| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сзнаасанаг̇г̇аахагат̇ааван̣н̣анаа
Senāsanaggāhakathāvaṇṇanā
318. ‘‘чамаасажжаязна чамаасажжаязнаа’’д̇и ид̣̇ам̣ д̣̇вигкад̇д̇ум̣ бажжаяад̣̇аанагаалабарижчзд̣̇ад̣̇ассанам̣, звам̣ убариби. ‘‘д̇ам̣ на г̇аахзд̇аб̣б̣а’’нд̇и важанасса гааран̣амааха ‘‘бажжаязнзва хи д̇а’’нд̇иаад̣̇инаа, бажжаяан̃н̃зва ниссааяа д̇ад̇т̇а васид̇ваа бадиж̇аг̇г̇анаа бхависсанд̇ийд̇и ад̇хиббааяо.
318.‘‘Chamāsaccayena chamāsaccayenā’’ti idaṃ dvikkhattuṃ paccayadānakālaparicchedadassanaṃ, evaṃ uparipi. ‘‘Taṃ na gāhetabba’’nti vacanassa kāraṇamāha ‘‘paccayeneva hi ta’’ntiādinā, paccayaññeva nissāya tattha vasitvā paṭijagganā bhavissantīti adhippāyo.
уб̣бхан̣д̣игаад̇и угкид̇д̇абхан̣д̣аа бхависсанд̇и. д̣̇ийгхасаалаад̇и жан̇гаманасаалаа. ман̣д̣аламаал̣од̇и убадтаанасаалаа. ануд̣̇ахад̇ийд̇и бийл̣зд̇и. ‘‘ад̣̇аад̇ум̣ на лаб̣бхад̇ий’’д̇и иминаа сан̃жижжа ад̣̇ад̣̇анд̇асса бадиб̣ааханз бависанад̇о д̣̇уггаданд̇и д̣̇ийбзд̇и.
Ubbhaṇḍikāti ukkhittabhaṇḍā bhavissanti. Dīghasālāti caṅkamanasālā. Maṇḍalamāḷoti upaṭṭhānasālā. Anudahatīti pīḷeti. ‘‘Adātuṃ na labbhatī’’ti iminā sañcicca adadantassa paṭibāhane pavisanato dukkaṭanti dīpeti.
‘‘на г̇ожараг̇аамо гхаддзд̇аб̣б̣о’’д̇и вуд̇д̇амзвад̇т̇ам̣ вибхаавзд̇ум̣ ‘‘на д̇ад̇т̇а мануссаа вад̇д̇аб̣б̣аа’’д̇иаад̣̇и вуд̇д̇ам̣. вид̇аггам̣ чинд̣̇ид̇ваад̇и ‘‘иминаа нийхаарзна г̇ажчанд̇ам̣ д̣̇исваа ниваарзд̇ваа бажжаяз д̣̇ассанд̇ий’’д̇и зваруубам̣ вид̇аггам̣ ануббаад̣̇зд̇ваа. бхан̣д̣аббадижчаад̣̇ананд̇и бадижчаад̣̇анабхан̣д̣ам̣. сарийраббадижчаад̣̇анажийваранд̇и ад̇т̇о. ‘‘суд̣̇д̇хажид̇д̇ад̇д̇аава анаваж̇ж̇а’’нд̇и ид̣̇ам̣ бужчид̇агкан̣з гааран̣аажигканам̣ санд̇хааяа вуд̇д̇ам̣ на ход̇и асуд̣̇д̇хажид̇д̇ассаби бужчид̇абан̃хависаж̇ж̇анз д̣̇осаабхааваа. звам̣ бана г̇ад̇з мам̣ бужчиссанд̇ийд̇исан̃н̃ааяа аг̇аманам̣ санд̇хааяа вуд̇д̇анд̇и д̣̇адтаб̣б̣ам̣.
‘‘Na gocaragāmo ghaṭṭetabbo’’ti vuttamevatthaṃ vibhāvetuṃ ‘‘na tattha manussā vattabbā’’tiādi vuttaṃ. Vitakkaṃ chinditvāti ‘‘iminā nīhārena gacchantaṃ disvā nivāretvā paccaye dassantī’’ti evarūpaṃ vitakkaṃ anuppādetvā. Bhaṇḍappaṭicchādananti paṭicchādanabhaṇḍaṃ. Sarīrappaṭicchādanacīvaranti attho. ‘‘Suddhacittattāva anavajja’’nti idaṃ pucchitakkhaṇe kāraṇācikkhanaṃ sandhāya vuttaṃ na hoti asuddhacittassapi pucchitapañhavisajjane dosābhāvā. Evaṃ pana gate maṃ pucchissantītisaññāya agamanaṃ sandhāya vuttanti daṭṭhabbaṃ.
бадиж̇аг̇г̇ид̇аб̣б̣аанийд̇и кан̣д̣апуллабадисан̇каран̣асаммаж̇ж̇анаад̣̇ийхи бадиж̇аг̇г̇ид̇аб̣б̣аани. муд̣̇д̣̇авзд̣̇игааяаад̇и жзд̇ияасса хаммияавзд̣̇игааяа гхадаагаарасса убари жад̇урассавзд̣̇игааяа. гасмаа бужчид̇аб̣б̣анд̇иаад̣̇и яад̇о багад̇ияаа лабхад̇и. д̇ад̇т̇ааби бужчанасса гааран̣асанд̣̇ассанад̇т̇ам̣ вуд̇д̇ам̣.
Paṭijaggitabbānīti khaṇḍaphullapaṭisaṅkharaṇasammajjanādīhi paṭijaggitabbāni. Muddavedikāyāti cetiyassa hammiyavedikāya ghaṭākārassa upari caturassavedikāya. Kasmā pucchitabbantiādi yato pakatiyā labhati. Tatthāpi pucchanassa kāraṇasandassanatthaṃ vuttaṃ.
бадиггаммаад̇и вихаарад̇о абасаггид̇ваа. д̇амад̇т̇ам̣ д̣̇ассзнд̇о ‘‘яож̇анад̣̇вияож̇ананд̇арз ход̇ий’’д̇и ааха. убанигкзбам̣ табзд̇ваад̇и вад̣дхияаа гахаабан̣аад̣̇им̣ табзд̇ваа, кзд̇д̇аад̣̇ийни ваа нияамзд̇ваа. ид̇и сад̣̇д̇хаад̣̇зяязд̇и звам̣ хздтаа вуд̇д̇анаязна сад̣̇д̇хааяа д̣̇аад̇аб̣б̣з вассааваасигалаабхависаязд̇и ад̇т̇о.
Paṭikkammāti vihārato apasakkitvā. Tamatthaṃ dassento ‘‘yojanadviyojanantare hotī’’ti āha. Upanikkhepaṃ ṭhapetvāti vaḍḍhiyā kahāpaṇādiṃ ṭhapetvā, khettādīni vā niyametvā. Iti saddhādeyyeti evaṃ heṭṭhā vuttanayena saddhāya dātabbe vassāvāsikalābhavisayeti attho.
вад̇т̇у банаад̇и д̇ад̇руббаад̣̇з уббаннаруубияам̣, д̇ан̃жа ‘‘д̇ад̇о жад̇убажжаяам̣ барибхун̃ж̇ат̇аа’’д̇и д̣̇иннакзд̇д̇аад̣̇ид̇о уббаннад̇д̇аа габбияагаарагаанам̣ хад̇т̇з ‘‘габбияабхан̣д̣ам̣ барибхун̃ж̇ат̇аа’’д̇и д̣̇ааяагзхи д̣̇иннавад̇т̇усад̣̇исам̣ ход̇ийд̇и ааха ‘‘габбияагаарагаанам̣ хий’’д̇иаад̣̇и.
Vatthu panāti tatruppāde uppannarūpiyaṃ, tañca ‘‘tato catupaccayaṃ paribhuñjathā’’ti dinnakhettādito uppannattā kappiyakārakānaṃ hatthe ‘‘kappiyabhaṇḍaṃ paribhuñjathā’’ti dāyakehi dinnavatthusadisaṃ hotīti āha ‘‘kappiyakārakānaṃ hī’’tiādi.
сан̇гхасудтуд̇ааяаад̇и сан̇гхасса хид̇ааяа. буг̇г̇алавасзнаад̇и ‘‘бхигкуу жийварзна гиламанд̇ий’’д̇и звам̣ буг̇г̇алабараамаасавасзна, на ‘‘сан̇гхо гиламад̇ий’’д̇и звам̣ сан̇гхабараамаасавасзна.
Saṅghasuṭṭhutāyāti saṅghassa hitāya. Puggalavasenāti ‘‘bhikkhū cīvarena kilamantī’’ti evaṃ puggalaparāmāsavasena, na ‘‘saṅgho kilamatī’’ti evaṃ saṅghaparāmāsavasena.
‘‘габбияабхан̣д̣авасзнаа’’д̇и сааман̃н̃ад̇о вуд̇д̇амзвад̇т̇ам̣ вибхаавзд̇ум̣ ‘‘жийварад̇ан̣д̣улаад̣̇ивасзнзва жаа’’д̇и вуд̇д̇ам̣. жа-гааро жзд̇т̇а бана-сад̣̇д̣̇ад̇т̇з вад̇д̇ад̇и, на самужжаяад̇т̇зд̇и д̣̇адтаб̣б̣ам̣. буг̇г̇алавасзнзва, габбияабхан̣д̣авасзна жа абалоганаббагаарам̣ д̣̇ассзд̇ум̣ ‘‘д̇ам̣ бана звам̣ гад̇д̇аб̣б̣а’’нд̇иаад̣̇и вуд̇д̇ам̣.
‘‘Kappiyabhaṇḍavasenā’’ti sāmaññato vuttamevatthaṃ vibhāvetuṃ ‘‘cīvarataṇḍulādivaseneva cā’’ti vuttaṃ. Ca-kāro cettha pana-saddatthe vattati, na samuccayattheti daṭṭhabbaṃ. Puggalavaseneva, kappiyabhaṇḍavasena ca apalokanappakāraṃ dassetuṃ ‘‘taṃ pana evaṃ kattabba’’ntiādi vuttaṃ.
жийварабажжаяам̣ саллагкзд̇ваад̇и сад̣̇д̇хаад̣̇зяяад̇ад̇руббаад̣̇аад̣̇ивасзна д̇асмим̣ вассааваасз лаб̣бхамаанам̣ жийварасан̇каад̇ам̣ бажжаяам̣ ‘‘зд̇д̇ага’’нд̇и барижчинд̣̇ид̇ваа. сзнаасанассаад̇и сзнаасанаг̇г̇аахаабанасса. ‘‘наваго вуд̣дхад̇арасса, вуд̣дхо жа навагассаа’’д̇и ид̣̇ам̣ сзнаасанаг̇г̇аахасса ад̇д̇анаава ад̇д̇ано г̇ахан̣ам̣ асааруббанд̇и вуд̇д̇ам̣, д̣̇вз ан̃н̃аман̃н̃ам̣ г̇аахзссанд̇ийд̇и ад̇хиббааяо. адтаби сол̣асаби ж̇анз самманнид̇ум̣ ваддад̇ийд̇и згагаммаваажааяа саб̣б̣зби згад̇о самманнид̇ум̣ ваддад̇и. ниг̇г̇ахагаммамзва хи сан̇гхо сан̇гхасса на гарод̇и. д̇знзва сад̇д̇асад̇игагканд̇хагз ‘‘уб̣б̣аахигагаммасаммуд̇ияам̣ адтаби ж̇анаа згад̇ова саммад̇аад̇и.
Cīvarapaccayaṃ sallakkhetvāti saddhādeyyatatruppādādivasena tasmiṃ vassāvāse labbhamānaṃ cīvarasaṅkhātaṃ paccayaṃ ‘‘ettaka’’nti paricchinditvā. Senāsanassāti senāsanaggāhāpanassa. ‘‘Navako vuḍḍhatarassa, vuḍḍho canavakassā’’ti idaṃ senāsanaggāhassa attanāva attano gahaṇaṃ asāruppanti vuttaṃ, dve aññamaññaṃ gāhessantīti adhippāyo. Aṭṭhapi soḷasapi jane sammannituṃ vaṭṭatīti ekakammavācāya sabbepi ekato sammannituṃ vaṭṭati. Niggahakammameva hi saṅgho saṅghassa na karoti. Teneva sattasatikakkhandhake ‘‘ubbāhikakammasammutiyaṃ aṭṭhapi janā ekatova sammatāti.
аасанагхаранд̇и бадимаагхарам̣. маг̇г̇од̇и убажаарасиймаб̣бханд̇араг̇ад̇з г̇аамаабхимукамаг̇г̇з гад̇асаалаа вужжад̇и. звам̣ богкаран̣ийругкамуулаад̣̇ийсуби.
Āsanagharanti paṭimāgharaṃ. Maggoti upacārasīmabbhantaragate gāmābhimukhamagge katasālā vuccati. Evaṃ pokkharaṇīrukkhamūlādīsupi.
лабханд̇ийд̇и д̇ад̇раваасино бхигкуу лабханд̇и. виж̇адзд̇ваад̇и ‘‘згзгасса бахонагаббамаан̣зна вияож̇зд̇ваа. ааваасзсу багкибид̇ваад̇и ‘‘ид̇о уббаннам̣ асугасмим̣ асугасмин̃жа ааваасз васанд̇аа баабзд̇ваа г̇ан̣ханд̇уу’’д̇и ваажааяа убасам̣харид̇ваа. бависид̇аб̣б̣анд̇и махаалаабхз баривзн̣з васид̇ваава лаабхо г̇ахзд̇аб̣б̣од̇и ад̇хиббааяо.
Labhantīti tatravāsino bhikkhū labhanti. Vijaṭetvāti ‘‘ekekassa pahonakappamāṇena viyojetvā. Āvāsesu pakkhipitvāti ‘‘ito uppannaṃ asukasmiṃ asukasmiñca āvāse vasantā pāpetvā gaṇhantū’’ti vācāya upasaṃharitvā. Pavisitabbanti mahālābhe pariveṇe vasitvāva lābho gahetabboti adhippāyo.
аяамбийд̇и зд̇т̇а яо бам̣сугуулиго бажжаяам̣ виссаж̇ж̇зд̇и. д̇знзва виссадто аяам̣ жийварабажжаяобийд̇и яож̇анаа. баад̣̇амуулз табзд̇ваа саадагам̣ д̣̇знд̇ийд̇и бажжаяад̣̇ааяагаа д̣̇знд̇и. зд̇зна г̇ахадтзхи баад̣̇амуулз табзд̇ваа д̣̇иннамби бам̣сугуулигаанамби ваддад̇ийд̇и д̣̇ассзд̇и. ат̇а вассааваасигам̣ д̣̇змаад̇и вад̣̇анд̇ийд̇и зд̇т̇а бам̣сугуулигаанам̣ на ваддад̇ийд̇и аж̇жхаахарид̇ваа яож̇зд̇аб̣б̣ам̣. вассам̣вуд̇т̇абхигкуунанд̇и бам̣сугуулигад̇о ан̃н̃зсам̣ бхигкуунам̣.
Ayampīti ettha yo paṃsukūliko paccayaṃ vissajjeti. Teneva vissaṭṭho ayaṃ cīvarapaccayopīti yojanā. Pādamūle ṭhapetvā sāṭakaṃ dentīti paccayadāyakā denti. Etena gahaṭṭhehi pādamūle ṭhapetvā dinnampi paṃsukūlikānampi vaṭṭatīti dasseti. Atha vassāvāsikaṃ demāti vadantīti ettha paṃsukūlikānaṃ na vaṭṭatīti ajjhāharitvā yojetabbaṃ. Vassaṃvutthabhikkhūnanti paṃsukūlikato aññesaṃ bhikkhūnaṃ.
убаниб̣анд̇хид̇ваа г̇аахаабзд̇аб̣б̣анд̇и ид̇ха ругкаад̣̇ийсу васид̇ваа жийварам̣ г̇ан̣хат̇аад̇и бадиб̣анд̇хам̣ гад̇ваа г̇аахзд̇аб̣б̣ам̣.
Upanibandhitvā gāhāpetabbanti idha rukkhādīsu vasitvā cīvaraṃ gaṇhathāti paṭibandhaṃ katvā gāhetabbaṃ.
баадибад̣̇аарун̣ад̇од̇иаад̣̇и вассуубанааяигад̣̇ивасам̣ санд̇хааяа вуд̇д̇ам̣. анд̇араамуд̇д̇агам̣ бана баадибад̣̇ам̣ ад̇иггамид̇вааби г̇аахзд̇ум̣ ваддад̇и. ниб̣ад̣̇д̇хавад̇д̇ам̣ табзд̇ваад̇и саж̇жхааяаманасигаараад̣̇ийсу ниранд̇арагаран̣ийязсу гад̇д̇аб̣б̣ам̣ гад̇игавад̇д̇ам̣ гад̇ваа. гасаавабарибхан̣д̣анд̇и гасааварасзхи бхуумибаригаммам̣.
Pāṭipadaaruṇatotiādi vassūpanāyikadivasaṃ sandhāya vuttaṃ. Antarāmuttakaṃ pana pāṭipadaṃ atikkamitvāpi gāhetuṃ vaṭṭati. Nibaddhavattaṃ ṭhapetvāti sajjhāyamanasikārādīsu nirantarakaraṇīyesu kattabbaṃ katikavattaṃ katvā. Kasāvaparibhaṇḍanti kasāvarasehi bhūmiparikammaṃ.
д̇ивид̇хамбийд̇и барияад̇д̇ибадибад̇д̇ибадивзд̇хавасзна д̇ивид̇хамби. сод̇хзд̇ваад̇и аажаараад̣̇ийсу убабаригкид̇ваа. згажааригавад̇д̇анд̇и бхааванаагаммам̣. д̇ан̃хи г̇ан̣асан̇г̇ан̣игам̣ бахааяа згажааригзнзва вад̇д̇ид̇аб̣б̣ад̇д̇аа звам̣ вуд̇д̇ам̣. д̣̇асавад̇т̇угагат̇аа наама аббижчагат̇аа, санд̇удти, бавивзга, асам̣саг̇г̇а, вийрияаарамбха, сийла, самаад̇хи, бан̃н̃аа, вимуд̇д̇и, вимуд̇д̇ин̃аан̣ад̣̇ассанагат̇аад̇и имаа д̣̇аса.
Tividhampīti pariyattipaṭipattipaṭivedhavasena tividhampi. Sodhetvāti ācārādīsu upaparikkhitvā. Ekacārikavattanti bhāvanākammaṃ. Tañhi gaṇasaṅgaṇikaṃ pahāya ekacārikeneva vattitabbattā evaṃ vuttaṃ. Dasavatthukakathā nāma appicchakathā, santuṭṭhi, paviveka, asaṃsagga, vīriyārambha, sīla, samādhi, paññā, vimutti, vimuttiñāṇadassanakathāti imā dasa.
д̣̇анд̇агадтакаад̣̇анавад̇д̇анд̇и д̣̇анд̇агадтамаал̣агз нигкид̇д̇зсу д̣̇анд̇агадтзсу ‘‘д̣̇ивасз д̣̇ивасз згамзва д̣̇анд̇агадтам̣ г̇ахзд̇аб̣б̣а’’нд̇иаад̣̇инаа (баараа. адта. 1.109) ад̣̇иннаад̣̇аанз д̣̇анд̇абонагат̇ааяам̣ вуд̇д̇ам̣ вад̇д̇ам̣. бад̇д̇ам̣ ваа…бз… на гат̇зд̇аб̣б̣анд̇и бад̇д̇аг̇уд̇д̇ад̇т̇ааяа вуд̇д̇ам̣. висабхааг̇агат̇аад̇и д̇иражчаанагат̇аа. канд̇хагавад̇д̇анд̇и вад̇д̇агканд̇хагз (жуул̣ава. 365) ааг̇ад̇ам̣ бин̣д̣ажааригавад̇д̇ад̇о авасидтавад̇д̇ам̣ д̇асса ‘‘бхигкаажааравад̇д̇а’’нд̇и висум̣ г̇ахид̇ад̇д̇аа.
Dantakaṭṭhakhādanavattanti dantakaṭṭhamāḷake nikkhittesu dantakaṭṭhesu ‘‘divase divase ekameva dantakaṭṭhaṃ gahetabba’’ntiādinā (pārā. aṭṭha. 1.109) adinnādāne dantaponakathāyaṃ vuttaṃ vattaṃ. Pattaṃ vā…pe… na kathetabbanti pattaguttatthāya vuttaṃ. Visabhāgakathāti tiracchānakathā. Khandhakavattanti vattakkhandhake (cūḷava. 365) āgataṃ piṇḍacārikavattato avasiṭṭhavattaṃ tassa ‘‘bhikkhācāravatta’’nti visuṃ gahitattā.
ид̣̇аани яам̣ д̣̇ааяагаа бажчимавассам̣вуд̇т̇аанам̣ вассааваасигам̣ д̣̇знд̇и, д̇ад̇т̇а бадибаж̇ж̇анавид̇хим̣ д̣̇ассзд̇ум̣ ‘‘бажчимавассуубанааяигад̣̇ивасз банаа’’д̇и аарад̣̇д̇хам̣. ааг̇анд̇уго сажз бхигкууд̇и жийварз г̇аахид̇з бажчаа ааг̇ад̇о ааг̇анд̇уго бхигку. бад̇д̇адтаанзд̇и вассаг̇г̇зна бад̇д̇адтаанз. батамавассуубаг̇ад̇аад̇и ааг̇анд̇угасса ааг̇аманад̇о бурзд̇арамзва бажчимигааяа вассуубанааяигааяа вассуубаг̇ад̇аа. лад̣̇д̇хам̣ лад̣̇д̇ханд̇и бунаббунам̣ д̣̇ааяагаанам̣ санд̇игаа ааг̇ад̇ааг̇ад̇асаадагам̣.
Idāni yaṃ dāyakā pacchimavassaṃvutthānaṃ vassāvāsikaṃ denti, tattha paṭipajjanavidhiṃ dassetuṃ ‘‘pacchimavassūpanāyikadivase panā’’ti āraddhaṃ. Āgantuko sace bhikkhūti cīvare gāhite pacchā āgato āgantuko bhikkhu. Pattaṭṭhāneti vassaggena pattaṭṭhāne. Paṭhamavassūpagatāti āgantukassa āgamanato puretarameva pacchimikāya vassūpanāyikāya vassūpagatā. Laddhaṃ laddhanti punappunaṃ dāyakānaṃ santikā āgatāgatasāṭakaṃ.
нзва вассааваасигасса сааминод̇и чиннавассад̇д̇аа вуд̇д̇ам̣. батамамзва гад̇игааяа гад̇ад̇д̇аа ‘‘нзва ад̣̇аад̇ум̣ лабханд̇ий’’д̇и вуд̇д̇ам̣, д̣̇аад̇аб̣б̣ам̣ ваарзнд̇аанам̣ г̇ийваа ход̇ийд̇и ад̇хиббааяо. д̇зсамзва д̣̇аад̇аб̣б̣анд̇и вассуубаг̇ад̇зсу алад̣̇д̇хавассааваасигаанам̣ згажжаанамзва д̣̇аад̇аб̣б̣ам̣.
Neva vassāvāsikassa sāminoti chinnavassattā vuttaṃ. Paṭhamameva katikāya katattā ‘‘neva adātuṃ labhantī’’ti vuttaṃ, dātabbaṃ vārentānaṃ gīvā hotīti adhippāyo. Tesameva dātabbanti vassūpagatesu aladdhavassāvāsikānaṃ ekaccānameva dātabbaṃ.
бхад̇инивидтанд̇и баанийяубадтаанаад̣̇ибхад̇им̣ гад̇ваа лад̣̇д̇хам̣. сан̇гхигам̣ банаад̇иаад̣̇и гзсан̃жи ваад̣̇ад̣̇ассанам̣. д̇ад̇т̇а абалоганагаммам̣ гад̇ваа г̇аахид̇анд̇и ‘‘чиннавассаанам̣ вассааваасиган̃жа ид̣̇аани уббаж̇ж̇анагавассааваасиган̃жа имзсам̣ д̣̇аад̇ум̣ ружжад̇ий’’д̇и ананд̇арз вуд̇д̇анаязна абалоганам̣ гад̇ваа г̇аахид̇ам̣ сан̇гхзна д̣̇иннад̇д̇аа виб̣бханд̇оби лабхад̇и. баг̇зва чиннавассо. бажжаяавасзна г̇аахид̇ам̣ бана д̇змаасам̣ васид̇ваа г̇ахзд̇ум̣ ад̇д̇анаа, д̣̇ааяагзхи жа анумад̇ад̇д̇аа бхад̇инивидтамби чиннавассоби виб̣бханд̇оби на лабхад̇ийд̇и гзжи аажарияаа вад̣̇анд̇и. ид̣̇ан̃жа бажчаа вуд̇д̇ад̇д̇аа бамаан̣ам̣. д̇знзва вассуубанааяигад̣̇ивасз зва д̣̇ааяагзхи д̣̇иннавассааваасигам̣ г̇ахид̇абхигкуно вассажчзд̣̇ам̣ агад̇ваа ваасова хздтаа вихид̇о, на баанийяубадтаанаад̣̇ибхад̇игаран̣авад̇д̇ам̣. яад̣̇и хи д̇ам̣ нивидтамзва сияаа, бхад̇игаран̣амзва вид̇хаад̇аб̣б̣ам̣. д̇асмаа вассаг̇г̇зна г̇аахид̇ам̣ чиннавассаад̣̇аяо на лабханд̇ийд̇и взд̣̇ид̇аб̣б̣ам̣.
Bhatiniviṭṭhanti pānīyupaṭṭhānādibhatiṃ katvā laddhaṃ. Saṅghikaṃ panātiādi kesañci vādadassanaṃ. Tattha apalokanakammaṃ katvā gāhitanti ‘‘chinnavassānaṃ vassāvāsikañca idāni uppajjanakavassāvāsikañca imesaṃ dātuṃ ruccatī’’ti anantare vuttanayena apalokanaṃ katvā gāhitaṃ saṅghena dinnattā vibbhantopi labhati. Pageva chinnavasso. Paccayavasena gāhitaṃ pana temāsaṃ vasitvā gahetuṃ attanā, dāyakehi ca anumatattā bhatiniviṭṭhampi chinnavassopi vibbhantopi na labhatīti keci ācariyā vadanti. Idañca pacchā vuttattā pamāṇaṃ. Teneva vassūpanāyikadivase eva dāyakehi dinnavassāvāsikaṃ gahitabhikkhuno vassacchedaṃ akatvā vāsova heṭṭhā vihito, na pānīyupaṭṭhānādibhatikaraṇavattaṃ. Yadi hi taṃ niviṭṭhameva siyā, bhatikaraṇameva vidhātabbaṃ. Tasmā vassaggena gāhitaṃ chinnavassādayo na labhantīti veditabbaṃ.
‘‘сан̇гхигам̣ ход̇ий’’д̇и зд̇зна вуд̇т̇авассаанамби вассааваасигабхааг̇о сан̇гхигад̇о аможид̇о д̇зсам̣ виб̣бхамзна сан̇гхиго ход̇ийд̇и д̣̇ассзд̇и. лабхад̇ийд̇и ‘‘мама бад̇д̇абхааг̇ам̣ зд̇асса д̣̇зт̇аа’’д̇и д̣̇ааяагз самбадижчаабзнд̇знзва сан̇гхигад̇о вияож̇ид̇ам̣ ход̇ийд̇и вуд̇д̇ам̣.
‘‘Saṅghikaṃ hotī’’ti etena vutthavassānampi vassāvāsikabhāgo saṅghikato amocito tesaṃ vibbhamena saṅghiko hotīti dasseti. Labhatīti ‘‘mama pattabhāgaṃ etassa dethā’’ti dāyake sampaṭicchāpenteneva saṅghikato viyojitaṃ hotīti vuttaṃ.
варабхааг̇ам̣ сааман̣зрассаад̇и д̇асса батамаг̇аахад̇д̇аа, т̇зрзна буб̣б̣з батамабхааг̇асса г̇ахид̇ад̇д̇аа, ид̣̇аани г̇аяхамаанасса д̣̇уд̇ияабхааг̇ад̇д̇аа жа вуд̇д̇ам̣.
Varabhāgaṃ sāmaṇerassāti tassa paṭhamagāhattā, therena pubbe paṭhamabhāgassa gahitattā, idāni gayhamānassa dutiyabhāgattā ca vuttaṃ.
сзнаасанаг̇г̇аахагат̇ааван̣н̣анаа нидтид̇аа.
Senāsanaggāhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сзнаасанаг̇г̇аахаабагасаммуд̇и • Senāsanaggāhāpakasammuti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сзнаасанаг̇г̇аахагат̇аа • Senāsanaggāhakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сзнаасанаг̇г̇аахаабагасаммуд̇игат̇ааван̣н̣анаа • Senāsanaggāhāpakasammutikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сзнаасанаг̇г̇аахагат̇ааван̣н̣анаа • Senāsanaggāhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сзнаасанаг̇г̇аахагат̇аа • Senāsanaggāhakathā
