| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. සෙනාසනදායකත්‌ථෙරඅපදානං
8. Senāsanadāyakattheraapadānaṃ
45.
45.
‘‘සිද්‌ධත්‌ථස්‌ස භගවතො, අදාසිං පණ්‌ණසන්‌ථරං;
‘‘Siddhatthassa bhagavato, adāsiṃ paṇṇasantharaṃ;
සමන්‌තා උපහාරඤ්‌ච, කුසුමං ඔකිරිං අහං.
Samantā upahārañca, kusumaṃ okiriṃ ahaṃ.
46.
46.
මහග්‌ඝානි ච පුප්‌ඵානි, සයනෙභිසවන්‌ති මෙ.
Mahagghāni ca pupphāni, sayanebhisavanti me.
47.
47.
‘‘සයනෙහං තුවට්‌ටාමි, විචිත්‌තෙ පුප්‌ඵසන්‌ථතෙ;
‘‘Sayanehaṃ tuvaṭṭāmi, vicitte pupphasanthate;
පුප්‌ඵවුට්‌ඨි ච සයනෙ, අභිවස්‌සති තාවදෙ.
Pupphavuṭṭhi ca sayane, abhivassati tāvade.
48.
48.
‘‘චතුන්‌නවුතිතො කප්‌පෙ, අදාසිං පණ්‌ණසන්‌ථරං;
‘‘Catunnavutito kappe, adāsiṃ paṇṇasantharaṃ;
දුග්‌ගතිං නාභිජානාමි, සන්‌ථරස්‌ස ඉදං ඵලං.
Duggatiṃ nābhijānāmi, santharassa idaṃ phalaṃ.
49.
49.
‘‘තිණසන්‌ථරකා නාම, සත්‌තෙතෙ චක්‌කවත්‌තිනො;
‘‘Tiṇasantharakā nāma, sattete cakkavattino;
ඉතො තෙ පඤ්‌චමෙ කප්‌පෙ, උප්‌පජ්‌ජිංසු ජනාධිපා.
Ito te pañcame kappe, uppajjiṃsu janādhipā.
50.
50.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සෙනාසනදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā senāsanadāyako thero imā gāthāyo abhāsitthāti.
සෙනාසනදායකත්‌ථෙරස්‌සාපදානං අට්‌ඨමං.
Senāsanadāyakattherassāpadānaṃ aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 8. සෙනාසනදායකත්‌ථෙරඅපදානවණ්‌ණනා • 8. Senāsanadāyakattheraapadānavaṇṇanā
