| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сзнаасанаг̇г̇аахагат̇ааван̣н̣анаа
Senāsanaggāhakathāvaṇṇanā
318. ‘‘сзяяаг̇г̇знаад̇и ман̃жадтаанабарижчзд̣̇зна. вихаараг̇г̇знаад̇и оварагаг̇г̇знаа’’д̇и ликид̇ам̣. т̇аавараад̇и нияад̇аа. бажжаязнзва хи д̇анд̇и д̇асмим̣ сзнаасанз махаат̇зраа д̇асса бажжаяасса гааран̣аа ан̃н̃ад̇т̇а аг̇анд̇ваа васанд̇ааязва нам̣ бадиж̇аг̇г̇иссанд̇ийд̇и ад̇т̇о. агхадданагаммам̣ д̣̇ассзд̇ум̣ ‘‘на д̇ад̇т̇а мануссаа’’д̇иаад̣̇имааха. ‘‘вид̇аггам̣ чинд̣̇ид̇ваа суд̣̇д̇хажид̇д̇зна г̇аманавад̇д̇знзва г̇анд̇аб̣б̣а’’нд̇и баато. муд̣̇д̣̇авзд̣̇игаа наама жзд̇ияасса хаммияавзд̣̇игаа. бадиггаммаад̇и абасаггид̇ваа. самааналаабхагад̇игаа муулааваасз сад̇и сияаа, муулааваасавинаасзна гад̇игааби винассад̇и. самааналаабха-важанам̣ сад̇и д̣̇вийсу, б̣ахуусу ваа яуж̇ж̇ад̇и, д̇знзва згасмим̣ авасидтзд̇и но мад̇и. д̇аавагаалигам̣ гаалзна муулажчзд̣̇анавасзна ваа ан̃н̃зсам̣ ваа гаммам̣ ан̃н̃асса сияаа наавааяам̣ сан̇г̇амод̇и аажарияо. буг̇г̇алавасзнзва гаад̇аб̣б̣анд̇и абалоганагаалз сан̇гхо вассам̣вуд̇т̇абхигкуунам̣ баадзггам̣ ‘‘зд̇д̇агам̣ вассааваасигам̣ вад̇т̇ам̣ д̣̇зд̇и, ружжад̇и сан̇гхассаа’’д̇и буг̇г̇аламзва бараамасид̇ваа д̣̇аад̇аб̣б̣ам̣, на сан̇гхавасзна гаад̇аб̣б̣ам̣. на сан̇гхо сан̇гхасса зд̇д̇агам̣ д̣̇зд̇ийд̇и. ‘‘згасмим̣ ааваасз сан̇гхасса гаммам̣ гарод̇ий’д̇и важанад̇о сан̇гхавасзна гаад̇аб̣б̣а’’нд̇и ликид̇ам̣. на хи д̇ат̇аа вуд̇д̇з сан̇гхасса гин̃жи гаммам̣ гад̇ам̣ наама ход̇и. ‘‘саммад̇асзнаасанаг̇г̇аахаабагад̇о ан̃н̃зна г̇аахид̇зби г̇аахо рухад̇и аг̇г̇ахид̇убаж̇жхааяасса убасамбад̣̇аа вияаа’’д̇и ликид̇ам̣. ‘‘гаммаваажааяаби саммуд̇и ваддад̇ий’’д̇и ликид̇ам̣.
318.‘‘Seyyaggenāti mañcaṭṭhānaparicchedena. Vihāraggenāti ovarakaggenā’’ti likhitaṃ. Thāvarāti niyatā. Paccayeneva hi tanti tasmiṃ senāsane mahātherā tassa paccayassa kāraṇā aññattha agantvā vasantāyeva naṃ paṭijaggissantīti attho. Aghaṭṭanakammaṃ dassetuṃ ‘‘na tattha manussā’’tiādimāha. ‘‘Vitakkaṃ chinditvā suddhacittena gamanavatteneva gantabba’’nti pāṭho. Muddavedikā nāma cetiyassa hammiyavedikā. Paṭikkammāti apasakkitvā. Samānalābhakatikā mūlāvāse sati siyā, mūlāvāsavināsena katikāpi vinassati. Samānalābha-vacanaṃ sati dvīsu, bahūsu vā yujjati, teneva ekasmiṃ avasiṭṭheti no mati. Tāvakālikaṃ kālena mūlacchedanavasena vā aññesaṃ vā kammaṃ aññassa siyā nāvāyaṃ saṅgamoti ācariyo. Puggalavaseneva kātabbanti apalokanakāle saṅgho vassaṃvutthabhikkhūnaṃ pāṭekkaṃ ‘‘ettakaṃ vassāvāsikaṃ vatthaṃ deti, ruccati saṅghassā’’ti puggalameva parāmasitvā dātabbaṃ, na saṅghavasena kātabbaṃ. Na saṅgho saṅghassa ettakaṃ detīti. ‘‘Ekasmiṃ āvāse saṅghassa kammaṃ karotī’ti vacanato saṅghavasena kātabba’’nti likhitaṃ. Na hi tathā vutte saṅghassa kiñci kammaṃ kataṃ nāma hoti. ‘‘Sammatasenāsanaggāhāpakato aññena gāhitepi gāho ruhati aggahitupajjhāyassa upasampadā viyā’’ti likhitaṃ. ‘‘Kammavācāyapi sammuti vaṭṭatī’’ti likhitaṃ.
адтаби сол̣асаби ж̇анзд̇и зд̇т̇а гим̣ висум̣ висум̣, уд̣̇ааху згад̇од̇и? згад̇оби ваддад̇и. на хи д̇з д̇ат̇аа саммад̇аа сан̇гхзна гаммагад̇аа наама хонд̇и , д̇знзва сад̇д̇асад̇игагканд̇хагз згад̇о адта ж̇анаа саммад̇аад̇и. д̇зсам̣ саммуд̇и гаммаваажааяабийд̇и н̃ад̇д̇ид̣̇уд̇ияагаммаваажааяаби. абалоганагаммасса вад̇т̇уухи саа зва гаммаваажаа лаб̣бхамаанаа лаб̣бхад̇и, д̇ассаа жа вад̇т̇уухи абалоганагаммамзва лаб̣бхамаанам̣ лаб̣бхад̇и, на ан̃н̃анд̇и взд̣̇ид̇аб̣б̣ам̣. имам̣ наяам̣ мижчаа г̇ан̣ханд̇о ‘‘абалоганагаммам̣ н̃ад̇д̇ид̣̇уд̇ияагаммам̣ гаад̇ум̣, н̃ад̇д̇ид̣̇уд̇ияагамман̃жа абалоганагаммам̣ гаад̇ум̣ ваддад̇ий’’д̇и г̇ан̣хаад̇и, зван̃жа сад̇и гаммасан̇гарад̣̇осо аабаж̇ж̇ад̇и. маг̇г̇о богкаран̣ийд̇и зд̇т̇а маг̇г̇о наама маг̇г̇з гад̇ад̣̇ийгхасаалаа, богкаран̣ийд̇и нахааяид̇ум̣ гад̇абогкаран̣ий. зд̇аани хи асзнаасанаанийд̇и зд̇т̇а бхад̇д̇асаалаа на ааг̇ад̇аа, д̇асмаа д̇ам̣ сзнаасананд̇и жз? сааби зд̇т̇зва бавидтаа ваасад̇т̇ааяа агад̇ад̇д̇аа. бхож̇анасаалаа бана убхаяад̇т̇а нааг̇ад̇аа. гин̃жааби нааг̇ад̇аа, убари ‘‘бхож̇анасаалаа бана сзнаасанамзваа’’д̇и (жуул̣ава. адта. 318) вуд̇д̇ад̇д̇аа сзнаасанам̣. ‘‘габбияагуди жа зд̇т̇а гаад̇аб̣б̣аа’’д̇и вад̣̇анд̇и, д̇ам̣ нзд̇и згз. ругкамуулавзл̣уг̇умб̣аа чаннаа гаваадаб̣ад̣̇д̇хаава сзнаасанам̣. ‘‘алаабхагзсу ааваасзсууд̇и алаабхагзсу сзнаасанзсуу’’д̇и ликид̇ам̣, д̇ам̣ яуд̇д̇ам̣. на хи баадзггам̣ сзнаасанам̣ ход̇и. д̇ам̣ сан̃н̃аабзд̇ваад̇и зд̇т̇а бан̃н̃ад̇д̇им̣ аг̇ажчанд̇з б̣алаггаарзнаби ваддад̇и. аяамбийд̇и бажжаяоби.
Aṭṭhapi soḷasapi janeti ettha kiṃ visuṃ visuṃ, udāhu ekatoti? Ekatopi vaṭṭati. Na hi te tathā sammatā saṅghena kammakatā nāma honti , teneva sattasatikakkhandhake ekato aṭṭha janā sammatāti. Tesaṃ sammuti kammavācāyapīti ñattidutiyakammavācāyapi. Apalokanakammassa vatthūhi sā eva kammavācā labbhamānā labbhati, tassā ca vatthūhi apalokanakammameva labbhamānaṃ labbhati, na aññanti veditabbaṃ. Imaṃ nayaṃ micchā gaṇhanto ‘‘apalokanakammaṃ ñattidutiyakammaṃ kātuṃ, ñattidutiyakammañca apalokanakammaṃ kātuṃ vaṭṭatī’’ti gaṇhāti, evañca sati kammasaṅkaradoso āpajjati. Maggo pokkharaṇīti ettha maggo nāma magge katadīghasālā, pokkharaṇīti nahāyituṃ katapokkharaṇī. Etāni hi asenāsanānīti ettha bhattasālā na āgatā, tasmā taṃ senāsananti ce? Sāpi ettheva paviṭṭhā vāsatthāya akatattā. Bhojanasālā pana ubhayattha nāgatā. Kiñcāpi nāgatā, upari ‘‘bhojanasālā pana senāsanamevā’’ti (cūḷava. aṭṭha. 318) vuttattā senāsanaṃ. ‘‘Kappiyakuṭi ca ettha kātabbā’’ti vadanti, taṃ neti eke. Rukkhamūlaveḷugumbā channā kavāṭabaddhāva senāsanaṃ. ‘‘Alābhakesu āvāsesūti alābhakesu senāsanesū’’ti likhitaṃ, taṃ yuttaṃ. Na hi pāṭekkaṃ senāsanaṃ hoti. Taṃ saññāpetvāti ettha paññattiṃ agacchante balakkārenapi vaṭṭati. Ayampīti paccayopi.
убаниб̣анд̇хид̇ваад̇и д̇асса самийбз ругкамуулаад̣̇ийсу васид̇ваа д̇ад̇т̇а вад̇д̇ам̣ гад̇ваад̇и ад̇хиббааяо. барияад̇д̇ибадибад̇д̇ибадивзд̇хавасзна д̇ивид̇хамби. ‘‘д̣̇асагат̇аавад̇т̇угам̣ д̣̇асаасубхам̣ д̣̇асаануссад̇и’’нд̇и баато. ‘‘батамабхааг̇ам̣ мун̃жид̇ваад̇и ид̣̇ам̣ жз батамаг̇аахид̇авад̇т̇уд̇о махаг̇гхам̣ ход̇ий’’д̇и ликид̇ам̣. чиннавассаанам̣ вассааваасигам̣ наама буб̣б̣з г̇ахид̇авассааваасигаанам̣ бажчаа чиннавассаанам̣. бхад̇инивидтанд̇и бхад̇им̣ гад̇ваа вияа нивидтам̣ барияидтам̣. ‘‘сан̇гхигам̣ бана…бз… виб̣бханд̇оби лабхад̇зваа’’д̇и ид̣̇ам̣ д̇ад̇руббаад̣̇ам̣ санд̇хааяа вуд̇д̇ам̣. иминаа абалоганамзва бамаан̣ам̣, на г̇аахаабананд̇и гзжи. винаяад̇хараа бана ‘‘амхаагам̣ вихаарз вассам̣ убаг̇ад̇аанам̣ згзгасса д̇ижийварам̣ сан̇гхо д̣̇ассад̇ий’д̇иаад̣̇инаа абалогид̇зби абхааж̇ид̇ам̣ виб̣бханд̇аго на лабхад̇и. ‘абалоганагаммам̣ гад̇ваа г̇аахид̇а’нд̇и вуд̇д̇ад̇д̇аа, ‘абхааж̇ид̇з виб̣бхамад̇ий’д̇и звам̣ буб̣б̣з вуд̇д̇ад̇д̇аа жаа’’д̇и вад̣̇анд̇и. ‘‘бажжаяавасзнаад̇и г̇ахабад̇игам̣ ваа ан̃н̃ам̣ ваа вассааваасигам̣ бажжаяавасзна г̇аахид̇а’’нд̇и ликид̇ам̣. ‘‘згамзва вад̇т̇ам̣ д̣̇аад̇аб̣б̣анд̇и д̇ад̇т̇а нисиннаанам̣ згамзгам̣ вад̇т̇ам̣ баабун̣аад̇ий’’д̇и ликид̇ам̣. д̣̇уд̇ияо т̇зраасанзд̇и анубхааг̇о. батамабхааг̇о ан̃н̃ат̇аа т̇зрзна г̇ахид̇од̇и ж̇аанид̇аб̣б̣ам̣.
Upanibandhitvāti tassa samīpe rukkhamūlādīsu vasitvā tattha vattaṃ katvāti adhippāyo. Pariyattipaṭipattipaṭivedhavasena tividhampi. ‘‘Dasakathāvatthukaṃ dasaasubhaṃ dasaanussati’’nti pāṭho. ‘‘Paṭhamabhāgaṃ muñcitvāti idaṃ ce paṭhamagāhitavatthuto mahagghaṃ hotī’’ti likhitaṃ. Chinnavassānaṃ vassāvāsikaṃ nāma pubbe gahitavassāvāsikānaṃ pacchā chinnavassānaṃ. Bhatiniviṭṭhanti bhatiṃ katvā viya niviṭṭhaṃ pariyiṭṭhaṃ. ‘‘Saṅghikaṃ pana…pe… vibbhantopi labhatevā’’ti idaṃ tatruppādaṃ sandhāya vuttaṃ. Iminā apalokanameva pamāṇaṃ, na gāhāpananti keci. Vinayadharā pana ‘‘amhākaṃ vihāre vassaṃ upagatānaṃ ekekassa ticīvaraṃ saṅgho dassatī’tiādinā apalokitepi abhājitaṃ vibbhantako na labhati. ‘Apalokanakammaṃ katvā gāhita’nti vuttattā, ‘abhājite vibbhamatī’ti evaṃ pubbe vuttattā cā’’ti vadanti. ‘‘Paccayavasenāti gahapatikaṃ vā aññaṃ vā vassāvāsikaṃ paccayavasena gāhita’’nti likhitaṃ. ‘‘Ekameva vatthaṃ dātabbanti tattha nisinnānaṃ ekamekaṃ vatthaṃ pāpuṇātī’’ti likhitaṃ. Dutiyo therāsaneti anubhāgo. Paṭhamabhāgo aññathā therena gahitoti jānitabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сзнаасанаг̇г̇аахаабагасаммуд̇и • Senāsanaggāhāpakasammuti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сзнаасанаг̇г̇аахагат̇аа • Senāsanaggāhakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сзнаасанаг̇г̇аахаабагасаммуд̇игат̇ааван̣н̣анаа • Senāsanaggāhāpakasammutikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сзнаасанаг̇г̇аахагат̇ааван̣н̣анаа • Senāsanaggāhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сзнаасанаг̇г̇аахагат̇аа • Senāsanaggāhakathā
