| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
сзнаасанагканд̇хагагат̇ааван̣н̣анаа
Senāsanakkhandhakakathāvaṇṇanā
2827. аасанд̣̇игод̇и жад̇урассабийтам̣. ад̇игганд̇абамаан̣од̇и хздтаа аданияаа вад̣дхагихад̇т̇ад̇о ужжад̇араббамаан̣абаад̣̇аго. згабассад̇о д̣̇ийгхо бана ужжабаад̣̇аго на ваддад̇и. яат̇ааха – ‘‘ужжагамби аасанд̣̇иганд̇и важанад̇о згад̇обхааг̇зна д̣̇ийгхабийтамзва хи адтан̇г̇улаад̇хигабаад̣̇агам̣ на ваддад̇и, жад̇урассааасанд̣̇иго бана бамаан̣аад̇игганд̇оби ваддад̇ий’’д̇и (жуул̣ава. адта. 297).
2827.Āsandikoti caturassapīṭhaṃ. Atikkantapamāṇoti heṭṭhā aṭaniyā vaḍḍhakihatthato uccatarappamāṇapādako. Ekapassato dīgho pana uccapādako na vaṭṭati. Yathāha – ‘‘uccakampi āsandikanti vacanato ekatobhāgena dīghapīṭhameva hi aṭṭhaṅgulādhikapādakaṃ na vaṭṭati, caturassaāsandiko pana pamāṇātikkantopi vaṭṭatī’’ti (cūḷava. aṭṭha. 297).
д̇ат̇аад̇и иминаа ‘‘ад̇игганд̇абамаан̣о’’д̇и ид̣̇ам̣ бажжаамасад̇и. бан̃жан̇г̇абийтанд̇и жад̇д̇ааро баад̣̇аа, абассзнанд̇и имзхи бан̃жан̇г̇зхи яуд̇д̇абийтам̣. сад̇д̇ан̇г̇анд̇и д̇ийсу д̣̇исаасу абассаяз яож̇зд̇ваа гад̇ам̣. д̇ан̃хи жад̇уухи баад̣̇зхи, д̇ийхи абассзхи жа яуд̇д̇ад̇д̇аа ‘‘сад̇д̇ан̇г̇абийта’’нд̇и вуд̇д̇ам̣. зса наяо ман̃жзби. яат̇ааха – ‘‘сад̇д̇ан̇г̇о наама д̇ийсу д̣̇исаасу абассаяам̣ гад̇ваа гад̇аман̃жо, аяамби бамаан̣аад̇игганд̇о ваддад̇ий’’д̇и (жуул̣ава. адта. 297).
Tathāti iminā ‘‘atikkantapamāṇo’’ti idaṃ paccāmasati. Pañcaṅgapīṭhanti cattāro pādā, apassenanti imehi pañcaṅgehi yuttapīṭhaṃ. Sattaṅganti tīsu disāsu apassaye yojetvā kataṃ. Tañhi catūhi pādehi, tīhi apassehi ca yuttattā ‘‘sattaṅgapīṭha’’nti vuttaṃ. Esa nayo mañcepi. Yathāha – ‘‘sattaṅgo nāma tīsu disāsu apassayaṃ katvā katamañco, ayampi pamāṇātikkanto vaṭṭatī’’ti (cūḷava. aṭṭha. 297).
2828. д̇уулонад̣̇д̇хаад̇и убари д̇уулам̣ багкибид̇ваа б̣ад̣̇д̇хаа. гхарзязваад̇и г̇ихийнам̣ г̇зхзязва нисийд̣̇ид̇ум̣ ваддад̇ийд̇и самб̣анд̇хо. ‘‘нисийд̣̇ид̇у’’нд̇и иминаава саяанам̣ бадигкид̇д̇ам̣. сийсабаад̣̇уубад̇хаананд̇и сийсуубад̇хаанан̃жзва баад̣̇уубад̇хаанан̃жа. жа-сад̣̇д̣̇о би-сад̣̇д̣̇ад̇т̇з со ‘‘аг̇илаанассаа’’д̇и зд̇т̇а аанзд̇ваа самб̣анд̇хид̇аб̣б̣о, д̇зна аг̇илаанассааби д̇аава ваддад̇и, баг̇зва г̇илаанассаад̇и д̣̇ийбзд̇и.
2828.Tūlonaddhāti upari tūlaṃ pakkhipitvā baddhā. Ghareyevāti gihīnaṃ geheyeva nisīdituṃ vaṭṭatīti sambandho. ‘‘Nisīditu’’nti imināva sayanaṃ paṭikkhittaṃ. Sīsapādūpadhānanti sīsūpadhānañceva pādūpadhānañca. Ca-saddo pi-saddatthe so ‘‘agilānassā’’ti ettha ānetvā sambandhitabbo, tena agilānassāpi tāva vaṭṭati, pageva gilānassāti dīpeti.
2829. на гзвалам̣ г̇илаанасса сийсабаад̣̇уубад̇хаанамзва ваддад̇и, ат̇а ко ид̣̇амбийд̇и д̣̇ассзд̇умааха ‘‘сант̇арид̇ваа’’д̇иаад̣̇и. убад̇хаанаани сант̇арид̇ваад̇и б̣ахуу убад̇хаанаани ад̇т̇арид̇ваа. д̇ад̇т̇а жаад̇и д̇асмим̣ убад̇хаанасант̇арз. бажжад̇т̇аран̣агам̣ д̣̇ад̇ваад̇и убари бажжад̇т̇аран̣агам̣ ад̇т̇арид̇ваа.
2829. Na kevalaṃ gilānassa sīsapādūpadhānameva vaṭṭati, atha kho idampīti dassetumāha ‘‘santharitvā’’tiādi. Upadhānāni santharitvāti bahū upadhānāni attharitvā. Tattha cāti tasmiṃ upadhānasanthare. Paccattharaṇakaṃ datvāti upari paccattharaṇakaṃ attharitvā.
2830. д̇ирияанд̇и вид̇т̇аарад̇о. мудтирад̇ананд̇и баагад̇игамудтигарад̇анам̣. д̇ам̣ бана вад̣дхагийнам̣ вид̣̇ад̇т̇имад̇д̇ам̣. мид̇анд̇и баагадид̇ам̣ бамаан̣аяуд̇д̇ам̣ ход̇ийд̇и яож̇анаа. гад̇т̇ажи бод̇т̇агзсу ‘‘мад̇а’’нд̇и баато д̣̇иссад̇и, со на г̇ахзд̇аб̣б̣о. д̣̇ийгхад̇од̇и б̣имб̣оханасса д̣̇ийгхад̇о. д̣̇ияад̣дханд̇и д̣̇ияад̣дхахад̇т̇ам̣ ваа д̣̇вихад̇т̇ам̣ ваа ход̇ийд̇и гурунд̣̇ияам̣ вуд̇д̇анд̇и самб̣анд̇хо. ид̣̇амзва хи ‘‘сийсаббамаан̣аб̣имб̣охана’’нд̇и ад̇хиббзд̇ам̣. яат̇ааха –
2830.Tiriyanti vitthārato. Muṭṭhiratananti pākatikamuṭṭhikaratanaṃ. Taṃ pana vaḍḍhakīnaṃ vidatthimattaṃ. Mitanti pākaṭitaṃ pamāṇayuttaṃ hotīti yojanā. Katthaci potthakesu ‘‘mata’’nti pāṭho dissati, so na gahetabbo. Dīghatoti bimbohanassa dīghato. Diyaḍḍhanti diyaḍḍhahatthaṃ vā dvihatthaṃ vā hotīti kurundiyaṃ vuttanti sambandho. Idameva hi ‘‘sīsappamāṇabimbohana’’nti adhippetaṃ. Yathāha –
‘‘сийсаббамаан̣ам̣ наама яасса вид̇т̇аарад̇о д̇ийсу ган̣н̣зсу д̣̇виннам̣ ган̣н̣аанам̣ анд̇арам̣ минияамаанам̣ вид̣̇ад̇т̇и жзва жад̇уран̇г̇улан̃жа ход̇и, маж̇жхадтаанам̣ мудтирад̇анам̣ ход̇и. д̣̇ийгхад̇о бана д̣̇ияад̣дхарад̇анам̣ ваа д̣̇вирад̇анам̣ ваад̇и гурунд̣̇ияам̣ вуд̇д̇ам̣. аяам̣ сийсаббамаан̣асса уггадтабарижчзд̣̇о, ид̇о уд̣̇д̇хам̣ на ваддад̇и, хздтаа бана ваддад̇ий’’д̇и (жуул̣ава. адта. 297).
‘‘Sīsappamāṇaṃ nāma yassa vitthārato tīsu kaṇṇesu dvinnaṃ kaṇṇānaṃ antaraṃ miniyamānaṃ vidatthi ceva caturaṅgulañca hoti, majjhaṭṭhānaṃ muṭṭhiratanaṃ hoti. Dīghato pana diyaḍḍharatanaṃ vā dviratanaṃ vāti kurundiyaṃ vuttaṃ. Ayaṃ sīsappamāṇassa ukkaṭṭhaparicchedo, ito uddhaṃ na vaṭṭati, heṭṭhā pana vaṭṭatī’’ti (cūḷava. aṭṭha. 297).
2831. жол̣анд̇и билод̇игаа. бан̣н̣анд̇и ругкалад̇аанам̣ бан̣н̣ам̣. ун̣н̣аад̇и зл̣агаад̣̇ийнам̣ ломам̣. д̇ин̣анд̇и д̣̇аб̣б̣ад̇ин̣аад̣̇и яам̣ гин̃жи д̇ин̣ам̣. вааганд̇и гад̣̇алиаггамагаживаагаад̣̇игам̣. зд̇зхи бан̃жахи буурид̇аа бхисияо д̇уулаанам̣ г̇ан̣анаавасаа хзд̇уг̇аб̣бхаанам̣ зд̇зсам̣ бан̃жаннам̣ г̇аб̣бхаанам̣ г̇ан̣анаавасзна бан̃жа бхаасид̇аад̇и яож̇анаа.
2831.Coḷanti pilotikā. Paṇṇanti rukkhalatānaṃ paṇṇaṃ. Uṇṇāti eḷakādīnaṃ lomaṃ. Tiṇanti dabbatiṇādi yaṃ kiñci tiṇaṃ. Vākanti kadaliakkamakacivākādikaṃ. Etehi pañcahi pūritā bhisiyo tūlānaṃ gaṇanāvasā hetugabbhānaṃ etesaṃ pañcannaṃ gabbhānaṃ gaṇanāvasena pañca bhāsitāti yojanā.
2832. б̣имб̣оханаг̇аб̣бхам̣ д̣̇ассзд̇умааха ‘‘бхисий’’д̇иаад̣̇и. бан̃жзваад̇и яат̇аавуд̇д̇ажол̣аад̣̇ибан̃жзва. д̇ат̇аа д̇уулаани д̇ийн̣ибийд̇и ‘‘ануж̇аанаами, бхигкавз, д̇ийн̣и д̇уулаани ругкад̇уулам̣ лад̇аад̇уулам̣ бодагид̇уула’’нд̇и (жуул̣ава. 297) анун̃н̃аад̇аани д̇ийн̣иби д̇уулаани. зд̇т̇а жа ругкад̇уулам̣ наама симб̣алиругкаад̣̇ийнам̣ язсам̣ гзсан̃жи ругкаанам̣ д̇уулам̣. лад̇аад̇уулам̣ наама кийраваллиаад̣̇ийнам̣ яаасам̣ гаасан̃жи валлийнам̣ д̇уулам̣. бодагид̇уулам̣ наама бодагид̇ин̣аад̣̇ийнам̣ язсам̣ гзсан̃жи д̇ин̣аж̇аад̇игаанам̣ анд̇амасо ужчунал̣аад̣̇ийнамби д̇уулам̣. ломаани миг̇абагкийнанд̇и сийхаад̣̇ижад̇уббад̣̇аанам̣, мораад̣̇ибагкийнам̣ ломаани. имзд̇и бхисиг̇аб̣бхаад̣̇аяо имз д̣̇аса б̣имб̣оханасса г̇аб̣бхаад̇и самб̣анд̇хо.
2832. Bimbohanagabbhaṃ dassetumāha ‘‘bhisī’’tiādi. Pañcevāti yathāvuttacoḷādipañceva. Tathā tūlāni tīṇipīti ‘‘anujānāmi, bhikkhave, tīṇi tūlāni rukkhatūlaṃ latātūlaṃ poṭakitūla’’nti (cūḷava. 297) anuññātāni tīṇipi tūlāni. Ettha ca rukkhatūlaṃ nāma simbalirukkhādīnaṃ yesaṃ kesañci rukkhānaṃ tūlaṃ. Latātūlaṃ nāma khīravalliādīnaṃ yāsaṃ kāsañci vallīnaṃ tūlaṃ. Poṭakitūlaṃ nāma poṭakitiṇādīnaṃ yesaṃ kesañci tiṇajātikānaṃ antamaso ucchunaḷādīnampi tūlaṃ. Lomāni migapakkhīnanti sīhādicatuppadānaṃ, morādipakkhīnaṃ lomāni. Imeti bhisigabbhādayo ime dasa bimbohanassa gabbhāti sambandho.
2833. звам̣ габбияам̣ бхисиб̣имб̣оханаг̇аб̣бхам̣ д̣̇ассзд̇ваа ид̣̇аани агаббияам̣ д̣̇ассзд̇умааха ‘‘мануссалома’’нд̇иаад̣̇и. ломзсу мануссаломан̃жа бубпзсу б̣агулабияан̇г̇убубпаад̣̇игам̣ саб̣б̣ам̣ бубпан̃жа бан̣н̣зсу жа суд̣̇д̇хам̣ гзвалам̣ д̇амаалабад̇д̇ан̃жа на ваддад̇ийд̇и яож̇анаа. ‘‘суд̣̇д̇ха’’нд̇и иминаа д̇амаалабад̇д̇ам̣ сзсаг̇аб̣бхзхи миссам̣ ваддад̇ийд̇и б̣яад̇ирзгад̇о д̣̇ийбзд̇и.
2833. Evaṃ kappiyaṃ bhisibimbohanagabbhaṃ dassetvā idāni akappiyaṃ dassetumāha ‘‘manussaloma’’ntiādi. Lomesu manussalomañca pupphesu bakulapiyaṅgupupphādikaṃ sabbaṃ pupphañca paṇṇesu ca suddhaṃ kevalaṃ tamālapattañca na vaṭṭatīti yojanā. ‘‘Suddha’’nti iminā tamālapattaṃ sesagabbhehi missaṃ vaṭṭatīti byatirekato dīpeti.
2834. масуурагзд̇и жаммачавибхисиб̣имб̣оханз.
2834.Masūraketi cammachavibhisibimbohane.
2835. ‘‘суд̣̇д̇ха’’нд̇и иминаа б̣яад̇ирзгад̇о д̣̇ассид̇амзвад̇т̇ам̣ саруубад̇о вибхаавзд̇умааха ‘‘мисса’’нд̇иаад̣̇и.
2835. ‘‘Suddha’’nti iminā byatirekato dassitamevatthaṃ sarūpato vibhāvetumāha ‘‘missa’’ntiādi.
2836. д̇иражчаанаг̇ад̇асса ваад̇и анд̇амасо г̇ан̣д̣уббаад̣̇ассааби. гаарзнд̇ассаад̇и жид̇д̇агаммагадтагаммаад̣̇ивасзна гаараабзнд̇асса ваа гаронд̇асса ваа.
2836.Tiracchānagatassa vāti antamaso gaṇḍuppādassāpi. Kārentassāti cittakammakaṭṭhakammādivasena kārāpentassa vā karontassa vā.
2837. ж̇аад̇аганд̇и абан̣н̣агаж̇аад̇агаад̣̇иж̇аад̇аган̃жа. вад̇т̇унд̇и вимаанавад̇т̇уаад̣̇игам̣ басаад̣̇аж̇анагам̣ ваа бзд̇авад̇т̇уаад̣̇игам̣ сам̣взг̇аж̇анагам̣ ваа вад̇т̇ум̣. ваа-сад̣̇д̣̇зна адтагат̇ааг̇ад̇ам̣ ид̇ха д̣̇ассид̇абагаран̣ам̣ сан̇г̇ан̣хаад̇и. барзхи ваад̇и зд̇т̇а ваа-сад̣̇д̣̇о авад̇хааран̣з, д̇зна барзхи гаараабзд̇умзва ваддад̇и, на саяам̣ гаад̇унд̇и д̣̇ийбзд̇и. саяам̣ гаад̇умбийд̇и зд̇т̇а аби-сад̣̇д̣̇о баг̇зва гаараабзд̇унд̇и д̣̇ийбзд̇и.
2837.Jātakanti apaṇṇakajātakādijātakañca. Vatthunti vimānavatthuādikaṃ pasādajanakaṃ vā petavatthuādikaṃ saṃvegajanakaṃ vā vatthuṃ. Vā-saddena aṭṭhakathāgataṃ idha dassitapakaraṇaṃ saṅgaṇhāti. Parehi vāti ettha vā-saddo avadhāraṇe, tena parehi kārāpetumeva vaṭṭati, na sayaṃ kātunti dīpeti. Sayaṃ kātumpīti ettha api-saddo pageva kārāpetunti dīpeti.
2838. яо бана бхигку д̣̇вийхи вассзхи ваа згзна ваа вассзна яасса бхигкуно вуд̣дхад̇аро ваа ход̇и д̣̇ахарад̇аро ваа, со д̇зна бхигкунаа самаанаасаниго наама ход̇ийд̇и яож̇анаа.
2838.Yo pana bhikkhu dvīhi vassehi vā ekena vā vassena yassa bhikkhuno vuḍḍhataro vā hoti daharataro vā, so tena bhikkhunā samānāsaniko nāma hotīti yojanā.
2839. ‘‘сад̇д̇авассзна бан̃жавассо’’д̇и ид̣̇ам̣ д̣̇вийхи вассзхи вуд̣дханавагаанам̣ самаанаасанигад̇д̇з уд̣̇аахаран̣ам̣. ‘‘ча вассзна бан̃жавассо’’д̇и ид̣̇ам̣ згавассзна вуд̣дханавагаанам̣ самаанаасанигад̇д̇з уд̣̇аахаран̣ам̣.
2839.‘‘Sattavassena pañcavasso’’ti idaṃ dvīhi vassehi vuḍḍhanavakānaṃ samānāsanikatte udāharaṇaṃ. ‘‘Chavassena pañcavasso’’ti idaṃ ekavassena vuḍḍhanavakānaṃ samānāsanikatte udāharaṇaṃ.
2840. яам̣ д̇ин̣н̣ам̣ нисийд̣̇ид̇ум̣ баход̇и, д̇ам̣ хздтаа д̣̇ийгхаасанам̣ наамаад̇и яож̇анаа. ‘‘самаанаасанигаа ман̃жз нисийд̣̇ид̇ваа ман̃жам̣ бхинд̣̇им̣су, бийтз нисийд̣̇ид̇ваа бийтам̣ бхинд̣̇им̣суу’’д̇и (жуул̣ава. 320) ааробид̇з вад̇т̇умхи ‘‘ануж̇аанаами, бхигкавз, д̣̇уваг̇г̇асса ман̃жам̣ д̣̇уваг̇г̇асса бийта’’нд̇и (жуул̣ава. 320) анун̃н̃аад̇ад̇д̇аа ‘‘д̣̇вз’’д̇и самаанаасанигз д̣̇вз санд̇хааяа вуд̇д̇ам̣.
2840. Yaṃ tiṇṇaṃ nisīdituṃ pahoti, taṃ heṭṭhā dīghāsanaṃ nāmāti yojanā. ‘‘Samānāsanikā mañce nisīditvā mañcaṃ bhindiṃsu, pīṭhe nisīditvā pīṭhaṃ bhindiṃsū’’ti (cūḷava. 320) āropite vatthumhi ‘‘anujānāmi, bhikkhave, duvaggassa mañcaṃ duvaggassa pīṭha’’nti (cūḷava. 320) anuññātattā ‘‘dve’’ti samānāsanike dve sandhāya vuttaṃ.
2841. убхад̇об̣яан̃ж̇анам̣ , ид̇т̇им̣, бан̣д̣агам̣ табзд̇ваа саб̣б̣зхиби г̇ахадтзхи, баб̣б̣аж̇ид̇зхи ваа бурисзхи саха д̣̇ийгхаасанз нисийд̣̇ид̇ум̣ анун̃н̃аад̇анд̇и яож̇анаа. бод̇т̇агзсу бана гад̇т̇ажи ‘‘саб̣б̣зса’’нд̇и саамиважананд̇о баато д̣̇иссад̇и, д̇ад̇о ‘‘саб̣б̣зхибий’’д̇и гаран̣аважананд̇ова баато яуд̇д̇ад̇аро. гаран̣аважанаббасан̇г̇з ваа саамиважананид̣̇д̣̇зсод̇и взд̣̇ид̇аб̣б̣ам̣. яат̇ааха ‘‘яам̣ д̇ин̣н̣ам̣ баход̇и, д̇ам̣ сам̣хааримам̣ ваа ход̇у асам̣хааримам̣ ваа, д̇ат̇ааруубз аби палагакан̣д̣з анубасамбаннзнааби сад̣̇д̇хим̣ нисийд̣̇ид̇ум̣ ваддад̇ий’’д̇и (жуул̣ава. адта. 320).
2841. Ubhatobyañjanaṃ , itthiṃ, paṇḍakaṃ ṭhapetvā sabbehipi gahaṭṭhehi, pabbajitehi vā purisehi saha dīghāsane nisīdituṃ anuññātanti yojanā. Potthakesu pana katthaci ‘‘sabbesa’’nti sāmivacananto pāṭho dissati, tato ‘‘sabbehipī’’ti karaṇavacanantova pāṭho yuttataro. Karaṇavacanappasaṅge vā sāmivacananiddesoti veditabbaṃ. Yathāha ‘‘yaṃ tiṇṇaṃ pahoti, taṃ saṃhārimaṃ vā hotu asaṃhārimaṃ vā, tathārūpe api phalakakhaṇḍe anupasampannenāpi saddhiṃ nisīdituṃ vaṭṭatī’’ti (cūḷava. aṭṭha. 320).
2842. буримигод̇и н̃ад̇д̇ид̣̇уд̇ияааяа гаммаваажааяа саммад̇зна ‘‘на чанд̣̇ааг̇ад̇им̣ г̇ажчзяяа…бз… г̇ахид̇ааг̇ахид̇ан̃жа ж̇аанзяяаа’’д̇и (жуул̣ава. 317) вуд̇д̇зхи бан̃жахи ан̇г̇зхи саманнааг̇ад̇зна бхигкунаа буримавассуубанааяигад̣̇ивасз ‘‘ануж̇аанаами, бхигкавз, батамам̣ бхигкуу г̇ан̣зд̇ум̣, батамам̣ бхигкуу г̇ан̣зд̇ваа сзяяаа г̇ан̣зд̇ум̣, сзяяаа г̇ан̣зд̇ваа сзяяаг̇г̇зна г̇аахзд̇у’’нд̇иаад̣̇инаа (жуул̣ава. 318) наязна анун̃н̃аад̇анияаамзнзва сзнаасанаг̇г̇аахаабанам̣ буримиго наама сзнаасанаг̇г̇аахо. звамзва бажчимигааяа вассуубанааяигад̣̇ивасз сзнаасанаг̇г̇аахаабанам̣ бажчимиго наама. звамзва махаабавааран̣аад̣̇ивасасса ананд̇арад̣̇ивасз ‘‘бханд̇з, анд̇араамуд̇д̇агам̣ сзнаасанам̣ г̇ан̣хат̇аа’’д̇и вад̇ваа вуд̣дхабадибаадияаа сзнаасанаг̇г̇аахаабанам̣ анд̇араамуд̇д̇аго наама. багаасид̇о ‘‘абараж̇ж̇уг̇ад̇ааяа аасаал̣хияаабуримиго г̇аахаабзд̇аб̣б̣о, маасаг̇ад̇ааяа аасаал̣хияаа бажчимиго г̇аахзд̇аб̣б̣о, абараж̇ж̇уг̇ад̇ааяа бавааран̣ааяа ааяад̇им̣ вассааваасад̇т̇ааяа анд̇араамуд̇д̇аго г̇аахзд̇аб̣б̣о’’д̇и (жуул̣ава. 318) вуд̇д̇о.
2842.Purimikoti ñattidutiyāya kammavācāya sammatena ‘‘na chandāgatiṃ gaccheyya…pe… gahitāgahitañca jāneyyā’’ti (cūḷava. 317) vuttehi pañcahi aṅgehi samannāgatena bhikkhunā purimavassūpanāyikadivase ‘‘anujānāmi, bhikkhave, paṭhamaṃ bhikkhū gaṇetuṃ, paṭhamaṃ bhikkhū gaṇetvā seyyā gaṇetuṃ, seyyā gaṇetvā seyyaggena gāhetu’’ntiādinā (cūḷava. 318) nayena anuññātaniyāmeneva senāsanaggāhāpanaṃ purimiko nāma senāsanaggāho. Evameva pacchimikāya vassūpanāyikadivase senāsanaggāhāpanaṃ pacchimiko nāma. Evameva mahāpavāraṇādivasassa anantaradivase ‘‘bhante, antarāmuttakaṃ senāsanaṃ gaṇhathā’’ti vatvā vuḍḍhapaṭipāṭiyā senāsanaggāhāpanaṃ antarāmuttako nāma. Pakāsito ‘‘aparajjugatāya āsāḷhiyāpurimiko gāhāpetabbo, māsagatāya āsāḷhiyā pacchimiko gāhetabbo, aparajjugatāya pavāraṇāya āyatiṃ vassāvāsatthāya antarāmuttako gāhetabbo’’ti (cūḷava. 318) vutto.
2843. вуд̇д̇амзвад̇т̇ам̣ нияамзд̇ваа д̣̇ассзд̇умааха ‘‘буб̣б̣аарун̣аа’’д̇иаад̣̇и. ид̇ха баадибад̣̇аа наама д̣̇вз вассуубанааяигад̣̇ивасаа жзва махаабавааран̣ааяа ананд̇арад̣̇ивасо жа. имзсам̣ д̇ин̣н̣ам̣ баадибад̣̇ад̣̇ивасаанам̣ арун̣о буб̣б̣аарун̣о наама. д̇з д̣̇ивасз ад̇иггамма д̣̇уд̇ияад̇ит̇ибадиб̣ад̣̇д̇хо арун̣о бунаарун̣о наама. ид̣̇анд̇и убхаяаарун̣аананд̇арам̣. сзнаасанаг̇аахагассаад̇и зд̇т̇а сагад̇т̇з га-бажжаяо, сзнаасанаг̇г̇аахассаад̇и ад̇т̇о. яат̇ааха – ‘‘ид̣̇ан̃хи сзнаасанаг̇г̇аахасса кзд̇д̇а’’нд̇и. вассуубаг̇ад̇з вассуубаг̇амз гаад̇аб̣б̣з сад̇и, саад̇хзд̇аб̣б̣абаяож̇анз бхуммам̣. вассуубаг̇ад̇зд̇и ваа нимид̇д̇ад̇т̇з бхуммам̣. буримигааяа, хи бажчимигааяа жа вассуубаг̇аманасса д̇ам̣ д̇ад̣̇аху сзнаасанаг̇г̇аахо нимид̇д̇ам̣, анд̇араамуд̇д̇аго бана ааг̇амино вассуубаг̇аманассаад̇и звам̣ д̇ивид̇хоби сзнаасанаг̇г̇аахо вассуубаг̇аманасса нимид̇д̇ам̣ ход̇и.
2843. Vuttamevatthaṃ niyametvā dassetumāha ‘‘pubbāruṇā’’tiādi. Idha pāṭipadā nāma dve vassūpanāyikadivasā ceva mahāpavāraṇāya anantaradivaso ca. Imesaṃ tiṇṇaṃ pāṭipadadivasānaṃ aruṇo pubbāruṇo nāma. Te divase atikkamma dutiyatithipaṭibaddho aruṇo punāruṇo nāma. Idanti ubhayāruṇānantaraṃ. Senāsanagāhakassāti ettha sakatthe ka-paccayo, senāsanaggāhassāti attho. Yathāha – ‘‘idañhi senāsanaggāhassa khetta’’nti. Vassūpagate vassūpagame kātabbe sati, sādhetabbapayojane bhummaṃ. Vassūpagateti vā nimittatthe bhummaṃ. Purimikāya, hi pacchimikāya ca vassūpagamanassa taṃ tadahu senāsanaggāho nimittaṃ, antarāmuttako pana āgamino vassūpagamanassāti evaṃ tividhopi senāsanaggāho vassūpagamanassa nimittaṃ hoti.
2844. баадибад̣̇ад̣̇ивасасса арун̣з уг̇г̇ад̇зязва сзнаасанз бана г̇аахид̇з ан̃н̃о бхигку ааг̇анд̇ваа сажз сзнаасанабан̃н̃аабагам̣ сзнаасанам̣ яаажад̇и, со бхигку сзнаасанабан̃н̃аабагзна ‘‘сзнаасанам̣ г̇аахид̇а’’нд̇и вад̇д̇аб̣б̣од̇и яож̇анаа.
2844. Pāṭipadadivasassa aruṇe uggateyeva senāsane pana gāhite añño bhikkhu āgantvā sace senāsanapaññāpakaṃ senāsanaṃ yācati, so bhikkhu senāsanapaññāpakena ‘‘senāsanaṃ gāhita’’nti vattabboti yojanā.
2845. вассааваасасса ид̣̇ам̣ вассааваасигам̣, вассам̣вуд̇т̇аанам̣ д̣̇аад̇аб̣б̣ажийварам̣, г̇аат̇ааб̣анд̇хавасзна ‘‘вассаваасига’’нд̇и рассад̇д̇ам̣. сан̇гхигам̣ абалогзд̇ваа г̇ахид̇ам̣ вассааваасигам̣ жийварам̣ сажз д̇ад̇раж̇ам̣ д̇ад̇руббаад̣̇ам̣ ход̇и, анд̇овассз виб̣бханд̇оби лабхад̇зд̇и яож̇анаа. ‘‘д̇ад̇раж̇ам̣ сажз’’д̇и иминаа жасса д̣̇ааяагаанам̣ вассааваасигабажжаяавасзна г̇аахид̇ам̣ бана на лабхад̇ийд̇и д̣̇ийбзд̇и. яат̇ааха – ‘‘бажжаяавасзна г̇аахид̇ам̣ бана на лабхад̇ийд̇и вад̣̇анд̇ий’’д̇и (жуул̣ава. адта. 318).
2845. Vassāvāsassa idaṃ vassāvāsikaṃ, vassaṃvutthānaṃ dātabbacīvaraṃ, gāthābandhavasena ‘‘vassavāsika’’nti rassattaṃ. Saṅghikaṃ apaloketvā gahitaṃ vassāvāsikaṃ cīvaraṃ sace tatrajaṃ tatruppādaṃ hoti, antovasse vibbhantopi labhateti yojanā. ‘‘Tatrajaṃ sace’’ti iminā cassa dāyakānaṃ vassāvāsikapaccayavasena gāhitaṃ pana na labhatīti dīpeti. Yathāha – ‘‘paccayavasena gāhitaṃ pana na labhatīti vadantī’’ti (cūḷava. aṭṭha. 318).
2846-8. сажз вуд̇т̇авассо яо бхигку ааваасигахад̇т̇ад̇о гин̃жи д̇ижийвараад̣̇игам̣ габбияабхан̣д̣ам̣ ад̇д̇ано г̇ахзд̇ваа ‘‘асугасмим̣ гулз маяхам̣ г̇ахид̇ам̣ вассааваасигажийварам̣ г̇ан̣ха’’ ид̇и звам̣ вад̇ваа д̇асса ааваасигасса д̣̇ад̇ваа д̣̇исам̣ г̇ажчад̇и баггамад̇и, со д̇ад̇т̇а г̇ад̇адтаанз сажз уббаб̣б̣аж̇ад̇и г̇ихий ход̇и, д̇асса д̣̇исам̣г̇ад̇асса самбад̇д̇ам̣ д̇ам̣ вассааваасигам̣ д̇зна д̇ат̇аа д̣̇иннамби ааваасиго бхигку г̇ахзд̇ум̣ на лабхад̇и, д̇асса баабид̇ам̣ вассааваасигажийварам̣ сан̇гхигам̣язва сияаад̇и яож̇анаа. яат̇ааха – ‘‘ид̇ха, бхигкавз, вассам̣вуд̇т̇о бхигку виб̣бхамад̇и, сан̇гхассзвзд̇а’’нд̇и.
2846-8. Sace vutthavasso yo bhikkhu āvāsikahatthato kiñci ticīvarādikaṃ kappiyabhaṇḍaṃ attano gahetvā ‘‘asukasmiṃ kule mayhaṃ gahitaṃ vassāvāsikacīvaraṃ gaṇha’’ iti evaṃ vatvā tassa āvāsikassa datvā disaṃ gacchati pakkamati, so tattha gataṭṭhāne sace uppabbajati gihī hoti, tassa disaṃgatassa sampattaṃ taṃ vassāvāsikaṃ tena tathā dinnampi āvāsiko bhikkhu gahetuṃ na labhati, tassa pāpitaṃ vassāvāsikacīvaraṃ saṅghikaṃyeva siyāti yojanā. Yathāha – ‘‘idha, bhikkhave, vassaṃvuttho bhikkhu vibbhamati, saṅghasseveta’’nti.
2849. д̇асмим̣ гулз д̣̇ааяагз мануссз саммукаа жз бадижчаабзд̇и, д̇асса д̣̇исам̣г̇амисса самбад̇д̇ам̣ вассааваасигажийварам̣ ааваасиго лабхад̇ийд̇и яож̇анаа.
2849. Tasmiṃ kule dāyake manusse sammukhā ce paṭicchāpeti, tassa disaṃgamissa sampattaṃ vassāvāsikacīvaraṃ āvāsiko labhatīti yojanā.
2850. д̇ад̇т̇а аараамо наама бубпаараамо ваа палаараамо ваа. вихааро наама яам̣ гин̃жи баасаад̣̇аад̣̇исзнаасанам̣. вад̇т̇ууни д̣̇увид̇хассабийд̇и аараамавад̇т̇у, вихааравад̇т̇ууд̇и д̣̇увид̇хасса вад̇т̇ууни жа. аараамавад̇т̇у наама д̇зсам̣язва аараамаанам̣ ад̇т̇ааяа барижчинд̣̇ид̇ваа табид̇огаасо, д̇зсу ваа аараамзсу винадтзсу д̇зсам̣ бораан̣агабхуумибхааг̇о. вихааравад̇т̇у наама д̇асса бад̇идтааногаасо. бхиси наама ун̣н̣абхисиаад̣̇ийнам̣ бан̃жаннам̣ ан̃н̃ад̇араа. б̣имб̣оханам̣ наама вуд̇д̇аббагаараанам̣ б̣имб̣оханаанам̣ ан̃н̃ад̇арам̣. ман̃жам̣ наама масаараго б̣унд̣̇игааб̣ад̣̇д̇хо, гул̣ийрабаад̣̇аго, аахажжабаад̣̇агод̇и имзсам̣ буб̣б̣з вуд̇д̇аанам̣ жад̇уннам̣ ман̃жаанам̣ ан̃н̃ад̇арам̣. бийтам̣ наама масаарагаад̣̇ийнам̣язва жад̇уннам̣ бийтаанам̣ ан̃н̃ад̇арам̣.
2850. Tattha ārāmo nāma pupphārāmo vā phalārāmo vā. Vihāro nāma yaṃ kiñci pāsādādisenāsanaṃ. Vatthūni duvidhassapīti ārāmavatthu, vihāravatthūti duvidhassa vatthūni ca. Ārāmavatthu nāma tesaṃyeva ārāmānaṃ atthāya paricchinditvā ṭhapitokāso, tesu vā ārāmesu vinaṭṭhesu tesaṃ porāṇakabhūmibhāgo. Vihāravatthu nāma tassa patiṭṭhānokāso. Bhisi nāma uṇṇabhisiādīnaṃ pañcannaṃ aññatarā. Bimbohanaṃ nāma vuttappakārānaṃ bimbohanānaṃ aññataraṃ. Mañcaṃ nāma masārako bundikābaddho, kuḷīrapādako, āhaccapādakoti imesaṃ pubbe vuttānaṃ catunnaṃ mañcānaṃ aññataraṃ. Pīṭhaṃ nāma masārakādīnaṃyeva catunnaṃ pīṭhānaṃ aññataraṃ.
2851. лохагумбхий наама гаал̣алохзна ваа д̇амб̣алохзна ваа язна гзнажи лохзна гад̇аа гумбхий. гадаахо баагадова. ‘‘бхаан̣ага’’нд̇и алан̃ж̇аро вужжад̇и. алан̃ж̇арод̇и жа б̣ахууд̣̇агаг̇ан̣ханигаа махаажаади, ж̇алам̣ г̇ан̣хид̇ум̣ аланд̇и алан̃ж̇аро. ‘‘ваддажаади вияа худ̇ваа т̇огам̣ д̣̇ийгхамуко маж̇жхз барижчзд̣̇ам̣ д̣̇ассзд̇ваа гад̇о’’д̇и г̇ан̣тибад̣̇з вуд̇д̇ам̣. ваарагод̇и гхадо. гу вужжад̇и бат̇авий, д̇ассаа д̣̇ааланад̇о вид̣̇ааран̣ад̇о ‘‘гуд̣̇аало’’д̇и аяомаяаубагаран̣ависзсо вужжад̇и.
2851.Lohakumbhī nāma kāḷalohena vā tambalohena vā yena kenaci lohena katā kumbhī. Kaṭāho pākaṭova. ‘‘Bhāṇaka’’nti alañjaro vuccati. Alañjaroti ca bahuudakagaṇhanikā mahācāṭi, jalaṃ gaṇhituṃ alanti alañjaro. ‘‘Vaṭṭacāṭi viya hutvā thokaṃ dīghamukho majjhe paricchedaṃ dassetvā kato’’ti gaṇṭhipade vuttaṃ. Vārakoti ghaṭo. Ku vuccati pathavī, tassā dālanato vidāraṇato ‘‘kudālo’’ti ayomayaupakaraṇaviseso vuccati.
2852. валливзл̣уаад̣̇ийсу взл̣ууд̇и махаавзн̣у. д̇ин̣анд̇и г̇зхажчаад̣̇анам̣ д̇ин̣ам̣. бан̣н̣ам̣ д̇аалабан̣н̣аад̣̇игам̣. мун̃ж̇анд̇и мун̃ж̇ад̇ин̣ам̣. баб̣б̣аж̇анд̇и баб̣б̣аж̇ад̇ин̣ам̣, мад̇д̇игаа багад̇имад̇д̇игаа ваа г̇зругаад̣̇ибан̃жаван̣н̣аа ваа мад̇д̇игаа. ааха жа адтагат̇аажарияо.
2852.Valliveḷuādīsu veḷūti mahāveṇu. Tiṇanti gehacchādanaṃ tiṇaṃ. Paṇṇaṃ tālapaṇṇādikaṃ. Muñjanti muñjatiṇaṃ. Pabbajanti pabbajatiṇaṃ, mattikā pakatimattikā vā gerukādipañcavaṇṇā vā mattikā. Āha ca aṭṭhakathācariyo.
2853. д̣̇взд̇и батамад̣̇уд̇ияаг̇арубхан̣д̣аани. д̣̇вийхи сан̇г̇ахид̇аани ‘‘ааромо, аараамавад̇т̇у, ид̣̇ам̣ батамам̣. вихааро, вихааравад̇т̇у, ид̣̇ам̣ д̣̇уд̇ияа’’нд̇и (жуул̣ава. 321-322) вуд̇д̇ад̇д̇аа. жад̇усан̇г̇аханд̇и жад̇уухи бхисиаад̣̇ийхи сан̇г̇ахо яассаад̇и виг̇г̇ахо. навагодтаасанд̇и лохагумбхиаад̣̇аяо нава годтаасаа ассаад̇и виг̇г̇ахо. адтад̇хаа валлиаад̣̇ийхи адтахи багаарзхи.
2853.Dveti paṭhamadutiyagarubhaṇḍāni. Dvīhi saṅgahitāni ‘‘āromo, ārāmavatthu, idaṃ paṭhamaṃ. Vihāro, vihāravatthu, idaṃ dutiya’’nti (cūḷava. 321-322) vuttattā. Catusaṅgahanti catūhi bhisiādīhi saṅgaho yassāti viggaho. Navakoṭṭhāsanti lohakumbhiādayo nava koṭṭhāsā assāti viggaho. Aṭṭhadhā valliādīhi aṭṭhahi pakārehi.
2854. ид̇ийд̇и нид̣̇ассанад̇т̇з. звам̣ вуд̇д̇анаязна бан̃жахи раасийхи нид̣̇д̣̇идтаанам̣ г̇арубхан̣д̣аг̇ан̣анаанам̣ бин̣д̣авасзна бан̃жавийсад̇ивид̇хам̣ г̇арубхан̣д̣ам̣ бан̃жаниммалаложано наат̇о багаасаяийд̇и яож̇анаа. бан̃жа ниммалаани ложанаани яассаад̇и виг̇г̇ахо, мам̣сад̣̇иб̣б̣ад̇хаммаб̣уд̣̇д̇хасаманд̇ажагкувасзна бан̃жавид̇хавиббасанналожанод̇и ад̇т̇о.
2854.Itīti nidassanatthe. Evaṃ vuttanayena pañcahi rāsīhi niddiṭṭhānaṃ garubhaṇḍagaṇanānaṃ piṇḍavasena pañcavīsatividhaṃ garubhaṇḍaṃ pañcanimmalalocano nātho pakāsayīti yojanā. Pañca nimmalāni locanāni yassāti viggaho, maṃsadibbadhammabuddhasamantacakkhuvasena pañcavidhavippasannalocanoti attho.
2855. виссаж̇ж̇знд̇од̇и иссаравад̇ааяа барасса виссаж̇ж̇знд̇о. вибхааж̇знд̇од̇и вассаг̇г̇зна баабзд̇ваа вибхааж̇знд̇о. ид̣̇ан̃хи саб̣б̣амби г̇арубхан̣д̣ам̣ сзнаасанагканд̇хагз (жуул̣ава. 321) ‘‘ависсаж̇ж̇ияам̣. гидааг̇иривад̇т̇умхи (жуул̣ава. 322) авзбхан̇г̇ияа’’нд̇и жа вуд̇д̇ам̣. убхаяад̇т̇а ааг̇ад̇авохаарабхзд̣̇ад̣̇ассанамукзна д̇ад̇т̇а виббадибаж̇ж̇анд̇асса аабад̇д̇им̣ д̣̇ассзнд̇о ааха ‘‘бхигку т̇уллажжаяам̣ пусз’’д̇и. бариваарз бана –
2855.Vissajjentoti issaravatāya parassa vissajjento. Vibhājentoti vassaggena pāpetvā vibhājento. Idañhi sabbampi garubhaṇḍaṃ senāsanakkhandhake (cūḷava. 321) ‘‘avissajjiyaṃ. Kiṭāgirivatthumhi (cūḷava. 322) avebhaṅgiya’’nti ca vuttaṃ. Ubhayattha āgatavohārabhedadassanamukhena tattha vippaṭipajjantassa āpattiṃ dassento āha ‘‘bhikkhu thullaccayaṃ phuse’’ti. Parivāre pana –
ависсаж̇ж̇ияам̣ авзбхан̇г̇ияам̣, бан̃жа вуд̇д̇аа махзсинаа;
Avissajjiyaṃ avebhaṅgiyaṃ, pañca vuttā mahesinā;
виссаж̇ж̇знд̇асса барибхун̃ж̇анд̇асса анаабад̇д̇и;
Vissajjentassa paribhuñjantassa anāpatti;
бан̃хаа мзсаа гусалзхи жинд̇ид̇аад̇и. (бари. 479) –
Pañhā mesā kusalehi cintitāti. (pari. 479) –
ааг̇ад̇ам̣. д̇асмаа муулажчзж̇ж̇авасзна ависсаж̇ж̇ияам̣, авзбхан̇г̇ияан̃жа, баривад̇д̇анавасзна бана виссаж̇ж̇знд̇асса, барибхун̃ж̇анд̇асса жа анаабад̇д̇ийд̇и звамзд̇т̇а ад̇хиббааяо.
Āgataṃ. Tasmā mūlacchejjavasena avissajjiyaṃ, avebhaṅgiyañca, parivattanavasena pana vissajjentassa, paribhuñjantassa ca anāpattīti evamettha adhippāyo.
2856. бхигкунаа буг̇г̇алзна ваа сан̇гхзна ваа г̇ан̣зна ваа г̇арубхан̣д̣ам̣ д̇у виссаж̇ж̇ид̇ам̣ ависсадтамзва ход̇и, вибхад̇д̇ан̃жа авибхааж̇ид̇амзва ход̇ийд̇и яож̇анаа.
2856.Bhikkhunā puggalena vā saṅghena vā gaṇena vā garubhaṇḍaṃ tu vissajjitaṃ avissaṭṭhameva hoti, vibhattañca avibhājitameva hotīti yojanā.
2857. зд̇т̇а зд̇зсу бан̃жасу г̇арубхан̣д̣зсу буримзсу д̇ийсу аг̇арубхан̣д̣агам̣ гин̃жи на жа ад̇т̇ийд̇и яож̇анаа. жад̇уд̇т̇з бана г̇арубхан̣д̣з адтагат̇ааяа ‘‘лохагумбхий, лохабхаан̣агам̣, лохагадааханд̇и имаани д̇ийн̣и маханд̇аани ваа хонд̇у куд̣̇д̣̇агаани ваа, анд̇амасо басад̇амад̇д̇ауд̣̇агаг̇ан̣ханагааниби г̇арубхан̣д̣ааниязваа’’д̇и вуд̇д̇анаяам̣ д̣̇ассзд̇умааха ‘‘лохагумбхий’’д̇иаад̣̇и.
2857.Ettha etesu pañcasu garubhaṇḍesu purimesu tīsu agarubhaṇḍakaṃ kiñci na ca atthīti yojanā. Catutthe pana garubhaṇḍe aṭṭhakathāya ‘‘lohakumbhī, lohabhāṇakaṃ, lohakaṭāhanti imāni tīṇi mahantāni vā hontu khuddakāni vā, antamaso pasatamattaudakagaṇhanakānipi garubhaṇḍāniyevā’’ti vuttanayaṃ dassetumāha ‘‘lohakumbhī’’tiādi.
2858. ид̣̇ам̣ д̇ивид̇ханд̇и самб̣анд̇хо. баад̣̇аг̇ан̣ханагод̇и зд̇т̇а баад̣̇о наама маг̇ад̇ханаал̣ияаа бан̃жанаал̣имад̇д̇аг̇ан̣ханаго бхааж̇анависзсо. бхааж̇анаанам̣ бамаан̣ам̣ гаронд̇аа сийхал̣ад̣̇ийбз язбхуяязна д̇знзва баад̣̇зна минанд̇и. д̇асмаа адтагат̇ааяам̣ ‘‘сийхал̣ад̣̇ийбз баад̣̇аг̇ан̣ханаго бхааж̇зд̇аб̣б̣о’’д̇и (жуул̣ава. адта. 321) вуд̇д̇ам̣. лохаваарагод̇и гаал̣алохад̇амб̣алохаваддалохагам̣салохаанам̣ язна гзнажи гад̇о. бхааж̇ияод̇и бхааж̇зд̇аб̣б̣о.
2858. Idaṃ tividhanti sambandho. Pādagaṇhanakoti ettha pādo nāma magadhanāḷiyā pañcanāḷimattagaṇhanako bhājanaviseso. Bhājanānaṃ pamāṇaṃ karontā sīhaḷadīpe yebhuyyena teneva pādena minanti. Tasmā aṭṭhakathāyaṃ ‘‘sīhaḷadīpe pādagaṇhanako bhājetabbo’’ti (cūḷava. aṭṭha. 321) vuttaṃ. Lohavārakoti kāḷalohatambalohavaṭṭalohakaṃsalohānaṃ yena kenaci kato. Bhājiyoti bhājetabbo.
2859. д̇ад̇о уд̣̇д̇ханд̇и д̇ад̇о баад̣̇аг̇ан̣ханагаваарагад̇о уд̣̇д̇хам̣ ад̇хигам̣ г̇ан̣ханаго. звам̣ баал̣иааг̇ад̇аанам̣ винижчаяам̣ д̣̇ассзд̇ваа адтагат̇ааг̇ад̇аанам̣ (жуул̣ава. адта. 321) д̣̇ассзд̇умааха ‘‘бхин̇г̇аараад̣̇ийний’’д̇иаад̣̇и. бхин̇г̇ааро наама угкид̇д̇ахад̇т̇исон̣д̣аагаарзна гад̇аж̇аланиг̇г̇амаган̣н̣иго ужжаг̇ийво махаамукауд̣̇агабхааж̇анависзсо. аад̣̇и-сад̣̇д̣̇зна адтагат̇ааг̇ад̇аани ‘‘бадиг̇г̇ахаул̣ун̇гад̣̇аб̣б̣игадажчубаад̇ид̇аддагасарагасамуг̇г̇аан̇г̇аарагабаллад̇хуумагадажчуаад̣̇ийни куд̣̇д̣̇агаани ваа маханд̇аани ваа’’д̇и (жуул̣ава. адта. 321) вуд̇д̇аани сан̇г̇ан̣хаад̇и. саб̣б̣аанийд̇и куд̣̇д̣̇агаани ваа маханд̇аани ваа.
2859.Tato uddhanti tato pādagaṇhanakavārakato uddhaṃ adhikaṃ gaṇhanako. Evaṃ pāḷiāgatānaṃ vinicchayaṃ dassetvā aṭṭhakathāgatānaṃ (cūḷava. aṭṭha. 321) dassetumāha ‘‘bhiṅgārādīnī’’tiādi. Bhiṅgāro nāma ukkhittahatthisoṇḍākārena katajalaniggamakaṇṇiko uccagīvo mahāmukhaudakabhājanaviseso. Ādi-saddena aṭṭhakathāgatāni ‘‘paṭiggahauḷuṅkadabbikaṭacchupātitaṭṭakasarakasamuggaaṅgārakapalladhūmakaṭacchuādīni khuddakāni vā mahantāni vā’’ti (cūḷava. aṭṭha. 321) vuttāni saṅgaṇhāti. Sabbānīti khuddakāni vā mahantāni vā.
2860. д̇амб̣ат̇аалагаа аяат̇аалагаа бхааж̇зд̇аб̣б̣аад̇и яож̇анаа. жа-сад̣̇д̣̇зна адтагат̇ааяам̣ вуд̇д̇ам̣ ‘‘табзд̇ваа бана бхааж̇анавигад̇им̣ ан̃н̃асмимби габбияалохабхан̣д̣з ан̃ж̇аний ан̃ж̇анисалаагаа ган̣н̣амалахаран̣ий суужи бан̣н̣асуужи куд̣̇д̣̇аго бибпалаго куд̣̇д̣̇агам̣ аараган̣дагам̣ гун̃жигаа д̇аал̣ам̣ гад̇д̇араяадтивзд̇хаго над̇т̇уд̣̇аанам̣ бхинд̣̇иваало лохагуудо лохагудди лохаг̇ул̣о лохабин̣д̣и лохааран̣ий жаггалигам̣ ан̃н̃амби виббагад̇ам̣ лохабхан̣д̣ам̣ бхааж̇ияа’’нд̇и (жуул̣ава. адта. 321) важанам̣ сан̇г̇ан̣хаад̇и. д̇хууманзд̇д̇анд̇и д̇хууманаал̣игаа. аад̣̇и-сад̣̇д̣̇зна ‘‘паалад̣̇ийбаругкад̣̇ийбагабаллагаоламб̣агад̣̇ийбагаид̇т̇ибурисад̇иражчаанаг̇ад̇аруубагаани бана ан̃н̃аани ваа бхид̇д̇ижчад̣̇анагаваадаад̣̇ийсу убанзд̇аб̣б̣аани анд̇амасо лохакилагам̣ убаад̣̇ааяа саб̣б̣аани лохабхан̣д̣аани г̇арубхан̣д̣ааниязва хонд̇ий’’д̇и (жуул̣ава. адта. 321) вуд̇д̇ам̣ сан̇г̇ан̣хаад̇и.
2860. Tambathālakā ayathālakā bhājetabbāti yojanā. Ca-saddena aṭṭhakathāyaṃ vuttaṃ ‘‘ṭhapetvā pana bhājanavikatiṃ aññasmimpi kappiyalohabhaṇḍe añjanī añjanisalākā kaṇṇamalaharaṇī sūci paṇṇasūci khuddako pipphalako khuddakaṃ ārakaṇṭakaṃ kuñcikā tāḷaṃ kattarayaṭṭhivedhako natthudānaṃ bhindivālo lohakūṭo lohakuṭṭi lohaguḷo lohapiṇḍi lohaaraṇī cakkalikaṃ aññampi vippakataṃ lohabhaṇḍaṃ bhājiya’’nti (cūḷava. aṭṭha. 321) vacanaṃ saṅgaṇhāti. Dhūmanettanti dhūmanāḷikā. Ādi-saddena ‘‘phāladīparukkhadīpakapallakaolambakadīpakaitthipurisatiracchānagatarūpakāni pana aññāni vā bhitticchadanakavāṭādīsu upanetabbāni antamaso lohakhilakaṃ upādāya sabbāni lohabhaṇḍāni garubhaṇḍāniyeva hontī’’ti (cūḷava. aṭṭha. 321) vuttaṃ saṅgaṇhāti.
2861. ад̇д̇анаа бадилад̣̇д̇ханд̇и зд̇т̇а би-сад̣̇д̣̇о луд̇д̇анид̣̇д̣̇идто, ад̇д̇анаа бадилад̣̇д̇хамбийд̇и ад̇т̇о. бхигкунаа ад̇д̇анаа бадилад̣̇д̇хамби д̇ам̣ лохабхан̣д̣ам̣ гин̃жиби буг̇г̇алигабарибхог̇зна на бхун̃ж̇ид̇аб̣б̣анд̇и яож̇анаа.
2861.Attanā paṭiladdhanti ettha pi-saddo luttaniddiṭṭho, attanā paṭiladdhampīti attho. Bhikkhunā attanā paṭiladdhampi taṃ lohabhaṇḍaṃ kiñcipi puggalikaparibhogena na bhuñjitabbanti yojanā.
2862. гам̣саваддалохаанам̣ вигаарабхууд̇аани д̇амб̣амаяабхааж̇анааниби буг̇г̇алигабарибхог̇зна саб̣б̣асо барибхун̃ж̇ид̇ум̣ на вадданд̇ийд̇и яож̇анаа.
2862. Kaṃsavaṭṭalohānaṃ vikārabhūtāni tambamayabhājanānipi puggalikaparibhogena sabbaso paribhuñjituṃ na vaṭṭantīti yojanā.
2863. зсзва наяод̇и ‘‘на буг̇г̇алигабхог̇знаа’’д̇иаад̣̇инаа д̣̇ассид̇анаяо. сан̇гхигзсу ваа г̇ихийнам̣ санд̇агзсу ваа яат̇аавуд̇д̇абхан̣д̣зсу барибхог̇абажжаяаа д̣̇осо на ад̇т̇ийд̇и яож̇анаа. ‘‘гам̣салохаад̣̇ибхааж̇анам̣ сан̇гхасса д̣̇иннамби баарихаарияам̣ на ваддад̇и, г̇ихивигад̇анийхаарзнзва барибхун̃ж̇ид̇аб̣б̣а’’нд̇и (жуул̣ава. адта. 321) махаабажжарияам̣ вуд̇д̇ам̣. зд̇т̇а жа баарихаарияам̣ на ваддад̇и ад̇д̇ано санд̇агам̣ вияа г̇ахзд̇ваа барибхун̃ж̇ид̇ум̣ на ваддад̇ийд̇и. ‘‘г̇ихивигад̇анийхаарзнзва барибхун̃ж̇ид̇аб̣б̣а’’нд̇и иминаа сажз аараамигаад̣̇аяо бадисаамзд̇ваа бадид̣̇знд̇и, барибхун̃ж̇ид̇ум̣ ваддад̇ийд̇и д̣̇ассзд̇и.
2863.Eseva nayoti ‘‘na puggalikabhogenā’’tiādinā dassitanayo. Saṅghikesu vā gihīnaṃ santakesu vā yathāvuttabhaṇḍesu paribhogapaccayā doso na atthīti yojanā. ‘‘Kaṃsalohādibhājanaṃ saṅghassa dinnampi pārihāriyaṃ na vaṭṭati, gihivikatanīhāreneva paribhuñjitabba’’nti (cūḷava. aṭṭha. 321) mahāpaccariyaṃ vuttaṃ. Ettha ca pārihāriyaṃ na vaṭṭati attano santakaṃ viya gahetvā paribhuñjituṃ na vaṭṭatīti. ‘‘Gihivikatanīhārenevaparibhuñjitabba’’nti iminā sace ārāmikādayo paṭisāmetvā paṭidenti, paribhuñjituṃ vaṭṭatīti dasseti.
2864. кийрабаасаан̣анд̇и муд̣̇угаа баан̣аж̇аад̇и. вуд̇д̇ан̃хи маад̇игаадтагат̇ааг̇ан̣тибад̣̇з ‘‘кийрабаасаан̣о наама муд̣̇уго баасаан̣о’’д̇и. г̇аруганд̇и г̇арубхан̣д̣ам̣. д̇аддагаад̣̇иганд̇и аад̣̇и-сад̣̇д̣̇зна сарагаад̣̇ийнам̣ сан̇г̇ахо. гхадагод̇и кийрабаасаан̣амаяоязва ваараго. ‘‘баад̣̇аг̇ан̣ханад̇о уд̣̇д̇ха’’нд̇и иминаа баад̣̇аг̇ан̣ханаго аг̇арубхан̣д̣анд̇и д̣̇ийбзд̇и.
2864.Khīrapāsāṇanti mudukā pāṇajāti. Vuttañhi mātikāṭṭhakathāgaṇṭhipade ‘‘khīrapāsāṇo nāma muduko pāsāṇo’’ti. Garukanti garubhaṇḍaṃ. Taṭṭakādikanti ādi-saddena sarakādīnaṃ saṅgaho. Ghaṭakoti khīrapāsāṇamayoyeva vārako. ‘‘Pādagaṇhanato uddha’’nti iminā pādagaṇhanako agarubhaṇḍanti dīpeti.
2865. ‘‘суван̣н̣араж̇ад̇ахаарагуудаж̇аад̇ипалигабхааж̇анаани г̇ихивигад̇ааниби на вадданд̇и, баг̇зва сан̇гхигабарибхог̇зна ваа буг̇г̇алигабарибхог̇зна ваа’’д̇и (жуул̣ава. адта. 321) адтагат̇ааяам̣ вуд̇д̇анаяам̣ д̣̇ассзд̇умааха ‘‘син̇г̇ий’’д̇иаад̣̇и. син̇г̇ийд̇и суван̣н̣ам̣. саж̇жху раж̇ад̇ам̣. хаарагуудам̣ наама суван̣н̣аван̣н̣ам̣ лохаж̇аад̇ам̣. палигзна уб̣бхавам̣ ж̇аад̇ам̣, палигамаяам̣ бхааж̇ананд̇и ад̇т̇о. г̇ихийнам̣ санд̇агаанибийд̇и аби-сад̣̇д̣̇зна г̇ихивигад̇абарибхог̇знааби д̇аава на вадданд̇и, баг̇зва сан̇гхигабарибхог̇зна ваа буг̇г̇алигабарибхог̇зна ваад̇и д̣̇ийбзд̇и. сзнаасанабарибхог̇з бана аамаасамби анаамаасамби саб̣б̣ам̣ ваддад̇и.
2865. ‘‘Suvaṇṇarajatahārakūṭajātiphalikabhājanāni gihivikatānipi na vaṭṭanti, pageva saṅghikaparibhogena vā puggalikaparibhogena vā’’ti (cūḷava. aṭṭha. 321) aṭṭhakathāyaṃ vuttanayaṃ dassetumāha ‘‘siṅgī’’tiādi. Siṅgīti suvaṇṇaṃ. Sajjhu rajataṃ. Hārakūṭaṃ nāma suvaṇṇavaṇṇaṃ lohajātaṃ. Phalikena ubbhavaṃ jātaṃ, phalikamayaṃ bhājananti attho. Gihīnaṃ santakānipīti api-saddena gihivikataparibhogenāpi tāva na vaṭṭanti, pageva saṅghikaparibhogena vā puggalikaparibhogena vāti dīpeti. Senāsanaparibhoge pana āmāsampi anāmāsampi sabbaṃ vaṭṭati.
2866. куд̣̇д̣̇аад̇и яааяа ваасияаа табзд̇ваа д̣̇анд̇агадтажчзд̣̇анам̣ ваа ужчуд̇ажчанам̣ ваа ан̃н̃ам̣ махаагаммам̣ гаад̇ум̣ на саггаа, зваруубаа куд̣̇д̣̇агаа вааси бхааж̇анийяаа. махад̇д̇арийд̇и яат̇аавуд̇д̇аббамаан̣ааяа ваасияаа маханд̇ад̇араа язна гзнажи аагаарзна гад̇авааси г̇арубхан̣д̣ам̣. взж̇ж̇аанам̣ сираавзд̇ханагамби жа парасу д̇ат̇аа г̇арубхан̣д̣анд̇и яож̇анаа.
2866.Khuddāti yāya vāsiyā ṭhapetvā dantakaṭṭhacchedanaṃ vā ucchutacchanaṃ vā aññaṃ mahākammaṃ kātuṃ na sakkā, evarūpā khuddakā vāsi bhājanīyā. Mahattarīti yathāvuttappamāṇāya vāsiyā mahantatarā yena kenaci ākārena katavāsi garubhaṇḍaṃ. Vejjānaṃ sirāvedhanakampi ca pharasu tathā garubhaṇḍanti yojanā.
2867. гутаарийд̇и зд̇т̇а парасусад̣̇исова винижчаяо. яаа бана аавуд̇хасан̇кзбзна гад̇аа, аяам̣ анаамаасаа. гуд̣̇аало анд̇амасо жад̇уран̇г̇уламад̇д̇оби. сикаранд̇и д̇ханураж̇ж̇уд̇о наамзд̇ваа д̣̇ааруаад̣̇ийнам̣ виж̇жханагаган̣даго. д̇знзваад̇и никаад̣̇анзнзва.
2867.Kuṭhārīti ettha pharasusadisova vinicchayo. Yā pana āvudhasaṅkhepena katā, ayaṃ anāmāsā. Kudālo antamaso caturaṅgulamattopi. Sikharanti dhanurajjuto nāmetvā dāruādīnaṃ vijjhanakakaṇṭako. Tenevāti nikhādaneneva.
2868. никаад̣̇анасса бхзд̣̇аванд̇ад̇ааяа д̇ам̣ вибхаж̇ид̇ваа д̣̇ассзд̇умааха ‘‘жад̇урассамукам̣ д̣̇он̣имука’’нд̇и. д̣̇он̣имуканд̇и д̣̇он̣и вияа убхаяабассзна наамид̇амукам̣. ван̇ганд̇и аг̇г̇ад̇о наамзд̇ваа гад̇аникаад̣̇анам̣. би-сад̣̇д̣̇зна уж̇угам̣ сан̇г̇ан̣хаад̇и. д̇ад̇т̇а жаад̇и д̇асмим̣ никаад̣̇анз. сад̣̇ан̣д̣ам̣ куд̣̇д̣̇аган̃жа никаад̣̇анам̣ саб̣б̣ам̣ г̇арубхан̣д̣анд̇и яож̇анаа. ‘‘сад̣̇ан̣д̣ам̣ куд̣̇д̣̇ага’’нд̇и иминаа висзсанад̣̇ваязна ад̣̇ан̣д̣ам̣ паламад̇д̇ам̣ сибаадигааяа табзд̇ваа барихаран̣аяог̇г̇ам̣ саммаж̇ж̇анид̣̇ан̣д̣авзд̇ханагам̣ никаад̣̇анам̣ аг̇арубхан̣д̣ам̣, д̇ад̇о маханд̇ам̣ никаад̣̇анам̣ ад̣̇ан̣д̣амби г̇арубхан̣д̣анд̇и д̣̇ийбзд̇и. язхи мануссзхи вихаарз ваасиаад̣̇ийни д̣̇иннаани жа хонд̇и, д̇з жз гхарз д̣̇ад̣дхз ваа жорзхи ваа вилуд̇д̇з ‘‘д̣̇зт̇а но, бханд̇з, убагаран̣з буна баагад̇игз гариссаамаа’’д̇и вад̣̇анд̇и, д̣̇аад̇аб̣б̣аа. сажз аахаранд̇и, на ваарзд̇аб̣б̣аа, анаахаранд̇ааби на жод̣̇зд̇аб̣б̣аа.
2868. Nikhādanassa bhedavantatāya taṃ vibhajitvā dassetumāha ‘‘caturassamukhaṃ doṇimukha’’nti. Doṇimukhanti doṇi viya ubhayapassena nāmitamukhaṃ. Vaṅkanti aggato nāmetvā katanikhādanaṃ. Pi-saddena ujukaṃ saṅgaṇhāti. Tattha cāti tasmiṃ nikhādane. Sadaṇḍaṃ khuddakañca nikhādanaṃ sabbaṃ garubhaṇḍanti yojanā. ‘‘Sadaṇḍaṃ khuddaka’’nti iminā visesanadvayena adaṇḍaṃ phalamattaṃ sipāṭikāya ṭhapetvā pariharaṇayoggaṃ sammajjanidaṇḍavedhanakaṃ nikhādanaṃ agarubhaṇḍaṃ, tato mahantaṃ nikhādanaṃ adaṇḍampi garubhaṇḍanti dīpeti. Yehi manussehi vihāre vāsiādīni dinnāni ca honti, te ce ghare daḍḍhe vā corehi vā vilutte ‘‘detha no, bhante, upakaraṇe puna pākatike karissāmā’’ti vadanti, dātabbā. Sace āharanti, na vāretabbā, anāharantāpi na codetabbā.
2869. ‘‘гаммаарад̇аддагааражунд̣̇агааранал̣агаараман̣игаарабад̇д̇аб̣анд̇хагаанам̣ ад̇хигаран̣имудтигасан̣д̣аасад̇улаад̣̇ийни саб̣б̣аани лохамаяаубагаран̣аани сан̇гхз д̣̇иннагаалад̇о бадтааяа г̇арубхан̣д̣аани. д̇ибугоддагасуван̣н̣агааражаммагаараубагаран̣зсуби зсзва наяо. аяам̣ бана висзсо – д̇ибугоддагаубагаран̣зсуби д̇ибужчзд̣̇анасад̇т̇агам̣, суван̣н̣агаараубагаран̣зсу суван̣н̣ажчзд̣̇анасад̇т̇агам̣, жаммагаараубагаран̣зсу гад̇абаригаммажаммачинд̣̇анагам̣ куд̣̇д̣̇агасад̇т̇анд̇и имаани бхааж̇анийяабхан̣д̣ааний’’д̇и (жуул̣ава. адта. 321) адтагат̇ааг̇ад̇ам̣ винижчаязгад̣̇зсам̣ д̣̇ассзд̇умааха ‘‘мудтига’’нд̇иаад̣̇и . д̇улаад̣̇иганд̇и зд̇т̇а аад̣̇и-сад̣̇д̣̇зна гад̇д̇ариаад̣̇иубагаран̣ам̣ сан̇г̇ан̣хаад̇и.
2869. ‘‘Kammārataṭṭakāracundakāranaḷakāramaṇikārapattabandhakānaṃ adhikaraṇimuṭṭhikasaṇḍāsatulādīni sabbāni lohamayaupakaraṇāni saṅghe dinnakālato paṭṭhāya garubhaṇḍāni. Tipukoṭṭakasuvaṇṇakāracammakāraupakaraṇesupi eseva nayo. Ayaṃ pana viseso – tipukoṭṭakaupakaraṇesupi tipucchedanasatthakaṃ, suvaṇṇakāraupakaraṇesu suvaṇṇacchedanasatthakaṃ, cammakāraupakaraṇesu kataparikammacammachindanakaṃ khuddakasatthanti imāni bhājanīyabhaṇḍānī’’ti (cūḷava. aṭṭha. 321) aṭṭhakathāgataṃ vinicchayekadesaṃ dassetumāha ‘‘muṭṭhika’’ntiādi . Tulādikanti ettha ādi-saddena kattariādiupakaraṇaṃ saṅgaṇhāti.
2870. ‘‘нахаабид̇ад̇уннагаараанам̣ убагаран̣зсуби табзд̇ваа махаагад̇д̇арим̣, махаасан̣д̣аасам̣, махаабибпалаган̃жа саб̣б̣ам̣ бхааж̇анийяам̣. махаагад̇д̇ариаад̣̇ийни г̇арубхан̣д̣ааний’’д̇и (жуул̣ава. адта. 321) адтагат̇ааг̇ад̇ам̣ винижчаяам̣ д̣̇ассзд̇умааха ‘‘нхаабид̇агассаа’’д̇иаад̣̇и. нхаабид̇агасса убагаран̣зсу сан̣д̣аасо, махад̇д̇арий гад̇д̇арий жа д̇уннагаараанан̃жа убагаран̣зсу махад̇д̇арий гад̇д̇арий жа махаабибпалаган̃жа г̇арубхан̣д̣аганд̇и яож̇анаа.
2870. ‘‘Nahāpitatunnakārānaṃ upakaraṇesupi ṭhapetvā mahākattariṃ, mahāsaṇḍāsaṃ, mahāpipphalakañca sabbaṃ bhājanīyaṃ. Mahākattariādīni garubhaṇḍānī’’ti (cūḷava. aṭṭha. 321) aṭṭhakathāgataṃ vinicchayaṃ dassetumāha ‘‘nhāpitakassā’’tiādi. Nhāpitakassa upakaraṇesu saṇḍāso, mahattarī kattarī ca tunnakārānañca upakaraṇesu mahattarī kattarī ca mahāpipphalakañca garubhaṇḍakanti yojanā.
2871. зд̇д̇аавад̇аа жад̇уд̇т̇аг̇арубхан̣д̣з винижчаяам̣ д̣̇ассзд̇ваа ид̣̇аани бан̃жамаг̇арубхан̣д̣з винижчаяам̣ д̣̇ассзд̇умааха ‘‘валлий’’д̇иаад̣̇и. взд̇д̇алад̇аад̣̇игаа валли д̣̇уллабхадтаанз сан̇гхасса д̣̇иннаа ваа д̇ад̇т̇а сан̇гхасса бхуумияам̣ ж̇аад̇аа, рагкид̇аа г̇обид̇аа ваа ад̣дхаб̣аахуббамаан̣аа г̇арубхан̣д̣ам̣ ход̇ийд̇и яож̇анаа. ‘‘ад̣дхаб̣аахууд̇и габбарад̇о бадтааяа яаава ам̣сагууда’’нд̇и г̇ан̣тибад̣̇з вуд̇д̇ам̣. ‘‘ад̣дхаб̣ааху наама вид̣̇ад̇т̇ижад̇уран̇г̇ула’’нд̇иби вад̣̇анд̇и. сажз саа валли сан̇гхагаммз, жзд̇ияагаммз жа гад̇з ад̇ирзгаа ход̇и, буг̇г̇алигагаммзби убанзд̇ум̣ ваддад̇и. арагкид̇аа бана г̇арубхан̣д̣амзва на ход̇и.
2871. Ettāvatā catutthagarubhaṇḍe vinicchayaṃ dassetvā idāni pañcamagarubhaṇḍe vinicchayaṃ dassetumāha ‘‘vallī’’tiādi. Vettalatādikā valli dullabhaṭṭhāne saṅghassa dinnā vā tattha saṅghassa bhūmiyaṃ jātā, rakkhitā gopitā vā aḍḍhabāhuppamāṇā garubhaṇḍaṃ hotīti yojanā. ‘‘Aḍḍhabāhūti kapparato paṭṭhāya yāva aṃsakūṭa’’nti gaṇṭhipade vuttaṃ. ‘‘Aḍḍhabāhu nāma vidatthicaturaṅgula’’ntipi vadanti. Sace sā valli saṅghakamme, cetiyakamme ca kate atirekā hoti, puggalikakammepi upanetuṃ vaṭṭati. Arakkhitā pana garubhaṇḍameva na hoti.
2872. адтагат̇ааяам̣ ‘‘суд̇д̇амагаживааганаал̣игзрахийражаммамаяаа раж̇ж̇угаа ваа яод̇д̇аани ваа ваагз жа наал̣игзрахийрз жа ваддзд̇ваа гад̇аа згаваддаа ваа д̣̇виваддаа ваа сан̇гхасса д̣̇иннагаалад̇о бадтааяа г̇арубхан̣д̣ам̣. суд̇д̇ам̣ бана аваддзд̇ваа д̣̇иннам̣, магаживааганаал̣игзрахийраа жа бхааж̇анийяаа’’д̇и (жуул̣ава. адта. 321) ааг̇ад̇авинижчаяам̣ д̣̇ассзд̇умааха ‘‘суд̇д̇аваагаад̣̇иниб̣б̣ад̇д̇аа’’д̇иаад̣̇и. ваагаад̣̇ийд̇и аад̣̇и-сад̣̇д̣̇зна магаживааганаал̣игзрахийражаммаанам̣ г̇ахан̣ам̣. наад̇ид̣̇ийгхаа раж̇ж̇угаа. ад̇ид̣̇ийгхам̣ яод̇д̇агам̣.
2872.Aṭṭhakathāyaṃ ‘‘suttamakacivākanāḷikerahīracammamayā rajjukā vā yottāni vā vāke ca nāḷikerahīre ca vaṭṭetvā katā ekavaṭṭā vā dvivaṭṭā vā saṅghassa dinnakālato paṭṭhāya garubhaṇḍaṃ. Suttaṃ pana avaṭṭetvā dinnaṃ, makacivākanāḷikerahīrā ca bhājanīyā’’ti (cūḷava. aṭṭha. 321) āgatavinicchayaṃ dassetumāha ‘‘suttavākādinibbattā’’tiādi. Vākādīti ādi-saddena makacivākanāḷikerahīracammānaṃ gahaṇaṃ. Nātidīghā rajjukā. Atidīghaṃ yottakaṃ.
2873. наал̣игзрасса хийрз ваа магаживаагз ваа ваддзд̇ваа гад̇аа згаваддааби г̇арубхан̣д̣аганд̇и яож̇анаа. язхи банзд̇аани раж̇ж̇угаяод̇д̇аад̣̇ийни д̣̇иннаани хонд̇и, д̇з ад̇д̇ано гаран̣ийязна харанд̇аа на ваарзд̇аб̣б̣аа.
2873. Nāḷikerassa hīre vā makacivāke vā vaṭṭetvā katā ekavaṭṭāpi garubhaṇḍakanti yojanā. Yehi panetāni rajjukayottādīni dinnāni honti, te attano karaṇīyena harantā na vāretabbā.
2874. вад̣дхагиан̇г̇улзна адтан̇г̇улааяад̇о суужид̣̇ан̣д̣амад̇д̇о барин̣аахад̇о сийхал̣ад̣̇ийбз лзкагаанам̣ лзканисуужид̣̇ан̣д̣амад̇д̇о сан̇гхасса д̣̇инно ваа д̇ад̇т̇аж̇аад̇аго ваа рагкид̇о г̇обид̇о взл̣у г̇арубхан̣д̣ам̣ сияаад̇и яож̇анаа. ‘‘яам̣ маж̇жхимабурисасса ганидтан̇г̇улияаа аг̇г̇аббамаан̣ам̣, ид̣̇ам̣ сийхал̣ад̣̇ийбз лзкагаанам̣ лзканисуужияаа бамаан̣а’’нд̇и вад̣̇анд̇и. со жа сан̇гхагаммз жа жзд̇ияагаммз жа гад̇з ад̇ирзго буг̇г̇алигагаммз д̣̇аад̇ум̣ ваддад̇и.
2874. Vaḍḍhakiaṅgulena aṭṭhaṅgulāyato sūcidaṇḍamatto pariṇāhato sīhaḷadīpe lekhakānaṃ lekhanisūcidaṇḍamatto saṅghassa dinno vā tatthajātako vā rakkhito gopito veḷu garubhaṇḍaṃ siyāti yojanā. ‘‘Yaṃ majjhimapurisassa kaniṭṭhaṅguliyā aggappamāṇaṃ, idaṃ sīhaḷadīpe lekhakānaṃ lekhanisūciyā pamāṇa’’nti vadanti. So ca saṅghakamme ca cetiyakamme ca kate atireko puggalikakamme dātuṃ vaṭṭati.
2875. д̣̇ан̣д̣о жа салаагаа жа д̣̇ан̣д̣асалаагаа, чад̇д̇асса д̣̇ан̣д̣асалаагаад̇и виг̇г̇ахо. чад̇д̇ад̣̇ан̣д̣о наама чад̇д̇абин̣д̣и. чад̇д̇асалаагаад̇и чад̇д̇абан̃ж̇арасалаагаа. д̣̇ан̣д̣од̇и убааханад̣̇ан̣д̣аго. ‘‘д̣̇ан̣д̣о’’д̇и сааман̃н̃зна вуд̇д̇зби адтагат̇ааг̇ад̇зсу саруубзна ид̇хаавуд̇д̇о убааханад̣̇ан̣д̣оязва сааман̃н̃аважанзна баарисзсад̇о г̇ахзд̇аб̣б̣од̇и. д̣̇ад̣дхаг̇зхамануссаа г̇ан̣хид̇ваа г̇ажчанд̇аа на ваарзд̇аб̣б̣аа.
2875. Daṇḍo ca salākā ca daṇḍasalākā, chattassa daṇḍasalākāti viggaho. Chattadaṇḍo nāma chattapiṇḍi. Chattasalākāti chattapañjarasalākā. Daṇḍoti upāhanadaṇḍako. ‘‘Daṇḍo’’ti sāmaññena vuttepi aṭṭhakathāgatesu sarūpena idhāvutto upāhanadaṇḍoyeva sāmaññavacanena pārisesato gahetabboti. Daḍḍhagehamanussā gaṇhitvā gacchantā na vāretabbā.
2876. мун̃ж̇аад̣̇ийсу г̇зхажчад̣̇анаарахзсу д̇ин̣зсу яам̣ гин̃жи мудтимад̇д̇ам̣ д̇ин̣ам̣ ваа г̇зхажчад̣̇анаарахам̣ д̇аалабан̣н̣аад̣̇и згамби сан̇гхасса д̣̇иннам̣ ваа д̇ад̇т̇а сан̇гхигабхуумияам̣ ж̇аад̇ам̣ ваа г̇арубхан̣д̣ам̣ сияаад̇и яож̇зд̇аб̣б̣аа. д̇ад̇т̇а мудтимад̇д̇ам̣ наама гарал̣амад̇д̇ам̣. ид̣̇ан̃жа гарал̣ам̣ гад̇ваа чаад̣̇знд̇аанам̣ чад̣̇анагарал̣авасзна г̇ахзд̇аб̣б̣ам̣. д̇аалабан̣н̣аад̣̇ийд̇и аад̣̇и-сад̣̇д̣̇зна наал̣игзрабан̣н̣аад̣̇иг̇зхажчад̣̇анабан̣н̣аанам̣ г̇ахан̣ам̣. д̇амби мун̃ж̇аад̣̇и сан̇гхагаммз жа жзд̇ияагаммз жа гад̇з ад̇ирзгам̣ буг̇г̇алигагаммз д̣̇аад̇ум̣ ваддад̇и. д̣̇ад̣дхаг̇зхамануссаа г̇ахзд̇ваа г̇ажчанд̇и, на ваарзд̇аб̣б̣аад̇и.
2876.Muñjādīsu gehacchadanārahesu tiṇesu yaṃ kiñci muṭṭhimattaṃ tiṇaṃ vā gehacchadanārahaṃ tālapaṇṇādi ekampi saṅghassa dinnaṃ vā tattha saṅghikabhūmiyaṃ jātaṃ vā garubhaṇḍaṃ siyāti yojetabbā. Tattha muṭṭhimattaṃ nāma karaḷamattaṃ. Idañca karaḷaṃ katvā chādentānaṃ chadanakaraḷavasena gahetabbaṃ. Tālapaṇṇādīti ādi-saddena nāḷikerapaṇṇādigehacchadanapaṇṇānaṃ gahaṇaṃ. Tampi muñjādi saṅghakamme ca cetiyakamme ca kate atirekaṃ puggalikakamme dātuṃ vaṭṭati. Daḍḍhagehamanussā gahetvā gacchanti, na vāretabbāti.
2877-8. адтан̇г̇улаббамаан̣од̇и д̣̇ийгхад̇о адтан̇г̇уламад̇д̇о. гзжи ‘‘бут̇улад̇о’’д̇и вад̣̇анд̇и. рид̇д̇абод̇т̇агод̇и лзкаахи сун̃н̃абод̇т̇аго, на ликид̇абод̇т̇агод̇и вуд̇д̇ам̣ ход̇и. ‘‘адтан̇г̇улаббамаан̣о’’д̇и иминаа адтан̇г̇улад̇о уунаббамаан̣о бхааж̇ияо, ‘‘рид̇д̇абод̇т̇аго’’д̇и иминаа адтан̇г̇улад̇о ад̇ирзгаббамаан̣оби ликид̇абод̇т̇аго бхааж̇ияод̇и д̣̇ассзд̇и.
2877-8.Aṭṭhaṅgulappamāṇoti dīghato aṭṭhaṅgulamatto. Keci ‘‘puthulato’’ti vadanti. Rittapotthakoti lekhāhi suññapotthako, na likhitapotthakoti vuttaṃ hoti. ‘‘Aṭṭhaṅgulappamāṇo’’ti iminā aṭṭhaṅgulato ūnappamāṇo bhājiyo, ‘‘rittapotthako’’ti iminā aṭṭhaṅgulato atirekappamāṇopi likhitapotthako bhājiyoti dasseti.
‘‘мад̇д̇игаа багад̇имад̇д̇игаа ваа ход̇у бан̃жаван̣н̣аа ваа суд̇хаа ваа саж̇ж̇урасаган̇г̇удтасилзсаад̣̇ийсу ваа яам̣ гин̃жи д̣̇уллабхадтаанз аанзд̇ваа ваа д̣̇иннам̣ д̇ад̇т̇аж̇аад̇агам̣ ваа рагкид̇аг̇обид̇ам̣ д̇аалапалабаггамад̇д̇ам̣ г̇арубхан̣д̣ам̣ ход̇ий’’д̇и (жуул̣ава. адта. 321) адтагат̇ааг̇ад̇авинижчаяам̣ д̣̇ассзд̇умааха ‘‘мад̇д̇игаа’’д̇иаад̣̇и. баагад̇игаа ваа сзд̇аг̇зругаад̣̇ибан̃жаван̣н̣аа вааби мад̇д̇игаад̇и яож̇анаа. силзсо наама габ̣идтаад̣̇исилзсо. аад̣̇и-сад̣̇д̣̇зна саж̇ж̇урасаган̇г̇удтаад̣̇ийнам̣ г̇ахан̣ам̣. д̇аалабаггабамаан̣анд̇и згадтид̇аалапалабамаан̣ааби. д̇амби мад̇д̇игаад̣̇и сан̇гхагаммз, жзд̇ияагаммз жа нидтид̇з ад̇ирзгам̣ буг̇г̇алигагаммз д̣̇аад̇ум̣ ваддад̇и.
‘‘Mattikā pakatimattikā vā hotu pañcavaṇṇā vā sudhā vā sajjurasakaṅguṭṭhasilesādīsu vā yaṃ kiñci dullabhaṭṭhāne ānetvā vā dinnaṃ tatthajātakaṃ vā rakkhitagopitaṃ tālaphalapakkamattaṃ garubhaṇḍaṃ hotī’’ti (cūḷava. aṭṭha. 321) aṭṭhakathāgatavinicchayaṃ dassetumāha ‘‘mattikā’’tiādi. Pākatikā vā setagerukādipañcavaṇṇā vāpi mattikāti yojanā. Sileso nāma kabiṭṭhādisileso. Ādi-saddena sajjurasakaṅguṭṭhādīnaṃ gahaṇaṃ. Tālapakkapamāṇanti ekaṭṭhitālaphalapamāṇāpi. Tampi mattikādi saṅghakamme, cetiyakamme ca niṭṭhite atirekaṃ puggalikakamme dātuṃ vaṭṭati.
2879-80. ‘‘взл̣уаад̣̇ига’’нд̇и бад̣̇ажчзд̣̇о. рагкид̇ам̣ г̇обид̇ам̣ вааби г̇ан̣хад̇аа самагам̣ ваа ад̇ирзгам̣ ваа т̇ааварам̣ анд̇амасо д̇ам̣аг̇гханагам̣ ваалигамзва ваа д̣̇ад̇ваа г̇ахзд̇аб̣б̣анд̇и яож̇анаа.
2879-80. ‘‘Veḷuādika’’nti padacchedo. Rakkhitaṃ gopitaṃ vāpi gaṇhatā samakaṃ vā atirekaṃ vā thāvaraṃ antamaso taṃagghanakaṃ vālikameva vā datvā gahetabbanti yojanā.
адтагат̇ааяам̣ бана ‘‘рагкид̇аг̇обид̇ам̣ взл̣ум̣ г̇ан̣ханд̇зна самагам̣ ваа ад̇ирзгам̣ ваа т̇ааварам̣ анд̇амасо д̇ам̣аг̇гханагаваалигааяаби паад̇игаммам̣ гад̇ваа г̇ахзд̇аб̣б̣о. паад̇игаммам̣ агад̇ваа г̇ан̣ханд̇зна д̇ад̇т̇зва вал̣ан̃ж̇зд̇аб̣б̣о, г̇аманагаалз сан̇гхигз ааваасз табзд̇ваа г̇анд̇аб̣б̣ам̣. асад̇ияаа г̇ахзд̇ваа г̇ад̇зна бана бахин̣ид̇ваа д̣̇аад̇аб̣б̣о. д̣̇зсанд̇араг̇ад̇зна самбад̇д̇авихаарз сан̇гхигааваасз табзд̇аб̣б̣о’’д̇и (жуул̣ава. адта. 321) взл̣умхиязва аяам̣ винижчаяо вуд̇д̇о, ид̇ха бана ‘‘валливзл̣аад̣̇игам̣ гин̃жий’’д̇и валлиаад̣̇ийнамби сааман̃н̃зна вуд̇д̇ад̇д̇аа д̇ам̣ убалагкан̣амад̇д̇ам̣ валлиаад̣̇ийсуби яат̇аарахам̣ лаб̣бхад̇ийд̇и взд̣̇ид̇аб̣б̣ам̣.
Aṭṭhakathāyaṃ pana ‘‘rakkhitagopitaṃ veḷuṃ gaṇhantena samakaṃ vā atirekaṃ vā thāvaraṃ antamaso taṃagghanakavālikāyapi phātikammaṃ katvā gahetabbo. Phātikammaṃ akatvā gaṇhantena tattheva vaḷañjetabbo, gamanakāle saṅghike āvāse ṭhapetvā gantabbaṃ. Asatiyā gahetvā gatena pana pahiṇitvā dātabbo. Desantaragatena sampattavihāre saṅghikāvāse ṭhapetabbo’’ti (cūḷava. aṭṭha. 321) veḷumhiyeva ayaṃ vinicchayo vutto, idha pana ‘‘valliveḷādikaṃ kiñcī’’ti valliādīnampi sāmaññena vuttattā taṃ upalakkhaṇamattaṃ valliādīsupi yathārahaṃ labbhatīti veditabbaṃ.
2881. ан̃ж̇ананд̇и силаамаяо. звам̣ харид̇ааламаносилааби.
2881.Añjananti silāmayo. Evaṃ haritālamanosilāpi.
2882. д̣̇аарубхан̣д̣з аяам̣ винижчаяо – барин̣аахад̇о яат̇аавуд̇д̇а суужид̣̇ан̣д̣аббамаан̣аго адтан̇г̇улад̣̇ийгхо яо гожи д̣̇аарубхан̣д̣аго д̣̇ааруд̣̇уллабхадтаанз сан̇гхасса д̣̇инно ваа д̇ад̇т̇аж̇аад̇аго ваа рагкид̇аг̇обид̇о г̇арубхан̣д̣ам̣ ход̇ийд̇и яож̇анаа.
2882. Dārubhaṇḍe ayaṃ vinicchayo – pariṇāhato yathāvutta sūcidaṇḍappamāṇako aṭṭhaṅguladīgho yo koci dārubhaṇḍako dārudullabhaṭṭhāne saṅghassa dinno vā tatthajātako vā rakkhitagopito garubhaṇḍaṃ hotīti yojanā.
2883. звам̣ гурунд̣̇адтагат̇ааяа ааг̇ад̇авинижчаяам̣ д̣̇ассзд̇ваа махааадтагат̇ааяа (жуул̣ава. адта. 321) ааг̇ад̇ам̣ д̣̇ассзд̇умааха ‘‘махааадтагат̇ааяа’’нд̇иаад̣̇и. д̇ад̇т̇а аасанд̣̇игасад̇д̇ан̇г̇аа вуд̇д̇алагкан̣аава. ‘‘бхад̣̇д̣̇абийта’’нд̇и взд̇д̇амаяам̣ бийтам̣ вужжад̇и. бийтигаад̇и билод̇игааб̣ад̣̇д̇хабийтамзва.
2883. Evaṃ kurundaṭṭhakathāya āgatavinicchayaṃ dassetvā mahāaṭṭhakathāya (cūḷava. aṭṭha. 321) āgataṃ dassetumāha ‘‘mahāaṭṭhakathāya’’ntiādi. Tattha āsandikasattaṅgā vuttalakkhaṇāva. ‘‘Bhaddapīṭha’’nti vettamayaṃ pīṭhaṃ vuccati. Pīṭhikāti pilotikābaddhapīṭhameva.
2884. зл̣агабаад̣̇абийтам̣ наама д̣̇аарубаддигааяа убари баад̣̇з табзд̇ваа бхож̇анабаллан̇гам̣ вияа гад̇абийтам̣ вужжад̇и. ‘‘аамалагаваддагабийта’’нд̇и зд̇асса ‘‘ааман̣д̣агаваддага’’нд̇и барияааяо, д̇асмаа убхаязнааби аамалагаагаарзна яож̇ид̇ам̣ б̣ахубаад̣̇агабийтам̣ вужжад̇и. гзсужи бод̇т̇агзсу ‘‘д̇ат̇ааман̣д̣агабийтага’’нд̇и баато. г̇аат̇ааб̣анд̇хавасзна ман̣д̣ага-сад̣̇д̣̇абаяог̇о. гожчам̣ бхууд̇аг̇аамаваг̇г̇з жад̇уд̇т̇асигкаабад̣̇з вуд̇д̇асаруубам̣. балаалабийтанд̇и нибаж̇ж̇анад̇т̇ааяа гад̇аа балаалабхиси, иминаа гад̣̇алибад̇д̇аад̣̇имаяабийтамби убалагкан̣ад̇о д̣̇ассид̇ам̣. яат̇ааха – ‘‘балаалабийтзна жзд̇т̇а гад̣̇алибад̇д̇аад̣̇ибийтааниби сан̇г̇ахид̇ааний’’д̇и (жуул̣ава. адта. 321). д̇хованз палаганд̇и жийварад̇хованапалагам̣, д̇хованаад̣̇исад̣̇д̣̇аанам̣ виязд̇т̇а вибхад̇д̇иалобо. имзсу д̇аава яам̣ гин̃жи куд̣̇д̣̇агам̣ ваа ход̇у маханд̇ам̣ ваа, сан̇гхасса д̣̇иннам̣ г̇арубхан̣д̣ам̣ ход̇и. б̣яаг̇гхажаммаонад̣̇д̇хамби ваал̣аруубабаригкид̇д̇ам̣ рад̇анабарисиб̣б̣ид̇ам̣ гожчам̣ г̇арубхан̣д̣амзва.
2884.Eḷakapādapīṭhaṃ nāma dārupaṭṭikāya upari pāde ṭhapetvā bhojanapallaṅkaṃ viya katapīṭhaṃ vuccati. ‘‘Āmalakavaṭṭakapīṭha’’nti etassa ‘‘āmaṇḍakavaṭṭaka’’nti pariyāyo, tasmā ubhayenāpi āmalakākārena yojitaṃ bahupādakapīṭhaṃ vuccati. Kesuci potthakesu ‘‘tathāmaṇḍakapīṭhaka’’nti pāṭho. Gāthābandhavasena maṇḍaka-saddapayogo. Kocchaṃ bhūtagāmavagge catutthasikkhāpade vuttasarūpaṃ. Palālapīṭhanti nipajjanatthāya katā palālabhisi, iminā kadalipattādimayapīṭhampi upalakkhaṇato dassitaṃ. Yathāha – ‘‘palālapīṭhena cettha kadalipattādipīṭhānipi saṅgahitānī’’ti (cūḷava. aṭṭha. 321). Dhovanephalakanti cīvaradhovanaphalakaṃ, dhovanādisaddānaṃ viyettha vibhattialopo. Imesu tāva yaṃ kiñci khuddakaṃ vā hotu mahantaṃ vā, saṅghassa dinnaṃ garubhaṇḍaṃ hoti. Byagghacammaonaddhampi vāḷarūpaparikkhittaṃ ratanaparisibbitaṃ kocchaṃ garubhaṇḍameva.
2885. бхан̣д̣игаад̇и д̣̇ан̣д̣агадтажчзд̣̇анабхан̣д̣игаа. муг̇г̇арод̇и д̣̇ан̣д̣амуг̇г̇аро. д̣̇ан̣д̣амуг̇г̇аро наама язна раж̇ид̇ажийварам̣ бот̇знд̇и. вад̇т̇агхадданамуг̇г̇арод̇и жийварагхадданамуг̇г̇аро, язна ануваад̇аад̣̇им̣ гхаддзнд̇и. амб̣ан̣анд̇и палагзхи богкаран̣исад̣̇исам̣ гад̇абаанийяабхааж̇анам̣. ман̃ж̇уусаа наама д̣̇он̣ибзл̣аа. нааваа бод̇о. раж̇анад̣̇он̣игаа наама яад̇т̇а жийварам̣ раж̇анд̇и, баггараж̇анам̣ ваа аагиранд̇и.
2885.Bhaṇḍikāti daṇḍakaṭṭhacchedanabhaṇḍikā. Muggaroti daṇḍamuggaro. Daṇḍamuggaro nāma yena rajitacīvaraṃ pothenti. Vatthaghaṭṭanamuggaroti cīvaraghaṭṭanamuggaro, yena anuvātādiṃ ghaṭṭenti. Ambaṇanti phalakehi pokkharaṇisadisaṃ katapānīyabhājanaṃ. Mañjūsā nāma doṇipeḷā. Nāvā poto. Rajanadoṇikā nāma yattha cīvaraṃ rajanti, pakkarajanaṃ vā ākiranti.
2886. ул̣ун̇год̇и наал̣игзрапалагадаахаад̣̇имаяо ул̣ун̇го. убхаяам̣ бид̇хаанасамаго самуг̇г̇о. ‘‘куд̣̇д̣̇аго баривид̇хано гаран̣д̣а’’нд̇и вад̣̇анд̇и. гаран̣д̣о жа баад̣̇аг̇ан̣ханагад̇о ад̇ирзгаббамаан̣о ид̇ха ад̇хиббзд̇о. гадажчууд̇и д̣̇аб̣б̣и. аад̣̇и-сад̣̇д̣̇зна баанийяасараавабаанийяасан̇каад̣̇ийнам̣ г̇ахан̣ам̣.
2886.Uḷuṅkoti nāḷikeraphalakaṭāhādimayo uḷuṅko. Ubhayaṃ pidhānasamako samuggo. ‘‘Khuddako parividhano karaṇḍa’’nti vadanti. Karaṇḍo ca pādagaṇhanakato atirekappamāṇo idha adhippeto. Kaṭacchūti dabbi. Ādi-saddena pānīyasarāvapānīyasaṅkhādīnaṃ gahaṇaṃ.
2887. г̇зхасамбхааранд̇и г̇зхобагаран̣ам̣. т̇амбхад̇улаасобаанапалагаад̣̇и д̣̇аарумаяам̣, баасаан̣амаяамби иминаава г̇ахид̇ам̣. габбияажамманд̇и ‘‘зл̣агааж̇амиг̇аана’’нд̇иаад̣̇инаа (ви. ви. 2650) хздтаа д̣̇ассид̇ам̣ габбияажаммам̣. д̇аб̣б̣ибарияааяам̣ агаббияам̣. абхааж̇ияам̣ г̇арубхан̣д̣ад̇д̇аа. бхуумад̇т̇аран̣ам̣ гад̇ваа барибхун̃ж̇ид̇ум̣ ваддад̇и.
2887.Gehasambhāranti gehopakaraṇaṃ. Thambhatulāsopānaphalakādi dārumayaṃ, pāsāṇamayampi imināva gahitaṃ. Kappiyacammanti ‘‘eḷakājamigāna’’ntiādinā (vi. vi. 2650) heṭṭhā dassitaṃ kappiyacammaṃ. Tabbipariyāyaṃ akappiyaṃ. Abhājiyaṃ garubhaṇḍattā. Bhūmattharaṇaṃ katvā paribhuñjituṃ vaṭṭati.
2888. адтагат̇ааяам̣ ‘‘зл̣агажаммам̣ бана бажжад̇т̇аран̣аг̇ад̇игамзва ход̇и, д̇амби г̇арубхан̣д̣амзваа’’д̇и (жуул̣ава. адта. 321) вуд̇д̇ад̇д̇аа ааха ‘‘зл̣ажаммам̣ г̇арум̣ вуд̇д̇а’’нд̇и. гурунд̣̇ияам̣ бана ‘‘саб̣б̣ам̣ ман̃жаббамаан̣ам̣ жаммам̣ г̇арубхан̣д̣а’’нд̇и (жуул̣ава. адта. 321) вуд̇д̇ам̣. зд̇т̇а жа ‘‘бажжад̇т̇аран̣аг̇ад̇игамзваа’’д̇и иминаа ман̃жабийтзби ад̇т̇арид̇ум̣ ваддад̇ийд̇и д̣̇ийбзд̇и. ‘‘бааваараад̣̇ибажжад̇т̇аран̣амби г̇арубхан̣д̣а’’нд̇и згз, ‘‘но’’д̇и абарз, виймам̣сид̇ваа г̇ахзд̇аб̣б̣ам̣. ман̃жаббамаан̣анд̇и жа бамаан̣аяуд̇д̇ам̣ ман̃жам̣. бамаан̣аяуд̇д̇аман̃жо наама яасса д̣̇ийгхасо нава вид̣̇ад̇т̇ияо д̇ирияан̃жа д̇ад̣̇убад̣дхам̣. уд̣̇д̇хам̣ мукамассаад̇и уд̣̇угкалам̣. аад̣̇и-сад̣̇д̣̇зна мусалам̣, суббам̣, нисад̣̇ам̣, нисад̣̇абод̇о, баасаан̣ад̣̇он̣и, баасаан̣агадаахан̃жа сан̇г̇ахид̇ам̣. бзсагаараад̣̇ийд̇и аад̣̇и-сад̣̇д̣̇зна жаммагаараад̣̇ийнам̣ г̇ахан̣ам̣. д̇уривзмаад̣̇и бзсагаарабхан̣д̣ан̃жа бхасд̇аад̣̇и жаммагаарабхан̣д̣ан̃жа гасибхан̣д̣ан̃жа яуг̇анан̇г̇алаад̣̇и сан̇гхигам̣ сан̇гхасанд̇агам̣ г̇арубхан̣д̣анд̇и яож̇анаа.
2888.Aṭṭhakathāyaṃ ‘‘eḷakacammaṃ pana paccattharaṇagatikameva hoti, tampi garubhaṇḍamevā’’ti (cūḷava. aṭṭha. 321) vuttattā āha ‘‘eḷacammaṃ garuṃ vutta’’nti. Kurundiyaṃ pana ‘‘sabbaṃ mañcappamāṇaṃ cammaṃ garubhaṇḍa’’nti (cūḷava. aṭṭha. 321) vuttaṃ. Ettha ca ‘‘paccattharaṇagatikamevā’’ti iminā mañcapīṭhepi attharituṃ vaṭṭatīti dīpeti. ‘‘Pāvārādipaccattharaṇampi garubhaṇḍa’’nti eke, ‘‘no’’ti apare, vīmaṃsitvā gahetabbaṃ. Mañcappamāṇanti ca pamāṇayuttaṃ mañcaṃ. Pamāṇayuttamañco nāma yassa dīghaso nava vidatthiyo tiriyañca tadupaḍḍhaṃ. Uddhaṃ mukhamassāti udukkhalaṃ. Ādi-saddena musalaṃ, suppaṃ, nisadaṃ, nisadapoto, pāsāṇadoṇi, pāsāṇakaṭāhañca saṅgahitaṃ. Pesakārādīti ādi-saddena cammakārādīnaṃ gahaṇaṃ. Turivemādi pesakārabhaṇḍañca bhastādi cammakārabhaṇḍañca kasibhaṇḍañca yuganaṅgalādi saṅghikaṃ saṅghasantakaṃ garubhaṇḍanti yojanā.
2889. ‘‘д̇ат̇зваа’’д̇и иминаа ‘‘сан̇гхига’’нд̇и ид̣̇ам̣ бажжаамасад̇и. аад̇хаарагод̇и бад̇д̇аад̇хааро. д̇аалаван̣данд̇и д̇аалаван̣дзхи гад̇ам̣. взл̣уд̣̇анд̇авилийвзхи ваа морабин̃чзхи ваа жаммавигад̇ийхи ваа гад̇амби д̇ам̣сад̣̇исам̣ ‘‘д̇аалаван̣да’’нд̇зва вужжад̇и. ваддавид̇хуубанаанам̣ д̇аалаван̣дзязва анд̇ог̇ад̇хад̇д̇аа ‘‘б̣ийж̇аний’’д̇и жад̇урассавид̇хуубанан̃жа гзд̇агабаарохагунд̇аалабан̣н̣аад̣̇имаяад̣̇анд̇амаяависаан̣амаяад̣̇ан̣д̣агамагасаб̣ийж̇аний жа вужжад̇и. бажчи баагадааязва. бажчид̇о куд̣̇д̣̇аго д̇аалабан̣н̣аад̣̇имаяо бхааж̇анависзсо жан̇годагам̣. саб̣б̣аа саммаж̇ж̇анийд̇и наал̣игзрахийраад̣̇ийхи б̣ад̣̇д̇хаа яадтисаммаж̇ж̇аний, мудтисаммаж̇ж̇анийд̇и д̣̇увид̇хаа баривзн̣ан̇г̇ан̣аад̣̇исаммаж̇ж̇аний жа д̇ат̇зва д̣̇увид̇хаа каж̇ж̇ууринаал̣игзрабан̣н̣аад̣̇ийхи б̣ад̣̇д̇хаа г̇зхасаммаж̇ж̇аний жаад̇и саб̣б̣ааби саммаж̇ж̇аний г̇арубхан̣д̣ам̣ ход̇и.
2889.‘‘Tathevā’’ti iminā ‘‘saṅghika’’nti idaṃ paccāmasati. Ādhārakoti pattādhāro. Tālavaṇṭanti tālavaṇṭehi kataṃ. Veḷudantavilīvehi vā morapiñchehi vā cammavikatīhi vā katampi taṃsadisaṃ ‘‘tālavaṇṭa’’nteva vuccati. Vaṭṭavidhūpanānaṃ tālavaṇṭeyeva antogadhattā ‘‘bījanī’’ti caturassavidhūpanañca ketakapārohakuntālapaṇṇādimayadantamayavisāṇamayadaṇḍakamakasabījanī ca vuccati. Pacchi pākaṭāyeva. Pacchito khuddako tālapaṇṇādimayo bhājanaviseso caṅkoṭakaṃ. Sabbā sammajjanīti nāḷikerahīrādīhi baddhā yaṭṭhisammajjanī, muṭṭhisammajjanīti duvidhā pariveṇaṅgaṇādisammajjanī ca tatheva duvidhā khajjūrināḷikerapaṇṇādīhi baddhā gehasammajjanī cāti sabbāpi sammajjanī garubhaṇḍaṃ hoti.
2890. жаггаяуд̇д̇агаяаананд̇и хад̇т̇аваддагасагадаад̣̇ияуд̇д̇аяаанан̃жа.
2890.Cakkayuttakayānanti hatthavaṭṭakasakaṭādiyuttayānañca.
2891. чад̇д̇анд̇и бан̣н̣агилан̃ж̇асзд̇ажчад̇д̇авасзна д̇ивид̇хам̣ чад̇д̇ам̣. мудтибан̣н̣анд̇и д̇аалабан̣н̣ам̣ санд̇хааяа вуд̇д̇ам̣. висаан̣абхааж̇анан̃жа д̇умб̣абхааж̇анан̃жаад̇и виг̇г̇ахо, згад̣̇зсасаруубзгасзсо, г̇аат̇ааб̣анд̇хавасзна ниг̇г̇ахид̇ааг̇амо жа. висаан̣амаяам̣, бхааж̇анам̣ д̇умб̣амаяам̣ бхааж̇анан̃жаад̇и ад̇т̇о. ид̇ха ‘‘баад̣̇аг̇ан̣ханагад̇о ад̇ирид̇д̇аббамаан̣а’’нд̇и сзсо. аран̣ий аран̣исахид̇ам̣. аад̣̇и-сад̣̇д̣̇зна аамалагад̇умб̣ам̣ анун̃н̃аад̇аваасияаа д̣̇ан̣д̣ан̃жа сан̇г̇ан̣хаад̇и. лаху аг̇арубхан̣д̣ам̣, бхааж̇анийяанд̇и ад̇т̇о. баад̣̇аг̇ан̣ханагад̇о ад̇ирид̇д̇аббамаан̣ам̣ г̇арубхан̣д̣ам̣.
2891.Chattanti paṇṇakilañjasetacchattavasena tividhaṃ chattaṃ. Muṭṭhipaṇṇanti tālapaṇṇaṃ sandhāya vuttaṃ. Visāṇabhājanañca tumbabhājanañcāti viggaho, ekadesasarūpekaseso, gāthābandhavasena niggahitāgamo ca. Visāṇamayaṃ, bhājanaṃ tumbamayaṃ bhājanañcāti attho. Idha ‘‘pādagaṇhanakato atirittappamāṇa’’nti seso. Araṇī araṇisahitaṃ. Ādi-saddena āmalakatumbaṃ anuññātavāsiyā daṇḍañca saṅgaṇhāti. Lahu agarubhaṇḍaṃ, bhājanīyanti attho. Pādagaṇhanakato atirittappamāṇaṃ garubhaṇḍaṃ.
2892. висаан̣анд̇и г̇овисаан̣аад̣̇и яам̣ гин̃жи висаан̣ам̣. ад̇ажчид̇ам̣ яат̇ааг̇ад̇амзва бхааж̇анийяам̣. анидтид̇ам̣ ман̃жабаад̣̇аад̣̇и яам̣ гин̃жи бхааж̇анийяанд̇и яож̇анаа. яат̇ааха – ‘‘ман̃жабаад̣̇о ман̃жааданий бийтабаад̣̇о бийтааданий ваасипарасуаад̣̇ийнам̣ д̣̇ан̣д̣од̇и зд̇зсу яам̣ гин̃жи виббагад̇ад̇ажчанагаммам̣ анидтид̇амзва бхааж̇анийяам̣, д̇ажчид̇амадтам̣ бана г̇арубхан̣д̣ам̣ ход̇ий’’д̇и (жуул̣ава. адта. 321).
2892.Visāṇanti govisāṇādi yaṃ kiñci visāṇaṃ. Atacchitaṃ yathāgatameva bhājanīyaṃ. Aniṭṭhitaṃ mañcapādādi yaṃ kiñci bhājanīyanti yojanā. Yathāha – ‘‘mañcapādo mañcaaṭanī pīṭhapādo pīṭhaaṭanī vāsipharasuādīnaṃ daṇḍoti etesu yaṃ kiñci vippakatatacchanakammaṃ aniṭṭhitameva bhājanīyaṃ, tacchitamaṭṭhaṃ pana garubhaṇḍaṃ hotī’’ti (cūḷava. aṭṭha. 321).
2893. нидтид̇о д̇ажчид̇о ваабийд̇и д̇ажчид̇анидтид̇оби. вид̇ход̇и гааяаб̣анд̇ханз анун̃н̃аад̇авид̇хо. хин̇г̇угаран̣д̣агод̇и хин̇г̇умаяо ваа д̇ад̣̇аад̇хааро ваа гаран̣д̣аго. ан̃ж̇анийд̇и ан̃ж̇ананаал̣игаа жа ан̃ж̇анагаран̣д̣аго жа. салаагааяод̇и ан̃ж̇анисалаагаа. уд̣̇абун̃чанийд̇и хад̇т̇ид̣̇анд̇ависаан̣аад̣̇имаяаа уд̣̇агабун̃чаний. ид̣̇ам̣ саб̣б̣ам̣ бхааж̇анийяамзва.
2893.Niṭṭhito tacchito vāpīti tacchitaniṭṭhitopi. Vidhoti kāyabandhane anuññātavidho. Hiṅgukaraṇḍakoti hiṅgumayo vā tadādhāro vā karaṇḍako. Añjanīti añjananāḷikā ca añjanakaraṇḍako ca. Salākāyoti añjanisalākā. Udapuñchanīti hatthidantavisāṇādimayā udakapuñchanī. Idaṃ sabbaṃ bhājanīyameva.
2894. барибхог̇аараханд̇и мануссаанам̣ убабхог̇абарибхог̇аяог̇г̇ам̣. гулаалабхан̣д̣анд̇и гхадабитараад̣̇игумбхагаарабхан̣д̣амби. бад̇д̇ан̇г̇аарагадааханд̇и бад̇д̇агадаахам̣, ан̇г̇аарагадаахан̃жа. д̇хуумад̣̇аанам̣ наал̣игаа. габаллигаад̇и д̣̇ийбагабаллигаа.
2894.Paribhogārahanti manussānaṃ upabhogaparibhogayoggaṃ. Kulālabhaṇḍanti ghaṭapiṭharādikumbhakārabhaṇḍampi. Pattaṅgārakaṭāhanti pattakaṭāhaṃ, aṅgārakaṭāhañca. Dhūmadānaṃ nāḷikā. Kapallikāti dīpakapallikā.
2895. т̇убигаад̇и баасаад̣̇аад̣̇ит̇убигаа. д̣̇ийбаругкод̇и бад̣̇ийбаад̇хааро. жаяанажчад̣̇анидтагаад̇и баагааражзд̇ияаад̣̇ийнам̣ жаяанидтагаа жа г̇зхаад̣̇ийнам̣ чад̣̇анидтагаа жа. саб̣б̣амбийд̇и яат̇аавуд̇д̇ам̣ саб̣б̣амби анавасзсам̣ баригкаарам̣.
2895.Thupikāti pāsādādithupikā. Dīparukkhoti padīpādhāro. Cayanacchadaniṭṭhakāti pākāracetiyādīnaṃ cayaniṭṭhakā ca gehādīnaṃ chadaniṭṭhakā ca. Sabbampīti yathāvuttaṃ sabbampi anavasesaṃ parikkhāraṃ.
2896. ган̃жанагод̇и сараго. гхадагод̇и баад̣̇аг̇ан̣ханагад̇о анад̇ирид̇д̇аббамаан̣о гхадаго. ‘‘яат̇аа жа мад̇д̇игаабхан̣д̣з, звам̣ лохабхан̣д̣зби гун̣д̣игаа бхааж̇анийяагодтаасамзва бхаж̇ад̇ий’’д̇и (жуул̣ава. адта. 321) адтагат̇аанаяам̣ сан̇г̇ахзд̇умааха ‘‘лохабхан̣д̣зби гун̣д̣игааби жа бхааж̇ияаа’’д̇и.
2896.Kañcanakoti sarako. Ghaṭakoti pādagaṇhanakato anatirittappamāṇo ghaṭako. ‘‘Yathā ca mattikābhaṇḍe, evaṃ lohabhaṇḍepi kuṇḍikā bhājanīyakoṭṭhāsameva bhajatī’’ti (cūḷava. aṭṭha. 321) aṭṭhakathānayaṃ saṅgahetumāha ‘‘lohabhaṇḍepi kuṇḍikāpi ca bhājiyā’’ti.
2897. г̇ару наама бажчимам̣ г̇арубхан̣д̣ад̇д̇аяам̣. т̇ааварам̣ наама буримад̣̇ваяам̣. сан̇гхассаад̇и сан̇гхзна. баривад̇д̇зд̇ваад̇и буг̇г̇алигаад̣̇ийхи д̇аад̣̇исзхи д̇зхи баривад̇д̇зд̇ваа. д̇ад̇рааяам̣ баривад̇д̇ананаяо (жуул̣ава. адта. 321) – сан̇гхасса наал̣игзраараамо д̣̇уурз ход̇и, габбияагаарагаа д̇ам̣ б̣ахуд̇арам̣ каад̣̇анд̇и, д̇ад̇о сагадавзд̇анам̣ д̣̇ад̇ваа аббамзва аахаранд̇и, ан̃н̃зсам̣ бана д̇асса аараамасса авид̣̇уураг̇аамаваасийнам̣ мануссаанам̣ вихаарасса самийбз аараамо ход̇и, д̇з сан̇гхам̣ убасан̇гамид̇ваа сагзна аараамзна д̇ам̣ аараамам̣ яаажанд̇и, сан̇гхзна ‘‘ружжад̇и сан̇гхассаа’’д̇и абалогзд̇ваа самбадижчид̇аб̣б̣о. сажзби бхигкуунам̣ ругкасахассам̣ ход̇и, мануссаанам̣ бан̃жасад̇аани, ‘‘нану д̇умхаагам̣ аараамо куд̣̇д̣̇аго’’д̇и на вад̇д̇аб̣б̣ам̣. гин̃жааби хи аяам̣ куд̣̇д̣̇аго, ат̇а ко ид̇арад̇о б̣ахуд̇арам̣ ааяам̣ д̣̇зд̇и. сажзби самагамзва д̣̇зд̇и, звамби ижчид̇ижчид̇агкан̣з барибхун̃ж̇ид̇ум̣ саггаад̇и г̇ахзд̇аб̣б̣амзва.
2897.Garu nāma pacchimaṃ garubhaṇḍattayaṃ. Thāvaraṃ nāma purimadvayaṃ. Saṅghassāti saṅghena. Parivattetvāti puggalikādīhi tādisehi tehi parivattetvā. Tatrāyaṃ parivattananayo (cūḷava. aṭṭha. 321) – saṅghassa nāḷikerārāmo dūre hoti, kappiyakārakā taṃ bahutaraṃ khādanti, tato sakaṭavetanaṃ datvā appameva āharanti, aññesaṃ pana tassa ārāmassa avidūragāmavāsīnaṃ manussānaṃ vihārassa samīpe ārāmo hoti, te saṅghaṃ upasaṅkamitvā sakena ārāmena taṃ ārāmaṃ yācanti, saṅghena ‘‘ruccati saṅghassā’’ti apaloketvā sampaṭicchitabbo. Sacepi bhikkhūnaṃ rukkhasahassaṃ hoti, manussānaṃ pañcasatāni, ‘‘nanu tumhākaṃ ārāmo khuddako’’ti na vattabbaṃ. Kiñcāpi hi ayaṃ khuddako, atha kho itarato bahutaraṃ āyaṃ deti. Sacepi samakameva deti, evampi icchiticchitakkhaṇe paribhuñjituṃ sakkāti gahetabbameva.
сажз бана мануссаанам̣ б̣ахуд̇араа ругкаа хонд̇и, ‘‘нану д̇умхаагам̣ б̣ахуд̇араа ругкаа’’д̇и вад̇д̇аб̣б̣ам̣. сажз ‘‘ад̇ирзгам̣ амхаагам̣ бун̃н̃ам̣ ход̇у, сан̇гхасса д̣̇змаа’’д̇и вад̣̇анд̇и, ж̇аанаабзд̇ваа самбадижчид̇ум̣ ваддад̇и. бхигкуунам̣ ругкаа палад̇хаарино, мануссаанам̣ ругкаа на д̇аава палам̣ г̇ан̣ханд̇и. гин̃жааби на г̇ан̣ханд̇и, на жирассзва г̇ан̣хиссанд̇ийд̇и самбадижчид̇аб̣б̣амзва. мануссаанам̣ ругкаа палад̇хаарино, бхигкуунам̣ на д̇аава палам̣ г̇ан̣ханд̇и. ‘‘нану д̇умхаагам̣ ругкаа палад̇хаарино’’д̇и вад̇д̇аб̣б̣ам̣. сажз ‘‘г̇ан̣хат̇а, бханд̇з, амхаагам̣ бун̃н̃ам̣ бхависсад̇ий’’д̇и вад̣̇анд̇и, ж̇аанаабзд̇ваа самбадижчид̇ум̣ ваддад̇и. звам̣ аараамзна аараамо баривад̇д̇зд̇аб̣б̣о. зд̇знзва наязна аараамавад̇т̇уби вихаароби вихааравад̇т̇уби аараамзна баривад̇д̇зд̇аб̣б̣ам̣. аараамавад̇т̇унаа жа маханд̇зна ваа куд̣̇д̣̇агзна ваа аараамааараамавад̇т̇увихааравихааравад̇т̇ууни.
Sace pana manussānaṃ bahutarā rukkhā honti, ‘‘nanu tumhākaṃ bahutarā rukkhā’’ti vattabbaṃ. Sace ‘‘atirekaṃ amhākaṃ puññaṃ hotu, saṅghassa demā’’ti vadanti, jānāpetvā sampaṭicchituṃ vaṭṭati. Bhikkhūnaṃ rukkhā phaladhārino, manussānaṃ rukkhā na tāva phalaṃ gaṇhanti. Kiñcāpi na gaṇhanti, na cirasseva gaṇhissantīti sampaṭicchitabbameva. Manussānaṃ rukkhā phaladhārino, bhikkhūnaṃ na tāva phalaṃ gaṇhanti. ‘‘Nanu tumhākaṃ rukkhā phaladhārino’’ti vattabbaṃ. Sace ‘‘gaṇhatha, bhante, amhākaṃ puññaṃ bhavissatī’’ti vadanti, jānāpetvā sampaṭicchituṃ vaṭṭati. Evaṃ ārāmena ārāmo parivattetabbo. Eteneva nayena ārāmavatthupi vihāropi vihāravatthupi ārāmena parivattetabbaṃ. Ārāmavatthunā ca mahantena vā khuddakena vā ārāmaārāmavatthuvihāravihāravatthūni.
гат̇ам̣ вихаарзна вихааро баривад̇д̇зд̇аб̣б̣о? сан̇гхасса анд̇ог̇аамз г̇зхам̣ ход̇и, мануссаанам̣ вихаарамаж̇жхз баасаад̣̇о, убхоби аг̇гхзна самагаа, сажз мануссаа д̇зна баасаад̣̇зна д̇ам̣ г̇зхам̣ яаажанд̇и, самбадижчид̇ум̣ ваддад̇и. бхигкуунам̣ жз махаг̇гхад̇арам̣ г̇зхам̣ ход̇и, ‘‘махаг̇гхад̇арам̣ амхаагам̣ г̇зха’’нд̇и вуд̇д̇з жа ‘‘гин̃жааби махаг̇гхад̇арам̣, баб̣б̣аж̇ид̇аанам̣ бана асааруббам̣, на саггаа д̇ад̇т̇а баб̣б̣аж̇ид̇зхи васид̇ум̣, ид̣̇ам̣ бана сааруббам̣, г̇ан̣хат̇аа’’д̇и вад̣̇анд̇и, звамби самбадижчид̇ум̣ ваддад̇и. сажз бана мануссаанам̣ махаг̇гхам̣ ход̇и, ‘‘нану д̇умхаагам̣ г̇зхам̣ махаг̇гха’’нд̇и вад̇д̇аб̣б̣ам̣. ‘‘ход̇у, бханд̇з, амхаагам̣ бун̃н̃ам̣ бхависсад̇и, г̇ан̣хат̇аа’’д̇и вуд̇д̇з бана самбадижчид̇ум̣ ваддад̇и. звам̣ вихаарзна вихааро баривад̇д̇зд̇аб̣б̣о. зд̇знзва наязна вихааравад̇т̇уби аараамоби аараамавад̇т̇уби вихаарзна баривад̇д̇зд̇аб̣б̣ам̣. вихааравад̇т̇унаа жа махаг̇гхзна ваа аббаг̇гхзна ваа вихааравихааравад̇т̇уаараамааараамавад̇т̇ууни. звам̣ д̇аава т̇ааварзна т̇ааварабаривад̇д̇анам̣ взд̣̇ид̇аб̣б̣ам̣.
Kathaṃ vihārena vihāro parivattetabbo? Saṅghassa antogāme gehaṃ hoti, manussānaṃ vihāramajjhe pāsādo, ubhopi agghena samakā, sace manussā tena pāsādena taṃ gehaṃ yācanti, sampaṭicchituṃ vaṭṭati. Bhikkhūnaṃ ce mahagghataraṃ gehaṃ hoti, ‘‘mahagghataraṃ amhākaṃ geha’’nti vutte ca ‘‘kiñcāpi mahagghataraṃ, pabbajitānaṃ pana asāruppaṃ, na sakkā tattha pabbajitehi vasituṃ, idaṃ pana sāruppaṃ, gaṇhathā’’ti vadanti, evampi sampaṭicchituṃ vaṭṭati. Sace pana manussānaṃ mahagghaṃ hoti, ‘‘nanu tumhākaṃ gehaṃ mahaggha’’nti vattabbaṃ. ‘‘Hotu, bhante, amhākaṃ puññaṃ bhavissati, gaṇhathā’’ti vutte pana sampaṭicchituṃ vaṭṭati. Evaṃ vihārena vihāro parivattetabbo. Eteneva nayena vihāravatthupi ārāmopi ārāmavatthupi vihārena parivattetabbaṃ. Vihāravatthunā ca mahagghena vā appagghena vā vihāravihāravatthuārāmaārāmavatthūni. Evaṃ tāva thāvarena thāvaraparivattanaṃ veditabbaṃ.
г̇арубхан̣д̣зна г̇арубхан̣д̣абаривад̇д̇анз бана ман̃жабийтам̣ маханд̇ам̣ ваа ход̇у куд̣̇д̣̇агам̣ ваа, анд̇амасо жад̇уран̇г̇улабаад̣̇агам̣ г̇аамад̣̇аарагзхи бам̣свааг̇аарагзсу гийл̣анд̇зхи гад̇амби сан̇гхасса д̣̇иннагаалад̇о бадтааяа г̇арубхан̣д̣ам̣ ход̇и. сажзби рааж̇арааж̇амахаамад̇д̇аад̣̇аяо згаббахаарзнзва ман̃жасад̇ам̣ ваа ман̃жасахассам̣ ваа д̣̇знд̇и, саб̣б̣з габбияаман̃жаа самбадижчид̇аб̣б̣аа, самбадижчид̇ваа вуд̣дхабадибаадияаа ‘‘сан̇гхигабарибхог̇зна барибхун̃ж̇ат̇аа’’д̇и д̣̇аад̇аб̣б̣аа, буг̇г̇алигавасзна на д̣̇аад̇аб̣б̣аа. ад̇ирзгаман̃жз бхан̣д̣ааг̇аараад̣̇ийсу бан̃н̃абзд̇ваа бад̇д̇ажийварам̣ нигкибид̇умби ваддад̇и.
Garubhaṇḍena garubhaṇḍaparivattane pana mañcapīṭhaṃ mahantaṃ vā hotu khuddakaṃ vā, antamaso caturaṅgulapādakaṃ gāmadārakehi paṃsvāgārakesu kīḷantehi katampi saṅghassa dinnakālato paṭṭhāya garubhaṇḍaṃ hoti. Sacepi rājarājamahāmattādayo ekappahāreneva mañcasataṃ vā mañcasahassaṃ vā denti, sabbe kappiyamañcā sampaṭicchitabbā, sampaṭicchitvā vuḍḍhapaṭipāṭiyā ‘‘saṅghikaparibhogena paribhuñjathā’’ti dātabbā, puggalikavasena na dātabbā. Atirekamañce bhaṇḍāgārādīsu paññapetvā pattacīvaraṃ nikkhipitumpi vaṭṭati.
б̣ахисиймааяа ‘‘сан̇гхасса д̣̇змаа’’д̇и д̣̇иннаман̃жо сан̇гхад̇т̇зрасса васанадтаанз д̣̇аад̇аб̣б̣о. д̇ад̇т̇а жз б̣ахуу ман̃жаа хонд̇и, ман̃жзна гаммам̣ над̇т̇и, яасса васанадтаанз гаммам̣ ад̇т̇и, д̇ад̇т̇а ‘‘сан̇гхигабарибхог̇зна барибхун̃ж̇ат̇аа’’д̇и д̣̇аад̇аб̣б̣о. махаг̇гхзна сад̇аг̇гханагзна, сахассаг̇гханагзна ваа ман̃жзна ан̃н̃ам̣ ман̃жасад̇ам̣ лабхад̇и, баривад̇д̇зд̇ваа г̇ахзд̇аб̣б̣ам̣. на гзвалам̣ ман̃жзна ман̃жоязва, аараамааараамавад̇т̇увихааравихааравад̇т̇убийтабхисиб̣имб̣оханааниби баривад̇д̇зд̇ум̣ вадданд̇и. зса наяо бийтабхисиб̣имб̣оханзсуби зд̇зсу хи габбияаагаббияам̣ вуд̇д̇анаяамзва. д̇ад̇т̇а агаббияам̣ на барибхун̃ж̇ид̇аб̣б̣ам̣, габбияам̣ сан̇гхигабарибхог̇зна барибхун̃ж̇ид̇аб̣б̣ам̣. агаббияам̣ ваа махаг̇гхам̣ габбияам̣ ваа баривад̇д̇зд̇ваа вуд̇д̇авад̇т̇ууни г̇ахзд̇аб̣б̣аани, аг̇арубхан̣д̣убаг̇ам̣ бана бхисиб̣имб̣оханам̣ наама над̇т̇ийд̇и.
Bahisīmāya ‘‘saṅghassa demā’’ti dinnamañco saṅghattherassa vasanaṭṭhāne dātabbo. Tattha ce bahū mañcā honti, mañcena kammaṃ natthi, yassa vasanaṭṭhāne kammaṃ atthi, tattha ‘‘saṅghikaparibhogena paribhuñjathā’’ti dātabbo. Mahagghena satagghanakena, sahassagghanakena vā mañcena aññaṃ mañcasataṃ labhati, parivattetvā gahetabbaṃ. Na kevalaṃ mañcena mañcoyeva, ārāmaārāmavatthuvihāravihāravatthupīṭhabhisibimbohanānipi parivattetuṃ vaṭṭanti. Esa nayo pīṭhabhisibimbohanesupi etesu hi kappiyākappiyaṃ vuttanayameva. Tattha akappiyaṃ na paribhuñjitabbaṃ, kappiyaṃ saṅghikaparibhogena paribhuñjitabbaṃ. Akappiyaṃ vā mahagghaṃ kappiyaṃ vā parivattetvā vuttavatthūni gahetabbāni, agarubhaṇḍupagaṃ pana bhisibimbohanaṃ nāma natthīti.
2898. бхигку ад̇ход̇зна баад̣̇зна, аллабаад̣̇зна ваа сзнаасанам̣ наггамзд̇и самб̣анд̇хо. саяанд̇и зд̇т̇а, аасанд̇и жаад̇и саяанаасанам̣, баригаммагад̇абхуумад̇т̇аран̣аад̣̇и. аллабаад̣̇зна ваад̇и язна агганд̇адтаанз уд̣̇агам̣ бан̃н̃ааяад̇и, зваруубзна д̇инд̇абаад̣̇зна. яат̇ааха – ‘‘аллзхи баад̣̇зхийд̇и язхи агганд̇адтаанз уд̣̇агам̣ бан̃н̃ааяад̇и, зваруубзхи баад̣̇зхи барибхан̣д̣агад̇абхууми ваа сзнаасанам̣ ваа на аггамид̇аб̣б̣ам̣. сажз бана уд̣̇агасинзхамад̇д̇амзва бан̃н̃ааяад̇и, на уд̣̇агам̣, ваддад̇ий’’д̇и (жуул̣ава. адта. 324). саубааханод̇и зд̇т̇а ‘‘д̇ход̇абаад̣̇ага’’нд̇и вад̇д̇аб̣б̣ам̣. баад̣̇з бадимуггаахи убааханаахи саубаахано бхигку д̇ход̇абаад̣̇агам̣ д̇ход̇абаад̣̇зхи аггамид̇аб̣б̣адтаанам̣ д̇ат̇зва на аггамзд̇и яож̇анаа.
2898. Bhikkhu adhotena pādena, allapādena vā senāsanaṃ nakkameti sambandho. Sayanti ettha, āsanti cāti sayanāsanaṃ, parikammakatabhūmattharaṇādi. Allapādena vāti yena akkantaṭṭhāne udakaṃ paññāyati, evarūpena tintapādena. Yathāha – ‘‘allehi pādehīti yehi akkantaṭṭhāne udakaṃ paññāyati, evarūpehi pādehi paribhaṇḍakatabhūmi vā senāsanaṃ vā na akkamitabbaṃ. Sace pana udakasinehamattameva paññāyati, na udakaṃ, vaṭṭatī’’ti (cūḷava. aṭṭha. 324). Saupāhanoti ettha ‘‘dhotapādaka’’nti vattabbaṃ. Pāde paṭimukkāhi upāhanāhi saupāhano bhikkhu dhotapādakaṃ dhotapādehi akkamitabbaṭṭhānaṃ tatheva na akkameti yojanā.
2899. баригаммагад̇ааяаад̇и суд̇хаад̣̇ибаригаммагад̇ааяа. нидтубханд̇ассаад̇и кзл̣ам̣ баад̇знд̇асса. баригаммагад̇ам̣ бхид̇д̇инд̇и сзд̇абхид̇д̇им̣ ваа жид̇д̇агаммагад̇ам̣ ваа бхид̇д̇им̣. на гзвалан̃жа бхид̇д̇имзва, д̣̇ваарамби ваад̇абаанамби абассзнапалагамби баасаан̣ад̇т̇амбхамби ругкад̇т̇амбхамби жийварзна ваа гзнажи ваа аббадижчаад̣̇зд̇ваа абассаяид̇ум̣ на лабхад̇иязва. ‘‘д̣̇ваараваад̇абаанаад̣̇аяо бана абаригаммагад̇ааби абадижчаад̣̇зд̇ваа на абассаяид̇аб̣б̣аа’’д̇и г̇ан̣тибад̣̇з вуд̇д̇ам̣.
2899.Parikammakatāyāti sudhādiparikammakatāya. Niṭṭhubhantassāti kheḷaṃ pātentassa. Parikammakataṃ bhittinti setabhittiṃ vā cittakammakataṃ vā bhittiṃ. Na kevalañca bhittimeva, dvārampi vātapānampi apassenaphalakampi pāsāṇatthambhampi rukkhatthambhampi cīvarena vā kenaci vā appaṭicchādetvā apassayituṃ na labhatiyeva. ‘‘Dvāravātapānādayo pana aparikammakatāpi apaṭicchādetvā na apassayitabbā’’ti gaṇṭhipade vuttaṃ.
2901. нид̣̇д̣̇ааяад̇о д̇асса гожи сарийрааваяаво бажжад̇т̇аран̣з сан̇гудид̇з сахасаа яад̣̇и ман̃жам̣ пусад̇и, д̣̇уггаданд̇и яож̇анаа.
2901. Niddāyato tassa koci sarīrāvayavo paccattharaṇe saṅkuṭite sahasā yadi mañcaṃ phusati, dukkaṭanti yojanā.
2902. ломзсу ман̃жам̣ пусанд̇зсу. хад̇т̇абаад̣̇аанам̣ д̇алзна аггамид̇ум̣ ваддад̇ийд̇и яож̇анаа. ман̃жабийтам̣ нийхаранд̇асса гааяз бадихан̃н̃ад̇и, анаабад̇д̇и.
2902.Lomesu mañcaṃ phusantesu. Hatthapādānaṃ talena akkamituṃ vaṭṭatīti yojanā. Mañcapīṭhaṃ nīharantassa kāye paṭihaññati, anāpatti.
‘‘д̣̇ааяагзхи ‘гааязна пусид̇ваа яат̇аасукам̣ барибхун̃ж̇ат̇аа’д̇и д̣̇иннасзнаасанам̣, ман̃жабийтаад̣̇ин̃жа д̣̇ааяагзна вуд̇д̇анияаамзна барибхун̃ж̇анд̇асса д̣̇осо над̇т̇ий’’д̇и маад̇игадтагат̇ааяа сийхал̣аг̇ан̣тибад̣̇з вуд̇д̇ад̇д̇аа д̇ат̇аа барибхун̃ж̇анд̇асса анаабад̇д̇и. ‘‘имам̣ ман̃жабийтаад̣̇им̣ сан̇гхасса д̣̇аммий’’д̇и вуд̇д̇з г̇арубхан̣д̣ам̣ ход̇и, на бхааж̇зд̇аб̣б̣ам̣ сан̇гхасса бараамадтад̇д̇аа. ‘‘имам̣ ман̃жабийтаад̣̇им̣ бхад̣̇анд̇аанам̣ вассаг̇г̇зна г̇ан̣хид̇ум̣ д̣̇аммий’’д̇и вуд̇д̇з сад̇иби г̇арубхан̣д̣абхаавз габбияавад̇т̇ум̣ бхааж̇зд̇ваа г̇ан̣хид̇ум̣ ваддад̇и, агаббияабхан̣д̣амзва бхааж̇зд̇ваа г̇ахзд̇ум̣ на лаб̣бхад̇и. ‘‘имам̣ ман̃жабийтам̣ вассаг̇г̇зна г̇ахзд̇ум̣ сан̇гхасса д̣̇аммий’’д̇и вуд̇д̇з вассаг̇г̇зна бхааж̇зд̇ваа г̇ахзд̇аб̣б̣ам̣ вассаг̇г̇зна бхааж̇анам̣ батамам̣ вад̇ваа бажчаа сан̇гхасса бараамадтад̇д̇аа. ‘‘сан̇гхасса имам̣ ман̃жабийтам̣ вассаг̇г̇зна г̇ан̣хид̇ум̣ д̣̇аммий’’д̇и вуд̇д̇з бана г̇арубхан̣д̣ам̣ ход̇и батамам̣ сан̇гхасса бараамадтад̇д̇аад̇и аяамби висзсо маад̇игадтагат̇аа г̇ан̣тибад̣̇зязва вуд̇д̇о.
‘‘Dāyakehi ‘kāyena phusitvā yathāsukhaṃ paribhuñjathā’ti dinnasenāsanaṃ, mañcapīṭhādiñca dāyakena vuttaniyāmena paribhuñjantassa doso natthī’’ti mātikaṭṭhakathāya sīhaḷagaṇṭhipade vuttattā tathā paribhuñjantassa anāpatti. ‘‘Imaṃ mañcapīṭhādiṃ saṅghassa dammī’’ti vutte garubhaṇḍaṃ hoti, na bhājetabbaṃ saṅghassa parāmaṭṭhattā. ‘‘Imaṃ mañcapīṭhādiṃ bhadantānaṃ vassaggena gaṇhituṃ dammī’’ti vutte satipi garubhaṇḍabhāve kappiyavatthuṃ bhājetvā gaṇhituṃ vaṭṭati, akappiyabhaṇḍameva bhājetvā gahetuṃ na labbhati. ‘‘Imaṃ mañcapīṭhaṃ vassaggena gahetuṃ saṅghassa dammī’’ti vutte vassaggena bhājetvā gahetabbaṃ vassaggena bhājanaṃ paṭhamaṃ vatvā pacchā saṅghassa parāmaṭṭhattā. ‘‘Saṅghassa imaṃ mañcapīṭhaṃ vassaggena gaṇhituṃ dammī’’ti vutte pana garubhaṇḍaṃ hoti paṭhamaṃ saṅghassa parāmaṭṭhattāti ayampi viseso mātikaṭṭhakathā gaṇṭhipadeyeva vutto.
2903-4. уд̣̇д̣̇зсабхад̇д̇авинижчаязгад̣̇зсам̣ д̣̇ассзд̇умааха ‘‘сахассаг̇гханаго’’д̇иаад̣̇и. сахассаг̇гханаго сажийваро бин̣д̣абаад̇о авассигам̣ бхигкум̣ бад̇д̇о, д̇асмим̣ вихаарз жа ‘‘зваруубо бин̣д̣абаад̇о авассигам̣ бхигкум̣ бад̇д̇о’’д̇и ликид̇ваа табид̇оби жа ход̇и, д̇ад̇о садтивассаанамажжаяз д̇аад̣̇исо сахассаг̇гханаго сажийваро гожи бин̣д̣абаад̇о сажз уббанно ход̇и, д̇ам̣ бин̣д̣абаад̇ам̣ б̣уд̇хо винижчаяагусало бхигку авассигадтид̇игааяа ад̣̇ад̇ваа садтивассигадтид̇игааяа д̣̇ад̣̇зяяаад̇и яож̇анаа.
2903-4. Uddesabhattavinicchayekadesaṃ dassetumāha ‘‘sahassagghanako’’tiādi. Sahassagghanako sacīvaro piṇḍapāto avassikaṃ bhikkhuṃ patto, tasmiṃ vihāre ca ‘‘evarūpo piṇḍapāto avassikaṃ bhikkhuṃ patto’’ti likhitvā ṭhapitopi ca hoti, tato saṭṭhivassānamaccaye tādiso sahassagghanako sacīvaro koci piṇḍapāto sace uppanno hoti, taṃ piṇḍapātaṃ budho vinicchayakusalo bhikkhu avassikaṭṭhitikāya adatvā saṭṭhivassikaṭṭhitikāya dadeyyāti yojanā.
2905. уд̣̇д̣̇зсабхад̇д̇ам̣ бхун̃ж̇ид̇ваад̇и убасамбаннагаалз ад̇д̇ано вассаг̇г̇зна бад̇д̇ам̣ уд̣̇д̣̇зсабхад̇д̇ам̣ барибхун̃ж̇ид̇ваа. ж̇аад̇о жз сааман̣зрагод̇и сигкаабажжагкаанаад̣̇ивасзна сажз сааман̣зро ж̇аад̇о. д̇анд̇и убасамбаннагаалз г̇ахид̇ам̣ д̇ад̣̇зва уд̣̇д̣̇зсабхад̇д̇ам̣. сааман̣зрасса баал̣ияаад̇и сааман̣зрабадибаадияаа ад̇д̇ано бад̇д̇ам̣ бажчаа г̇ахзд̇ум̣ лабхад̇и.
2905.Uddesabhattaṃ bhuñjitvāti upasampannakāle attano vassaggena pattaṃ uddesabhattaṃ paribhuñjitvā. Jāto ce sāmaṇerakoti sikkhāpaccakkhānādivasena sace sāmaṇero jāto. Tanti upasampannakāle gahitaṃ tadeva uddesabhattaṃ. Sāmaṇerassa pāḷiyāti sāmaṇerapaṭipāṭiyā attano pattaṃ pacchā gahetuṃ labhati.
2906. яо сааман̣зро самбун̣н̣авийсад̇ивассо ‘‘свз уд̣̇д̣̇зсам̣ лабхиссад̇ий’’д̇и вад̇д̇аб̣б̣о, аж̇ж̇а со убасамбанно ход̇и, тид̇игаа ад̇ийд̇аа сияаад̇и яож̇анаа, свз баабзд̇аб̣б̣аа сааман̣зрадтид̇игаа аж̇ж̇а убасамбаннад̇д̇аа ад̇игганд̇аа ход̇ийд̇и ад̇т̇о, д̇ам̣ бхад̇д̇ам̣ на лабхад̇ийд̇и вуд̇д̇ам̣ ход̇и.
2906.Yo sāmaṇero sampuṇṇavīsativasso ‘‘sve uddesaṃ labhissatī’’ti vattabbo, ajja so upasampanno hoti, ṭhitikā atītā siyāti yojanā, sve pāpetabbā sāmaṇeraṭṭhitikā ajja upasampannattā atikkantā hotīti attho, taṃ bhattaṃ na labhatīti vuttaṃ hoti.
2907. уд̣̇д̣̇зсабхад̇д̇аананд̇арам̣ салаагабхад̇д̇ам̣ д̣̇ассзд̇умааха ‘‘сажз банаа’’д̇иаад̣̇и. сажз салаагаа лад̣̇д̇хаа, д̇ам̣д̣̇инз бхад̇д̇ам̣ на лад̣̇д̇хам̣, бунад̣̇инз д̇асса бхад̇д̇ам̣ г̇ахзд̇аб̣б̣ам̣, на сам̣саяо ‘‘г̇ахзд̇аб̣б̣ам̣ ну ко, на г̇ахзд̇аб̣б̣а’’нд̇и звам̣ сам̣саяо на гаад̇аб̣б̣од̇и яож̇анаа.
2907. Uddesabhattānantaraṃ salākabhattaṃ dassetumāha ‘‘sace panā’’tiādi. Sace salākā laddhā, taṃdine bhattaṃ na laddhaṃ, punadine tassa bhattaṃ gahetabbaṃ, na saṃsayo ‘‘gahetabbaṃ nu kho, na gahetabba’’nti evaṃ saṃsayo na kātabboti yojanā.
2908. уд̇д̇ари уд̇д̇арам̣ ад̇ирзгам̣ бхан̇г̇ам̣ б̣яан̃ж̇анам̣ зд̇ассаад̇и уд̇д̇арибхан̇г̇ам̣, д̇асса, ад̇ирзгаб̣яан̃ж̇анассаад̇и ад̇т̇о. згажарассаад̇и згажааригасса. салаагааязва салаагигаа.
2908. Uttari uttaraṃ atirekaṃ bhaṅgaṃ byañjanaṃ etassāti uttaribhaṅgaṃ, tassa, atirekabyañjanassāti attho. Ekacarassāti ekacārikassa. Salākāyeva salākikā.
2909. уд̇д̇арибхан̇г̇амзва уд̇д̇арибхан̇г̇агам̣.
2909. Uttaribhaṅgameva uttaribhaṅgakaṃ.
2910. язна язна хийд̇и г̇аахид̇асалаагзна язна язна бхигкунаа. яам̣ яанд̇и бхад̇д̇аб̣яан̃ж̇анзсу яам̣ яам̣ бхад̇д̇ам̣ ваа яам̣ яам̣ б̣яан̃ж̇анам̣ ваа.
2910.Yena yena hīti gāhitasalākena yena yena bhikkhunā. Yaṃ yanti bhattabyañjanesu yaṃ yaṃ bhattaṃ vā yaṃ yaṃ byañjanaṃ vā.
2911. сан̇гхуд̣̇д̣̇зсаад̣̇иганд̇и сан̇гхабхад̇д̇ауд̣̇д̣̇зсабхад̇д̇аад̣̇игам̣. аад̣̇и-сад̣̇д̣̇зна ниманд̇анам̣, салаагам̣, багкигам̣, убосат̇игам̣, баадибад̣̇иганд̇и бан̃жа бхад̇д̇аани г̇ахид̇аани.
2911.Saṅghuddesādikanti saṅghabhattauddesabhattādikaṃ. Ādi-saddena nimantanaṃ, salākaṃ, pakkhikaṃ, uposathikaṃ, pāṭipadikanti pañca bhattāni gahitāni.
д̇ад̇т̇а саб̣б̣асан̇гхасса д̣̇иннам̣ сан̇гхабхад̇д̇ам̣ наама. ‘‘сан̇гхад̇о зд̇д̇агз бхигкуу уд̣̇д̣̇исид̇ваа д̣̇зт̇аа’’д̇иаад̣̇инаа вад̇ваа д̣̇иннам̣ уд̣̇д̣̇зсабхад̇д̇ам̣. ‘‘сан̇гхад̇о зд̇д̇агаанам̣ бхигкуунам̣ бхад̇д̇ам̣ г̇ан̣хат̇аа’’д̇иаад̣̇инаа вад̇ваа д̣̇иннам̣ ниманд̇анам̣ наама. ад̇д̇ано ад̇д̇ано наамзна салаагаг̇аахагаанам̣ бхигкуунам̣ д̣̇иннам̣ салаагабхад̇д̇ам̣ наама. жаад̇уд̣̇д̣̇асияам̣ д̣̇иннам̣ багкигам̣. убосат̇з д̣̇иннам̣ убосат̇игам̣. баадибад̣̇з д̣̇иннам̣ баадибад̣̇игам̣. д̇ам̣д̇ам̣наамзна д̣̇иннамзва д̇ат̇аа д̇ат̇аа вохарийяад̇и. зд̇зсам̣ бана вид̇т̇аарагат̇аа ‘‘абхилагкид̇зсуу’’д̇иаад̣̇инаа (жуул̣ава. адта. 325 багкигабхад̇д̇аад̣̇игат̇аа) адтагат̇ааяам̣ вуд̇д̇анаязна взд̣̇ид̇аб̣б̣аа. ааг̇анд̇угаад̣̇ийд̇и зд̇т̇а аад̣̇и-сад̣̇д̣̇зна г̇амигабхад̇д̇ам̣, г̇илаанабхад̇д̇ам̣, г̇илаанубадтаагабхад̇д̇анд̇и д̇ийн̣и г̇ахид̇аани. ааг̇анд̇угаанам̣ д̣̇иннам̣ бхад̇д̇ам̣ ааг̇анд̇угабхад̇д̇ам̣. зсзва наяо сзсзсу.
Tattha sabbasaṅghassa dinnaṃ saṅghabhattaṃ nāma. ‘‘Saṅghato ettake bhikkhū uddisitvā dethā’’tiādinā vatvā dinnaṃ uddesabhattaṃ. ‘‘Saṅghato ettakānaṃ bhikkhūnaṃ bhattaṃ gaṇhathā’’tiādinā vatvā dinnaṃ nimantanaṃ nāma. Attano attano nāmena salākagāhakānaṃ bhikkhūnaṃ dinnaṃ salākabhattaṃ nāma. Cātuddasiyaṃ dinnaṃ pakkhikaṃ. Uposathe dinnaṃ uposathikaṃ. Pāṭipade dinnaṃ pāṭipadikaṃ. Taṃtaṃnāmena dinnameva tathā tathā voharīyati. Etesaṃ pana vitthārakathā ‘‘abhilakkhitesū’’tiādinā (cūḷava. aṭṭha. 325 pakkhikabhattādikathā) aṭṭhakathāyaṃ vuttanayena veditabbā. Āgantukādīti ettha ādi-saddena gamikabhattaṃ, gilānabhattaṃ, gilānupaṭṭhākabhattanti tīṇi gahitāni. Āgantukānaṃ dinnaṃ bhattaṃ āgantukabhattaṃ. Eseva nayo sesesu.
2912. вихааранд̇и вихаарабхад̇д̇ам̣ уд̇д̇арабад̣̇алобзна, вихаарз д̇ад̇руббаад̣̇абхад̇д̇ассзд̇ам̣ ад̇хиважанам̣. ваарабхад̇д̇анд̇и д̣̇уб̣бхигкасамаяз ‘‘ваарзна бхигкуу ж̇аг̇г̇иссаамаа’’д̇и д̇хураг̇зхад̇о бадтааяа д̣̇иннам̣. нижжанд̇и нижжабхад̇д̇ам̣ уд̇д̇арабад̣̇алобзна, д̇ан̃жа д̇ат̇аа вад̇ваава д̣̇иннам̣. гудибхад̇д̇ам̣ наама сан̇гхасса ааваасам̣ гад̇ваа ‘‘амхаагам̣ сзнаасанаваасино амхаагам̣ бхад̇д̇ам̣ г̇ан̣ханд̇уу’’д̇и д̣̇иннам̣. баннарасавид̇хам̣ саб̣б̣амзва бхад̇д̇ам̣ ид̇ха имасмим̣ сзнаасанагканд̇хагз уд̣̇д̣̇идтам̣ гат̇ид̇ам̣. зд̇зсам̣ вид̇т̇ааравинижчаяо ад̇т̇игзхи саманд̇абаасаад̣̇игааяа г̇ахзд̇аб̣б̣о.
2912.Vihāranti vihārabhattaṃ uttarapadalopena, vihāre tatruppādabhattassetaṃ adhivacanaṃ. Vārabhattanti dubbhikkhasamaye ‘‘vārena bhikkhū jaggissāmā’’ti dhuragehato paṭṭhāya dinnaṃ. Niccanti niccabhattaṃ uttarapadalopena, tañca tathā vatvāva dinnaṃ. Kuṭibhattaṃ nāma saṅghassa āvāsaṃ katvā ‘‘amhākaṃ senāsanavāsino amhākaṃ bhattaṃ gaṇhantū’’ti dinnaṃ. Pannarasavidhaṃ sabbameva bhattaṃ idha imasmiṃ senāsanakkhandhake uddiṭṭhaṃ kathitaṃ. Etesaṃ vitthāravinicchayo atthikehi samantapāsādikāya gahetabbo.
2913. бажжаяабхааж̇анз мижчаабадибад̇д̇ияаа махаад̣̇ийнавад̇д̇аа аббамад̇д̇знзва бадибаж̇ж̇ид̇аб̣б̣анд̇и бажжаяабхааж̇анагам̣ анусаасанд̇о ааха ‘‘баал̣и’’нд̇иаад̣̇и.
2913. Paccayabhājane micchāpaṭipattiyā mahādīnavattā appamatteneva paṭipajjitabbanti paccayabhājanakaṃ anusāsanto āha ‘‘pāḷi’’ntiādi.
сзнаасанагканд̇хагагат̇ааван̣н̣анаа.
Senāsanakkhandhakakathāvaṇṇanā.
