| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. නාථවග්‌ගො
2. Nāthavaggo
1. සෙනාසනසුත්‌තවණ්‌ණනා
1. Senāsanasuttavaṇṇanā
11. දුතියස්‌ස පඨමෙ පඤ්‌චඞ්‌ගසමන්‌නාගතොති පඤ්‌චහි ගුණඞ්‌ගෙහි සමන්‌නාගතො. නාතිදූරං හොති නාච්‌චාසන්‌නන්‌ති යඤ්‌හි අතිදූරෙ හොති, පිණ්‌ඩාය චරිත්‌වා තත්‌ථ ගච්‌ඡන්‌තස්‌ස කායචිත්‌තදරථා හොති, තතො අනුප්‌පන්‌නං වා සමාධිං උප්‌පාදෙතුං උප්‌පන්‌නං වා ථිරං කාතුං න සක්‌කොති. අච්‌චාසන්‌නං බහුජනාකිණ්‌ණං හොති. චත්‌තාලීසඋසභමත්‌තෙ පන පදෙසෙ වසතං දූරාසන්‌නදොසවිමුත්‌තඤ්‌ච ගමනාගමනසම්‌පන්‌නං නාම හොති. දිවාඅප්‌පාකිණ්‌ණන්‌ති දිවසභාගෙ මහාජනෙන අනාකිණ්‌ණං.
11. Dutiyassa paṭhame pañcaṅgasamannāgatoti pañcahi guṇaṅgehi samannāgato. Nātidūraṃ hoti nāccāsannanti yañhi atidūre hoti, piṇḍāya caritvā tattha gacchantassa kāyacittadarathā hoti, tato anuppannaṃ vā samādhiṃ uppādetuṃ uppannaṃ vā thiraṃ kātuṃ na sakkoti. Accāsannaṃ bahujanākiṇṇaṃ hoti. Cattālīsausabhamatte pana padese vasataṃ dūrāsannadosavimuttañca gamanāgamanasampannaṃ nāma hoti. Divāappākiṇṇanti divasabhāge mahājanena anākiṇṇaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. සෙනාසනසුත්‌තං • 1. Senāsanasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-7. අවිජ්‌ජාසුත්‌තාදිවණ්‌ණනා • 1-7. Avijjāsuttādivaṇṇanā
