| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೨. ನಾಥವಗ್ಗೋ
2. Nāthavaggo
೧. ಸೇನಾಸನಸುತ್ತವಣ್ಣನಾ
1. Senāsanasuttavaṇṇanā
೧೧. ದುತಿಯಸ್ಸ ಪಠಮೇ ಪಞ್ಚಙ್ಗಸಮನ್ನಾಗತೋತಿ ಪಞ್ಚಹಿ ಗುಣಙ್ಗೇಹಿ ಸಮನ್ನಾಗತೋ। ನಾತಿದೂರಂ ಹೋತಿ ನಾಚ್ಚಾಸನ್ನನ್ತಿ ಯಞ್ಹಿ ಅತಿದೂರೇ ಹೋತಿ, ಪಿಣ್ಡಾಯ ಚರಿತ್ವಾ ತತ್ಥ ಗಚ್ಛನ್ತಸ್ಸ ಕಾಯಚಿತ್ತದರಥಾ ಹೋತಿ, ತತೋ ಅನುಪ್ಪನ್ನಂ ವಾ ಸಮಾಧಿಂ ಉಪ್ಪಾದೇತುಂ ಉಪ್ಪನ್ನಂ ವಾ ಥಿರಂ ಕಾತುಂ ನ ಸಕ್ಕೋತಿ। ಅಚ್ಚಾಸನ್ನಂ ಬಹುಜನಾಕಿಣ್ಣಂ ಹೋತಿ। ಚತ್ತಾಲೀಸಉಸಭಮತ್ತೇ ಪನ ಪದೇಸೇ ವಸತಂ ದೂರಾಸನ್ನದೋಸವಿಮುತ್ತಞ್ಚ ಗಮನಾಗಮನಸಮ್ಪನ್ನಂ ನಾಮ ಹೋತಿ। ದಿವಾಅಪ್ಪಾಕಿಣ್ಣನ್ತಿ ದಿವಸಭಾಗೇ ಮಹಾಜನೇನ ಅನಾಕಿಣ್ಣಂ।
11. Dutiyassa paṭhame pañcaṅgasamannāgatoti pañcahi guṇaṅgehi samannāgato. Nātidūraṃ hoti nāccāsannanti yañhi atidūre hoti, piṇḍāya caritvā tattha gacchantassa kāyacittadarathā hoti, tato anuppannaṃ vā samādhiṃ uppādetuṃ uppannaṃ vā thiraṃ kātuṃ na sakkoti. Accāsannaṃ bahujanākiṇṇaṃ hoti. Cattālīsausabhamatte pana padese vasataṃ dūrāsannadosavimuttañca gamanāgamanasampannaṃ nāma hoti. Divāappākiṇṇanti divasabhāge mahājanena anākiṇṇaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧. ಸೇನಾಸನಸುತ್ತಂ • 1. Senāsanasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೭. ಅವಿಜ್ಜಾಸುತ್ತಾದಿವಣ್ಣನಾ • 1-7. Avijjāsuttādivaṇṇanā
