| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сзнаасанаг̇г̇аахаабагасаммуд̇игат̇ааван̣н̣анаа
Senāsanaggāhāpakasammutikathāvaṇṇanā
318. бажжаязнзва хи д̇ам̣ бадиж̇аг̇г̇анам̣ лабхиссад̇ийд̇и д̇асмим̣ сзнаасанз махаат̇зраа д̇асса бажжаяасса гааран̣аа ан̃н̃ад̇т̇а аг̇анд̇ваа васанд̇ааязва нам̣ бадиж̇аг̇г̇иссанд̇ийд̇и ад̇т̇о. уб̣бхан̣д̣игаа бхависсанд̇ийд̇и угкид̇д̇абхан̣д̣аа бхависсанд̇и, ад̇д̇ано ад̇д̇ано баригкаарз г̇ахзд̇ваа д̇ад̇т̇а д̇ад̇т̇а вижариссанд̇ийд̇и ад̇т̇о. д̣̇ийгхасаалаад̇и жан̇гаманасаалаа. ман̣д̣аламаал̣о убадтаанасаалаа. ануд̣̇ахад̇ийд̇и бийл̣зд̇и. ж̇амб̣уд̣̇ийбз банаад̇и арияад̣̇зсз бхигкуу санд̇хааяа вуд̇д̇ам̣. д̇з гира д̇ат̇аа бан̃н̃аабзнд̇и. на г̇ожараг̇аамо гхаддзд̇аб̣б̣од̇и вуд̇д̇амзвад̇т̇ам̣ вибхаавзд̇и ‘‘на д̇ад̇т̇а мануссаа вад̇д̇аб̣б̣аа’’д̇иаад̣̇инаа. вид̇аггам̣ чинд̣̇ид̇ваад̇и ‘‘иминаа нийхаарзна г̇ажчанд̇ам̣ д̣̇исваа ниваарзд̇ваа бажжаяз д̣̇ассанд̇ий’’д̇и зваруубам̣ вид̇аггам̣ ануббаад̣̇зд̇ваа. д̇зсу жз згод̇и д̇зсу мануссзсу зго бан̣д̣ид̇абурисо. бхан̣д̣абадижчаад̣̇ананд̇и бадижчаад̣̇анагабхан̣д̣ам̣, сарийрабадижчаад̣̇анам̣ жийваранд̇и ад̇т̇о.
318.Paccayenevahi taṃ paṭijagganaṃ labhissatīti tasmiṃ senāsane mahātherā tassa paccayassa kāraṇā aññattha agantvā vasantāyeva naṃ paṭijaggissantīti attho. Ubbhaṇḍikā bhavissantīti ukkhittabhaṇḍā bhavissanti, attano attano parikkhāre gahetvā tattha tattha vicarissantīti attho. Dīghasālāti caṅkamanasālā. Maṇḍalamāḷo upaṭṭhānasālā. Anudahatīti pīḷeti. Jambudīpe panāti ariyadese bhikkhū sandhāya vuttaṃ. Te kira tathā paññāpenti. Na gocaragāmo ghaṭṭetabboti vuttamevatthaṃ vibhāveti ‘‘na tattha manussā vattabbā’’tiādinā. Vitakkaṃ chinditvāti ‘‘iminā nīhārena gacchantaṃ disvā nivāretvā paccaye dassantī’’ti evarūpaṃ vitakkaṃ anuppādetvā. Tesu ce ekoti tesu manussesu eko paṇḍitapuriso. Bhaṇḍapaṭicchādananti paṭicchādanakabhaṇḍaṃ, sarīrapaṭicchādanaṃ cīvaranti attho.
бадиж̇аг̇г̇ид̇аб̣б̣аанийд̇и саммаж̇ж̇анаад̣̇ийхи бадиж̇аг̇г̇ид̇аб̣б̣аани. мун̣д̣авзд̣̇игааяаад̇и жзд̇ияасса хаммияавзд̣̇игааяа. хаммияавзд̣̇игаад̇и жа жзд̇ияасса убари жад̇урассавзд̣̇ияо вужжад̇и. бадиггаммаад̇и вихаарад̇о абасаггид̇ваа. убанигкзбанд̇и кзд̇д̇ам̣ ваа наал̣игзраад̣̇иаараамам̣ ваа гахаабан̣аад̣̇ийни ваа аараамигаад̣̇ийнам̣ нияяаад̇зд̇ваа ‘‘ид̇о уббаннаа вад̣дхи вассааваасигад̇т̇ааяа ход̇уу’’д̇и д̣̇иннам̣. вад̇д̇ам̣ гад̇ваад̇и д̇асмим̣ сзнаасанз гад̇д̇аб̣б̣авад̇д̇ам̣ гад̇ваа.
Paṭijaggitabbānīti sammajjanādīhi paṭijaggitabbāni. Muṇḍavedikāyāti cetiyassa hammiyavedikāya. Hammiyavedikāti ca cetiyassa upari caturassavediyo vuccati. Paṭikkammāti vihārato apasakkitvā. Upanikkhepanti khettaṃ vā nāḷikerādiārāmaṃ vā kahāpaṇādīni vā ārāmikādīnaṃ niyyātetvā ‘‘ito uppannā vaḍḍhi vassāvāsikatthāya hotū’’ti dinnaṃ. Vattaṃ katvāti tasmiṃ senāsane kattabbavattaṃ katvā.
буг̇г̇алавасзнзва гаад̇аб̣б̣анд̇и барад̇о вагкамаананаязна ‘‘бхигкуу жийварзна гиламанд̇и, зд̇д̇агам̣ наама д̇ан̣д̣улабхааг̇ам̣ бхигкуунам̣ жийварам̣ гаад̇ум̣ ружжад̇ий’’д̇иаад̣̇инаа буг̇г̇алабараамаасавасзнзва гаад̇аб̣б̣ам̣, ‘‘сан̇гхо жийварзна гиламад̇ий’’д̇иаад̣̇инаа бана сан̇гхабараамаасавасзна на гаад̇аб̣б̣ам̣. жийварабажжаяанд̇и жийварасан̇каад̇ам̣ бажжаяам̣. вуд̇д̇анд̇и махааадтагат̇ааяам̣вуд̇д̇ам̣. гасмаа звам̣ вуд̇д̇анд̇и ааха ‘‘зван̃хи наваго вуд̣дхад̇арасса, вуд̣дхо жа навагасса г̇аахзссад̇ий’’д̇и, яасмаа ад̇д̇анаава ад̇д̇ано баабзд̇ум̣ на саггаа, д̇асмаа д̣̇вийсу саммад̇зсу наваго вуд̣дхад̇арасса, вуд̣дхо жа навагассаад̇и убхо ан̃н̃аман̃н̃ам̣ г̇аахзссанд̇ийд̇и ад̇хиббааяо. саммад̇асзнаасанаг̇г̇аахаабагасса аан̣ад̇д̇ияаа ан̃н̃зна г̇аахид̇зби г̇аахо рухад̇иязваад̇и взд̣̇ид̇аб̣б̣ам̣. адтаби сол̣асаби ж̇анз самманнид̇ум̣ ваддад̇ийд̇и гим̣ висум̣ висум̣ самманнид̇ум̣ ваддад̇и, уд̣̇ааху згад̇од̇и? згад̇оби ваддад̇и. ниг̇г̇ахагаммамзва хи сан̇гхо сан̇гхасса на гарод̇и, саммуд̇ид̣̇аанам̣ бана б̣ахуунамби згад̇о гаад̇ум̣ ваддад̇и, д̇знзва сад̇д̇асад̇игагканд̇хагз уб̣б̣аахигасаммуд̇ияам̣ адтаби ж̇анаа згад̇о саммад̇аад̇и.
Puggalavaseneva kātabbanti parato vakkhamānanayena ‘‘bhikkhū cīvarena kilamanti, ettakaṃ nāma taṇḍulabhāgaṃ bhikkhūnaṃ cīvaraṃ kātuṃ ruccatī’’tiādinā puggalaparāmāsavaseneva kātabbaṃ, ‘‘saṅgho cīvarena kilamatī’’tiādinā pana saṅghaparāmāsavasena na kātabbaṃ. Cīvarapaccayanti cīvarasaṅkhātaṃ paccayaṃ. Vuttanti mahāaṭṭhakathāyaṃvuttaṃ. Kasmā evaṃ vuttanti āha ‘‘evañhi navako vuḍḍhatarassa, vuḍḍho ca navakassa gāhessatī’’ti, yasmā attanāva attano pāpetuṃ na sakkā, tasmā dvīsu sammatesu navako vuḍḍhatarassa, vuḍḍho ca navakassāti ubho aññamaññaṃ gāhessantīti adhippāyo. Sammatasenāsanaggāhāpakassa āṇattiyā aññena gāhitepi gāho ruhatiyevāti veditabbaṃ. Aṭṭhapi soḷasapi janesammannituṃ vaṭṭatīti kiṃ visuṃ visuṃ sammannituṃ vaṭṭati, udāhu ekatoti? Ekatopi vaṭṭati. Niggahakammameva hi saṅgho saṅghassa na karoti, sammutidānaṃ pana bahūnampi ekato kātuṃ vaṭṭati, teneva sattasatikakkhandhake ubbāhikasammutiyaṃ aṭṭhapi janā ekato sammatāti.
маг̇г̇од̇и маг̇г̇з гад̇ад̣̇ийгхасаалаа. богкаран̣ийд̇и нахааяанд̇аанам̣ богкаран̣ияам̣ гад̇асаалаа. ругкамуулаад̣̇аяо чаннаа гаваадаб̣ад̣̇д̇хаава сзнаасанам̣. виж̇адзд̇ваад̇и вияож̇зд̇ваа, висум̣ висум̣ гад̇ваад̇и ад̇т̇о. ааваасзсууд̇и сзнаасанзсу. багкибид̇ваад̇и зд̇т̇а багкибанам̣ наама д̇зсу васанд̇аанам̣ ид̇о уббаннавассааваасигад̣̇аанам̣. бависид̇аб̣б̣анд̇и ан̃н̃зхи бхигкуухи д̇асмим̣ махаалаабхз баривзн̣з васид̇ваа жзд̇ияз вад̇д̇ам̣ гад̇ваава лаабхо г̇ахзд̇аб̣б̣од̇и ад̇хиббааяо.
Maggoti magge katadīghasālā. Pokkharaṇīti nahāyantānaṃ pokkharaṇiyaṃ katasālā. Rukkhamūlādayo channā kavāṭabaddhāva senāsanaṃ. Vijaṭetvāti viyojetvā, visuṃ visuṃ katvāti attho. Āvāsesūti senāsanesu. Pakkhipitvāti ettha pakkhipanaṃ nāma tesu vasantānaṃ ito uppannavassāvāsikadānaṃ. Pavisitabbanti aññehi bhikkhūhi tasmiṃ mahālābhe pariveṇe vasitvā cetiye vattaṃ katvāva lābho gahetabboti adhippāyo.
бажжаяам̣ виссаж̇ж̇зд̇ийд̇и жийварабажжаяам̣ наад̇хиваасзд̇и. аяамбийд̇и д̇зна виссадтабажжаяоби. убаниб̣анд̇хид̇ваа г̇аахзд̇аб̣б̣анд̇и ‘‘имасмим̣ ругкз ваа ман̣д̣абз ваа васид̇ваа жзд̇ияз вад̇д̇ам̣ гад̇ваа г̇ан̣хат̇аа’’д̇и звам̣ убаниб̣анд̇хид̇ваа г̇аахзд̇аб̣б̣ам̣. ‘‘гад̇т̇а ну ко васиссаами, гад̇т̇а васанд̇асса паасу бхависсад̇и, гад̇т̇а ваа бажжаяо бхависсад̇ий’’д̇и звам̣ уббаннзна вид̇аггзна жарад̇ийд̇и вид̇аггажаариго. аран̃н̃авихаарзсу бариссаяавиж̇аананад̇т̇ам̣ ижчид̇аб̣б̣ад̇д̇аа ‘‘бан̃жа бан̃жа уггаа годдзд̇аб̣б̣аа’’д̇и вуд̇д̇ам̣.
Paccayaṃ vissajjetīti cīvarapaccayaṃ nādhivāseti. Ayampīti tena vissaṭṭhapaccayopi. Upanibandhitvā gāhetabbanti ‘‘imasmiṃ rukkhe vā maṇḍape vā vasitvā cetiye vattaṃ katvā gaṇhathā’’ti evaṃ upanibandhitvā gāhetabbaṃ. ‘‘Kattha nu kho vasissāmi, kattha vasantassa phāsu bhavissati, kattha vā paccayo bhavissatī’’ti evaṃ uppannena vitakkena caratīti vitakkacāriko. Araññavihāresu parissayavijānanatthaṃ icchitabbattā ‘‘pañca pañca ukkā koṭṭetabbā’’ti vuttaṃ.
вад̇д̇анд̇и гад̇игавад̇д̇ам̣. д̇ивид̇хамбийд̇и барияад̇д̇ибадибад̇д̇ибадивзд̇хавасзна д̇ивид̇хамби. сод̇хзд̇ваа баб̣б̣ааж̇зт̇аад̇и бхаб̣б̣з аажаарагулабуд̇д̇з убабаригкид̇ваа баб̣б̣ааж̇зт̇а. д̣̇асавад̇т̇угагат̇аа наама аббижчагат̇аа санд̇удтигат̇аа бавивзгагат̇аа асам̣саг̇г̇агат̇аа вийрияаарамбхагат̇аа сийлагат̇аа самаад̇хигат̇аа бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аа.
Vattanti katikavattaṃ. Tividhampīti pariyattipaṭipattipaṭivedhavasena tividhampi. Sodhetvā pabbājethāti bhabbe ācārakulaputte upaparikkhitvā pabbājetha. Dasavatthukakathā nāma appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā.
виг̇г̇ахасам̣вад̇д̇анигаважанам̣ виг̇г̇аахигам̣. жад̇ураарагкам̣ ахаабзнд̇аад̇и б̣уд̣̇д̇хаануссад̇и мзд̇д̇аа асубхам̣ маран̣ассад̇ийд̇и имам̣ жад̇ураарагкам̣ абарихаабзнд̇аа. д̣̇анд̇агадтакаад̣̇анавад̇д̇ам̣ аажигкид̇аб̣б̣анд̇и зд̇т̇а д̣̇анд̇агадтакаад̣̇анавад̇д̇ам̣ яо д̣̇звасигам̣ сан̇гхамаж̇жхз осарад̇и, д̇зна сааман̣зраад̣̇ийхи аахарид̇ваа бхигкуунам̣ яат̇аасукам̣ барибхун̃ж̇анад̇т̇ааяа д̣̇анд̇агадтамаал̣агз нигкид̇д̇зсу д̣̇анд̇агадтзсу д̣̇ивасз д̣̇ивасз згамзва д̣̇анд̇агадтам̣ г̇ахзд̇аб̣б̣ам̣. яо бана д̣̇звасигам̣ на осарад̇и, бад̇хаанагхарз васид̇ваа д̇хаммассаванз ваа убосат̇аг̇г̇з ваа д̣̇иссад̇и, д̇зна бамаан̣ам̣ саллагкзд̇ваа жад̇д̇аари бан̃жа д̣̇анд̇агадтаани ад̇д̇ано васанадтаанз табзд̇ваа каад̣̇ид̇аб̣б̣аани. д̇зсу кийн̣зсу сажз бунаби д̣̇анд̇агадтамаал̣агз б̣ахууни хонд̇иязва, бунаби аахарид̇ваа каад̣̇ид̇аб̣б̣аани. яад̣̇и бана бамаан̣ам̣ асаллагкзд̇ваа аахарад̇и, д̇зсу акийн̣зсуязва маал̣агз кийяад̇и, д̇ад̇о гзжи т̇зраа ‘‘язхи г̇ахид̇аани, д̇з бадихаранд̇уу’’д̇и вад̣̇зяяум̣, гзжи ‘‘каад̣̇анд̇у, буна сааман̣зраа аахариссанд̇ий’’д̇и. д̇асмаа виваад̣̇абарихаарад̇т̇ам̣ бамаан̣ам̣ саллагкзд̇аб̣б̣ам̣. г̇ахан̣з бана д̣̇осо над̇т̇и, маг̇г̇ам̣ г̇ажчанд̇знаби згам̣ ваа д̣̇вз ваа т̇авигааяа багкибид̇ваа г̇анд̇аб̣б̣анд̇и. бхигкаажааравад̇д̇ам̣ вад̇д̇агканд̇хагз бин̣д̣ажааригавад̇д̇з аави бхависсад̇и.
Viggahasaṃvattanikavacanaṃ viggāhikaṃ. Caturārakkhaṃ ahāpentāti buddhānussati mettā asubhaṃ maraṇassatīti imaṃ caturārakkhaṃ aparihāpentā. Dantakaṭṭhakhādanavattaṃ ācikkhitabbanti ettha dantakaṭṭhakhādanavattaṃ yo devasikaṃ saṅghamajjhe osarati, tena sāmaṇerādīhi āharitvā bhikkhūnaṃ yathāsukhaṃ paribhuñjanatthāya dantakaṭṭhamāḷake nikkhittesu dantakaṭṭhesu divase divase ekameva dantakaṭṭhaṃ gahetabbaṃ. Yo pana devasikaṃ na osarati, padhānaghare vasitvā dhammassavane vā uposathagge vā dissati, tena pamāṇaṃ sallakkhetvā cattāri pañca dantakaṭṭhāni attano vasanaṭṭhāne ṭhapetvā khāditabbāni. Tesu khīṇesu sace punapi dantakaṭṭhamāḷake bahūni hontiyeva, punapi āharitvā khāditabbāni. Yadi pana pamāṇaṃ asallakkhetvā āharati, tesu akhīṇesuyeva māḷake khīyati, tato keci therā ‘‘yehi gahitāni, te paṭiharantū’’ti vadeyyuṃ, keci ‘‘khādantu, puna sāmaṇerā āharissantī’’ti. Tasmā vivādaparihāratthaṃ pamāṇaṃ sallakkhetabbaṃ. Gahaṇe pana doso natthi, maggaṃ gacchantenapi ekaṃ vā dve vā thavikāya pakkhipitvā gantabbanti. Bhikkhācāravattaṃ vattakkhandhake piṇḍacārikavatte āvi bhavissati.
бад̇д̇адтаанзд̇и вассаг̇г̇зна ааг̇анд̇угабхигкуно бад̇д̇адтаанз. д̇зсам̣ чиннавассад̇д̇аа ‘‘саад̣̇ияанд̇ааби хи д̇з нзва вассааваасигасса саамино’’д̇и вуд̇д̇ам̣, батамам̣язва гад̇игааяа гад̇ад̇д̇аа кийяанд̇ааби жа ааваасигаа нзва ад̣̇аад̇ум̣ лабханд̇ийд̇и вуд̇д̇ам̣. бхад̇инивидтанд̇и бхад̇им̣ гад̇ваа вияа нивидтам̣ барияидтам̣. сан̇гхигам̣ бана абалоганагаммам̣ гад̇ваа г̇аахид̇анд̇и д̇ад̇руббаад̣̇ам̣ санд̇хааяа вуд̇д̇ам̣. бажжаяавасзна г̇аахид̇анд̇и д̣̇ааяагаанам̣ вассааваасигабажжаяавасзна г̇аахид̇ам̣ санд̇хааяа вуд̇д̇ам̣. ‘‘ид̇ха, бхигкавз, вассам̣вуд̇т̇о бхигку виб̣бхамад̇и, сан̇гхассзвзд̇а’’нд̇и (махаава. 374-375) важанад̇о ‘‘г̇ад̇адтаанз…бз… сан̇гхигам̣ ход̇ий’’д̇и вуд̇д̇ам̣. мануссзд̇и д̣̇ааяагамануссз. варабхааг̇ам̣ сааман̣зрассаад̇и батамабхааг̇асса г̇аахид̇ад̇д̇аа вуд̇д̇ам̣.
Pattaṭṭhāneti vassaggena āgantukabhikkhuno pattaṭṭhāne. Tesaṃ chinnavassattā ‘‘sādiyantāpi hi te neva vassāvāsikassa sāmino’’ti vuttaṃ, paṭhamaṃyeva katikāya katattā khīyantāpi ca āvāsikā neva adātuṃ labhantīti vuttaṃ. Bhatiniviṭṭhanti bhatiṃ katvā viya niviṭṭhaṃ pariyiṭṭhaṃ. Saṅghikaṃ pana apalokanakammaṃ katvā gāhitanti tatruppādaṃ sandhāya vuttaṃ. Paccayavasena gāhitanti dāyakānaṃ vassāvāsikapaccayavasena gāhitaṃ sandhāya vuttaṃ. ‘‘Idha, bhikkhave, vassaṃvuttho bhikkhu vibbhamati, saṅghasseveta’’nti (mahāva. 374-375) vacanato ‘‘gataṭṭhāne…pe… saṅghikaṃ hotī’’ti vuttaṃ. Manusseti dāyakamanusse. Varabhāgaṃ sāmaṇerassāti paṭhamabhāgassa gāhitattā vuttaṃ.
сзнаасанаг̇г̇аахаабагасаммуд̇игат̇ааван̣н̣анаа нидтид̇аа.
Senāsanaggāhāpakasammutikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сзнаасанаг̇г̇аахаабагасаммуд̇и • Senāsanaggāhāpakasammuti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сзнаасанаг̇г̇аахагат̇аа • Senāsanaggāhakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сзнаасанаг̇г̇аахагат̇ааван̣н̣анаа • Senāsanaggāhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сзнаасанаг̇г̇аахагат̇ааван̣н̣анаа • Senāsanaggāhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сзнаасанаг̇г̇аахагат̇аа • Senāsanaggāhakathā
