| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. сзласуд̇д̇ам̣
2. Selasuttaṃ
396. звам̣ мз суд̇ам̣ – згам̣ самаяам̣ бхаг̇аваа ан̇г̇уд̇д̇араабзсу жааригам̣ жарамаано махад̇аа бхигкусан̇гхзна сад̣̇д̇хим̣ ад̣дхад̇зл̣асзхи бхигкусад̇зхи язна аабан̣ам̣ наама ан̇г̇уд̇д̇араабаанам̣ ниг̇амо д̇ад̣̇авасари. ассоси ко гзн̣ияо ж̇адило – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о ан̇г̇уд̇д̇араабзсу жааригам̣ жарамаано махад̇аа бхигкусан̇гхзна сад̣̇д̇хим̣ ад̣дхад̇зл̣асзхи бхигкусад̇зхи аабан̣ам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’’д̇и.
396. Evaṃ me sutaṃ – ekaṃ samayaṃ bhagavā aṅguttarāpesu cārikaṃ caramāno mahatā bhikkhusaṅghena saddhiṃ aḍḍhateḷasehi bhikkhusatehi yena āpaṇaṃ nāma aṅguttarāpānaṃ nigamo tadavasari. Assosi kho keṇiyo jaṭilo – ‘‘samaṇo khalu, bho, gotamo sakyaputto sakyakulā pabbajito aṅguttarāpesu cārikaṃ caramāno mahatā bhikkhusaṅghena saddhiṃ aḍḍhateḷasehi bhikkhusatehi āpaṇaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavāti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’’ti.
ат̇а ко гзн̣ияо ж̇адило язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко гзн̣ияам̣ ж̇адилам̣ бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси . ат̇а ко гзн̣ияо ж̇адило бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. звам̣ вуд̇д̇з, бхаг̇аваа гзн̣ияам̣ ж̇адилам̣ зд̇ад̣̇авожа – ‘‘махаа ко, гзн̣ияа, бхигкусан̇гхо ад̣дхад̇зл̣асаани бхигкусад̇аани, д̇ван̃жа б̣раахман̣зсу абхиббасанно’’д̇и. д̣̇уд̇ияамби ко гзн̣ияо ж̇адило бхаг̇аванд̇ам̣ зд̇ад̣̇авожа – ‘‘гин̃жааби ко, бхо г̇од̇ама, махаа бхигкусан̇гхо ад̣дхад̇зл̣асаани бхигкусад̇аани, ахан̃жа б̣раахман̣зсу абхиббасанно; ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. д̣̇уд̇ияамби ко бхаг̇аваа гзн̣ияам̣ ж̇адилам̣ зд̇ад̣̇авожа – ‘‘махаа ко, гзн̣ияа, бхигкусан̇гхо ад̣дхад̇зл̣асаани бхигкусад̇аани, д̇ван̃жа б̣раахман̣зсу абхиббасанно’’д̇и. д̇ад̇ияамби ко гзн̣ияо ж̇адило бхаг̇аванд̇ам̣ зд̇ад̣̇авожа – ‘‘гин̃жааби ко, бхо г̇од̇ама, махаа бхигкусан̇гхо ад̣дхад̇зл̣асаани бхигкусад̇аани, ахан̃жа б̣раахман̣зсу абхиббасанно; ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и . ад̇хиваасзси бхаг̇аваа д̇ун̣хийбхаавзна. ат̇а ко гзн̣ияо ж̇адило бхаг̇авад̇о ад̇хиваасанам̣ вид̣̇ид̇ваа удтааяаасанаа язна саго ассамо д̇знубасан̇гами; убасан̇гамид̇ваа мид̇д̇аамажжз н̃аад̇исаалохид̇з ааманд̇зси – ‘‘сун̣анд̇у мз бхонд̇о, мид̇д̇аамажжаа н̃аад̇исаалохид̇аа; саман̣о мз г̇од̇амо ниманд̇ид̇о сваад̇анааяа бхад̇д̇ам̣ сад̣̇д̇хим̣ бхигкусан̇гхзна. язна мз гааяавзяяаавадигам̣ 1 гарзяяаат̇аа’’д̇и. ‘‘звам̣, бхо’’д̇и ко гзн̣ияасса ж̇адиласса мид̇д̇аамажжаа н̃аад̇исаалохид̇аа гзн̣ияасса ж̇адиласса бадиссуд̇ваа аббзгажжз уд̣̇д̇ханаани кан̣анд̇и, аббзгажжз гадтаани паалзнд̇и, аббзгажжз бхааж̇анаани д̇хованд̇и, аббзгажжз уд̣̇агаман̣игам̣ бад̇идтаабзнд̇и, аббзгажжз аасанаани бан̃н̃абзнд̇и. гзн̣ияо бана ж̇адило саамам̣язва ман̣д̣аламаалам̣ бадияаад̣̇зд̇и.
Atha kho keṇiyo jaṭilo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho keṇiyaṃ jaṭilaṃ bhagavā dhammiyā kathāya sandassesi samādapesi samuttejesi sampahaṃsesi . Atha kho keṇiyo jaṭilo bhagavatā dhammiyā kathāya sandassito samādapito samuttejito sampahaṃsito bhagavantaṃ etadavoca – ‘‘adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Evaṃ vutte, bhagavā keṇiyaṃ jaṭilaṃ etadavoca – ‘‘mahā kho, keṇiya, bhikkhusaṅgho aḍḍhateḷasāni bhikkhusatāni, tvañca brāhmaṇesu abhippasanno’’ti. Dutiyampi kho keṇiyo jaṭilo bhagavantaṃ etadavoca – ‘‘kiñcāpi kho, bho gotama, mahā bhikkhusaṅgho aḍḍhateḷasāni bhikkhusatāni, ahañca brāhmaṇesu abhippasanno; adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Dutiyampi kho bhagavā keṇiyaṃ jaṭilaṃ etadavoca – ‘‘mahā kho, keṇiya, bhikkhusaṅgho aḍḍhateḷasāni bhikkhusatāni, tvañca brāhmaṇesu abhippasanno’’ti. Tatiyampi kho keṇiyo jaṭilo bhagavantaṃ etadavoca – ‘‘kiñcāpi kho, bho gotama, mahā bhikkhusaṅgho aḍḍhateḷasāni bhikkhusatāni, ahañca brāhmaṇesu abhippasanno; adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti . Adhivāsesi bhagavā tuṇhībhāvena. Atha kho keṇiyo jaṭilo bhagavato adhivāsanaṃ viditvā uṭṭhāyāsanā yena sako assamo tenupasaṅkami; upasaṅkamitvā mittāmacce ñātisālohite āmantesi – ‘‘suṇantu me bhonto, mittāmaccā ñātisālohitā; samaṇo me gotamo nimantito svātanāya bhattaṃ saddhiṃ bhikkhusaṅghena. Yena me kāyaveyyāvaṭikaṃ 2 kareyyāthā’’ti. ‘‘Evaṃ, bho’’ti kho keṇiyassa jaṭilassa mittāmaccā ñātisālohitā keṇiyassa jaṭilassa paṭissutvā appekacce uddhanāni khaṇanti, appekacce kaṭṭhāni phālenti, appekacce bhājanāni dhovanti, appekacce udakamaṇikaṃ patiṭṭhāpenti, appekacce āsanāni paññapenti. Keṇiyo pana jaṭilo sāmaṃyeva maṇḍalamālaṃ paṭiyādeti.
397. д̇зна ко бана самаязна сзло б̣раахман̣о аабан̣з бадивасад̇и д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ , бад̣̇аго, взяяаагаран̣о, логааяад̇амахаабурисалагкан̣зсу анаваяо, д̇ийн̣и жа маан̣авагасад̇аани манд̇з ваажзд̇и. д̇зна ко бана самаязна гзн̣ияо ж̇адило сзлз б̣раахман̣з абхиббасанно ход̇и. ат̇а ко сзло б̣раахман̣о д̇ийхи маан̣авагасад̇зхи баривуд̇о ж̇ан̇гхаавихаарам̣ анужан̇гамамаано анувижарамаано язна гзн̣ияасса ж̇адиласса ассамо д̇знубасан̇гами. ад̣̇д̣̇асаа ко сзло б̣раахман̣о гзн̣ияасса ж̇адиласса ассамз аббзгажжз уд̣̇д̇ханаани кан̣анд̇з, аббзгажжз гадтаани паалзнд̇з, аббзгажжз бхааж̇анаани д̇хованд̇з, аббзгажжз уд̣̇агаман̣игам̣ бад̇идтаабзнд̇з, аббзгажжз аасанаани бан̃н̃абзнд̇з, гзн̣ияам̣ бана ж̇адилам̣ саамам̣язва ман̣д̣аламаалам̣ бадияаад̣̇знд̇ам̣. д̣̇исваана гзн̣ияам̣ ж̇адилам̣ зд̇ад̣̇авожа – ‘‘гим̣ ну бход̇о гзн̣ияасса ааваахо ваа бхависсад̇и виваахо ваа бхависсад̇и махааяан̃н̃о ваа бажжубадтид̇о, рааж̇аа ваа мааг̇ад̇хо сзнияо б̣имб̣исааро ниманд̇ид̇о сваад̇анааяа сад̣̇д̇хим̣ б̣алагааязнаа’’д̇и? ‘‘на мз, бхо сзла, ааваахо бхависсад̇и наби виваахо бхависсад̇и наби рааж̇аа мааг̇ад̇хо сзнияо б̣имб̣исааро ниманд̇ид̇о сваад̇анааяа сад̣̇д̇хим̣ б̣алагааязна; аби жа ко мз махааяан̃н̃о бажжубадтид̇о. ад̇т̇и, бхо, саман̣о г̇од̇амо сагяабуд̇д̇о сагяагулаа баб̣б̣аж̇ид̇о ан̇г̇уд̇д̇араабзсу жааригам̣ жарамаано махад̇аа бхигкусан̇гхзна сад̣̇д̇хим̣ ад̣дхад̇зл̣асзхи бхигкусад̇зхи аабан̣ам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. со мз ниманд̇ид̇о сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и.
397. Tena kho pana samayena selo brāhmaṇo āpaṇe paṭivasati tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ , padako, veyyākaraṇo, lokāyatamahāpurisalakkhaṇesu anavayo, tīṇi ca māṇavakasatāni mante vāceti. Tena kho pana samayena keṇiyo jaṭilo sele brāhmaṇe abhippasanno hoti. Atha kho selo brāhmaṇo tīhi māṇavakasatehi parivuto jaṅghāvihāraṃ anucaṅkamamāno anuvicaramāno yena keṇiyassa jaṭilassa assamo tenupasaṅkami. Addasā kho selo brāhmaṇo keṇiyassa jaṭilassa assame appekacce uddhanāni khaṇante, appekacce kaṭṭhāni phālente, appekacce bhājanāni dhovante, appekacce udakamaṇikaṃ patiṭṭhāpente, appekacce āsanāni paññapente, keṇiyaṃ pana jaṭilaṃ sāmaṃyeva maṇḍalamālaṃ paṭiyādentaṃ. Disvāna keṇiyaṃ jaṭilaṃ etadavoca – ‘‘kiṃ nu bhoto keṇiyassa āvāho vā bhavissati vivāho vā bhavissati mahāyañño vā paccupaṭṭhito, rājā vā māgadho seniyo bimbisāro nimantito svātanāya saddhiṃ balakāyenā’’ti? ‘‘Na me, bho sela, āvāho bhavissati napi vivāho bhavissati napi rājā māgadho seniyo bimbisāro nimantito svātanāya saddhiṃ balakāyena; api ca kho me mahāyañño paccupaṭṭhito. Atthi, bho, samaṇo gotamo sakyaputto sakyakulā pabbajito aṅguttarāpesu cārikaṃ caramāno mahatā bhikkhusaṅghena saddhiṃ aḍḍhateḷasehi bhikkhusatehi āpaṇaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So me nimantito svātanāya bhattaṃ saddhiṃ bhikkhusaṅghenā’’ti.
‘‘б̣уд̣̇д̇ход̇и – бхо гзн̣ияа, вад̣̇зси’’?
‘‘Buddhoti – bho keṇiya, vadesi’’?
‘‘б̣уд̣̇д̇ход̇и – бхо сзла, вад̣̇аами’’.
‘‘Buddhoti – bho sela, vadāmi’’.
‘‘б̣уд̣̇д̇ход̇и – бхо гзн̣ияа, вад̣̇зси’’?
‘‘Buddhoti – bho keṇiya, vadesi’’?
‘‘б̣уд̣̇д̇ход̇и – бхо сзла, вад̣̇аамий’’д̇и.
‘‘Buddhoti – bho sela, vadāmī’’ti.
398. ат̇а ко сзласса б̣раахман̣асса зд̇ад̣̇ахоси – ‘‘гхособи ко зсо д̣̇уллабхо логасмим̣ – яад̣̇ид̣̇ам̣ ‘б̣уд̣̇д̇хо’д̇и 3. ааг̇ад̇аани ко банамхаагам̣ манд̇зсу д̣̇вад̇д̇им̣самахаабурисалагкан̣аани, язхи саманнааг̇ад̇асса махаабурисасса д̣̇взязва г̇ад̇ияо бхаванд̇и анан̃н̃аа. сажз аг̇аарам̣ аж̇жхаавасад̇и, рааж̇аа ход̇и жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. д̇ассимаани сад̇д̇а рад̇анаани бхаванд̇и, сзяяат̇ид̣̇ам̣ – жаггарад̇анам̣, хад̇т̇ирад̇анам̣, ассарад̇анам̣, ман̣ирад̇анам̣, ид̇т̇ирад̇анам̣, г̇ахабад̇ирад̇анам̣, барин̣ааяагарад̇анамзва сад̇д̇амам̣. баросахассам̣ ко банасса буд̇д̇аа бхаванд̇и суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна абхивиж̇ияа аж̇жхаавасад̇и. сажз бана аг̇аарасмаа анаг̇аарияам̣ баб̣б̣аж̇ад̇и, арахам̣ ход̇и саммаасамб̣уд̣̇д̇хо логз виваддажчад̣̇о’’.
398. Atha kho selassa brāhmaṇassa etadahosi – ‘‘ghosopi kho eso dullabho lokasmiṃ – yadidaṃ ‘buddho’ti 4. Āgatāni kho panamhākaṃ mantesu dvattiṃsamahāpurisalakkhaṇāni, yehi samannāgatassa mahāpurisassa dveyeva gatiyo bhavanti anaññā. Sace agāraṃ ajjhāvasati, rājā hoti cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato. Tassimāni satta ratanāni bhavanti, seyyathidaṃ – cakkaratanaṃ, hatthiratanaṃ, assaratanaṃ, maṇiratanaṃ, itthiratanaṃ, gahapatiratanaṃ, pariṇāyakaratanameva sattamaṃ. Parosahassaṃ kho panassa puttā bhavanti sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena abhivijiya ajjhāvasati. Sace pana agārasmā anagāriyaṃ pabbajati, arahaṃ hoti sammāsambuddho loke vivaṭṭacchado’’.
‘‘гахам̣ бана, бхо гзн̣ияа, зд̇арахи со бхавам̣ г̇од̇амо вихарад̇и арахам̣ саммаасамб̣уд̣̇д̇хо’’д̇и? звам̣ вуд̇д̇з, гзн̣ияо ж̇адило д̣̇агкин̣ам̣ б̣аахум̣ баг̇г̇ахзд̇ваа сзлам̣ б̣раахман̣ам̣ зд̇ад̣̇авожа – ‘‘язнзсаа, бхо сзла, нийлаванарааж̇ий’’д̇и. ат̇а ко сзло б̣раахман̣о д̇ийхи маан̣авагасад̇зхи сад̣̇д̇хим̣ язна бхаг̇аваа д̇знубасан̇гами. ат̇а ко сзло б̣раахман̣о д̇з маан̣авагз ааманд̇зси – ‘‘аббасад̣̇д̣̇аа бхонд̇о ааг̇ажчанд̇у бад̣̇з бад̣̇ам̣ 5 нигкибанд̇аа; д̣̇ураасад̣̇аа 6 хи д̇з бхаг̇аванд̇о сийхаава згажараа. яад̣̇аа жаахам̣, бхо, саман̣зна г̇од̇амзна сад̣̇д̇хим̣ манд̇зяяам̣, маа мз бхонд̇о анд̇аранд̇араа гат̇ам̣ обаад̇зт̇а. гат̇аабарияосаанам̣ мз бхаванд̇о ааг̇амзнд̇уу’’д̇и. ат̇а ко сзло б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сзло б̣раахман̣о бхаг̇авад̇о гааяз д̣̇вад̇д̇им̣самахаабурисалагкан̣аани саманнзси.
‘‘Kahaṃ pana, bho keṇiya, etarahi so bhavaṃ gotamo viharati arahaṃ sammāsambuddho’’ti? Evaṃ vutte, keṇiyo jaṭilo dakkhiṇaṃ bāhuṃ paggahetvā selaṃ brāhmaṇaṃ etadavoca – ‘‘yenesā, bho sela, nīlavanarājī’’ti. Atha kho selo brāhmaṇo tīhi māṇavakasatehi saddhiṃ yena bhagavā tenupasaṅkami. Atha kho selo brāhmaṇo te māṇavake āmantesi – ‘‘appasaddā bhonto āgacchantu pade padaṃ 7 nikkhipantā; durāsadā 8 hi te bhagavanto sīhāva ekacarā. Yadā cāhaṃ, bho, samaṇena gotamena saddhiṃ manteyyaṃ, mā me bhonto antarantarā kathaṃ opātetha. Kathāpariyosānaṃ me bhavanto āgamentū’’ti. Atha kho selo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho selo brāhmaṇo bhagavato kāye dvattiṃsamahāpurisalakkhaṇāni samannesi.
ад̣̇д̣̇асаа ко сзло б̣раахман̣о бхаг̇авад̇о гааяз д̣̇вад̇д̇им̣самахаабурисалагкан̣аани, язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жа. ат̇а ко бхаг̇авад̇о зд̇ад̣̇ахоси – ‘‘бассад̇и ко мз аяам̣ сзло б̣раахман̣о д̣̇вад̇д̇им̣самахаабурисалагкан̣аани, язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жаа’’д̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇кааси, яат̇аа ад̣̇д̣̇аса сзло б̣раахман̣о бхаг̇авад̇о госохид̇ам̣ вад̇т̇аг̇уяхам̣. ат̇а ко бхаг̇аваа ж̇ивхам̣ ниннаамзд̇ваа убхоби ган̣н̣асод̇аани анумаси бадимаси; убхоби наасигасод̇аани анумаси бадимаси; гзваламби налаадаман̣д̣алам̣ ж̇ивхааяа чаад̣̇зси. ат̇а ко сзласса б̣раахман̣асса зд̇ад̣̇ахоси – ‘‘саманнааг̇ад̇о ко саман̣о г̇од̇амо д̣̇вад̇д̇им̣самахаабурисалагкан̣зхи барибун̣н̣зхи, но абарибун̣н̣зхи; но жа ко нам̣ ж̇аанаами б̣уд̣̇д̇хо ваа но ваа. суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – ‘яз д̇з бхаванд̇и араханд̇о саммаасамб̣уд̣̇д̇хаа д̇з сагз ван̣н̣з бхан̃н̃амаанз ад̇д̇аанам̣ баад̇угаронд̇ий’д̇и. яам̣нуунаахам̣ саман̣ам̣ г̇од̇амам̣ саммукаа сааруббаахи г̇аат̇аахи абхид̇т̇авзяяа’’нд̇и.
Addasā kho selo brāhmaṇo bhagavato kāye dvattiṃsamahāpurisalakkhaṇāni, yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya ca. Atha kho bhagavato etadahosi – ‘‘passati kho me ayaṃ selo brāhmaṇo dvattiṃsamahāpurisalakkhaṇāni, yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya cā’’ti. Atha kho bhagavā tathārūpaṃ iddhābhisaṅkhāraṃ abhisaṅkhāsi, yathā addasa selo brāhmaṇo bhagavato kosohitaṃ vatthaguyhaṃ. Atha kho bhagavā jivhaṃ ninnāmetvā ubhopi kaṇṇasotāni anumasi paṭimasi; ubhopi nāsikasotāni anumasi paṭimasi; kevalampi nalāṭamaṇḍalaṃ jivhāya chādesi. Atha kho selassa brāhmaṇassa etadahosi – ‘‘samannāgato kho samaṇo gotamo dvattiṃsamahāpurisalakkhaṇehi paripuṇṇehi, no aparipuṇṇehi; no ca kho naṃ jānāmi buddho vā no vā. Sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ‘ye te bhavanti arahanto sammāsambuddhā te sake vaṇṇe bhaññamāne attānaṃ pātukarontī’ti. Yaṃnūnāhaṃ samaṇaṃ gotamaṃ sammukhā sāruppāhi gāthāhi abhitthaveyya’’nti.
399. ат̇а ко сзло б̣раахман̣о бхаг̇аванд̇ам̣ саммукаа сааруббаахи г̇аат̇аахи абхид̇т̇ави –
399. Atha kho selo brāhmaṇo bhagavantaṃ sammukhā sāruppāhi gāthāhi abhitthavi –
‘‘барибун̣н̣агааяо суружи, суж̇аад̇о жааруд̣̇ассано;
‘‘Paripuṇṇakāyo suruci, sujāto cārudassano;
суван̣н̣аван̣н̣оси бхаг̇аваа, сусуггад̣̇аатоси вийрияаваа 9.
Suvaṇṇavaṇṇosi bhagavā, susukkadāṭhosi vīriyavā 10.
‘‘нарасса хи суж̇аад̇асса, яз бхаванд̇и вияан̃ж̇анаа;
‘‘Narassa hi sujātassa, ye bhavanti viyañjanā;
саб̣б̣з д̇з д̇ава гааяасмим̣, махаабурисалагкан̣аа.
Sabbe te tava kāyasmiṃ, mahāpurisalakkhaṇā.
‘‘басаннанзд̇д̇о сумуко, б̣рахаа 11 уж̇у бад̇аабаваа;
‘‘Pasannanetto sumukho, brahā 12 uju patāpavā;
маж̇жхз саман̣асан̇гхасса, аад̣̇ижжова вирожаси.
Majjhe samaṇasaṅghassa, ādiccova virocasi.
‘‘галяаан̣ад̣̇ассано бхигку, ган̃жанасаннибхад̇д̇ажо;
‘‘Kalyāṇadassano bhikkhu, kañcanasannibhattaco;
гим̣ д̇з саман̣абхаавзна, звам̣ уд̇д̇амаван̣н̣ино.
Kiṃ te samaṇabhāvena, evaṃ uttamavaṇṇino.
‘‘рааж̇аа арахаси бхавид̇ум̣, жаггавад̇д̇ий рат̇зсабхо;
‘‘Rājā arahasi bhavituṃ, cakkavattī rathesabho;
жаад̇уранд̇о виж̇ид̇аавий, ж̇амб̣усан̣д̣асса 13 иссаро.
Cāturanto vijitāvī, jambusaṇḍassa 14 issaro.
‘‘кад̇д̇ияаа бхог̇ирааж̇аано, ануяанд̇аа 15 бхаванд̇у д̇з;
‘‘Khattiyā bhogirājāno, anuyantā 16 bhavantu te;
рааж̇аабхирааж̇аа мануж̇инд̣̇о, раж̇ж̇ам̣ гаарзхи г̇од̇ама’’.
Rājābhirājā manujindo, rajjaṃ kārehi gotama’’.
‘‘рааж̇аахамасми сзлаад̇и, д̇хаммарааж̇аа ануд̇д̇аро;
‘‘Rājāhamasmi selāti, dhammarājā anuttaro;
д̇хаммзна жаггам̣ вад̇д̇зми, жаггам̣ аббадивад̇д̇ияам̣’’.
Dhammena cakkaṃ vattemi, cakkaṃ appaṭivattiyaṃ’’.
‘‘самб̣уд̣̇д̇хо бадиж̇аанааси, д̇хаммарааж̇аа ануд̇д̇аро;
‘‘Sambuddho paṭijānāsi, dhammarājā anuttaro;
‘д̇хаммзна жаггам̣ вад̇д̇зми’, ид̇и бхаасаси г̇од̇ама.
‘Dhammena cakkaṃ vattemi’, iti bhāsasi gotama.
‘‘го ну сзнаабад̇и бход̇о, сааваго сад̇т̇уранваяо;
‘‘Ko nu senāpati bhoto, sāvako satthuranvayo;
го д̇з д̇аманувад̇д̇зд̇и, д̇хаммажаггам̣ бавад̇д̇ид̇ам̣’’.
Ko te tamanuvatteti, dhammacakkaṃ pavattitaṃ’’.
‘‘маяаа бавад̇д̇ид̇ам̣ жаггам̣, (сзлаад̇и бхаг̇аваа д̇хаммажаггам̣ ануд̇д̇арам̣;
‘‘Mayā pavattitaṃ cakkaṃ, (selāti bhagavā dhammacakkaṃ anuttaraṃ;
саарибуд̇д̇о анувад̇д̇зд̇и, ануж̇аад̇о д̇ат̇ааг̇ад̇ам̣.
Sāriputto anuvatteti, anujāto tathāgataṃ.
‘‘абхин̃н̃зяяам̣ абхин̃н̃аад̇ам̣, бхаавзд̇аб̣б̣ан̃жа бхаавид̇ам̣;
‘‘Abhiññeyyaṃ abhiññātaṃ, bhāvetabbañca bhāvitaṃ;
бахаад̇аб̣б̣ам̣ бахийнам̣ мз, д̇асмаа б̣уд̣̇д̇хосми б̣раахман̣а.
Pahātabbaṃ pahīnaṃ me, tasmā buddhosmi brāhmaṇa.
‘‘винаяассу маяи ган̇кам̣, ад̇химужжассу б̣раахман̣а;
‘‘Vinayassu mayi kaṅkhaṃ, adhimuccassu brāhmaṇa;
д̣̇уллабхам̣ д̣̇ассанам̣ ход̇и, самб̣уд̣̇д̇хаанам̣ абхин̣хасо.
Dullabhaṃ dassanaṃ hoti, sambuddhānaṃ abhiṇhaso.
‘‘язсам̣ вз д̣̇уллабхо логз, баад̇убхааво абхин̣хасо;
‘‘Yesaṃ ve dullabho loke, pātubhāvo abhiṇhaso;
сохам̣ б̣раахман̣а самб̣уд̣̇д̇хо, саллагад̇д̇о ануд̇д̇аро.
Sohaṃ brāhmaṇa sambuddho, sallakatto anuttaro.
‘‘б̣рахмабхууд̇о ад̇ид̇уло, маарасзнаббамад̣̇д̣̇ано;
‘‘Brahmabhūto atitulo, mārasenappamaddano;
саб̣б̣аамид̇д̇з васий гад̇ваа, мод̣̇аами агуд̇обхаяо’’.
Sabbāmitte vasī katvā, modāmi akutobhayo’’.
‘‘имам̣ бхонд̇о нисаамзт̇а, яат̇аа бхаасад̇и жагкумаа;
‘‘Imaṃ bhonto nisāmetha, yathā bhāsati cakkhumā;
саллагад̇д̇о махаавийро, сийхова над̣̇ад̇ий ванз.
Sallakatto mahāvīro, sīhova nadatī vane.
‘‘б̣рахмабхууд̇ам̣ ад̇ид̇улам̣, маарасзнаббамад̣̇д̣̇анам̣;
‘‘Brahmabhūtaṃ atitulaṃ, mārasenappamaddanaṃ;
го д̣̇исваа наббасийд̣̇зяяа, аби ган̣хаабхиж̇аад̇иго.
Ko disvā nappasīdeyya, api kaṇhābhijātiko.
‘‘яо мам̣ ижчад̇и анвзд̇у, яо ваа нижчад̇и г̇ажчад̇у;
‘‘Yo maṃ icchati anvetu, yo vā nicchati gacchatu;
ид̇хаахам̣ баб̣б̣аж̇иссаами, варабан̃н̃асса санд̇игз’’.
Idhāhaṃ pabbajissāmi, varapaññassa santike’’.
маяамби баб̣б̣аж̇иссаама, варабан̃н̃асса санд̇игз’’.
Mayampi pabbajissāma, varapaññassa santike’’.
‘‘б̣раахман̣аа д̇исад̇аа имз, яаажанд̇и бан̃ж̇алийгад̇аа;
‘‘Brāhmaṇā tisatā ime, yācanti pañjalīkatā;
б̣рахмажарияам̣ жариссаама, бхаг̇аваа д̇ава санд̇игз’’.
Brahmacariyaṃ carissāma, bhagavā tava santike’’.
‘‘сваагкаад̇ам̣ б̣рахмажарияам̣, (сзлаад̇и бхаг̇аваа санд̣̇идтигамагаалигам̣;
‘‘Svākkhātaṃ brahmacariyaṃ, (selāti bhagavā sandiṭṭhikamakālikaṃ;
яад̇т̇а амогхаа баб̣б̣аж̇ж̇аа, аббамад̇д̇асса сигкад̇о’’д̇и.
Yattha amoghā pabbajjā, appamattassa sikkhato’’ti.
алад̇т̇а ко сзло б̣раахман̣о сабарисо бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣.
Alattha kho selo brāhmaṇo sapariso bhagavato santike pabbajjaṃ, alattha upasampadaṃ.
400. ат̇а ко гзн̣ияо ж̇адило д̇ассаа рад̇д̇ияаа ажжаязна сагз ассамз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гзн̣ияасса ж̇адиласса ассамо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко гзн̣ияо ж̇адило б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси, самбаваарзси. ат̇а ко гзн̣ияо ж̇адило бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко гзн̣ияам̣ ж̇адилам̣ бхаг̇аваа имаахи г̇аат̇аахи анумод̣̇и –
400. Atha kho keṇiyo jaṭilo tassā rattiyā accayena sake assame paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena keṇiyassa jaṭilassa assamo tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho keṇiyo jaṭilo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi, sampavāresi. Atha kho keṇiyo jaṭilo bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho keṇiyaṃ jaṭilaṃ bhagavā imāhi gāthāhi anumodi –
‘‘аг̇г̇ихуд̇д̇амукаа яан̃н̃аа, саавид̇д̇ий чанд̣̇асо мукам̣;
‘‘Aggihuttamukhā yaññā, sāvittī chandaso mukhaṃ;
рааж̇аа мукам̣ мануссаанам̣, над̣̇ийнам̣ сааг̇аро мукам̣.
Rājā mukhaṃ manussānaṃ, nadīnaṃ sāgaro mukhaṃ.
‘‘нагкад̇д̇аанам̣ мукам̣ жанд̣̇о, аад̣̇ижжо д̇абад̇ам̣ мукам̣;
‘‘Nakkhattānaṃ mukhaṃ cando, ādicco tapataṃ mukhaṃ;
бун̃н̃ам̣ ааган̇камаанаанам̣, сан̇гхо вз яаж̇ад̇ам̣ мука’’нд̇и.
Puññaṃ ākaṅkhamānānaṃ, saṅgho ve yajataṃ mukha’’nti.
ат̇а ко бхаг̇аваа гзн̣ияам̣ ж̇адилам̣ имаахи г̇аат̇аахи анумод̣̇ид̇ваа удтааяаасанаа баггаами.
Atha kho bhagavā keṇiyaṃ jaṭilaṃ imāhi gāthāhi anumoditvā uṭṭhāyāsanā pakkāmi.
ат̇а ко ааяасмаа сзло сабарисо зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃ааси. ан̃н̃ад̇аро ко банааяасмаа сзло сабарисо арахад̇ам̣ ахоси. ат̇а ко ааяасмаа сзло сабарисо язна бхаг̇аваа д̇знубасан̇гами; убасан̇гамид̇ваа згам̣сам̣ жийварам̣ гад̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ г̇аат̇аахи аж̇жхабхааси –
Atha kho āyasmā selo sapariso eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā selo sapariso arahataṃ ahosi. Atha kho āyasmā selo sapariso yena bhagavā tenupasaṅkami; upasaṅkamitvā ekaṃsaṃ cīvaraṃ katvā yena bhagavā tenañjaliṃ paṇāmetvā bhagavantaṃ gāthāhi ajjhabhāsi –
‘‘яам̣ д̇ам̣ саран̣амааг̇амма, ид̇о адтами жагкумаа;
‘‘Yaṃ taṃ saraṇamāgamma, ito aṭṭhami cakkhumā;
сад̇д̇арад̇д̇зна 21 бхаг̇аваа, д̣̇анд̇амха д̇ава саасанз.
Sattarattena 22 bhagavā, dantamha tava sāsane.
‘‘д̇увам̣ б̣уд̣̇д̇хо д̇увам̣ сад̇т̇аа, д̇увам̣ маараабхибхуу муни;
‘‘Tuvaṃ buddho tuvaṃ satthā, tuvaṃ mārābhibhū muni;
д̇увам̣ анусаяз чзд̇ваа, д̇ин̣н̣о д̇аарзсимам̣ баж̇ам̣.
Tuvaṃ anusaye chetvā, tiṇṇo tāresimaṃ pajaṃ.
‘‘убад̇хий д̇з самад̇игганд̇аа, аасаваа д̇з бад̣̇аалид̇аа;
‘‘Upadhī te samatikkantā, āsavā te padālitā;
сийхова анубаад̣̇аано, бахийнабхаяабхзраво.
Sīhova anupādāno, pahīnabhayabheravo.
‘‘бхигкаво д̇исад̇аа имз, д̇идтанд̇и бан̃ж̇алийгад̇аа;
‘‘Bhikkhavo tisatā ime, tiṭṭhanti pañjalīkatā;
баад̣̇з вийра басаарзхи, нааг̇аа ванд̣̇анд̇у сад̇т̇уно’’д̇и.
Pāde vīra pasārehi, nāgā vandantu satthuno’’ti.
сзласуд̇д̇ам̣ нидтид̇ам̣ д̣̇уд̇ияам̣.
Selasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. сзласуд̇д̇аван̣н̣анаа • 2. Selasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. сзласуд̇д̇аван̣н̣анаа • 2. Selasuttavaṇṇanā
