| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. наат̇аваг̇г̇о
2. Nāthavaggo
1-4. сзнаасанасуд̇д̇аад̣̇иван̣н̣анаа
1-4. Senāsanasuttādivaṇṇanā
11-14. д̣̇уд̇ияасса батамз наад̇ид̣̇ууранд̇и г̇ожарадтаанад̇о ад̣дхаг̇аавуд̇ад̇о орабхааг̇ад̇ааяа наад̇ид̣̇уурам̣. наажжаасаннанд̇и бажчимзна бамаан̣зна г̇ожарадтаанад̇о бан̃жад̇ханусад̇игад̇ааяа на ад̇иаасаннам̣. д̇ааяа жа бана наад̇ид̣̇ууранаажжаасаннад̇ааяа г̇ожарадтаанабадибариссаяаад̣̇ирахид̇амаг̇г̇ад̇ааяа жа г̇аманасса жа ааг̇аманасса жа яуд̇д̇аруубад̇д̇аа г̇аманааг̇аманасамбаннам̣. д̣̇ивасабхааг̇з махааж̇анасам̣гин̣н̣ад̇аабхаавзна д̣̇иваа аббаагин̣н̣ам̣. абхаавад̇т̇о хи аяам̣ абба-сад̣̇д̣̇о ‘‘аббижчо’’д̇иаад̣̇ийсу вияа. рад̇д̇ияам̣ мануссасад̣̇д̣̇аабхаавзна рад̇д̇им̣ аббасад̣̇д̣̇ам̣. саб̣б̣ад̣̇ааби ж̇анасаннибаад̇аниг̇гхосаабхаавзна аббаниг̇гхосам̣.
11-14. Dutiyassa paṭhame nātidūranti gocaraṭṭhānato aḍḍhagāvutato orabhāgatāya nātidūraṃ. Nāccāsannanti pacchimena pamāṇena gocaraṭṭhānato pañcadhanusatikatāya na atiāsannaṃ. Tāya ca pana nātidūranāccāsannatāya gocaraṭṭhānapaṭiparissayādirahitamaggatāya ca gamanassa ca āgamanassa ca yuttarūpattā gamanāgamanasampannaṃ. Divasabhāge mahājanasaṃkiṇṇatābhāvena divā appākiṇṇaṃ. Abhāvattho hi ayaṃ appa-saddo ‘‘appiccho’’tiādīsu viya. Rattiyaṃ manussasaddābhāvena rattiṃ appasaddaṃ. Sabbadāpi janasannipātanigghosābhāvena appanigghosaṃ.
аббагасирзнаад̇и агасирзна сукзнзва. сийлаад̣̇иг̇ун̣аанам̣ т̇ирабхааваббад̇д̇ияаа т̇зраа. суд̇д̇аг̇зяяаад̣̇и б̣аху суд̇ам̣ зд̇зсанд̇и б̣ахуссуд̇аа. д̇амуг̇г̇ахад̇хааран̣зна саммад̣̇зва г̇аруунам̣ санд̇игз ааг̇амид̇абхаавзна жа ааг̇ад̇о барияад̇д̇ид̇хаммасан̇каад̇о ааг̇амо зд̇зсанд̇и ааг̇ад̇ааг̇амаа. суд̇д̇аабхид̇хаммасан̇каад̇асса д̇хаммасса д̇хааран̣зна д̇хаммад̇хараа. винаяасса д̇хааран̣зна винаяад̇хараа. д̇зсам̣ д̇хаммавинаяаанам̣ маад̇игааяа д̇хааран̣зна маад̇игаад̇хараа. д̇ад̇т̇а д̇ад̇т̇а д̇хаммабарибужчааяа барибужчад̇и. ад̇т̇абарибужчааяа барибан̃хад̇и виймам̣сад̇и вижаарзд̇и. ид̣̇ам̣, бханд̇з, гат̇ам̣, имасса го ад̇т̇од̇и барибужчаабарибан̃хаагаарад̣̇ассанам̣. авивадан̃жзва баал̣ияаа ад̇т̇ам̣ бад̣̇зсанд̇арабаал̣ид̣̇ассанзна ааг̇амад̇о виваранд̇и. ануд̇д̇аанийгад̇ан̃жа яуд̇д̇ивибхааванзна уд̇д̇ааним̣ гаронд̇и. ган̇каатааниязсу д̇хаммзсу сам̣саяуббад̇д̇ияаа хзд̇уд̇ааяа г̇ан̣тидтаанабхууд̇зсу баал̣иббад̣̇зсзсу яаат̇аавад̇о винижчаяаббад̣̇аанзна ган̇кам̣ бадивинод̣̇знд̇и.
Appakasirenāti akasirena sukheneva. Sīlādiguṇānaṃ thirabhāvappattiyā therā. Suttageyyādi bahu sutaṃ etesanti bahussutā. Tamuggahadhāraṇena sammadeva garūnaṃ santike āgamitabhāvena ca āgato pariyattidhammasaṅkhāto āgamo etesanti āgatāgamā. Suttābhidhammasaṅkhātassa dhammassa dhāraṇena dhammadharā. Vinayassa dhāraṇena vinayadharā. Tesaṃ dhammavinayānaṃ mātikāya dhāraṇena mātikādharā. Tattha tattha dhammaparipucchāya paripucchati. Atthaparipucchāya paripañhati vīmaṃsati vicāreti. Idaṃ, bhante, kathaṃ, imassa ko atthoti paripucchāparipañhākāradassanaṃ. Avivaṭañceva pāḷiyā atthaṃ padesantarapāḷidassanena āgamato vivaranti. Anuttānīkatañca yuttivibhāvanena uttāniṃ karonti. Kaṅkhāṭhāniyesu dhammesu saṃsayuppattiyā hetutāya gaṇṭhiṭṭhānabhūtesu pāḷippadesesu yāthāvato vinicchayappadānena kaṅkhaṃ paṭivinodenti.
зд̇т̇а жа наад̇ид̣̇уурам̣ наажжаасаннам̣ г̇аманааг̇аманасамбаннанд̇и згам̣ ан̇г̇ам̣, д̣̇иваа аббаагин̣н̣ам̣, рад̇д̇им̣ аббасад̣̇д̣̇ам̣, аббаниг̇гхосанд̇и згам̣, аббад̣ам̣самагасаваад̇аад̇абасарийсабасампассанд̇и згам̣, д̇асмим̣ ко бана сзнаасанз вихаранд̇асса…бз… баригкаараад̇и згам̣, д̇асмим̣ ко бана сзнаасанз т̇зраа…бз… ган̇кам̣ бадивинод̣̇знд̇ийд̇и згам̣. звам̣ бан̃жа ан̇г̇аани взд̣̇ид̇аб̣б̣аани. д̣̇уд̇ияаад̣̇ийни уд̇д̇аанад̇т̇аани.
Ettha ca nātidūraṃ nāccāsannaṃ gamanāgamanasampannanti ekaṃ aṅgaṃ, divā appākiṇṇaṃ, rattiṃ appasaddaṃ, appanigghosanti ekaṃ, appaḍaṃsamakasavātātapasarīsapasamphassanti ekaṃ, tasmiṃ kho pana senāsane viharantassa…pe… parikkhārāti ekaṃ, tasmiṃ kho pana senāsane therā…pe… kaṅkhaṃ paṭivinodentīti ekaṃ. Evaṃ pañca aṅgāni veditabbāni. Dutiyādīni uttānatthāni.
сзнаасанасуд̇д̇аад̣̇иван̣н̣анаа нидтид̇аа.
Senāsanasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. сзнаасанасуд̇д̇ам̣ • 1. Senāsanasuttaṃ
2. бан̃жан̇г̇асуд̇д̇ам̣ • 2. Pañcaṅgasuttaṃ
3. сам̣яож̇анасуд̇д̇ам̣ • 3. Saṃyojanasuttaṃ
4. жзд̇окиласуд̇д̇ам̣ • 4. Cetokhilasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. сзнаасанасуд̇д̇аван̣н̣анаа • 1. Senāsanasuttavaṇṇanā
2. бан̃жан̇г̇асуд̇д̇аван̣н̣анаа • 2. Pañcaṅgasuttavaṇṇanā
3-4. сам̣яож̇анасуд̇д̇аад̣̇иван̣н̣анаа • 3-4. Saṃyojanasuttādivaṇṇanā
