| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
6. сзрин̣ийбзд̇ивад̇т̇уван̣н̣анаа
6. Seriṇīpetivatthuvaṇṇanā
наг̇г̇аа д̣̇уб̣б̣ан̣н̣аруубаасийд̇и ид̣̇ам̣ сад̇т̇ари ж̇зд̇аванз вихаранд̇з сзрин̣ийбзд̇им̣ аараб̣бха вуд̇д̇ам̣. гурурадтз гира хад̇т̇инибурз сзрин̣ий наама згаа руубуубаж̇ийвиний ахоси. д̇ад̇т̇а жа убосат̇агаран̣ад̇т̇ааяа д̇ад̇о д̇ад̇о бхигкуу саннибад̇им̣су. буна махаабхигкусаннибаад̇о ахоси. д̇ам̣ д̣̇исваа мануссаа д̇илад̇ан̣д̣улаад̣̇им̣ саббинаванийд̇амад̇хуаад̣̇ин̃жа б̣ахум̣ д̣̇аануубагаран̣ам̣ саж̇ж̇зд̇ваа махаад̣̇аанам̣ бавад̇д̇зсум̣. д̇зна жа самаязна саа г̇ан̣игаа ассад̣̇д̇хаа аббасаннаа мажчзрамалабарияудтид̇ажид̇д̇аа д̇зхи мануссзхи ‘‘зхи д̇аава ид̣̇ам̣ д̣̇аанам̣ анумод̣̇аахий’’д̇и уссаахид̇ааби ‘‘гим̣ д̇зна мун̣д̣агаанам̣ саман̣аанам̣ д̣̇иннзнаа’’д̇и аббасаад̣̇амзва нзсам̣ самбавзд̣̇зси, гуд̇о аббамад̇д̇агасса барижжааг̇о.
Naggā dubbaṇṇarūpāsīti idaṃ satthari jetavane viharante seriṇīpetiṃ ārabbha vuttaṃ. Kururaṭṭhe kira hatthinipure seriṇī nāma ekā rūpūpajīvinī ahosi. Tattha ca uposathakaraṇatthāya tato tato bhikkhū sannipatiṃsu. Puna mahābhikkhusannipāto ahosi. Taṃ disvā manussā tilataṇḍulādiṃ sappinavanītamadhuādiñca bahuṃ dānūpakaraṇaṃ sajjetvā mahādānaṃ pavattesuṃ. Tena ca samayena sā gaṇikā assaddhā appasannā maccheramalapariyuṭṭhitacittā tehi manussehi ‘‘ehi tāva idaṃ dānaṃ anumodāhī’’ti ussāhitāpi ‘‘kiṃ tena muṇḍakānaṃ samaṇānaṃ dinnenā’’ti appasādameva nesaṃ sampavedesi, kuto appamattakassa pariccāgo.
саа абарзна самаязна гаалам̣ гад̇ваа ан̃н̃ад̇арасса бажжанд̇анаг̇арасса барикаабидтз бзд̇ий худ̇ваа ниб̣б̣ад̇д̇и. ат̇а хад̇т̇инибураваасий ан̃н̃ад̇аро убаасаго ван̣иж̇ж̇ааяа д̇ам̣ наг̇арам̣ г̇анд̇ваа рад̇д̇ияаа бажжуусасамаяз барикаабидтам̣ г̇ад̇о д̇аад̣̇исзна баяож̇анзна. саа д̇ад̇т̇а д̇ам̣ д̣̇исваа сан̃ж̇аанид̇ваа наг̇г̇аа адтид̇д̇ажамад̇д̇аавасзсасарийраа ад̇ивияа б̣ийбхажчад̣̇ассанаа авид̣̇уурз тад̇ваа ад̇д̇аанам̣ д̣̇ассзси. со д̇ам̣ д̣̇исваа –
Sā aparena samayena kālaṃ katvā aññatarassa paccantanagarassa parikhāpiṭṭhe petī hutvā nibbatti. Atha hatthinipuravāsī aññataro upāsako vaṇijjāya taṃ nagaraṃ gantvā rattiyā paccūsasamaye parikhāpiṭṭhaṃ gato tādisena payojanena. Sā tattha taṃ disvā sañjānitvā naggā aṭṭhittacamattāvasesasarīrā ativiya bībhacchadassanā avidūre ṭhatvā attānaṃ dassesi. So taṃ disvā –
464.
464.
‘‘наг̇г̇аа д̣̇уб̣б̣ан̣н̣аруубааси, гисаа д̇хаманисант̇ад̇аа;
‘‘Naggā dubbaṇṇarūpāsi, kisā dhamanisanthatā;
убпаасулигз гисигз, гаа ну д̇вам̣ ид̇ха д̇идтасий’’д̇и. –
Upphāsulike kisike, kā nu tvaṃ idha tiṭṭhasī’’ti. –
г̇аат̇ааяа бужчи. саабисса –
Gāthāya pucchi. Sāpissa –
465.
465.
‘‘ахам̣ бхад̣̇анд̇з бзд̇иймхи, д̣̇уг̇г̇ад̇аа яамалогигаа;
‘‘Ahaṃ bhadante petīmhi, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа’’д̇и. –
Pāpakammaṃ karitvāna, petalokaṃ ito gatā’’ti. –
г̇аат̇ааяа ад̇д̇аанам̣ багаасзси. буна д̇зна –
Gāthāya attānaṃ pakāsesi. Puna tena –
466.
466.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, бзд̇алогам̣ ид̇о г̇ад̇аа’’д̇и. –
Kissakammavipākena, petalokaṃ ito gatā’’ti. –
г̇аат̇ааяа гад̇агаммам̣ бужчид̇аа –
Gāthāya katakammaṃ pucchitā –
467.
467.
‘‘анаавадзсу д̇ид̇т̇зсу, вижиним̣ ад̣дхамаасагам̣;
‘‘Anāvaṭesu titthesu, viciniṃ aḍḍhamāsakaṃ;
санд̇зсу д̣̇зяяад̇хаммзсу, д̣̇ийбам̣ наагаасимад̇д̇ано.
Santesu deyyadhammesu, dīpaṃ nākāsimattano.
468.
468.
‘‘над̣̇им̣ убзми д̇асид̇аа, рид̇д̇агаа баривад̇д̇ад̇и;
‘‘Nadiṃ upemi tasitā, rittakā parivattati;
чааяам̣ убзми ун̣хзсу, аад̇або баривад̇д̇ад̇и.
Chāyaṃ upemi uṇhesu, ātapo parivattati.
469.
469.
‘‘аг̇г̇иван̣н̣о жа мз ваад̇о, д̣аханд̇о убавааяад̇и;
‘‘Aggivaṇṇo ca me vāto, ḍahanto upavāyati;
зд̇ан̃жа бханд̇з арахаами, ан̃н̃ан̃жа баабагам̣ д̇ад̇о.
Etañca bhante arahāmi, aññañca pāpakaṃ tato.
470.
470.
‘‘г̇анд̇ваана хад̇т̇иним̣ бурам̣, важ̇ж̇зси маяха маад̇арам̣;
‘‘Gantvāna hatthiniṃ puraṃ, vajjesi mayha mātaraṃ;
‘д̇хийд̇аа жа д̇з маяаа д̣̇идтаа, д̣̇уг̇г̇ад̇аа яамалогигаа;
‘Dhītā ca te mayā diṭṭhā, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа’.
Pāpakammaṃ karitvāna, petalokaṃ ito gatā’.
471.
471.
‘‘ад̇т̇и мз зд̇т̇а нигкид̇д̇ам̣, анагкаад̇ан̃жа д̇ам̣ маяаа;
‘‘Atthi me ettha nikkhittaṃ, anakkhātañca taṃ mayā;
жад̇д̇аари сад̇асахассаани, баллан̇гасса жа хздтад̇о.
Cattāri satasahassāni, pallaṅkassa ca heṭṭhato.
472.
472.
‘‘д̇ад̇о мз д̣̇аанам̣ д̣̇ад̣̇ад̇у, д̇ассаа жа ход̇у ж̇ийвигаа;
‘‘Tato me dānaṃ dadatu, tassā ca hotu jīvikā;
д̣̇аанам̣ д̣̇ад̇ваа жа мз маад̇аа, д̣̇агкин̣ам̣ ануд̣̇ижчад̇у;
Dānaṃ datvā ca me mātā, dakkhiṇaṃ anudicchatu;
д̇ад̣̇аахам̣ сукид̇аа хзссам̣, саб̣б̣агаамасамид̣̇д̇хиний’’д̇и. –
Tadāhaṃ sukhitā hessaṃ, sabbakāmasamiddhinī’’ti. –
имаахи чахи г̇аат̇аахи ад̇д̇анаа гад̇агамман̃жзва буна д̇зна ад̇д̇ано гаад̇аб̣б̣ам̣ ад̇т̇ан̃жа аажигки.
Imāhi chahi gāthāhi attanā katakammañceva puna tena attano kātabbaṃ atthañca ācikkhi.
467. д̇ад̇т̇а анаавадзсу д̇ид̇т̇зсууд̇и гзнажи аниваарид̇зсу над̣̇ийд̇ал̣аагаад̣̇ийнам̣ д̇ид̇т̇абад̣̇зсзсу, яад̇т̇а мануссаа нхааяанд̇и, уд̣̇агагижжам̣ гаронд̇и, д̇аад̣̇исзсу таанзсу. вижиним̣ ад̣дхамаасаганд̇и ‘‘мануссзхи табзд̇ваа виссарид̇ам̣ абинаамзд̇т̇а гин̃жи лабхзяяа’’нд̇и лобхаабхибхууд̇аа ад̣дхамаасагамад̇д̇амби вижиним̣ г̇авзсим̣. ат̇а ваа анаавадзсу д̇ид̇т̇зсууд̇и убасан̇гаманзна гзнажи аниваарид̇зсу сад̇д̇аанам̣ баяог̇аасаяасуд̣̇д̇хияаа гааран̣абхаавзна д̇ид̇т̇абхууд̇зсу саман̣аб̣раахман̣зсу виж̇ж̇амаанзсу. вижиним̣ ад̣дхамаасаганд̇и мажчзрамалабарияудтид̇ажид̇д̇аа гассажи гин̃жи ад̣̇знд̇ий ад̣дхамаасагамби висзсзна жиним̣, на сан̃жиним̣ бун̃н̃ам̣. д̇знааха ‘‘санд̇зсу д̣̇зяяад̇хаммзсу, д̣̇ийбам̣ наагаасимад̇д̇ано’’д̇и.
467. Tattha anāvaṭesu titthesūti kenaci anivāritesu nadītaḷākādīnaṃ titthapadesesu, yattha manussā nhāyanti, udakakiccaṃ karonti, tādisesu ṭhānesu. Viciniṃ aḍḍhamāsakanti ‘‘manussehi ṭhapetvā vissaritaṃ apināmettha kiñci labheyya’’nti lobhābhibhūtā aḍḍhamāsakamattampi viciniṃ gavesiṃ. Atha vā anāvaṭesu titthesūti upasaṅkamanena kenaci anivāritesu sattānaṃ payogāsayasuddhiyā kāraṇabhāvena titthabhūtesu samaṇabrāhmaṇesu vijjamānesu. Viciniṃ aḍḍhamāsakanti maccheramalapariyuṭṭhitacittā kassaci kiñci adentī aḍḍhamāsakampi visesena ciniṃ, na sañciniṃ puññaṃ. Tenāha ‘‘santesu deyyadhammesu, dīpaṃ nākāsimattano’’ti.
468. д̇асид̇аад̇и бибаасид̇аа. рид̇д̇агаад̇и гаагабзяяаа санд̣̇амаанааби над̣̇ий мама баабагаммзна уд̣̇агзна рид̇д̇аа д̇ужчаа ваалигамад̇д̇аа худ̇ваа баривад̇д̇ад̇и. ун̣хзсууд̇и ун̣хасамаязсу. аад̇або баривад̇д̇ад̇ийд̇и чааяаадтаанам̣ маяи убаг̇ад̇ааяа аад̇або самбаж̇ж̇ад̇и.
468.Tasitāti pipāsitā. Rittakāti kākapeyyā sandamānāpi nadī mama pāpakammena udakena rittā tucchā vālikamattā hutvā parivattati. Uṇhesūti uṇhasamayesu. Ātapo parivattatīti chāyāṭṭhānaṃ mayi upagatāya ātapo sampajjati.
469-70. аг̇г̇иван̣н̣од̇и сампассзна аг̇г̇исад̣̇исо. д̇зна вуд̇д̇ам̣ ‘‘д̣аханд̇о убавааяад̇ий’’д̇и. зд̇ан̃жа, бханд̇з, арахаамийд̇и, бханд̇зд̇и д̇ам̣ убаасагам̣ г̇аругаарзна вад̣̇ад̇и. бханд̇з, зд̇ан̃жа яат̇аавуд̇д̇ам̣ бибаасаад̣̇ид̣̇угкам̣, ан̃н̃ан̃жа д̇ад̇о баабагам̣ д̣̇аарун̣ам̣ д̣̇угкам̣ анубхавид̇ум̣ арахаами д̇аж̇ж̇асса баабасса гад̇ад̇д̇аад̇и ад̇хиббааяо. важ̇ж̇зсийд̇и вад̣̇зяяааси.
469-70.Aggivaṇṇoti samphassena aggisadiso. Tena vuttaṃ ‘‘ḍahanto upavāyatī’’ti. Etañca, bhante, arahāmīti, bhanteti taṃ upāsakaṃ garukārena vadati. Bhante, etañca yathāvuttaṃ pipāsādidukkhaṃ, aññañca tato pāpakaṃ dāruṇaṃ dukkhaṃ anubhavituṃ arahāmi tajjassa pāpassa katattāti adhippāyo. Vajjesīti vadeyyāsi.
471-72. зд̇т̇а нигкид̇д̇ам̣, анагкаад̇анд̇и ‘‘зд̇д̇агам̣ зд̇т̇а нигкид̇д̇а’’нд̇и анаажигкид̇ам̣. ид̣̇аани д̇асса баримаан̣ам̣ табид̇адтаанан̃жа д̣̇ассзнд̇ий ‘‘жад̇д̇аари сад̇асахассаани, баллан̇гасса жа хздтад̇о’’д̇и ааха. д̇ад̇т̇а баллан̇гассаад̇и буб̣б̣з ад̇д̇ано саяанабаллан̇гасса. д̇ад̇од̇и нихид̇ад̇ханад̇о згад̣̇зсам̣ г̇ахзд̇ваа мамам̣ уд̣̇д̣̇исса д̣̇аанам̣ д̣̇зд̇у. д̇ассаад̇и маяхам̣ маад̇уяаа.
471-72.Ettha nikkhittaṃ, anakkhātanti ‘‘ettakaṃ ettha nikkhitta’’nti anācikkhitaṃ. Idāni tassa parimāṇaṃ ṭhapitaṭṭhānañca dassentī ‘‘cattāri satasahassāni, pallaṅkassa ca heṭṭhato’’ti āha. Tattha pallaṅkassāti pubbe attano sayanapallaṅkassa. Tatoti nihitadhanato ekadesaṃ gahetvā mamaṃ uddissa dānaṃ detu. Tassāti mayhaṃ mātuyā.
звам̣ д̇ааяа бзд̇ияаа вуд̇д̇з со убаасаго д̇ассаа важанам̣ самбадижчид̇ваа д̇ад̇т̇а ад̇д̇ано гаран̣ийяам̣ д̇ийрзд̇ваа хад̇т̇инибурам̣ г̇анд̇ваа д̇ассаа маад̇уяаа д̇амад̇т̇ам̣ аарожзси. д̇амад̇т̇ам̣ д̣̇ассзд̇ум̣ –
Evaṃ tāya petiyā vutte so upāsako tassā vacanaṃ sampaṭicchitvā tattha attano karaṇīyaṃ tīretvā hatthinipuraṃ gantvā tassā mātuyā tamatthaṃ ārocesi. Tamatthaṃ dassetuṃ –
473.
473.
саад̇хууд̇и со бадиссуд̇ваа, г̇анд̇ваана хад̇т̇иним̣ бурам̣;
Sādhūti so paṭissutvā, gantvāna hatthiniṃ puraṃ;
авожа д̇ассаа маад̇арам̣ –
Avoca tassā mātaraṃ –
‘‘д̇хийд̇аа жа д̇з маяаа д̣̇идтаа, д̣̇уг̇г̇ад̇аа яамалогигаа;
‘‘Dhītā ca te mayā diṭṭhā, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа.
Pāpakammaṃ karitvāna, petalokaṃ ito gatā.
474.
474.
‘‘саа мам̣ д̇ад̇т̇а самаад̣̇абзси, важ̇ж̇зси маяха маад̇арам̣;
‘‘Sā maṃ tattha samādapesi, vajjesi mayha mātaraṃ;
‘д̇хийд̇аа жа д̇з маяаа д̣̇идтаа, д̣̇уг̇г̇ад̇аа яамалогигаа;
‘Dhītā ca te mayā diṭṭhā, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа.
Pāpakammaṃ karitvāna, petalokaṃ ito gatā.
475.
475.
‘‘‘ад̇т̇и жа мз зд̇т̇а нигкид̇д̇ам̣, анагкаад̇ан̃жа д̇ам̣ маяаа;
‘‘‘Atthi ca me ettha nikkhittaṃ, anakkhātañca taṃ mayā;
жад̇д̇аари сад̇асахассаани, баллан̇гасса жа хздтад̇о.
Cattāri satasahassāni, pallaṅkassa ca heṭṭhato.
476.
476.
‘‘‘д̇ад̇о мз д̣̇аанам̣ д̣̇ад̣̇ад̇у, д̇ассаа жа ход̇у ж̇ийвигаа;
‘‘‘Tato me dānaṃ dadatu, tassā ca hotu jīvikā;
д̣̇аанам̣ д̣̇ад̇ваа жа мз маад̇аа, д̣̇агкин̣ам̣ ануд̣̇ижчад̇у;
Dānaṃ datvā ca me mātā, dakkhiṇaṃ anudicchatu;
д̇ад̣̇аахам̣ сукид̇аа хзссам̣, саб̣б̣агаамасамид̣̇д̇хиний’.
Tadāhaṃ sukhitā hessaṃ, sabbakāmasamiddhinī’.
477.
477.
‘‘д̇ад̇о хи саа д̣̇аанамад̣̇аа, д̇ассаа д̣̇агкин̣амаад̣̇исий;
‘‘Tato hi sā dānamadā, tassā dakkhiṇamādisī;
бзд̇ий жа сукид̇аа ааси, д̇ассаа жааси суж̇ийвигаа’’д̇и. –
Petī ca sukhitā āsi, tassā cāsi sujīvikā’’ti. –
сан̇г̇ийд̇игаараа аахам̣су. д̇аа сувин̃н̃зяяаава.
Saṅgītikārā āhaṃsu. Tā suviññeyyāva.
д̇ам̣ суд̇ваа д̇ассаа маад̇аа бхигкусан̇гхасса д̣̇аанам̣ д̣̇ад̇ваа д̇ассаа аад̣̇иси. д̇зна саа бадилад̣̇д̇хуубагаран̣асамбад̇д̇ияам̣ тид̇аа маад̇у ад̇д̇аанам̣ д̣̇ассзд̇ваа д̇ам̣ гааран̣ам̣ аажигки, маад̇аа бхигкуунам̣ аарожзси, бхигкуу д̇ам̣ бавад̇д̇им̣ бхаг̇авад̇о аарожзсум̣. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Taṃ sutvā tassā mātā bhikkhusaṅghassa dānaṃ datvā tassā ādisi. Tena sā paṭiladdhūpakaraṇasampattiyaṃ ṭhitā mātu attānaṃ dassetvā taṃ kāraṇaṃ ācikkhi, mātā bhikkhūnaṃ ārocesi, bhikkhū taṃ pavattiṃ bhagavato ārocesuṃ. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
сзрин̣ийбзд̇ивад̇т̇уван̣н̣анаа нидтид̇аа.
Seriṇīpetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 6. сзрин̣ийбзд̇авад̇т̇у • 6. Seriṇīpetavatthu
