| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. เสนาสนทายกเตฺถรอปทานํ
8. Senāsanadāyakattheraapadānaṃ
๔๕.
45.
‘‘สิทฺธตฺถสฺส ภควโต, อทาสิํ ปณฺณสนฺถรํ;
‘‘Siddhatthassa bhagavato, adāsiṃ paṇṇasantharaṃ;
สมนฺตา อุปหารญฺจ, กุสุมํ โอกิริํ อหํฯ
Samantā upahārañca, kusumaṃ okiriṃ ahaṃ.
๔๖.
46.
มหคฺฆานิ จ ปุปฺผานิ, สยเนภิสวนฺติ เมฯ
Mahagghāni ca pupphāni, sayanebhisavanti me.
๔๗.
47.
‘‘สยเนหํ ตุวฎฺฎามิ, วิจิเตฺต ปุปฺผสนฺถเต;
‘‘Sayanehaṃ tuvaṭṭāmi, vicitte pupphasanthate;
ปุปฺผวุฎฺฐิ จ สยเน, อภิวสฺสติ ตาวเทฯ
Pupphavuṭṭhi ca sayane, abhivassati tāvade.
๔๘.
48.
‘‘จตุนฺนวุติโต กเปฺป, อทาสิํ ปณฺณสนฺถรํ;
‘‘Catunnavutito kappe, adāsiṃ paṇṇasantharaṃ;
ทุคฺคติํ นาภิชานามิ, สนฺถรสฺส อิทํ ผลํฯ
Duggatiṃ nābhijānāmi, santharassa idaṃ phalaṃ.
๔๙.
49.
‘‘ติณสนฺถรกา นาม, สเตฺตเต จกฺกวตฺติโน;
‘‘Tiṇasantharakā nāma, sattete cakkavattino;
อิโต เต ปญฺจเม กเปฺป, อุปฺปชฺชิํสุ ชนาธิปาฯ
Ito te pañcame kappe, uppajjiṃsu janādhipā.
๕๐.
50.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เสนาสนทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā senāsanadāyako thero imā gāthāyo abhāsitthāti.
เสนาสนทายกเตฺถรสฺสาปทานํ อฎฺฐมํฯ
Senāsanadāyakattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. เสนาสนทายกเตฺถรอปทานวณฺณนา • 8. Senāsanadāyakattheraapadānavaṇṇanā
