Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ១១. សេក្ខត្តិកំ

    11. Sekkhattikaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ ហេតុបច្ចយា – សេក្ខំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    1. Sekkhaṃ dhammaṃ paṭicca sekkho dhammo uppajjati hetupaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    សេក្ខំ ធម្មំ បដិច្ច នេវសេក្ខនាសេក្ខោ 1 ធម្មោ ឧប្បជ្ជតិ ហេតុបច្ចយា – សេក្ខេ ខន្ធេ បដិច្ច ចិត្តសមុដ្ឋានំ រូបំ។ (២)

    Sekkhaṃ dhammaṃ paṭicca nevasekkhanāsekkho 2 dhammo uppajjati hetupaccayā – sekkhe khandhe paṭicca cittasamuṭṭhānaṃ rūpaṃ. (2)

    សេក្ខំ ធម្មំ បដិច្ច សេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា – សេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ២. អសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ ហេតុបច្ចយា – អសេក្ខំ ឯកំ ខន្ធំ បដិច្ច តយោ ខន្ធា…បេ.…។ (១)

    2. Asekkhaṃ dhammaṃ paṭicca asekkho dhammo uppajjati hetupaccayā – asekkhaṃ ekaṃ khandhaṃ paṭicca tayo khandhā…pe…. (1)

    អសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – អសេក្ខេ ខន្ធេ បដិច្ច ចិត្តសមុដ្ឋានំ រូបំ។ (២)

    Asekkhaṃ dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe paṭicca cittasamuṭṭhānaṃ rūpaṃ. (2)

    អសេក្ខំ ធម្មំ បដិច្ច អសេក្ខោ ច នេវសេក្ខនាសេក្ខោ ច ធម្មា…បេ.… អសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Asekkhaṃ dhammaṃ paṭicca asekkho ca nevasekkhanāsekkho ca dhammā…pe… asekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ៣. នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ …បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ បដិច្ច តយោ មហាភូតា…បេ.… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

    3. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    សេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – សេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    អសេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – អសេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    អារម្មណបច្ចយាទិ

    Ārammaṇapaccayādi

    ៤. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា (បដិសន្ធិ នត្ថិ)… អនន្តរបច្ចយា… សមនន្តរបច្ចយា… សហជាតបច្ចយា (សព្ពេ មហាភូតា កាតព្ពា)… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា – សេក្ខំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។

    4. Sekkhaṃ dhammaṃ paṭicca sekkho dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā (sabbe mahābhūtā kātabbā)… aññamaññapaccayā… nissayapaccayā… upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe….

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ អាសេវនបច្ចយា – នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ …បេ.… កម្មបច្ចយា, វិបាកបច្ចយា – វិបាកំ សេក្ខំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… (តីណិ, បរិបុណ្ណំ)។

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paṭicca tayo khandhā…pe… dve khandhe …pe… kammapaccayā, vipākapaccayā – vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe… (tīṇi, paripuṇṇaṃ).

    អសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ វិបាកបច្ចយា – អសេក្ខំ ឯកំ ខន្ធំ បដិច្ច… តីណិ។

    Asekkhaṃ dhammaṃ paṭicca asekkho dhammo uppajjati vipākapaccayā – asekkhaṃ ekaṃ khandhaṃ paṭicca… tīṇi.

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ វិបាកបច្ចយា – វិបាកំ នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati vipākapaccayā – vipākaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    សេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ វិបាកបច្ចយា – វិបាកេ សេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – vipāke sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    អសេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ វិបាកបច្ចយា – អសេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    អាហារបច្ចយាទិ

    Āhārapaccayādi

    ៥. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយ… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។

    5. Sekkhaṃ dhammaṃ paṭicca sekkho dhammo uppajjati āhārapaccayā… indriyapaccayā… jhānapaccayā… maggapaccaya… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៦. ហេតុយា នវ, អារម្មណេ តីណិ, អធិបតិយា នវ, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ នវ, វិបាកេ អាហារេ ឥន្ទ្រិយេ ឈានេ មគ្គេ នវ, សម្បយុត្តេ តីណិ, វិប្បយុត្តេ នវ, អត្ថិយា នវ, នត្ថិយា តីណិ, វិគតេ តីណិ, អវិគតេ នវ (ឯវំ គណេតព្ពំ)។

    6. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke āhāre indriye jhāne magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava (evaṃ gaṇetabbaṃ).

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៧. នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នហេតុបច្ចយា – អហេតុកំ នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    7. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    នអារម្មណបច្ចយោ

    Naārammaṇapaccayo

    ៨. សេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអារម្មណបច្ចយា – សេក្ខេ ខន្ធេ បដិច្ច ចិត្តសមុដ្ឋានំ រូបំ។ (១)

    8. Sekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe paṭicca cittasamuṭṭhānaṃ rūpaṃ. (1)

    អសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអារម្មណបច្ចយា – អសេក្ខេ ខន្ធេ បដិច្ច ចិត្តសមុដ្ឋានំ រូបំ។ (១)

    Asekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe paṭicca cittasamuṭṭhānaṃ rūpaṃ. (1)

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអារម្មណបច្ចយា – នេវសេក្ខនាសេក្ខេ ខន្ធេ បដិច្ច ចិត្តសមុដ្ឋានំ រូបំ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ…បេ.… ឯកំ មហាភូតំ…បេ.… អសញ្ញសត្តានំ…បេ.…។ (១)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – nevasekkhanāsekkhe khandhe paṭicca cittasamuṭṭhānaṃ rūpaṃ…pe… paṭisandhikkhaṇe…pe… khandhe paṭicca vatthu…pe… ekaṃ mahābhūtaṃ…pe… asaññasattānaṃ…pe…. (1)

    សេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអារម្មណបច្ចយា – សេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    អសេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអារម្មណបច្ចយា – អសេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    នអធិបតិបច្ចយាទិ

    Naadhipatipaccayādi

    ៩. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ នអធិបតិបច្ចយា – សេក្ខេ ខន្ធេ បដិច្ច សេក្ខោ អធិបតិ។ (១)

    9. Sekkhaṃ dhammaṃ paṭicca sekkho dhammo uppajjati naadhipatipaccayā – sekkhe khandhe paṭicca sekkho adhipati. (1)

    អសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ នអធិបតិបច្ចយា – អសេក្ខេ ខន្ធេ បដិច្ច អសេក្ខោ អធិបតិ។ (១)

    Asekkhaṃ dhammaṃ paṭicca asekkho dhammo uppajjati naadhipatipaccayā – asekkhe khandhe paṭicca asekkho adhipati. (1)

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអធិបតិបច្ចយា… (បរិបុណ្ណំ, បដិសន្ធិបិ មហាភូតាបិ សព្ពេ) នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា… សត្ត (កុសលត្តិកសទិសា)… នបច្ឆាជាតបច្ចយា…បេ.… នអាសេវនបច្ចយា។ វិបាកំ សេក្ខំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naadhipatipaccayā… (paripuṇṇaṃ, paṭisandhipi mahābhūtāpi sabbe) naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… satta (kusalattikasadisā)… napacchājātapaccayā…pe… naāsevanapaccayā. Vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ១០. សេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអាសេវនបច្ចយា – សេក្ខេ ខន្ធេ បដិច្ច ចិត្តសមុដ្ឋានំ រូបំ។ (២)

    10. Sekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā – sekkhe khandhe paṭicca cittasamuṭṭhānaṃ rūpaṃ. (2)

    សេក្ខំ ធម្មំ បដិច្ច សេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ នអាសេវនបច្ចយា – វិបាកំ សេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti naāsevanapaccayā – vipākaṃ sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    អសេក្ខំ ធម្មំ បដិច្ច អសេក្ខោ ធម្មោ… តីណិ។

    Asekkhaṃ dhammaṃ paṭicca asekkho dhammo… tīṇi.

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអាសេវនបច្ចយា… នេវសេក្ខនាសេក្ខំ (ឯកំ, បរិបុណ្ណំ, សេក្ខញ្ច, នេវសេក្ខនាសេក្ខញ្ច, ឃដនា បរិបុណ្ណា, ទ្វេបិ កាតព្ពា។ នវ) នកម្មបច្ចយា – សេក្ខេ ខន្ធេ បដិច្ច សេក្ខា ចេតនា។

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā… nevasekkhanāsekkhaṃ (ekaṃ, paripuṇṇaṃ, sekkhañca, nevasekkhanāsekkhañca, ghaṭanā paripuṇṇā, dvepi kātabbā. Nava) nakammapaccayā – sekkhe khandhe paṭicca sekkhā cetanā.

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នកម្មបច្ចយា – នេវសេក្ខនាសេក្ខេ ខន្ធេ បដិច្ច នេវសេក្ខនាសេក្ខា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ… ឯកំ មហាភូតំ…បេ.…។

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nakammapaccayā – nevasekkhanāsekkhe khandhe paṭicca nevasekkhanāsekkhā cetanā; bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe….

    នវិបាកបច្ចយោ

    Navipākapaccayo

    ១១. សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ នវិបាកបច្ចយា – សេក្ខំ ឯកំ ខន្ធំ បដិច្ច តយោ ខន្ធា…បេ.…។ (១)

    11. Sekkhaṃ dhammaṃ paṭicca sekkho dhammo uppajjati navipākapaccayā – sekkhaṃ ekaṃ khandhaṃ paṭicca tayo khandhā…pe…. (1)

    សេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នវិបាកបច្ចយា – សេក្ខេ ខន្ធេ បដិច្ច ចិត្តសមុដ្ឋានំ រូបំ។(២)

    Sekkhaṃ dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe paṭicca cittasamuṭṭhānaṃ rūpaṃ.(2)

    សេក្ខំ ធម្មំ បដិច្ច សេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ នវិបាកបច្ចយា – សេក្ខំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.…។ (៣)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti navipākapaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    ១២. នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នវិបាកបច្ចយា (បរិបុណ្ណំ, បដិសន្ធិ នត្ថិ )។

    12. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navipākapaccayā (paripuṇṇaṃ, paṭisandhi natthi ).

    សេក្ខញ្ច នេវសេក្ខនាសេក្ខញ្ច ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នវិបាកបច្ចយា – សេក្ខេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    នអាហារបច្ចយាទិ

    Naāhārapaccayādi

    ១៣. នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នអាហារបច្ចយា… នឥន្ទ្រិយបច្ចយា… នឈានបច្ចយា… នមគ្គបច្ចយា ។

    13. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā .

    នសម្បយុត្តបច្ចយោ

    Nasampayuttapaccayo

    ១៤. សេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នសម្បយុត្តបច្ចយា…បេ.… (នអារម្មណបច្ចយសទិសំ)។

    14. Sekkhaṃ dhammaṃ paṭicca nevasekkhanāsekkho dhammo uppajjati nasampayuttapaccayā…pe… (naārammaṇapaccayasadisaṃ).

    នវិប្បយុត្តបច្ចយាទិ

    Navippayuttapaccayādi

    សេក្ខំ ធម្មំ បដិច្ច សេក្ខោ ធម្មោ ឧប្បជ្ជតិ នវិប្បយុត្តបច្ចយា។ អរូបេ សេក្ខំ ឯកំ ខន្ធំ បដិច្ច តយោ ខន្ធា…បេ.…។ (១)

    Sekkhaṃ dhammaṃ paṭicca sekkho dhammo uppajjati navippayuttapaccayā. Arūpe sekkhaṃ ekaṃ khandhaṃ paṭicca tayo khandhā…pe…. (1)

    អសេក្ខំ ធម្មំ បដិច្ច អសេក្ខោ ធម្មោ ឧប្បជ្ជតិ នវិប្បយុត្តបច្ចយា – អរូបេ អសេក្ខំ ឯកំ ខន្ធំ បដិច្ច តយោ ខន្ធា…បេ.…។ (១)

    Asekkhaṃ dhammaṃ paṭicca asekkho dhammo uppajjati navippayuttapaccayā – arūpe asekkhaṃ ekaṃ khandhaṃ paṭicca tayo khandhā…pe…. (1)

    នេវសេក្ខនាសេក្ខំ ធម្មំ បដិច្ច នេវសេក្ខនាសេក្ខោ ធម្មោ ឧប្បជ្ជតិ នវិប្បយុត្តបច្ចយា – អរូបេ នេវសេក្ខនាសេក្ខំ ឯកំ ខន្ធំ បដិច្ច តយោ ខន្ធា…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… នោនត្ថិបច្ចយា… នោវិគតបច្ចយា។

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navippayuttapaccayā – arūpe nevasekkhanāsekkhaṃ ekaṃ khandhaṃ paṭicca tayo khandhā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā… novigatapaccayā.

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៥. នហេតុយា ឯកំ, នអារម្មណេ បញ្ច, នអធិបតិយា តីណិ, នអនន្តរេ នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    15. Nahetuyā ekaṃ, naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte nava, naāsevane nava, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ១៦. ហេតុបច្ចយា នអារម្មណេ បញ្ច, នអធិបតិយា តីណិ, នអនន្តរេ នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ សត្ត, នបច្ឆាជាតេ នអាសេវនេ នវ, នកម្មេ ទ្វេ, នវិបាកេ បញ្ច, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    16. Hetupaccayā naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte naāsevane nava, nakamme dve, navipāke pañca, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ១៧. នហេតុបច្ចយា អារម្មណេ ឯកំ, អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ ឯកំ (ឯវំ គណេតព្ពំ)។

    17. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    បដិច្ចវារោ។

    Paṭiccavāro.

    ២. សហជាតវារោ

    2. Sahajātavāro

    (សហជាតវារោ បដិច្ចវារសទិសោ។)

    (Sahajātavāro paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៨. សេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសំ)។

    18. Sekkhaṃ dhammaṃ paccayā sekkho dhammo uppajjati hetupaccayā… tīṇi (paṭiccavārasadisaṃ).

    អសេក្ខំ ធម្មំ បច្ចយា អសេក្ខោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសំ)។

    Asekkhaṃ dhammaṃ paccayā asekkho dhammo uppajjati hetupaccayā… tīṇi (paṭiccavārasadisaṃ).

    ១៩. នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា (បរិបុណ្ណំ), មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ, វត្ថុំ បច្ចយា នេវសេក្ខនាសេក្ខា ខន្ធា។ (១)

    19. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati hetupaccayā (paripuṇṇaṃ), mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā nevasekkhanāsekkhā khandhā. (1)

    នេវសេក្ខនាសេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា សេក្ខា ខន្ធា។ (២)

    Nevasekkhanāsekkhaṃ dhammaṃ paccayā sekkho dhammo uppajjati hetupaccayā – vatthuṃ paccayā sekkhā khandhā. (2)

    នេវសេក្ខនាសេក្ខំ ធម្មំ បច្ចយា អសេក្ខោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អសេក្ខា ខន្ធា។ (៣)

    Nevasekkhanāsekkhaṃ dhammaṃ paccayā asekkho dhammo uppajjati hetupaccayā – vatthuṃ paccayā asekkhā khandhā. (3)

    នេវសេក្ខនាសេក្ខំ ធម្មំ បច្ចយា សេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា សេក្ខា ខន្ធា, មហាភូតេ បច្ចយា ចិត្តសមុដ្ឋានំ រូបំ។ (៤)

    Nevasekkhanāsekkhaṃ dhammaṃ paccayā sekkho ca nevasekkhanāsekkho ca dhammā uppajjanti hetupaccayā – vatthuṃ paccayā sekkhā khandhā, mahābhūte paccayā cittasamuṭṭhānaṃ rūpaṃ. (4)

    នេវសេក្ខនាសេក្ខំ ធម្មំ បច្ចយា អសេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អសេក្ខា ខន្ធា, មហាភូតេ បច្ចយា ចិត្តសមុដ្ឋានំ រូបំ។ (៥)

    Nevasekkhanāsekkhaṃ dhammaṃ paccayā asekkho ca nevasekkhanāsekkho ca dhammā uppajjanti hetupaccayā – vatthuṃ paccayā asekkhā khandhā, mahābhūte paccayā cittasamuṭṭhānaṃ rūpaṃ. (5)

    ២០. សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ធម្មោ ឧប្បជ្ជតិ ហេតុបច្ចយា – សេក្ខំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា។ (១)

    20. Sekkhañca nevasekkhanāsekkhañca dhammaṃ paccayā sekkho dhammo uppajjati hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    សេក្ខញ្ច នេវសេក្ខនាសេក្ខញ្ច ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – សេក្ខេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (២)

    Sekkhañca nevasekkhanāsekkhañca dhammaṃ paccayā nevasekkhanāsekkho dhammo uppajjati hetupaccayā – sekkhe khandhe ca mahābhūte ca paccayā cittasamuṭṭhānaṃ rūpaṃ. (2)

    សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ច នេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា – សេក្ខំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា។ សេក្ខេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ។ (៣)

    Sekkhañca nevasekkhanāsekkhañca dhammaṃ paccayā sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. Sekkhe khandhe ca mahābhūte ca paccayā cittasamuṭṭhānaṃ rūpaṃ. (3)

    អសេក្ខញ្ច នេវសេក្ខនាសេក្ខញ្ច ធម្មំ បច្ចយា… តីណិ (សេក្ខសទិសា)។

    Asekkhañca nevasekkhanāsekkhañca dhammaṃ paccayā… tīṇi (sekkhasadisā).

    អារម្មណបច្ចយោ

    Ārammaṇapaccayo

    ២១. សេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ អារម្មណបច្ចយា… ឯកំ។

    21. Sekkhaṃ dhammaṃ paccayā sekkho dhammo uppajjati ārammaṇapaccayā… ekaṃ.

    អសេក្ខំ ធម្មំ បច្ចយា អសេក្ខោ ធម្មោ… ឯកំ។

    Asekkhaṃ dhammaṃ paccayā asekkho dhammo… ekaṃ.

    នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ អារម្មណបច្ចយា… ឯកំ, វត្ថុំ បច្ចយា នេវសេក្ខនាសេក្ខា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា នេវសេក្ខនាសេក្ខា ខន្ធា។ (១)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati ārammaṇapaccayā… ekaṃ, vatthuṃ paccayā nevasekkhanāsekkhā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā nevasekkhanāsekkhā khandhā. (1)

    នេវសេក្ខនាសេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា សេក្ខា ខន្ធា។ (២)

    Nevasekkhanāsekkhaṃ dhammaṃ paccayā sekkho dhammo uppajjati ārammaṇapaccayā – vatthuṃ paccayā sekkhā khandhā. (2)

    នេវសេក្ខនាសេក្ខំ ធម្មំ បច្ចយា អសេក្ខោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អសេក្ខា ខន្ធា។ (៣)

    Nevasekkhanāsekkhaṃ dhammaṃ paccayā asekkho dhammo uppajjati ārammaṇapaccayā – vatthuṃ paccayā asekkhā khandhā. (3)

    សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ធម្មោ ឧប្បជ្ជតិ អារម្មណបច្ចយា – សេក្ខំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា។ (១)

    Sekkhañca nevasekkhanāsekkhañca dhammaṃ paccayā sekkho dhammo uppajjati ārammaṇapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    អសេក្ខញ្ច នេវសេក្ខនាសេក្ខញ្ច ធម្មំ បច្ចយា អសេក្ខោ ធម្មោ ឧប្បជ្ជតិ អារម្មណបច្ចយា – អសេក្ខំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា។ (១)

    Asekkhañca nevasekkhanāsekkhañca dhammaṃ paccayā asekkho dhammo uppajjati ārammaṇapaccayā – asekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    អធិបតិបច្ចយាទិ

    Adhipatipaccayādi

    ២២. សេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ អធិបតិបច្ចយា… អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយ… និស្សយបច្ចយា … ឧបនិស្សយបច្ចយា… បុរេជាតបច្ចយា… អាសេវនបច្ចយា – សេក្ខំ ឯកំ ខន្ធំ បច្ចយា តយោ ខន្ធា…បេ.…

    22. Sekkhaṃ dhammaṃ paccayā sekkho dhammo uppajjati adhipatipaccayā… anantarapaccayā… samanantarapaccayā… sahajātapaccayā… aññamaññapaccaya… nissayapaccayā … upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paccayā tayo khandhā…pe…

    នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ អាសេវនបច្ចយា – នេវសេក្ខនាសេក្ខំ ឯកំ ខន្ធំ បច្ចយា…បេ.… វត្ថុំ បច្ចយា នេវសេក្ខនាសេក្ខា ខន្ធា។ (១)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paccayā…pe… vatthuṃ paccayā nevasekkhanāsekkhā khandhā. (1)

    នេវសេក្ខនាសេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ អាសេវនបច្ចយា – វត្ថុំ បច្ចយា សេក្ខា ខន្ធា។ (២)

    Nevasekkhanāsekkhaṃ dhammaṃ paccayā sekkho dhammo uppajjati āsevanapaccayā – vatthuṃ paccayā sekkhā khandhā. (2)

    សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ធម្មោ ឧប្បជ្ជតិ អាសេវនបច្ចយា – សេក្ខំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធា។ (១)

    Sekkhañca nevasekkhanāsekkhañca dhammaṃ paccayā sekkho dhammo uppajjati āsevanapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    កម្មបច្ចយាទិ

    Kammapaccayādi

    ២៣. សេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ កម្មបច្ចយា… វិបាកបច្ចយា – វិបាកំ សេក្ខំ ឯកំ ខន្ធំ…បេ.… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។

    23. Sekkhaṃ dhammaṃ paccayā sekkho dhammo uppajjati kammapaccayā… vipākapaccayā – vipākaṃ sekkhaṃ ekaṃ khandhaṃ…pe… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ២៤. ហេតុយា សត្តរស, អារម្មណេ សត្ត, អធិបតិយា សត្តរស, អនន្តរេ សត្ត, សមនន្តរេ សត្ត, សហជាតេ សត្តរស, អញ្ញមញ្ញេ សត្ត, និស្សយេ សត្តរស, ឧបនិស្សយេ សត្ត, បុរេជាតេ សត្ត, អាសេវនេ ចត្តារិ, កម្មេ សត្តរស, វិបាកេ សត្តរស, អាហារេ សត្តរស, ឥន្ទ្រិយេ ឈានេ មគ្គេ សត្តរស, សម្បយុត្តេ សត្ត, វិប្បយុត្តេ សត្តរស, អត្ថិយា សត្តរស, នត្ថិយា សត្ត, វិគតេ សត្ត, អវិគតេ សត្តរស (ឯវំ គណេតព្ពំ)។

    24. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane cattāri, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ).

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ២៥. នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នហេតុបច្ចយា – អហេតុកំ នេវសេក្ខនាសេក្ខំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធា។ អហេតុកបដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា, ឯកំ មហាភូតំ បច្ចយា…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.… ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នេវសេក្ខនាសេក្ខា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    25. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhā. Ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ paccayā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    នអារម្មណបច្ចយាទិ

    Naārammaṇapaccayādi

    ២៦. សេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នអារម្មណបច្ចយា…បេ.…។ (១)

    26. Sekkhaṃ dhammaṃ paccayā nevasekkhanāsekkho dhammo uppajjati naārammaṇapaccayā…pe…. (1)

    សេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ នអធិបតិបច្ចយា – សេក្ខេ ខន្ធេ បច្ចយា សេក្ខោ អធិបតិ។ (១)

    Sekkhaṃ dhammaṃ paccayā sekkho dhammo uppajjati naadhipatipaccayā – sekkhe khandhe paccayā sekkho adhipati. (1)

    អសេក្ខំ ធម្មំ បច្ចយា អសេក្ខោ ធម្មោ ឧប្បជ្ជតិ នអធិបតិបច្ចយា – អសេក្ខេ ខន្ធេ បច្ចយា អសេក្ខោ អធិបតិ។ (១)

    Asekkhaṃ dhammaṃ paccayā asekkho dhammo uppajjati naadhipatipaccayā – asekkhe khandhe paccayā asekkho adhipati. (1)

    នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នអធិបតិបច្ចយា (បរិបុណ្ណំ) អសញ្ញសត្តានំ…បេ.… ចក្ខាយតនំ…បេ.… វត្ថុំ បច្ចយា នេវសេក្ខនាសេក្ខា ខន្ធា។ (១)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naadhipatipaccayā (paripuṇṇaṃ) asaññasattānaṃ…pe… cakkhāyatanaṃ…pe… vatthuṃ paccayā nevasekkhanāsekkhā khandhā. (1)

    នេវសេក្ខនាសេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា សេក្ខោ អធិបតិ។ (២)

    Nevasekkhanāsekkhaṃ dhammaṃ paccayā sekkho dhammo uppajjati naadhipatipaccayā – vatthuṃ paccayā sekkho adhipati. (2)

    នេវសេក្ខនាសេក្ខំ ធម្មំ បច្ចយា អសេក្ខោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា អសេក្ខោ អធិបតិ។ (៣)

    Nevasekkhanāsekkhaṃ dhammaṃ paccayā asekkho dhammo uppajjati naadhipatipaccayā – vatthuṃ paccayā asekkho adhipati. (3)

    សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ធម្មោ ឧប្បជ្ជតិ នអធិបតិបច្ចយា – សេក្ខេ ខន្ធេ ច វត្ថុញ្ច បច្ចយា សេក្ខោ អធិបតិ។ (១)

    Sekkhañca nevasekkhanāsekkhañca dhammaṃ paccayā sekkho dhammo uppajjati naadhipatipaccayā – sekkhe khandhe ca vatthuñca paccayā sekkho adhipati. (1)

    អសេក្ខញ្ច នេវសេក្ខនាសេក្ខញ្ច ធម្មំ បច្ចយា អសេក្ខោ ធម្មោ ឧប្បជ្ជតិ នអធិបតិបច្ចយា – អសេក្ខេ ខន្ធេ ច វត្ថុញ្ច បច្ចយា អសេក្ខោ អធិបតិ។ (១)

    Asekkhañca nevasekkhanāsekkhañca dhammaṃ paccayā asekkho dhammo uppajjati naadhipatipaccayā – asekkhe khandhe ca vatthuñca paccayā asekkho adhipati. (1)

    នអនន្តរបច្ចយាទិ

    Naanantarapaccayādi

    ២៧. សេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា… នបច្ឆាជាតបច្ចយា (សត្ត)… នអាសេវនបច្ចយា… នកម្មបច្ចយា – សេក្ខេ ខន្ធេ បច្ចយា សេក្ខា ចេតនា។

    27. Sekkhaṃ dhammaṃ paccayā nevasekkhanāsekkho dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… napacchājātapaccayā (satta)… naāsevanapaccayā… nakammapaccayā – sekkhe khandhe paccayā sekkhā cetanā.

    នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នកម្មបច្ចយា – នេវសេក្ខនាសេក្ខេ ខន្ធេ បច្ចយា នេវសេក្ខនាសេក្ខា ចេតនា។ ពាហិរំ… អាហារសមុដ្ឋានំ… ឧតុសមុដ្ឋានំ…បេ.… វត្ថុំ បច្ចយា នេវសេក្ខនាសេក្ខា ចេតនា។ (១)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nakammapaccayā – nevasekkhanāsekkhe khandhe paccayā nevasekkhanāsekkhā cetanā. Bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevasekkhanāsekkhā cetanā. (1)

    នេវសេក្ខនាសេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា សេក្ខា ចេតនា។ (២)

    Nevasekkhanāsekkhaṃ dhammaṃ paccayā sekkho dhammo uppajjati nakammapaccayā – vatthuṃ paccayā sekkhā cetanā. (2)

    សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ធម្មោ ឧប្បជ្ជតិ នកម្មបច្ចយា – សេក្ខេ ខន្ធេ ច វត្ថុញ្ច បច្ចយា សេក្ខា ចេតនា។ (១)

    Sekkhañca nevasekkhanāsekkhañca dhammaṃ paccayā sekkho dhammo uppajjati nakammapaccayā – sekkhe khandhe ca vatthuñca paccayā sekkhā cetanā. (1)

    នវិបាកបច្ចយោ

    Navipākapaccayo

    ២៨. សេក្ខំ ធម្មំ បច្ចយា សេក្ខោ ធម្មោ ឧប្បជ្ជតិ នវិបាកបច្ចយា (សេក្ខមូលកេ តីណិ)។

    28. Sekkhaṃ dhammaṃ paccayā sekkho dhammo uppajjati navipākapaccayā (sekkhamūlake tīṇi).

    នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នវិបាកបច្ចយា (នេវសេក្ខនាសេក្ខមូលកេ តីណិ)។

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati navipākapaccayā (nevasekkhanāsekkhamūlake tīṇi).

    សេក្ខញ្ច នេវសេក្ខនាសេក្ខញ្ច ធម្មំ បច្ចយា សេក្ខោ ធម្មោ ឧប្បជ្ជតិ នវិបាកបច្ចយា (សេក្ខឃដនេសុ តីណិ)។

    Sekkhañca nevasekkhanāsekkhañca dhammaṃ paccayā sekkho dhammo uppajjati navipākapaccayā (sekkhaghaṭanesu tīṇi).

    នអាហារបច្ចយាទិ

    Naāhārapaccayādi

    ២៩. នេវសេក្ខនាសេក្ខំ ធម្មំ បច្ចយា នេវសេក្ខនាសេក្ខោ ធម្មោ ឧប្បជ្ជតិ នអាហារបច្ចយា… នឥន្ទ្រិយបច្ចយា… នឈានបច្ចយា… នមគ្គបច្ចយា… នសម្បយុត្តបច្ចយា… នវិប្បយុត្តបច្ចយា… នោនត្ថិបច្ចយា… នោវិគតបច្ចយា…បេ.…។

    29. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā…pe….

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៣០. នហេតុយា ឯកំ, នអារម្មណេ បញ្ច, នអធិបតិយា សត្ត, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    30. Nahetuyā ekaṃ, naārammaṇe pañca, naadhipatiyā satta, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ៣១. ហេតុបច្ចយា នអារម្មណេ បញ្ច, នអធិបតិយា សត្ត, នអនន្តរេ នសមនន្តរេ នអញ្ញមញ្ញេ នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ ចត្តារិ, នវិបាកេ នវ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច (ឯវំ គណេតព្ពំ)។

    31. Hetupaccayā naārammaṇe pañca, naadhipatiyā satta, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៣២. នហេតុបច្ចយា អារម្មណេ ឯកំ, អនន្តរេ សមនន្តរេ សហជាតេ អញ្ញមញ្ញេ ឯកំ…បេ.… អវិគតេ ឯកំ (ឯវំ គណេតព្ពំ)។

    32. Nahetupaccayā ārammaṇe ekaṃ, anantare samanantare sahajāte aññamaññe ekaṃ…pe… avigate ekaṃ (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    បច្ចយវារោ។

    Paccayavāro.

    ៤. និស្សយវារោ

    4. Nissayavāro

    (និស្សយវារោ បច្ចយវារសទិសោ។)

    (Nissayavāro paccayavārasadiso.)

    ៥. សំសដ្ឋវារោ

    5. Saṃsaṭṭhavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣៣. សេក្ខំ ធម្មំ សំសដ្ឋោ សេក្ខោ ធម្មោ ឧប្បជ្ជតិ ហេតុបច្ចយា – សេក្ខំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.…។ (១)

    33. Sekkhaṃ dhammaṃ saṃsaṭṭho sekkho dhammo uppajjati hetupaccayā – sekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    អសេក្ខំ ធម្មំ សំសដ្ឋោ អសេក្ខោ ធម្មោ ឧប្បជ្ជតិ ហេតុបច្ចយា – អសេក្ខំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.…។ (១)

    Asekkhaṃ dhammaṃ saṃsaṭṭho asekkho dhammo uppajjati hetupaccayā – asekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    នេវសេក្ខនាសេក្ខំ ធម្មំ សំសដ្ឋោ នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា – នេវសេក្ខនាសេក្ខំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.…។ (១)

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    អារម្មណបច្ចយាទិ

    Ārammaṇapaccayādi

    ៣៤. សេក្ខំ ធម្មំ សំសដ្ឋោ សេក្ខោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា…បេ.… បុរេជាតបច្ចយា… អាសេវនបច្ចយា (ទ្វេ កាតព្ពា)…បេ.… អវិគតបច្ចយា។

    34. Sekkhaṃ dhammaṃ saṃsaṭṭho sekkho dhammo uppajjati ārammaṇapaccayā… adhipatipaccayā…pe… purejātapaccayā… āsevanapaccayā (dve kātabbā)…pe… avigatapaccayā.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៣៥. ហេតុយា តីណិ, អារម្មណេ តីណិ, អធិបតិយា តីណិ, អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ តីណិ, អាសេវនេ ទ្វេ, កម្មេ តីណិ…បេ.… អវិគតេ តីណិ (ឯវំ គណេតព្ពំ)។

    35. Hetuyā tīṇi, ārammaṇe tīṇi, adhipatiyā tīṇi, anantare samanantare sahajāte aññamaññe nissaye upanissaye purejāte tīṇi, āsevane dve, kamme tīṇi…pe… avigate tīṇi (evaṃ gaṇetabbaṃ).

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៣៦. នេវសេក្ខនាសេក្ខំ ធម្មំ សំសដ្ឋោ នេវសេក្ខនាសេក្ខោ ធម្មោ ឧប្បជ្ជតិ នហេតុបច្ចយា – អហេតុកំ នេវសេក្ខនាសេក្ខំ ឯកំ ខន្ធំ សំសដ្ឋា តយោ ខន្ធា…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។ (១)

    36. Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    នអធិបតិបច្ចយោ

    Naadhipatipaccayo

    ៣៧. សេក្ខំ ធម្មំ សំសដ្ឋោ សេក្ខោ ធម្មោ ឧប្បជ្ជតិ នអធិបតិបច្ចយា – សេក្ខេ ខន្ធេ សំសដ្ឋោ សេក្ខោ អធិបតិ។ (១)

    37. Sekkhaṃ dhammaṃ saṃsaṭṭho sekkho dhammo uppajjati naadhipatipaccayā – sekkhe khandhe saṃsaṭṭho sekkho adhipati. (1)

    អសេក្ខំ ធម្មំ សំសដ្ឋោ អសេក្ខោ ធម្មោ ឧប្បជ្ជតិ នអធិបតិបច្ចយា – អសេក្ខេ ខន្ធេ សំសដ្ឋោ អសេក្ខោ អធិបតិ។ (១)

    Asekkhaṃ dhammaṃ saṃsaṭṭho asekkho dhammo uppajjati naadhipatipaccayā – asekkhe khandhe saṃsaṭṭho asekkho adhipati. (1)

    នេវសេក្ខនាសេក្ខំ ធម្មំ សំសដ្ឋោ នេវសេក្ខនាសេក្ខោ ធម្មោ ឧប្បជ្ជតិ នអធិបតិបច្ចយា (បរិបុណ្ណំ, ឯកំ)។

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati naadhipatipaccayā (paripuṇṇaṃ, ekaṃ).

    នបុរេជាតបច្ចយាទិ

    Napurejātapaccayādi

    ៣៨. សេក្ខំ ធម្មំ សំសដ្ឋោ សេក្ខោ ធម្មោ ឧប្បជ្ជតិ នបុរេជាតបច្ចយា… នបច្ឆាជាតបច្ចយា… នអាសេវនបច្ចយា… នកម្មបច្ចយា (ទ្វេ កាតព្ពា)… នវិបាកបច្ចយា (ទ្វេ កាតព្ពា)… នឈានបច្ចយា… នមគ្គបច្ចយា… នវិប្បយុត្តបច្ចយា…បេ.…។

    38. Sekkhaṃ dhammaṃ saṃsaṭṭho sekkho dhammo uppajjati napurejātapaccayā… napacchājātapaccayā… naāsevanapaccayā… nakammapaccayā (dve kātabbā)… navipākapaccayā (dve kātabbā)… najhānapaccayā… namaggapaccayā… navippayuttapaccayā…pe….

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៣៩. នហេតុយា ឯកំ, នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ តីណិ (ឯវំ គណេតព្ពំ)។

    39. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme dve, navipāke dve, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ៤០. ហេតុបច្ចយា នអធិបតិយា តីណិ, នបុរេជាតេ តីណិ, នបច្ឆាជាតេ នអាសេវនេ តីណិ, នកម្មេ ទ្វេ, នវិបាកេ ទ្វេ, នវិប្បយុត្តេ តីណិ (ឯវំ គណេតព្ពំ)។

    40. Hetupaccayā naadhipatiyā tīṇi, napurejāte tīṇi, napacchājāte naāsevane tīṇi, nakamme dve, navipāke dve, navippayutte tīṇi (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ៤១. នហេតុបច្ចយា អារម្មណេ ឯកំ, អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ ឯកំ (ឯវំ គណេតព្ពំ)។

    41. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    សំសដ្ឋវារោ។

    Saṃsaṭṭhavāro.

    ៦. សម្បយុត្តវារោ

    6. Sampayuttavāro

    (សម្បយុត្តវារោ សំសដ្ឋវារសទិសោ។)

    (Sampayuttavāro saṃsaṭṭhavārasadiso.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤២. សេក្ខោ ធម្មោ សេក្ខស្ស ធម្មស្ស ហេតុបច្ចយេន បច្ចយោ – សេក្ខា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    42. Sekkho dhammo sekkhassa dhammassa hetupaccayena paccayo – sekkhā hetū sampayuttakānaṃ khandhānaṃ hetupaccayena paccayo. (1)

    សេក្ខោ ធម្មោ នេវសេក្ខនាសេក្ខស្ស ធម្មស្ស ហេតុបច្ចយេន បច្ចយោ – សេក្ខា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)

    Sekkho dhammo nevasekkhanāsekkhassa dhammassa hetupaccayena paccayo – sekkhā hetū cittasamuṭṭhānānaṃ rūpānaṃ hetupaccayena paccayo. (2)

    សេក្ខោ ធម្មោ សេក្ខស្ស ច នេវសេក្ខនាសេក្ខស្ស ច ធម្មស្ស ហេតុបច្ចយេន បច្ចយោ – សេក្ខា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Sekkho dhammo sekkhassa ca nevasekkhanāsekkhassa ca dhammassa hetupaccayena paccayo – sekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    អសេក្ខោ ធម្មោ អសេក្ខស្ស ធម្មស្ស (តីណិ)។

    Asekkho dhammo asekkhassa dhammassa (tīṇi).

    នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស ហេតុបច្ចយេន បច្ចយោ – នេវសេក្ខនាសេក្ខា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (១)

    Nevasekkhanāsekkho dhammo nevasekkhanāsekkhassa dhammassa hetupaccayena paccayo – nevasekkhanāsekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    អារម្មណបច្ចយោ

    Ārammaṇapaccayo

    ៤៣. សេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, សេក្ខំ ផលំ បច្ចវេក្ខន្តិ, ចេតោបរិយញាណេន សេក្ខចិត្តសមង្គិស្ស ចិត្តំ ជានន្តិ, សេក្ខា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    43. Sekkho dhammo nevasekkhanāsekkhassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, sekkhaṃ phalaṃ paccavekkhanti, cetopariyañāṇena sekkhacittasamaṅgissa cittaṃ jānanti, sekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ – អរហា អសេក្ខំ ផលំ បច្ចវេក្ខតិ, ចេតោបរិយញាណេន អសេក្ខចិត្តសមង្គិស្ស ចិត្តំ ជានាតិ, អសេក្ខា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    Asekkho dhammo nevasekkhanāsekkhassa dhammassa ārammaṇapaccayena paccayo – arahā asekkhaṃ phalaṃ paccavekkhati, cetopariyañāṇena asekkhacittasamaṅgissa cittaṃ jānāti, asekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ៤៤. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ បច្ចវេក្ខតិ, អរិយា និព្ពានំ បច្ចវេក្ខន្តិ។ និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ។ អរិយា បហីនេ កិលេសេ បច្ចវេក្ខន្តិ វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, ចក្ខុំ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទន្តិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ, សោតំ…បេ.… វត្ថុំ នេវសេក្ខនាសេក្ខេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន នេវសេក្ខនាសេក្ខចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… នេវសេក្ខនាសេក្ខា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    44. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā pahīne kilese paccavekkhanti vikkhambhite kilese paccavekkhanti, pubbe samudāciṇṇe kilese jānanti, cakkhuṃ aniccato dukkhato anattato vipassanti, assādenti abhinandanti, taṃ ārabbha rāgo uppajjati…pe… domanassaṃ uppajjati, sotaṃ…pe… vatthuṃ nevasekkhanāsekkhe khandhe aniccato dukkhato anattato vipassanti, assādenti…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena nevasekkhanāsekkhacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… nevasekkhanāsekkhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, សេក្ខស្ស ផលស្ស អារម្មណបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa ārammaṇapaccayena paccayo – nibbānaṃ maggassa, sekkhassa phalassa ārammaṇapaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស អារម្មណបច្ចយេន បច្ចយោ – និព្ពានំ អសេក្ខស្ស ផលស្ស អារម្មណបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa ārammaṇapaccayena paccayo – nibbānaṃ asekkhassa phalassa ārammaṇapaccayena paccayo. (3)

    អធិបតិបច្ចយោ

    Adhipatipaccayo

    ៤៥. សេក្ខោ ធម្មោ សេក្ខស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – សេក្ខាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    45. Sekkho dhammo sekkhassa dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ adhipatipaccayena paccayo. (1)

    សេក្ខោ ធម្មោ នេវសេក្ខនាសេក្ខស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, សេក្ខំ ផលំ គរុំ កត្វា បច្ចវេក្ខន្តិ ។ សហជាតាធិបតិ – សេក្ខាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Sekkho dhammo nevasekkhanāsekkhassa dhammassa adhipatipaccayena paccayo. Ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, sekkhaṃ phalaṃ garuṃ katvā paccavekkhanti . Sahajātādhipati – sekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    សេក្ខោ ធម្មោ សេក្ខស្ស ច នេវសេក្ខនាសេក្ខស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – សេក្ខាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Sekkho dhammo sekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៤៦. អសេក្ខោ ធម្មោ អសេក្ខស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – អសេក្ខាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    46. Asekkho dhammo asekkhassa dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ adhipatipaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរហា អសេក្ខំ ផលំ គរុំ កត្វា បច្ចវេក្ខតិ។ សហជាតាធិបតិ – អសេក្ខាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)

    Asekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā asekkhaṃ phalaṃ garuṃ katvā paccavekkhati. Sahajātādhipati – asekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    អសេក្ខោ ធម្មោ អសេក្ខស្ស ច នេវសេក្ខនាសេក្ខស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – អសេក្ខាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Asekkho dhammo asekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ៤៧. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ, ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អរិយា និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ។ ចក្ខុំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សោតំ…បេ.… វត្ថុំ នេវសេក្ខនាសេក្ខេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នេវសេក្ខនាសេក្ខាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    47. Nevasekkhanāsekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ariyā nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Cakkhuṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sotaṃ…pe… vatthuṃ nevasekkhanāsekkhe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nevasekkhanāsekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – និព្ពានំ មគ្គស្ស, សេក្ខស្ស ផលស្ស អធិបតិបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa adhipatipaccayena paccayo. Ārammaṇādhipati – nibbānaṃ maggassa, sekkhassa phalassa adhipatipaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – និព្ពានំ អសេក្ខស្ស ផលស្ស អធិបតិបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa adhipatipaccayena paccayo. Ārammaṇādhipati – nibbānaṃ asekkhassa phalassa adhipatipaccayena paccayo. (3)

    អនន្តរបច្ចយោ

    Anantarapaccayo

    ៤៨. សេក្ខោ ធម្មោ សេក្ខស្ស ធម្មស្ស អនន្តរបច្ចយេន បច្ចយោ – បុរិមា បុរិមា សេក្ខា ខន្ធា បច្ឆិមានំ បច្ឆិមានំ សេក្ខានំ ខន្ធានំ អនន្តរបច្ចយេន បច្ចយោ។ មគ្គោ សេក្ខស្ស ផលស្ស… សេក្ខំ ផលំ សេក្ខស្ស ផលស្ស អនន្តរបច្ចយេន បច្ចយោ។ (១)

    48. Sekkho dhammo sekkhassa dhammassa anantarapaccayena paccayo – purimā purimā sekkhā khandhā pacchimānaṃ pacchimānaṃ sekkhānaṃ khandhānaṃ anantarapaccayena paccayo. Maggo sekkhassa phalassa… sekkhaṃ phalaṃ sekkhassa phalassa anantarapaccayena paccayo. (1)

    សេក្ខោ ធម្មោ អសេក្ខស្ស ធម្មស្ស អនន្តរបច្ចយេន បច្ចយោ – មគ្គោ អសេក្ខស្ស ផលស្ស អនន្តរបច្ចយេន បច្ចយោ។ (២)

    Sekkho dhammo asekkhassa dhammassa anantarapaccayena paccayo – maggo asekkhassa phalassa anantarapaccayena paccayo. (2)

    សេក្ខោ ធម្មោ នេវសេក្ខនាសេក្ខស្ស ធម្មស្ស អនន្តរបច្ចយេន បច្ចយោ – សេក្ខំ ផលំ វុដ្ឋានស្ស អនន្តរបច្ចយេន បច្ចយោ។ (៣)

    Sekkho dhammo nevasekkhanāsekkhassa dhammassa anantarapaccayena paccayo – sekkhaṃ phalaṃ vuṭṭhānassa anantarapaccayena paccayo. (3)

    ៤៩. អសេក្ខោ ធម្មោ អសេក្ខស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសេក្ខា ខន្ធា បច្ឆិមានំ បច្ឆិមានំ អសេក្ខានំ ខន្ធានំ អនន្តរបច្ចយេន បច្ចយោ។ អសេក្ខំ ផលំ អសេក្ខស្ស ផលស្ស អនន្តរបច្ចយេន បច្ចយោ។ (១)

    49. Asekkho dhammo asekkhassa dhammassa anantarapaccayena paccayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ anantarapaccayena paccayo. Asekkhaṃ phalaṃ asekkhassa phalassa anantarapaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស អនន្តរបច្ចយេន បច្ចយោ – អសេក្ខំ ផលំ វុដ្ឋានស្ស អនន្តរបច្ចយេន បច្ចយោ។ (២)

    Asekkho dhammo nevasekkhanāsekkhassa dhammassa anantarapaccayena paccayo – asekkhaṃ phalaṃ vuṭṭhānassa anantarapaccayena paccayo. (2)

    ៥០. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អនន្តរបច្ចយេន បច្ចយោ – បុរិមា បុរិមា នេវសេក្ខនាសេក្ខា ខន្ធា បច្ឆិមានំ បច្ឆិមានំ នេវសេក្ខនាសេក្ខានំ ខន្ធានំ…បេ.… អនុលោមំ គោត្រភុស្ស… អនុលោមំ វោទានស្ស… អាវជ្ជនា នេវសេក្ខនាសេក្ខានំ ខន្ធានំ អនន្តរបច្ចយេន បច្ចយោ។ (១)

    50. Nevasekkhanāsekkho dhammo nevasekkhanāsekkhassa dhammassa anantarapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ…pe… anulomaṃ gotrabhussa… anulomaṃ vodānassa… āvajjanā nevasekkhanāsekkhānaṃ khandhānaṃ anantarapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស អនន្តរបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស… អនុលោមំ សេក្ខាយ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនកុសលំ សេក្ខាយ ផលសមាបត្តិយា អនន្តរបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ sekkhāya phalasamāpattiyā… nirodhā vuṭṭhahantassa nevasaññānāsaññāyatanakusalaṃ sekkhāya phalasamāpattiyā anantarapaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស អនន្តរបច្ចយេន បច្ចយោ – អនុលោមំ អសេក្ខាយ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនកិរិយំ អសេក្ខាយ ផលសមាបត្តិយា អនន្តរបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa anantarapaccayena paccayo – anulomaṃ asekkhāya phalasamāpattiyā… nirodhā vuṭṭhahantassa nevasaññānāsaññāyatanakiriyaṃ asekkhāya phalasamāpattiyā anantarapaccayena paccayo. (3)

    សមនន្តរបច្ចយោ

    Samanantarapaccayo

    ៥១. សេក្ខោ ធម្មោ សេក្ខស្ស ធម្មស្ស សមនន្តរបច្ចយេន បច្ចយោ…បេ.… (អនន្តរសទិសំ, អដ្ឋ បញ្ហា)។

    51. Sekkho dhammo sekkhassa dhammassa samanantarapaccayena paccayo…pe… (anantarasadisaṃ, aṭṭha pañhā).

    សហជាតបច្ចយាទិ

    Sahajātapaccayādi

    ៥២. សេក្ខោ ធម្មោ សេក្ខស្ស ធម្មស្ស សហជាតបច្ចយេន បច្ចយោ…បេ.… (បដិច្ចវារេ សហជាតសទិសំ, នវ បញ្ហា) អញ្ញមញ្ញបច្ចយេន បច្ចយោ (បដិច្ចវារេ អញ្ញមញ្ញសទិសំ, តីណិ។ និស្សយបច្ចយេ កុសលត្តិកេ និស្សយបច្ចយសទិសំ, តេរស បញ្ហា)។

    52. Sekkho dhammo sekkhassa dhammassa sahajātapaccayena paccayo…pe… (paṭiccavāre sahajātasadisaṃ, nava pañhā) aññamaññapaccayena paccayo (paṭiccavāre aññamaññasadisaṃ, tīṇi. Nissayapaccaye kusalattike nissayapaccayasadisaṃ, terasa pañhā).

    ឧបនិស្សយបច្ចយោ

    Upanissayapaccayo

    ៥៣. សេក្ខោ ធម្មោ សេក្ខស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមោ មគ្គោ ទុតិយស្ស មគ្គស្ស ឧបនិស្សយបច្ចយេន បច្ចយោ។ ទុតិយោ មគ្គោ តតិយស្ស មគ្គស្ស ឧបនិស្សយបច្ចយេន បច្ចយោ។ តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ មគ្គោ សេក្ខាយ ផលសមាបត្តិយា ឧបនិស្សយបច្ចយេន បច្ចយោ។ (១)

    53. Sekkho dhammo sekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa upanissayapaccayena paccayo. Tatiyo maggo catutthassa maggassa upanissayapaccayena paccayo. Maggo sekkhāya phalasamāpattiyā upanissayapaccayena paccayo. (1)

    សេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – មគ្គោ អសេក្ខាយ ផលសមាបត្តិយា ឧបនិស្សយបច្ចយេន បច្ចយោ។ (២)

    Sekkho dhammo asekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – maggo asekkhāya phalasamāpattiyā upanissayapaccayena paccayo. (2)

    សេក្ខោ ធម្មោ នេវសេក្ខនាសេក្ខស្ស ធម្មស្ស ឧបនិស្សយបច្ចយេន បច្ចយ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អរិយា មគ្គំ ឧបនិស្សាយ អនុប្បន្នំ កុសលសមាបត្តិំ ឧប្បាទេន្តិ, ឧប្បន្នំ សមាបជ្ជន្តិ, សង្ខារេ អនិច្ចតោ…បេ.… វិបស្សន្តិ, មគ្គោ អរិយានំ អត្ថប្បដិសម្ភិទាយ…បេ.… បដិភានប្បដិសម្ភិទាយ… ឋានាឋានកោសល្លស្ស ឧបនិស្សយបច្ចយេន បច្ចយោ។ សេក្ខា ផលសមាបត្តិយា កាយិកស្ស សុខស្ស ឧបនិស្សយបច្ចយេន បច្ចយោ។ (៣)

    Sekkho dhammo nevasekkhanāsekkhassa dhammassa upanissayapaccayena paccaya – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ kusalasamāpattiṃ uppādenti, uppannaṃ samāpajjanti, saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. Sekkhā phalasamāpattiyā kāyikassa sukhassa upanissayapaccayena paccayo. (3)

    ៥៤. អសេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ។ អនន្តរូបនិស្សយោ – បុរិមា បុរិមា អសេក្ខា ខន្ធា បច្ឆិមានំ បច្ឆិមានំ អសេក្ខានំ ខន្ធានំ…បេ.… អសេក្ខំ ផលំ អសេក្ខស្ស ផលស្ស ឧបនិស្សយបច្ចយេន បច្ចយោ។ (១)

    54. Asekkho dhammo asekkhassa dhammassa upanissayapaccayena paccayo. Anantarūpanissayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ…pe… asekkhaṃ phalaṃ asekkhassa phalassa upanissayapaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អសេក្ខា ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ។ (២)

    Asekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – asekkhā phalasamāpatti kāyikassa sukhassa upanissayapaccayena paccayo. (2)

    ៥៥. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – នេវសេក្ខនាសេក្ខំ សទ្ធំ ឧបនិស្សាយ ទានំ ទេតិ។ សីលំ…បេ.… ឧបោសថកម្មំ…បេ.… ឈានំ…បេ.… វិបស្សនំ…បេ.… អភិញ្ញំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ នេវសេក្ខនាសេក្ខំ សីលំ…បេ.… បញ្ញំ… រាគំ…បេ.… បត្ថនំ… កាយិកំ សុខំ…បេ.… ឧតុំ… ភោជនំ… សេនាសនំ ឧបនិស្សាយ ទានំ ទេតិ, សីលំ…បេ.… សមាបត្តិំ ឧប្បាទេតិ, បាណំ ហនតិ…បេ.… សង្ឃំ ភិន្ទតិ។ នេវសេក្ខនាសេក្ខា សទ្ធា…បេ.… បញ្ញា, រាគោ…បេ.… បត្ថនា, កាយិកំ សុខំ…បេ.… សេនាសនំ នេវសេក្ខនាសេក្ខាយ សទ្ធាយ…បេ.… បញ្ញាយ, រាគស្ស…បេ.… បត្ថនាយ, កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ។ បឋមស្ស ឈានស្ស បរិកម្មំ បឋមស្ស ឈានស្ស ឧបនិស្សយបច្ចយេន បច្ចយោ…បេ.… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស…បេ.… បឋមំ ឈានំ ទុតិយស្ស ឈានស្ស ឧបនិស្សយបច្ចយេន បច្ចយោ…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ។ (១)

    55. Nevasekkhanāsekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nevasekkhanāsekkhaṃ saddhaṃ upanissāya dānaṃ deti. Sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Nevasekkhanāsekkhaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… utuṃ… bhojanaṃ… senāsanaṃ upanissāya dānaṃ deti, sīlaṃ…pe… samāpattiṃ uppādeti, pāṇaṃ hanati…pe… saṅghaṃ bhindati. Nevasekkhanāsekkhā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ nevasekkhanāsekkhāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Paṭhamassa jhānassa parikammaṃ paṭhamassa jhānassa upanissayapaccayena paccayo…pe… nevasaññānāsaññāyatanassa parikammaṃ nevasaññānāsaññāyatanassa…pe… paṭhamaṃ jhānaṃ dutiyassa jhānassa upanissayapaccayena paccayo…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស ឧបនិស្សយបច្ចយេន បច្ចយោ…បេ.… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo…pe… catutthassa maggassa parikammaṃ catutthassa maggassa upanissayapaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ អសេក្ខាយ ផលសមាបត្តិយា ឧបនិស្សយបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ asekkhāya phalasamāpattiyā upanissayapaccayena paccayo. (3)

    បុរេជាតបច្ចយោ

    Purejātapaccayo

    ៥៦. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ អនិច្ចតោ…បេ.… វិបស្សតិ, អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ សោតំ…បេ.… វត្ថុំ អនិច្ចតោ ទុក្ខតោ អនត្តតោ វិបស្សតិ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស, វត្ថុ នេវសេក្ខនាសេក្ខានំ ខន្ធានំ បុរេជាតបច្ចយេន បច្ចយោ។ (១)

    56. Nevasekkhanāsekkho dhammo nevasekkhanāsekkhassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ purejātapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស បុរេជាតបច្ចយេន បច្ចយោ។ វត្ថុបុរេជាតំ – វត្ថុ សេក្ខានំ ខន្ធានំ បុរេជាតបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa purejātapaccayena paccayo. Vatthupurejātaṃ – vatthu sekkhānaṃ khandhānaṃ purejātapaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស បុរេជាតបច្ចយេន បច្ចយោ។ វត្ថុបុរេជាតំ – វត្ថុ អសេក្ខានំ ខន្ធានំ បុរេជាតបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa purejātapaccayena paccayo. Vatthupurejātaṃ – vatthu asekkhānaṃ khandhānaṃ purejātapaccayena paccayo. (3)

    បច្ឆាជាតបច្ចយោ

    Pacchājātapaccayo

    ៥៧. សេក្ខោ ធម្មោ នេវសេក្ខនាសេក្ខស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា សេក្ខា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    57. Sekkho dhammo nevasekkhanāsekkhassa dhammassa pacchājātapaccayena paccayo – pacchājātā sekkhā khandhā purejātassa imassa kāyassa pacchājātapaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អសេក្ខា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Asekkho dhammo nevasekkhanāsekkhassa dhammassa pacchājātapaccayena paccayo – pacchājātā asekkhā khandhā purejātassa imassa kāyassa pacchājātapaccayena paccayo. (1)

    នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា នេវសេក្ខនាសេក្ខា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Nevasekkhanāsekkho dhammo nevasekkhanāsekkhassa dhammassa pacchājātapaccayena paccayo – pacchājātā nevasekkhanāsekkhā khandhā purejātassa imassa kāyassa pacchājātapaccayena paccayo. (1)

    អាសេវនបច្ចយោ

    Āsevanapaccayo

    ៥៨. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អាសេវនបច្ចយេន បច្ចយោ – បុរិមា បុរិមា នេវសេក្ខនាសេក្ខា ខន្ធា បច្ឆិមានំ បច្ឆិមានំ នេវសេក្ខនាសេក្ខានំ ខន្ធានំ អាសេវនបច្ចយេន បច្ចយោ។ អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ។ (១)

    58. Nevasekkhanāsekkho dhammo nevasekkhanāsekkhassa dhammassa āsevanapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស អាសេវនបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)

    កម្មបច្ចយោ

    Kammapaccayo

    ៥៩. សេក្ខោ ធម្មោ សេក្ខស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – សេក្ខា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ នានាក្ខណិកា – សេក្ខា ចេតនា វិបាកានំ សេក្ខានំ ខន្ធានំ កម្មបច្ចយេន បច្ចយោ។ (១)

    59. Sekkho dhammo sekkhassa dhammassa kammapaccayena paccayo – sahajātā, nānākkhaṇikā. Sahajātā – sekkhā cetanā sampayuttakānaṃ khandhānaṃ kammapaccayena paccayo. Nānākkhaṇikā – sekkhā cetanā vipākānaṃ sekkhānaṃ khandhānaṃ kammapaccayena paccayo. (1)

    សេក្ខោ ធម្មោ អសេក្ខស្ស ធម្មស្ស កម្មបច្ចយេន បច្ចយោ។ នានាក្ខណិកា – សេក្ខា ចេតនា អសេក្ខានំ ខន្ធានំ កម្មបច្ចយេន បច្ចយោ។ (២)

    Sekkho dhammo asekkhassa dhammassa kammapaccayena paccayo. Nānākkhaṇikā – sekkhā cetanā asekkhānaṃ khandhānaṃ kammapaccayena paccayo. (2)

    សេក្ខោ ធម្មោ នេវសេក្ខនាសេក្ខស្ស ធម្មស្ស កម្មបច្ចយេន បច្ចយោ។ សហជាតា – សេក្ខា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ (៣)

    Sekkho dhammo nevasekkhanāsekkhassa dhammassa kammapaccayena paccayo. Sahajātā – sekkhā cetanā cittasamuṭṭhānānaṃ rūpānaṃ kammapaccayena paccayo. (3)

    សេក្ខោ ធម្មោ សេក្ខស្ស ច នេវសេក្ខនាសេក្ខស្ស ច ធម្មស្ស កម្មបច្ចយេន បច្ចយោ – សេក្ខា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៤)

    Sekkho dhammo sekkhassa ca nevasekkhanāsekkhassa ca dhammassa kammapaccayena paccayo – sekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (4)

    ៦០. អសេក្ខោ ធម្មោ អសេក្ខស្ស ធម្មស្ស កម្មបច្ចយេន បច្ចយោ – អសេក្ខា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

    60. Asekkho dhammo asekkhassa dhammassa kammapaccayena paccayo – asekkhā cetanā sampayuttakānaṃ khandhānaṃ kammapaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស កម្មបច្ចយេន បច្ចយោ – អសេក្ខា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ (២)

    Asekkho dhammo nevasekkhanāsekkhassa dhammassa kammapaccayena paccayo – asekkhā cetanā cittasamuṭṭhānānaṃ rūpānaṃ kammapaccayena paccayo. (2)

    អសេក្ខោ ធម្មោ អសេក្ខស្ស ច នេវសេក្ខនាសេក្ខស្ស ច ធម្មស្ស កម្មបច្ចយេន បច្ចយោ – អសេក្ខា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Asekkho dhammo asekkhassa ca nevasekkhanāsekkhassa ca dhammassa kammapaccayena paccayo – asekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ៦១. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នេវសេក្ខនាសេក្ខា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – នេវសេក្ខនាសេក្ខា ចេតនា វិបាកានំ នេវសេក្ខនាសេក្ខានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    61. Nevasekkhanāsekkho dhammo nevasekkhanāsekkhassa dhammassa kammapaccayena paccayo – sahajātā, nānākkhaṇikā. Sahajātā – nevasekkhanāsekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – nevasekkhanāsekkhā cetanā vipākānaṃ nevasekkhanāsekkhānaṃ khandhānaṃ kaṭattā ca rūpānaṃ kammapaccayena paccayo. (1)

    វិបាកបច្ចយោ

    Vipākapaccayo

    ៦២. សេក្ខោ ធម្មោ សេក្ខស្ស ធម្មស្ស វិបាកបច្ចយេន បច្ចយោ – វិបាកោ សេក្ខោ ឯកោ ខន្ធោ តិណ្ណន្នំ ខន្ធានំ…បេ.… (សេក្ខមូលកេ តីណិ )។

    62. Sekkho dhammo sekkhassa dhammassa vipākapaccayena paccayo – vipāko sekkho eko khandho tiṇṇannaṃ khandhānaṃ…pe… (sekkhamūlake tīṇi ).

    អសេក្ខោ ធម្មោ អសេក្ខស្ស ធម្មស្ស វិបាកបច្ចយេន បច្ចយោ – អសេក្ខោ ឯកោ ខន្ធោ តិណ្ណន្នំ ខន្ធានំ…បេ.… (អសេក្ខមូលកេ តីណិ)។

    Asekkho dhammo asekkhassa dhammassa vipākapaccayena paccayo – asekkho eko khandho tiṇṇannaṃ khandhānaṃ…pe… (asekkhamūlake tīṇi).

    នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស វិបាកបច្ចយេន បច្ចយោ – វិបាកោ នេវសេក្ខនាសេក្ខោ ឯកោ ខន្ធោ តិណ្ណន្នំ ខន្ធានំ…បេ.… បដិសន្ធិក្ខណេ…បេ.… ខន្ធា វត្ថុស្ស វិបាកបច្ចយេន បច្ចយោ។ (១)

    Nevasekkhanāsekkho dhammo nevasekkhanāsekkhassa dhammassa vipākapaccayena paccayo – vipāko nevasekkhanāsekkho eko khandho tiṇṇannaṃ khandhānaṃ…pe… paṭisandhikkhaṇe…pe… khandhā vatthussa vipākapaccayena paccayo. (1)

    អាហារបច្ចយាទិ

    Āhārapaccayādi

    ៦៣. សេក្ខោ ធម្មោ សេក្ខស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ…បេ.…។

    63. Sekkho dhammo sekkhassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo…pe….

    វិប្បយុត្តបច្ចយោ

    Vippayuttapaccayo

    ៦៤. សេក្ខោ ធម្មោ នេវសេក្ខនាសេក្ខស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – សេក្ខា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – សេក្ខា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ (១)។

    64. Sekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – sekkhā khandhā purejātassa imassa kāyassa vippayuttapaccayena paccayo (1).

    អសេក្ខោ ធម្មោ នេវសេក្ខនាសេក្ខស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សេក្ខសទិសំ)។

    Asekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ (sekkhasadisaṃ).

    នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស វិប្បយុត្តបច្ចយេន បច្ចយោ – សហជាតំ , បុរេជាតំ, បច្ឆាជាតំ។ សហជាតា – នេវសេក្ខនាសេក្ខា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បដិសន្ធិក្ខណេ នេវសេក្ខនាសេក្ខា ខន្ធា កដត្តារូបានំ វិប្បយុត្តបច្ចយេន បច្ចយោ។ ខន្ធា វត្ថុស្ស វិប្បយុត្តបច្ចយេន បច្ចយោ។ វត្ថុ ខន្ធានំ វិប្បយុត្តបច្ចយេន បច្ចយោ។ បុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស, វត្ថុ នេវសេក្ខនាសេក្ខានំ ខន្ធានំ វិប្បយុត្តបច្ចយេន បច្ចយោ។ បច្ឆាជាតា – នេវសេក្ខនាសេក្ខា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    Nevasekkhanāsekkho dhammo nevasekkhanāsekkhassa dhammassa vippayuttapaccayena paccayo – sahajātaṃ , purejātaṃ, pacchājātaṃ. Sahajātā – nevasekkhanāsekkhā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe nevasekkhanāsekkhā khandhā kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ vippayuttapaccayena paccayo. Pacchājātā – nevasekkhanāsekkhā khandhā purejātassa imassa kāyassa vippayuttapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ សេក្ខានំ ខន្ធានំ វិប្បយុត្តបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa vippayuttapaccayena paccayo. Purejātaṃ – vatthu sekkhānaṃ khandhānaṃ vippayuttapaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អសេក្ខានំ ខន្ធានំ វិប្បយុត្តបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa vippayuttapaccayena paccayo. Purejātaṃ – vatthu asekkhānaṃ khandhānaṃ vippayuttapaccayena paccayo. (3)

    អត្ថិបច្ចយោ

    Atthipaccayo

    ៦៥. សេក្ខោ ធម្មោ សេក្ខស្ស ធម្មស្ស អត្ថិបច្ចយេន បច្ចយោ – សេក្ខោ ឯកោ ខន្ធោ តិណ្ណន្នំ ខន្ធានំ…បេ.…។ (១)

    65. Sekkho dhammo sekkhassa dhammassa atthipaccayena paccayo – sekkho eko khandho tiṇṇannaṃ khandhānaṃ…pe…. (1)

    សេក្ខោ ធម្មោ នេវសេក្ខនាសេក្ខស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – សេក្ខា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – សេក្ខា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

    Sekkho dhammo nevasekkhanāsekkhassa dhammassa atthipaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā purejātassa imassa kāyassa atthipaccayena paccayo. (2)

    សេក្ខោ ធម្មោ សេក្ខស្ស ច នេវសេក្ខនាសេក្ខស្ស ច ធម្មស្ស អត្ថិបច្ចយេន បច្ចយោ – សេក្ខោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.…។ (៣)

    Sekkho dhammo sekkhassa ca nevasekkhanāsekkhassa ca dhammassa atthipaccayena paccayo – sekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    អសេក្ខោ ធម្មោ អសេក្ខស្ស ធម្មស្ស អត្ថិបច្ចយេន បច្ចយោ…បេ.… តីណិ (សេក្ខសទិសំ)។

    Asekkho dhammo asekkhassa dhammassa atthipaccayena paccayo…pe… tīṇi (sekkhasadisaṃ).

    ៦៦. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – នេវសេក្ខនាសេក្ខោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.… ខន្ធា វត្ថុស្ស អត្ថិបច្ចយេន បច្ចយោ។ វត្ថុ ខន្ធានំ អត្ថិបច្ចយេន បច្ចយោ, ឯកំ មហាភូតំ…បេ.… ពាហិរំ…បេ.… អសញ្ញសត្តានំ…បេ.…។ បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ; អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ សោតំ…បេ.… វត្ថុំ អនិច្ចតោ…បេ.… វិបស្សតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស… វត្ថុ នេវសេក្ខនាសេក្ខានំ ខន្ធានំ អត្ថិបច្ចយេន បច្ចយោ។ បច្ឆាជាតា – នេវសេក្ខនាសេក្ខា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ។ រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ។ (១)

    66. Nevasekkhanāsekkho dhammo nevasekkhanāsekkhassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevasekkhanāsekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo, ekaṃ mahābhūtaṃ…pe… bāhiraṃ…pe… asaññasattānaṃ…pe…. Purejātaṃ – cakkhuṃ aniccato dukkhato anattato vipassati; assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu nevasekkhanāsekkhānaṃ khandhānaṃ atthipaccayena paccayo. Pacchājātā – nevasekkhanāsekkhā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស អត្ថិបច្ចយេន បច្ចយោ។ បុរេជាតំ – វត្ថុ សេក្ខានំ ខន្ធានំ អត្ថិបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa atthipaccayena paccayo. Purejātaṃ – vatthu sekkhānaṃ khandhānaṃ atthipaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស អត្ថិបច្ចយេន បច្ចយោ។ បុរេជាតំ – វត្ថុ អសេក្ខានំ ខន្ធានំ អត្ថិបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa atthipaccayena paccayo. Purejātaṃ – vatthu asekkhānaṃ khandhānaṃ atthipaccayena paccayo. (3)

    ៦៧. សេក្ខោ ច នេវសេក្ខនាសេក្ខោ ច ធម្មា សេក្ខស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – សេក្ខោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.…។ (១)

    67. Sekkho ca nevasekkhanāsekkho ca dhammā sekkhassa dhammassa atthipaccayena paccayo – sahajātaṃ, purejātaṃ. Sahajāto – sekkho eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    សេក្ខោ ច នេវសេក្ខនាសេក្ខោ ច ធម្មា នេវសេក្ខនាសេក្ខស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – សេក្ខា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – សេក្ខា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – សេក្ខា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Sekkho ca nevasekkhanāsekkho ca dhammā nevasekkhanāsekkhassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – sekkhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – sekkhā khandhā ca rūpajīvitindriyañca kaṭattārūpānaṃ atthipaccayena paccayo. (2)

    អសេក្ខោ ច នេវសេក្ខនាសេក្ខោ ច ធម្មា អសេក្ខស្ស ធម្មស្ស អត្ថិបច្ចយេន បច្ចយោ…បេ.… (ទ្វេ បញ្ហា កាតព្ពា, សេក្ខសទិសា)។

    Asekkho ca nevasekkhanāsekkho ca dhammā asekkhassa dhammassa atthipaccayena paccayo…pe… (dve pañhā kātabbā, sekkhasadisā).

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៦៨. ហេតុយា សត្ត, អារម្មណេ បញ្ច, អធិបតិយា នវ, អនន្តរេ អដ្ឋ, សមនន្តរេ អដ្ឋ, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ ទ្វេ, កម្មេ អដ្ឋ, វិបាកេ អាហារេ ឥន្ទ្រិយេ ឈានេ មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា អដ្ឋ, វិគតេ អដ្ឋ, អវិគតេ តេរស (ឯវំ គណេតព្ពំ)។

    68. Hetuyā satta, ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    អនុលោមំ។

    Anulomaṃ.

    ២. បច្ចនីយុទ្ធារោ

    2. Paccanīyuddhāro

    ៦៩. សេក្ខោ ធម្មោ សេក្ខស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    69. Sekkho dhammo sekkhassa dhammassa sahajātapaccayena paccayo… upanissayapaccayena paccayo. (1)

    សេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ។ (២)

    Sekkho dhammo asekkhassa dhammassa upanissayapaccayena paccayo. (2)

    សេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (៣)

    Sekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

    សេក្ខោ ធម្មោ សេក្ខស្ស ច នេវសេក្ខនាសេក្ខស្ស ច ធម្មស្ស សហជាតបច្ចយេន បច្ចយោ។ (៤)

    Sekkho dhammo sekkhassa ca nevasekkhanāsekkhassa ca dhammassa sahajātapaccayena paccayo. (4)

    ៧០. អសេក្ខោ ធម្មោ អសេក្ខស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    70. Asekkho dhammo asekkhassa dhammassa sahajātapaccayena paccayo… upanissayapaccayena paccayo. (1)

    អសេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Asekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    អសេក្ខោ ធម្មោ អសេក្ខស្ស ច នេវសេក្ខនាសេក្ខស្ស ច ធម្មស្ស សហជាតបច្ចយេន បច្ចយោ។ (៣)

    Asekkho dhammo asekkhassa ca nevasekkhanāsekkhassa ca dhammassa sahajātapaccayena paccayo. (3)

    ៧១. នេវសេក្ខនាសេក្ខោ ធម្មោ នេវសេក្ខនាសេក្ខស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    71. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    នេវសេក្ខនាសេក្ខោ ធម្មោ សេក្ខស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Nevasekkhanāsekkho dhammo sekkhassa dhammassa upanissayapaccayena paccayo… purejātapaccayena paccayo. (2)

    នេវសេក្ខនាសេក្ខោ ធម្មោ អសេក្ខស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    Nevasekkhanāsekkho dhammo asekkhassa dhammassa upanissayapaccayena paccayo… purejātapaccayena paccayo. (3)

    ៧២. សេក្ខោ ច នេវសេក្ខនាសេក្ខោ ច ធម្មា សេក្ខស្ស ធម្មស្ស សហជាតំ, បុរេជាតំ។ (១)

    72. Sekkho ca nevasekkhanāsekkho ca dhammā sekkhassa dhammassa sahajātaṃ, purejātaṃ. (1)

    សេក្ខោ ច នេវសេក្ខនាសេក្ខោ ច ធម្មា នេវសេក្ខនាសេក្ខស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Sekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    អសេក្ខោ ច នេវសេក្ខនាសេក្ខោ ច ធម្មា អសេក្ខស្ស ធម្មស្ស សហជាតំ, បុរេជាតំ។ (១)

    Asekkho ca nevasekkhanāsekkho ca dhammā asekkhassa dhammassa sahajātaṃ, purejātaṃ. (1)

    អសេក្ខោ ច នេវសេក្ខនាសេក្ខោ ច ធម្មា នេវសេក្ខនាសេក្ខស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)

    Asekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៧៣. នហេតុយា ចុទ្ទស, នអារម្មណេ នអធិបតិយា នអនន្តរេ នសមនន្តរេ ចុទ្ទស, នសហជាតេ ទស, នអញ្ញមញ្ញេ ទស, ននិស្សយេ ទស , នឧបនិស្សយេ តេរស, នបុរេជាតេ ទ្វាទស, នបច្ឆាជាតេ ចុទ្ទស, នអាសេវនេ នកម្មេ ចុទ្ទស, នវិបាកេ ទ្វាទស, នអាហារេ នឥន្ទ្រិយេ នឈានេ នមគ្គេ ចុទ្ទស, នសម្បយុត្តេ ទស, នវិប្បយុត្តេ អដ្ឋ, នោអត្ថិយា អដ្ឋ, នោនត្ថិយា ចុទ្ទស, នោវិគតេ ចុទ្ទស, នោអវិគតេ អដ្ឋ (ឯវំ គណេតព្ពំ)។

    73. Nahetuyā cuddasa, naārammaṇe naadhipatiyā naanantare nasamanantare cuddasa, nasahajāte dasa, naaññamaññe dasa, nanissaye dasa , naupanissaye terasa, napurejāte dvādasa, napacchājāte cuddasa, naāsevane nakamme cuddasa, navipāke dvādasa, naāhāre naindriye najhāne namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha (evaṃ gaṇetabbaṃ).

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ៧៤. ហេតុបច្ចយា នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នអញ្ញមញ្ញេ តីណិ, នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ សត្ត, នវិបាកេ ចត្តារិ, នអាហារេ នឥន្ទ្រិយេ នឈានេ នមគ្គេ សត្ត, នសម្បយុត្តេ តីណិ, នវិប្បយុត្តេ តីណិ, នោនត្ថិយា សត្ត, នោវិគតេ សត្ត (ឯវំ គណេតព្ពំ)។

    74. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye napurejāte napacchājāte naāsevane nakamme satta, navipāke cattāri, naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ៧៥. នហេតុបច្ចយា អារម្មណេ បញ្ច, អធិបតិយា នវ, អនន្តរេ អដ្ឋ, សមនន្តរេ អដ្ឋ, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ ទ្វេ, កម្មេ អដ្ឋ, វិបាកេ អាហារេ ឥន្ទ្រិយេ ឈានេ មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា អដ្ឋ, វិគតេ អដ្ឋ, អវិគតេ តេរស (ឯវំ គណេតព្ពំ)។

    75. Nahetupaccayā ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    បច្ចនីយានុលោមំ។

    Paccanīyānulomaṃ.

    បញ្ហាវារោ។

    Pañhāvāro.

    សេក្ខត្តិកំ និដ្ឋិតំ។

    Sekkhattikaṃ niṭṭhitaṃ.




    Next: ១២. បរិត្តត្តិកំ • 12. Parittattikaṃ




    Footnotes:
    1. នេវសេខានាសេខោ (សី.), នេវសេក្ខានាសេក្ខោ (ស្យា. ក.)
    2. nevasekhānāsekho (sī.), nevasekkhānāsekkho (syā. ka.)



    Related texts:



    អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact