| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৮. সেনাসনদাযকত্থেরঅপদানৰণ্ণনা
8. Senāsanadāyakattheraapadānavaṇṇanā
সিদ্ধত্থস্স ভগৰতোতিআদিকং আযস্মতো সেনাসনদাযকত্থেরস্স অপদানং। অযম্পি পুরিমবুদ্ধেসু কতাধিকারো তত্থ তত্থ ভৰে ৰিৰট্টূপনিস্সযানি পুঞ্ঞানি উপচিনন্তো সিদ্ধত্থস্স ভগৰতো কালে কুলগেহে নিব্বত্তো ৰুদ্ধিপ্পত্তো সত্থরি পসীদিত্ৰা অত্তনো ৰসনট্ঠানং ৰনন্তরং সম্পত্তস্স ভগৰতো পণামং কত্ৰা পণ্ণসন্থরং সন্থরিত্ৰা অদাসি। ভগৰতো নিসিন্নট্ঠানস্স সমন্ততো ভিত্তিপরিচ্ছেদং কত্ৰা পুপ্ফপূজমকাসি। সো তেন পুঞ্ঞেন দেৰমনুস্সেসু সংসরন্তো উভযসম্পত্তিযো অনুভৰিত্ৰা ইমস্মিং বুদ্ধুপ্পাদে কুলগেহে নিব্বত্তো ৰুদ্ধিপ্পত্তো সত্থরি পসীদিত্ৰা পব্বজিতো নচিরস্সেৰ অরহা অহোসি।
Siddhatthassa bhagavatotiādikaṃ āyasmato senāsanadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto vuddhippatto satthari pasīditvā attano vasanaṭṭhānaṃ vanantaraṃ sampattassa bhagavato paṇāmaṃ katvā paṇṇasantharaṃ santharitvā adāsi. Bhagavato nisinnaṭṭhānassa samantato bhittiparicchedaṃ katvā pupphapūjamakāsi. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto satthari pasīditvā pabbajito nacirasseva arahā ahosi.
৪৫. সো অপরভাগে অত্তনো পুব্বকম্মং সরিত্ৰা সোমনস্সজাতো অত্তনো পুব্বচরিতাপদানং দস্সেন্তো সিদ্ধত্থস্স ভগৰতোতিআদিমাহ। তং সব্বং হেট্ঠা ৰুত্তনযত্তা উত্তানত্থমেৰাতি।
45. So aparabhāge attano pubbakammaṃ saritvā somanassajāto attano pubbacaritāpadānaṃ dassento siddhatthassa bhagavatotiādimāha. Taṃ sabbaṃ heṭṭhā vuttanayattā uttānatthamevāti.
সেনাসনদাযকত্থেরঅপদানৰণ্ণনা সমত্তা।
Senāsanadāyakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৮. সেনাসনদাযকত্থেরঅপদানং • 8. Senāsanadāyakattheraapadānaṃ
