| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. नाथवग्गो
2. Nāthavaggo
१. सेनासनसुत्तवण्णना
1. Senāsanasuttavaṇṇanā
११. दुतियस्स पठमे पञ्चङ्गसमन्नागतोति पञ्चहि गुणङ्गेहि समन्नागतो। नातिदूरं होति नाच्चासन्नन्ति यञ्हि अतिदूरे होति, पिण्डाय चरित्वा तत्थ गच्छन्तस्स कायचित्तदरथा होति, ततो अनुप्पन्नं वा समाधिं उप्पादेतुं उप्पन्नं वा थिरं कातुं न सक्कोति। अच्चासन्नं बहुजनाकिण्णं होति। चत्तालीसउसभमत्ते पन पदेसे वसतं दूरासन्नदोसविमुत्तञ्च गमनागमनसम्पन्नं नाम होति। दिवाअप्पाकिण्णन्ति दिवसभागे महाजनेन अनाकिण्णं।
11. Dutiyassa paṭhame pañcaṅgasamannāgatoti pañcahi guṇaṅgehi samannāgato. Nātidūraṃ hoti nāccāsannanti yañhi atidūre hoti, piṇḍāya caritvā tattha gacchantassa kāyacittadarathā hoti, tato anuppannaṃ vā samādhiṃ uppādetuṃ uppannaṃ vā thiraṃ kātuṃ na sakkoti. Accāsannaṃ bahujanākiṇṇaṃ hoti. Cattālīsausabhamatte pana padese vasataṃ dūrāsannadosavimuttañca gamanāgamanasampannaṃ nāma hoti. Divāappākiṇṇanti divasabhāge mahājanena anākiṇṇaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १. सेनासनसुत्तं • 1. Senāsanasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-७. अविज्जासुत्तादिवण्णना • 1-7. Avijjāsuttādivaṇṇanā
