তীণি।

    Asekkhaṃ dhammaṃ paṭicca asekkho dhammo uppajjati vipākapaccayā – asekkhaṃ ekaṃ khandhaṃ paṭicca… tīṇi.

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি ৰিপাকপচ্চযা – ৰিপাকং নেৰসেক্খনাসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে॰…। (১)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati vipākapaccayā – vipākaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    সেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি ৰিপাকপচ্চযা – ৰিপাকে সেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – vipāke sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    অসেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি ৰিপাকপচ্চযা – অসেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    আহারপচ্চযাদি

    Āhārapaccayādi

    ৫. সেক্খং ধম্মং পটিচ্চ সেক্খো ধম্মো উপ্পজ্জতি আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চয… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা।

    5. Sekkhaṃ dhammaṃ paṭicca sekkho dhammo uppajjati āhārapaccayā… indriyapaccayā… jhānapaccayā… maggapaccaya… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৬. হেতুযা নৰ, আরম্মণে তীণি, অধিপতিযা নৰ, অনন্তরে তীণি, সমনন্তরে তীণি, সহজাতে নৰ, অঞ্ঞমঞ্ঞে তীণি, নিস্সযে নৰ, উপনিস্সযে তীণি, পুরেজাতে তীণি, আসেৰনে দ্ৰে, কম্মে নৰ, ৰিপাকে আহারে ইন্দ্রিযে ঝানে মগ্গে নৰ, সম্পযুত্তে তীণি, ৰিপ্পযুত্তে নৰ, অত্থিযা নৰ, নত্থিযা তীণি, ৰিগতে তীণি, অৰিগতে নৰ (এৰং গণেতব্বং)।

    6. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke āhāre indriye jhāne magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava (evaṃ gaṇetabbaṃ).

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ৭. নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নহেতুপচ্চযা – অহেতুকং নেৰসেক্খনাসেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে॰… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো। (১)

    7. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    নআরম্মণপচ্চযো

    Naārammaṇapaccayo

    ৮. সেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআরম্মণপচ্চযা – সেক্খে খন্ধে পটিচ্চ চিত্তসমুট্ঠানং রূপং। (১)

    8. Sekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe paṭicca cittasamuṭṭhānaṃ rūpaṃ. (1)

    অসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআরম্মণপচ্চযা – অসেক্খে খন্ধে পটিচ্চ চিত্তসমুট্ঠানং রূপং। (১)

    Asekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe paṭicca cittasamuṭṭhānaṃ rūpaṃ. (1)

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআরম্মণপচ্চযা – নেৰসেক্খনাসেক্খে খন্ধে পটিচ্চ চিত্তসমুট্ঠানং রূপং…পে॰… পটিসন্ধিক্খণে…পে॰… খন্ধে পটিচ্চ ৰত্থু…পে॰… একং মহাভূতং…পে॰… অসঞ্ঞসত্তানং…পে॰…। (১)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – nevasekkhanāsekkhe khandhe paṭicca cittasamuṭṭhānaṃ rūpaṃ…pe… paṭisandhikkhaṇe…pe… khandhe paṭicca vatthu…pe… ekaṃ mahābhūtaṃ…pe… asaññasattānaṃ…pe…. (1)

    সেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআরম্মণপচ্চযা – সেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    অসেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআরম্মণপচ্চযা – অসেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    নঅধিপতিপচ্চযাদি

    Naadhipatipaccayādi

    ৯. সেক্খং ধম্মং পটিচ্চ সেক্খো ধম্মো উপ্পজ্জতি নঅধিপতিপচ্চযা – সেক্খে খন্ধে পটিচ্চ সেক্খো অধিপতি। (১)

    9. Sekkhaṃ dhammaṃ paṭicca sekkho dhammo uppajjati naadhipatipaccayā – sekkhe khandhe paṭicca sekkho adhipati. (1)

    অসেক্খং ধম্মং পটিচ্চ অসেক্খো ধম্মো উপ্পজ্জতি নঅধিপতিপচ্চযা – অসেক্খে খন্ধে পটিচ্চ অসেক্খো অধিপতি। (১)

    Asekkhaṃ dhammaṃ paṭicca asekkho dhammo uppajjati naadhipatipaccayā – asekkhe khandhe paṭicca asekkho adhipati. (1)

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নঅধিপতিপচ্চযা… (পরিপুণ্ণং, পটিসন্ধিপি মহাভূতাপি সব্বে) নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা… সত্ত (কুসলত্তিকসদিসা)… নপচ্ছাজাতপচ্চযা…পে॰… নআসেৰনপচ্চযা। ৰিপাকং সেক্খং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰…। (১)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naadhipatipaccayā… (paripuṇṇaṃ, paṭisandhipi mahābhūtāpi sabbe) naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… satta (kusalattikasadisā)… napacchājātapaccayā…pe… naāsevanapaccayā. Vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ১০. সেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআসেৰনপচ্চযা – সেক্খে খন্ধে পটিচ্চ চিত্তসমুট্ঠানং রূপং। (২)

    10. Sekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā – sekkhe khandhe paṭicca cittasamuṭṭhānaṃ rūpaṃ. (2)

    সেক্খং ধম্মং পটিচ্চ সেক্খো চ নেৰসেক্খনাসেক্খো চ ধম্মা উপ্পজ্জন্তি নআসেৰনপচ্চযা – ৰিপাকং সেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti naāsevanapaccayā – vipākaṃ sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    অসেক্খং ধম্মং পটিচ্চ অসেক্খো ধম্মো… তীণি।

    Asekkhaṃ dhammaṃ paṭicca asekkho dhammo… tīṇi.

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআসেৰনপচ্চযা… নেৰসেক্খনাসেক্খং (একং, পরিপুণ্ণং, সেক্খঞ্চ, নেৰসেক্খনাসেক্খঞ্চ, ঘটনা পরিপুণ্ণা, দ্ৰেপি কাতব্বা। নৰ) নকম্মপচ্চযা – সেক্খে খন্ধে পটিচ্চ সেক্খা চেতনা।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā… nevasekkhanāsekkhaṃ (ekaṃ, paripuṇṇaṃ, sekkhañca, nevasekkhanāsekkhañca, ghaṭanā paripuṇṇā, dvepi kātabbā. Nava) nakammapaccayā – sekkhe khandhe paṭicca sekkhā cetanā.

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নকম্মপচ্চযা – নেৰসেক্খনাসেক্খে খন্ধে পটিচ্চ নেৰসেক্খনাসেক্খা চেতনা; বাহিরং… আহারসমুট্ঠানং… উতুসমুট্ঠানং… একং মহাভূতং…পে॰…।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nakammapaccayā – nevasekkhanāsekkhe khandhe paṭicca nevasekkhanāsekkhā cetanā; bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe….

    নৰিপাকপচ্চযো

    Navipākapaccayo

    ১১. সেক্খং ধম্মং পটিচ্চ সেক্খো ধম্মো উপ্পজ্জতি নৰিপাকপচ্চযা – সেক্খং একং খন্ধং পটিচ্চ তযো খন্ধা…পে॰…। (১)

    11. Sekkhaṃ dhammaṃ paṭicca sekkho dhammo uppajjati navipākapaccayā – sekkhaṃ ekaṃ khandhaṃ paṭicca tayo khandhā…pe…. (1)

    সেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নৰিপাকপচ্চযা – সেক্খে খন্ধে পটিচ্চ চিত্তসমুট্ঠানং রূপং।(২)

    Sekkhaṃ dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe paṭicca cittasamuṭṭhānaṃ rūpaṃ.(2)

    সেক্খং ধম্মং পটিচ্চ সেক্খো চ নেৰসেক্খনাসেক্খো চ ধম্মা উপ্পজ্জন্তি নৰিপাকপচ্চযা – সেক্খং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰…। (৩)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti navipākapaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    ১২. নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নৰিপাকপচ্চযা (পরিপুণ্ণং, পটিসন্ধি নত্থি )।

    12. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navipākapaccayā (paripuṇṇaṃ, paṭisandhi natthi ).

    সেক্খঞ্চ নেৰসেক্খনাসেক্খঞ্চ ধম্মং পটিচ্চ নেৰসেক্খনাসেক্খো ধম্মো উপ্পজ্জতি নৰিপাকপচ্চযা – সেক্খে খন্ধে চ মহাভূতে চ পটিচ্চ চিত্তসমুট্ঠানং রূপং। (১)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    নআহারপচ্চযাদি

    Naāhārapaccayādi

    ১৩. নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নআহারপচ্চযা… নইন্দ্রিযপচ্চযা… নঝানপচ্চযা… নমগ্গপচ্চযা ।

    13. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā .

    নসম্পযুত্তপচ্চযো

    Nasampayuttapaccayo

    ১৪. সেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নসম্পযুত্তপচ্চযা…পে॰… (নআরম্মণপচ্চযসদিসং)।

    14. Sekkhaṃ dhammaṃ paṭicca nevasekkhanāsekkho dhammo uppajjati nasampayuttapaccayā…pe… (naārammaṇapaccayasadisaṃ).

    নৰিপ্পযুত্তপচ্চযাদি

    Navippayuttapaccayādi

    সেক্খং ধম্মং পটিচ্চ সেক্খো ধম্মো উপ্পজ্জতি নৰিপ্পযুত্তপচ্চযা। অরূপে সেক্খং একং খন্ধং পটিচ্চ তযো খন্ধা…পে॰…। (১)

    Sekkhaṃ dhammaṃ paṭicca sekkho dhammo uppajjati navippayuttapaccayā. Arūpe sekkhaṃ ekaṃ khandhaṃ paṭicca tayo khandhā…pe…. (1)

    অসেক্খং ধম্মং পটিচ্চ অসেক্খো ধম্মো উপ্পজ্জতি নৰিপ্পযুত্তপচ্চযা – অরূপে অসেক্খং একং খন্ধং পটিচ্চ তযো খন্ধা…পে॰…। (১)

    Asekkhaṃ dhammaṃ paṭicca asekkho dhammo uppajjati navippayuttapaccayā – arūpe asekkhaṃ ekaṃ khandhaṃ paṭicca tayo khandhā…pe…. (1)

    নেৰসেক্খনাসেক্খং ধম্মং পটিচ্চ নেৰসেক্খনাসেক্খো ধম্মো উপ্পজ্জতি নৰিপ্পযুত্তপচ্চযা – অরূপে নেৰসেক্খনাসেক্খং একং খন্ধং পটিচ্চ তযো খন্ধা…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে॰… নোনত্থিপচ্চযা… নোৰিগতপচ্চযা।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navippayuttapaccayā – arūpe nevasekkhanāsekkhaṃ ekaṃ khandhaṃ paṭicca tayo khandhā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā… novigatapaccayā.

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ১৫. নহেতুযা একং, নআরম্মণে পঞ্চ, নঅধিপতিযা তীণি, নঅনন্তরে নসমনন্তরে নঅঞ্ঞমঞ্ঞে নউপনিস্সযে পঞ্চ, নপুরেজাতে সত্ত, নপচ্ছাজাতে নৰ, নআসেৰনে নৰ, নকম্মে দ্ৰে, নৰিপাকে পঞ্চ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ (এৰং গণেতব্বং)।

    15. Nahetuyā ekaṃ, naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte nava, naāsevane nava, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    পচ্চনীযং।

    Paccanīyaṃ.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ১৬. হেতুপচ্চযা নআরম্মণে পঞ্চ, নঅধিপতিযা তীণি, নঅনন্তরে নসমনন্তরে নঅঞ্ঞমঞ্ঞে নউপনিস্সযে পঞ্চ, নপুরেজাতে সত্ত, নপচ্ছাজাতে নআসেৰনে নৰ, নকম্মে দ্ৰে, নৰিপাকে পঞ্চ, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ (এৰং গণেতব্বং)।

    16. Hetupaccayā naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte naāsevane nava, nakamme dve, navipāke pañca, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    অনুলোমপচ্চনীযং।

    Anulomapaccanīyaṃ.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    নহেতুদুকং

    Nahetudukaṃ

    ১৭. নহেতুপচ্চযা আরম্মণে একং, অনন্তরে সমনন্তরে সহজাতে অঞ্ঞমঞ্ঞে নিস্সযে উপনিস্সযে পুরেজাতে আসেৰনে কম্মে ৰিপাকে আহারে ইন্দ্রিযে ঝানে মগ্গে সম্পযুত্তে ৰিপ্পযুত্তে অত্থিযা নত্থিযা ৰিগতে অৰিগতে একং (এৰং গণেতব্বং)।

    17. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    পচ্চনীযানুলোমং।

    Paccanīyānulomaṃ.

    পটিচ্চৰারো।

    Paṭiccavāro.

    ২. সহজাতৰারো

    2. Sahajātavāro

    (সহজাতৰারো পটিচ্চৰারসদিসো।)

    (Sahajātavāro paṭiccavārasadiso.)

    ৩. পচ্চযৰারো

    3. Paccayavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ১৮. সেক্খং ধম্মং পচ্চযা সেক্খো ধম্মো উপ্পজ্জতি হেতুপচ্চযা… তীণি (পটিচ্চৰারসদিসং)।

    18. Sekkhaṃ dhammaṃ paccayā sekkho dhammo uppajjati hetupaccayā… tīṇi (paṭiccavārasadisaṃ).

    অসেক্খং ধম্মং পচ্চযা অসেক্খো ধম্মো উপ্পজ্জতি হেতুপচ্চযা… তীণি (পটিচ্চৰারসদিসং)।

    Asekkhaṃ dhammaṃ paccayā asekkho dhammo uppajjati hetupaccayā… tīṇi (paṭiccavārasadisaṃ).

    ১৯. নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি হেতুপচ্চযা (পরিপুণ্ণং), মহাভূতে পচ্চযা চিত্তসমুট্ঠানং রূপং কটত্তারূপং উপাদারূপং, ৰত্থুং পচ্চযা নেৰসেক্খনাসেক্খা খন্ধা। (১)

    19. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati hetupaccayā (paripuṇṇaṃ), mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā nevasekkhanāsekkhā khandhā. (1)

    নেৰসেক্খনাসেক্খং ধম্মং পচ্চযা সেক্খো ধম্মো উপ্পজ্জতি হেতুপচ্চযা – ৰত্থুং পচ্চযা সেক্খা খন্ধা। (২)

    Nevasekkhanāsekkhaṃ dhammaṃ paccayā sekkho dhammo uppajjati hetupaccayā – vatthuṃ paccayā sekkhā khandhā. (2)

    নেৰসেক্খনাসেক্খং ধম্মং পচ্চযা অসেক্খো ধম্মো উপ্পজ্জতি হেতুপচ্চযা – ৰত্থুং পচ্চযা অসেক্খা খন্ধা। (৩)

    Nevasekkhanāsekkhaṃ dhammaṃ paccayā asekkho dhammo uppajjati hetupaccayā – vatthuṃ paccayā asekkhā khandhā. (3)

    নেৰসেক্খনাসেক্খং ধম্মং পচ্চযা সেক্খো চ নেৰসেক্খনাসেক্খো চ ধম্মা উপ্পজ্জন্তি হেতুপচ্চযা – ৰত্থুং পচ্চযা সেক্খা খন্ধা, মহাভূতে পচ্চযা চিত্তসমুট্ঠানং রূপং। (৪)

    Nevasekkhanāsekkhaṃ dhammaṃ paccayā sekkho ca nevasekkhanāsekkho ca dhammā uppajjanti hetupaccayā – vatthuṃ paccayā sekkhā khandhā, mahābhūte paccayā cittasamuṭṭhānaṃ rūpaṃ. (4)

    নেৰসেক্খনাসেক্খং ধম্মং পচ্চযা অসেক্খো চ নেৰসেক্খনাসেক্খো চ ধম্মা উপ্পজ্জন্তি হেতুপচ্চযা – ৰত্থুং পচ্চযা অসেক্খা খন্ধা, মহাভূতে পচ্চযা চিত্তসমুট্ঠানং রূপং। (৫)

    Nevasekkhanāsekkhaṃ dhammaṃ paccayā asekkho ca nevasekkhanāsekkho ca dhammā uppajjanti hetupaccayā – vatthuṃ paccayā asekkhā khandhā, mahābhūte paccayā cittasamuṭṭhānaṃ rūpaṃ. (5)

    ২০. সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো ধম্মো উপ্পজ্জতি হেতুপচ্চযা – সেক্খং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধা। (১)

    20. Sekkhañca nevasekkhanāsekkhañca dhammaṃ paccayā sekkho dhammo uppajjati hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    সেক্খঞ্চ নেৰসেক্খনাসেক্খঞ্চ ধম্মং পচ্চযা নেৰসেক্খনাসেক্খো ধম্মো উপ্পজ্জতি হেতুপচ্চযা – সেক্খে খন্ধে চ মহাভূতে চ পচ্চযা চিত্তসমুট্ঠানং রূপং। (২)

    Sekkhañca nevasekkhanāsekkhañca dhammaṃ paccayā nevasekkhanāsekkho dhammo uppajjati hetupaccayā – sekkhe khandhe ca mahābhūte ca paccayā cittasamuṭṭhānaṃ rūpaṃ. (2)

    সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো চ নেৰসেক্খনাসেক্খো চ ধম্মা উপ্পজ্জন্তি হেতুপচ্চযা – সেক্খং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধা। সেক্খে খন্ধে চ মহাভূতে চ পচ্চযা চিত্তসমুট্ঠানং রূপং। (৩)

    Sekkhañca nevasekkhanāsekkhañca dhammaṃ paccayā sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. Sekkhe khandhe ca mahābhūte ca paccayā cittasamuṭṭhānaṃ rūpaṃ. (3)

    অসেক্খঞ্চ নেৰসেক্খনাসেক্খঞ্চ ধম্মং পচ্চযা… তীণি (সেক্খসদিসা)।

    Asekkhañca nevasekkhanāsekkhañca dhammaṃ paccayā… tīṇi (sekkhasadisā).

    আরম্মণপচ্চযো

    Ārammaṇapaccayo

    ২১. সেক্খং ধম্মং পচ্চযা সেক্খো ধম্মো উপ্পজ্জতি আরম্মণপচ্চযা… একং।

    21. Sekkhaṃ dhammaṃ paccayā sekkho dhammo uppajjati ārammaṇapaccayā… ekaṃ.

    অসেক্খং ধম্মং পচ্চযা অসেক্খো ধম্মো… একং।

    Asekkhaṃ dhammaṃ paccayā asekkho dhammo… ekaṃ.

    নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি আরম্মণপচ্চযা… একং, ৰত্থুং পচ্চযা নেৰসেক্খনাসেক্খা খন্ধা, চক্খাযতনং পচ্চযা চক্খুৰিঞ্ঞাণং…পে॰… কাযাযতনং পচ্চযা কাযৰিঞ্ঞাণং, ৰত্থুং পচ্চযা নেৰসেক্খনাসেক্খা খন্ধা। (১)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati ārammaṇapaccayā… ekaṃ, vatthuṃ paccayā nevasekkhanāsekkhā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā nevasekkhanāsekkhā khandhā. (1)

    নেৰসেক্খনাসেক্খং ধম্মং পচ্চযা সেক্খো ধম্মো উপ্পজ্জতি আরম্মণপচ্চযা – ৰত্থুং পচ্চযা সেক্খা খন্ধা। (২)

    Nevasekkhanāsekkhaṃ dhammaṃ paccayā sekkho dhammo uppajjati ārammaṇapaccayā – vatthuṃ paccayā sekkhā khandhā. (2)

    নেৰসেক্খনাসেক্খং ধম্মং পচ্চযা অসেক্খো ধম্মো উপ্পজ্জতি আরম্মণপচ্চযা – ৰত্থুং পচ্চযা অসেক্খা খন্ধা। (৩)

    Nevasekkhanāsekkhaṃ dhammaṃ paccayā asekkho dhammo uppajjati ārammaṇapaccayā – vatthuṃ paccayā asekkhā khandhā. (3)

    সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো ধম্মো উপ্পজ্জতি আরম্মণপচ্চযা – সেক্খং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধা। (১)

    Sekkhañca nevasekkhanāsekkhañca dhammaṃ paccayā sekkho dhammo uppajjati ārammaṇapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    অসেক্খঞ্চ নেৰসেক্খনাসেক্খঞ্চ ধম্মং পচ্চযা অসেক্খো ধম্মো উপ্পজ্জতি আরম্মণপচ্চযা – অসেক্খং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধা। (১)

    Asekkhañca nevasekkhanāsekkhañca dhammaṃ paccayā asekkho dhammo uppajjati ārammaṇapaccayā – asekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    অধিপতিপচ্চযাদি

    Adhipatipaccayādi

    ২২. সেক্খং ধম্মং পচ্চযা সেক্খো ধম্মো উপ্পজ্জতি অধিপতিপচ্চযা… অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চয… নিস্সযপচ্চযা … উপনিস্সযপচ্চযা… পুরেজাতপচ্চযা… আসেৰনপচ্চযা – সেক্খং একং খন্ধং পচ্চযা তযো খন্ধা…পে॰…

    22. Sekkhaṃ dhammaṃ paccayā sekkho dhammo uppajjati adhipatipaccayā… anantarapaccayā… samanantarapaccayā… sahajātapaccayā… aññamaññapaccaya… nissayapaccayā … upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paccayā tayo khandhā…pe…

    নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি আসেৰনপচ্চযা – নেৰসেক্খনাসেক্খং একং খন্ধং পচ্চযা…পে॰… ৰত্থুং পচ্চযা নেৰসেক্খনাসেক্খা খন্ধা। (১)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paccayā…pe… vatthuṃ paccayā nevasekkhanāsekkhā khandhā. (1)

    নেৰসেক্খনাসেক্খং ধম্মং পচ্চযা সেক্খো ধম্মো উপ্পজ্জতি আসেৰনপচ্চযা – ৰত্থুং পচ্চযা সেক্খা খন্ধা। (২)

    Nevasekkhanāsekkhaṃ dhammaṃ paccayā sekkho dhammo uppajjati āsevanapaccayā – vatthuṃ paccayā sekkhā khandhā. (2)

    সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো ধম্মো উপ্পজ্জতি আসেৰনপচ্চযা – সেক্খং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধা। (১)

    Sekkhañca nevasekkhanāsekkhañca dhammaṃ paccayā sekkho dhammo uppajjati āsevanapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    কম্মপচ্চযাদি

    Kammapaccayādi

    ২৩. সেক্খং ধম্মং পচ্চযা সেক্খো ধম্মো উপ্পজ্জতি কম্মপচ্চযা… ৰিপাকপচ্চযা – ৰিপাকং সেক্খং একং খন্ধং…পে॰… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা।

    23. Sekkhaṃ dhammaṃ paccayā sekkho dhammo uppajjati kammapaccayā… vipākapaccayā – vipākaṃ sekkhaṃ ekaṃ khandhaṃ…pe… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ২৪. হেতুযা সত্তরস, আরম্মণে সত্ত, অধিপতিযা সত্তরস, অনন্তরে সত্ত, সমনন্তরে সত্ত, সহজাতে সত্তরস, অঞ্ঞমঞ্ঞে সত্ত, নিস্সযে সত্তরস, উপনিস্সযে সত্ত, পুরেজাতে সত্ত, আসেৰনে চত্তারি, কম্মে সত্তরস, ৰিপাকে সত্তরস, আহারে সত্তরস, ইন্দ্রিযে ঝানে মগ্গে সত্তরস, সম্পযুত্তে সত্ত, ৰিপ্পযুত্তে সত্তরস, অত্থিযা সত্তরস, নত্থিযা সত্ত, ৰিগতে সত্ত, অৰিগতে সত্তরস (এৰং গণেতব্বং)।

    24. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane cattāri, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ).

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ২৫. নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নহেতুপচ্চযা – অহেতুকং নেৰসেক্খনাসেক্খং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধা। অহেতুকপটিসন্ধিক্খণে…পে॰… খন্ধে পচ্চযা ৰত্থু, ৰত্থুং পচ্চযা খন্ধা, একং মহাভূতং পচ্চযা…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে॰… চক্খাযতনং পচ্চযা চক্খুৰিঞ্ঞাণং…পে॰… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা নেৰসেক্খনাসেক্খা খন্ধা, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো। (১)

    25. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhā. Ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ paccayā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    নআরম্মণপচ্চযাদি

    Naārammaṇapaccayādi

    ২৬. সেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নআরম্মণপচ্চযা…পে॰…। (১)

    26. Sekkhaṃ dhammaṃ paccayā nevasekkhanāsekkho dhammo uppajjati naārammaṇapaccayā…pe…. (1)

    সেক্খং ধম্মং পচ্চযা সেক্খো ধম্মো উপ্পজ্জতি নঅধিপতিপচ্চযা – সেক্খে খন্ধে পচ্চযা সেক্খো অধিপতি। (১)

    Sekkhaṃ dhammaṃ paccayā sekkho dhammo uppajjati naadhipatipaccayā – sekkhe khandhe paccayā sekkho adhipati. (1)

    অসেক্খং ধম্মং পচ্চযা অসেক্খো ধম্মো উপ্পজ্জতি নঅধিপতিপচ্চযা – অসেক্খে খন্ধে পচ্চযা অসেক্খো অধিপতি। (১)

    Asekkhaṃ dhammaṃ paccayā asekkho dhammo uppajjati naadhipatipaccayā – asekkhe khandhe paccayā asekkho adhipati. (1)

    নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নঅধিপতিপচ্চযা (পরিপুণ্ণং) অসঞ্ঞসত্তানং…পে॰… চক্খাযতনং…পে॰… ৰত্থুং পচ্চযা নেৰসেক্খনাসেক্খা খন্ধা। (১)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naadhipatipaccayā (paripuṇṇaṃ) asaññasattānaṃ…pe… cakkhāyatanaṃ…pe… vatthuṃ paccayā nevasekkhanāsekkhā khandhā. (1)

    নেৰসেক্খনাসেক্খং ধম্মং পচ্চযা সেক্খো ধম্মো উপ্পজ্জতি নঅধিপতিপচ্চযা – ৰত্থুং পচ্চযা সেক্খো অধিপতি। (২)

    Nevasekkhanāsekkhaṃ dhammaṃ paccayā sekkho dhammo uppajjati naadhipatipaccayā – vatthuṃ paccayā sekkho adhipati. (2)

    নেৰসেক্খনাসেক্খং ধম্মং পচ্চযা অসেক্খো ধম্মো উপ্পজ্জতি নঅধিপতিপচ্চযা – ৰত্থুং পচ্চযা অসেক্খো অধিপতি। (৩)

    Nevasekkhanāsekkhaṃ dhammaṃ paccayā asekkho dhammo uppajjati naadhipatipaccayā – vatthuṃ paccayā asekkho adhipati. (3)

    সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো ধম্মো উপ্পজ্জতি নঅধিপতিপচ্চযা – সেক্খে খন্ধে চ ৰত্থুঞ্চ পচ্চযা সেক্খো অধিপতি। (১)

    Sekkhañca nevasekkhanāsekkhañca dhammaṃ paccayā sekkho dhammo uppajjati naadhipatipaccayā – sekkhe khandhe ca vatthuñca paccayā sekkho adhipati. (1)

    অসেক্খঞ্চ নেৰসেক্খনাসেক্খঞ্চ ধম্মং পচ্চযা অসেক্খো ধম্মো উপ্পজ্জতি নঅধিপতিপচ্চযা – অসেক্খে খন্ধে চ ৰত্থুঞ্চ পচ্চযা অসেক্খো অধিপতি। (১)

    Asekkhañca nevasekkhanāsekkhañca dhammaṃ paccayā asekkho dhammo uppajjati naadhipatipaccayā – asekkhe khandhe ca vatthuñca paccayā asekkho adhipati. (1)

    নঅনন্তরপচ্চযাদি

    Naanantarapaccayādi

    ২৭. সেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা… নপচ্ছাজাতপচ্চযা (সত্ত)… নআসেৰনপচ্চযা… নকম্মপচ্চযা – সেক্খে খন্ধে পচ্চযা সেক্খা চেতনা।

    27. Sekkhaṃ dhammaṃ paccayā nevasekkhanāsekkho dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… napacchājātapaccayā (satta)… naāsevanapaccayā… nakammapaccayā – sekkhe khandhe paccayā sekkhā cetanā.

    নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নকম্মপচ্চযা – নেৰসেক্খনাসেক্খে খন্ধে পচ্চযা নেৰসেক্খনাসেক্খা চেতনা। বাহিরং… আহারসমুট্ঠানং… উতুসমুট্ঠানং…পে॰… ৰত্থুং পচ্চযা নেৰসেক্খনাসেক্খা চেতনা। (১)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nakammapaccayā – nevasekkhanāsekkhe khandhe paccayā nevasekkhanāsekkhā cetanā. Bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevasekkhanāsekkhā cetanā. (1)

    নেৰসেক্খনাসেক্খং ধম্মং পচ্চযা সেক্খো ধম্মো উপ্পজ্জতি নকম্মপচ্চযা – ৰত্থুং পচ্চযা সেক্খা চেতনা। (২)

    Nevasekkhanāsekkhaṃ dhammaṃ paccayā sekkho dhammo uppajjati nakammapaccayā – vatthuṃ paccayā sekkhā cetanā. (2)

    সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো ধম্মো উপ্পজ্জতি নকম্মপচ্চযা – সেক্খে খন্ধে চ ৰত্থুঞ্চ পচ্চযা সেক্খা চেতনা। (১)

    Sekkhañca nevasekkhanāsekkhañca dhammaṃ paccayā sekkho dhammo uppajjati nakammapaccayā – sekkhe khandhe ca vatthuñca paccayā sekkhā cetanā. (1)

    নৰিপাকপচ্চযো

    Navipākapaccayo

    ২৮. সেক্খং ধম্মং পচ্চযা সেক্খো ধম্মো উপ্পজ্জতি নৰিপাকপচ্চযা (সেক্খমূলকে তীণি)।

    28. Sekkhaṃ dhammaṃ paccayā sekkho dhammo uppajjati navipākapaccayā (sekkhamūlake tīṇi).

    নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নৰিপাকপচ্চযা (নেৰসেক্খনাসেক্খমূলকে তীণি)।

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati navipākapaccayā (nevasekkhanāsekkhamūlake tīṇi).

    সেক্খঞ্চ নেৰসেক্খনাসেক্খঞ্চ ধম্মং পচ্চযা সেক্খো ধম্মো উপ্পজ্জতি নৰিপাকপচ্চযা (সেক্খঘটনেসু তীণি)।

    Sekkhañca nevasekkhanāsekkhañca dhammaṃ paccayā sekkho dhammo uppajjati navipākapaccayā (sekkhaghaṭanesu tīṇi).

    নআহারপচ্চযাদি

    Naāhārapaccayādi

    ২৯. নেৰসেক্খনাসেক্খং ধম্মং পচ্চযা নেৰসেক্খনাসেক্খো ধম্মো উপ্পজ্জতি নআহারপচ্চযা… নইন্দ্রিযপচ্চযা… নঝানপচ্চযা… নমগ্গপচ্চযা… নসম্পযুত্তপচ্চযা… নৰিপ্পযুত্তপচ্চযা… নোনত্থিপচ্চযা… নোৰিগতপচ্চযা…পে॰…।

    29. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā…pe….

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৩০. নহেতুযা একং, নআরম্মণে পঞ্চ, নঅধিপতিযা সত্ত, নঅনন্তরে পঞ্চ, নসমনন্তরে পঞ্চ, নঅঞ্ঞমঞ্ঞে পঞ্চ, নউপনিস্সযে পঞ্চ, নপুরেজাতে সত্ত, নপচ্ছাজাতে সত্তরস, নআসেৰনে সত্তরস, নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ (এৰং গণেতব্বং)।

    30. Nahetuyā ekaṃ, naārammaṇe pañca, naadhipatiyā satta, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    পচ্চনীযং।

    Paccanīyaṃ.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ৩১. হেতুপচ্চযা নআরম্মণে পঞ্চ, নঅধিপতিযা সত্ত, নঅনন্তরে নসমনন্তরে নঅঞ্ঞমঞ্ঞে নউপনিস্সযে পঞ্চ, নপুরেজাতে সত্ত, নপচ্ছাজাতে সত্তরস, নআসেৰনে সত্তরস, নকম্মে চত্তারি, নৰিপাকে নৰ, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ (এৰং গণেতব্বং)।

    31. Hetupaccayā naārammaṇe pañca, naadhipatiyā satta, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    অনুলোমপচ্চনীযং।

    Anulomapaccanīyaṃ.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ৩২. নহেতুপচ্চযা আরম্মণে একং, অনন্তরে সমনন্তরে সহজাতে অঞ্ঞমঞ্ঞে একং…পে॰… অৰিগতে একং (এৰং গণেতব্বং)।

    32. Nahetupaccayā ārammaṇe ekaṃ, anantare samanantare sahajāte aññamaññe ekaṃ…pe… avigate ekaṃ (evaṃ gaṇetabbaṃ).

    পচ্চনীযানুলোমং।

    Paccanīyānulomaṃ.

    পচ্চযৰারো।

    Paccayavāro.

    ৪. নিস্সযৰারো

    4. Nissayavāro

    (নিস্সযৰারো পচ্চযৰারসদিসো।)

    (Nissayavāro paccayavārasadiso.)

    ৫. সংসট্ঠৰারো

    5. Saṃsaṭṭhavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৩৩. সেক্খং ধম্মং সংসট্ঠো সেক্খো ধম্মো উপ্পজ্জতি হেতুপচ্চযা – সেক্খং একং খন্ধং সংসট্ঠা তযো খন্ধা…পে॰… দ্ৰে খন্ধে…পে॰…। (১)

    33. Sekkhaṃ dhammaṃ saṃsaṭṭho sekkho dhammo uppajjati hetupaccayā – sekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    অসেক্খং ধম্মং সংসট্ঠো অসেক্খো ধম্মো উপ্পজ্জতি হেতুপচ্চযা – অসেক্খং একং খন্ধং সংসট্ঠা তযো খন্ধা…পে॰… দ্ৰে খন্ধে…পে॰…। (১)

    Asekkhaṃ dhammaṃ saṃsaṭṭho asekkho dhammo uppajjati hetupaccayā – asekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    নেৰসেক্খনাসেক্খং ধম্মং সংসট্ঠো নেৰসেক্খনাসেক্খো ধম্মো উপ্পজ্জতি হেতুপচ্চযা – নেৰসেক্খনাসেক্খং একং খন্ধং সংসট্ঠা তযো খন্ধা…পে॰… দ্ৰে খন্ধে…পে॰… পটিসন্ধিক্খণে…পে॰…। (১)

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    আরম্মণপচ্চযাদি

    Ārammaṇapaccayādi

    ৩৪. সেক্খং ধম্মং সংসট্ঠো সেক্খো ধম্মো উপ্পজ্জতি আরম্মণপচ্চযা… অধিপতিপচ্চযা…পে॰… পুরেজাতপচ্চযা… আসেৰনপচ্চযা (দ্ৰে কাতব্বা)…পে॰… অৰিগতপচ্চযা।

    34. Sekkhaṃ dhammaṃ saṃsaṭṭho sekkho dhammo uppajjati ārammaṇapaccayā… adhipatipaccayā…pe… purejātapaccayā… āsevanapaccayā (dve kātabbā)…pe… avigatapaccayā.

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    ৩৫. হেতুযা তীণি, আরম্মণে তীণি, অধিপতিযা তীণি, অনন্তরে সমনন্তরে সহজাতে অঞ্ঞমঞ্ঞে নিস্সযে উপনিস্সযে পুরেজাতে তীণি, আসেৰনে দ্ৰে, কম্মে তীণি…পে॰… অৰিগতে তীণি (এৰং গণেতব্বং)।

    35. Hetuyā tīṇi, ārammaṇe tīṇi, adhipatiyā tīṇi, anantare samanantare sahajāte aññamaññe nissaye upanissaye purejāte tīṇi, āsevane dve, kamme tīṇi…pe… avigate tīṇi (evaṃ gaṇetabbaṃ).

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ৩৬. নেৰসেক্খনাসেক্খং ধম্মং সংসট্ঠো নেৰসেক্খনাসেক্খো ধম্মো উপ্পজ্জতি নহেতুপচ্চযা – অহেতুকং নেৰসেক্খনাসেক্খং একং খন্ধং সংসট্ঠা তযো খন্ধা…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো। (১)

    36. Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    নঅধিপতিপচ্চযো

    Naadhipatipaccayo

    ৩৭. সেক্খং ধম্মং সংসট্ঠো সেক্খো ধম্মো উপ্পজ্জতি নঅধিপতিপচ্চযা – সেক্খে খন্ধে সংসট্ঠো সেক্খো অধিপতি। (১)

    37. Sekkhaṃ dhammaṃ saṃsaṭṭho sekkho dhammo uppajjati naadhipatipaccayā – sekkhe khandhe saṃsaṭṭho sekkho adhipati. (1)

    অসেক্খং ধম্মং সংসট্ঠো অসেক্খো ধম্মো উপ্পজ্জতি নঅধিপতিপচ্চযা – অসেক্খে খন্ধে সংসট্ঠো অসেক্খো অধিপতি। (১)

    Asekkhaṃ dhammaṃ saṃsaṭṭho asekkho dhammo uppajjati naadhipatipaccayā – asekkhe khandhe saṃsaṭṭho asekkho adhipati. (1)

    নেৰসেক্খনাসেক্খং ধম্মং সংসট্ঠো নেৰসেক্খনাসেক্খো ধম্মো উপ্পজ্জতি নঅধিপতিপচ্চযা (পরিপুণ্ণং, একং)।

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati naadhipatipaccayā (paripuṇṇaṃ, ekaṃ).

    নপুরেজাতপচ্চযাদি

    Napurejātapaccayādi

    ৩৮. সেক্খং ধম্মং সংসট্ঠো সেক্খো ধম্মো উপ্পজ্জতি নপুরেজাতপচ্চযা… নপচ্ছাজাতপচ্চযা… নআসেৰনপচ্চযা… নকম্মপচ্চযা (দ্ৰে কাতব্বা)… নৰিপাকপচ্চযা (দ্ৰে কাতব্বা)… নঝানপচ্চযা… নমগ্গপচ্চযা… নৰিপ্পযুত্তপচ্চযা…পে॰…।

    38. Sekkhaṃ dhammaṃ saṃsaṭṭho sekkho dhammo uppajjati napurejātapaccayā… napacchājātapaccayā… naāsevanapaccayā… nakammapaccayā (dve kātabbā)… navipākapaccayā (dve kātabbā)… najhānapaccayā… namaggapaccayā… navippayuttapaccayā…pe….

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    ৩৯. নহেতুযা একং, নঅধিপতিযা তীণি, নপুরেজাতে তীণি, নপচ্ছাজাতে তীণি, নআসেৰনে তীণি, নকম্মে দ্ৰে, নৰিপাকে দ্ৰে, নঝানে একং, নমগ্গে একং, নৰিপ্পযুত্তে তীণি (এৰং গণেতব্বং)।

    39. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme dve, navipāke dve, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    পচ্চনীযং।

    Paccanīyaṃ.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    ৪০. হেতুপচ্চযা নঅধিপতিযা তীণি, নপুরেজাতে তীণি, নপচ্ছাজাতে নআসেৰনে তীণি, নকম্মে দ্ৰে, নৰিপাকে দ্ৰে, নৰিপ্পযুত্তে তীণি (এৰং গণেতব্বং)।

    40. Hetupaccayā naadhipatiyā tīṇi, napurejāte tīṇi, napacchājāte naāsevane tīṇi, nakamme dve, navipāke dve, navippayutte tīṇi (evaṃ gaṇetabbaṃ).

    অনুলোমপচ্চনীযং।

    Anulomapaccanīyaṃ.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ৪১. নহেতুপচ্চযা আরম্মণে একং, অনন্তরে সমনন্তরে সহজাতে অঞ্ঞমঞ্ঞে নিস্সযে উপনিস্সযে পুরেজাতে আসেৰনে কম্মে ৰিপাকে আহারে ইন্দ্রিযে ঝানে মগ্গে সম্পযুত্তে ৰিপ্পযুত্তে অত্থিযা নত্থিযা ৰিগতে অৰিগতে একং (এৰং গণেতব্বং)।

    41. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    পচ্চনীযানুলোমং।

    Paccanīyānulomaṃ.

    সংসট্ঠৰারো।

    Saṃsaṭṭhavāro.

    ৬. সম্পযুত্তৰারো

    6. Sampayuttavāro

    (সম্পযুত্তৰারো সংসট্ঠৰারসদিসো।)

    (Sampayuttavāro saṃsaṭṭhavārasadiso.)

    ৭. পঞ্হাৰারো

    7. Pañhāvāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৪২. সেক্খো ধম্মো সেক্খস্স ধম্মস্স হেতুপচ্চযেন পচ্চযো – সেক্খা হেতূ সম্পযুত্তকানং খন্ধানং হেতুপচ্চযেন পচ্চযো। (১)

    42. Sekkho dhammo sekkhassa dhammassa hetupaccayena paccayo – sekkhā hetū sampayuttakānaṃ khandhānaṃ hetupaccayena paccayo. (1)

    সেক্খো ধম্মো নেৰসেক্খনাসেক্খস্স ধম্মস্স হেতুপচ্চযেন পচ্চযো – সেক্খা হেতূ চিত্তসমুট্ঠানানং রূপানং হেতুপচ্চযেন পচ্চযো। (২)

    Sekkho dhammo nevasekkhanāsekkhassa dhammassa hetupaccayena paccayo – sekkhā hetū cittasamuṭṭhānānaṃ rūpānaṃ hetupaccayena paccayo. (2)

    সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স হেতুপচ্চযেন পচ্চযো – সেক্খা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো। (৩)

    Sekkho dhammo sekkhassa ca nevasekkhanāsekkhassa ca dhammassa hetupaccayena paccayo – sekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    অসেক্খো ধম্মো অসেক্খস্স ধম্মস্স (তীণি)।

    Asekkho dhammo asekkhassa dhammassa (tīṇi).

    নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স হেতুপচ্চযেন পচ্চযো – নেৰসেক্খনাসেক্খা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো। পটিসন্ধিক্খণে…পে॰…। (১)

    Nevasekkhanāsekkho dhammo nevasekkhanāsekkhassa dhammassa hetupaccayena paccayo – nevasekkhanāsekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    আরম্মণপচ্চযো

    Ārammaṇapaccayo

    ৪৩. সেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, সেক্খং ফলং পচ্চৰেক্খন্তি, চেতোপরিযঞাণেন সেক্খচিত্তসমঙ্গিস্স চিত্তং জানন্তি, সেক্খা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    43. Sekkho dhammo nevasekkhanāsekkhassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, sekkhaṃ phalaṃ paccavekkhanti, cetopariyañāṇena sekkhacittasamaṅgissa cittaṃ jānanti, sekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো – অরহা অসেক্খং ফলং পচ্চৰেক্খতি, চেতোপরিযঞাণেন অসেক্খচিত্তসমঙ্গিস্স চিত্তং জানাতি, অসেক্খা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    Asekkho dhammo nevasekkhanāsekkhassa dhammassa ārammaṇapaccayena paccayo – arahā asekkhaṃ phalaṃ paccavekkhati, cetopariyañāṇena asekkhacittasamaṅgissa cittaṃ jānāti, asekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ৪৪. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে॰… ঝানা ৰুট্ঠহিত্ৰা ঝানং পচ্চৰেক্খতি, অরিযা নিব্বানং পচ্চৰেক্খন্তি। নিব্বানং গোত্রভুস্স, ৰোদানস্স, আৰজ্জনায আরম্মণপচ্চযেন পচ্চযো। অরিযা পহীনে কিলেসে পচ্চৰেক্খন্তি ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি, তং আরব্ভ রাগো উপ্পজ্জতি…পে॰… দোমনস্সং উপ্পজ্জতি, সোতং…পে॰… ৰত্থুং নেৰসেক্খনাসেক্খে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নেৰসেক্খনাসেক্খচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে॰… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো। রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স…পে॰… নেৰসেক্খনাসেক্খা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    44. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā pahīne kilese paccavekkhanti vikkhambhite kilese paccavekkhanti, pubbe samudāciṇṇe kilese jānanti, cakkhuṃ aniccato dukkhato anattato vipassanti, assādenti abhinandanti, taṃ ārabbha rāgo uppajjati…pe… domanassaṃ uppajjati, sotaṃ…pe… vatthuṃ nevasekkhanāsekkhe khandhe aniccato dukkhato anattato vipassanti, assādenti…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena nevasekkhanāsekkhacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… nevasekkhanāsekkhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স আরম্মণপচ্চযেন পচ্চযো – নিব্বানং মগ্গস্স, সেক্খস্স ফলস্স আরম্মণপচ্চযেন পচ্চযো। (২)

    Nevasekkhanāsekkho dhammo sekkhassa dhammassa ārammaṇapaccayena paccayo – nibbānaṃ maggassa, sekkhassa phalassa ārammaṇapaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স আরম্মণপচ্চযেন পচ্চযো – নিব্বানং অসেক্খস্স ফলস্স আরম্মণপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa ārammaṇapaccayena paccayo – nibbānaṃ asekkhassa phalassa ārammaṇapaccayena paccayo. (3)

    অধিপতিপচ্চযো

    Adhipatipaccayo

    ৪৫. সেক্খো ধম্মো সেক্খস্স ধম্মস্স অধিপতিপচ্চযেন পচ্চযো। সহজাতাধিপতি – সেক্খাধিপতি সম্পযুত্তকানং খন্ধানং অধিপতিপচ্চযেন পচ্চযো। (১)

    45. Sekkho dhammo sekkhassa dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ adhipatipaccayena paccayo. (1)

    সেক্খো ধম্মো নেৰসেক্খনাসেক্খস্স ধম্মস্স অধিপতিপচ্চযেন পচ্চযো। আরম্মণাধিপতি, সহজাতাধিপতি। আরম্মণাধিপতি – অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, সেক্খং ফলং গরুং কত্ৰা পচ্চৰেক্খন্তি । সহজাতাধিপতি – সেক্খাধিপতি চিত্তসমুট্ঠানানং রূপানং অধিপতিপচ্চযেন পচ্চযো। (২)

    Sekkho dhammo nevasekkhanāsekkhassa dhammassa adhipatipaccayena paccayo. Ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, sekkhaṃ phalaṃ garuṃ katvā paccavekkhanti . Sahajātādhipati – sekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স অধিপতিপচ্চযেন পচ্চযো। সহজাতাধিপতি – সেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (৩)

    Sekkho dhammo sekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ৪৬. অসেক্খো ধম্মো অসেক্খস্স ধম্মস্স অধিপতিপচ্চযেন পচ্চযো। সহজাতাধিপতি – অসেক্খাধিপতি সম্পযুত্তকানং খন্ধানং অধিপতিপচ্চযেন পচ্চযো। (১)

    46. Asekkho dhammo asekkhassa dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ adhipatipaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – অরহা অসেক্খং ফলং গরুং কত্ৰা পচ্চৰেক্খতি। সহজাতাধিপতি – অসেক্খাধিপতি চিত্তসমুট্ঠানানং রূপানং অধিপতিপচ্চযেন পচ্চযো। (২)

    Asekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā asekkhaṃ phalaṃ garuṃ katvā paccavekkhati. Sahajātādhipati – asekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    অসেক্খো ধম্মো অসেক্খস্স চ নেৰসেক্খনাসেক্খস্স চ ধম্মস্স অধিপতিপচ্চযেন পচ্চযো। সহজাতাধিপতি – অসেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (৩)

    Asekkho dhammo asekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ৪৭. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অরিযা নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স অধিপতিপচ্চযেন পচ্চযো। চক্খুং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। সোতং…পে॰… ৰত্থুং নেৰসেক্খনাসেক্খে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। সহজাতাধিপতি – নেৰসেক্খনাসেক্খাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (১)

    47. Nevasekkhanāsekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ariyā nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Cakkhuṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sotaṃ…pe… vatthuṃ nevasekkhanāsekkhe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nevasekkhanāsekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স অধিপতিপচ্চযেন পচ্চযো। আরম্মণাধিপতি – নিব্বানং মগ্গস্স, সেক্খস্স ফলস্স অধিপতিপচ্চযেন পচ্চযো। (২)

    Nevasekkhanāsekkho dhammo sekkhassa dhammassa adhipatipaccayena paccayo. Ārammaṇādhipati – nibbānaṃ maggassa, sekkhassa phalassa adhipatipaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স অধিপতিপচ্চযেন পচ্চযো। আরম্মণাধিপতি – নিব্বানং অসেক্খস্স ফলস্স অধিপতিপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa adhipatipaccayena paccayo. Ārammaṇādhipati – nibbānaṃ asekkhassa phalassa adhipatipaccayena paccayo. (3)

    অনন্তরপচ্চযো

    Anantarapaccayo

    ৪৮. সেক্খো ধম্মো সেক্খস্স ধম্মস্স অনন্তরপচ্চযেন পচ্চযো – পুরিমা পুরিমা সেক্খা খন্ধা পচ্ছিমানং পচ্ছিমানং সেক্খানং খন্ধানং অনন্তরপচ্চযেন পচ্চযো। মগ্গো সেক্খস্স ফলস্স… সেক্খং ফলং সেক্খস্স ফলস্স অনন্তরপচ্চযেন পচ্চযো। (১)

    48. Sekkho dhammo sekkhassa dhammassa anantarapaccayena paccayo – purimā purimā sekkhā khandhā pacchimānaṃ pacchimānaṃ sekkhānaṃ khandhānaṃ anantarapaccayena paccayo. Maggo sekkhassa phalassa… sekkhaṃ phalaṃ sekkhassa phalassa anantarapaccayena paccayo. (1)

    সেক্খো ধম্মো অসেক্খস্স ধম্মস্স অনন্তরপচ্চযেন পচ্চযো – মগ্গো অসেক্খস্স ফলস্স অনন্তরপচ্চযেন পচ্চযো। (২)

    Sekkho dhammo asekkhassa dhammassa anantarapaccayena paccayo – maggo asekkhassa phalassa anantarapaccayena paccayo. (2)

    সেক্খো ধম্মো নেৰসেক্খনাসেক্খস্স ধম্মস্স অনন্তরপচ্চযেন পচ্চযো – সেক্খং ফলং ৰুট্ঠানস্স অনন্তরপচ্চযেন পচ্চযো। (৩)

    Sekkho dhammo nevasekkhanāsekkhassa dhammassa anantarapaccayena paccayo – sekkhaṃ phalaṃ vuṭṭhānassa anantarapaccayena paccayo. (3)

    ৪৯. অসেক্খো ধম্মো অসেক্খস্স ধম্মস্স অনন্তরপচ্চযেন পচ্চযো – পুরিমা পুরিমা অসেক্খা খন্ধা পচ্ছিমানং পচ্ছিমানং অসেক্খানং খন্ধানং অনন্তরপচ্চযেন পচ্চযো। অসেক্খং ফলং অসেক্খস্স ফলস্স অনন্তরপচ্চযেন পচ্চযো। (১)

    49. Asekkho dhammo asekkhassa dhammassa anantarapaccayena paccayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ anantarapaccayena paccayo. Asekkhaṃ phalaṃ asekkhassa phalassa anantarapaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স অনন্তরপচ্চযেন পচ্চযো – অসেক্খং ফলং ৰুট্ঠানস্স অনন্তরপচ্চযেন পচ্চযো। (২)

    Asekkho dhammo nevasekkhanāsekkhassa dhammassa anantarapaccayena paccayo – asekkhaṃ phalaṃ vuṭṭhānassa anantarapaccayena paccayo. (2)

    ৫০. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স অনন্তরপচ্চযেন পচ্চযো – পুরিমা পুরিমা নেৰসেক্খনাসেক্খা খন্ধা পচ্ছিমানং পচ্ছিমানং নেৰসেক্খনাসেক্খানং খন্ধানং…পে॰… অনুলোমং গোত্রভুস্স… অনুলোমং ৰোদানস্স… আৰজ্জনা নেৰসেক্খনাসেক্খানং খন্ধানং অনন্তরপচ্চযেন পচ্চযো। (১)

    50. Nevasekkhanāsekkho dhammo nevasekkhanāsekkhassa dhammassa anantarapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ…pe… anulomaṃ gotrabhussa… anulomaṃ vodānassa… āvajjanā nevasekkhanāsekkhānaṃ khandhānaṃ anantarapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স অনন্তরপচ্চযেন পচ্চযো – গোত্রভু মগ্গস্স… ৰোদানং মগ্গস্স… অনুলোমং সেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং সেক্খায ফলসমাপত্তিযা অনন্তরপচ্চযেন পচ্চযো। (২)

    Nevasekkhanāsekkho dhammo sekkhassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ sekkhāya phalasamāpattiyā… nirodhā vuṭṭhahantassa nevasaññānāsaññāyatanakusalaṃ sekkhāya phalasamāpattiyā anantarapaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স অনন্তরপচ্চযেন পচ্চযো – অনুলোমং অসেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং অসেক্খায ফলসমাপত্তিযা অনন্তরপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa anantarapaccayena paccayo – anulomaṃ asekkhāya phalasamāpattiyā… nirodhā vuṭṭhahantassa nevasaññānāsaññāyatanakiriyaṃ asekkhāya phalasamāpattiyā anantarapaccayena paccayo. (3)

    সমনন্তরপচ্চযো

    Samanantarapaccayo

    ৫১. সেক্খো ধম্মো সেক্খস্স ধম্মস্স সমনন্তরপচ্চযেন পচ্চযো…পে॰… (অনন্তরসদিসং, অট্ঠ পঞ্হা)।

    51. Sekkho dhammo sekkhassa dhammassa samanantarapaccayena paccayo…pe… (anantarasadisaṃ, aṭṭha pañhā).

    সহজাতপচ্চযাদি

    Sahajātapaccayādi

    ৫২. সেক্খো ধম্মো সেক্খস্স ধম্মস্স সহজাতপচ্চযেন পচ্চযো…পে॰… (পটিচ্চৰারে সহজাতসদিসং, নৰ পঞ্হা) অঞ্ঞমঞ্ঞপচ্চযেন পচ্চযো (পটিচ্চৰারে অঞ্ঞমঞ্ঞসদিসং, তীণি। নিস্সযপচ্চযে কুসলত্তিকে নিস্সযপচ্চযসদিসং, তেরস পঞ্হা)।

    52. Sekkho dhammo sekkhassa dhammassa sahajātapaccayena paccayo…pe… (paṭiccavāre sahajātasadisaṃ, nava pañhā) aññamaññapaccayena paccayo (paṭiccavāre aññamaññasadisaṃ, tīṇi. Nissayapaccaye kusalattike nissayapaccayasadisaṃ, terasa pañhā).

    উপনিস্সযপচ্চযো

    Upanissayapaccayo

    ৫৩. সেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে॰…। পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো। দুতিযো মগ্গো ততিযস্স মগ্গস্স উপনিস্সযপচ্চযেন পচ্চযো। ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো। মগ্গো সেক্খায ফলসমাপত্তিযা উপনিস্সযপচ্চযেন পচ্চযো। (১)

    53. Sekkho dhammo sekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa upanissayapaccayena paccayo. Tatiyo maggo catutthassa maggassa upanissayapaccayena paccayo. Maggo sekkhāya phalasamāpattiyā upanissayapaccayena paccayo. (1)

    সেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে॰…। পকতূপনিস্সযো – মগ্গো অসেক্খায ফলসমাপত্তিযা উপনিস্সযপচ্চযেন পচ্চযো। (২)

    Sekkho dhammo asekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – maggo asekkhāya phalasamāpattiyā upanissayapaccayena paccayo. (2)

    সেক্খো ধম্মো নেৰসেক্খনাসেক্খস্স ধম্মস্স উপনিস্সযপচ্চযেন পচ্চয – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – অরিযা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি, উপ্পন্নং সমাপজ্জন্তি, সঙ্খারে অনিচ্চতো…পে॰… ৰিপস্সন্তি, মগ্গো অরিযানং অত্থপ্পটিসম্ভিদায…পে॰… পটিভানপ্পটিসম্ভিদায… ঠানাঠানকোসল্লস্স উপনিস্সযপচ্চযেন পচ্চযো। সেক্খা ফলসমাপত্তিযা কাযিকস্স সুখস্স উপনিস্সযপচ্চযেন পচ্চযো। (৩)

    Sekkho dhammo nevasekkhanāsekkhassa dhammassa upanissayapaccayena paccaya – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ kusalasamāpattiṃ uppādenti, uppannaṃ samāpajjanti, saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. Sekkhā phalasamāpattiyā kāyikassa sukhassa upanissayapaccayena paccayo. (3)

    ৫৪. অসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো। অনন্তরূপনিস্সযো – পুরিমা পুরিমা অসেক্খা খন্ধা পচ্ছিমানং পচ্ছিমানং অসেক্খানং খন্ধানং…পে॰… অসেক্খং ফলং অসেক্খস্স ফলস্স উপনিস্সযপচ্চযেন পচ্চযো। (১)

    54. Asekkho dhammo asekkhassa dhammassa upanissayapaccayena paccayo. Anantarūpanissayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ…pe… asekkhaṃ phalaṃ asekkhassa phalassa upanissayapaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – অসেক্খা ফলসমাপত্তি কাযিকস্স সুখস্স উপনিস্সযপচ্চযেন পচ্চযো। (২)

    Asekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – asekkhā phalasamāpatti kāyikassa sukhassa upanissayapaccayena paccayo. (2)

    ৫৫. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – নেৰসেক্খনাসেক্খং সদ্ধং উপনিস্সায দানং দেতি। সীলং…পে॰… উপোসথকম্মং…পে॰… ঝানং…পে॰… ৰিপস্সনং…পে॰… অভিঞ্ঞং…পে॰… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। নেৰসেক্খনাসেক্খং সীলং…পে॰… পঞ্ঞং… রাগং…পে॰… পত্থনং… কাযিকং সুখং…পে॰… উতুং… ভোজনং… সেনাসনং উপনিস্সায দানং দেতি, সীলং…পে॰… সমাপত্তিং উপ্পাদেতি, পাণং হনতি…পে॰… সঙ্ঘং ভিন্দতি। নেৰসেক্খনাসেক্খা সদ্ধা…পে॰… পঞ্ঞা, রাগো…পে॰… পত্থনা, কাযিকং সুখং…পে॰… সেনাসনং নেৰসেক্খনাসেক্খায সদ্ধায…পে॰… পঞ্ঞায, রাগস্স…পে॰… পত্থনায, কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো। পঠমস্স ঝানস্স পরিকম্মং পঠমস্স ঝানস্স উপনিস্সযপচ্চযেন পচ্চযো…পে॰… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স…পে॰… পঠমং ঝানং দুতিযস্স ঝানস্স উপনিস্সযপচ্চযেন পচ্চযো…পে॰… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো। (১)

    55. Nevasekkhanāsekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nevasekkhanāsekkhaṃ saddhaṃ upanissāya dānaṃ deti. Sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Nevasekkhanāsekkhaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… utuṃ… bhojanaṃ… senāsanaṃ upanissāya dānaṃ deti, sīlaṃ…pe… samāpattiṃ uppādeti, pāṇaṃ hanati…pe… saṅghaṃ bhindati. Nevasekkhanāsekkhā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ nevasekkhanāsekkhāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Paṭhamassa jhānassa parikammaṃ paṭhamassa jhānassa upanissayapaccayena paccayo…pe… nevasaññānāsaññāyatanassa parikammaṃ nevasaññānāsaññāyatanassa…pe… paṭhamaṃ jhānaṃ dutiyassa jhānassa upanissayapaccayena paccayo…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো , অনন্তরূপনিস্সযো, পকতূপনিস্সযো…পে॰…। পকতূপনিস্সযো – পঠমস্স মগ্গস্স পরিকম্মং পঠমস্স মগ্গস্স উপনিস্সযপচ্চযেন পচ্চযো…পে॰… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো। (২)

    Nevasekkhanāsekkho dhammo sekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo…pe… catutthassa maggassa parikammaṃ catutthassa maggassa upanissayapaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – কাযিকং সুখং… কাযিকং দুক্খং… উতুং… ভোজনং… সেনাসনং অসেক্খায ফলসমাপত্তিযা উপনিস্সযপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ asekkhāya phalasamāpattiyā upanissayapaccayena paccayo. (3)

    পুরেজাতপচ্চযো

    Purejātapaccayo

    ৫৬. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং অনিচ্চতো…পে॰… ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি…পে॰… দোমনস্সং উপ্পজ্জতি। সোতং…পে॰… ৰত্থুং অনিচ্চতো দুক্খতো অনত্ততো ৰিপস্সতি…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো। ৰত্থুপুরেজাতং – চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স, ৰত্থু নেৰসেক্খনাসেক্খানং খন্ধানং পুরেজাতপচ্চযেন পচ্চযো। (১)

    56. Nevasekkhanāsekkho dhammo nevasekkhanāsekkhassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ purejātapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স পুরেজাতপচ্চযেন পচ্চযো। ৰত্থুপুরেজাতং – ৰত্থু সেক্খানং খন্ধানং পুরেজাতপচ্চযেন পচ্চযো। (২)

    Nevasekkhanāsekkho dhammo sekkhassa dhammassa purejātapaccayena paccayo. Vatthupurejātaṃ – vatthu sekkhānaṃ khandhānaṃ purejātapaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স পুরেজাতপচ্চযেন পচ্চযো। ৰত্থুপুরেজাতং – ৰত্থু অসেক্খানং খন্ধানং পুরেজাতপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa purejātapaccayena paccayo. Vatthupurejātaṃ – vatthu asekkhānaṃ khandhānaṃ purejātapaccayena paccayo. (3)

    পচ্ছাজাতপচ্চযো

    Pacchājātapaccayo

    ৫৭. সেক্খো ধম্মো নেৰসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা সেক্খা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো। (১)

    57. Sekkho dhammo nevasekkhanāsekkhassa dhammassa pacchājātapaccayena paccayo – pacchājātā sekkhā khandhā purejātassa imassa kāyassa pacchājātapaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা অসেক্খা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো। (১)

    Asekkho dhammo nevasekkhanāsekkhassa dhammassa pacchājātapaccayena paccayo – pacchājātā asekkhā khandhā purejātassa imassa kāyassa pacchājātapaccayena paccayo. (1)

    নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৰসেক্খনাসেক্খা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো। (১)

    Nevasekkhanāsekkho dhammo nevasekkhanāsekkhassa dhammassa pacchājātapaccayena paccayo – pacchājātā nevasekkhanāsekkhā khandhā purejātassa imassa kāyassa pacchājātapaccayena paccayo. (1)

    আসেৰনপচ্চযো

    Āsevanapaccayo

    ৫৮. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স আসেৰনপচ্চযেন পচ্চযো – পুরিমা পুরিমা নেৰসেক্খনাসেক্খা খন্ধা পচ্ছিমানং পচ্ছিমানং নেৰসেক্খনাসেক্খানং খন্ধানং আসেৰনপচ্চযেন পচ্চযো। অনুলোমং গোত্রভুস্স… অনুলোমং ৰোদানস্স আসেৰনপচ্চযেন পচ্চযো। (১)

    58. Nevasekkhanāsekkho dhammo nevasekkhanāsekkhassa dhammassa āsevanapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স আসেৰনপচ্চযেন পচ্চযো – গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো। (২)

    Nevasekkhanāsekkho dhammo sekkhassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)

    কম্মপচ্চযো

    Kammapaccayo

    ৫৯. সেক্খো ধম্মো সেক্খস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – সেক্খা চেতনা সম্পযুত্তকানং খন্ধানং কম্মপচ্চযেন পচ্চযো। নানাক্খণিকা – সেক্খা চেতনা ৰিপাকানং সেক্খানং খন্ধানং কম্মপচ্চযেন পচ্চযো। (১)

    59. Sekkho dhammo sekkhassa dhammassa kammapaccayena paccayo – sahajātā, nānākkhaṇikā. Sahajātā – sekkhā cetanā sampayuttakānaṃ khandhānaṃ kammapaccayena paccayo. Nānākkhaṇikā – sekkhā cetanā vipākānaṃ sekkhānaṃ khandhānaṃ kammapaccayena paccayo. (1)

    সেক্খো ধম্মো অসেক্খস্স ধম্মস্স কম্মপচ্চযেন পচ্চযো। নানাক্খণিকা – সেক্খা চেতনা অসেক্খানং খন্ধানং কম্মপচ্চযেন পচ্চযো। (২)

    Sekkho dhammo asekkhassa dhammassa kammapaccayena paccayo. Nānākkhaṇikā – sekkhā cetanā asekkhānaṃ khandhānaṃ kammapaccayena paccayo. (2)

    সেক্খো ধম্মো নেৰসেক্খনাসেক্খস্স ধম্মস্স কম্মপচ্চযেন পচ্চযো। সহজাতা – সেক্খা চেতনা চিত্তসমুট্ঠানানং রূপানং কম্মপচ্চযেন পচ্চযো। (৩)

    Sekkho dhammo nevasekkhanāsekkhassa dhammassa kammapaccayena paccayo. Sahajātā – sekkhā cetanā cittasamuṭṭhānānaṃ rūpānaṃ kammapaccayena paccayo. (3)

    সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স কম্মপচ্চযেন পচ্চযো – সেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। (৪)

    Sekkho dhammo sekkhassa ca nevasekkhanāsekkhassa ca dhammassa kammapaccayena paccayo – sekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (4)

    ৬০. অসেক্খো ধম্মো অসেক্খস্স ধম্মস্স কম্মপচ্চযেন পচ্চযো – অসেক্খা চেতনা সম্পযুত্তকানং খন্ধানং কম্মপচ্চযেন পচ্চযো। (১)

    60. Asekkho dhammo asekkhassa dhammassa kammapaccayena paccayo – asekkhā cetanā sampayuttakānaṃ khandhānaṃ kammapaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স কম্মপচ্চযেন পচ্চযো – অসেক্খা চেতনা চিত্তসমুট্ঠানানং রূপানং কম্মপচ্চযেন পচ্চযো। (২)

    Asekkho dhammo nevasekkhanāsekkhassa dhammassa kammapaccayena paccayo – asekkhā cetanā cittasamuṭṭhānānaṃ rūpānaṃ kammapaccayena paccayo. (2)

    অসেক্খো ধম্মো অসেক্খস্স চ নেৰসেক্খনাসেক্খস্স চ ধম্মস্স কম্মপচ্চযেন পচ্চযো – অসেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। (৩)

    Asekkho dhammo asekkhassa ca nevasekkhanāsekkhassa ca dhammassa kammapaccayena paccayo – asekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ৬১. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – নেৰসেক্খনাসেক্খা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। পটিসন্ধিক্খণে…পে॰…। নানাক্খণিকা – নেৰসেক্খনাসেক্খা চেতনা ৰিপাকানং নেৰসেক্খনাসেক্খানং খন্ধানং কটত্তা চ রূপানং কম্মপচ্চযেন পচ্চযো। (১)

    61. Nevasekkhanāsekkho dhammo nevasekkhanāsekkhassa dhammassa kammapaccayena paccayo – sahajātā, nānākkhaṇikā. Sahajātā – nevasekkhanāsekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – nevasekkhanāsekkhā cetanā vipākānaṃ nevasekkhanāsekkhānaṃ khandhānaṃ kaṭattā ca rūpānaṃ kammapaccayena paccayo. (1)

    ৰিপাকপচ্চযো

    Vipākapaccayo

    ৬২. সেক্খো ধম্মো সেক্খস্স ধম্মস্স ৰিপাকপচ্চযেন পচ্চযো – ৰিপাকো সেক্খো একো খন্ধো তিণ্ণন্নং খন্ধানং…পে॰… (সেক্খমূলকে তীণি )।

    62. Sekkho dhammo sekkhassa dhammassa vipākapaccayena paccayo – vipāko sekkho eko khandho tiṇṇannaṃ khandhānaṃ…pe… (sekkhamūlake tīṇi ).

    অসেক্খো ধম্মো অসেক্খস্স ধম্মস্স ৰিপাকপচ্চযেন পচ্চযো – অসেক্খো একো খন্ধো তিণ্ণন্নং খন্ধানং…পে॰… (অসেক্খমূলকে তীণি)।

    Asekkho dhammo asekkhassa dhammassa vipākapaccayena paccayo – asekkho eko khandho tiṇṇannaṃ khandhānaṃ…pe… (asekkhamūlake tīṇi).

    নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স ৰিপাকপচ্চযেন পচ্চযো – ৰিপাকো নেৰসেক্খনাসেক্খো একো খন্ধো তিণ্ণন্নং খন্ধানং…পে॰… পটিসন্ধিক্খণে…পে॰… খন্ধা ৰত্থুস্স ৰিপাকপচ্চযেন পচ্চযো। (১)

    Nevasekkhanāsekkho dhammo nevasekkhanāsekkhassa dhammassa vipākapaccayena paccayo – vipāko nevasekkhanāsekkho eko khandho tiṇṇannaṃ khandhānaṃ…pe… paṭisandhikkhaṇe…pe… khandhā vatthussa vipākapaccayena paccayo. (1)

    আহারপচ্চযাদি

    Āhārapaccayādi

    ৬৩. সেক্খো ধম্মো সেক্খস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো…পে॰…।

    63. Sekkho dhammo sekkhassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo…pe….

    ৰিপ্পযুত্তপচ্চযো

    Vippayuttapaccayo

    ৬৪. সেক্খো ধম্মো নেৰসেক্খনাসেক্খস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং। সহজাতা – সেক্খা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো। পচ্ছাজাতা – সেক্খা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো (১)।

    64. Sekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – sekkhā khandhā purejātassa imassa kāyassa vippayuttapaccayena paccayo (1).

    অসেক্খো ধম্মো নেৰসেক্খনাসেক্খস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সেক্খসদিসং)।

    Asekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ (sekkhasadisaṃ).

    নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স ৰিপ্পযুত্তপচ্চযেন পচ্চযো – সহজাতং , পুরেজাতং, পচ্ছাজাতং। সহজাতা – নেৰসেক্খনাসেক্খা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো। পটিসন্ধিক্খণে নেৰসেক্খনাসেক্খা খন্ধা কটত্তারূপানং ৰিপ্পযুত্তপচ্চযেন পচ্চযো। খন্ধা ৰত্থুস্স ৰিপ্পযুত্তপচ্চযেন পচ্চযো। ৰত্থু খন্ধানং ৰিপ্পযুত্তপচ্চযেন পচ্চযো। পুরেজাতং – চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স, ৰত্থু নেৰসেক্খনাসেক্খানং খন্ধানং ৰিপ্পযুত্তপচ্চযেন পচ্চযো। পচ্ছাজাতা – নেৰসেক্খনাসেক্খা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো। (১)

    Nevasekkhanāsekkho dhammo nevasekkhanāsekkhassa dhammassa vippayuttapaccayena paccayo – sahajātaṃ , purejātaṃ, pacchājātaṃ. Sahajātā – nevasekkhanāsekkhā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe nevasekkhanāsekkhā khandhā kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ vippayuttapaccayena paccayo. Pacchājātā – nevasekkhanāsekkhā khandhā purejātassa imassa kāyassa vippayuttapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স ৰিপ্পযুত্তপচ্চযেন পচ্চযো। পুরেজাতং – ৰত্থু সেক্খানং খন্ধানং ৰিপ্পযুত্তপচ্চযেন পচ্চযো। (২)

    Nevasekkhanāsekkho dhammo sekkhassa dhammassa vippayuttapaccayena paccayo. Purejātaṃ – vatthu sekkhānaṃ khandhānaṃ vippayuttapaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স ৰিপ্পযুত্তপচ্চযেন পচ্চযো। পুরেজাতং – ৰত্থু অসেক্খানং খন্ধানং ৰিপ্পযুত্তপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa vippayuttapaccayena paccayo. Purejātaṃ – vatthu asekkhānaṃ khandhānaṃ vippayuttapaccayena paccayo. (3)

    অত্থিপচ্চযো

    Atthipaccayo

    ৬৫. সেক্খো ধম্মো সেক্খস্স ধম্মস্স অত্থিপচ্চযেন পচ্চযো – সেক্খো একো খন্ধো তিণ্ণন্নং খন্ধানং…পে॰…। (১)

    65. Sekkho dhammo sekkhassa dhammassa atthipaccayena paccayo – sekkho eko khandho tiṇṇannaṃ khandhānaṃ…pe…. (1)

    সেক্খো ধম্মো নেৰসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং। সহজাতা – সেক্খা খন্ধা চিত্তসমুট্ঠানানং রূপানং অত্থিপচ্চযেন পচ্চযো। পচ্ছাজাতা – সেক্খা খন্ধা পুরেজাতস্স ইমস্স কাযস্স অত্থিপচ্চযেন পচ্চযো। (২)

    Sekkho dhammo nevasekkhanāsekkhassa dhammassa atthipaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā purejātassa imassa kāyassa atthipaccayena paccayo. (2)

    সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স অত্থিপচ্চযেন পচ্চযো – সেক্খো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে॰… দ্ৰে খন্ধা…পে॰…। (৩)

    Sekkho dhammo sekkhassa ca nevasekkhanāsekkhassa ca dhammassa atthipaccayena paccayo – sekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    অসেক্খো ধম্মো অসেক্খস্স ধম্মস্স অত্থিপচ্চযেন পচ্চযো…পে॰… তীণি (সেক্খসদিসং)।

    Asekkho dhammo asekkhassa dhammassa atthipaccayena paccayo…pe… tīṇi (sekkhasadisaṃ).

    ৬৬. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং। সহজাতো – নেৰসেক্খনাসেক্খো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে॰… দ্ৰে খন্ধা…পে॰… পটিসন্ধিক্খণে…পে॰… খন্ধা ৰত্থুস্স অত্থিপচ্চযেন পচ্চযো। ৰত্থু খন্ধানং অত্থিপচ্চযেন পচ্চযো, একং মহাভূতং…পে॰… বাহিরং…পে॰… অসঞ্ঞসত্তানং…পে॰…। পুরেজাতং – চক্খুং অনিচ্চতো দুক্খতো অনত্ততো ৰিপস্সতি; অস্সাদেতি অভিনন্দতি; তং আরব্ভ রাগো উপ্পজ্জতি…পে॰… দোমনস্সং উপ্পজ্জতি। সোতং…পে॰… ৰত্থুং অনিচ্চতো…পে॰… ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স…পে॰… চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স… ৰত্থু নেৰসেক্খনাসেক্খানং খন্ধানং অত্থিপচ্চযেন পচ্চযো। পচ্ছাজাতা – নেৰসেক্খনাসেক্খা খন্ধা পুরেজাতস্স ইমস্স কাযস্স অত্থিপচ্চযেন পচ্চযো। কবল়ীকারো আহারো ইমস্স কাযস্স অত্থিপচ্চযেন পচ্চযো। রূপজীৰিতিন্দ্রিযং কটত্তারূপানং অত্থিপচ্চযেন পচ্চযো। (১)

    66. Nevasekkhanāsekkho dhammo nevasekkhanāsekkhassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevasekkhanāsekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo, ekaṃ mahābhūtaṃ…pe… bāhiraṃ…pe… asaññasattānaṃ…pe…. Purejātaṃ – cakkhuṃ aniccato dukkhato anattato vipassati; assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu nevasekkhanāsekkhānaṃ khandhānaṃ atthipaccayena paccayo. Pacchājātā – nevasekkhanāsekkhā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স অত্থিপচ্চযেন পচ্চযো। পুরেজাতং – ৰত্থু সেক্খানং খন্ধানং অত্থিপচ্চযেন পচ্চযো। (২)

    Nevasekkhanāsekkho dhammo sekkhassa dhammassa atthipaccayena paccayo. Purejātaṃ – vatthu sekkhānaṃ khandhānaṃ atthipaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স অত্থিপচ্চযেন পচ্চযো। পুরেজাতং – ৰত্থু অসেক্খানং খন্ধানং অত্থিপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa atthipaccayena paccayo. Purejātaṃ – vatthu asekkhānaṃ khandhānaṃ atthipaccayena paccayo. (3)

    ৬৭. সেক্খো চ নেৰসেক্খনাসেক্খো চ ধম্মা সেক্খস্স ধম্মস্স অত্থিপচ্চযেন পচ্চযো – সহজাতং, পুরেজাতং। সহজাতো – সেক্খো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে॰… দ্ৰে খন্ধা…পে॰…। (১)

    67. Sekkho ca nevasekkhanāsekkho ca dhammā sekkhassa dhammassa atthipaccayena paccayo – sahajātaṃ, purejātaṃ. Sahajāto – sekkho eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    সেক্খো চ নেৰসেক্খনাসেক্খো চ ধম্মা নেৰসেক্খনাসেক্খস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং। সহজাতা – সেক্খা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো। পচ্ছাজাতা – সেক্খা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো। পচ্ছাজাতা – সেক্খা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো। (২)

    Sekkho ca nevasekkhanāsekkho ca dhammā nevasekkhanāsekkhassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – sekkhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – sekkhā khandhā ca rūpajīvitindriyañca kaṭattārūpānaṃ atthipaccayena paccayo. (2)

    অসেক্খো চ নেৰসেক্খনাসেক্খো চ ধম্মা অসেক্খস্স ধম্মস্স অত্থিপচ্চযেন পচ্চযো…পে॰… (দ্ৰে পঞ্হা কাতব্বা, সেক্খসদিসা)।

    Asekkho ca nevasekkhanāsekkho ca dhammā asekkhassa dhammassa atthipaccayena paccayo…pe… (dve pañhā kātabbā, sekkhasadisā).

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    ৬৮. হেতুযা সত্ত, আরম্মণে পঞ্চ, অধিপতিযা নৰ, অনন্তরে অট্ঠ, সমনন্তরে অট্ঠ, সহজাতে নৰ, অঞ্ঞমঞ্ঞে তীণি, নিস্সযে তেরস, উপনিস্সযে অট্ঠ, পুরেজাতে তীণি, পচ্ছাজাতে তীণি, আসেৰনে দ্ৰে, কম্মে অট্ঠ, ৰিপাকে আহারে ইন্দ্রিযে ঝানে মগ্গে সত্ত, সম্পযুত্তে তীণি, ৰিপ্পযুত্তে পঞ্চ, অত্থিযা তেরস, নত্থিযা অট্ঠ, ৰিগতে অট্ঠ, অৰিগতে তেরস (এৰং গণেতব্বং)।

    68. Hetuyā satta, ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    অনুলোমং।

    Anulomaṃ.

    ২. পচ্চনীযুদ্ধারো

    2. Paccanīyuddhāro

    ৬৯. সেক্খো ধম্মো সেক্খস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো। (১)

    69. Sekkho dhammo sekkhassa dhammassa sahajātapaccayena paccayo… upanissayapaccayena paccayo. (1)

    সেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো। (২)

    Sekkho dhammo asekkhassa dhammassa upanissayapaccayena paccayo. (2)

    সেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো। (৩)

    Sekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

    সেক্খো ধম্মো সেক্খস্স চ নেৰসেক্খনাসেক্খস্স চ ধম্মস্স সহজাতপচ্চযেন পচ্চযো। (৪)

    Sekkho dhammo sekkhassa ca nevasekkhanāsekkhassa ca dhammassa sahajātapaccayena paccayo. (4)

    ৭০. অসেক্খো ধম্মো অসেক্খস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো। (১)

    70. Asekkho dhammo asekkhassa dhammassa sahajātapaccayena paccayo… upanissayapaccayena paccayo. (1)

    অসেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো। (২)

    Asekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    অসেক্খো ধম্মো অসেক্খস্স চ নেৰসেক্খনাসেক্খস্স চ ধম্মস্স সহজাতপচ্চযেন পচ্চযো। (৩)

    Asekkho dhammo asekkhassa ca nevasekkhanāsekkhassa ca dhammassa sahajātapaccayena paccayo. (3)

    ৭১. নেৰসেক্খনাসেক্খো ধম্মো নেৰসেক্খনাসেক্খস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (১)

    71. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    নেৰসেক্খনাসেক্খো ধম্মো সেক্খস্স ধম্মস্স উপনিস্সযপচ্চযেন পচ্চযো… পুরেজাতপচ্চযেন পচ্চযো। (২)

    Nevasekkhanāsekkho dhammo sekkhassa dhammassa upanissayapaccayena paccayo… purejātapaccayena paccayo. (2)

    নেৰসেক্খনাসেক্খো ধম্মো অসেক্খস্স ধম্মস্স উপনিস্সযপচ্চযেন পচ্চযো… পুরেজাতপচ্চযেন পচ্চযো। (৩)

    Nevasekkhanāsekkho dhammo asekkhassa dhammassa upanissayapaccayena paccayo… purejātapaccayena paccayo. (3)

    ৭২. সেক্খো চ নেৰসেক্খনাসেক্খো চ ধম্মা সেক্খস্স ধম্মস্স সহজাতং, পুরেজাতং। (১)

    72. Sekkho ca nevasekkhanāsekkho ca dhammā sekkhassa dhammassa sahajātaṃ, purejātaṃ. (1)

    সেক্খো চ নেৰসেক্খনাসেক্খো চ ধম্মা নেৰসেক্খনাসেক্খস্স ধম্মস্স সহজাতং, পচ্ছাজাতং, আহারং, ইন্দ্রিযং। (২)

    Sekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    অসেক্খো চ নেৰসেক্খনাসেক্খো চ ধম্মা অসেক্খস্স ধম্মস্স সহজাতং, পুরেজাতং। (১)

    Asekkho ca nevasekkhanāsekkho ca dhammā asekkhassa dhammassa sahajātaṃ, purejātaṃ. (1)

    অসেক্খো চ নেৰসেক্খনাসেক্খো চ ধম্মা নেৰসেক্খনাসেক্খস্স ধম্মস্স সহজাতং, পচ্ছাজাতং, আহারং, ইন্দ্রিযং। (২)

    Asekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    ৭৩. নহেতুযা চুদ্দস, নআরম্মণে নঅধিপতিযা নঅনন্তরে নসমনন্তরে চুদ্দস, নসহজাতে দস, নঅঞ্ঞমঞ্ঞে দস, ননিস্সযে দস , নউপনিস্সযে তেরস, নপুরেজাতে দ্ৰাদস, নপচ্ছাজাতে চুদ্দস, নআসেৰনে নকম্মে চুদ্দস, নৰিপাকে দ্ৰাদস, নআহারে নইন্দ্রিযে নঝানে নমগ্গে চুদ্দস, নসম্পযুত্তে দস, নৰিপ্পযুত্তে অট্ঠ, নোঅত্থিযা অট্ঠ, নোনত্থিযা চুদ্দস, নোৰিগতে চুদ্দস, নোঅৰিগতে অট্ঠ (এৰং গণেতব্বং)।

    73. Nahetuyā cuddasa, naārammaṇe naadhipatiyā naanantare nasamanantare cuddasa, nasahajāte dasa, naaññamaññe dasa, nanissaye dasa , naupanissaye terasa, napurejāte dvādasa, napacchājāte cuddasa, naāsevane nakamme cuddasa, navipāke dvādasa, naāhāre naindriye najhāne namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha (evaṃ gaṇetabbaṃ).

    পচ্চনীযং।

    Paccanīyaṃ.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ৭৪. হেতুপচ্চযা নআরম্মণে সত্ত, নঅধিপতিযা সত্ত, নঅনন্তরে সত্ত, নসমনন্তরে সত্ত, নঅঞ্ঞমঞ্ঞে তীণি, নউপনিস্সযে নপুরেজাতে নপচ্ছাজাতে নআসেৰনে নকম্মে সত্ত, নৰিপাকে চত্তারি, নআহারে নইন্দ্রিযে নঝানে নমগ্গে সত্ত, নসম্পযুত্তে তীণি, নৰিপ্পযুত্তে তীণি, নোনত্থিযা সত্ত, নোৰিগতে সত্ত (এৰং গণেতব্বং)।

    74. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye napurejāte napacchājāte naāsevane nakamme satta, navipāke cattāri, naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    অনুলোমপচ্চনীযং।

    Anulomapaccanīyaṃ.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    নহেতুদুকং

    Nahetudukaṃ

    ৭৫. নহেতুপচ্চযা আরম্মণে পঞ্চ, অধিপতিযা নৰ, অনন্তরে অট্ঠ, সমনন্তরে অট্ঠ, সহজাতে নৰ, অঞ্ঞমঞ্ঞে তীণি, নিস্সযে তেরস, উপনিস্সযে অট্ঠ, পুরেজাতে তীণি, পচ্ছাজাতে তীণি, আসেৰনে দ্ৰে, কম্মে অট্ঠ, ৰিপাকে আহারে ইন্দ্রিযে ঝানে মগ্গে সত্ত, সম্পযুত্তে তীণি, ৰিপ্পযুত্তে পঞ্চ, অত্থিযা তেরস, নত্থিযা অট্ঠ, ৰিগতে অট্ঠ, অৰিগতে তেরস (এৰং গণেতব্বং)।

    75. Nahetupaccayā ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    পচ্চনীযানুলোমং।

    Paccanīyānulomaṃ.

    পঞ্হাৰারো।

    Pañhāvāro.

    সেক্খত্তিকং নিট্ঠিতং।

    Sekkhattikaṃ niṭṭhitaṃ.




    Next: ১২. পরিত্তত্তিকং • 12. Parittattikaṃ




    Footnotes:
    1. নেৰসেখানাসেখো (সী॰), নেৰসেক্খানাসেক্খো (স্যা॰ ক॰)
    2. nevasekhānāsekho (sī.), nevasekkhānāsekkho (syā. ka.)



    Related texts:



    অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫-২২. সঙ্কিলিট্ঠত্তিকাদিৰণ্ণনা • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact