| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৮. সেনাসনদাযকত্থেরঅপদানং
8. Senāsanadāyakattheraapadānaṃ
৪৫.
45.
‘‘সিদ্ধত্থস্স ভগৰতো, অদাসিং পণ্ণসন্থরং।
‘‘Siddhatthassa bhagavato, adāsiṃ paṇṇasantharaṃ;
সমন্তা উপহারঞ্চ, কুসুমং ওকিরিং অহং॥
Samantā upahārañca, kusumaṃ okiriṃ ahaṃ.
৪৬.
46.
মহগ্ঘানি চ পুপ্ফানি, সযনেভিসৰন্তি মে॥
Mahagghāni ca pupphāni, sayanebhisavanti me.
৪৭.
47.
‘‘সযনেহং তুৰট্টামি, ৰিচিত্তে পুপ্ফসন্থতে।
‘‘Sayanehaṃ tuvaṭṭāmi, vicitte pupphasanthate;
পুপ্ফৰুট্ঠি চ সযনে, অভিৰস্সতি তাৰদে॥
Pupphavuṭṭhi ca sayane, abhivassati tāvade.
৪৮.
48.
‘‘চতুন্নৰুতিতো কপ্পে, অদাসিং পণ্ণসন্থরং।
‘‘Catunnavutito kappe, adāsiṃ paṇṇasantharaṃ;
দুগ্গতিং নাভিজানামি, সন্থরস্স ইদং ফলং॥
Duggatiṃ nābhijānāmi, santharassa idaṃ phalaṃ.
৪৯.
49.
‘‘তিণসন্থরকা নাম, সত্তেতে চক্কৰত্তিনো।
‘‘Tiṇasantharakā nāma, sattete cakkavattino;
ইতো তে পঞ্চমে কপ্পে, উপ্পজ্জিংসু জনাধিপা॥
Ito te pañcame kappe, uppajjiṃsu janādhipā.
৫০.
50.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা সেনাসনদাযকো থেরো ইমা গাথাযো অভাসিত্থাতি।
Itthaṃ sudaṃ āyasmā senāsanadāyako thero imā gāthāyo abhāsitthāti.
সেনাসনদাযকত্থেরস্সাপদানং অট্ঠমং।
Senāsanadāyakattherassāpadānaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৮. সেনাসনদাযকত্থেরঅপদানৰণ্ণনা • 8. Senāsanadāyakattheraapadānavaṇṇanā
