| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. сзласуд̇д̇аван̣н̣анаа
2. Selasuttavaṇṇanā
396. гзн̣ияод̇и д̇асса наамам̣, буб̣б̣з гзн̣ияаа ж̇ийвигаагаббанад̇од̇и вад̣̇анд̇и. ж̇адилод̇и ж̇адаад̇харо. б̣раахман̣аж̇аад̇игад̇д̇аа годисаарад̇ааяа жа б̣раахман̣амахаасаало. баяож̇зд̇ваа ниссаяо худ̇ваа васад̇и, рад̇д̇им̣ гаамасамбад̇д̇им̣ анубхавад̇ийд̇и ваа яож̇анаа. сусан̇кад̇анд̇и саббимад̇хусаггараад̣̇ийхи жзва марижасин̇г̇ийвзраад̣̇ийхи жа судту абхисан̇кад̇ам̣.
396.Keṇiyotitassa nāmaṃ, pubbe keṇiyā jīvikākappanatoti vadanti. Jaṭiloti jaṭādharo. Brāhmaṇajātikattā koṭisāratāya ca brāhmaṇamahāsālo. Payojetvā nissayo hutvā vasati, rattiṃ kāmasampattiṃ anubhavatīti vā yojanā. Susaṅkhatanti sappimadhusakkarādīhi ceva maricasiṅgīverādīhi ca suṭṭhu abhisaṅkhataṃ.
бадигкзбабасаннад̇ааяаад̇и аховад̇ааяам̣ аббижчо, яо ниманд̇ияамааноби на саад̣̇ияад̇ийд̇и убаниманд̇ияамаанасса бадигкзбз д̇ид̇т̇ияаанам̣ басаннабхаавад̇од̇и. д̇ам̣ гат̇ам̣? вируд̣̇д̇хамзд̇анд̇и ‘‘агааран̣амзд̇а’’нд̇и бадигкибад̇и.
Paṭikkhepapasannatāyāti ahovatāyaṃ appiccho, yo nimantiyamānopi na sādiyatīti upanimantiyamānassa paṭikkhepe titthiyānaṃ pasannabhāvatoti. Taṃ kathaṃ? Viruddhametanti ‘‘akāraṇameta’’nti paṭikkhipati.
398. габбасахассзхиби…бз… ахосийд̇и ид̣̇ам̣ наануссавасид̣̇д̇хам̣ анумаанаг̇г̇ахан̣ам̣ санд̇хааяааха. бад̣̇зд̇и уд̇д̇арабад̣̇алобзна нид̣̇д̣̇зсод̇и ааха ‘‘бад̣̇аббамаан̣з’’д̇и. баж̇ж̇ад̇и нигкибад̇и зд̇т̇аад̇и ваа бад̣̇ам̣ багад̇ияаа баад̣̇анигкибадтаанам̣, д̇асмим̣ бад̣̇з. гийл̣аабасуд̇ад̇аад̣̇инаа бамаад̣̇ам̣ аабаж̇ж̇ад̇и. б̣од̇хисад̇д̇ажаариганд̇и д̣̇уггаражарияам̣ санд̇хааяа вад̣̇ад̇и.
398.Kappasahassehipi…pe… ahosīti idaṃ nānussavasiddhaṃ anumānaggahaṇaṃ sandhāyāha. Padeti uttarapadalopena niddesoti āha ‘‘padappamāṇe’’ti. Pajjati nikkhipati etthāti vā padaṃ pakatiyā pādanikkhipaṭṭhānaṃ, tasmiṃ pade. Kīḷāpasutatādinā pamādaṃ āpajjati. Bodhisattacārikanti dukkaracariyaṃ sandhāya vadati.
399. барибун̣н̣ад̇ааяаад̇и ануунад̇ааяа. ахийнан̇г̇ад̇ааяаад̇и авзгаллабхаавад̇о. рожад̇ийд̇и ружи, д̣̇зхаббабхаа, собхан̣аа ружи зд̇ассаад̇и суружи. аарохасамбад̇д̇и гааяасса бамаан̣аяуд̇д̇аужжад̇аа. барин̣аахасамбад̇д̇и гисат̇уулабхаававаж̇ж̇ид̇абарин̣аахад̇аа. сан̣таанасамбад̇д̇и аваяаваанам̣ сусан̣тид̇ад̇аа. жааруд̣̇ассанод̇и бияад̣̇ассано д̇знааха ‘‘сужирамбий’’д̇иаад̣̇и. суван̣н̣асад̣̇исаван̣н̣од̇и ж̇аад̇ихин̇г̇улагзна мад̣̇д̣̇ид̇ваа силаанигхам̣сзнзва баригаммам̣ гад̇ваа табид̇агханасуван̣н̣аруубаван̣н̣о. махаабурисабхаавам̣ б̣яан̃ж̇знд̇и багаасзнд̇ийд̇и б̣яан̃ж̇анаани, махаабурисалагкан̣аанийд̇и ааха ‘‘батамам̣ вуд̇д̇аб̣яан̃ж̇анаанзваа’’д̇и.
399.Paripuṇṇatāyāti anūnatāya. Ahīnaṅgatāyāti avekallabhāvato. Rocatīti ruci, dehappabhā, sobhaṇā ruci etassāti suruci. Ārohasampatti kāyassa pamāṇayuttauccatā. Pariṇāhasampatti kisathūlabhāvavajjitapariṇāhatā. Saṇṭhānasampatti avayavānaṃ susaṇṭhitatā. Cārudassanoti piyadassano tenāha ‘‘sucirampī’’tiādi. Suvaṇṇasadisavaṇṇoti jātihiṅgulakena madditvā silānighaṃseneva parikammaṃ katvā ṭhapitaghanasuvaṇṇarūpavaṇṇo. Mahāpurisabhāvaṃ byañjenti pakāsentīti byañjanāni, mahāpurisalakkhaṇānīti āha ‘‘paṭhamaṃ vuttabyañjanānevā’’ti.
буб̣б̣з вуд̇д̇анд̇и ‘‘суружий’’д̇и буб̣б̣з вуд̇д̇ам̣, ‘‘аад̣̇ижжова вирожасий’’д̇и буна вуд̇д̇ам̣. ‘‘жааруд̣̇ассано суван̣н̣аван̣н̣осий’’д̇и буб̣б̣з вуд̇д̇ам̣, ‘‘галяаан̣ад̣̇ассано бхигку ган̃жанаабхад̇д̇ажо’’д̇и буна вуд̇д̇анд̇и имамад̇т̇ам̣ санд̇хааяааха ‘‘уд̇д̇араг̇аат̇ааяаби зсзва наяо’’д̇и. саад̇исаяам̣ уд̇д̇амаван̣н̣з ван̣н̣зд̇ваа уд̇д̇амаван̣н̣инод̇и бад̣̇зна санд̇ам̣ багаасзд̇ийд̇и ааха ‘‘уд̇д̇амаван̣н̣асамбаннассаа’’д̇и. уд̇д̇амасаарат̇ийд̇и сздтабурисасаарат̇и. д̇ад̇т̇а д̇ад̇т̇а ж̇амб̣уванасан̣д̣аман̣д̣ид̇ад̇ааяа ж̇амб̣уд̣̇ийбо ‘‘ж̇амб̣усан̣д̣о’’д̇и вужжад̇и. иссарияанд̇и жаггавад̇д̇иссарияам̣.
Pubbe vuttanti ‘‘surucī’’ti pubbe vuttaṃ, ‘‘ādiccova virocasī’’ti puna vuttaṃ. ‘‘Cārudassano suvaṇṇavaṇṇosī’’ti pubbe vuttaṃ, ‘‘kalyāṇadassano bhikkhu kañcanābhattaco’’ti puna vuttanti imamatthaṃ sandhāyāha ‘‘uttaragāthāyapi eseva nayo’’ti. Sātisayaṃ uttamavaṇṇe vaṇṇetvā uttamavaṇṇinoti padena santaṃ pakāsetīti āha ‘‘uttamavaṇṇasampannassā’’ti. Uttamasārathīti seṭṭhapurisasārathi. Tattha tattha jambuvanasaṇḍamaṇḍitatāya jambudīpo ‘‘jambusaṇḍo’’ti vuccati. Issariyanti cakkavattissariyaṃ.
ж̇аад̇икад̇д̇ияаад̇и ж̇аад̇иманд̇о кад̇д̇ияаа. рааж̇аабхирааж̇аад̇и зд̇т̇а абхи-сад̣̇д̣̇о бууж̇ад̇т̇од̇и ааха ‘‘рааж̇уунам̣ бууж̇анийяо’’д̇и.
Jātikhattiyāti jātimanto khattiyā. Rājābhirājāti ettha abhi-saddo pūjatthoti āha ‘‘rājūnaṃ pūjanīyo’’ti.
аббамаан̣аад̇и абаримаан̣аа логад̇хаад̇уяо. ‘‘яаавад̇аа бана ааган̇кзяяаа’’д̇и (а. ни. 3.81) хи вуд̇д̇ам̣. д̇хаммарааж̇аа ануд̇д̇арод̇и зд̇т̇а вуд̇д̇аануд̇д̇арабхаавам̣ ‘‘яаавад̇аа хий’’д̇иаад̣̇инаа баагадад̇арам̣ гад̇ваа д̇хаммарааж̇абхаавам̣ вибхаавзд̇ум̣ ‘‘свааха’’нд̇иаад̣̇и вуд̇д̇ам̣. д̇хаммзнаад̇и бадивзд̇хад̇хаммзна. д̇знааха ‘‘ануд̇д̇арзнзваа’’д̇и. ануд̇д̇арзнаад̇и висидтзна уд̇д̇амзна. имасмим̣ багкз д̇хаммзнаад̇и бадибад̇д̇ид̇хаммзнаад̇иби сан̇г̇аяхад̇и. барияад̇д̇ид̇хаммзнаад̇и д̣̇зсанаад̇хаммзна аан̣аажаггам̣ бавад̇д̇змийд̇и яож̇анаа. д̣̇зсанаан̃аан̣абадивзд̇хан̃аан̣авибхааг̇ам̣ д̇хаммажаггамзва ваа. аббадивад̇д̇ияанд̇и бадивад̇д̇ид̇ум̣ асаггун̣зяяам̣.
Appamāṇāti aparimāṇā lokadhātuyo. ‘‘Yāvatā pana ākaṅkheyyā’’ti (a. ni. 3.81) hi vuttaṃ. Dhammarājā anuttaroti ettha vuttaanuttarabhāvaṃ ‘‘yāvatā hī’’tiādinā pākaṭataraṃ katvā dhammarājabhāvaṃ vibhāvetuṃ ‘‘svāha’’ntiādi vuttaṃ. Dhammenāti paṭivedhadhammena. Tenāha ‘‘anuttarenevā’’ti. Anuttarenāti visiṭṭhena uttamena. Imasmiṃ pakkhe dhammenāti paṭipattidhammenātipi saṅgayhati. Pariyattidhammenāti desanādhammena āṇācakkaṃ pavattemīti yojanā. Desanāñāṇapaṭivedhañāṇavibhāgaṃ dhammacakkameva vā. Appaṭivattiyanti paṭivattituṃ asakkuṇeyyaṃ.
д̇ат̇ааг̇ад̇зна ж̇аад̇од̇и д̇ат̇ааг̇ад̇зна хзд̇унаа арияааяа ж̇аад̇ияаа ж̇аад̇о. хзд̇уад̇т̇з гаран̣аважанам̣. ануж̇аад̇од̇и жа вуд̇д̇з ану-сад̣̇д̣̇асса васзна д̇ат̇ааг̇ад̇анд̇и жа убаяог̇аважанамзва ход̇и, со жа ану-сад̣̇д̣̇о хзд̇уад̇т̇аж̇од̇агод̇и ааха ‘‘д̇ат̇ааг̇ад̇ам̣ хзд̇ум̣ ануж̇аад̇о’’д̇и. аван̃н̃аад̇аб̣б̣абхаавзна ж̇аад̇од̇и аваж̇аад̇о д̣̇уббадибаннад̇д̇аа. д̇знааха ‘‘д̣̇уссийло’’д̇и. д̇ат̇аа хи вуд̇д̇ам̣ гогаалигам̣ аараб̣бха ‘‘бурисанд̇агали аваж̇аад̇о’’д̇и. буд̇д̇о наама на ход̇и д̇асса оваад̣̇аанусаасанияам̣ адтид̇ад̇д̇аа. звамаахаад̇и ‘‘ануж̇аад̇о д̇ат̇ааг̇ад̇а’’нд̇и звамааха.
Tathāgatena jātoti tathāgatena hetunā ariyāya jātiyā jāto. Hetuatthe karaṇavacanaṃ. Anujātoti ca vutte anu-saddassa vasena tathāgatanti ca upayogavacanameva hoti, so ca anu-saddo hetuatthajotakoti āha ‘‘tathāgataṃ hetuṃ anujāto’’ti. Avaññātabbabhāvena jātoti avajāto duppaṭipannattā. Tenāha ‘‘dussīlo’’ti. Tathā hi vuttaṃ kokālikaṃ ārabbha ‘‘purisantakali avajāto’’ti. Putto nāma na hoti tassa ovādānusāsaniyaṃ aṭṭhitattā. Evamāhāti ‘‘anujāto tathāgata’’nti evamāha.
виж̇ж̇аад̇и маг̇г̇авиж̇ж̇аа. уггадтанид̣̇д̣̇зсзна вимуд̇д̇ийд̇и палавимуд̇д̇и. нану жа маг̇г̇о бхаавзд̇аб̣б̣зна г̇ахид̇од̇и? сажжам̣ г̇ахид̇о, саб̣б̣з жа бана сад̇д̇а д̇хаммаа абхин̃н̃зяяаад̇и виж̇ж̇ааяа абхин̃н̃зяяабхааво вуд̇д̇о. иминаа ваа наязна саб̣б̣зсамби абхин̃н̃зяяабхааво вуд̇д̇о зваад̇и взд̣̇ид̇аб̣б̣о. палзна винаа хзд̇убхаавассзва абхаавад̇о хзд̇уважанзна паласид̣̇д̇хи, нирод̇хасса жа самбаабанзна маг̇г̇асса хзд̇убхааво. д̣̇угкасса ниб̣б̣ад̇д̇анзна д̇ан̣хааяа самуд̣̇аяабхаавод̇и имамад̇т̇ам̣ сан̇г̇ахид̇амзва ад̇т̇ад̇о аабаннад̇д̇аа. яуд̇д̇ахзд̇унаад̇и яуд̇д̇ияуд̇д̇зна хзд̇унаа б̣уд̣̇д̇хабхаавам̣ саад̇хзд̇и сажжавинимуд̇д̇асса б̣уж̇жхид̇аб̣б̣асса абхаавад̇о сажжасамб̣од̇ханзнзва жа д̇асса анавасзсад̇о б̣уд̣̇д̇хад̇д̇аа. ад̇т̇аважанан̃жзд̇ам̣, баяог̇аважанаани бана – б̣раахман̣а, ахам̣ саммаасамб̣уд̣̇д̇хо саб̣б̣ат̇аа авибарийд̇ад̇хаммад̣̇зсано, саммаасамб̣уд̣̇д̇хад̇д̇аа саб̣б̣ад̇т̇а авибарийд̇амаажигкад̇и яат̇аахам̣ саб̣б̣амаг̇г̇ад̣̇зсагод̇и . гим̣ бана бхаг̇аваа саяамзва ад̇д̇ано саммаасамб̣уд̣̇д̇хабхаавам̣ аарожзд̇ийд̇и? махаагарун̣ааяа ан̃н̃зсам̣ махаависаяад̇о. д̇ад̇т̇а ‘‘згомхи саммаасамб̣уд̣̇д̇хо, саб̣б̣аабхибхуу саб̣б̣авид̣̇уухамасмий’’д̇иаад̣̇ийни (махаава. 11; ма. ни. 1.285; 2.341; гат̇аа. 405) суд̇д̇абад̣̇аани ид̣̇амзва жа суд̇д̇абад̣̇ам̣ зд̇асса ад̇т̇асса саад̇хагам̣.
Vijjāti maggavijjā. Ukkaṭṭhaniddesena vimuttīti phalavimutti. Nanu ca maggo bhāvetabbena gahitoti? Saccaṃ gahito, sabbe ca pana satta dhammā abhiññeyyāti vijjāya abhiññeyyabhāvo vutto. Iminā vā nayena sabbesampi abhiññeyyabhāvo vutto evāti veditabbo. Phalena vinā hetubhāvasseva abhāvato hetuvacanena phalasiddhi, nirodhassa ca sampāpanena maggassa hetubhāvo. Dukkhassa nibbattanena taṇhāya samudayabhāvoti imamatthaṃ saṅgahitameva atthato āpannattā. Yuttahetunāti yuttiyuttena hetunā buddhabhāvaṃ sādheti saccavinimuttassa bujjhitabbassa abhāvato saccasambodhaneneva ca tassa anavasesato buddhattā. Atthavacanañcetaṃ, payogavacanāni pana – brāhmaṇa, ahaṃ sammāsambuddho sabbathā aviparītadhammadesano, sammāsambuddhattā sabbattha aviparītamācikkhati yathāhaṃ sabbamaggadesakoti . Kiṃ pana bhagavā sayameva attano sammāsambuddhabhāvaṃ ārocetīti? Mahākaruṇāya aññesaṃ mahāvisayato. Tattha ‘‘ekomhi sammāsambuddho, sabbābhibhū sabbavidūhamasmī’’tiādīni (mahāva. 11; ma. ni. 1.285; 2.341; kathā. 405) suttapadāni idameva ca suttapadaṃ etassa atthassa sādhakaṃ.
саллаганд̇анод̇и саллаанам̣ самужчиннад̇д̇аа. рог̇ассаад̇и гилзсарог̇асса. д̇асмаад̇и абунабавад̇д̇ибаад̣̇анзна д̇игижчанад̇о. б̣рахмам̣ ваа сздтам̣ саммаасамб̣од̇хим̣ бад̇д̇од̇и б̣рахмабхууд̇о. звам̣ ааг̇ад̇ааяаад̇и иминаа –
Sallakantanoti sallānaṃ samucchinnattā. Rogassāti kilesarogassa. Tasmāti apunapavattipādanena tikicchanato. Brahmaṃ vā seṭṭhaṃ sammāsambodhiṃ pattoti brahmabhūto. Evaṃ āgatāyāti iminā –
‘‘гаамаа д̇з батамаа сзнаа, д̣̇уд̇ияаа арад̇и вужжад̇и;
‘‘Kāmā te paṭhamā senā, dutiyā arati vuccati;
д̇ад̇ияаа куббибаасаа д̇з, жад̇уд̇т̇ий д̇ан̣хаа бавужжад̇и.
Tatiyā khuppipāsā te, catutthī taṇhā pavuccati.
т̇инамид̣̇д̇хам̣ д̇збан̃жамам̣ т̇инамид̣̇д̇хам̣ д̇з, чадтаа бхийруу бавужжад̇и;
Thinamiddhaṃ tepañcamaṃ thinamiddhaṃ te, chaṭṭhā bhīrū pavuccati;
сад̇д̇амий вижигижчаа д̇з, магко т̇амбхо д̇з адтамо.
Sattamī vicikicchā te, makkho thambho te aṭṭhamo.
лаабхо силого саггааро, мижчаалад̣̇д̇хо жа яо яасо;
Lābho siloko sakkāro, micchāladdho ca yo yaso;
яо жад̇д̇аанам̣ самуггам̣сз, барз жа аваж̇аанад̇и;
Yo cattānaṃ samukkaṃse, pare ca avajānati;
зсаа намужи д̇з сзнаа, ган̣хассаабхиббахаариний’’д̇и. (су. ни. 438-441);
Esā namuci te senā, kaṇhassābhippahārinī’’ti. (su. ni. 438-441);
звам̣ вуд̇д̇ам̣ нававид̇хам̣ сзнам̣ сан̇г̇аяхад̇и. васз вад̇д̇зд̇ваад̇и самужчинд̣̇анзна ануббаад̣̇ад̇аабаад̣̇анзна васз вад̇д̇зд̇ваа. гуд̇ожи абхаяо ниб̣бхаяо.
Evaṃ vuttaṃ navavidhaṃ senaṃ saṅgayhati. Vase vattetvāti samucchindanena anuppādatāpādanena vase vattetvā. Kutoci abhayo nibbhayo.
саяамзва д̣̇адтаб̣б̣анд̇и язна язна ад̇хиг̇ад̇о, д̇зна д̇зна барасад̣̇д̇хааяа г̇анд̇аб̣б̣ам̣ хид̇ваа асаммохад̇о бажжавзгкан̣аан̃аан̣знзва саамам̣ д̣̇адтаб̣б̣ам̣. д̇знааха ‘‘бажжагка’’нд̇и. басадтаа д̣̇идти санд̣̇идти. яат̇аа рат̇зна ж̇аяад̇ийд̇и рат̇иго, звам̣ ид̣̇ам̣ маг̇г̇аб̣рахмажарияам̣ санд̣̇идтияаа ж̇аяад̇ийд̇и санд̣̇идтигам̣. ат̇а ваа д̣̇идтанд̇и д̣̇ассанам̣ вужжад̇и, д̣̇идтамзва санд̣̇идтам̣, санд̣̇ассананд̇и ад̇т̇о. санд̣̇идтам̣ арахад̇ийд̇и санд̣̇идтиго яат̇аа вад̇т̇аяуг̇ам̣ арахад̇ийд̇и вад̇т̇аяуг̇иго. санд̣̇идтигам̣ палад̣̇аанам̣ санд̇хааяа наасса гаалод̇и агаалам̣, агааламзва агаалигам̣, на гааланд̇арам̣ кзбзд̇ваа палам̣ д̣̇зд̇и, ад̇д̇ано бана бавад̇д̇исамананд̇арамзва палам̣ д̣̇зд̇ийд̇и ад̇т̇о. ат̇а ваа ад̇д̇ано палаббад̣̇аанз багадто гаало бад̇д̇о ассаад̇и гаалиго, логияо гусалад̇хаммо, ид̣̇ам̣ бана самананд̇арапалад̇д̇аа на гаалигам̣.
Sayameva daṭṭhabbanti yena yena adhigato, tena tena parasaddhāya gantabbaṃ hitvā asammohato paccavekkhaṇāñāṇeneva sāmaṃ daṭṭhabbaṃ. Tenāha ‘‘paccakkha’’nti. Pasaṭṭhā diṭṭhi sandiṭṭhi. Yathā rathena jayatīti rathiko, evaṃ idaṃ maggabrahmacariyaṃ sandiṭṭhiyā jayatīti sandiṭṭhikaṃ. Atha vā diṭṭhanti dassanaṃ vuccati, diṭṭhameva sandiṭṭhaṃ, sandassananti attho. Sandiṭṭhaṃ arahatīti sandiṭṭhiko yathā vatthayugaṃ arahatīti vatthayugiko. Sandiṭṭhikaṃ phaladānaṃ sandhāya nāssa kāloti akālaṃ, akālameva akālikaṃ, na kālantaraṃ khepetvā phalaṃ deti, attano pana pavattisamanantarameva phalaṃ detīti attho. Atha vā attano phalappadāne pakaṭṭho kālo patto assāti kāliko, lokiyo kusaladhammo, idaṃ pana samanantaraphalattā na kālikaṃ.
400. ‘‘махааяан̃н̃ам̣ бавад̇д̇аяий’’д̇иаад̣̇ийсу гзвалам̣ д̣̇аанад̇хаммаад̣̇ийсу яан̃н̃абарияааяасамбхавад̇о ‘‘б̣раахман̣аанам̣ яан̃н̃аабхаавад̇о’’д̇и вуд̇д̇ам̣. б̣раахман̣аа хи ‘‘аг̇г̇имукаа д̣̇зваа’’д̇и аг̇г̇иж̇уханабуб̣б̣агам̣ яан̃н̃ам̣ вид̣̇аханд̇и. д̇знааха ‘‘аг̇г̇иж̇уханаббад̇хаанаад̇и ад̇т̇о’’д̇и ‘‘бхуурбхува? сва?’’ ид̇и саавид̇д̇ий буб̣б̣агад̇д̇аа мукам̣ буб̣б̣ан̇г̇амам̣ . ‘‘мукамива мука’’нд̇иаад̣̇ийсу вияа ид̇хааби бад̇хаанабарияааяо мукасад̣̇д̣̇од̇и д̣̇ассзнд̇о ‘‘мануссаанам̣ сздтад̇о рааж̇аа ‘мука’нд̇и вуд̇д̇о’’д̇и ааха. аад̇хаарад̇од̇и ог̇ааханд̇ийнам̣ над̣̇ийнам̣ аад̇хаарабхаавад̇о бадисаран̣ад̇о г̇анд̇аб̣б̣адтаанабхаавад̇о. сан̃н̃аан̣ад̇од̇и жанд̣̇аяог̇авасзна аж̇ж̇а асуганагкад̇д̇анд̇и бан̃н̃ааяанад̇о. аалогагаран̣ад̇од̇и нагкад̇д̇аани абхибхавид̇ваа аалогагаран̣ад̇о. соммабхаавад̇од̇и сийд̇ахимаваасийд̇аваад̇уубагкарабхаавад̇о. д̇абанд̇аананд̇и д̣̇ийбасикаа аг̇г̇иж̇аалаа асанивижагганд̇и звамаад̣̇ийнам̣ виж̇ж̇аланд̇аанам̣. ааяамукам̣ аг̇г̇ад̣̇агкин̣зяяабхаавзна.
400. ‘‘Mahāyaññaṃ pavattayī’’tiādīsu kevalaṃ dānadhammādīsu yaññapariyāyasambhavato ‘‘brāhmaṇānaṃ yaññābhāvato’’ti vuttaṃ. Brāhmaṇā hi ‘‘aggimukhā devā’’ti aggijuhanapubbakaṃ yaññaṃ vidahanti. Tenāha ‘‘aggijuhanappadhānāti attho’’ti ‘‘bhūrbhuva? Sva?’’ Iti sāvittī pubbakattā mukhaṃ pubbaṅgamaṃ . ‘‘Mukhamiva mukha’’ntiādīsu viya idhāpi padhānapariyāyo mukhasaddoti dassento ‘‘manussānaṃ seṭṭhato rājā ‘mukha’nti vutto’’ti āha. Ādhāratoti ogāhantīnaṃ nadīnaṃ ādhārabhāvato paṭisaraṇato gantabbaṭṭhānabhāvato. Saññāṇatoti candayogavasena ajja asukanakkhattanti paññāyanato. Ālokakaraṇatoti nakkhattāni abhibhavitvā ālokakaraṇato. Sommabhāvatoti sītahimavāsītavātūpakkharabhāvato. Tapantānanti dīpasikhā aggijālā asanivicakkanti evamādīnaṃ vijjalantānaṃ. Āyamukhaṃ aggadakkhiṇeyyabhāvena.
д̣̇иб̣б̣ажагку д̇хаммажагку бан̃н̃аажагку б̣уд̣̇д̇хажагку саманд̇ажагкууд̇и имзхи бан̃жахи жагкуухи. д̇з саран̣ассаад̇и д̇з саран̣асса жа, д̇з саран̣абхаавамуулагад̇д̇аа ид̇арад̣̇ваяасса жа, яат̇аавуд̇д̇а д̇з-бад̣̇зна вуд̇д̇ад̇т̇ад̇о барасса жаад̇и ад̇т̇о. ид̣̇ам̣ вуд̇д̇ам̣ ход̇и – ‘‘д̇з д̇уяхам̣, ид̇арасса жа саран̣асса ахо аанубхааво’’д̇и. аавуд̇д̇ивасзна ваа д̇з саран̣ассаад̇и зд̇т̇а ад̇т̇о вибхаавзд̇аб̣б̣о – д̇уяхам̣ саран̣абхууд̇асса жа ид̇арасаран̣асса жа аанубхаавод̇и. сзсам̣ сувин̃н̃зяяамзва.
Dibbacakkhu dhammacakkhu paññācakkhu buddhacakkhu samantacakkhūti imehi pañcahi cakkhūhi. Te saraṇassāti te saraṇassa ca, te saraṇabhāvamūlakattā itaradvayassa ca, yathāvutta te-padena vuttatthato parassa cāti attho. Idaṃ vuttaṃ hoti – ‘‘te tuyhaṃ, itarassa ca saraṇassa aho ānubhāvo’’ti. Āvuttivasena vā te saraṇassāti ettha attho vibhāvetabbo – tuyhaṃ saraṇabhūtassa ca itarasaraṇassa ca ānubhāvoti. Sesaṃ suviññeyyameva.
сзласуд̇д̇аван̣н̣анааяа лийнад̇т̇аббагаасанаа самад̇д̇аа.
Selasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. сзласуд̇д̇ам̣ • 2. Selasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. сзласуд̇д̇аван̣н̣анаа • 2. Selasuttavaṇṇanā
