| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੮. ਸੇਨਾਸਨવਤ੍ਤਕਥਾ
8. Senāsanavattakathā
੩੬੯. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਅਜ੍ਝੋਕਾਸੇ ਚੀવਰਕਮ੍ਮਂ ਕਰੋਨ੍ਤਿ। ਛਬ੍ਬਗ੍ਗਿਯਾ ਭਿਕ੍ਖੂ ਪਟਿવਾਤੇ ਅਙ੍ਗਣੇ 1 ਸੇਨਾਸਨਂ ਪਪ੍ਫੋਟੇਸੁਂ। ਭਿਕ੍ਖੂ ਰਜੇਨ ਓਕਿਰਿਂਸੁ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਪਟਿવਾਤੇ ਅਙ੍ਗਣੇ ਸੇਨਾਸਨਂ ਪਪ੍ਫੋਟੇਸ੍ਸਨ੍ਤਿ! ਭਿਕ੍ਖੂ ਰਜੇਨ ਓਕਿਰਿਂਸੂ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਛਬ੍ਬਗ੍ਗਿਯਾ ਭਿਕ੍ਖੂ ਪਟਿવਾਤੇ ਅਙ੍ਗਣੇ ਸੇਨਾਸਨਂ ਪਪ੍ਫੋਟੇਨ੍ਤਿ, ਭਿਕ੍ਖੂ ਰਜੇਨ ਓਕਿਰਿਂਸੂ’’ਤਿ? ‘‘ਸਚ੍ਚਂ ਭਗવਾ’’ਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
369. Tena kho pana samayena sambahulā bhikkhū ajjhokāse cīvarakammaṃ karonti. Chabbaggiyā bhikkhū paṭivāte aṅgaṇe 2 senāsanaṃ papphoṭesuṃ. Bhikkhū rajena okiriṃsu. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū paṭivāte aṅgaṇe senāsanaṃ papphoṭessanti! Bhikkhū rajena okiriṃsū’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū paṭivāte aṅgaṇe senāsanaṃ papphoṭenti, bhikkhū rajena okiriṃsū’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi –
੩੭੦. ‘‘ਤੇਨ ਹਿ, ਭਿਕ੍ਖવੇ, ਭਿਕ੍ਖੂਨਂ ਸੇਨਾਸਨવਤ੍ਤਂ ਪਞ੍ਞਪੇਸ੍ਸਾਮਿ ਯਥਾ ਭਿਕ੍ਖੂਹਿ ਸੇਨਾਸਨੇ ਸਮ੍ਮਾ વਤ੍ਤਿਤਬ੍ਬਂ। ਯਸ੍ਮਿਂ વਿਹਾਰੇ વਿਹਰਤਿ, ਸਚੇ ਸੋ વਿਹਾਰੋ ਉਕ੍ਲਾਪੋ ਹੋਤਿ, ਸਚੇ ਉਸ੍ਸਹਤਿ, ਸੋਧੇਤਬ੍ਬੋ। 3 વਿਹਾਰਂ ਸੋਧੇਨ੍ਤੇਨ ਪਠਮਂ ਪਤ੍ਤਚੀવਰਂ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਂ; ਨਿਸੀਦਨਪਚ੍ਚਤ੍ਥਰਣਂ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਂ; ਭਿਸਿਬਿਬ੍ਬੋਹਨਂ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਂ; ਮਞ੍ਚੋ ਨੀਚਂ ਕਤ੍વਾ ਸਾਧੁਕਂ ਅਪ੍ਪਟਿਘਂਸਨ੍ਤੇਨ, ਅਸਙ੍ਘਟ੍ਟੇਨ੍ਤੇਨ ਕવਾਟਪਿਟ੍ਠਂ, ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬੋ; ਪੀਠਂ ਨੀਚਂ ਕਤ੍વਾ ਸਾਧੁਕਂ ਅਪ੍ਪਟਿਘਂਸਨ੍ਤੇਨ, ਅਸਙ੍ਘਟ੍ਟੇਨ੍ਤੇਨ ਕવਾਟਪਿਟ੍ਠਂ, ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਂ; ਮਞ੍ਚਪਟਿਪਾਦਕਾ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਾ; ਖੇਲ਼ਮਲ੍ਲਕੋ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬੋ; ਅਪਸ੍ਸੇਨਫਲਕਂ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਂ; ਭੁਮ੍ਮਤ੍ਥਰਣਂ ਯਥਾਪਞ੍ਞਤ੍ਤਂ ਸਲ੍ਲਕ੍ਖੇਤ੍વਾ ਨੀਹਰਿਤ੍વਾ ਏਕਮਨ੍ਤਂ ਨਿਕ੍ਖਿਪਿਤਬ੍ਬਂ। ਸਚੇ વਿਹਾਰੇ ਸਨ੍ਤਾਨਕਂ ਹੋਤਿ, ਉਲ੍ਲੋਕਾ ਪਠਮਂ ਓਹਾਰੇਤਬ੍ਬਂ, ਆਲੋਕਸਨ੍ਧਿਕਣ੍ਣਭਾਗਾ ਪਮਜ੍ਜਿਤਬ੍ਬਾ। ਸਚੇ ਗੇਰੁਕਪਰਿਕਮ੍ਮਕਤਾ ਭਿਤ੍ਤਿ ਕਣ੍ਣਕਿਤਾ ਹੋਤਿ, ਚੋਲ਼ਕਂ ਤੇਮੇਤ੍વਾ ਪੀਲ਼ੇਤ੍વਾ ਪਮਜ੍ਜਿਤਬ੍ਬਾ। ਸਚੇ ਕਾਲ਼વਣ੍ਣਕਤਾ ਭੂਮਿ ਕਣ੍ਣਕਿਤਾ ਹੋਤਿ, ਚੋਲ਼ਕਂ ਤੇਮੇਤ੍વਾ ਪੀਲ਼ੇਤ੍વਾ ਪਮਜ੍ਜਿਤਬ੍ਬਾ। ਸਚੇ ਅਕਤਾ ਹੋਤਿ ਭੂਮਿ, ਉਦਕੇਨ ਪਰਿਪ੍ਫੋਸਿਤ੍વਾ ਪਰਿਫੋਸਿਤ੍વਾ ਸਮ੍ਮਜ੍ਜਿਤਬ੍ਬਾ – ਮਾ વਿਹਾਰੋ ਰਜੇਨ ਉਹਞ੍ਞੀਤਿ। ਸਙ੍ਕਾਰਂ વਿਚਿਨਿਤ੍વਾ ਏਕਮਨ੍ਤਂ ਛਡ੍ਡੇਤਬ੍ਬਂ।
370. ‘‘Tena hi, bhikkhave, bhikkhūnaṃ senāsanavattaṃ paññapessāmi yathā bhikkhūhi senāsane sammā vattitabbaṃ. Yasmiṃ vihāre viharati, sace so vihāro uklāpo hoti, sace ussahati, sodhetabbo. 4 Vihāraṃ sodhentena paṭhamaṃ pattacīvaraṃ nīharitvā ekamantaṃ nikkhipitabbaṃ; nisīdanapaccattharaṇaṃ nīharitvā ekamantaṃ nikkhipitabbaṃ; bhisibibbohanaṃ nīharitvā ekamantaṃ nikkhipitabbaṃ; mañco nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, nīharitvā ekamantaṃ nikkhipitabbo; pīṭhaṃ nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, nīharitvā ekamantaṃ nikkhipitabbaṃ; mañcapaṭipādakā nīharitvā ekamantaṃ nikkhipitabbā; kheḷamallako nīharitvā ekamantaṃ nikkhipitabbo; apassenaphalakaṃ nīharitvā ekamantaṃ nikkhipitabbaṃ; bhummattharaṇaṃ yathāpaññattaṃ sallakkhetvā nīharitvā ekamantaṃ nikkhipitabbaṃ. Sace vihāre santānakaṃ hoti, ullokā paṭhamaṃ ohāretabbaṃ, ālokasandhikaṇṇabhāgā pamajjitabbā. Sace gerukaparikammakatā bhitti kaṇṇakitā hoti, coḷakaṃ temetvā pīḷetvā pamajjitabbā. Sace kāḷavaṇṇakatā bhūmi kaṇṇakitā hoti, coḷakaṃ temetvā pīḷetvā pamajjitabbā. Sace akatā hoti bhūmi, udakena paripphositvā pariphositvā sammajjitabbā – mā vihāro rajena uhaññīti. Saṅkāraṃ vicinitvā ekamantaṃ chaḍḍetabbaṃ.
‘‘ਨ ਭਿਕ੍ਖੁਸਾਮਨ੍ਤਾ ਸੇਨਾਸਨਂ ਪਪ੍ਫੋਟੇਤਬ੍ਬਂ। ਨ વਿਹਾਰਸਾਮਨ੍ਤਾ ਸੇਨਾਸਨਂ ਪਪ੍ਫੋਟੇਤਬ੍ਬਂ। ਨ ਪਾਨੀਯਸਾਮਨ੍ਤਾ ਸੇਨਾਸਨਂ ਪਪ੍ਫੋਟੇਤਬ੍ਬਂ। ਨ ਪਰਿਭੋਜਨੀਯਸਾਮਨ੍ਤਾ ਸੇਨਾਸਨਂ ਪਪ੍ਫੋਟੇਤਬ੍ਬਂ। ਨ ਪਟਿવਾਤੇ ਅਙ੍ਗਣੇ ਸੇਨਾਸਨਂ ਪਪ੍ਫੋਟੇਤਬ੍ਬਂ। ਅਧੋવਾਤੇ ਸੇਨਾਸਨਂ ਪਪ੍ਫੋਟੇਤਬ੍ਬਂ।
‘‘Na bhikkhusāmantā senāsanaṃ papphoṭetabbaṃ. Na vihārasāmantā senāsanaṃ papphoṭetabbaṃ. Na pānīyasāmantā senāsanaṃ papphoṭetabbaṃ. Na paribhojanīyasāmantā senāsanaṃ papphoṭetabbaṃ. Na paṭivāte aṅgaṇe senāsanaṃ papphoṭetabbaṃ. Adhovāte senāsanaṃ papphoṭetabbaṃ.
‘‘ਭੁਮ੍ਮਤ੍ਥਰਣਂ ਏਕਮਨ੍ਤਂ ਓਤਾਪੇਤ੍વਾ ਸੋਧੇਤ੍વਾ ਪਪ੍ਫੋਟੇਤ੍વਾ ਅਤਿਹਰਿਤ੍વਾ ਯਥਾਪਞ੍ਞਤ੍ਤਂ ਪਞ੍ਞਪੇਤਬ੍ਬਂ। ਮਞ੍ਚਪਟਿਪਾਦਕਾ ਏਕਮਨ੍ਤਂ ਓਤਾਪੇਤ੍વਾ ਪਮਜ੍ਜਿਤ੍વਾ ਅਤਿਹਰਿਤ੍વਾ ਯਥਾਠਾਨੇ ਠਪੇਤਬ੍ਬਾ। ਮਞ੍ਚੋ ਏਕਮਨ੍ਤਂ ਓਤਾਪੇਤ੍વਾ ਸੋਧੇਤ੍વਾ ਪਪ੍ਫੋਟੇਤ੍વਾ ਨੀਚਂ ਕਤ੍વਾ ਸਾਧੁਕਂ ਅਪ੍ਪਟਿਘਂਸਨ੍ਤੇਨ, ਅਸਙ੍ਘਟ੍ਟੇਨ੍ਤੇਨ ਕવਾਟਪਿਟ੍ਠਂ, ਅਤਿਹਰਿਤ੍વਾ ਯਥਾਪਞ੍ਞਤ੍ਤਂ ਪਞ੍ਞਪੇਤਬ੍ਬੋ। ਪੀਠਂ ਏਕਮਨ੍ਤਂ ਓਤਾਪੇਤ੍વਾ ਸੋਧੇਤ੍વਾ ਪਪ੍ਫੋਟੇਤ੍વਾ ਨੀਚਂ ਕਤ੍વਾ ਸਾਧੁਕਂ ਅਪ੍ਪਟਿਘਂਸਨ੍ਤੇਨ, ਅਸਙ੍ਘਟ੍ਟੇਨ੍ਤੇਨ ਕવਾਟਪਿਟ੍ਠਂ, ਅਤਿਹਰਿਤ੍વਾ ਯਥਾਪਞ੍ਞਤ੍ਤਂ ਪਞ੍ਞਪੇਤਬ੍ਬਂ। ਭਿਸਿਬਿਬ੍ਬੋਹਨਂ ਏਕਮਨ੍ਤਂ ਓਤਾਪੇਤ੍વਾ ਸੋਧੇਤ੍વਾ ਪਪ੍ਫੋਟੇਤ੍વਾ ਅਤਿਹਰਿਤ੍વਾ ਯਥਾਪਞ੍ਞਤ੍ਤਂ ਪਞ੍ਞਪੇਤਬ੍ਬਂ। ਨਿਸੀਦਨਪਚ੍ਚਤ੍ਥਰਣਂ ਏਕਮਨ੍ਤਂ ਓਤਾਪੇਤ੍વਾ ਸੋਧੇਤ੍વਾ ਪਪ੍ਫੋਟੇਤ੍વਾ ਅਤਿਹਰਿਤ੍વਾ ਯਥਾਪਞ੍ਞਤ੍ਤਂ ਪਞ੍ਞਪੇਤਬ੍ਬਂ। ਖੇਲ਼ਮਲ੍ਲਕੋ ਏਕਮਨ੍ਤਂ ਓਤਾਪੇਤ੍વਾ ਪਮਜ੍ਜਿਤ੍વਾ ਅਤਿਹਰਿਤ੍વਾ ਯਥਾਠਾਨੇ ਠਪੇਤਬ੍ਬੋ। ਅਪਸ੍ਸੇਨਫਲਕਂ ਏਕਮਨ੍ਤਂ ਓਤਾਪੇਤ੍વਾ ਪਮਜ੍ਜਿਤ੍વਾ ਅਤਿਹਰਿਤ੍વਾ ਯਥਾਠਾਨੇ ਠਪੇਤਬ੍ਬਂ। ਪਤ੍ਤਚੀવਰਂ ਨਿਕ੍ਖਿਪਿਤਬ੍ਬਂ। ਪਤ੍ਤਂ ਨਿਕ੍ਖਿਪਨ੍ਤੇਨ ਏਕੇਨ ਹਤ੍ਥੇਨ ਪਤ੍ਤਂ ਗਹੇਤ੍વਾ ਏਕੇਨ ਹਤ੍ਥੇਨ ਹੇਟ੍ਠਾਮਞ੍ਚਂ વਾ ਹੇਟ੍ਠਾਪੀਠਂ વਾ ਪਰਾਮਸਿਤ੍વਾ ਪਤ੍ਤੋ ਨਿਕ੍ਖਿਪਿਤਬ੍ਬੋ। ਨ ਚ ਅਨਨ੍ਤਰਹਿਤਾਯ ਭੂਮਿਯਾ ਪਤ੍ਤੋ ਨਿਕ੍ਖਿਪਿਤਬ੍ਬੋ। ਚੀવਰਂ ਨਿਕ੍ਖਿਪਨ੍ਤੇਨ ਏਕੇਨ ਹਤ੍ਥੇਨ ਚੀવਰਂ ਗਹੇਤ੍વਾ ਏਕੇਨ ਹਤ੍ਥੇਨ ਚੀવਰવਂਸਂ વਾ ਚੀવਰਰਜ੍ਜੁ વਾ ਪਮਜ੍ਜਿਤ੍વਾ ਪਾਰਤੋ ਅਨ੍ਤਂ ਓਰਤੋ ਭੋਗਂ ਕਤ੍વਾ ਚੀવਰਂ ਨਿਕ੍ਖਿਪਿਤਬ੍ਬਂ।
‘‘Bhummattharaṇaṃ ekamantaṃ otāpetvā sodhetvā papphoṭetvā atiharitvā yathāpaññattaṃ paññapetabbaṃ. Mañcapaṭipādakā ekamantaṃ otāpetvā pamajjitvā atiharitvā yathāṭhāne ṭhapetabbā. Mañco ekamantaṃ otāpetvā sodhetvā papphoṭetvā nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, atiharitvā yathāpaññattaṃ paññapetabbo. Pīṭhaṃ ekamantaṃ otāpetvā sodhetvā papphoṭetvā nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, atiharitvā yathāpaññattaṃ paññapetabbaṃ. Bhisibibbohanaṃ ekamantaṃ otāpetvā sodhetvā papphoṭetvā atiharitvā yathāpaññattaṃ paññapetabbaṃ. Nisīdanapaccattharaṇaṃ ekamantaṃ otāpetvā sodhetvā papphoṭetvā atiharitvā yathāpaññattaṃ paññapetabbaṃ. Kheḷamallako ekamantaṃ otāpetvā pamajjitvā atiharitvā yathāṭhāne ṭhapetabbo. Apassenaphalakaṃ ekamantaṃ otāpetvā pamajjitvā atiharitvā yathāṭhāne ṭhapetabbaṃ. Pattacīvaraṃ nikkhipitabbaṃ. Pattaṃ nikkhipantena ekena hatthena pattaṃ gahetvā ekena hatthena heṭṭhāmañcaṃ vā heṭṭhāpīṭhaṃ vā parāmasitvā patto nikkhipitabbo. Na ca anantarahitāya bhūmiyā patto nikkhipitabbo. Cīvaraṃ nikkhipantena ekena hatthena cīvaraṃ gahetvā ekena hatthena cīvaravaṃsaṃ vā cīvararajju vā pamajjitvā pārato antaṃ orato bhogaṃ katvā cīvaraṃ nikkhipitabbaṃ.
‘‘ਸਚੇ ਪੁਰਤ੍ਥਿਮਾ ਸਰਜਾ વਾਤਾ વਾਯਨ੍ਤਿ, ਪੁਰਤ੍ਥਿਮਾ વਾਤਪਾਨਾ ਥਕੇਤਬ੍ਬਾ। ਸਚੇ ਪਚ੍ਛਿਮਾ ਸਰਜਾ વਾਤਾ વਾਯਨ੍ਤਿ, ਪਚ੍ਛਿਮਾ વਾਤਪਾਨਾ ਥਕੇਤਬ੍ਬਾ। ਸਚੇ ਉਤ੍ਤਰਾ ਸਰਜਾ વਾਤਾ વਾਯਨ੍ਤਿ ਉਤ੍ਤਰਾ વਾਤਪਾਨਾ ਥਕੇਤਬ੍ਬਾ। ਸਚੇ ਦਕ੍ਖਿਣਾ ਸਰਜਾ વਾਤਾ વਾਯਨ੍ਤਿ, ਦਕ੍ਖਿਣਾ વਾਤਪਾਨਾ ਥਕੇਤਬ੍ਬਾ। ਸਚੇ ਸੀਤਕਾਲੋ ਹੋਤਿ, ਦਿવਾ વਾਤਪਾਨਾ વਿવਰਿਤਬ੍ਬਾ, ਰਤ੍ਤਿਂ ਥਕੇਤਬ੍ਬਾ। ਸਚੇ ਉਣ੍ਹਕਾਲੋ ਹੋਤਿ, ਦਿવਾ વਾਤਪਾਨਾ ਥਕੇਤਬ੍ਬਾ, ਰਤ੍ਤਿਂ વਿવਰਿਤਬ੍ਬਾ।
‘‘Sace puratthimā sarajā vātā vāyanti, puratthimā vātapānā thaketabbā. Sace pacchimā sarajā vātā vāyanti, pacchimā vātapānā thaketabbā. Sace uttarā sarajā vātā vāyanti uttarā vātapānā thaketabbā. Sace dakkhiṇā sarajā vātā vāyanti, dakkhiṇā vātapānā thaketabbā. Sace sītakālo hoti, divā vātapānā vivaritabbā, rattiṃ thaketabbā. Sace uṇhakālo hoti, divā vātapānā thaketabbā, rattiṃ vivaritabbā.
‘‘ਸਚੇ ਪਰਿવੇਣਂ ਉਕ੍ਲਾਪਂ ਹੋਤਿ, ਪਰਿવੇਣਂ ਸਮ੍ਮਜ੍ਜਿਤਬ੍ਬਂ। ਸਚੇ ਕੋਟ੍ਠਕੋ ਉਕ੍ਲਾਪੋ ਹੋਤਿ, ਕੋਟ੍ਠਕੋ ਸਮ੍ਮਜ੍ਜਿਤਬ੍ਬੋ। ਸਚੇ ਉਪਟ੍ਠਾਨਸਾਲਾ ਉਕ੍ਲਾਪਾ ਹੋਤਿ, ਉਪਟ੍ਠਾਨਸਾਲਾ ਸਮ੍ਮਜ੍ਜਿਤਬ੍ਬਾ। ਸਚੇ ਅਗ੍ਗਿਸਾਲਾ ਉਕ੍ਲਾਪਾ ਹੋਤਿ, ਅਗ੍ਗਿਸਾਲਾ ਸਮ੍ਮਜ੍ਜਿਤਬ੍ਬਾ। ਸਚੇ વਚ੍ਚਕੁਟਿ ਉਕ੍ਲਾਪਾ ਹੋਤਿ, વਚ੍ਚਕੁਟਿ ਸਮ੍ਮਜ੍ਜਿਤਬ੍ਬਾ। ਸਚੇ ਪਾਨੀਯਂ ਨ ਹੋਤਿ, ਪਾਨੀਯਂ ਉਪਟ੍ਠਾਪੇਤਬ੍ਬਂ। ਸਚੇ ਪਰਿਭੋਜਨੀਯਂ ਨ ਹੋਤਿ, ਪਰਿਭੋਜਨੀਯਂ ਉਪਟ੍ਠਾਪੇਤਬ੍ਬਂ। ਸਚੇ ਆਚਮਨਕੁਮ੍ਭਿਯਾ ਉਦਕਂ ਨ ਹੋਤਿ, ਆਚਮਨਕੁਮ੍ਭਿਯਾ ਉਦਕਂ ਆਸਿਞ੍ਚਿਤਬ੍ਬਂ।
‘‘Sace pariveṇaṃ uklāpaṃ hoti, pariveṇaṃ sammajjitabbaṃ. Sace koṭṭhako uklāpo hoti, koṭṭhako sammajjitabbo. Sace upaṭṭhānasālā uklāpā hoti, upaṭṭhānasālā sammajjitabbā. Sace aggisālā uklāpā hoti, aggisālā sammajjitabbā. Sace vaccakuṭi uklāpā hoti, vaccakuṭi sammajjitabbā. Sace pānīyaṃ na hoti, pānīyaṃ upaṭṭhāpetabbaṃ. Sace paribhojanīyaṃ na hoti, paribhojanīyaṃ upaṭṭhāpetabbaṃ. Sace ācamanakumbhiyā udakaṃ na hoti, ācamanakumbhiyā udakaṃ āsiñcitabbaṃ.
‘‘ਸਚੇ વੁਡ੍ਢੇਨ ਸਦ੍ਧਿਂ ਏਕવਿਹਾਰੇ વਿਹਰਤਿ, ਨ વੁਡ੍ਢਂ ਅਨਾਪੁਚ੍ਛਾ ਉਦ੍ਦੇਸੋ ਦਾਤਬ੍ਬੋ, ਨ ਪਰਿਪੁਚ੍ਛਾ ਦਾਤਬ੍ਬਾ, ਨ ਸਜ੍ਝਾਯੋ ਕਾਤਬ੍ਬੋ, ਨ ਧਮ੍ਮੋ ਭਾਸਿਤਬ੍ਬੋ, ਨ ਪਦੀਪੋ ਕਾਤਬ੍ਬੋ, ਨ ਪਦੀਪੋ વਿਜ੍ਝਾਪੇਤਬ੍ਬੋ, ਨ વਾਤਪਾਨਾ વਿવਰਿਤਬ੍ਬਾ, ਨ વਾਤਪਾਨਾ ਥਕੇਤਬ੍ਬਾ। ਸਚੇ વੁਡ੍ਢੇਨ ਸਦ੍ਧਿਂ ਏਕਚਙ੍ਕਮੇ ਚਙ੍ਕਮਤਿ, ਯੇਨ વੁਡ੍ਢੋ ਤੇਨ ਪਰਿવਤ੍ਤਿਤਬ੍ਬਂ, ਨ ਚ વੁਡ੍ਢੋ ਸਙ੍ਘਾਟਿਕਣ੍ਣੇਨ ਘਟ੍ਟੇਤਬ੍ਬੋ। ਇਦਂ ਖੋ, ਭਿਕ੍ਖવੇ, ਭਿਕ੍ਖੂਨਂ ਸੇਨਾਸਨવਤ੍ਤਂ ਯਥਾ ਭਿਕ੍ਖੂਹਿ ਸੇਨਾਸਨੇ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
‘‘Sace vuḍḍhena saddhiṃ ekavihāre viharati, na vuḍḍhaṃ anāpucchā uddeso dātabbo, na paripucchā dātabbā, na sajjhāyo kātabbo, na dhammo bhāsitabbo, na padīpo kātabbo, na padīpo vijjhāpetabbo, na vātapānā vivaritabbā, na vātapānā thaketabbā. Sace vuḍḍhena saddhiṃ ekacaṅkame caṅkamati, yena vuḍḍho tena parivattitabbaṃ, na ca vuḍḍho saṅghāṭikaṇṇena ghaṭṭetabbo. Idaṃ kho, bhikkhave, bhikkhūnaṃ senāsanavattaṃ yathā bhikkhūhi senāsane sammā vattitabba’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸੇਨਾਸਨવਤ੍ਤਕਥਾ • Senāsanavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸੇਨਾਸਨવਤ੍ਤਕਥਾવਣ੍ਣਨਾ • Senāsanavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਿਣ੍ਡਚਾਰਿਕવਤ੍ਤਕਥਾਦਿવਣ੍ਣਨਾ • Piṇḍacārikavattakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਸੇਨਾਸਨવਤ੍ਤਕਥਾ • 8. Senāsanavattakathā
