| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
13. сзрзяяаваг̇г̇о
13. Sereyyavaggo
1. сзрзяяагад̇т̇зраабад̣̇аанам̣
1. Sereyyakattheraapadānaṃ
1.
1.
‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘Ajjhāyako mantadharo, tiṇṇaṃ vedāna pāragū;
аб̣бхогаасз тид̇о санд̇о, ад̣̇д̣̇асам̣ логанааяагам̣.
Abbhokāse ṭhito santo, addasaṃ lokanāyakaṃ.
2.
2.
‘‘сийхам̣ яат̇аа ванажарам̣, б̣яаг̇гхарааж̇ам̣ва нид̇д̇асам̣;
‘‘Sīhaṃ yathā vanacaraṃ, byaggharājaṃva nittasaṃ;
д̇ид̇хаабабхиннамаад̇ан̇г̇ам̣, гун̃ж̇арам̣ва махзсинам̣.
Tidhāpabhinnamātaṅgaṃ, kuñjaraṃva mahesinaṃ.
3.
3.
‘‘сзрзяяагам̣ г̇ахзд̇ваана, аагаасз угкибим̣ 1 ахам̣;
‘‘Sereyyakaṃ gahetvāna, ākāse ukkhipiṃ 2 ahaṃ;
4.
4.
‘‘ад̇хидтахи махаавийро, саб̣б̣ан̃н̃уу логанааяаго;
‘‘Adhiṭṭhahi mahāvīro, sabbaññū lokanāyako;
саманд̇аа бубпажчад̣̇анаа, огирим̣су нараасабхам̣.
Samantā pupphacchadanā, okiriṃsu narāsabhaṃ.
5.
5.
‘‘д̇ад̇о саа бубпаган̃жугаа, анд̇ован̣даа б̣ахимукаа;
‘‘Tato sā pupphakañcukā, antovaṇṭā bahimukhā;
сад̇д̇аахам̣ чад̣̇анам̣ гад̇ваа, д̇ад̇о анд̇арад̇хааяат̇а.
Sattāhaṃ chadanaṃ katvā, tato antaradhāyatha.
6.
6.
‘‘д̇ан̃жа ажчарияам̣ д̣̇исваа, аб̣бхуд̇ам̣ ломахам̣санам̣;
‘‘Tañca acchariyaṃ disvā, abbhutaṃ lomahaṃsanaṃ;
б̣уд̣̇д̇хз жид̇д̇ам̣ басаад̣̇зсим̣, суг̇ад̇з логанааяагз.
Buddhe cittaṃ pasādesiṃ, sugate lokanāyake.
7.
7.
‘‘д̇зна жид̇д̇аббасаад̣̇зна, суггамуулзна жод̣̇ид̇о;
‘‘Tena cittappasādena, sukkamūlena codito;
габбаанам̣ сад̇асахассам̣, д̣̇уг̇г̇ад̇им̣ нубабаж̇ж̇ахам̣.
Kappānaṃ satasahassaṃ, duggatiṃ nupapajjahaṃ.
8.
8.
‘‘баннарасасахассамхи , габбаанам̣ бан̃жавийсад̇и;
‘‘Pannarasasahassamhi , kappānaṃ pañcavīsati;
9.
9.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа сзрзяяаго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā sereyyako thero imā gāthāyo abhāsitthāti.
сзрзяяагад̇т̇зрассаабад̣̇аанам̣ батамам̣.
Sereyyakattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. сзрзяяагад̇т̇зраабад̣̇аанаван̣н̣анаа • 1. Sereyyakattheraapadānavaṇṇanā
