| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. сзласуд̇д̇аван̣н̣анаа
2. Selasuttavaṇṇanā
396. звам̣ мз суд̇анд̇и сзласуд̇д̇ам̣. д̇ад̇т̇а ан̇г̇уд̇д̇араабзсууд̇иаад̣̇и бод̇алияасуд̇д̇з вид̇т̇аарид̇амзва. ад̣дхад̇зл̣асзхийд̇и ад̣дхзна д̇зл̣асзхи, д̣̇ваад̣̇асахи сад̇зхи бан̃н̃аасааяа жа бхигкуухи сад̣̇д̇хинд̇и вуд̇д̇ам̣ ход̇и. д̇з бана саавагасаннибаад̇з саннибад̇ид̇аа бхигкууязва саб̣б̣з зхибхигкубаб̣б̣аж̇ж̇ааяа баб̣б̣аж̇ид̇аа кийн̣аасаваа. гзн̣ияод̇и д̇асса наамам̣, ж̇адилод̇и д̇аабасо. со гира б̣раахман̣амахаасаало, д̇ханарагкан̣ад̇т̇ааяа бана д̇аабасабаб̣б̣аж̇ж̇ам̣ самаад̣̇ааяа ран̃н̃о бан̣н̣аагаарам̣ д̣̇ад̇ваа бхуумибхааг̇ам̣ г̇ахзд̇ваа д̇ад̇т̇а ассамам̣ гаарзд̇ваа васад̇и бан̃жахи сагадасад̇зхи ван̣иж̇ж̇ам̣ баяож̇зд̇ваа гуласахассасса ниссаяо худ̇ваа, ассамзби жасса зго д̇ааларугко д̣̇ивасз д̣̇ивасз згам̣ сован̣н̣амаяам̣ д̇аалапалам̣ мун̃жад̇ийд̇и вад̣̇анд̇и. со д̣̇иваа гаасааяаани д̇хаарзд̇и, ж̇адаа жа б̣анд̇хад̇и, рад̇д̇им̣ гаамасамбад̇д̇им̣ анубхавад̇и. д̇хаммияаа гат̇ааяаад̇и баанагаанисам̣сабадисам̣яуд̇д̇ааяа д̇хаммияаа гат̇ааяа. аяан̃хи гзн̣ияо д̇ужчахад̇т̇о бхаг̇авад̇о д̣̇ассанааяа г̇анд̇ум̣ лаж̇ж̇ааяамаано – ‘‘вигаалабхож̇анаа вирад̇аанамби баанагам̣ габбад̇ий’’д̇и жинд̇зд̇ваа сусан̇кад̇аб̣ад̣̇арабаанам̣ бан̃жахи гааж̇асад̇зхи г̇аахаабзд̇ваа аг̇амааси. звам̣ г̇ад̇абхааво жасса – ‘‘ат̇а ко гзн̣ияасса ж̇адиласса зд̇ад̣̇ахоси гим̣ ну ко ахам̣ саман̣асса г̇од̇амасса хараабзяяа’’нд̇и бхзсаж̇ж̇агканд̇хагз (махаава. 300) баал̣иаарул̣хоязва.
396.Evaṃme sutanti selasuttaṃ. Tattha aṅguttarāpesūtiādi potaliyasutte vitthāritameva. Aḍḍhateḷasehīti aḍḍhena teḷasehi, dvādasahi satehi paññāsāya ca bhikkhūhi saddhinti vuttaṃ hoti. Te pana sāvakasannipāte sannipatitā bhikkhūyeva sabbe ehibhikkhupabbajjāya pabbajitā khīṇāsavā. Keṇiyoti tassa nāmaṃ, jaṭiloti tāpaso. So kira brāhmaṇamahāsālo, dhanarakkhaṇatthāya pana tāpasapabbajjaṃ samādāya rañño paṇṇākāraṃ datvā bhūmibhāgaṃ gahetvā tattha assamaṃ kāretvā vasati pañcahi sakaṭasatehi vaṇijjaṃ payojetvā kulasahassassa nissayo hutvā, assamepi cassa eko tālarukkho divase divase ekaṃ sovaṇṇamayaṃ tālaphalaṃ muñcatīti vadanti. So divā kāsāyāni dhāreti, jaṭā ca bandhati, rattiṃ kāmasampattiṃ anubhavati. Dhammiyā kathāyāti pānakānisaṃsapaṭisaṃyuttāya dhammiyā kathāya. Ayañhi keṇiyo tucchahattho bhagavato dassanāya gantuṃ lajjāyamāno – ‘‘vikālabhojanā viratānampi pānakaṃ kappatī’’ti cintetvā susaṅkhatabadarapānaṃ pañcahi kājasatehi gāhāpetvā agamāsi. Evaṃ gatabhāvo cassa – ‘‘atha kho keṇiyassa jaṭilassa etadahosi kiṃ nu kho ahaṃ samaṇassa gotamassa harāpeyya’’nti bhesajjakkhandhake (mahāva. 300) pāḷiāruḷhoyeva.
д̣̇уд̇ияамби ко бхаг̇аваад̇и гасмаа бунаббунам̣ бадигкиби? д̇ид̇т̇ияаанам̣ бадигкзбабасаннад̇ааяа, агааран̣амзд̇ам̣, над̇т̇и б̣уд̣̇д̇хаанам̣ бажжаяахзд̇у зваруубам̣ гохан̃н̃ам̣. аяам̣ бана ад̣дхад̇зл̣асаани бхигкусад̇аани д̣̇исваа зд̇д̇агаанам̣язва бхигкам̣ бадияаад̣̇зссад̇и, свзва сзло д̇ийхи бурисасад̇зхи сад̣̇д̇хим̣ баб̣б̣аж̇иссад̇и. аяуд̇д̇ам̣ ко бана навагз ан̃н̃ад̇о бзсзд̇ваа имзхзва сад̣̇д̇хим̣ г̇анд̇ум̣, имз ваа ан̃н̃ад̇о бзсзд̇ваа навагзхи сад̣̇д̇хим̣ г̇анд̇ум̣. ат̇ааби саб̣б̣з г̇ахзд̇ваа г̇амиссаами, бхигкаахааро наббахоссад̇и. д̇ад̇о бхигкуусу бин̣д̣ааяа жаранд̇зсу мануссаа уж̇жхааяиссанд̇и – ‘‘жирассааби гзн̣ияо саман̣ам̣ г̇од̇амам̣ ниманд̇зд̇ваа яаабанамад̇д̇ам̣ д̣̇аад̇ум̣ наасагкий’’д̇и, саяамби виббадисаарий бхависсад̇и. бадигкзбз бана гад̇з ‘‘саман̣о г̇од̇амо бунаббунам̣ ‘д̇ван̃жа б̣раахман̣зсу абхиббасанно’д̇и б̣раахман̣аанам̣ наамам̣ г̇ан̣хаад̇ий’’д̇и жинд̇зд̇ваа б̣раахман̣зби ниманд̇зд̇угаамо бхависсад̇и, д̇ад̇о б̣раахман̣з баадиязггам̣ ниманд̇зссад̇и , д̇з д̇зна ниманд̇ид̇аа бхигкуу худ̇ваа бхун̃ж̇иссанд̇и. звамасса сад̣̇д̇хаа анурагкид̇аа бхависсад̇ийд̇и бунаббунам̣ бадигкиби. гин̃жааби ко, бход̇и иминаа ид̣̇ам̣ д̣̇ийбзд̇и, – ‘‘бхо г̇од̇ама, гим̣ ж̇аад̇ам̣ яад̣̇и ахам̣ б̣раахман̣зсу абхиббасанно, ад̇хиваасзд̇у бхавам̣ г̇од̇амо, ахам̣ б̣раахман̣аанамби д̣̇аад̇ум̣ саггоми д̇умхаагамбий’’д̇и.
Dutiyampi kho bhagavāti kasmā punappunaṃ paṭikkhipi? Titthiyānaṃ paṭikkhepapasannatāya, akāraṇametaṃ, natthi buddhānaṃ paccayahetu evarūpaṃ kohaññaṃ. Ayaṃ pana aḍḍhateḷasāni bhikkhusatāni disvā ettakānaṃyeva bhikkhaṃ paṭiyādessati, sveva selo tīhi purisasatehi saddhiṃ pabbajissati. Ayuttaṃ kho pana navake aññato pesetvā imeheva saddhiṃ gantuṃ, ime vā aññato pesetvā navakehi saddhiṃ gantuṃ. Athāpi sabbe gahetvā gamissāmi, bhikkhāhāro nappahossati. Tato bhikkhūsu piṇḍāya carantesu manussā ujjhāyissanti – ‘‘cirassāpi keṇiyo samaṇaṃ gotamaṃ nimantetvā yāpanamattaṃ dātuṃ nāsakkhī’’ti, sayampi vippaṭisārī bhavissati. Paṭikkhepe pana kate ‘‘samaṇo gotamo punappunaṃ ‘tvañca brāhmaṇesu abhippasanno’ti brāhmaṇānaṃ nāmaṃ gaṇhātī’’ti cintetvā brāhmaṇepi nimantetukāmo bhavissati, tato brāhmaṇe pāṭiyekkaṃ nimantessati , te tena nimantitā bhikkhū hutvā bhuñjissanti. Evamassa saddhā anurakkhitā bhavissatīti punappunaṃ paṭikkhipi. Kiñcāpi kho, bhoti iminā idaṃ dīpeti, – ‘‘bho gotama, kiṃ jātaṃ yadi ahaṃ brāhmaṇesu abhippasanno, adhivāsetu bhavaṃ gotamo, ahaṃ brāhmaṇānampi dātuṃ sakkomi tumhākampī’’ti.
гааяавзяяаавадиганд̇и гааяавзяяааважжам̣. ман̣д̣аламаал̣анд̇и д̣̇уссаман̣д̣абам̣.
Kāyaveyyāvaṭikanti kāyaveyyāvaccaṃ. Maṇḍalamāḷanti dussamaṇḍapaṃ.
397. аавааход̇и ган̃н̃ааг̇ахан̣ам̣. вивааход̇и ган̃н̃аад̣̇аанам̣. со мз ниманд̇ид̇од̇и со маяаа ниманд̇ид̇о. ат̇а б̣раахман̣о барибаггобаниссаяад̇д̇аа б̣уд̣̇д̇хасад̣̇д̣̇ам̣ суд̇ваава амад̇знзваабхисид̇д̇о басаад̣̇ам̣ аавигаронд̇о б̣уд̣̇д̇ход̇и , бхо гзн̣ияа, вад̣̇зсийд̇и ааха. гзн̣ияо яат̇аабхууд̇ам̣ аажигканд̇о б̣уд̣̇д̇ход̇и, бхо сзла, вад̣̇аамийд̇и ааха. д̇ад̇о нам̣ бунаби д̣̇ал̣хийгаран̣ад̇т̇ам̣ бужчи, ид̇ароби д̇ат̇зва аарожзси.
397.Āvāhoti kaññāgahaṇaṃ. Vivāhoti kaññādānaṃ. So me nimantitoti so mayā nimantito. Atha brāhmaṇo paripakkopanissayattā buddhasaddaṃ sutvāva amatenevābhisitto pasādaṃ āvikaronto buddhoti, bho keṇiya, vadesīti āha. Keṇiyo yathābhūtaṃ ācikkhanto buddhoti, bho sela, vadāmīti āha. Tato naṃ punapi daḷhīkaraṇatthaṃ pucchi, itaropi tatheva ārocesi.
398. ат̇асса габбасад̇асахассзхиби б̣уд̣̇д̇хасад̣̇д̣̇ассзва д̣̇уллабхабхаавам̣ самбассад̇о. зд̇ад̣̇ахосийд̇и. зд̇ам̣ ‘‘гхособи ко’’д̇иаад̣̇и ахоси. нийлаванарааж̇ийд̇и нийлаван̣н̣аругкабанд̇и. бад̣̇з бад̣̇анд̇и бад̣̇аббамаан̣з бад̣̇ам̣. ажжаасаннз хи ад̇ид̣̇уурз ваа баад̣̇з нигкибамаанз сад̣̇д̣̇о удтаад̇и, д̇ам̣ бадисзд̇хзнд̇о звамааха. сийхаава згажараад̇и г̇ан̣аваасий сийхо сийхабод̇агаад̣̇ийхи сад̣̇д̇хим̣ бамаад̣̇ам̣ аабаж̇ж̇ад̇и, згажаро аббамад̇д̇о ход̇и. ид̇и аббамаад̣̇авихаарам̣ д̣̇ассзнд̇о згажарасийхзна обаммам̣ гарод̇и. маа мз бхонд̇од̇и аажаарам̣ сигкаабзнд̇о ааха. аяан̃хзд̇т̇а ад̇хиббааяо – сажз д̇умхз гат̇ааваарам̣ алабхид̇ваа мама гат̇ааяа анд̇арз гат̇ам̣ бавзсзссат̇а, ‘‘анд̇зваасигз сигкаабзд̇ум̣ наасагкий’’д̇и маяхам̣ г̇арахаа уббаж̇ж̇иссад̇и, д̇асмаа огаасам̣ бассид̇ваа манд̇зяяаат̇аад̇и. но жа ко нам̣ ж̇аанаамийд̇и вибассийби б̣од̇хисад̇д̇о жад̇ураасийд̇исахассад̇т̇зрабаб̣б̣аж̇ид̇абаривааро сад̇д̇а маасаани б̣од̇хисад̇д̇ажааригам̣ жари, б̣уд̣̇д̇хуббаад̣̇агаало вияа ахоси. амхаагамби б̣од̇хисад̇д̇о чаб̣б̣ассаани б̣од̇хисад̇д̇ажааригам̣ жари. звам̣ барибун̣н̣асарийралагкан̣зхи саманнааг̇ад̇ааби б̣уд̣̇д̇хаа на хонд̇и. д̇асмаа б̣раахман̣о ‘‘но жа ко нам̣ ж̇аанаамий’’д̇и ааха.
398. Athassa kappasatasahassehipi buddhasaddasseva dullabhabhāvaṃ sampassato. Etadahosīti. Etaṃ ‘‘ghosopi kho’’tiādi ahosi. Nīlavanarājīti nīlavaṇṇarukkhapanti. Pade padanti padappamāṇe padaṃ. Accāsanne hi atidūre vā pāde nikkhipamāne saddo uṭṭhāti, taṃ paṭisedhento evamāha. Sīhāva ekacarāti gaṇavāsī sīho sīhapotakādīhi saddhiṃ pamādaṃ āpajjati, ekacaro appamatto hoti. Iti appamādavihāraṃ dassento ekacarasīhena opammaṃ karoti. Mā me bhontoti ācāraṃ sikkhāpento āha. Ayañhettha adhippāyo – sace tumhe kathāvāraṃ alabhitvā mama kathāya antare kathaṃ pavesessatha, ‘‘antevāsike sikkhāpetuṃ nāsakkhī’’ti mayhaṃ garahā uppajjissati, tasmā okāsaṃ passitvā manteyyāthāti. No ca kho naṃ jānāmīti vipassīpi bodhisatto caturāsītisahassattherapabbajitaparivāro satta māsāni bodhisattacārikaṃ cari, buddhuppādakālo viya ahosi. Amhākampi bodhisatto chabbassāni bodhisattacārikaṃ cari. Evaṃ paripuṇṇasarīralakkhaṇehi samannāgatāpi buddhā na honti. Tasmā brāhmaṇo ‘‘no ca kho naṃ jānāmī’’ti āha.
399. барибун̣н̣агааяод̇и лагкан̣зхи барибун̣н̣ад̇ааяа ахийнан̇г̇ад̇ааяа жа барибун̣н̣асарийро. суружийд̇и сунд̣̇арасарийраббабхо. суж̇аад̇од̇и аарохабарин̣аахасамбад̇д̇ияаа сан̣таанасамбад̇д̇ияаа жа суниб̣б̣ад̇д̇о. жааруд̣̇ассанод̇и сужирамби бассанд̇аанам̣ ад̇ид̇д̇иж̇анаго манохарад̣̇ассано. суван̣н̣аван̣н̣од̇и суван̣н̣асад̣̇исаван̣н̣о. сусуггад̣̇аатод̇и судту суггад̣̇аато. махаабурисалагкан̣аад̇и батамам̣ вуд̇д̇аб̣яан̃ж̇анаанзва важананд̇арзна ниг̇амзнд̇о ааха.
399.Paripuṇṇakāyoti lakkhaṇehi paripuṇṇatāya ahīnaṅgatāya ca paripuṇṇasarīro. Surucīti sundarasarīrappabho. Sujātoti ārohapariṇāhasampattiyā saṇṭhānasampattiyā ca sunibbatto. Cārudassanoti sucirampi passantānaṃ atittijanako manoharadassano. Suvaṇṇavaṇṇoti suvaṇṇasadisavaṇṇo. Susukkadāṭhoti suṭṭhu sukkadāṭho. Mahāpurisalakkhaṇāti paṭhamaṃ vuttabyañjanāneva vacanantarena nigamento āha.
ид̣̇аани д̇зсу лагкан̣зсу ад̇д̇ано жид̇д̇аружид̇аани г̇ахзд̇ваа т̇омзнд̇о басаннанзд̇д̇од̇иаад̣̇имааха. бхаг̇аваа хи бан̃жаван̣н̣абасаад̣̇асамбад̇д̇ияаа басаннанзд̇д̇о, бун̣н̣ажанд̣̇асад̣̇исамукад̇ааяа сумуко, аарохабарин̣аахасамбад̇д̇ияаа б̣рахаа, б̣рахмуж̇уг̇ад̇д̇ад̇ааяа уж̇у, ж̇уд̇иманд̇ад̇ааяа бад̇аабаваа. яамби жзд̇т̇а буб̣б̣з вуд̇д̇ам̣, д̇ам̣ ‘‘маж̇жхз саман̣асан̇гхассаа’’д̇и иминаа барияааязна т̇омаяад̇аа буна вуд̇д̇ам̣. зд̣̇исо хи звам̣ вирожад̇и. уд̇д̇араг̇аат̇ааяаби зсзва наяо. уд̇д̇амаван̣н̣ийнод̇и уд̇д̇амаван̣н̣асамбаннасса. рат̇зсабход̇и уд̇д̇амасаарат̇и. ж̇амб̣усан̣д̣ассаад̇и ж̇амб̣уд̣̇ийбасса. баагадзна иссарияам̣ иссаро ход̇и.
Idāni tesu lakkhaṇesu attano cittarucitāni gahetvā thomento pasannanettotiādimāha. Bhagavā hi pañcavaṇṇapasādasampattiyā pasannanetto, puṇṇacandasadisamukhatāya sumukho, ārohapariṇāhasampattiyā brahā, brahmujugattatāya uju, jutimantatāya patāpavā. Yampi cettha pubbe vuttaṃ, taṃ ‘‘majjhe samaṇasaṅghassā’’ti iminā pariyāyena thomayatā puna vuttaṃ. Ediso hi evaṃ virocati. Uttaragāthāyapi eseva nayo. Uttamavaṇṇīnoti uttamavaṇṇasampannassa. Rathesabhoti uttamasārathi. Jambusaṇḍassāti jambudīpassa. Pākaṭena issariyaṃ issaro hoti.
кад̇д̇ияаад̇и ж̇аад̇икад̇д̇ияаа. бхог̇ийд̇и бхог̇ияаа. рааж̇аанод̇и яз гзжи раж̇ж̇ам̣ гаарзнд̇аа. рааж̇аабхирааж̇аад̇и рааж̇уунам̣ бууж̇анийяо, ад̇хирааж̇аа худ̇ваа, жаггавад̇д̇ийд̇и ад̇хиббааяо. мануж̇инд̣̇од̇и мануссаад̇хибад̇и барамиссаро худ̇ваа.
Khattiyāti jātikhattiyā. Bhogīti bhogiyā. Rājānoti ye keci rajjaṃ kārentā. Rājābhirājāti rājūnaṃ pūjanīyo, adhirājā hutvā, cakkavattīti adhippāyo. Manujindoti manussādhipati paramissaro hutvā.
звам̣ вуд̇д̇з бхаг̇аваа – ‘‘яз д̇з бхаванд̇и араханд̇о саммаасамб̣уд̣̇д̇хаа, д̇з сагаван̣н̣з бхан̃н̃амаанз ад̇д̇аанам̣ баад̇угаронд̇ий’’д̇и имам̣ сзласса манорат̇ам̣ буурзнд̇о рааж̇аахамасмийд̇иаад̣̇имааха. д̇ад̇рааяамад̇хиббааяо – яам̣ мам̣ д̇вам̣ сзла ‘‘рааж̇аа арахаси бхавид̇у’’нд̇и яаажаси, зд̇т̇а аббоссугго ход̇и рааж̇аахамасми. сад̇и жа рааж̇ад̇д̇з яат̇аа ан̃н̃о рааж̇аа яож̇анасад̇ам̣ ваа анусаасад̇и яож̇анасахассам̣ ваа, жаггавад̇д̇ий худ̇вааби жад̇уд̣̇ийбабарияанд̇амад̇д̇ам̣ ваа, наахамзвам̣ барижчиннависаяо, ахан̃хи д̇хаммарааж̇аа ануд̇д̇аро бхаваг̇г̇ад̇о авийжибарияанд̇ам̣ гад̇ваа д̇ирияам̣ аббамаан̣алогад̇хаад̇уяо анусаасаами. яаавад̇аа хи абад̣̇ад̣̇вибад̣̇аад̣̇ибхзд̣̇аа сад̇д̇аа, ахам̣ д̇зсам̣ аг̇г̇о. на хи мз гожи сийлзна ваа…бз… вимуд̇д̇ин̃аан̣ад̣̇ассанзна ваа бадибхааг̇о ад̇т̇и, сваахам̣ звам̣ д̇хаммарааж̇аа ануд̇д̇аро ануд̇д̇арзнзва жад̇усад̇ибадтаанаад̣̇ибхзд̣̇зна д̇хаммзна жаггам̣ вад̇д̇зми. ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аад̇и аан̣аажаггам̣, ид̣̇ам̣ ко бана, бхигкавз, д̣̇угкам̣ арияасажжанд̇иаад̣̇инаа барияад̇д̇ид̇хаммзна д̇хаммажаггамзва ваа. жаггам̣ аббадивад̇д̇ияанд̇и яам̣ жаггам̣ аббадивад̇д̇ияам̣ ход̇и саман̣зна ваа…бз… гзнажи ваа логасминд̇и.
Evaṃ vutte bhagavā – ‘‘ye te bhavanti arahanto sammāsambuddhā, te sakavaṇṇe bhaññamāne attānaṃ pātukarontī’’ti imaṃ selassa manorathaṃ pūrento rājāhamasmītiādimāha. Tatrāyamadhippāyo – yaṃ maṃ tvaṃ sela ‘‘rājā arahasi bhavitu’’nti yācasi, ettha appossukko hoti rājāhamasmi. Sati ca rājatte yathā añño rājā yojanasataṃ vā anusāsati yojanasahassaṃ vā, cakkavattī hutvāpi catudīpapariyantamattaṃ vā, nāhamevaṃ paricchinnavisayo, ahañhi dhammarājā anuttaro bhavaggato avīcipariyantaṃ katvā tiriyaṃ appamāṇalokadhātuyo anusāsāmi. Yāvatā hi apadadvipadādibhedā sattā, ahaṃ tesaṃ aggo. Na hi me koci sīlena vā…pe… vimuttiñāṇadassanena vā paṭibhāgo atthi, svāhaṃ evaṃ dhammarājā anuttaro anuttareneva catusatipaṭṭhānādibhedena dhammena cakkaṃ vattemi. Idaṃ pajahatha, idaṃ upasampajja viharathāti āṇācakkaṃ, idaṃ kho pana, bhikkhave, dukkhaṃ ariyasaccantiādinā pariyattidhammena dhammacakkameva vā. Cakkaṃ appaṭivattiyanti yaṃ cakkaṃ appaṭivattiyaṃ hoti samaṇena vā…pe… kenaci vā lokasminti.
звам̣ ад̇д̇аанам̣ аавигаронд̇ам̣ бхаг̇аванд̇ам̣ д̣̇исваа бийд̇исоманассаж̇аад̇о сзло буна д̣̇ал̣хийгаран̣ад̇т̇ам̣ самб̣уд̣̇д̇хо бадиж̇аанаасийд̇и г̇аат̇аад̣̇ваяамааха. д̇ад̇т̇а го ну сзнаабад̇ийд̇и ран̃н̃о бход̇о д̇хаммзна бавад̇д̇ид̇асса жаггасса анубавад̇д̇аго сзнаабад̇и го нууд̇и бужчи.
Evaṃ attānaṃ āvikarontaṃ bhagavantaṃ disvā pītisomanassajāto selo puna daḷhīkaraṇatthaṃ sambuddho paṭijānāsīti gāthādvayamāha. Tattha ko nu senāpatīti rañño bhoto dhammena pavattitassa cakkassa anupavattako senāpati ko nūti pucchi.
д̇зна жа самаязна бхаг̇авад̇о д̣̇агкин̣абассз ааяасмаа саарибуд̇д̇о нисинно ход̇и суван̣н̣абун̃ж̇о вияа сирияаа собхамаано, д̇ам̣ д̣̇ассзнд̇о бхаг̇аваа маяаа бавад̇д̇ид̇анд̇и г̇аат̇амааха. д̇ад̇т̇а ануж̇аад̇о д̇ат̇ааг̇ад̇анд̇и д̇ат̇ааг̇ад̇ам̣ хзд̇ум̣ ануж̇аад̇о, д̇ат̇ааг̇ад̇зна хзд̇унаа ж̇аад̇од̇и ад̇т̇о. абижа аваж̇аад̇о ануж̇аад̇о ад̇иж̇аад̇од̇и д̇аяо вуд̇д̇аа. д̇зсу аваж̇аад̇о д̣̇уссийло, со д̇ат̇ааг̇ад̇асса буд̇д̇о наама на ход̇и. ад̇иж̇аад̇о наама бид̇араа уд̇д̇арид̇аро, д̇аад̣̇исоби д̇ат̇ааг̇ад̇асса буд̇д̇о над̇т̇и. д̇ат̇ааг̇ад̇асса бана зго ануж̇аад̇ова буд̇д̇о ход̇и, д̇ам̣ д̣̇ассзнд̇о звамааха.
Tena ca samayena bhagavato dakkhiṇapasse āyasmā sāriputto nisinno hoti suvaṇṇapuñjo viya siriyā sobhamāno, taṃ dassento bhagavā mayā pavattitanti gāthamāha. Tattha anujāto tathāgatanti tathāgataṃ hetuṃ anujāto, tathāgatena hetunā jātoti attho. Apica avajāto anujāto atijātoti tayo vuttā. Tesu avajāto dussīlo, so tathāgatassa putto nāma na hoti. Atijāto nāma pitarā uttaritaro, tādisopi tathāgatassa putto natthi. Tathāgatassa pana eko anujātova putto hoti, taṃ dassento evamāha.
звам̣ ‘‘го ну сзнаабад̇ий’’д̇и бан̃хам̣ б̣яаагарид̇ваа яам̣ сзло ааха ‘‘самб̣уд̣̇д̇хо бадиж̇аанаасий’’д̇и, д̇ад̇ра нам̣ нигган̇кам̣ гаад̇угаамо ‘‘наахам̣ бадин̃н̃аамад̇д̇знзва бадиж̇аанаами, абижаахам̣ иминаа гааран̣зна б̣уд̣̇д̇хо’’д̇и н̃аабзд̇ум̣ абхин̃н̃зяяанд̇и г̇аат̇амааха. д̇ад̇ра абхин̃н̃зяяанд̇и виж̇ж̇аа жа вимуд̇д̇и жа. бхаавзд̇аб̣б̣ам̣ маг̇г̇асажжам̣. бахаад̇аб̣б̣ам̣ самуд̣̇аяасажжам̣. хзд̇уважанзна бана паласид̣̇д̇хид̇о д̇зсам̣ палаани нирод̇хасажжад̣̇угкасажжааниби вуд̇д̇аанзва хонд̇и. звам̣ сажчигаад̇аб̣б̣ам̣ сажчигад̇ам̣ барин̃н̃аад̇аб̣б̣ам̣ барин̃н̃аад̇анд̇и ид̣̇амбзд̇т̇а сан̇г̇ахид̇анд̇и жад̇усажжабхааванаапалан̃жа вимуд̇д̇ин̃жа д̣̇ассзнд̇о ‘‘б̣уж̇жхид̇аб̣б̣ам̣ б̣уж̇жхид̇ваа б̣уд̣̇д̇хо ж̇аад̇осмий’’д̇и яуд̇д̇ахзд̇унаа б̣уд̣̇д̇хабхаавам̣ саад̇хзд̇и.
Evaṃ ‘‘ko nu senāpatī’’ti pañhaṃ byākaritvā yaṃ selo āha ‘‘sambuddho paṭijānāsī’’ti, tatra naṃ nikkaṅkhaṃ kātukāmo ‘‘nāhaṃ paṭiññāmatteneva paṭijānāmi, apicāhaṃ iminā kāraṇena buddho’’ti ñāpetuṃ abhiññeyyanti gāthamāha. Tatra abhiññeyyanti vijjā ca vimutti ca. Bhāvetabbaṃ maggasaccaṃ. Pahātabbaṃ samudayasaccaṃ. Hetuvacanena pana phalasiddhito tesaṃ phalāni nirodhasaccadukkhasaccānipi vuttāneva honti. Evaṃ sacchikātabbaṃ sacchikataṃ pariññātabbaṃ pariññātanti idampettha saṅgahitanti catusaccabhāvanāphalañca vimuttiñca dassento ‘‘bujjhitabbaṃ bujjhitvā buddho jātosmī’’ti yuttahetunā buddhabhāvaṃ sādheti.
звам̣ ниббарияааязна ад̇д̇аанам̣ аавигад̇ваа ад̇д̇ани ган̇каавид̇аран̣ад̇т̇ам̣ б̣раахман̣ам̣ ад̇ижаарияамаано винаяассууд̇и г̇аат̇ад̇д̇аяамааха. д̇ад̇т̇а саллагад̇д̇од̇и рааг̇аад̣̇исаллаганд̇ано. ануд̇д̇арод̇и яат̇аа б̣аахиравзж̇ж̇зна вуубасамид̇арог̇о имасмин̃н̃звад̇д̇абхаавз губбад̇и, на звам̣. маяаа вуубасамид̇асса бана рог̇асса бхаванд̇арзби уббад̇д̇и над̇т̇и, д̇асмаа ахам̣ ануд̇д̇арод̇и ад̇т̇о. б̣рахмабхууд̇од̇и сздтабхууд̇о. ад̇ид̇улод̇и д̇улам̣ ад̇ийд̇о, нирубамод̇и ад̇т̇о. маарасзнаббамад̣̇д̣̇анод̇и гаамаа д̇з батамаа сзнаад̇и звам̣ ааг̇ад̇ааяа маарасзнааяа бамад̣̇д̣̇ано. саб̣б̣аамид̇д̇зд̇и канд̇хагилзсаабхисан̇каарамажжуд̣̇звабуд̇д̇амаарасан̇каад̇з саб̣б̣абажжад̇т̇игз. васийгад̇ваад̇и ад̇д̇ано васз вад̇д̇зд̇ваа. агуд̇обхаяод̇и гуд̇ожи абхаяо.
Evaṃ nippariyāyena attānaṃ āvikatvā attani kaṅkhāvitaraṇatthaṃ brāhmaṇaṃ aticāriyamāno vinayassūti gāthattayamāha. Tattha sallakattoti rāgādisallakantano. Anuttaroti yathā bāhiravejjena vūpasamitarogo imasmiññevattabhāve kuppati, na evaṃ. Mayā vūpasamitassa pana rogassa bhavantarepi uppatti natthi, tasmā ahaṃ anuttaroti attho. Brahmabhūtoti seṭṭhabhūto. Atituloti tulaṃ atīto, nirupamoti attho. Mārasenappamaddanoti kāmā te paṭhamā senāti evaṃ āgatāya mārasenāya pamaddano. Sabbāmitteti khandhakilesābhisaṅkhāramaccudevaputtamārasaṅkhāte sabbapaccatthike. Vasīkatvāti attano vase vattetvā. Akutobhayoti kutoci abhayo.
звам̣ вуд̇д̇з сзло б̣раахман̣о д̇аавад̣̇зва бхаг̇авад̇и сан̃ж̇аад̇абасаад̣̇о баб̣б̣аж̇ж̇аабзгко худ̇ваа имам̣ бхонд̇од̇и г̇аат̇ад̇д̇аяамааха. д̇ад̇т̇а ган̣хаабхиж̇аад̇игод̇и жан̣д̣аалаад̣̇инийжагулз ж̇аад̇о. д̇ад̇о д̇зби маан̣авагаа баб̣б̣аж̇ж̇аабзгкаа худ̇ваа зван̃жз ружжад̇и, бход̇од̇и г̇аат̇амаахам̣су. ат̇а сзло д̇зсу маан̣авагзсу д̇удтажид̇д̇о д̇з жа д̣̇ассзнд̇о баб̣б̣аж̇ж̇ам̣ яаажанд̇о ‘‘б̣раахман̣аа’’д̇и г̇аат̇амааха.
Evaṃ vutte selo brāhmaṇo tāvadeva bhagavati sañjātapasādo pabbajjāpekkho hutvā imaṃ bhontoti gāthattayamāha. Tattha kaṇhābhijātikoti caṇḍālādinīcakule jāto. Tato tepi māṇavakā pabbajjāpekkhā hutvā evañce ruccati, bhototi gāthamāhaṃsu. Atha selo tesu māṇavakesu tuṭṭhacitto te ca dassento pabbajjaṃ yācanto ‘‘brāhmaṇā’’ti gāthamāha.
д̇ад̇о бхаг̇аваа яасмаа сзло ад̇ийд̇з бад̣̇умуд̇д̇арасса бхаг̇авад̇о саасанз д̇зсам̣язва д̇ин̣н̣ам̣ бурисасад̇аанам̣ г̇ан̣асздто худ̇ваа д̇зхи сад̣̇д̇хим̣ баривзн̣ам̣ гаарзд̇ваа д̣̇аанаад̣̇ийни бун̃н̃аани гад̇ваа д̇зна гаммзна д̣̇звамануссасамбад̇д̇им̣ анубхавамаано бажчимз бхавз д̇зсам̣язва аажарияо худ̇ваа ниб̣б̣ад̇д̇о, д̇ан̃жа д̇зсам̣ гаммам̣ вимуд̇д̇ибарибаагааяа барибаггам̣ зхибхигкубхаавасса жа убаниссаяабхууд̇ам̣, д̇асмаа д̇з саб̣б̣зва зхибхигкубаб̣б̣аж̇ж̇ам̣ баб̣б̣ааж̇знд̇о сваагкаад̇анд̇и г̇аат̇амааха. д̇ад̇т̇а санд̣̇идтиганд̇и саяамзва д̣̇адтаб̣б̣ам̣ бажжагкам̣. агаалиганд̇и маг̇г̇аананд̇арапалуббад̇д̇ияаа на гааланд̇арам̣ бад̇д̇аб̣б̣апалам̣. яад̇т̇а амогхаад̇и яасмим̣ маг̇г̇аб̣рахмажарияз аббамад̇д̇асса сигкад̇д̇аяабууран̣зна сигкад̇о баб̣б̣аж̇ж̇аа амогхаа ход̇и, сапалаад̇и ад̇т̇о. зван̃жа вад̇ваа ‘‘зт̇а бхигкаво’’д̇и бхаг̇аваа авожа. д̇з саб̣б̣з бад̇д̇ажийварад̇хараа худ̇ваа аагаасзнааг̇анд̇ваа вассасад̇игад̇т̇зраа вияа сувинийд̇аа бхаг̇аванд̇ам̣ абхиваад̣̇аяим̣су. звамимам̣ д̇зсам̣ зхибхигкубхаавам̣ санд̇хааяа ‘‘алад̇т̇а ко сзло’’д̇иаад̣̇и вуд̇д̇ам̣.
Tato bhagavā yasmā selo atīte padumuttarassa bhagavato sāsane tesaṃyeva tiṇṇaṃ purisasatānaṃ gaṇaseṭṭho hutvā tehi saddhiṃ pariveṇaṃ kāretvā dānādīni puññāni katvā tena kammena devamanussasampattiṃ anubhavamāno pacchime bhave tesaṃyeva ācariyo hutvā nibbatto, tañca tesaṃ kammaṃ vimuttiparipākāya paripakkaṃ ehibhikkhubhāvassa ca upanissayabhūtaṃ, tasmā te sabbeva ehibhikkhupabbajjaṃ pabbājento svākkhātanti gāthamāha. Tattha sandiṭṭhikanti sayameva daṭṭhabbaṃ paccakkhaṃ. Akālikanti maggānantaraphaluppattiyā na kālantaraṃ pattabbaphalaṃ. Yattha amoghāti yasmiṃ maggabrahmacariye appamattassa sikkhattayapūraṇena sikkhato pabbajjā amoghā hoti, saphalāti attho. Evañca vatvā ‘‘etha bhikkhavo’’ti bhagavā avoca. Te sabbe pattacīvaradharā hutvā ākāsenāgantvā vassasatikattherā viya suvinītā bhagavantaṃ abhivādayiṃsu. Evamimaṃ tesaṃ ehibhikkhubhāvaṃ sandhāya ‘‘alattha kho selo’’tiādi vuttaṃ.
400. имаахийд̇и имаахи гзн̣ияасса жид̇д̇аанугуулаахи г̇аат̇аахи. д̇ад̇т̇а аг̇г̇ибарижарияам̣ винаа б̣раахман̣аанам̣ яан̃н̃аабхаавад̇о ‘‘аг̇г̇ихуд̇д̇амукаа яан̃н̃аа’’д̇и вуд̇д̇ам̣. аг̇г̇ихуд̇д̇асздтаа аг̇г̇иж̇уханаббад̇хаанаад̇и ад̇т̇о. взд̣̇з саж̇жхааяанд̇зхи батамам̣ саж̇жхааяид̇аб̣б̣ад̇о, саавид̇д̇ий, ‘‘чанд̣̇асо мука’’нд̇и вуд̇д̇о. мануссаанам̣ сздтад̇о рааж̇аа ‘‘мука’’нд̇и вуд̇д̇о. над̣̇ийнам̣ аад̇хаарад̇о бадисаран̣ад̇о жа сааг̇аро ‘‘мука’’нд̇и вуд̇д̇о. жанд̣̇аяог̇авасзна ‘‘аж̇ж̇а гад̇д̇игаа аж̇ж̇а рохин̣ий’’д̇и сан̃н̃аан̣ад̇о аалогагаран̣ад̇о соммабхаавад̇о жа ‘‘нагкад̇д̇аанам̣ мукам̣ жанд̣̇о’’д̇и вуд̇д̇ам̣. д̇абанд̇аанам̣ аг̇г̇ад̇д̇аа аад̣̇ижжо ‘‘д̇абад̇ам̣ мука’’нд̇и вуд̇д̇о. д̣̇агкин̣зяяаанам̣ бана аг̇г̇ад̇д̇аа висзсзна д̇асмим̣ самаяз б̣уд̣̇д̇хаббамукам̣ сан̇гхам̣ санд̇хааяа ‘‘бун̃н̃ам̣ ааган̇камаанаанам̣, сан̇гхо зва яаж̇ад̇ам̣ мука’’нд̇и вуд̇д̇ам̣. д̇зна сан̇гхо бун̃н̃асса ааяамуканд̇и д̣̇ассзд̇и.
400.Imāhīti imāhi keṇiyassa cittānukūlāhi gāthāhi. Tattha aggiparicariyaṃ vinā brāhmaṇānaṃ yaññābhāvato ‘‘aggihuttamukhā yaññā’’ti vuttaṃ. Aggihuttaseṭṭhā aggijuhanappadhānāti attho. Vede sajjhāyantehi paṭhamaṃ sajjhāyitabbato, sāvittī, ‘‘chandaso mukha’’nti vutto. Manussānaṃ seṭṭhato rājā ‘‘mukha’’nti vutto. Nadīnaṃ ādhārato paṭisaraṇato ca sāgaro ‘‘mukha’’nti vutto. Candayogavasena ‘‘ajja kattikā ajja rohiṇī’’ti saññāṇato ālokakaraṇato sommabhāvato ca ‘‘nakkhattānaṃ mukhaṃ cando’’ti vuttaṃ. Tapantānaṃ aggattā ādicco ‘‘tapataṃ mukha’’nti vutto. Dakkhiṇeyyānaṃ pana aggattā visesena tasmiṃ samaye buddhappamukhaṃ saṅghaṃ sandhāya ‘‘puññaṃ ākaṅkhamānānaṃ, saṅgho eva yajataṃ mukha’’nti vuttaṃ. Tena saṅgho puññassa āyamukhanti dasseti.
яам̣ д̇ам̣ саран̣анд̇и ан̃н̃ам̣ б̣яаагаран̣аг̇аат̇амааха. д̇ассад̇т̇о – бан̃жахи жагкуухи жагкумаа бхаг̇аваа яасмаа маяам̣ ид̇о адтамз д̣̇ивасз д̇ам̣ саран̣ам̣ ааг̇ад̇амхаа, д̇асмаа ад̇д̇анаа д̇ава саасанз ануд̇д̇арзна д̣̇амат̇зна д̣̇анд̇аамхаа, ахо д̇з саран̣асса аанубхаавод̇и.
Yaṃ taṃ saraṇanti aññaṃ byākaraṇagāthamāha. Tassattho – pañcahi cakkhūhi cakkhumā bhagavā yasmā mayaṃ ito aṭṭhame divase taṃ saraṇaṃ āgatamhā, tasmā attanā tava sāsane anuttarena damathena dantāmhā, aho te saraṇassa ānubhāvoti.
д̇ад̇о барам̣ бхаг̇аванд̇ам̣ д̣̇вийхи г̇аат̇аахи т̇омзд̇ваа д̇ад̇ияааяа ванд̣̇анам̣ яаажанд̇о бхигкаво д̇исад̇аа имзд̇иаад̣̇имаахаад̇и.
Tato paraṃ bhagavantaṃ dvīhi gāthāhi thometvā tatiyāya vandanaṃ yācanto bhikkhavo tisatā imetiādimāhāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сзласуд̇д̇аван̣н̣анаа нидтид̇аа.
Selasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. сзласуд̇д̇ам̣ • 2. Selasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. сзласуд̇д̇аван̣н̣анаа • 2. Selasuttavaṇṇanā
