| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१३. सेरेय्यवग्गो
13. Sereyyavaggo
१. सेरेय्यकत्थेरअपदानं
1. Sereyyakattheraapadānaṃ
१.
1.
‘‘अज्झायको मन्तधरो, तिण्णं वेदान पारगू।
‘‘Ajjhāyako mantadharo, tiṇṇaṃ vedāna pāragū;
अब्भोकासे ठितो सन्तो, अद्दसं लोकनायकं॥
Abbhokāse ṭhito santo, addasaṃ lokanāyakaṃ.
२.
2.
‘‘सीहं यथा वनचरं, ब्यग्घराजंव नित्तसं।
‘‘Sīhaṃ yathā vanacaraṃ, byaggharājaṃva nittasaṃ;
तिधापभिन्नमातङ्गं, कुञ्जरंव महेसिनं॥
Tidhāpabhinnamātaṅgaṃ, kuñjaraṃva mahesinaṃ.
३.
3.
४.
4.
‘‘अधिट्ठहि महावीरो, सब्बञ्ञू लोकनायको।
‘‘Adhiṭṭhahi mahāvīro, sabbaññū lokanāyako;
समन्ता पुप्फच्छदना, ओकिरिंसु नरासभं॥
Samantā pupphacchadanā, okiriṃsu narāsabhaṃ.
५.
5.
‘‘ततो सा पुप्फकञ्चुका, अन्तोवण्टा बहिमुखा।
‘‘Tato sā pupphakañcukā, antovaṇṭā bahimukhā;
सत्ताहं छदनं कत्वा, ततो अन्तरधायथ॥
Sattāhaṃ chadanaṃ katvā, tato antaradhāyatha.
६.
6.
‘‘तञ्च अच्छरियं दिस्वा, अब्भुतं लोमहंसनं।
‘‘Tañca acchariyaṃ disvā, abbhutaṃ lomahaṃsanaṃ;
बुद्धे चित्तं पसादेसिं, सुगते लोकनायके॥
Buddhe cittaṃ pasādesiṃ, sugate lokanāyake.
७.
7.
‘‘तेन चित्तप्पसादेन, सुक्कमूलेन चोदितो।
‘‘Tena cittappasādena, sukkamūlena codito;
कप्पानं सतसहस्सं, दुग्गतिं नुपपज्जहं॥
Kappānaṃ satasahassaṃ, duggatiṃ nupapajjahaṃ.
८.
8.
‘‘पन्नरससहस्सम्हि , कप्पानं पञ्चवीसति।
‘‘Pannarasasahassamhi , kappānaṃ pañcavīsati;
९.
9.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा सेरेय्यको थेरो इमा गाथायो अभासित्थाति।
Itthaṃ sudaṃ āyasmā sereyyako thero imā gāthāyo abhāsitthāti.
सेरेय्यकत्थेरस्सापदानं पठमं।
Sereyyakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. सेरेय्यकत्थेरअपदानवण्णना • 1. Sereyyakattheraapadānavaṇṇanā
