| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. сзнагад̇т̇зраг̇аат̇ааван̣н̣анаа
6. Senakattheragāthāvaṇṇanā
свааг̇ад̇ам̣ вад̇аад̇иаад̣̇игаа ааяасмад̇о сзнагад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо морахад̇т̇зна бхаг̇аванд̇ам̣ бууж̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з б̣раахман̣агулз ниб̣б̣ад̇д̇ид̇ваа урувзлагассабад̇т̇зрасса бхаг̇инияаа гужчимхи ниб̣б̣ад̇д̇и, сзнагод̇исса наамам̣ ахоси. со ваяаббад̇д̇о б̣раахман̣аанам̣ виж̇ж̇аасиббзсу нибпад̇д̇им̣ г̇ад̇о гхарааваасам̣ васад̇и. д̇зна жа самаязна махааж̇ано сам̣важчарз сам̣важчарз паг̇г̇унамаасз уд̇д̇арапаг̇г̇унанагкад̇д̇з уссавам̣ анубхаванд̇о г̇аяааяам̣ д̇ид̇т̇аабхисзгам̣ гарод̇и. д̇зна д̇ам̣ уссавам̣ ‘‘г̇аяаапаг̇г̇уу’’д̇и вад̣̇анд̇и. ат̇а бхаг̇аваа д̇аад̣̇исз уссавад̣̇ивасз взнзяяаанугамбааяа г̇аяаад̇ид̇т̇асамийбз вихарад̇и, махааж̇аноби д̇ид̇т̇аабхисзгаад̇хиббааязна д̇ад̇о д̇ад̇о д̇ам̣ таанам̣ убаг̇ажчад̇и. д̇асмим̣ кан̣з сзнагоби д̇ид̇т̇аабхисзгад̇т̇ам̣ д̇ам̣ таанам̣ убаг̇ад̇о сад̇т̇аарам̣ д̇хаммам̣ д̣̇зсзнд̇ам̣ д̣̇исваа убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.46.9-16) –
Svāgataṃ vatātiādikā āyasmato senakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannamānaso morahatthena bhagavantaṃ pūjesi. So tena puññakammena devamanussesu saṃsaranto imasmiṃ buddhuppāde brāhmaṇakule nibbattitvā uruvelakassapattherassa bhaginiyā kucchimhi nibbatti, senakotissa nāmaṃ ahosi. So vayappatto brāhmaṇānaṃ vijjāsippesu nipphattiṃ gato gharāvāsaṃ vasati. Tena ca samayena mahājano saṃvacchare saṃvacchare phaggunamāse uttaraphaggunanakkhatte ussavaṃ anubhavanto gayāyaṃ titthābhisekaṃ karoti. Tena taṃ ussavaṃ ‘‘gayāphaggū’’ti vadanti. Atha bhagavā tādise ussavadivase veneyyānukampāya gayātitthasamīpe viharati, mahājanopi titthābhisekādhippāyena tato tato taṃ ṭhānaṃ upagacchati. Tasmiṃ khaṇe senakopi titthābhisekatthaṃ taṃ ṭhānaṃ upagato satthāraṃ dhammaṃ desentaṃ disvā upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 2.46.9-16) –
‘‘морахад̇т̇ам̣ г̇ахзд̇ваана, убзсим̣ логанааяагам̣;
‘‘Morahatthaṃ gahetvāna, upesiṃ lokanāyakaṃ;
басаннажид̇д̇о сумано, морахад̇т̇амад̣̇аасахам̣.
Pasannacitto sumano, morahatthamadāsahaṃ.
‘‘иминаа морахад̇т̇зна, жзд̇анаабан̣ид̇хийхи жа;
‘‘Iminā morahatthena, cetanāpaṇidhīhi ca;
ниб̣б̣ааяим̣су д̇аяо аг̇г̇ий, лабхаами вибулам̣ сукам̣.
Nibbāyiṃsu tayo aggī, labhāmi vipulaṃ sukhaṃ.
‘‘ахо б̣уд̣̇д̇хо ахо д̇хаммо, ахо но сад̇т̇усамбад̣̇аа;
‘‘Aho buddho aho dhammo, aho no satthusampadā;
д̣̇ад̇ваанахам̣ морахад̇т̇ам̣, лабхаами вибулам̣ сукам̣.
Datvānahaṃ morahatthaṃ, labhāmi vipulaṃ sukhaṃ.
‘‘д̇ияаг̇г̇ий ниб̣б̣уд̇аа маяхам̣, бхаваа саб̣б̣з самуухад̇аа;
‘‘Tiyaggī nibbutā mayhaṃ, bhavā sabbe samūhatā;
саб̣б̣аасаваа баригкийн̣аа, над̇т̇и д̣̇аани бунаб̣бхаво.
Sabbāsavā parikkhīṇā, natthi dāni punabbhavo.
‘‘згад̇им̣сз ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, морахад̇т̇ассид̣̇ам̣ палам̣.
Duggatiṃ nābhijānāmi, morahatthassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа сан̃ж̇аад̇асоманассо уд̣̇аанавасзна –
Arahattaṃ pana patvā attano paṭipattiṃ paccavekkhitvā sañjātasomanasso udānavasena –
287.
287.
‘‘свааг̇ад̇ам̣ вад̇а мз ааси, г̇аяааяам̣ г̇аяапаг̇г̇уяаа;
‘‘Svāgataṃ vata me āsi, gayāyaṃ gayaphagguyā;
яам̣ ад̣̇д̣̇асаасим̣ самб̣уд̣̇д̇хам̣, д̣̇зсзнд̇ам̣ д̇хаммамуд̇д̇амам̣.
Yaṃ addasāsiṃ sambuddhaṃ, desentaṃ dhammamuttamaṃ.
288.
288.
‘‘махаббабхам̣ г̇ан̣аажарияам̣, аг̇г̇абад̇д̇ам̣ винааяагам̣;
‘‘Mahappabhaṃ gaṇācariyaṃ, aggapattaṃ vināyakaṃ;
сад̣̇звагасса логасса, ж̇инам̣ ад̇улад̣̇ассанам̣.
Sadevakassa lokassa, jinaṃ atuladassanaṃ.
289.
289.
‘‘махаанааг̇ам̣ махаавийрам̣, махааж̇уд̇иманаасавам̣;
‘‘Mahānāgaṃ mahāvīraṃ, mahājutimanāsavaṃ;
саб̣б̣аасавабаригкийн̣ам̣, сад̇т̇аарамагуд̇обхаяам̣.
Sabbāsavaparikkhīṇaṃ, satthāramakutobhayaṃ.
290.
290.
‘‘жирасан̇гилидтам̣ вад̇а мам̣, д̣̇идтисанд̣̇аанаб̣анд̇хид̇ам̣;
‘‘Cirasaṅkiliṭṭhaṃ vata maṃ, diṭṭhisandānabandhitaṃ;
виможаяи со бхаг̇аваа, саб̣б̣аг̇ант̇зхи сзнага’’нд̇и. –
Vimocayi so bhagavā, sabbaganthehi senaka’’nti. –
жад̇ассо г̇аат̇аа абхааси.
Catasso gāthā abhāsi.
д̇ад̇т̇а свааг̇ад̇ам̣ вад̇а мз аасийд̇и маяаа судту ааг̇ад̇ам̣ вад̇а ааси. мама ваа сунд̣̇арам̣ вад̇а ааг̇аманам̣ ааси. г̇аяааяанд̇и г̇аяаад̇ид̇т̇асамийбз. г̇аяапаг̇г̇уяаад̇и ‘‘г̇аяаапаг̇г̇уу’’д̇и лад̣̇д̇хавохаарз паг̇г̇унамаасасса уд̇д̇арапаг̇г̇унийнагкад̇д̇з. ‘‘яа’’нд̇иаад̣̇и свааг̇ад̇абхаавасса гааран̣ад̣̇ассанам̣. д̇ад̇т̇а яанд̇и яасмаа. ад̣̇д̣̇асаасинд̇и ад̣̇д̣̇агким̣. самб̣уд̣̇д̇ханд̇и саммаа саамам̣ саб̣б̣ад̇хаммаанам̣ б̣уд̣̇д̇хад̇д̇аа самб̣уд̣̇д̇хам̣. д̣̇зсзнд̇ам̣ д̇хаммамуд̇д̇аманд̇и уд̇д̇амам̣ аг̇г̇ам̣ саб̣б̣асздтам̣ зганд̇анияяаанигам̣ д̇хаммам̣ взнзяяаж̇жхаасаяаануруубам̣ бхаасанд̇ам̣.
Tattha svāgataṃ vata me āsīti mayā suṭṭhu āgataṃ vata āsi. Mama vā sundaraṃ vata āgamanaṃ āsi. Gayāyanti gayātitthasamīpe. Gayaphagguyāti ‘‘gayāphaggū’’ti laddhavohāre phaggunamāsassa uttaraphaggunīnakkhatte. ‘‘Ya’’ntiādi svāgatabhāvassa kāraṇadassanaṃ. Tattha yanti yasmā. Addasāsinti addakkhiṃ. Sambuddhanti sammā sāmaṃ sabbadhammānaṃ buddhattā sambuddhaṃ. Desentaṃ dhammamuttamanti uttamaṃ aggaṃ sabbaseṭṭhaṃ ekantaniyyānikaṃ dhammaṃ veneyyajjhāsayānurūpaṃ bhāsantaṃ.
махаббабханд̇и махад̇ияаа сарийраббабхааяа н̃аан̣аббабхааяа жа саманнааг̇ад̇ам̣. г̇ан̣аажарияанд̇и бхигкубарисаад̣̇ийнам̣ г̇ан̣аанам̣ уд̇д̇амзна д̣̇амат̇зна аажаарасигкаабанзна г̇ан̣аажарияам̣. аг̇г̇абхууд̇аанам̣ сийлаад̣̇ийнам̣ г̇ун̣аанам̣ ад̇хиг̇амзна аг̇г̇аббад̇д̇ам̣. д̣̇звамануссаад̣̇ийнам̣ барамзна винаязна винаяанад̇о, саяам̣ нааяагарахид̇ад̇д̇аа жа винааяагам̣. гзнажи анабхибхууд̇о худ̇ваа сагалам̣ логам̣ абхибхавид̇ваа тид̇ад̇д̇аа, бан̃жаннамби маараанам̣ ж̇ид̇ад̇д̇аа жа сад̣̇звагасса логасса ж̇инам̣ сад̣̇звагз логз аг̇г̇аж̇инам̣, б̣аад̇д̇им̣саварамахаабурисалагкан̣аасийд̇иануб̣яан̃ж̇анаад̣̇ибадиман̣д̣ид̇аруубагааяад̇ааяа д̣̇асаб̣алажад̇увзсаараж̇ж̇аад̣̇иг̇ун̣абадиман̣д̣ид̇ад̇хаммагааяад̇ааяа жа сад̣̇звагзна логзна абаримзяяад̣̇ассанад̇ааяа асад̣̇исад̣̇ассанад̇ааяа жа ад̇улад̣̇ассанам̣.
Mahappabhanti mahatiyā sarīrappabhāya ñāṇappabhāya ca samannāgataṃ. Gaṇācariyanti bhikkhuparisādīnaṃ gaṇānaṃ uttamena damathena ācārasikkhāpanena gaṇācariyaṃ. Aggabhūtānaṃ sīlādīnaṃ guṇānaṃ adhigamena aggappattaṃ. Devamanussādīnaṃ paramena vinayena vinayanato, sayaṃ nāyakarahitattā ca vināyakaṃ. Kenaci anabhibhūto hutvā sakalaṃ lokaṃ abhibhavitvā ṭhitattā, pañcannampi mārānaṃ jitattā ca sadevakassa lokassa jinaṃ sadevake loke aggajinaṃ, bāttiṃsavaramahāpurisalakkhaṇaasītianubyañjanādipaṭimaṇḍitarūpakāyatāya dasabalacatuvesārajjādiguṇapaṭimaṇḍitadhammakāyatāya ca sadevakena lokena aparimeyyadassanatāya asadisadassanatāya ca atuladassanaṃ.
г̇ад̇иб̣алабараггамаад̣̇исамбад̇д̇ияаа махаанааг̇асад̣̇исад̇д̇аа, нааг̇зсуби кийн̣аасавзсу махаанубхаавад̇ааяа жа махаанааг̇ам̣. маарасзнаавимат̇анад̇о махаавигганд̇ад̇ааяа жа махаавийрам̣. махааж̇уд̇инд̇и махаабад̇аабам̣ махаад̇зж̇анд̇и ад̇т̇о. над̇т̇и зд̇асса жад̇д̇аароби аасаваад̇и анаасавам̣. саб̣б̣з аасаваа саваасанаа баригкийн̣аа зд̇ассаад̇и саб̣б̣аасавабаригкийн̣ам̣. гаамам̣ саавагаб̣уд̣̇д̇хаа бажжзгаб̣уд̣̇д̇хаа жа кийн̣аасаваава, саб̣б̣ан̃н̃уб̣уд̣̇д̇хаа зва бана саваасанз аасавз кзбзнд̇ийд̇и д̣̇ассанад̇т̇ам̣ ‘‘анаасава’’нд̇и вад̇ваа буна ‘‘саб̣б̣аасавабаригкийн̣а’’нд̇и вуд̇д̇ам̣. д̇зна вуд̇д̇ам̣ – ‘‘саб̣б̣з аасаваа саваасанаа баригкийн̣аа зд̇ассаад̇и саб̣б̣аасавабаригкийн̣а’’нд̇и. д̣̇идтад̇хаммигасамбарааяигабарамад̇т̇зхи яат̇аарахам̣ взнзяяаанам̣ анусаасанад̇о сад̇т̇аарам̣, жад̇увзсаараж̇ж̇ависаарад̣̇ад̇ааяа гуд̇ожиби бхаяаабхаавад̇о агуд̇обхаяам̣, зваруубам̣ саммаасамб̣уд̣̇д̇хам̣ яам̣ яасмаа ад̣̇д̣̇асаасим̣, д̇асмаа свааг̇ад̇ам̣ вад̇а мз аасийд̇и яож̇анаа.
Gatibalaparakkamādisampattiyā mahānāgasadisattā, nāgesupi khīṇāsavesu mahānubhāvatāya ca mahānāgaṃ. Mārasenāvimathanato mahāvikkantatāya ca mahāvīraṃ. Mahājutinti mahāpatāpaṃ mahātejanti attho. Natthi etassa cattāropi āsavāti anāsavaṃ. Sabbe āsavā savāsanā parikkhīṇā etassāti sabbāsavaparikkhīṇaṃ. Kāmaṃ sāvakabuddhā paccekabuddhā ca khīṇāsavāva, sabbaññubuddhā eva pana savāsane āsave khepentīti dassanatthaṃ ‘‘anāsava’’nti vatvā puna ‘‘sabbāsavaparikkhīṇa’’nti vuttaṃ. Tena vuttaṃ – ‘‘sabbe āsavā savāsanā parikkhīṇā etassāti sabbāsavaparikkhīṇa’’nti. Diṭṭhadhammikasamparāyikaparamatthehi yathārahaṃ veneyyānaṃ anusāsanato satthāraṃ, catuvesārajjavisāradatāya kutocipi bhayābhāvato akutobhayaṃ, evarūpaṃ sammāsambuddhaṃ yaṃ yasmā addasāsiṃ, tasmā svāgataṃ vata me āsīti yojanā.
ид̣̇аани сад̇т̇у д̣̇ассанзна ад̇д̇анаа лад̣̇д̇хаг̇ун̣ам̣ д̣̇ассзнд̇о жад̇уд̇т̇ам̣ г̇аат̇амааха. д̇ассад̇т̇о – ган̃ж̇ияабун̣н̣алааб̣у вияа д̇аггабхарид̇ажаади вияа васаабийд̇абилод̇игаа вияа жа сам̣гилзсавад̇т̇уухи анамад̇аг̇г̇з сам̣саарз жирагаалам̣ сам̣гилидтам̣. г̇ад̣̇д̣̇улаб̣анд̇хид̇ам̣ вияа т̇амбхз саарамзяам̣ саггааяат̇амбхз д̣̇идтисанд̣̇аанзна, д̣̇идтиб̣анд̇ханзна б̣анд̇хид̇ам̣ б̣ад̣̇д̇хам̣, д̇ад̇о виможзнд̇о жа абхиж̇жхаад̣̇ийхи саб̣б̣аг̇ант̇з хи мам̣ сзнагам̣ арияамаг̇г̇ахад̇т̇зна, виможаяи вад̇а со бхаг̇аваа маяхам̣ сад̇т̇аад̇и бхаг̇авад̇и абхиббасаад̣̇ам̣ бавзд̣̇зд̇и.
Idāni satthu dassanena attanā laddhaguṇaṃ dassento catutthaṃ gāthamāha. Tassattho – kañjiyapuṇṇalābu viya takkabharitacāṭi viya vasāpītapilotikā viya ca saṃkilesavatthūhi anamatagge saṃsāre cirakālaṃ saṃkiliṭṭhaṃ. Gaddulabandhitaṃ viya thambhe sārameyaṃ sakkāyathambhe diṭṭhisandānena, diṭṭhibandhanena bandhitaṃ baddhaṃ, tato vimocento ca abhijjhādīhi sabbaganthe hi maṃ senakaṃ ariyamaggahatthena, vimocayi vata so bhagavā mayhaṃ satthāti bhagavati abhippasādaṃ pavedeti.
сзнагад̇т̇зраг̇аат̇ааван̣н̣анаа нидтид̇аа.
Senakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. сзнагад̇т̇зраг̇аат̇аа • 6. Senakattheragāthā
