| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
7. сзлаат̇зрийг̇аат̇ааван̣н̣анаа
7. Selātherīgāthāvaṇṇanā
над̇т̇и ниссаран̣ам̣ логзд̇иаад̣̇игаа сзлааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇аа маад̇аабид̇уухи самаанаж̇аад̇игасса гулабуд̇д̇асса д̣̇иннаа, д̇зна сад̣̇д̇хим̣ б̣ахууни вассасад̇аани сукасам̣ваасам̣ васид̇ваа д̇асмим̣ гаалан̇гад̇з саяамби ад̣̇д̇хаг̇ад̇аа ваяоануббад̇д̇аа сам̣взг̇аж̇аад̇аа гим̣гусалаг̇авзсиний гаалзна гаалам̣ аараамзна аараамам̣ вихаарзна вихаарам̣ анувижарад̇и ‘‘саман̣аб̣раахман̣аанам̣ санд̇игз д̇хаммам̣ соссаамий’’д̇и. саа згад̣̇ивасам̣ сад̇т̇у б̣од̇хиругкам̣ убасан̇гамид̇ваа ‘‘яад̣̇и б̣уд̣̇д̇хо бхаг̇аваа асамо асамасамо аббадибуг̇г̇ало, д̣̇ассзд̇у мз аяам̣ б̣од̇хи баадихаарияа’’нд̇и нисийд̣̇и. д̇ассаа д̇ат̇аа жид̇д̇уббаад̣̇асамананд̇арамзва б̣од̇хи баж̇ж̇али, саб̣б̣асован̣н̣амаяаа саакаа удтахим̣су, саб̣б̣аа д̣̇исаа вирожим̣су. саа д̇ам̣ баадихаарияам̣ д̣̇исваа басаннамаанасаа г̇аружид̇д̇ийгаарам̣ убадтабзд̇ваа сираси ан̃ж̇алим̣ баг̇г̇аяха сад̇д̇арад̇д̇инд̣̇ивам̣ д̇ад̇т̇зва нисийд̣̇и. сад̇д̇амз д̣̇ивасз ул̣аарам̣ бууж̇аасаггаарам̣ агааси. саа д̇зна бун̃н̃агаммзна д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з аал̣авийрадтз аал̣авигасса ран̃н̃о д̇хийд̇аа худ̇ваа ниб̣б̣ад̇д̇и. сзлаад̇иссаа наамам̣ ахоси. аал̣авигасса бана ран̃н̃о д̇хийд̇аад̇и гад̇ваа аал̣авигаад̇иби нам̣ вохаранд̇и. саа вин̃н̃уд̇ам̣ бад̇д̇аа сад̇т̇ари аал̣авагам̣ д̣̇амзд̇ваа д̇асса хад̇т̇з бад̇д̇ажийварам̣ д̣̇ад̇ваа д̇зна сад̣̇д̇хим̣ аал̣авийнаг̇арам̣ убаг̇ад̇з д̣̇ааригаа худ̇ваа ран̃н̃аа сад̣̇д̇хим̣ сад̇т̇у санд̇игам̣ убаг̇анд̇ваа д̇хаммам̣ суд̇ваа бадилад̣̇д̇хасад̣̇д̇хаа убаасигаа ахоси. саа абарабхааг̇з сан̃ж̇аад̇асам̣взг̇аа бхигкунийсу баб̣б̣аж̇ид̇ваа гад̇абуб̣б̣агижжаа вибассанам̣ бадтабзд̇ваа сан̇каарз саммасанд̇ий убаниссаяасамбаннад̇д̇аа барибагган̃аан̣аа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.2.61-85) –
Natthinissaraṇaṃ loketiādikā selāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī haṃsavatīnagare kulagehe nibbattitvā viññutaṃ pattā mātāpitūhi samānajātikassa kulaputtassa dinnā, tena saddhiṃ bahūni vassasatāni sukhasaṃvāsaṃ vasitvā tasmiṃ kālaṅkate sayampi addhagatā vayoanuppattā saṃvegajātā kiṃkusalagavesinī kālena kālaṃ ārāmena ārāmaṃ vihārena vihāraṃ anuvicarati ‘‘samaṇabrāhmaṇānaṃ santike dhammaṃ sossāmī’’ti. Sā ekadivasaṃ satthu bodhirukkhaṃ upasaṅkamitvā ‘‘yadi buddho bhagavā asamo asamasamo appaṭipuggalo, dassetu me ayaṃ bodhi pāṭihāriya’’nti nisīdi. Tassā tathā cittuppādasamanantarameva bodhi pajjali, sabbasovaṇṇamayā sākhā uṭṭhahiṃsu, sabbā disā virociṃsu. Sā taṃ pāṭihāriyaṃ disvā pasannamānasā garucittīkāraṃ upaṭṭhapetvā sirasi añjaliṃ paggayha sattarattindivaṃ tattheva nisīdi. Sattame divase uḷāraṃ pūjāsakkāraṃ akāsi. Sā tena puññakammena devamanussesu saṃsarantī imasmiṃ buddhuppāde āḷavīraṭṭhe āḷavikassa rañño dhītā hutvā nibbatti. Selātissā nāmaṃ ahosi. Āḷavikassa pana rañño dhītāti katvā āḷavikātipi naṃ voharanti. Sā viññutaṃ pattā satthari āḷavakaṃ dametvā tassa hatthe pattacīvaraṃ datvā tena saddhiṃ āḷavīnagaraṃ upagate dārikā hutvā raññā saddhiṃ satthu santikaṃ upagantvā dhammaṃ sutvā paṭiladdhasaddhā upāsikā ahosi. Sā aparabhāge sañjātasaṃvegā bhikkhunīsu pabbajitvā katapubbakiccā vipassanaṃ paṭṭhapetvā saṅkhāre sammasantī upanissayasampannattā paripakkañāṇā nacirasseva arahattaṃ pāpuṇi. Tena vuttaṃ apadāne (apa. therī 2.2.61-85) –
‘‘наг̇арз хам̣савад̇ияаа, жааригий аасахам̣ д̇ад̣̇аа;
‘‘Nagare haṃsavatiyā, cārikī āsahaṃ tadā;
аараамзна жа аараамам̣, жараами гусалад̇т̇игаа.
Ārāmena ca ārāmaṃ, carāmi kusalatthikā.
‘‘гаал̣абагкамхи д̣̇ивасз, ад̣̇д̣̇асам̣ б̣од̇химуд̇д̇амам̣;
‘‘Kāḷapakkhamhi divase, addasaṃ bodhimuttamaṃ;
д̇ад̇т̇а жид̇д̇ам̣ басаад̣̇зд̇ваа, б̣од̇химуулз нисийд̣̇ахам̣.
Tattha cittaṃ pasādetvā, bodhimūle nisīdahaṃ.
‘‘г̇аружид̇д̇ам̣ убадтзд̇ваа, сирз гад̇ваана ан̃ж̇алим̣;
‘‘Garucittaṃ upaṭṭhetvā, sire katvāna añjaliṃ;
соманассам̣ бавзд̣̇зд̇ваа, звам̣ жинд̇зси д̇аавад̣̇з.
Somanassaṃ pavedetvā, evaṃ cintesi tāvade.
‘‘яад̣̇и б̣уд̣̇д̇хо амид̇аг̇ун̣о, асамаббадибуг̇г̇ало;
‘‘Yadi buddho amitaguṇo, asamappaṭipuggalo;
д̣̇ассзд̇у баадихийрам̣ мз, б̣од̇хи обхаасад̇у аяам̣.
Dassetu pāṭihīraṃ me, bodhi obhāsatu ayaṃ.
‘‘саха ааваж̇ж̇ид̇з маяхам̣, б̣од̇хи баж̇ж̇али д̇аавад̣̇з;
‘‘Saha āvajjite mayhaṃ, bodhi pajjali tāvade;
саб̣б̣асон̣н̣амаяаа ааси, д̣̇исаа саб̣б̣аа вирожад̇и.
Sabbasoṇṇamayā āsi, disā sabbā virocati.
‘‘сад̇д̇арад̇д̇инд̣̇ивам̣ д̇ад̇т̇а, б̣од̇химуулз нисийд̣̇ахам̣;
‘‘Sattarattindivaṃ tattha, bodhimūle nisīdahaṃ;
сад̇д̇амз д̣̇ивасз бад̇д̇з, д̣̇ийбабууж̇ам̣ агаасахам̣.
Sattame divase patte, dīpapūjaṃ akāsahaṃ.
‘‘аасанам̣ бариваарзд̇ваа, бан̃жад̣̇ийбаани баж̇ж̇алум̣;
‘‘Āsanaṃ parivāretvā, pañcadīpāni pajjaluṃ;
яаава уд̣̇зд̇и суурияо, д̣̇ийбаа мз баж̇ж̇алум̣ д̇ад̣̇аа.
Yāva udeti sūriyo, dīpā me pajjaluṃ tadā.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇т̇а мз сугад̇ам̣ б̣яамхам̣, бан̃жад̣̇ийбаад̇и вужжад̇и;
‘‘Tattha me sukataṃ byamhaṃ, pañcadīpāti vuccati;
садтияож̇анамуб̣б̣зд̇хам̣, д̇им̣саяож̇анавид̇т̇ад̇ам̣.
Saṭṭhiyojanamubbedhaṃ, tiṃsayojanavitthataṃ.
‘‘асан̇кияаани д̣̇ийбаани, бариваарз ж̇алим̣су мз;
‘‘Asaṅkhiyāni dīpāni, parivāre jaliṃsu me;
яаавад̇аа д̣̇звабхаванам̣, д̣̇ийбаалогзна ж̇од̇ад̇и.
Yāvatā devabhavanaṃ, dīpālokena jotati.
‘‘бараммукаа нисийд̣̇ид̇ваа, яад̣̇и ижчаами бассид̇ум̣;
‘‘Parammukhā nisīditvā, yadi icchāmi passituṃ;
уд̣̇д̇хам̣ ад̇хо жа д̇ирияам̣, саб̣б̣ам̣ бассаами жагкунаа.
Uddhaṃ adho ca tiriyaṃ, sabbaṃ passāmi cakkhunā.
‘‘яаавад̇аа абхиган̇каами, д̣̇адтум̣ суг̇ад̇ад̣̇уг̇г̇ад̇з;
‘‘Yāvatā abhikaṅkhāmi, daṭṭhuṃ sugataduggate;
д̇ад̇т̇а ааваран̣ам̣ над̇т̇и, ругкзсу баб̣б̣ад̇зсу ваа.
Tattha āvaraṇaṃ natthi, rukkhesu pabbatesu vā.
‘‘асийд̇ид̣̇зварааж̇уунам̣, махзсид̇д̇амагаараяим̣;
‘‘Asītidevarājūnaṃ, mahesittamakārayiṃ;
сад̇аанам̣ жаггавад̇д̇ийнам̣, махзсид̇д̇амагаараяим̣.
Satānaṃ cakkavattīnaṃ, mahesittamakārayiṃ.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonupapajjāmi, devattaṃ atha mānusaṃ;
д̣̇ийбасад̇асахассаани, бариваарз ж̇аланд̇и мз.
Dīpasatasahassāni, parivāre jalanti me.
‘‘д̣̇звалогаа жавид̇ваана, уббаж̇ж̇им̣ маад̇угужчияам̣;
‘‘Devalokā cavitvāna, uppajjiṃ mātukucchiyaṃ;
маад̇угужчиг̇ад̇аа санд̇ий, агки мз на нимийлад̇и.
Mātukucchigatā santī, akkhi me na nimīlati.
‘‘д̣̇ийбасад̇асахассаани, бун̃н̃агаммасаман̇г̇ид̇аа;
‘‘Dīpasatasahassāni, puññakammasamaṅgitā;
ж̇аланд̇и сууд̇игааг̇зхз, бан̃жад̣̇ийбаанид̣̇ам̣ палам̣.
Jalanti sūtikāgehe, pañcadīpānidaṃ phalaṃ.
‘‘бажчимз бхавз самбад̇д̇з, маанасам̣ винивад̇д̇аяим̣;
‘‘Pacchime bhave sampatte, mānasaṃ vinivattayiṃ;
аж̇араамад̇ам̣ сийд̇ибхаавам̣, ниб̣б̣аанам̣ пассаяим̣ ахам̣.
Ajarāmataṃ sītibhāvaṃ, nibbānaṃ phassayiṃ ahaṃ.
‘‘ж̇аад̇ияаа сад̇д̇авассаахам̣, арахад̇д̇амабаабун̣им̣;
‘‘Jātiyā sattavassāhaṃ, arahattamapāpuṇiṃ;
убасамбаад̣̇аяий б̣уд̣̇д̇хо, г̇ун̣аман̃н̃ааяа г̇од̇амо.
Upasampādayī buddho, guṇamaññāya gotamo.
‘‘ман̣д̣абз ругкамуулз ваа, сун̃н̃ааг̇аарз васанд̇ияаа;
‘‘Maṇḍape rukkhamūle vā, suññāgāre vasantiyā;
д̇ад̣̇аа баж̇ж̇алад̇з д̣̇ийбам̣, бан̃жад̣̇ийбаанид̣̇ам̣ палам̣.
Tadā pajjalate dīpaṃ, pañcadīpānidaṃ phalaṃ.
‘‘д̣̇иб̣б̣ажагкувисуд̣̇д̇хам̣ мз, самаад̇хигусалаа ахам̣;
‘‘Dibbacakkhuvisuddhaṃ me, samādhikusalā ahaṃ;
абхин̃н̃аабаарамиббад̇д̇аа, бан̃жад̣̇ийбаанид̣̇ам̣ палам̣.
Abhiññāpāramippattā, pañcadīpānidaṃ phalaṃ.
‘‘саб̣б̣авосид̇авосаанаа, гад̇агижжаа анаасаваа;
‘‘Sabbavositavosānā, katakiccā anāsavā;
бан̃жад̣̇ийбаа махаавийра, баад̣̇з ванд̣̇аами жагкума.
Pañcadīpā mahāvīra, pāde vandāmi cakkhuma.
‘‘сад̇асахассид̇о габбз, яам̣ д̣̇ийбамад̣̇ад̣̇им̣ д̇ад̣̇аа;
‘‘Satasahassito kappe, yaṃ dīpamadadiṃ tadā;
д̣̇уг̇г̇ад̇им̣ наабхиж̇аанаами, бан̃жад̣̇ийбаанид̣̇ам̣ палам̣.
Duggatiṃ nābhijānāmi, pañcadīpānidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зрий саавад̇т̇ияам̣ вихаранд̇ий згад̣̇ивасам̣ бажчаабхад̇д̇ам̣ саавад̇т̇ид̇о нигкамид̇ваа д̣̇иваавихаарад̇т̇ааяа анд̇хаванам̣ бависид̇ваа ан̃н̃ад̇арасмим̣ ругкамуулз нисийд̣̇и. ат̇а нам̣ мааро вивзгад̇о вижчзд̣̇зд̇угаамо ан̃н̃аад̇агаруубзна убаг̇анд̇ваа –
Arahattaṃ pana patvā therī sāvatthiyaṃ viharantī ekadivasaṃ pacchābhattaṃ sāvatthito nikkhamitvā divāvihāratthāya andhavanaṃ pavisitvā aññatarasmiṃ rukkhamūle nisīdi. Atha naṃ māro vivekato vicchedetukāmo aññātakarūpena upagantvā –
57.
57.
‘‘над̇т̇и ниссаран̣ам̣ логз, гим̣ вивзгзна гаахаси;
‘‘Natthi nissaraṇaṃ loke, kiṃ vivekena kāhasi;
бхун̃ж̇аахи гаамарад̇ияо, мааху бажчаануд̇аабиний’’д̇и. – г̇аат̇амааха;
Bhuñjāhi kāmaratiyo, māhu pacchānutāpinī’’ti. – gāthamāha;
д̇ассад̇т̇о – имасмим̣ логз саб̣б̣асамаязсуби убабаригкийяамаанзсу ниссаран̣ам̣ ниб̣б̣аанам̣ наама над̇т̇и д̇зсам̣ д̇зсам̣ саман̣аб̣раахман̣аанам̣ чанд̣̇асо бадин̃н̃ааяамаанам̣ вохаарамад̇д̇амзвзд̇ам̣, д̇асмаа гим̣ вивзгзна гаахаси зваруубз самбаннабатамаваяз тид̇аа иминаа гааяавивзгзна гим̣ гариссаси? ат̇а ко бхун̃ж̇аахи гаамарад̇ияо вад̇т̇угаамагилзсагаамасанниссид̇аа кид̣д̣аарад̇ияо бажжанубхохи. гасмаа? мааху бажчаануд̇аабиний ‘‘яад̣̇ад̇т̇ам̣ б̣рахмажарияам̣ жараами, д̇ад̣̇зва ниб̣б̣аанам̣ над̇т̇и, д̇знзвзд̇ам̣ наад̇хиг̇ад̇ам̣, гаамабхог̇аа жа барихийнаа, анад̇т̇о вад̇а маяха’’нд̇и бажчаа виббадисаариний маа ахосийд̇и ад̇хиббааяо.
Tassattho – imasmiṃ loke sabbasamayesupi upaparikkhīyamānesu nissaraṇaṃ nibbānaṃ nāma natthi tesaṃ tesaṃ samaṇabrāhmaṇānaṃ chandaso paṭiññāyamānaṃ vohāramattamevetaṃ, tasmā kiṃ vivekena kāhasi evarūpe sampannapaṭhamavaye ṭhitā iminā kāyavivekena kiṃ karissasi? Atha kho bhuñjāhi kāmaratiyo vatthukāmakilesakāmasannissitā khiḍḍāratiyo paccanubhohi. Kasmā? Māhu pacchānutāpinī ‘‘yadatthaṃ brahmacariyaṃ carāmi, tadeva nibbānaṃ natthi, tenevetaṃ nādhigataṃ, kāmabhogā ca parihīnā, anattho vata mayha’’nti pacchā vippaṭisārinī mā ahosīti adhippāyo.
д̇ам̣ суд̇ваа т̇зрий ‘‘б̣аало вад̇ааяам̣ мааро, яо мама бажжагкабхууд̇ам̣ ниб̣б̣аанам̣ бадигкибад̇и. гаамзсу жа мам̣ баваарзд̇и, мама кийн̣аасавабхаавам̣ на ж̇аанаад̇и. ханд̣̇а нам̣ д̇ам̣ ж̇аанаабзд̇ваа д̇аж̇ж̇зссаамий’’д̇и жинд̇зд̇ваа –
Taṃ sutvā therī ‘‘bālo vatāyaṃ māro, yo mama paccakkhabhūtaṃ nibbānaṃ paṭikkhipati. Kāmesu ca maṃ pavāreti, mama khīṇāsavabhāvaṃ na jānāti. Handa naṃ taṃ jānāpetvā tajjessāmī’’ti cintetvā –
58.
58.
‘‘сад̇д̇исуулуубамаа гаамаа, канд̇хаасам̣ ад̇хигудданаа;
‘‘Sattisūlūpamā kāmā, khandhāsaṃ adhikuṭṭanā;
яам̣ д̇вам̣ гаамарад̇им̣ б̣рууси, арад̇ий д̣̇аани саа мама.
Yaṃ tvaṃ kāmaratiṃ brūsi, aratī dāni sā mama.
59.
59.
‘‘саб̣б̣ад̇т̇а вихад̇аа нанд̣̇ий, д̇амогканд̇хо бад̣̇аалид̇о;
‘‘Sabbattha vihatā nandī, tamokkhandho padālito;
звам̣ ж̇аанаахи баабима, нихад̇о д̇вамаси анд̇агаа’’д̇и. – имам̣ г̇аат̇аад̣̇ваяамааха;
Evaṃ jānāhi pāpima, nihato tvamasi antakā’’ti. – imaṃ gāthādvayamāha;
д̇ад̇т̇а сад̇д̇исуулуубамаа гаамаад̇и гаамаа наама язна ад̇хидтид̇аа, д̇асса сад̇д̇асса винивиж̇жханад̇о нисид̇асад̇д̇и вияа суулам̣ вияа жа д̣̇адтаб̣б̣аа. канд̇хаад̇и убаад̣̇аанагканд̇хаа. аасанд̇и д̇зсам̣. ад̇хигудданаад̇и чинд̣̇анаад̇хидтаанаа, ажжаад̣̇аанадтаананд̇и ад̇т̇о. яад̇о канд̇хз ажжаад̣̇ааяа сад̇д̇аа гаамзхи чзж̇ж̇абхзж̇ж̇ам̣ баабун̣анд̇и. яам̣ д̇вам̣ гаамарад̇им̣ б̣рууси, арад̇и д̣̇аани саа мамаад̇и, баабима, д̇вам̣ яам̣ гаамарад̇им̣ рамид̇аб̣б̣ам̣ сзвид̇аб̣б̣ам̣ гад̇ваа вад̣̇аси, саа д̣̇аани мама нирад̇иж̇аад̇игад̇д̇аа мийл̣хасад̣̇исаа, на д̇ааяа мама гожи ад̇т̇о ад̇т̇ийд̇и.
Tattha sattisūlūpamā kāmāti kāmā nāma yena adhiṭṭhitā, tassa sattassa vinivijjhanato nisitasatti viya sūlaṃ viya ca daṭṭhabbā. Khandhāti upādānakkhandhā. Āsanti tesaṃ. Adhikuṭṭanāti chindanādhiṭṭhānā, accādānaṭṭhānanti attho. Yato khandhe accādāya sattā kāmehi chejjabhejjaṃ pāpuṇanti. Yaṃ tvaṃ kāmaratiṃ brūsi, arati dāni sā mamāti, pāpima, tvaṃ yaṃ kāmaratiṃ ramitabbaṃ sevitabbaṃ katvā vadasi, sā dāni mama niratijātikattā mīḷhasadisā, na tāya mama koci attho atthīti.
д̇ад̇т̇а гааран̣амааха ‘‘саб̣б̣ад̇т̇а вихад̇аа нанд̣̇ий’’д̇иаад̣̇инаа. д̇ад̇т̇а звам̣ ж̇аанаахийд̇и ‘‘саб̣б̣асо бахийнад̇ан̣хаавиж̇ж̇аа’’д̇и мам̣ ж̇аанаахи, д̇ад̇о зва б̣алавид̇хаманависаяаад̇иггаманзхи анд̇ага лаамагаажаара, маара, д̇вам̣ маяаа нихад̇о б̣аад̇хид̇о аси, на банаахам̣ д̇аяаа б̣аад̇хид̇аб̣б̣аад̇и ад̇т̇о.
Tattha kāraṇamāha ‘‘sabbattha vihatā nandī’’tiādinā. Tattha evaṃ jānāhīti ‘‘sabbaso pahīnataṇhāvijjā’’ti maṃ jānāhi, tato eva balavidhamanavisayātikkamanehi antaka lāmakācāra, māra, tvaṃ mayā nihato bādhito asi, na panāhaṃ tayā bādhitabbāti attho.
звам̣ т̇зрияаа мааро санд̇аж̇ж̇ид̇о д̇ад̇т̇званд̇арад̇хааяи. т̇зрийби паласамаабад̇д̇исукзна анд̇хаванз д̣̇ивасабхааг̇ам̣ вийд̇инаамзд̇ваа сааяанхз васанадтаанамзва г̇ад̇аа.
Evaṃ theriyā māro santajjito tatthevantaradhāyi. Therīpi phalasamāpattisukhena andhavane divasabhāgaṃ vītināmetvā sāyanhe vasanaṭṭhānameva gatā.
сзлаат̇зрийг̇аат̇ааван̣н̣анаа нидтид̇аа.
Selātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 7. сзлаат̇зрийг̇аат̇аа • 7. Selātherīgāthā
