Library / Tipiṭaka / ติปิฎก • Tipiṭaka / ปฎฺฐานปาฬิ • Paṭṭhānapāḷi

    ๑๑. เสกฺขตฺติกํ

    11. Sekkhattikaṃ

    ๑. ปฎิจฺจวาโร

    1. Paṭiccavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑. เสกฺขํ ธมฺมํ ปฎิจฺจ เสโกฺข ธโมฺม อุปฺปชฺชติ เหตุปจฺจยา – เสกฺขํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.…ฯ (๑)

    1. Sekkhaṃ dhammaṃ paṭicca sekkho dhammo uppajjati hetupaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    เสกฺขํ ธมฺมํ ปฎิจฺจ เนวเสกฺขนาเสโกฺข 1 ธโมฺม อุปฺปชฺชติ เหตุปจฺจยา – เสเกฺข ขเนฺธ ปฎิจฺจ จิตฺตสมุฎฺฐานํ รูปํฯ (๒)

    Sekkhaṃ dhammaṃ paṭicca nevasekkhanāsekkho 2 dhammo uppajjati hetupaccayā – sekkhe khandhe paṭicca cittasamuṭṭhānaṃ rūpaṃ. (2)

    เสกฺขํ ธมฺมํ ปฎิจฺจ เสโกฺข จ เนวเสกฺขนาเสโกฺข จ ธมฺมา อุปฺปชฺชนฺติ เหตุปจฺจยา – เสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.…ฯ (๓)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ๒. อเสกฺขํ ธมฺมํ ปฎิจฺจ อเสโกฺข ธโมฺม อุปฺปชฺชติ เหตุปจฺจยา – อเสกฺขํ เอกํ ขนฺธํ ปฎิจฺจ ตโย ขนฺธา…เป.…ฯ (๑)

    2. Asekkhaṃ dhammaṃ paṭicca asekkho dhammo uppajjati hetupaccayā – asekkhaṃ ekaṃ khandhaṃ paṭicca tayo khandhā…pe…. (1)

    อเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ เหตุปจฺจยา – อเสเกฺข ขเนฺธ ปฎิจฺจ จิตฺตสมุฎฺฐานํ รูปํฯ (๒)

    Asekkhaṃ dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe paṭicca cittasamuṭṭhānaṃ rūpaṃ. (2)

    อเสกฺขํ ธมฺมํ ปฎิจฺจ อเสโกฺข จ เนวเสกฺขนาเสโกฺข จ ธมฺมา…เป.… อเสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.…ฯ (๓)

    Asekkhaṃ dhammaṃ paṭicca asekkho ca nevasekkhanāsekkho ca dhammā…pe… asekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ๓. เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ เหตุปจฺจยา – เนวเสกฺขนาเสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ปฎิสนฺธิกฺขเณ …เป.… ขเนฺธ ปฎิจฺจ วตฺถุ, วตฺถุํ ปฎิจฺจ ขนฺธา, เอกํ มหาภูตํ ปฎิจฺจ ตโย มหาภูตา…เป.… เทฺว มหาภูเต ปฎิจฺจ เทฺว มหาภูตา, มหาภูเต ปฎิจฺจ จิตฺตสมุฎฺฐานํ รูปํ กฎตฺตารูปํ อุปาทารูปํฯ (๑)

    3. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    เสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ เหตุปจฺจยา – เสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    อเสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ เหตุปจฺจยา – อเสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    อารมฺมณปจฺจยาทิ

    Ārammaṇapaccayādi

    ๔. เสกฺขํ ธมฺมํ ปฎิจฺจ เสโกฺข ธโมฺม อุปฺปชฺชติ อารมฺมณปจฺจยา… อธิปติปจฺจยา (ปฎิสนฺธิ นตฺถิ)… อนนฺตรปจฺจยา… สมนนฺตรปจฺจยา… สหชาตปจฺจยา (สเพฺพ มหาภูตา กาตพฺพา)… อญฺญมญฺญปจฺจยา… นิสฺสยปจฺจยา… อุปนิสฺสยปจฺจยา… ปุเรชาตปจฺจยา… อาเสวนปจฺจยา – เสกฺขํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.…ฯ

    4. Sekkhaṃ dhammaṃ paṭicca sekkho dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā (sabbe mahābhūtā kātabbā)… aññamaññapaccayā… nissayapaccayā… upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe….

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ อาเสวนปจฺจยา – เนวเสกฺขนาเสกฺขํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ …เป.… กมฺมปจฺจยา, วิปากปจฺจยา – วิปากํ เสกฺขํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.… (ตีณิ, ปริปุณฺณํ)ฯ

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paṭicca tayo khandhā…pe… dve khandhe …pe… kammapaccayā, vipākapaccayā – vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe… (tīṇi, paripuṇṇaṃ).

    อเสกฺขํ ธมฺมํ ปฎิจฺจ อเสโกฺข ธโมฺม อุปฺปชฺชติ วิปากปจฺจยา – อเสกฺขํ เอกํ ขนฺธํ ปฎิจฺจ… ตีณิฯ

    Asekkhaṃ dhammaṃ paṭicca asekkho dhammo uppajjati vipākapaccayā – asekkhaṃ ekaṃ khandhaṃ paṭicca… tīṇi.

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ วิปากปจฺจยา – วิปากํ เนวเสกฺขนาเสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ปฎิสนฺธิกฺขเณ…เป.… ขเนฺธ ปฎิจฺจ วตฺถุ, วตฺถุํ ปฎิจฺจ ขนฺธา, เอกํ มหาภูตํ…เป.…ฯ (๑)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati vipākapaccayā – vipākaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    เสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ วิปากปจฺจยา – วิปาเก เสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – vipāke sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    อเสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ วิปากปจฺจยา – อเสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    อาหารปจฺจยาทิ

    Āhārapaccayādi

    ๕. เสกฺขํ ธมฺมํ ปฎิจฺจ เสโกฺข ธโมฺม อุปฺปชฺชติ อาหารปจฺจยา… อินฺทฺริยปจฺจยา… ฌานปจฺจยา… มคฺคปจฺจย… สมฺปยุตฺตปจฺจยา… วิปฺปยุตฺตปจฺจยา… อตฺถิปจฺจยา… นตฺถิปจฺจยา… วิคตปจฺจยา… อวิคตปจฺจยาฯ

    5. Sekkhaṃ dhammaṃ paṭicca sekkho dhammo uppajjati āhārapaccayā… indriyapaccayā… jhānapaccayā… maggapaccaya… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๖. เหตุยา นว, อารมฺมเณ ตีณิ, อธิปติยา นว, อนนฺตเร ตีณิ, สมนนฺตเร ตีณิ, สหชาเต นว, อญฺญมเญฺญ ตีณิ, นิสฺสเย นว, อุปนิสฺสเย ตีณิ, ปุเรชาเต ตีณิ, อาเสวเน เทฺว, กเมฺม นว, วิปาเก อาหาเร อินฺทฺริเย ฌาเน มเคฺค นว, สมฺปยุเตฺต ตีณิ, วิปฺปยุเตฺต นว, อตฺถิยา นว, นตฺถิยา ตีณิ, วิคเต ตีณิ, อวิคเต นว (เอวํ คเณตพฺพํ)ฯ

    6. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke āhāre indriye jhāne magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava (evaṃ gaṇetabbaṃ).

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๗. เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นเหตุปจฺจยา – อเหตุกํ เนวเสกฺขนาเสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… อเหตุกปฎิสนฺธิกฺขเณ…เป.… ขเนฺธ ปฎิจฺจ วตฺถุ, วตฺถุํ ปฎิจฺจ ขนฺธา, เอกํ มหาภูตํ…เป.… พาหิรํ… อาหารสมุฎฺฐานํ… อุตุสมุฎฺฐานํ… อสญฺญสตฺตานํ เอกํ มหาภูตํ…เป.… วิจิกิจฺฉาสหคเต อุทฺธจฺจสหคเต ขเนฺธ ปฎิจฺจ วิจิกิจฺฉาสหคโต อุทฺธจฺจสหคโต โมโหฯ (๑)

    7. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    นอารมฺมณปจฺจโย

    Naārammaṇapaccayo

    ๘. เสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอารมฺมณปจฺจยา – เสเกฺข ขเนฺธ ปฎิจฺจ จิตฺตสมุฎฺฐานํ รูปํฯ (๑)

    8. Sekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe paṭicca cittasamuṭṭhānaṃ rūpaṃ. (1)

    อเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอารมฺมณปจฺจยา – อเสเกฺข ขเนฺธ ปฎิจฺจ จิตฺตสมุฎฺฐานํ รูปํฯ (๑)

    Asekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe paṭicca cittasamuṭṭhānaṃ rūpaṃ. (1)

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอารมฺมณปจฺจยา – เนวเสกฺขนาเสเกฺข ขเนฺธ ปฎิจฺจ จิตฺตสมุฎฺฐานํ รูปํ…เป.… ปฎิสนฺธิกฺขเณ…เป.… ขเนฺธ ปฎิจฺจ วตฺถุ…เป.… เอกํ มหาภูตํ…เป.… อสญฺญสตฺตานํ…เป.…ฯ (๑)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – nevasekkhanāsekkhe khandhe paṭicca cittasamuṭṭhānaṃ rūpaṃ…pe… paṭisandhikkhaṇe…pe… khandhe paṭicca vatthu…pe… ekaṃ mahābhūtaṃ…pe… asaññasattānaṃ…pe…. (1)

    เสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอารมฺมณปจฺจยา – เสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    อเสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอารมฺมณปจฺจยา – อเสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    นอธิปติปจฺจยาทิ

    Naadhipatipaccayādi

    ๙. เสกฺขํ ธมฺมํ ปฎิจฺจ เสโกฺข ธโมฺม อุปฺปชฺชติ นอธิปติปจฺจยา – เสเกฺข ขเนฺธ ปฎิจฺจ เสโกฺข อธิปติฯ (๑)

    9. Sekkhaṃ dhammaṃ paṭicca sekkho dhammo uppajjati naadhipatipaccayā – sekkhe khandhe paṭicca sekkho adhipati. (1)

    อเสกฺขํ ธมฺมํ ปฎิจฺจ อเสโกฺข ธโมฺม อุปฺปชฺชติ นอธิปติปจฺจยา – อเสเกฺข ขเนฺธ ปฎิจฺจ อเสโกฺข อธิปติฯ (๑)

    Asekkhaṃ dhammaṃ paṭicca asekkho dhammo uppajjati naadhipatipaccayā – asekkhe khandhe paṭicca asekkho adhipati. (1)

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอธิปติปจฺจยา… (ปริปุณฺณํ, ปฎิสนฺธิปิ มหาภูตาปิ สเพฺพ) นอนนฺตรปจฺจยา… นสมนนฺตรปจฺจยา… นอญฺญมญฺญปจฺจยา… นอุปนิสฺสยปจฺจยา… นปุเรชาตปจฺจยา… สตฺต (กุสลตฺติกสทิสา)… นปจฺฉาชาตปจฺจยา…เป.… นอาเสวนปจฺจยาฯ วิปากํ เสกฺขํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.…ฯ (๑)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naadhipatipaccayā… (paripuṇṇaṃ, paṭisandhipi mahābhūtāpi sabbe) naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… satta (kusalattikasadisā)… napacchājātapaccayā…pe… naāsevanapaccayā. Vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ๑๐. เสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอาเสวนปจฺจยา – เสเกฺข ขเนฺธ ปฎิจฺจ จิตฺตสมุฎฺฐานํ รูปํฯ (๒)

    10. Sekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā – sekkhe khandhe paṭicca cittasamuṭṭhānaṃ rūpaṃ. (2)

    เสกฺขํ ธมฺมํ ปฎิจฺจ เสโกฺข จ เนวเสกฺขนาเสโกฺข จ ธมฺมา อุปฺปชฺชนฺติ นอาเสวนปจฺจยา – วิปากํ เสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.…ฯ (๓)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti naāsevanapaccayā – vipākaṃ sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    อเสกฺขํ ธมฺมํ ปฎิจฺจ อเสโกฺข ธโมฺม… ตีณิฯ

    Asekkhaṃ dhammaṃ paṭicca asekkho dhammo… tīṇi.

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอาเสวนปจฺจยา… เนวเสกฺขนาเสกฺขํ (เอกํ, ปริปุณฺณํ, เสกฺขญฺจ, เนวเสกฺขนาเสกฺขญฺจ, ฆฎนา ปริปุณฺณา, เทฺวปิ กาตพฺพาฯ นว) นกมฺมปจฺจยา – เสเกฺข ขเนฺธ ปฎิจฺจ เสกฺขา เจตนาฯ

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā… nevasekkhanāsekkhaṃ (ekaṃ, paripuṇṇaṃ, sekkhañca, nevasekkhanāsekkhañca, ghaṭanā paripuṇṇā, dvepi kātabbā. Nava) nakammapaccayā – sekkhe khandhe paṭicca sekkhā cetanā.

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นกมฺมปจฺจยา – เนวเสกฺขนาเสเกฺข ขเนฺธ ปฎิจฺจ เนวเสกฺขนาเสกฺขา เจตนา; พาหิรํ… อาหารสมุฎฺฐานํ… อุตุสมุฎฺฐานํ… เอกํ มหาภูตํ…เป.…ฯ

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nakammapaccayā – nevasekkhanāsekkhe khandhe paṭicca nevasekkhanāsekkhā cetanā; bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe….

    นวิปากปจฺจโย

    Navipākapaccayo

    ๑๑. เสกฺขํ ธมฺมํ ปฎิจฺจ เสโกฺข ธโมฺม อุปฺปชฺชติ นวิปากปจฺจยา – เสกฺขํ เอกํ ขนฺธํ ปฎิจฺจ ตโย ขนฺธา…เป.…ฯ (๑)

    11. Sekkhaṃ dhammaṃ paṭicca sekkho dhammo uppajjati navipākapaccayā – sekkhaṃ ekaṃ khandhaṃ paṭicca tayo khandhā…pe…. (1)

    เสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นวิปากปจฺจยา – เสเกฺข ขเนฺธ ปฎิจฺจ จิตฺตสมุฎฺฐานํ รูปํฯ(๒)

    Sekkhaṃ dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe paṭicca cittasamuṭṭhānaṃ rūpaṃ.(2)

    เสกฺขํ ธมฺมํ ปฎิจฺจ เสโกฺข จ เนวเสกฺขนาเสโกฺข จ ธมฺมา อุปฺปชฺชนฺติ นวิปากปจฺจยา – เสกฺขํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.…ฯ (๓)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti navipākapaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    ๑๒. เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นวิปากปจฺจยา (ปริปุณฺณํ, ปฎิสนฺธิ นตฺถิ )ฯ

    12. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navipākapaccayā (paripuṇṇaṃ, paṭisandhi natthi ).

    เสกฺขญฺจ เนวเสกฺขนาเสกฺขญฺจ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นวิปากปจฺจยา – เสเกฺข ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    นอาหารปจฺจยาทิ

    Naāhārapaccayādi

    ๑๓. เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นอาหารปจฺจยา… นอินฺทฺริยปจฺจยา… นฌานปจฺจยา… นมคฺคปจฺจยา ฯ

    13. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā .

    นสมฺปยุตฺตปจฺจโย

    Nasampayuttapaccayo

    ๑๔. เสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นสมฺปยุตฺตปจฺจยา…เป.… (นอารมฺมณปจฺจยสทิสํ)ฯ

    14. Sekkhaṃ dhammaṃ paṭicca nevasekkhanāsekkho dhammo uppajjati nasampayuttapaccayā…pe… (naārammaṇapaccayasadisaṃ).

    นวิปฺปยุตฺตปจฺจยาทิ

    Navippayuttapaccayādi

    เสกฺขํ ธมฺมํ ปฎิจฺจ เสโกฺข ธโมฺม อุปฺปชฺชติ นวิปฺปยุตฺตปจฺจยาฯ อรูเป เสกฺขํ เอกํ ขนฺธํ ปฎิจฺจ ตโย ขนฺธา…เป.…ฯ (๑)

    Sekkhaṃ dhammaṃ paṭicca sekkho dhammo uppajjati navippayuttapaccayā. Arūpe sekkhaṃ ekaṃ khandhaṃ paṭicca tayo khandhā…pe…. (1)

    อเสกฺขํ ธมฺมํ ปฎิจฺจ อเสโกฺข ธโมฺม อุปฺปชฺชติ นวิปฺปยุตฺตปจฺจยา – อรูเป อเสกฺขํ เอกํ ขนฺธํ ปฎิจฺจ ตโย ขนฺธา…เป.…ฯ (๑)

    Asekkhaṃ dhammaṃ paṭicca asekkho dhammo uppajjati navippayuttapaccayā – arūpe asekkhaṃ ekaṃ khandhaṃ paṭicca tayo khandhā…pe…. (1)

    เนวเสกฺขนาเสกฺขํ ธมฺมํ ปฎิจฺจ เนวเสกฺขนาเสโกฺข ธโมฺม อุปฺปชฺชติ นวิปฺปยุตฺตปจฺจยา – อรูเป เนวเสกฺขนาเสกฺขํ เอกํ ขนฺธํ ปฎิจฺจ ตโย ขนฺธา…เป.… พาหิรํ… อาหารสมุฎฺฐานํ… อุตุสมุฎฺฐานํ… อสญฺญสตฺตานํ…เป.… โนนตฺถิปจฺจยา… โนวิคตปจฺจยาฯ

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navippayuttapaccayā – arūpe nevasekkhanāsekkhaṃ ekaṃ khandhaṃ paṭicca tayo khandhā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā… novigatapaccayā.

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๑๕. นเหตุยา เอกํ, นอารมฺมเณ ปญฺจ, นอธิปติยา ตีณิ, นอนนฺตเร นสมนนฺตเร นอญฺญมเญฺญ นอุปนิสฺสเย ปญฺจ, นปุเรชาเต สตฺต, นปจฺฉาชาเต นว, นอาเสวเน นว, นกเมฺม เทฺว, นวิปาเก ปญฺจ, นอาหาเร เอกํ, นอินฺทฺริเย เอกํ, นฌาเน เอกํ, นมเคฺค เอกํ, นสมฺปยุเตฺต ปญฺจ, นวิปฺปยุเตฺต ตีณิ, โนนตฺถิยา ปญฺจ, โนวิคเต ปญฺจ (เอวํ คเณตพฺพํ)ฯ

    15. Nahetuyā ekaṃ, naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte nava, naāsevane nava, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    ปจฺจนียํฯ

    Paccanīyaṃ.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    เหตุทุกํ

    Hetudukaṃ

    ๑๖. เหตุปจฺจยา นอารมฺมเณ ปญฺจ, นอธิปติยา ตีณิ, นอนนฺตเร นสมนนฺตเร นอญฺญมเญฺญ นอุปนิสฺสเย ปญฺจ, นปุเรชาเต สตฺต, นปจฺฉาชาเต นอาเสวเน นว, นกเมฺม เทฺว, นวิปาเก ปญฺจ, นสมฺปยุเตฺต ปญฺจ, นวิปฺปยุเตฺต ตีณิ, โนนตฺถิยา ปญฺจ, โนวิคเต ปญฺจ (เอวํ คเณตพฺพํ)ฯ

    16. Hetupaccayā naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte naāsevane nava, nakamme dve, navipāke pañca, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    อนุโลมปจฺจนียํฯ

    Anulomapaccanīyaṃ.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    นเหตุทุกํ

    Nahetudukaṃ

    ๑๗. นเหตุปจฺจยา อารมฺมเณ เอกํ, อนนฺตเร สมนนฺตเร สหชาเต อญฺญมเญฺญ นิสฺสเย อุปนิสฺสเย ปุเรชาเต อาเสวเน กเมฺม วิปาเก อาหาเร อินฺทฺริเย ฌาเน มเคฺค สมฺปยุเตฺต วิปฺปยุเตฺต อตฺถิยา นตฺถิยา วิคเต อวิคเต เอกํ (เอวํ คเณตพฺพํ)ฯ

    17. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    ปจฺจนียานุโลมํฯ

    Paccanīyānulomaṃ.

    ปฎิจฺจวาโรฯ

    Paṭiccavāro.

    ๒. สหชาตวาโร

    2. Sahajātavāro

    (สหชาตวาโร ปฎิจฺจวารสทิโสฯ)

    (Sahajātavāro paṭiccavārasadiso.)

    ๓. ปจฺจยวาโร

    3. Paccayavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑๘. เสกฺขํ ธมฺมํ ปจฺจยา เสโกฺข ธโมฺม อุปฺปชฺชติ เหตุปจฺจยา… ตีณิ (ปฎิจฺจวารสทิสํ)ฯ

    18. Sekkhaṃ dhammaṃ paccayā sekkho dhammo uppajjati hetupaccayā… tīṇi (paṭiccavārasadisaṃ).

    อเสกฺขํ ธมฺมํ ปจฺจยา อเสโกฺข ธโมฺม อุปฺปชฺชติ เหตุปจฺจยา… ตีณิ (ปฎิจฺจวารสทิสํ)ฯ

    Asekkhaṃ dhammaṃ paccayā asekkho dhammo uppajjati hetupaccayā… tīṇi (paṭiccavārasadisaṃ).

    ๑๙. เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ เหตุปจฺจยา (ปริปุณฺณํ), มหาภูเต ปจฺจยา จิตฺตสมุฎฺฐานํ รูปํ กฎตฺตารูปํ อุปาทารูปํ, วตฺถุํ ปจฺจยา เนวเสกฺขนาเสกฺขา ขนฺธาฯ (๑)

    19. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati hetupaccayā (paripuṇṇaṃ), mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā nevasekkhanāsekkhā khandhā. (1)

    เนวเสกฺขนาเสกฺขํ ธมฺมํ ปจฺจยา เสโกฺข ธโมฺม อุปฺปชฺชติ เหตุปจฺจยา – วตฺถุํ ปจฺจยา เสกฺขา ขนฺธาฯ (๒)

    Nevasekkhanāsekkhaṃ dhammaṃ paccayā sekkho dhammo uppajjati hetupaccayā – vatthuṃ paccayā sekkhā khandhā. (2)

    เนวเสกฺขนาเสกฺขํ ธมฺมํ ปจฺจยา อเสโกฺข ธโมฺม อุปฺปชฺชติ เหตุปจฺจยา – วตฺถุํ ปจฺจยา อเสกฺขา ขนฺธาฯ (๓)

    Nevasekkhanāsekkhaṃ dhammaṃ paccayā asekkho dhammo uppajjati hetupaccayā – vatthuṃ paccayā asekkhā khandhā. (3)

    เนวเสกฺขนาเสกฺขํ ธมฺมํ ปจฺจยา เสโกฺข จ เนวเสกฺขนาเสโกฺข จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา เสกฺขา ขนฺธา, มหาภูเต ปจฺจยา จิตฺตสมุฎฺฐานํ รูปํฯ (๔)

    Nevasekkhanāsekkhaṃ dhammaṃ paccayā sekkho ca nevasekkhanāsekkho ca dhammā uppajjanti hetupaccayā – vatthuṃ paccayā sekkhā khandhā, mahābhūte paccayā cittasamuṭṭhānaṃ rūpaṃ. (4)

    เนวเสกฺขนาเสกฺขํ ธมฺมํ ปจฺจยา อเสโกฺข จ เนวเสกฺขนาเสโกฺข จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา อเสกฺขา ขนฺธา, มหาภูเต ปจฺจยา จิตฺตสมุฎฺฐานํ รูปํฯ (๕)

    Nevasekkhanāsekkhaṃ dhammaṃ paccayā asekkho ca nevasekkhanāsekkho ca dhammā uppajjanti hetupaccayā – vatthuṃ paccayā asekkhā khandhā, mahābhūte paccayā cittasamuṭṭhānaṃ rūpaṃ. (5)

    ๒๐. เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข ธโมฺม อุปฺปชฺชติ เหตุปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขนฺธาฯ (๑)

    20. Sekkhañca nevasekkhanāsekkhañca dhammaṃ paccayā sekkho dhammo uppajjati hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ เหตุปจฺจยา – เสเกฺข ขเนฺธ จ มหาภูเต จ ปจฺจยา จิตฺตสมุฎฺฐานํ รูปํฯ (๒)

    Sekkhañca nevasekkhanāsekkhañca dhammaṃ paccayā nevasekkhanāsekkho dhammo uppajjati hetupaccayā – sekkhe khandhe ca mahābhūte ca paccayā cittasamuṭṭhānaṃ rūpaṃ. (2)

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข จ เนวเสกฺขนาเสโกฺข จ ธมฺมา อุปฺปชฺชนฺติ เหตุปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขนฺธาฯ เสเกฺข ขเนฺธ จ มหาภูเต จ ปจฺจยา จิตฺตสมุฎฺฐานํ รูปํฯ (๓)

    Sekkhañca nevasekkhanāsekkhañca dhammaṃ paccayā sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. Sekkhe khandhe ca mahābhūte ca paccayā cittasamuṭṭhānaṃ rūpaṃ. (3)

    อเสกฺขญฺจ เนวเสกฺขนาเสกฺขญฺจ ธมฺมํ ปจฺจยา… ตีณิ (เสกฺขสทิสา)ฯ

    Asekkhañca nevasekkhanāsekkhañca dhammaṃ paccayā… tīṇi (sekkhasadisā).

    อารมฺมณปจฺจโย

    Ārammaṇapaccayo

    ๒๑. เสกฺขํ ธมฺมํ ปจฺจยา เสโกฺข ธโมฺม อุปฺปชฺชติ อารมฺมณปจฺจยา… เอกํฯ

    21. Sekkhaṃ dhammaṃ paccayā sekkho dhammo uppajjati ārammaṇapaccayā… ekaṃ.

    อเสกฺขํ ธมฺมํ ปจฺจยา อเสโกฺข ธโมฺม… เอกํฯ

    Asekkhaṃ dhammaṃ paccayā asekkho dhammo… ekaṃ.

    เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ อารมฺมณปจฺจยา… เอกํ, วตฺถุํ ปจฺจยา เนวเสกฺขนาเสกฺขา ขนฺธา, จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา เนวเสกฺขนาเสกฺขา ขนฺธาฯ (๑)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati ārammaṇapaccayā… ekaṃ, vatthuṃ paccayā nevasekkhanāsekkhā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā nevasekkhanāsekkhā khandhā. (1)

    เนวเสกฺขนาเสกฺขํ ธมฺมํ ปจฺจยา เสโกฺข ธโมฺม อุปฺปชฺชติ อารมฺมณปจฺจยา – วตฺถุํ ปจฺจยา เสกฺขา ขนฺธาฯ (๒)

    Nevasekkhanāsekkhaṃ dhammaṃ paccayā sekkho dhammo uppajjati ārammaṇapaccayā – vatthuṃ paccayā sekkhā khandhā. (2)

    เนวเสกฺขนาเสกฺขํ ธมฺมํ ปจฺจยา อเสโกฺข ธโมฺม อุปฺปชฺชติ อารมฺมณปจฺจยา – วตฺถุํ ปจฺจยา อเสกฺขา ขนฺธาฯ (๓)

    Nevasekkhanāsekkhaṃ dhammaṃ paccayā asekkho dhammo uppajjati ārammaṇapaccayā – vatthuṃ paccayā asekkhā khandhā. (3)

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข ธโมฺม อุปฺปชฺชติ อารมฺมณปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขนฺธาฯ (๑)

    Sekkhañca nevasekkhanāsekkhañca dhammaṃ paccayā sekkho dhammo uppajjati ārammaṇapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    อเสกฺขญฺจ เนวเสกฺขนาเสกฺขญฺจ ธมฺมํ ปจฺจยา อเสโกฺข ธโมฺม อุปฺปชฺชติ อารมฺมณปจฺจยา – อเสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขนฺธาฯ (๑)

    Asekkhañca nevasekkhanāsekkhañca dhammaṃ paccayā asekkho dhammo uppajjati ārammaṇapaccayā – asekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    อธิปติปจฺจยาทิ

    Adhipatipaccayādi

    ๒๒. เสกฺขํ ธมฺมํ ปจฺจยา เสโกฺข ธโมฺม อุปฺปชฺชติ อธิปติปจฺจยา… อนนฺตรปจฺจยา… สมนนฺตรปจฺจยา… สหชาตปจฺจยา… อญฺญมญฺญปจฺจย… นิสฺสยปจฺจยา … อุปนิสฺสยปจฺจยา… ปุเรชาตปจฺจยา… อาเสวนปจฺจยา – เสกฺขํ เอกํ ขนฺธํ ปจฺจยา ตโย ขนฺธา…เป.…

    22. Sekkhaṃ dhammaṃ paccayā sekkho dhammo uppajjati adhipatipaccayā… anantarapaccayā… samanantarapaccayā… sahajātapaccayā… aññamaññapaccaya… nissayapaccayā … upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paccayā tayo khandhā…pe…

    เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ อาเสวนปจฺจยา – เนวเสกฺขนาเสกฺขํ เอกํ ขนฺธํ ปจฺจยา…เป.… วตฺถุํ ปจฺจยา เนวเสกฺขนาเสกฺขา ขนฺธาฯ (๑)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paccayā…pe… vatthuṃ paccayā nevasekkhanāsekkhā khandhā. (1)

    เนวเสกฺขนาเสกฺขํ ธมฺมํ ปจฺจยา เสโกฺข ธโมฺม อุปฺปชฺชติ อาเสวนปจฺจยา – วตฺถุํ ปจฺจยา เสกฺขา ขนฺธาฯ (๒)

    Nevasekkhanāsekkhaṃ dhammaṃ paccayā sekkho dhammo uppajjati āsevanapaccayā – vatthuṃ paccayā sekkhā khandhā. (2)

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข ธโมฺม อุปฺปชฺชติ อาเสวนปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขนฺธาฯ (๑)

    Sekkhañca nevasekkhanāsekkhañca dhammaṃ paccayā sekkho dhammo uppajjati āsevanapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    กมฺมปจฺจยาทิ

    Kammapaccayādi

    ๒๓. เสกฺขํ ธมฺมํ ปจฺจยา เสโกฺข ธโมฺม อุปฺปชฺชติ กมฺมปจฺจยา… วิปากปจฺจยา – วิปากํ เสกฺขํ เอกํ ขนฺธํ…เป.… อาหารปจฺจยา… อินฺทฺริยปจฺจยา… ฌานปจฺจยา… มคฺคปจฺจยา… สมฺปยุตฺตปจฺจยา… วิปฺปยุตฺตปจฺจยา… อตฺถิปจฺจยา… นตฺถิปจฺจยา… วิคตปจฺจยา… อวิคตปจฺจยาฯ

    23. Sekkhaṃ dhammaṃ paccayā sekkho dhammo uppajjati kammapaccayā… vipākapaccayā – vipākaṃ sekkhaṃ ekaṃ khandhaṃ…pe… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๒๔. เหตุยา สตฺตรส, อารมฺมเณ สตฺต, อธิปติยา สตฺตรส, อนนฺตเร สตฺต, สมนนฺตเร สตฺต, สหชาเต สตฺตรส, อญฺญมเญฺญ สตฺต, นิสฺสเย สตฺตรส, อุปนิสฺสเย สตฺต, ปุเรชาเต สตฺต, อาเสวเน จตฺตาริ, กเมฺม สตฺตรส, วิปาเก สตฺตรส, อาหาเร สตฺตรส, อินฺทฺริเย ฌาเน มเคฺค สตฺตรส, สมฺปยุเตฺต สตฺต, วิปฺปยุเตฺต สตฺตรส, อตฺถิยา สตฺตรส, นตฺถิยา สตฺต, วิคเต สตฺต, อวิคเต สตฺตรส (เอวํ คเณตพฺพํ)ฯ

    24. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane cattāri, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ).

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๒๕. เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นเหตุปจฺจยา – อเหตุกํ เนวเสกฺขนาเสกฺขํ เอกํ ขนฺธํ ปจฺจยา ตโย ขนฺธา จิตฺตสมุฎฺฐานญฺจ รูปํ…เป.… เทฺว ขนฺธาฯ อเหตุกปฎิสนฺธิกฺขเณ…เป.… ขเนฺธ ปจฺจยา วตฺถุ, วตฺถุํ ปจฺจยา ขนฺธา, เอกํ มหาภูตํ ปจฺจยา…เป.… พาหิรํ… อาหารสมุฎฺฐานํ… อุตุสมุฎฺฐานํ… อสญฺญสตฺตานํ…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา เนวเสกฺขนาเสกฺขา ขนฺธา, วิจิกิจฺฉาสหคเต อุทฺธจฺจสหคเต ขเนฺธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (๑)

    25. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhā. Ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ paccayā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    นอารมฺมณปจฺจยาทิ

    Naārammaṇapaccayādi

    ๒๖. เสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นอารมฺมณปจฺจยา…เป.…ฯ (๑)

    26. Sekkhaṃ dhammaṃ paccayā nevasekkhanāsekkho dhammo uppajjati naārammaṇapaccayā…pe…. (1)

    เสกฺขํ ธมฺมํ ปจฺจยา เสโกฺข ธโมฺม อุปฺปชฺชติ นอธิปติปจฺจยา – เสเกฺข ขเนฺธ ปจฺจยา เสโกฺข อธิปติฯ (๑)

    Sekkhaṃ dhammaṃ paccayā sekkho dhammo uppajjati naadhipatipaccayā – sekkhe khandhe paccayā sekkho adhipati. (1)

    อเสกฺขํ ธมฺมํ ปจฺจยา อเสโกฺข ธโมฺม อุปฺปชฺชติ นอธิปติปจฺจยา – อเสเกฺข ขเนฺธ ปจฺจยา อเสโกฺข อธิปติฯ (๑)

    Asekkhaṃ dhammaṃ paccayā asekkho dhammo uppajjati naadhipatipaccayā – asekkhe khandhe paccayā asekkho adhipati. (1)

    เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นอธิปติปจฺจยา (ปริปุณฺณํ) อสญฺญสตฺตานํ…เป.… จกฺขายตนํ…เป.… วตฺถุํ ปจฺจยา เนวเสกฺขนาเสกฺขา ขนฺธาฯ (๑)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naadhipatipaccayā (paripuṇṇaṃ) asaññasattānaṃ…pe… cakkhāyatanaṃ…pe… vatthuṃ paccayā nevasekkhanāsekkhā khandhā. (1)

    เนวเสกฺขนาเสกฺขํ ธมฺมํ ปจฺจยา เสโกฺข ธโมฺม อุปฺปชฺชติ นอธิปติปจฺจยา – วตฺถุํ ปจฺจยา เสโกฺข อธิปติฯ (๒)

    Nevasekkhanāsekkhaṃ dhammaṃ paccayā sekkho dhammo uppajjati naadhipatipaccayā – vatthuṃ paccayā sekkho adhipati. (2)

    เนวเสกฺขนาเสกฺขํ ธมฺมํ ปจฺจยา อเสโกฺข ธโมฺม อุปฺปชฺชติ นอธิปติปจฺจยา – วตฺถุํ ปจฺจยา อเสโกฺข อธิปติฯ (๓)

    Nevasekkhanāsekkhaṃ dhammaṃ paccayā asekkho dhammo uppajjati naadhipatipaccayā – vatthuṃ paccayā asekkho adhipati. (3)

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข ธโมฺม อุปฺปชฺชติ นอธิปติปจฺจยา – เสเกฺข ขเนฺธ จ วตฺถุญฺจ ปจฺจยา เสโกฺข อธิปติฯ (๑)

    Sekkhañca nevasekkhanāsekkhañca dhammaṃ paccayā sekkho dhammo uppajjati naadhipatipaccayā – sekkhe khandhe ca vatthuñca paccayā sekkho adhipati. (1)

    อเสกฺขญฺจ เนวเสกฺขนาเสกฺขญฺจ ธมฺมํ ปจฺจยา อเสโกฺข ธโมฺม อุปฺปชฺชติ นอธิปติปจฺจยา – อเสเกฺข ขเนฺธ จ วตฺถุญฺจ ปจฺจยา อเสโกฺข อธิปติฯ (๑)

    Asekkhañca nevasekkhanāsekkhañca dhammaṃ paccayā asekkho dhammo uppajjati naadhipatipaccayā – asekkhe khandhe ca vatthuñca paccayā asekkho adhipati. (1)

    นอนนฺตรปจฺจยาทิ

    Naanantarapaccayādi

    ๒๗. เสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นอนนฺตรปจฺจยา… นสมนนฺตรปจฺจยา… นอญฺญมญฺญปจฺจยา… นอุปนิสฺสยปจฺจยา… นปุเรชาตปจฺจยา… นปจฺฉาชาตปจฺจยา (สตฺต)… นอาเสวนปจฺจยา… นกมฺมปจฺจยา – เสเกฺข ขเนฺธ ปจฺจยา เสกฺขา เจตนาฯ

    27. Sekkhaṃ dhammaṃ paccayā nevasekkhanāsekkho dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… napacchājātapaccayā (satta)… naāsevanapaccayā… nakammapaccayā – sekkhe khandhe paccayā sekkhā cetanā.

    เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นกมฺมปจฺจยา – เนวเสกฺขนาเสเกฺข ขเนฺธ ปจฺจยา เนวเสกฺขนาเสกฺขา เจตนาฯ พาหิรํ… อาหารสมุฎฺฐานํ… อุตุสมุฎฺฐานํ…เป.… วตฺถุํ ปจฺจยา เนวเสกฺขนาเสกฺขา เจตนาฯ (๑)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nakammapaccayā – nevasekkhanāsekkhe khandhe paccayā nevasekkhanāsekkhā cetanā. Bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevasekkhanāsekkhā cetanā. (1)

    เนวเสกฺขนาเสกฺขํ ธมฺมํ ปจฺจยา เสโกฺข ธโมฺม อุปฺปชฺชติ นกมฺมปจฺจยา – วตฺถุํ ปจฺจยา เสกฺขา เจตนาฯ (๒)

    Nevasekkhanāsekkhaṃ dhammaṃ paccayā sekkho dhammo uppajjati nakammapaccayā – vatthuṃ paccayā sekkhā cetanā. (2)

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข ธโมฺม อุปฺปชฺชติ นกมฺมปจฺจยา – เสเกฺข ขเนฺธ จ วตฺถุญฺจ ปจฺจยา เสกฺขา เจตนาฯ (๑)

    Sekkhañca nevasekkhanāsekkhañca dhammaṃ paccayā sekkho dhammo uppajjati nakammapaccayā – sekkhe khandhe ca vatthuñca paccayā sekkhā cetanā. (1)

    นวิปากปจฺจโย

    Navipākapaccayo

    ๒๘. เสกฺขํ ธมฺมํ ปจฺจยา เสโกฺข ธโมฺม อุปฺปชฺชติ นวิปากปจฺจยา (เสกฺขมูลเก ตีณิ)ฯ

    28. Sekkhaṃ dhammaṃ paccayā sekkho dhammo uppajjati navipākapaccayā (sekkhamūlake tīṇi).

    เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นวิปากปจฺจยา (เนวเสกฺขนาเสกฺขมูลเก ตีณิ)ฯ

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati navipākapaccayā (nevasekkhanāsekkhamūlake tīṇi).

    เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสโกฺข ธโมฺม อุปฺปชฺชติ นวิปากปจฺจยา (เสกฺขฆฎเนสุ ตีณิ)ฯ

    Sekkhañca nevasekkhanāsekkhañca dhammaṃ paccayā sekkho dhammo uppajjati navipākapaccayā (sekkhaghaṭanesu tīṇi).

    นอาหารปจฺจยาทิ

    Naāhārapaccayādi

    ๒๙. เนวเสกฺขนาเสกฺขํ ธมฺมํ ปจฺจยา เนวเสกฺขนาเสโกฺข ธโมฺม อุปฺปชฺชติ นอาหารปจฺจยา… นอินฺทฺริยปจฺจยา… นฌานปจฺจยา… นมคฺคปจฺจยา… นสมฺปยุตฺตปจฺจยา… นวิปฺปยุตฺตปจฺจยา… โนนตฺถิปจฺจยา… โนวิคตปจฺจยา…เป.…ฯ

    29. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā…pe….

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๓๐. นเหตุยา เอกํ, นอารมฺมเณ ปญฺจ, นอธิปติยา สตฺต, นอนนฺตเร ปญฺจ, นสมนนฺตเร ปญฺจ, นอญฺญมเญฺญ ปญฺจ, นอุปนิสฺสเย ปญฺจ, นปุเรชาเต สตฺต, นปจฺฉาชาเต สตฺตรส, นอาเสวเน สตฺตรส, นกเมฺม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมเคฺค เอกํ, นสมฺปยุเตฺต ปญฺจ, นวิปฺปยุเตฺต ตีณิ, โนนตฺถิยา ปญฺจ, โนวิคเต ปญฺจ (เอวํ คเณตพฺพํ)ฯ

    30. Nahetuyā ekaṃ, naārammaṇe pañca, naadhipatiyā satta, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    ปจฺจนียํฯ

    Paccanīyaṃ.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    เหตุทุกํ

    Hetudukaṃ

    ๓๑. เหตุปจฺจยา นอารมฺมเณ ปญฺจ, นอธิปติยา สตฺต, นอนนฺตเร นสมนนฺตเร นอญฺญมเญฺญ นอุปนิสฺสเย ปญฺจ, นปุเรชาเต สตฺต, นปจฺฉาชาเต สตฺตรส, นอาเสวเน สตฺตรส, นกเมฺม จตฺตาริ, นวิปาเก นว, นสมฺปยุเตฺต ปญฺจ, นวิปฺปยุเตฺต ตีณิ, โนนตฺถิยา ปญฺจ, โนวิคเต ปญฺจ (เอวํ คเณตพฺพํ)ฯ

    31. Hetupaccayā naārammaṇe pañca, naadhipatiyā satta, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    อนุโลมปจฺจนียํฯ

    Anulomapaccanīyaṃ.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๓๒. นเหตุปจฺจยา อารมฺมเณ เอกํ, อนนฺตเร สมนนฺตเร สหชาเต อญฺญมเญฺญ เอกํ…เป.… อวิคเต เอกํ (เอวํ คเณตพฺพํ)ฯ

    32. Nahetupaccayā ārammaṇe ekaṃ, anantare samanantare sahajāte aññamaññe ekaṃ…pe… avigate ekaṃ (evaṃ gaṇetabbaṃ).

    ปจฺจนียานุโลมํฯ

    Paccanīyānulomaṃ.

    ปจฺจยวาโรฯ

    Paccayavāro.

    ๔. นิสฺสยวาโร

    4. Nissayavāro

    (นิสฺสยวาโร ปจฺจยวารสทิโสฯ)

    (Nissayavāro paccayavārasadiso.)

    ๕. สํสฎฺฐวาโร

    5. Saṃsaṭṭhavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๓๓. เสกฺขํ ธมฺมํ สํสโฎฺฐ เสโกฺข ธโมฺม อุปฺปชฺชติ เหตุปจฺจยา – เสกฺขํ เอกํ ขนฺธํ สํสฎฺฐา ตโย ขนฺธา…เป.… เทฺว ขเนฺธ…เป.…ฯ (๑)

    33. Sekkhaṃ dhammaṃ saṃsaṭṭho sekkho dhammo uppajjati hetupaccayā – sekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    อเสกฺขํ ธมฺมํ สํสโฎฺฐ อเสโกฺข ธโมฺม อุปฺปชฺชติ เหตุปจฺจยา – อเสกฺขํ เอกํ ขนฺธํ สํสฎฺฐา ตโย ขนฺธา…เป.… เทฺว ขเนฺธ…เป.…ฯ (๑)

    Asekkhaṃ dhammaṃ saṃsaṭṭho asekkho dhammo uppajjati hetupaccayā – asekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    เนวเสกฺขนาเสกฺขํ ธมฺมํ สํสโฎฺฐ เนวเสกฺขนาเสโกฺข ธโมฺม อุปฺปชฺชติ เหตุปจฺจยา – เนวเสกฺขนาเสกฺขํ เอกํ ขนฺธํ สํสฎฺฐา ตโย ขนฺธา…เป.… เทฺว ขเนฺธ…เป.… ปฎิสนฺธิกฺขเณ…เป.…ฯ (๑)

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    อารมฺมณปจฺจยาทิ

    Ārammaṇapaccayādi

    ๓๔. เสกฺขํ ธมฺมํ สํสโฎฺฐ เสโกฺข ธโมฺม อุปฺปชฺชติ อารมฺมณปจฺจยา… อธิปติปจฺจยา…เป.… ปุเรชาตปจฺจยา… อาเสวนปจฺจยา (เทฺว กาตพฺพา)…เป.… อวิคตปจฺจยาฯ

    34. Sekkhaṃ dhammaṃ saṃsaṭṭho sekkho dhammo uppajjati ārammaṇapaccayā… adhipatipaccayā…pe… purejātapaccayā… āsevanapaccayā (dve kātabbā)…pe… avigatapaccayā.

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    ๓๕. เหตุยา ตีณิ, อารมฺมเณ ตีณิ, อธิปติยา ตีณิ, อนนฺตเร สมนนฺตเร สหชาเต อญฺญมเญฺญ นิสฺสเย อุปนิสฺสเย ปุเรชาเต ตีณิ, อาเสวเน เทฺว, กเมฺม ตีณิ…เป.… อวิคเต ตีณิ (เอวํ คเณตพฺพํ)ฯ

    35. Hetuyā tīṇi, ārammaṇe tīṇi, adhipatiyā tīṇi, anantare samanantare sahajāte aññamaññe nissaye upanissaye purejāte tīṇi, āsevane dve, kamme tīṇi…pe… avigate tīṇi (evaṃ gaṇetabbaṃ).

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๓๖. เนวเสกฺขนาเสกฺขํ ธมฺมํ สํสโฎฺฐ เนวเสกฺขนาเสโกฺข ธโมฺม อุปฺปชฺชติ นเหตุปจฺจยา – อเหตุกํ เนวเสกฺขนาเสกฺขํ เอกํ ขนฺธํ สํสฎฺฐา ตโย ขนฺธา…เป.… เทฺว ขเนฺธ…เป.… อเหตุกปฎิสนฺธิกฺขเณ…เป.… วิจิกิจฺฉาสหคเต อุทฺธจฺจสหคเต ขเนฺธ สํสโฎฺฐ วิจิกิจฺฉาสหคโต อุทฺธจฺจสหคโต โมโหฯ (๑)

    36. Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    นอธิปติปจฺจโย

    Naadhipatipaccayo

    ๓๗. เสกฺขํ ธมฺมํ สํสโฎฺฐ เสโกฺข ธโมฺม อุปฺปชฺชติ นอธิปติปจฺจยา – เสเกฺข ขเนฺธ สํสโฎฺฐ เสโกฺข อธิปติฯ (๑)

    37. Sekkhaṃ dhammaṃ saṃsaṭṭho sekkho dhammo uppajjati naadhipatipaccayā – sekkhe khandhe saṃsaṭṭho sekkho adhipati. (1)

    อเสกฺขํ ธมฺมํ สํสโฎฺฐ อเสโกฺข ธโมฺม อุปฺปชฺชติ นอธิปติปจฺจยา – อเสเกฺข ขเนฺธ สํสโฎฺฐ อเสโกฺข อธิปติฯ (๑)

    Asekkhaṃ dhammaṃ saṃsaṭṭho asekkho dhammo uppajjati naadhipatipaccayā – asekkhe khandhe saṃsaṭṭho asekkho adhipati. (1)

    เนวเสกฺขนาเสกฺขํ ธมฺมํ สํสโฎฺฐ เนวเสกฺขนาเสโกฺข ธโมฺม อุปฺปชฺชติ นอธิปติปจฺจยา (ปริปุณฺณํ, เอกํ)ฯ

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati naadhipatipaccayā (paripuṇṇaṃ, ekaṃ).

    นปุเรชาตปจฺจยาทิ

    Napurejātapaccayādi

    ๓๘. เสกฺขํ ธมฺมํ สํสโฎฺฐ เสโกฺข ธโมฺม อุปฺปชฺชติ นปุเรชาตปจฺจยา… นปจฺฉาชาตปจฺจยา… นอาเสวนปจฺจยา… นกมฺมปจฺจยา (เทฺว กาตพฺพา)… นวิปากปจฺจยา (เทฺว กาตพฺพา)… นฌานปจฺจยา… นมคฺคปจฺจยา… นวิปฺปยุตฺตปจฺจยา…เป.…ฯ

    38. Sekkhaṃ dhammaṃ saṃsaṭṭho sekkho dhammo uppajjati napurejātapaccayā… napacchājātapaccayā… naāsevanapaccayā… nakammapaccayā (dve kātabbā)… navipākapaccayā (dve kātabbā)… najhānapaccayā… namaggapaccayā… navippayuttapaccayā…pe….

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    ๓๙. นเหตุยา เอกํ, นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกเมฺม เทฺว, นวิปาเก เทฺว, นฌาเน เอกํ, นมเคฺค เอกํ, นวิปฺปยุเตฺต ตีณิ (เอวํ คเณตพฺพํ)ฯ

    39. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme dve, navipāke dve, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    ปจฺจนียํฯ

    Paccanīyaṃ.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    ๔๐. เหตุปจฺจยา นอธิปติยา ตีณิ, นปุเรชาเต ตีณิ, นปจฺฉาชาเต นอาเสวเน ตีณิ, นกเมฺม เทฺว, นวิปาเก เทฺว, นวิปฺปยุเตฺต ตีณิ (เอวํ คเณตพฺพํ)ฯ

    40. Hetupaccayā naadhipatiyā tīṇi, napurejāte tīṇi, napacchājāte naāsevane tīṇi, nakamme dve, navipāke dve, navippayutte tīṇi (evaṃ gaṇetabbaṃ).

    อนุโลมปจฺจนียํฯ

    Anulomapaccanīyaṃ.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๔๑. นเหตุปจฺจยา อารมฺมเณ เอกํ, อนนฺตเร สมนนฺตเร สหชาเต อญฺญมเญฺญ นิสฺสเย อุปนิสฺสเย ปุเรชาเต อาเสวเน กเมฺม วิปาเก อาหาเร อินฺทฺริเย ฌาเน มเคฺค สมฺปยุเตฺต วิปฺปยุเตฺต อตฺถิยา นตฺถิยา วิคเต อวิคเต เอกํ (เอวํ คเณตพฺพํ)ฯ

    41. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    ปจฺจนียานุโลมํฯ

    Paccanīyānulomaṃ.

    สํสฎฺฐวาโรฯ

    Saṃsaṭṭhavāro.

    ๖. สมฺปยุตฺตวาโร

    6. Sampayuttavāro

    (สมฺปยุตฺตวาโร สํสฎฺฐวารสทิโสฯ)

    (Sampayuttavāro saṃsaṭṭhavārasadiso.)

    ๗. ปญฺหาวาโร

    7. Pañhāvāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๔๒. เสโกฺข ธโมฺม เสกฺขสฺส ธมฺมสฺส เหตุปจฺจเยน ปจฺจโย – เสกฺขา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)

    42. Sekkho dhammo sekkhassa dhammassa hetupaccayena paccayo – sekkhā hetū sampayuttakānaṃ khandhānaṃ hetupaccayena paccayo. (1)

    เสโกฺข ธโมฺม เนวเสกฺขนาเสกฺขสฺส ธมฺมสฺส เหตุปจฺจเยน ปจฺจโย – เสกฺขา เหตู จิตฺตสมุฎฺฐานานํ รูปานํ เหตุปจฺจเยน ปจฺจโยฯ (๒)

    Sekkho dhammo nevasekkhanāsekkhassa dhammassa hetupaccayena paccayo – sekkhā hetū cittasamuṭṭhānānaṃ rūpānaṃ hetupaccayena paccayo. (2)

    เสโกฺข ธโมฺม เสกฺขสฺส จ เนวเสกฺขนาเสกฺขสฺส จ ธมฺมสฺส เหตุปจฺจเยน ปจฺจโย – เสกฺขา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Sekkho dhammo sekkhassa ca nevasekkhanāsekkhassa ca dhammassa hetupaccayena paccayo – sekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    อเสโกฺข ธโมฺม อเสกฺขสฺส ธมฺมสฺส (ตีณิ)ฯ

    Asekkho dhammo asekkhassa dhammassa (tīṇi).

    เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส เหตุปจฺจเยน ปจฺจโย – เนวเสกฺขนาเสกฺขา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ ปฎิสนฺธิกฺขเณ…เป.…ฯ (๑)

    Nevasekkhanāsekkho dhammo nevasekkhanāsekkhassa dhammassa hetupaccayena paccayo – nevasekkhanāsekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    อารมฺมณปจฺจโย

    Ārammaṇapaccayo

    ๔๓. เสโกฺข ธโมฺม เนวเสกฺขนาเสกฺขสฺส ธมฺมสฺส อารมฺมณปจฺจเยน ปจฺจโย – อริยา มคฺคา วุฎฺฐหิตฺวา มคฺคํ ปจฺจเวกฺขนฺติ, เสกฺขํ ผลํ ปจฺจเวกฺขนฺติ, เจโตปริยญาเณน เสกฺขจิตฺตสมงฺคิสฺส จิตฺตํ ชานนฺติ, เสกฺขา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)

    43. Sekkho dhammo nevasekkhanāsekkhassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, sekkhaṃ phalaṃ paccavekkhanti, cetopariyañāṇena sekkhacittasamaṅgissa cittaṃ jānanti, sekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส อารมฺมณปจฺจเยน ปจฺจโย – อรหา อเสกฺขํ ผลํ ปจฺจเวกฺขติ, เจโตปริยญาเณน อเสกฺขจิตฺตสมงฺคิสฺส จิตฺตํ ชานาติ, อเสกฺขา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)

    Asekkho dhammo nevasekkhanāsekkhassa dhammassa ārammaṇapaccayena paccayo – arahā asekkhaṃ phalaṃ paccavekkhati, cetopariyañāṇena asekkhacittasamaṅgissa cittaṃ jānāti, asekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ๔๔. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ปจฺจเวกฺขติ, ปุเพฺพ สุจิณฺณานิ…เป.… ฌานา วุฎฺฐหิตฺวา ฌานํ ปจฺจเวกฺขติ, อริยา นิพฺพานํ ปจฺจเวกฺขนฺติฯ นิพฺพานํ โคตฺรภุสฺส, โวทานสฺส, อาวชฺชนาย อารมฺมณปจฺจเยน ปจฺจโยฯ อริยา ปหีเน กิเลเส ปจฺจเวกฺขนฺติ วิกฺขมฺภิเต กิเลเส ปจฺจเวกฺขนฺติ, ปุเพฺพ สมุทาจิเณฺณ กิเลเส ชานนฺติ, จกฺขุํ อนิจฺจโต ทุกฺขโต อนตฺตโต วิปสฺสนฺติ, อสฺสาเทนฺติ อภินนฺทนฺติ, ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติ, โสตํ…เป.… วตฺถุํ เนวเสกฺขนาเสเกฺข ขเนฺธ อนิจฺจโต ทุกฺขโต อนตฺตโต วิปสฺสนฺติ, อสฺสาเทนฺติ…เป.… โทมนสฺสํ อุปฺปชฺชติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, เจโตปริยญาเณน เนวเสกฺขนาเสกฺขจิตฺตสมงฺคิสฺส จิตฺตํ ชานาติ, อากาสานญฺจายตนํ วิญฺญาณญฺจายตนสฺส…เป.… อากิญฺจญฺญายตนํ เนวสญฺญานาสญฺญายตนสฺส อารมฺมณปจฺจเยน ปจฺจโยฯ รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส…เป.… เนวเสกฺขนาเสกฺขา ขนฺธา อิทฺธิวิธญาณสฺส, เจโตปริยญาณสฺส, ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)

    44. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā pahīne kilese paccavekkhanti vikkhambhite kilese paccavekkhanti, pubbe samudāciṇṇe kilese jānanti, cakkhuṃ aniccato dukkhato anattato vipassanti, assādenti abhinandanti, taṃ ārabbha rāgo uppajjati…pe… domanassaṃ uppajjati, sotaṃ…pe… vatthuṃ nevasekkhanāsekkhe khandhe aniccato dukkhato anattato vipassanti, assādenti…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena nevasekkhanāsekkhacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… nevasekkhanāsekkhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อารมฺมณปจฺจเยน ปจฺจโย – นิพฺพานํ มคฺคสฺส, เสกฺขสฺส ผลสฺส อารมฺมณปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa ārammaṇapaccayena paccayo – nibbānaṃ maggassa, sekkhassa phalassa ārammaṇapaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส อารมฺมณปจฺจเยน ปจฺจโย – นิพฺพานํ อเสกฺขสฺส ผลสฺส อารมฺมณปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa ārammaṇapaccayena paccayo – nibbānaṃ asekkhassa phalassa ārammaṇapaccayena paccayo. (3)

    อธิปติปจฺจโย

    Adhipatipaccayo

    ๔๕. เสโกฺข ธโมฺม เสกฺขสฺส ธมฺมสฺส อธิปติปจฺจเยน ปจฺจโยฯ สหชาตาธิปติ – เสกฺขาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)

    45. Sekkho dhammo sekkhassa dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ adhipatipaccayena paccayo. (1)

    เสโกฺข ธโมฺม เนวเสกฺขนาเสกฺขสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ, สหชาตาธิปติฯ อารมฺมณาธิปติ – อริยา มคฺคา วุฎฺฐหิตฺวา มคฺคํ ครุํ กตฺวา ปจฺจเวกฺขนฺติ, เสกฺขํ ผลํ ครุํ กตฺวา ปจฺจเวกฺขนฺติ ฯ สหชาตาธิปติ – เสกฺขาธิปติ จิตฺตสมุฎฺฐานานํ รูปานํ อธิปติปจฺจเยน ปจฺจโยฯ (๒)

    Sekkho dhammo nevasekkhanāsekkhassa dhammassa adhipatipaccayena paccayo. Ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, sekkhaṃ phalaṃ garuṃ katvā paccavekkhanti . Sahajātādhipati – sekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    เสโกฺข ธโมฺม เสกฺขสฺส จ เนวเสกฺขนาเสกฺขสฺส จ ธมฺมสฺส อธิปติปจฺจเยน ปจฺจโยฯ สหชาตาธิปติ – เสกฺขาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๓)

    Sekkho dhammo sekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ๔๖. อเสโกฺข ธโมฺม อเสกฺขสฺส ธมฺมสฺส อธิปติปจฺจเยน ปจฺจโยฯ สหชาตาธิปติ – อเสกฺขาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)

    46. Asekkho dhammo asekkhassa dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ adhipatipaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – อรหา อเสกฺขํ ผลํ ครุํ กตฺวา ปจฺจเวกฺขติฯ สหชาตาธิปติ – อเสกฺขาธิปติ จิตฺตสมุฎฺฐานานํ รูปานํ อธิปติปจฺจเยน ปจฺจโยฯ (๒)

    Asekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā asekkhaṃ phalaṃ garuṃ katvā paccavekkhati. Sahajātādhipati – asekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    อเสโกฺข ธโมฺม อเสกฺขสฺส จ เนวเสกฺขนาเสกฺขสฺส จ ธมฺมสฺส อธิปติปจฺจเยน ปจฺจโยฯ สหชาตาธิปติ – อเสกฺขาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๓)

    Asekkho dhammo asekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ๔๗. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา ปจฺจเวกฺขติ, ปุเพฺพ สุจิณฺณานิ ครุํ กตฺวา ปจฺจเวกฺขติ, ฌานา วุฎฺฐหิตฺวา ฌานํ ครุํ กตฺวา ปจฺจเวกฺขติ, อริยา นิพฺพานํ ครุํ กตฺวา ปจฺจเวกฺขนฺติ, นิพฺพานํ โคตฺรภุสฺส, โวทานสฺส อธิปติปจฺจเยน ปจฺจโยฯ จกฺขุํ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติฯ โสตํ…เป.… วตฺถุํ เนวเสกฺขนาเสเกฺข ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติฯ สหชาตาธิปติ – เนวเสกฺขนาเสกฺขาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๑)

    47. Nevasekkhanāsekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ariyā nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Cakkhuṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sotaṃ…pe… vatthuṃ nevasekkhanāsekkhe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nevasekkhanāsekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – นิพฺพานํ มคฺคสฺส, เสกฺขสฺส ผลสฺส อธิปติปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa adhipatipaccayena paccayo. Ārammaṇādhipati – nibbānaṃ maggassa, sekkhassa phalassa adhipatipaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – นิพฺพานํ อเสกฺขสฺส ผลสฺส อธิปติปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa adhipatipaccayena paccayo. Ārammaṇādhipati – nibbānaṃ asekkhassa phalassa adhipatipaccayena paccayo. (3)

    อนนฺตรปจฺจโย

    Anantarapaccayo

    ๔๘. เสโกฺข ธโมฺม เสกฺขสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา เสกฺขา ขนฺธา ปจฺฉิมานํ ปจฺฉิมานํ เสกฺขานํ ขนฺธานํ อนนฺตรปจฺจเยน ปจฺจโยฯ มโคฺค เสกฺขสฺส ผลสฺส… เสกฺขํ ผลํ เสกฺขสฺส ผลสฺส อนนฺตรปจฺจเยน ปจฺจโยฯ (๑)

    48. Sekkho dhammo sekkhassa dhammassa anantarapaccayena paccayo – purimā purimā sekkhā khandhā pacchimānaṃ pacchimānaṃ sekkhānaṃ khandhānaṃ anantarapaccayena paccayo. Maggo sekkhassa phalassa… sekkhaṃ phalaṃ sekkhassa phalassa anantarapaccayena paccayo. (1)

    เสโกฺข ธโมฺม อเสกฺขสฺส ธมฺมสฺส อนนฺตรปจฺจเยน ปจฺจโย – มโคฺค อเสกฺขสฺส ผลสฺส อนนฺตรปจฺจเยน ปจฺจโยฯ (๒)

    Sekkho dhammo asekkhassa dhammassa anantarapaccayena paccayo – maggo asekkhassa phalassa anantarapaccayena paccayo. (2)

    เสโกฺข ธโมฺม เนวเสกฺขนาเสกฺขสฺส ธมฺมสฺส อนนฺตรปจฺจเยน ปจฺจโย – เสกฺขํ ผลํ วุฎฺฐานสฺส อนนฺตรปจฺจเยน ปจฺจโยฯ (๓)

    Sekkho dhammo nevasekkhanāsekkhassa dhammassa anantarapaccayena paccayo – sekkhaṃ phalaṃ vuṭṭhānassa anantarapaccayena paccayo. (3)

    ๔๙. อเสโกฺข ธโมฺม อเสกฺขสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อเสกฺขา ขนฺธา ปจฺฉิมานํ ปจฺฉิมานํ อเสกฺขานํ ขนฺธานํ อนนฺตรปจฺจเยน ปจฺจโยฯ อเสกฺขํ ผลํ อเสกฺขสฺส ผลสฺส อนนฺตรปจฺจเยน ปจฺจโยฯ (๑)

    49. Asekkho dhammo asekkhassa dhammassa anantarapaccayena paccayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ anantarapaccayena paccayo. Asekkhaṃ phalaṃ asekkhassa phalassa anantarapaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส อนนฺตรปจฺจเยน ปจฺจโย – อเสกฺขํ ผลํ วุฎฺฐานสฺส อนนฺตรปจฺจเยน ปจฺจโยฯ (๒)

    Asekkho dhammo nevasekkhanāsekkhassa dhammassa anantarapaccayena paccayo – asekkhaṃ phalaṃ vuṭṭhānassa anantarapaccayena paccayo. (2)

    ๕๐. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา เนวเสกฺขนาเสกฺขา ขนฺธา ปจฺฉิมานํ ปจฺฉิมานํ เนวเสกฺขนาเสกฺขานํ ขนฺธานํ…เป.… อนุโลมํ โคตฺรภุสฺส… อนุโลมํ โวทานสฺส… อาวชฺชนา เนวเสกฺขนาเสกฺขานํ ขนฺธานํ อนนฺตรปจฺจเยน ปจฺจโยฯ (๑)

    50. Nevasekkhanāsekkho dhammo nevasekkhanāsekkhassa dhammassa anantarapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ…pe… anulomaṃ gotrabhussa… anulomaṃ vodānassa… āvajjanā nevasekkhanāsekkhānaṃ khandhānaṃ anantarapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อนนฺตรปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส… อนุโลมํ เสกฺขาย ผลสมาปตฺติยา… นิโรธา วุฎฺฐหนฺตสฺส เนวสญฺญานาสญฺญายตนกุสลํ เสกฺขาย ผลสมาปตฺติยา อนนฺตรปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ sekkhāya phalasamāpattiyā… nirodhā vuṭṭhahantassa nevasaññānāsaññāyatanakusalaṃ sekkhāya phalasamāpattiyā anantarapaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส อนนฺตรปจฺจเยน ปจฺจโย – อนุโลมํ อเสกฺขาย ผลสมาปตฺติยา… นิโรธา วุฎฺฐหนฺตสฺส เนวสญฺญานาสญฺญายตนกิริยํ อเสกฺขาย ผลสมาปตฺติยา อนนฺตรปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa anantarapaccayena paccayo – anulomaṃ asekkhāya phalasamāpattiyā… nirodhā vuṭṭhahantassa nevasaññānāsaññāyatanakiriyaṃ asekkhāya phalasamāpattiyā anantarapaccayena paccayo. (3)

    สมนนฺตรปจฺจโย

    Samanantarapaccayo

    ๕๑. เสโกฺข ธโมฺม เสกฺขสฺส ธมฺมสฺส สมนนฺตรปจฺจเยน ปจฺจโย…เป.… (อนนฺตรสทิสํ, อฎฺฐ ปญฺหา)ฯ

    51. Sekkho dhammo sekkhassa dhammassa samanantarapaccayena paccayo…pe… (anantarasadisaṃ, aṭṭha pañhā).

    สหชาตปจฺจยาทิ

    Sahajātapaccayādi

    ๕๒. เสโกฺข ธโมฺม เสกฺขสฺส ธมฺมสฺส สหชาตปจฺจเยน ปจฺจโย…เป.… (ปฎิจฺจวาเร สหชาตสทิสํ, นว ปญฺหา) อญฺญมญฺญปจฺจเยน ปจฺจโย (ปฎิจฺจวาเร อญฺญมญฺญสทิสํ, ตีณิฯ นิสฺสยปจฺจเย กุสลตฺติเก นิสฺสยปจฺจยสทิสํ, เตรส ปญฺหา)ฯ

    52. Sekkho dhammo sekkhassa dhammassa sahajātapaccayena paccayo…pe… (paṭiccavāre sahajātasadisaṃ, nava pañhā) aññamaññapaccayena paccayo (paṭiccavāre aññamaññasadisaṃ, tīṇi. Nissayapaccaye kusalattike nissayapaccayasadisaṃ, terasa pañhā).

    อุปนิสฺสยปจฺจโย

    Upanissayapaccayo

    ๕๓. เสโกฺข ธโมฺม เสกฺขสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปฐโม มโคฺค ทุติยสฺส มคฺคสฺส อุปนิสฺสยปจฺจเยน ปจฺจโยฯ ทุติโย มโคฺค ตติยสฺส มคฺคสฺส อุปนิสฺสยปจฺจเยน ปจฺจโยฯ ตติโย มโคฺค จตุตฺถสฺส มคฺคสฺส อุปนิสฺสยปจฺจเยน ปจฺจโยฯ มโคฺค เสกฺขาย ผลสมาปตฺติยา อุปนิสฺสยปจฺจเยน ปจฺจโยฯ (๑)

    53. Sekkho dhammo sekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa upanissayapaccayena paccayo. Tatiyo maggo catutthassa maggassa upanissayapaccayena paccayo. Maggo sekkhāya phalasamāpattiyā upanissayapaccayena paccayo. (1)

    เสโกฺข ธโมฺม อเสกฺขสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มโคฺค อเสกฺขาย ผลสมาปตฺติยา อุปนิสฺสยปจฺจเยน ปจฺจโยฯ (๒)

    Sekkho dhammo asekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – maggo asekkhāya phalasamāpattiyā upanissayapaccayena paccayo. (2)

    เสโกฺข ธโมฺม เนวเสกฺขนาเสกฺขสฺส ธมฺมสฺส อุปนิสฺสยปจฺจเยน ปจฺจย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อริยา มคฺคํ อุปนิสฺสาย อนุปฺปนฺนํ กุสลสมาปตฺติํ อุปฺปาเทนฺติ, อุปฺปนฺนํ สมาปชฺชนฺติ, สงฺขาเร อนิจฺจโต…เป.… วิปสฺสนฺติ, มโคฺค อริยานํ อตฺถปฺปฎิสมฺภิทาย…เป.… ปฎิภานปฺปฎิสมฺภิทาย… ฐานาฐานโกสลฺลสฺส อุปนิสฺสยปจฺจเยน ปจฺจโยฯ เสกฺขา ผลสมาปตฺติยา กายิกสฺส สุขสฺส อุปนิสฺสยปจฺจเยน ปจฺจโยฯ (๓)

    Sekkho dhammo nevasekkhanāsekkhassa dhammassa upanissayapaccayena paccaya – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ kusalasamāpattiṃ uppādenti, uppannaṃ samāpajjanti, saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. Sekkhā phalasamāpattiyā kāyikassa sukhassa upanissayapaccayena paccayo. (3)

    ๕๔. อเสโกฺข ธโมฺม อเสกฺขสฺส ธมฺมสฺส อุปนิสฺสยปจฺจเยน ปจฺจโยฯ อนนฺตรูปนิสฺสโย – ปุริมา ปุริมา อเสกฺขา ขนฺธา ปจฺฉิมานํ ปจฺฉิมานํ อเสกฺขานํ ขนฺธานํ…เป.… อเสกฺขํ ผลํ อเสกฺขสฺส ผลสฺส อุปนิสฺสยปจฺจเยน ปจฺจโยฯ (๑)

    54. Asekkho dhammo asekkhassa dhammassa upanissayapaccayena paccayo. Anantarūpanissayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ…pe… asekkhaṃ phalaṃ asekkhassa phalassa upanissayapaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อเสกฺขา ผลสมาปตฺติ กายิกสฺส สุขสฺส อุปนิสฺสยปจฺจเยน ปจฺจโยฯ (๒)

    Asekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – asekkhā phalasamāpatti kāyikassa sukhassa upanissayapaccayena paccayo. (2)

    ๕๕. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – เนวเสกฺขนาเสกฺขํ สทฺธํ อุปนิสฺสาย ทานํ เทติฯ สีลํ…เป.… อุโปสถกมฺมํ…เป.… ฌานํ…เป.… วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, มานํ ชเปฺปติ, ทิฎฺฐิํ คณฺหาติฯ เนวเสกฺขนาเสกฺขํ สีลํ…เป.… ปญฺญํ… ราคํ…เป.… ปตฺถนํ… กายิกํ สุขํ…เป.… อุตุํ… โภชนํ… เสนาสนํ อุปนิสฺสาย ทานํ เทติ, สีลํ…เป.… สมาปตฺติํ อุปฺปาเทติ, ปาณํ หนติ…เป.… สงฺฆํ ภินฺทติฯ เนวเสกฺขนาเสกฺขา สทฺธา…เป.… ปญฺญา, ราโค…เป.… ปตฺถนา, กายิกํ สุขํ…เป.… เสนาสนํ เนวเสกฺขนาเสกฺขาย สทฺธาย…เป.… ปญฺญาย, ราคสฺส…เป.… ปตฺถนาย, กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ ปฐมสฺส ฌานสฺส ปริกมฺมํ ปฐมสฺส ฌานสฺส อุปนิสฺสยปจฺจเยน ปจฺจโย…เป.… เนวสญฺญานาสญฺญายตนสฺส ปริกมฺมํ เนวสญฺญานาสญฺญายตนสฺส…เป.… ปฐมํ ฌานํ ทุติยสฺส ฌานสฺส อุปนิสฺสยปจฺจเยน ปจฺจโย…เป.… อากิญฺจญฺญายตนํ เนวสญฺญานาสญฺญายตนสฺส อุปนิสฺสยปจฺจเยน ปจฺจโยฯ (๑)

    55. Nevasekkhanāsekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nevasekkhanāsekkhaṃ saddhaṃ upanissāya dānaṃ deti. Sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Nevasekkhanāsekkhaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… utuṃ… bhojanaṃ… senāsanaṃ upanissāya dānaṃ deti, sīlaṃ…pe… samāpattiṃ uppādeti, pāṇaṃ hanati…pe… saṅghaṃ bhindati. Nevasekkhanāsekkhā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ nevasekkhanāsekkhāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Paṭhamassa jhānassa parikammaṃ paṭhamassa jhānassa upanissayapaccayena paccayo…pe… nevasaññānāsaññāyatanassa parikammaṃ nevasaññānāsaññāyatanassa…pe… paṭhamaṃ jhānaṃ dutiyassa jhānassa upanissayapaccayena paccayo…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย , อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปฐมสฺส มคฺคสฺส ปริกมฺมํ ปฐมสฺส มคฺคสฺส อุปนิสฺสยปจฺจเยน ปจฺจโย…เป.… จตุตฺถสฺส มคฺคสฺส ปริกมฺมํ จตุตฺถสฺส มคฺคสฺส อุปนิสฺสยปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo…pe… catutthassa maggassa parikammaṃ catutthassa maggassa upanissayapaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – กายิกํ สุขํ… กายิกํ ทุกฺขํ… อุตุํ… โภชนํ… เสนาสนํ อเสกฺขาย ผลสมาปตฺติยา อุปนิสฺสยปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ asekkhāya phalasamāpattiyā upanissayapaccayena paccayo. (3)

    ปุเรชาตปจฺจโย

    Purejātapaccayo

    ๕๖. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ อนิจฺจโต…เป.… วิปสฺสติ, อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ โสตํ…เป.… วตฺถุํ อนิจฺจโต ทุกฺขโต อนตฺตโต วิปสฺสติ…เป.… โทมนสฺสํ อุปฺปชฺชติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส ปุเรชาตปจฺจเยน ปจฺจโยฯ วตฺถุปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส, วตฺถุ เนวเสกฺขนาเสกฺขานํ ขนฺธานํ ปุเรชาตปจฺจเยน ปจฺจโยฯ (๑)

    56. Nevasekkhanāsekkho dhammo nevasekkhanāsekkhassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ purejātapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส ปุเรชาตปจฺจเยน ปจฺจโยฯ วตฺถุปุเรชาตํ – วตฺถุ เสกฺขานํ ขนฺธานํ ปุเรชาตปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa purejātapaccayena paccayo. Vatthupurejātaṃ – vatthu sekkhānaṃ khandhānaṃ purejātapaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส ปุเรชาตปจฺจเยน ปจฺจโยฯ วตฺถุปุเรชาตํ – วตฺถุ อเสกฺขานํ ขนฺธานํ ปุเรชาตปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa purejātapaccayena paccayo. Vatthupurejātaṃ – vatthu asekkhānaṃ khandhānaṃ purejātapaccayena paccayo. (3)

    ปจฺฉาชาตปจฺจโย

    Pacchājātapaccayo

    ๕๗. เสโกฺข ธโมฺม เนวเสกฺขนาเสกฺขสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา เสกฺขา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)

    57. Sekkho dhammo nevasekkhanāsekkhassa dhammassa pacchājātapaccayena paccayo – pacchājātā sekkhā khandhā purejātassa imassa kāyassa pacchājātapaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อเสกฺขา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)

    Asekkho dhammo nevasekkhanāsekkhassa dhammassa pacchājātapaccayena paccayo – pacchājātā asekkhā khandhā purejātassa imassa kāyassa pacchājātapaccayena paccayo. (1)

    เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา เนวเสกฺขนาเสกฺขา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)

    Nevasekkhanāsekkho dhammo nevasekkhanāsekkhassa dhammassa pacchājātapaccayena paccayo – pacchājātā nevasekkhanāsekkhā khandhā purejātassa imassa kāyassa pacchājātapaccayena paccayo. (1)

    อาเสวนปจฺจโย

    Āsevanapaccayo

    ๕๘. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อาเสวนปจฺจเยน ปจฺจโย – ปุริมา ปุริมา เนวเสกฺขนาเสกฺขา ขนฺธา ปจฺฉิมานํ ปจฺฉิมานํ เนวเสกฺขนาเสกฺขานํ ขนฺธานํ อาเสวนปจฺจเยน ปจฺจโยฯ อนุโลมํ โคตฺรภุสฺส… อนุโลมํ โวทานสฺส อาเสวนปจฺจเยน ปจฺจโยฯ (๑)

    58. Nevasekkhanāsekkho dhammo nevasekkhanāsekkhassa dhammassa āsevanapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อาเสวนปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส อาเสวนปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)

    กมฺมปจฺจโย

    Kammapaccayo

    ๕๙. เสโกฺข ธโมฺม เสกฺขสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – เสกฺขา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ นานากฺขณิกา – เสกฺขา เจตนา วิปากานํ เสกฺขานํ ขนฺธานํ กมฺมปจฺจเยน ปจฺจโยฯ (๑)

    59. Sekkho dhammo sekkhassa dhammassa kammapaccayena paccayo – sahajātā, nānākkhaṇikā. Sahajātā – sekkhā cetanā sampayuttakānaṃ khandhānaṃ kammapaccayena paccayo. Nānākkhaṇikā – sekkhā cetanā vipākānaṃ sekkhānaṃ khandhānaṃ kammapaccayena paccayo. (1)

    เสโกฺข ธโมฺม อเสกฺขสฺส ธมฺมสฺส กมฺมปจฺจเยน ปจฺจโยฯ นานากฺขณิกา – เสกฺขา เจตนา อเสกฺขานํ ขนฺธานํ กมฺมปจฺจเยน ปจฺจโยฯ (๒)

    Sekkho dhammo asekkhassa dhammassa kammapaccayena paccayo. Nānākkhaṇikā – sekkhā cetanā asekkhānaṃ khandhānaṃ kammapaccayena paccayo. (2)

    เสโกฺข ธโมฺม เนวเสกฺขนาเสกฺขสฺส ธมฺมสฺส กมฺมปจฺจเยน ปจฺจโยฯ สหชาตา – เสกฺขา เจตนา จิตฺตสมุฎฺฐานานํ รูปานํ กมฺมปจฺจเยน ปจฺจโยฯ (๓)

    Sekkho dhammo nevasekkhanāsekkhassa dhammassa kammapaccayena paccayo. Sahajātā – sekkhā cetanā cittasamuṭṭhānānaṃ rūpānaṃ kammapaccayena paccayo. (3)

    เสโกฺข ธโมฺม เสกฺขสฺส จ เนวเสกฺขนาเสกฺขสฺส จ ธมฺมสฺส กมฺมปจฺจเยน ปจฺจโย – เสกฺขา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ (๔)

    Sekkho dhammo sekkhassa ca nevasekkhanāsekkhassa ca dhammassa kammapaccayena paccayo – sekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (4)

    ๖๐. อเสโกฺข ธโมฺม อเสกฺขสฺส ธมฺมสฺส กมฺมปจฺจเยน ปจฺจโย – อเสกฺขา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ (๑)

    60. Asekkho dhammo asekkhassa dhammassa kammapaccayena paccayo – asekkhā cetanā sampayuttakānaṃ khandhānaṃ kammapaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส กมฺมปจฺจเยน ปจฺจโย – อเสกฺขา เจตนา จิตฺตสมุฎฺฐานานํ รูปานํ กมฺมปจฺจเยน ปจฺจโยฯ (๒)

    Asekkho dhammo nevasekkhanāsekkhassa dhammassa kammapaccayena paccayo – asekkhā cetanā cittasamuṭṭhānānaṃ rūpānaṃ kammapaccayena paccayo. (2)

    อเสโกฺข ธโมฺม อเสกฺขสฺส จ เนวเสกฺขนาเสกฺขสฺส จ ธมฺมสฺส กมฺมปจฺจเยน ปจฺจโย – อเสกฺขา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ (๓)

    Asekkho dhammo asekkhassa ca nevasekkhanāsekkhassa ca dhammassa kammapaccayena paccayo – asekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ๖๑. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – เนวเสกฺขนาเสกฺขา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ ปฎิสนฺธิกฺขเณ…เป.…ฯ นานากฺขณิกา – เนวเสกฺขนาเสกฺขา เจตนา วิปากานํ เนวเสกฺขนาเสกฺขานํ ขนฺธานํ กฎตฺตา จ รูปานํ กมฺมปจฺจเยน ปจฺจโยฯ (๑)

    61. Nevasekkhanāsekkho dhammo nevasekkhanāsekkhassa dhammassa kammapaccayena paccayo – sahajātā, nānākkhaṇikā. Sahajātā – nevasekkhanāsekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – nevasekkhanāsekkhā cetanā vipākānaṃ nevasekkhanāsekkhānaṃ khandhānaṃ kaṭattā ca rūpānaṃ kammapaccayena paccayo. (1)

    วิปากปจฺจโย

    Vipākapaccayo

    ๖๒. เสโกฺข ธโมฺม เสกฺขสฺส ธมฺมสฺส วิปากปจฺจเยน ปจฺจโย – วิปาโก เสโกฺข เอโก ขโนฺธ ติณฺณนฺนํ ขนฺธานํ…เป.… (เสกฺขมูลเก ตีณิ )ฯ

    62. Sekkho dhammo sekkhassa dhammassa vipākapaccayena paccayo – vipāko sekkho eko khandho tiṇṇannaṃ khandhānaṃ…pe… (sekkhamūlake tīṇi ).

    อเสโกฺข ธโมฺม อเสกฺขสฺส ธมฺมสฺส วิปากปจฺจเยน ปจฺจโย – อเสโกฺข เอโก ขโนฺธ ติณฺณนฺนํ ขนฺธานํ…เป.… (อเสกฺขมูลเก ตีณิ)ฯ

    Asekkho dhammo asekkhassa dhammassa vipākapaccayena paccayo – asekkho eko khandho tiṇṇannaṃ khandhānaṃ…pe… (asekkhamūlake tīṇi).

    เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส วิปากปจฺจเยน ปจฺจโย – วิปาโก เนวเสกฺขนาเสโกฺข เอโก ขโนฺธ ติณฺณนฺนํ ขนฺธานํ…เป.… ปฎิสนฺธิกฺขเณ…เป.… ขนฺธา วตฺถุสฺส วิปากปจฺจเยน ปจฺจโยฯ (๑)

    Nevasekkhanāsekkho dhammo nevasekkhanāsekkhassa dhammassa vipākapaccayena paccayo – vipāko nevasekkhanāsekkho eko khandho tiṇṇannaṃ khandhānaṃ…pe… paṭisandhikkhaṇe…pe… khandhā vatthussa vipākapaccayena paccayo. (1)

    อาหารปจฺจยาทิ

    Āhārapaccayādi

    ๖๓. เสโกฺข ธโมฺม เสกฺขสฺส ธมฺมสฺส อาหารปจฺจเยน ปจฺจโย… อินฺทฺริยปจฺจเยน ปจฺจโย… ฌานปจฺจเยน ปจฺจโย… มคฺคปจฺจเยน ปจฺจโย… สมฺปยุตฺตปจฺจเยน ปจฺจโย…เป.…ฯ

    63. Sekkho dhammo sekkhassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo…pe….

    วิปฺปยุตฺตปจฺจโย

    Vippayuttapaccayo

    ๖๔. เสโกฺข ธโมฺม เนวเสกฺขนาเสกฺขสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํฯ สหชาตา – เสกฺขา ขนฺธา จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโยฯ ปจฺฉาชาตา – เสกฺขา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย (๑)ฯ

    64. Sekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – sekkhā khandhā purejātassa imassa kāyassa vippayuttapaccayena paccayo (1).

    อเสโกฺข ธโมฺม เนวเสกฺขนาเสกฺขสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ (เสกฺขสทิสํ)ฯ

    Asekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ (sekkhasadisaṃ).

    เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ , ปุเรชาตํ, ปจฺฉาชาตํฯ สหชาตา – เนวเสกฺขนาเสกฺขา ขนฺธา จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโยฯ ปฎิสนฺธิกฺขเณ เนวเสกฺขนาเสกฺขา ขนฺธา กฎตฺตารูปานํ วิปฺปยุตฺตปจฺจเยน ปจฺจโยฯ ขนฺธา วตฺถุสฺส วิปฺปยุตฺตปจฺจเยน ปจฺจโยฯ วตฺถุ ขนฺธานํ วิปฺปยุตฺตปจฺจเยน ปจฺจโยฯ ปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส, วตฺถุ เนวเสกฺขนาเสกฺขานํ ขนฺธานํ วิปฺปยุตฺตปจฺจเยน ปจฺจโยฯ ปจฺฉาชาตา – เนวเสกฺขนาเสกฺขา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (๑)

    Nevasekkhanāsekkho dhammo nevasekkhanāsekkhassa dhammassa vippayuttapaccayena paccayo – sahajātaṃ , purejātaṃ, pacchājātaṃ. Sahajātā – nevasekkhanāsekkhā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe nevasekkhanāsekkhā khandhā kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ vippayuttapaccayena paccayo. Pacchājātā – nevasekkhanāsekkhā khandhā purejātassa imassa kāyassa vippayuttapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ เสกฺขานํ ขนฺธานํ วิปฺปยุตฺตปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa vippayuttapaccayena paccayo. Purejātaṃ – vatthu sekkhānaṃ khandhānaṃ vippayuttapaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ อเสกฺขานํ ขนฺธานํ วิปฺปยุตฺตปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa vippayuttapaccayena paccayo. Purejātaṃ – vatthu asekkhānaṃ khandhānaṃ vippayuttapaccayena paccayo. (3)

    อตฺถิปจฺจโย

    Atthipaccayo

    ๖๕. เสโกฺข ธโมฺม เสกฺขสฺส ธมฺมสฺส อตฺถิปจฺจเยน ปจฺจโย – เสโกฺข เอโก ขโนฺธ ติณฺณนฺนํ ขนฺธานํ…เป.…ฯ (๑)

    65. Sekkho dhammo sekkhassa dhammassa atthipaccayena paccayo – sekkho eko khandho tiṇṇannaṃ khandhānaṃ…pe…. (1)

    เสโกฺข ธโมฺม เนวเสกฺขนาเสกฺขสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํฯ สหชาตา – เสกฺขา ขนฺธา จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – เสกฺขา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (๒)

    Sekkho dhammo nevasekkhanāsekkhassa dhammassa atthipaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā purejātassa imassa kāyassa atthipaccayena paccayo. (2)

    เสโกฺข ธโมฺม เสกฺขสฺส จ เนวเสกฺขนาเสกฺขสฺส จ ธมฺมสฺส อตฺถิปจฺจเยน ปจฺจโย – เสโกฺข เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… เทฺว ขนฺธา…เป.…ฯ (๓)

    Sekkho dhammo sekkhassa ca nevasekkhanāsekkhassa ca dhammassa atthipaccayena paccayo – sekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    อเสโกฺข ธโมฺม อเสกฺขสฺส ธมฺมสฺส อตฺถิปจฺจเยน ปจฺจโย…เป.… ตีณิ (เสกฺขสทิสํ)ฯ

    Asekkho dhammo asekkhassa dhammassa atthipaccayena paccayo…pe… tīṇi (sekkhasadisaṃ).

    ๖๖. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํฯ สหชาโต – เนวเสกฺขนาเสโกฺข เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… เทฺว ขนฺธา…เป.… ปฎิสนฺธิกฺขเณ…เป.… ขนฺธา วตฺถุสฺส อตฺถิปจฺจเยน ปจฺจโยฯ วตฺถุ ขนฺธานํ อตฺถิปจฺจเยน ปจฺจโย, เอกํ มหาภูตํ…เป.… พาหิรํ…เป.… อสญฺญสตฺตานํ…เป.…ฯ ปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ; อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ โสตํ…เป.… วตฺถุํ อนิจฺจโต…เป.… วิปสฺสติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส…เป.… จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส… วตฺถุ เนวเสกฺขนาเสกฺขานํ ขนฺธานํ อตฺถิปจฺจเยน ปจฺจโยฯ ปจฺฉาชาตา – เนวเสกฺขนาเสกฺขา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ กพฬีกาโร อาหาโร อิมสฺส กายสฺส อตฺถิปจฺจเยน ปจฺจโยฯ รูปชีวิตินฺทฺริยํ กฎตฺตารูปานํ อตฺถิปจฺจเยน ปจฺจโยฯ (๑)

    66. Nevasekkhanāsekkho dhammo nevasekkhanāsekkhassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevasekkhanāsekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo, ekaṃ mahābhūtaṃ…pe… bāhiraṃ…pe… asaññasattānaṃ…pe…. Purejātaṃ – cakkhuṃ aniccato dukkhato anattato vipassati; assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu nevasekkhanāsekkhānaṃ khandhānaṃ atthipaccayena paccayo. Pacchājātā – nevasekkhanāsekkhā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อตฺถิปจฺจเยน ปจฺจโยฯ ปุเรชาตํ – วตฺถุ เสกฺขานํ ขนฺธานํ อตฺถิปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa atthipaccayena paccayo. Purejātaṃ – vatthu sekkhānaṃ khandhānaṃ atthipaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส อตฺถิปจฺจเยน ปจฺจโยฯ ปุเรชาตํ – วตฺถุ อเสกฺขานํ ขนฺธานํ อตฺถิปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa atthipaccayena paccayo. Purejātaṃ – vatthu asekkhānaṃ khandhānaṃ atthipaccayena paccayo. (3)

    ๖๗. เสโกฺข จ เนวเสกฺขนาเสโกฺข จ ธมฺมา เสกฺขสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – เสโกฺข เอโก ขโนฺธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… เทฺว ขนฺธา…เป.…ฯ (๑)

    67. Sekkho ca nevasekkhanāsekkho ca dhammā sekkhassa dhammassa atthipaccayena paccayo – sahajātaṃ, purejātaṃ. Sahajāto – sekkho eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    เสโกฺข จ เนวเสกฺขนาเสโกฺข จ ธมฺมา เนวเสกฺขนาเสกฺขสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – เสกฺขา ขนฺธา จ มหาภูตา จ จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – เสกฺขา ขนฺธา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – เสกฺขา ขนฺธา จ รูปชีวิตินฺทฺริยญฺจ กฎตฺตารูปานํ อตฺถิปจฺจเยน ปจฺจโยฯ (๒)

    Sekkho ca nevasekkhanāsekkho ca dhammā nevasekkhanāsekkhassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – sekkhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – sekkhā khandhā ca rūpajīvitindriyañca kaṭattārūpānaṃ atthipaccayena paccayo. (2)

    อเสโกฺข จ เนวเสกฺขนาเสโกฺข จ ธมฺมา อเสกฺขสฺส ธมฺมสฺส อตฺถิปจฺจเยน ปจฺจโย…เป.… (เทฺว ปญฺหา กาตพฺพา, เสกฺขสทิสา)ฯ

    Asekkho ca nevasekkhanāsekkho ca dhammā asekkhassa dhammassa atthipaccayena paccayo…pe… (dve pañhā kātabbā, sekkhasadisā).

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    ๖๘. เหตุยา สตฺต, อารมฺมเณ ปญฺจ, อธิปติยา นว, อนนฺตเร อฎฺฐ, สมนนฺตเร อฎฺฐ, สหชาเต นว, อญฺญมเญฺญ ตีณิ, นิสฺสเย เตรส, อุปนิสฺสเย อฎฺฐ, ปุเรชาเต ตีณิ, ปจฺฉาชาเต ตีณิ, อาเสวเน เทฺว, กเมฺม อฎฺฐ, วิปาเก อาหาเร อินฺทฺริเย ฌาเน มเคฺค สตฺต, สมฺปยุเตฺต ตีณิ, วิปฺปยุเตฺต ปญฺจ, อตฺถิยา เตรส, นตฺถิยา อฎฺฐ, วิคเต อฎฺฐ, อวิคเต เตรส (เอวํ คเณตพฺพํ)ฯ

    68. Hetuyā satta, ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    อนุโลมํฯ

    Anulomaṃ.

    ๒. ปจฺจนียุทฺธาโร

    2. Paccanīyuddhāro

    ๖๙. เสโกฺข ธโมฺม เสกฺขสฺส ธมฺมสฺส สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)

    69. Sekkho dhammo sekkhassa dhammassa sahajātapaccayena paccayo… upanissayapaccayena paccayo. (1)

    เสโกฺข ธโมฺม อเสกฺขสฺส ธมฺมสฺส อุปนิสฺสยปจฺจเยน ปจฺจโยฯ (๒)

    Sekkho dhammo asekkhassa dhammassa upanissayapaccayena paccayo. (2)

    เสโกฺข ธโมฺม เนวเสกฺขนาเสกฺขสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโยฯ (๓)

    Sekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

    เสโกฺข ธโมฺม เสกฺขสฺส จ เนวเสกฺขนาเสกฺขสฺส จ ธมฺมสฺส สหชาตปจฺจเยน ปจฺจโยฯ (๔)

    Sekkho dhammo sekkhassa ca nevasekkhanāsekkhassa ca dhammassa sahajātapaccayena paccayo. (4)

    ๗๐. อเสโกฺข ธโมฺม อเสกฺขสฺส ธมฺมสฺส สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)

    70. Asekkho dhammo asekkhassa dhammassa sahajātapaccayena paccayo… upanissayapaccayena paccayo. (1)

    อเสโกฺข ธโมฺม เนวเสกฺขนาเสกฺขสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโยฯ (๒)

    Asekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    อเสโกฺข ธโมฺม อเสกฺขสฺส จ เนวเสกฺขนาเสกฺขสฺส จ ธมฺมสฺส สหชาตปจฺจเยน ปจฺจโยฯ (๓)

    Asekkho dhammo asekkhassa ca nevasekkhanāsekkhassa ca dhammassa sahajātapaccayena paccayo. (3)

    ๗๑. เนวเสกฺขนาเสโกฺข ธโมฺม เนวเสกฺขนาเสกฺขสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (๑)

    71. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    เนวเสกฺขนาเสโกฺข ธโมฺม เสกฺขสฺส ธมฺมสฺส อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๒)

    Nevasekkhanāsekkho dhammo sekkhassa dhammassa upanissayapaccayena paccayo… purejātapaccayena paccayo. (2)

    เนวเสกฺขนาเสโกฺข ธโมฺม อเสกฺขสฺส ธมฺมสฺส อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๓)

    Nevasekkhanāsekkho dhammo asekkhassa dhammassa upanissayapaccayena paccayo… purejātapaccayena paccayo. (3)

    ๗๒. เสโกฺข จ เนวเสกฺขนาเสโกฺข จ ธมฺมา เสกฺขสฺส ธมฺมสฺส สหชาตํ, ปุเรชาตํฯ (๑)

    72. Sekkho ca nevasekkhanāsekkho ca dhammā sekkhassa dhammassa sahajātaṃ, purejātaṃ. (1)

    เสโกฺข จ เนวเสกฺขนาเสโกฺข จ ธมฺมา เนวเสกฺขนาเสกฺขสฺส ธมฺมสฺส สหชาตํ, ปจฺฉาชาตํ, อาหารํ, อินฺทฺริยํฯ (๒)

    Sekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    อเสโกฺข จ เนวเสกฺขนาเสโกฺข จ ธมฺมา อเสกฺขสฺส ธมฺมสฺส สหชาตํ, ปุเรชาตํฯ (๑)

    Asekkho ca nevasekkhanāsekkho ca dhammā asekkhassa dhammassa sahajātaṃ, purejātaṃ. (1)

    อเสโกฺข จ เนวเสกฺขนาเสโกฺข จ ธมฺมา เนวเสกฺขนาเสกฺขสฺส ธมฺมสฺส สหชาตํ, ปจฺฉาชาตํ, อาหารํ, อินฺทฺริยํฯ (๒)

    Asekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    ๗๓. นเหตุยา จุทฺทส, นอารมฺมเณ นอธิปติยา นอนนฺตเร นสมนนฺตเร จุทฺทส, นสหชาเต ทส, นอญฺญมเญฺญ ทส, นนิสฺสเย ทส , นอุปนิสฺสเย เตรส, นปุเรชาเต ทฺวาทส, นปจฺฉาชาเต จุทฺทส, นอาเสวเน นกเมฺม จุทฺทส, นวิปาเก ทฺวาทส, นอาหาเร นอินฺทฺริเย นฌาเน นมเคฺค จุทฺทส, นสมฺปยุเตฺต ทส, นวิปฺปยุเตฺต อฎฺฐ, โนอตฺถิยา อฎฺฐ, โนนตฺถิยา จุทฺทส, โนวิคเต จุทฺทส, โนอวิคเต อฎฺฐ (เอวํ คเณตพฺพํ)ฯ

    73. Nahetuyā cuddasa, naārammaṇe naadhipatiyā naanantare nasamanantare cuddasa, nasahajāte dasa, naaññamaññe dasa, nanissaye dasa , naupanissaye terasa, napurejāte dvādasa, napacchājāte cuddasa, naāsevane nakamme cuddasa, navipāke dvādasa, naāhāre naindriye najhāne namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha (evaṃ gaṇetabbaṃ).

    ปจฺจนียํฯ

    Paccanīyaṃ.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    เหตุทุกํ

    Hetudukaṃ

    ๗๔. เหตุปจฺจยา นอารมฺมเณ สตฺต, นอธิปติยา สตฺต, นอนนฺตเร สตฺต, นสมนนฺตเร สตฺต, นอญฺญมเญฺญ ตีณิ, นอุปนิสฺสเย นปุเรชาเต นปจฺฉาชาเต นอาเสวเน นกเมฺม สตฺต, นวิปาเก จตฺตาริ, นอาหาเร นอินฺทฺริเย นฌาเน นมเคฺค สตฺต, นสมฺปยุเตฺต ตีณิ, นวิปฺปยุเตฺต ตีณิ, โนนตฺถิยา สตฺต, โนวิคเต สตฺต (เอวํ คเณตพฺพํ)ฯ

    74. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye napurejāte napacchājāte naāsevane nakamme satta, navipāke cattāri, naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    อนุโลมปจฺจนียํฯ

    Anulomapaccanīyaṃ.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    นเหตุทุกํ

    Nahetudukaṃ

    ๗๕. นเหตุปจฺจยา อารมฺมเณ ปญฺจ, อธิปติยา นว, อนนฺตเร อฎฺฐ, สมนนฺตเร อฎฺฐ, สหชาเต นว, อญฺญมเญฺญ ตีณิ, นิสฺสเย เตรส, อุปนิสฺสเย อฎฺฐ, ปุเรชาเต ตีณิ, ปจฺฉาชาเต ตีณิ, อาเสวเน เทฺว, กเมฺม อฎฺฐ, วิปาเก อาหาเร อินฺทฺริเย ฌาเน มเคฺค สตฺต, สมฺปยุเตฺต ตีณิ, วิปฺปยุเตฺต ปญฺจ, อตฺถิยา เตรส, นตฺถิยา อฎฺฐ, วิคเต อฎฺฐ, อวิคเต เตรส (เอวํ คเณตพฺพํ)ฯ

    75. Nahetupaccayā ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    ปจฺจนียานุโลมํฯ

    Paccanīyānulomaṃ.

    ปญฺหาวาโรฯ

    Pañhāvāro.

    เสกฺขตฺติกํ นิฎฺฐิตํฯ

    Sekkhattikaṃ niṭṭhitaṃ.




    Next: ๑๒. ปริตฺตตฺติกํ • 12. Parittattikaṃ




    Footnotes:
    1. เนวเสขานาเสโข (สี.), เนวเสกฺขานาเสโกฺข (สฺยา. ก.)
    2. nevasekhānāsekho (sī.), nevasekkhānāsekkho (syā. ka.)



    Related texts:



    อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕-๒๒. สงฺกิลิฎฺฐตฺติกาทิวณฺณนา • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact