Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā

10. сзрийсагавимаанаван̣н̣анаа

10. Serīsakavimānavaṇṇanā

сун̣от̇а яагкасса жа ваан̣иж̇аана жаад̇и сзрийсагавимаанам̣. д̇асса гаа уббад̇д̇и? бхаг̇авад̇и бариниб̣б̣уд̇з ааяасмаа гумаарагассабо бан̃жахи бхигкусад̇зхи сад̣̇д̇хим̣ сзд̇аб̣яанаг̇арам̣ самбад̇д̇о. д̇ад̇т̇а бааяаасирааж̇ан̃н̃ам̣ ад̇д̇ано санд̇игам̣ убаг̇ад̇ам̣ вибарийд̇аг̇г̇аахад̇о вивзжзд̇ваа саммаад̣̇ассанз бад̇идтаабзси. со д̇ад̇о бадтааяа бун̃н̃абасуд̇о худ̇ваа саман̣аб̣раахман̣аанам̣ д̣̇аанам̣ д̣̇знд̇о д̇ад̇т̇а агад̇абарижаяад̇ааяа асаггажжам̣ д̣̇аанам̣ д̣̇ад̇ваа абарабхааг̇з гаалам̣ гад̇ваа жаад̇умахаарааж̇игабхаванз сун̃н̃з сзрийсагз вимаанз ниб̣б̣ад̇д̇и.

Suṇothayakkhassa ca vāṇijāna cāti serīsakavimānaṃ. Tassa kā uppatti? Bhagavati parinibbute āyasmā kumārakassapo pañcahi bhikkhusatehi saddhiṃ setabyanagaraṃ sampatto. Tattha pāyāsirājaññaṃ attano santikaṃ upagataṃ viparītaggāhato vivecetvā sammādassane patiṭṭhāpesi. So tato paṭṭhāya puññapasuto hutvā samaṇabrāhmaṇānaṃ dānaṃ dento tattha akataparicayatāya asakkaccaṃ dānaṃ datvā aparabhāge kālaṃ katvā cātumahārājikabhavane suññe serīsake vimāne nibbatti.

ад̇ийд̇з гира гассабасса бхаг̇авад̇о гаалз зго кийн̣аасавад̇т̇зро ан̃н̃ад̇арасмим̣ г̇аамз бин̣д̣ааяа жарид̇ваа б̣ахиг̇аамз д̣̇звасигам̣ згасмим̣ бад̣̇зсз бхад̇д̇агижжам̣ агааси. д̇ам̣ д̣̇исваа зго г̇обаалаго ‘‘аяяо суурияаад̇абзна гиламад̇ий’’д̇и басаннажид̇д̇о жад̇уухи сирийсат̇амбхзхи саакааман̣д̣абам̣ гад̇ваа ад̣̇ааси, ман̣д̣абасса самийбз сирийсаругкам̣ робзсийд̇и жа вад̣̇анд̇и. со гаалам̣ гад̇ваа д̇знзва бун̃н̃агаммзна жаад̇умахаарааж̇игзсу ниб̣б̣ад̇д̇и, д̇асса буримагаммасса суужагам̣ вимаанад̣̇ваарз сирийсаванам̣ ниб̣б̣ад̇д̇и ван̣н̣аг̇анд̇хасамбаннзхи бубпзхи саб̣б̣агаалам̣ убасобхамаанам̣, д̇зна д̇ам̣ вимаанам̣ ‘‘сзрийсага’’нд̇и бан̃н̃ааяид̇т̇а. со жа д̣̇звабуд̇д̇о згам̣ б̣уд̣̇д̇ханд̇арам̣ д̣̇звзсу жзва мануссзсу жа сам̣саранд̇о имасмим̣ б̣уд̣̇д̇хуббаад̣̇з яасад̇т̇зрасса жад̇уусу вималаад̣̇ийсу г̇ихисахааязсу г̇авамбад̇и наама худ̇ваа бхаг̇авад̇о д̇хаммад̣̇зсанааяа арахад̇д̇з бад̇идтид̇о буб̣б̣аажин̣н̣авасзна д̇ам̣ сун̃н̃авимаанам̣ д̣̇исваа абхин̣хам̣ д̣̇иваавихаарам̣ г̇ажчад̇и.

Atīte kira kassapassa bhagavato kāle eko khīṇāsavatthero aññatarasmiṃ gāme piṇḍāya caritvā bahigāme devasikaṃ ekasmiṃ padese bhattakiccaṃ akāsi. Taṃ disvā eko gopālako ‘‘ayyo sūriyātapena kilamatī’’ti pasannacitto catūhi sirīsathambhehi sākhāmaṇḍapaṃ katvā adāsi, maṇḍapassa samīpe sirīsarukkhaṃ ropesīti ca vadanti. So kālaṃ katvā teneva puññakammena cātumahārājikesu nibbatti, tassa purimakammassa sūcakaṃ vimānadvāre sirīsavanaṃ nibbatti vaṇṇagandhasampannehi pupphehi sabbakālaṃ upasobhamānaṃ, tena taṃ vimānaṃ ‘‘serīsaka’’nti paññāyittha. So ca devaputto ekaṃ buddhantaraṃ devesu ceva manussesu ca saṃsaranto imasmiṃ buddhuppāde yasattherassa catūsu vimalādīsu gihisahāyesu gavampati nāma hutvā bhagavato dhammadesanāya arahatte patiṭṭhito pubbāciṇṇavasena taṃ suññavimānaṃ disvā abhiṇhaṃ divāvihāraṃ gacchati.

со абарабхааг̇з бааяаасид̣̇звабуд̇д̇ам̣ д̇ад̇т̇а д̣̇исваа ‘‘госи д̇вам̣, аавусо’’д̇и бужчид̇ваа д̇зна ‘‘ахам̣, бханд̇з, бааяаасирааж̇ан̃н̃о ид̇хуубабанно’’д̇и вуд̇д̇з ‘‘нану д̇вам̣ мижчаад̣̇идтиго вибарийд̇ад̣̇ассано гат̇амид̇хуубабанно’’д̇и ааха. ат̇а нам̣ бааяаасид̣̇звабуд̇д̇о ‘‘аяязнамхи гумаарагассабад̇т̇зрзна мижчаад̣̇ассанад̇о вивзжид̇о, бун̃н̃агирияаанам̣ асаггажжагаарид̇ааяа бана сун̃н̃з вимаанз ниб̣б̣ад̇д̇о. саад̇ху, бханд̇з, мануссалогам̣ г̇ад̇агаалз мама бариж̇анасса аарожзт̇а ‘бааяаасирааж̇ан̃н̃о асаггажжам̣ д̣̇аанам̣ д̣̇ад̇ваа сун̃н̃ам̣ сзрийсагавимаанам̣ убабанно, д̇умхз бана саггажжам̣ бун̃н̃аани гад̇ваа д̇ад̇руубабад̇д̇ияаа жид̇д̇ам̣ бан̣ид̣̇ахат̇аа’’д̇и. т̇зро д̇ассаанугамбааяа д̇ат̇аа агааси. д̇зби т̇зрасса важанам̣ суд̇ваа д̇ат̇аа жид̇д̇ам̣ бан̣ид̇хааяа бун̃н̃аани гад̇ваа сзрийсагз вимаанз ниб̣б̣ад̇д̇им̣су. сзрийсагад̣̇звабуд̇д̇ам̣ бана взссаван̣амахаарааж̇аа марубхуумияам̣ чааяууд̣̇агарахид̇з маг̇г̇з маг̇г̇абадибаннаанам̣ мануссаанам̣ амануссабарибант̇а можанад̇т̇ам̣ маг̇г̇арагкагам̣ табзси.

So aparabhāge pāyāsidevaputtaṃ tattha disvā ‘‘kosi tvaṃ, āvuso’’ti pucchitvā tena ‘‘ahaṃ, bhante, pāyāsirājañño idhūpapanno’’ti vutte ‘‘nanu tvaṃ micchādiṭṭhiko viparītadassano kathamidhūpapanno’’ti āha. Atha naṃ pāyāsidevaputto ‘‘ayyenamhi kumārakassapattherena micchādassanato vivecito, puññakiriyānaṃ asakkaccakāritāya pana suññe vimāne nibbatto. Sādhu, bhante, manussalokaṃ gatakāle mama parijanassa ārocetha ‘pāyāsirājañño asakkaccaṃ dānaṃ datvā suññaṃ serīsakavimānaṃ upapanno, tumhe pana sakkaccaṃ puññāni katvā tatrūpapattiyā cittaṃ paṇidahathā’’ti. Thero tassānukampāya tathā akāsi. Tepi therassa vacanaṃ sutvā tathā cittaṃ paṇidhāya puññāni katvā serīsake vimāne nibbattiṃsu. Serīsakadevaputtaṃ pana vessavaṇamahārājā marubhūmiyaṃ chāyūdakarahite magge maggapaṭipannānaṃ manussānaṃ amanussaparipantha mocanatthaṃ maggarakkhakaṃ ṭhapesi.

ат̇а абарзна самаязна ан̇г̇амаг̇ад̇хаваасино ваан̣иж̇аа сагадасахассам̣ бхан̣д̣асса буурзд̇ваа синд̇хусовийрад̣̇зсам̣ г̇ажчанд̇аа маруганд̇аарз д̣̇иваа ун̣хабхаязна маг̇г̇ам̣ аббадибаж̇ж̇ид̇ваа рад̇д̇им̣ нагкад̇д̇асан̃н̃ааяа маг̇г̇ам̣ бадибаж̇ж̇им̣су. д̇з маг̇г̇амуул̣хаа худ̇ваа ан̃н̃ам̣ д̣̇исам̣ аг̇амам̣су. д̇зсам̣ анд̇арз зго убаасаго ахоси сад̣̇д̇хо басанно сийласамбанно арахад̇д̇аббад̇д̇ияаа убаниссаяасамбанно маад̇аабид̇уунам̣ убадтаанад̇т̇ам̣ ван̣иж̇ж̇ааяа г̇ад̇о. д̇ам̣ ануг̇г̇ан̣ханд̇о сзрийсагад̣̇звабуд̇д̇о саха вимаанзна ад̇д̇аанам̣ д̣̇ассзси. д̣̇ассзд̇ваа жа бана ‘‘гасмаа д̇умхз имам̣ чааяууд̣̇агарахид̇ам̣ ваалугааганд̇аарам̣ бадибаннаа’’д̇и бужчи. д̇з жасса д̇ад̇т̇а ад̇д̇ано ааг̇ад̇аббагаарам̣ гат̇зсум̣, д̇ад̣̇ад̇т̇ад̣̇ийбанаа д̣̇звабуд̇д̇асса ваан̣иж̇аанан̃жа важанабадиважанаг̇аат̇аа хонд̇и. аад̣̇ид̇о бана д̣̇вз г̇аат̇аа д̇аасам̣ самб̣анд̇хад̣̇ассанад̇т̇ам̣ д̇хаммасан̇г̇аахагзхи табид̇аа –

Atha aparena samayena aṅgamagadhavāsino vāṇijā sakaṭasahassaṃ bhaṇḍassa pūretvā sindhusovīradesaṃ gacchantā marukantāre divā uṇhabhayena maggaṃ appaṭipajjitvā rattiṃ nakkhattasaññāya maggaṃ paṭipajjiṃsu. Te maggamūḷhā hutvā aññaṃ disaṃ agamaṃsu. Tesaṃ antare eko upāsako ahosi saddho pasanno sīlasampanno arahattappattiyā upanissayasampanno mātāpitūnaṃ upaṭṭhānatthaṃ vaṇijjāya gato. Taṃ anuggaṇhanto serīsakadevaputto saha vimānena attānaṃ dassesi. Dassetvā ca pana ‘‘kasmā tumhe imaṃ chāyūdakarahitaṃ vālukākantāraṃ paṭipannā’’ti pucchi. Te cassa tattha attano āgatappakāraṃ kathesuṃ, tadatthadīpanā devaputtassa vāṇijānañca vacanapaṭivacanagāthā honti. Ādito pana dve gāthā tāsaṃ sambandhadassanatthaṃ dhammasaṅgāhakehi ṭhapitā –

1228.

‘‘сун̣от̇а яагкасса жа ваан̣иж̇аана жа, самааг̇амо яад̇т̇а д̇ад̣̇аа ахоси;

‘‘Suṇotha yakkhassa ca vāṇijāna ca, samāgamo yattha tadā ahosi;

яат̇аа гат̇ам̣ ид̇арид̇арзна жааби, субхаасид̇ам̣ д̇ан̃жа сун̣аат̇а саб̣б̣з.

Yathā kathaṃ itaritarena cāpi, subhāsitaṃ tañca suṇātha sabbe.

1229.

‘‘яо со аху рааж̇аа бааяааси наама, бхуммаанам̣ сахаб̣яаг̇ад̇о яасассий;

‘‘Yo so ahu rājā pāyāsi nāma, bhummānaṃ sahabyagato yasassī;

со мод̣̇амаанова сагз вимаанз, амаанусо маанусз аж̇жхабхаасий’’д̇и.

So modamānova sake vimāne, amānuso mānuse ajjhabhāsī’’ti.

1228-9. д̇ад̇т̇а сун̣от̇аад̇и саванаан̣ад̇д̇игаважанам̣. яам̣ маяам̣ ид̣̇аани бхан̣аама, д̇ам̣ сун̣от̇аад̇и. яагкассаад̇и д̣̇звасса. д̣̇зво хи мануссаанам̣ згажжаанам̣ д̣̇зваанан̃жа бууж̇анийяабхаавад̇о ‘‘яагко’’д̇и вужжад̇и. абижа саггоби жад̇д̇ааро махаарааж̇ааноби взссаван̣абаарисаж̇ж̇ааби бурисоби ‘‘яагко’’д̇и вужжад̇и. д̇ат̇аа хи ‘‘ад̇иб̣аал̣хам̣ ко аяам̣ яагко бамад̇д̇о вихарад̇и, яам̣нуунаахам̣ имам̣ яагкам̣ сам̣взж̇зяяа’’нд̇иаад̣̇ийсу (ма. ни. 1.393) сагго ‘‘яагко’’д̇и вуд̇д̇о. ‘‘жад̇д̇ааро яагкаа каг̇г̇ахад̇т̇аа’’д̇иаад̣̇ийсу махаарааж̇аано. ‘‘санд̇и хи, бханд̇з, ул̣аараа яагкаа бхаг̇авад̇о аббасаннаа’’д̇иаад̣̇ийсу (д̣̇ий. ни. 3.276) взссаван̣абаарисаж̇ж̇аа. ‘‘зд̇д̇аавад̇аа яагкасса суд̣̇д̇хий’’д̇иаад̣̇ийсу (су. ни. 482) бурисо. ид̇ха бана взссаван̣абаарисаж̇ж̇о ад̇хиббзд̇о. ваан̣иж̇аана жаад̇и г̇аат̇ааб̣анд̇хасукад̇т̇ам̣ анунаасигалобам̣ гад̇ваа вуд̇д̇ам̣. самааг̇амод̇и самод̇хаанам̣. яад̇т̇аад̇и яасмим̣ ван̣н̣убат̇з. д̇ад̣̇аад̇и д̇асмим̣ маг̇г̇амуул̣хаа худ̇ваа г̇аманагаалз. ид̇арид̇арзна жаабийд̇и ид̇арийд̇аран̃жааби, ид̣̇ам̣ яат̇аад̇и иминаа яож̇зд̇аб̣б̣ам̣. аяан̃хзд̇т̇а ад̇т̇о – сзрийсагад̣̇звабуд̇д̇асса ваан̣иж̇аанан̃жа д̇ад̣̇аа яад̇т̇а самааг̇амо ахоси, д̇ам̣ сун̣от̇а, яат̇аа вааби д̇зхи ан̃н̃аман̃н̃ам̣ субхаасид̇ам̣ сулабид̇ам̣ гат̇ам̣ бавад̇д̇ид̇ам̣, д̇ан̃жа саб̣б̣з охид̇ажид̇д̇аа сун̣аат̇аад̇и. бхуммаананд̇и бхуммад̣̇зваанам̣.

1228-9. Tattha suṇothāti savanāṇattikavacanaṃ. Yaṃ mayaṃ idāni bhaṇāma, taṃ suṇothāti. Yakkhassāti devassa. Devo hi manussānaṃ ekaccānaṃ devānañca pūjanīyabhāvato ‘‘yakkho’’ti vuccati. Apica sakkopi cattāro mahārājānopi vessavaṇapārisajjāpi purisopi ‘‘yakkho’’ti vuccati. Tathā hi ‘‘atibāḷhaṃ kho ayaṃ yakkho pamatto viharati, yaṃnūnāhaṃ imaṃ yakkhaṃ saṃvejeyya’’ntiādīsu (ma. ni. 1.393) sakko ‘‘yakkho’’ti vutto. ‘‘Cattāro yakkhā khaggahatthā’’tiādīsu mahārājāno. ‘‘Santi hi, bhante, uḷārā yakkhā bhagavato appasannā’’tiādīsu (dī. ni. 3.276) vessavaṇapārisajjā. ‘‘Ettāvatā yakkhassa suddhī’’tiādīsu (su. ni. 482) puriso. Idha pana vessavaṇapārisajjo adhippeto. Vāṇijāna cāti gāthābandhasukhatthaṃ anunāsikalopaṃ katvā vuttaṃ. Samāgamoti samodhānaṃ. Yatthāti yasmiṃ vaṇṇupathe. Tadāti tasmiṃ maggamūḷhā hutvā gamanakāle. Itaritarena cāpīti itarītarañcāpi, idaṃ yathāti iminā yojetabbaṃ. Ayañhettha attho – serīsakadevaputtassa vāṇijānañca tadā yattha samāgamo ahosi, taṃ suṇotha, yathā vāpi tehi aññamaññaṃ subhāsitaṃ sulapitaṃ kathaṃ pavattitaṃ, tañca sabbe ohitacittā suṇāthāti. Bhummānanti bhummadevānaṃ.

ид̣̇аани яагкасса бужчааг̇аат̇ааяо хонд̇и –

Idāni yakkhassa pucchāgāthāyo honti –

1230.

‘‘ван̇гз аран̃н̃з амануссадтаанз, ганд̇аарз аббод̣̇агз аббабхагкз;

‘‘Vaṅke araññe amanussaṭṭhāne, kantāre appodake appabhakkhe;

суд̣̇уг̇г̇амз ван̣н̣убат̇асса маж̇жхз, ван̇гам̣бхаяаа надтаманаа мануссаа.

Suduggame vaṇṇupathassa majjhe, vaṅkaṃbhayā naṭṭhamanā manussā.

1231.

‘‘наяид̇ха палаа мууламаяаа жа санд̇и, убаад̣̇аанам̣ над̇т̇и гуд̇од̇ха бхагко;

‘‘Nayidha phalā mūlamayā ca santi, upādānaṃ natthi kutodha bhakkho;

ан̃н̃ад̇ра бам̣суухи жа ваалугаахи жа, д̇ад̇д̇аахи ун̣хаахи жа д̣̇аарун̣аахи жа.

Aññatra paṃsūhi ca vālukāhi ca, tattāhi uṇhāhi ca dāruṇāhi ca.

1232.

‘‘уж̇ж̇ан̇г̇алам̣ д̇ад̇д̇амивам̣ габаалам̣, анааяасам̣ баралогзна д̇уляам̣;

‘‘Ujjaṅgalaṃ tattamivaṃ kapālaṃ, anāyasaṃ paralokena tulyaṃ;

луд̣̇д̣̇аанамааваасамид̣̇ам̣ бураан̣ам̣, бхуумиббад̣̇зсо абхисад̇д̇аруубо.

Luddānamāvāsamidaṃ purāṇaṃ, bhūmippadeso abhisattarūpo.

1233.

‘‘ат̇а д̇умхз гзна ван̣н̣зна, гимаасамаанаа имам̣ бад̣̇зсан̃хи;

‘‘Atha tumhe kena vaṇṇena, kimāsamānā imaṃ padesañhi;

анубавидтаа сахасаа самзжжа, лобхаа бхаяаа ат̇а ваа самбамуул̣хаа’’д̇и.

Anupaviṭṭhā sahasā samecca, lobhā bhayā atha vā sampamūḷhā’’ti.

1230. д̇ад̇т̇а ван̇гзд̇и сам̣саяадтаанз. яад̇т̇а бавидтаанам̣ ‘‘ж̇ийвиссаама ну ко, мариссаама ну ко’’д̇и ж̇ийвид̇з сам̣саяо ход̇и, д̇аад̣̇исз аран̃н̃з. амануссадтаанзд̇и амануссаанам̣ бисаажаад̣̇ийнам̣ сан̃жаран̣адтаанз, мануссаанам̣ ваа аг̇ожарадтаанз. ганд̇аарзд̇и нируд̣̇агз ирин̣з, гам̣ д̇аарзнд̇и наяанд̇и зд̇т̇аад̇и хи ганд̇ааро, уд̣̇агам̣ г̇ахзд̇ваа д̇арид̇аб̣б̣адтаанам̣. д̇знааха ‘‘аббод̣̇агз’’д̇и. абба-сад̣̇д̣̇о хзд̇т̇а абхаавад̇т̇о ‘‘аббижчо аббаниг̇гхосо’’д̇иаад̣̇ийсу (а. ни. 8.23; жуул̣ава. 456) вияа. ван̣н̣убат̇асса маж̇жхзд̇и ваалугааганд̇аарамаж̇жхзд̇и ад̇т̇о. ван̇гам̣бхаяаад̇и ван̇гзхи бхийд̇аа. ван̇гзхи бхаяам̣ зд̇зсанд̇и ‘‘ван̇габхаяаа’’д̇и вад̇д̇аб̣б̣з г̇аат̇аасукад̇т̇ам̣ саанунаасигам̣ гад̇ваа ‘‘ван̇гам̣бхаяаа’’д̇и вуд̇д̇ам̣. ид̣̇ан̃жа ваалугааганд̇аарабавзсанад̇о буб̣б̣з д̇зсам̣ уббаннабхаяам̣ санд̇хааяа вуд̇д̇ам̣. надтаманаад̇и маг̇г̇асад̇ивиббаваасзна надтамаанасаа, маг̇г̇амуул̣хаад̇и ад̇т̇о. мануссаад̇и д̇зсам̣ аалабанам̣.

1230. Tattha vaṅketi saṃsayaṭṭhāne. Yattha paviṭṭhānaṃ ‘‘jīvissāma nu kho, marissāma nu kho’’ti jīvite saṃsayo hoti, tādise araññe. Amanussaṭṭhāneti amanussānaṃ pisācādīnaṃ sañcaraṇaṭṭhāne, manussānaṃ vā agocaraṭṭhāne. Kantāreti nirudake iriṇe, kaṃ tārenti nayanti etthāti hi kantāro, udakaṃ gahetvā taritabbaṭṭhānaṃ. Tenāha ‘‘appodake’’ti. Appa-saddo hettha abhāvattho ‘‘appiccho appanigghoso’’tiādīsu (a. ni. 8.23; cūḷava. 456) viya. Vaṇṇupathassa majjheti vālukākantāramajjheti attho. Vaṅkaṃbhayāti vaṅkehi bhītā. Vaṅkehi bhayaṃ etesanti ‘‘vaṅkabhayā’’ti vattabbe gāthāsukhatthaṃ sānunāsikaṃ katvā ‘‘vaṅkaṃbhayā’’ti vuttaṃ. Idañca vālukākantārapavesanato pubbe tesaṃ uppannabhayaṃ sandhāya vuttaṃ. Naṭṭhamanāti maggasativippavāsena naṭṭhamānasā, maggamūḷhāti attho. Manussāti tesaṃ ālapanaṃ.

1231. ид̇хаад̇и имасмим̣ маруганд̇аарз. палаад̇и амб̣аж̇амб̣уд̇ааланаал̣игзраад̣̇ипалаани на санд̇ийд̇и яож̇анаа. мууламаяаа жаад̇и муулааниязва мууламаяаа, валлиганд̣̇аад̣̇ийни санд̇хааяа вад̣̇ад̇и. убаад̣̇аанам̣ над̇т̇ийд̇и гин̃жааби гин̃жи бхагкам̣ над̇т̇и, убаад̣̇аанам̣ ваа инд̇ханам̣, аг̇г̇исса инд̇ханамад̇д̇амби над̇т̇и, гуд̇о гзна гааран̣зна ид̇ха маруганд̇аарз бхагко сияаад̇и ад̇т̇о. яам̣ бана ад̇т̇и д̇ад̇т̇а, д̇ам̣ д̣̇ассзд̇ум̣ ‘‘ан̃н̃ад̇ра бам̣суухий’’д̇иаад̣̇и вуд̇д̇ам̣.

1231.Idhāti imasmiṃ marukantāre. Phalāti ambajambutālanāḷikerādiphalāni na santīti yojanā. Mūlamayā cāti mūlāniyeva mūlamayā, vallikandādīni sandhāya vadati. Upādānaṃnatthīti kiñcāpi kiñci bhakkhaṃ natthi, upādānaṃ vā indhanaṃ, aggissa indhanamattampi natthi, kuto kena kāraṇena idha marukantāre bhakkho siyāti attho. Yaṃ pana atthi tattha, taṃ dassetuṃ ‘‘aññatra paṃsūhī’’tiādi vuttaṃ.

1232. уж̇ж̇ан̇г̇аланд̇и ж̇ан̇г̇алам̣ вужжад̇и луукад̇хуусаро ануд̣̇аго бхуумиббад̣̇зсо, д̇ам̣ бана таанам̣ ж̇ан̇г̇алад̇оби уггам̣сзна ж̇ан̇г̇аланд̇и ааха ‘‘уж̇ж̇ан̇г̇ала’’нд̇и. д̇знааха ‘‘д̇ад̇д̇амивам̣ габаала’’нд̇и, д̇ад̇д̇ам̣ аяогабааласад̣̇исанд̇и ад̇т̇о. г̇аат̇аасукад̇т̇ан̃жзд̇т̇а саанунаасигам̣ гад̇ваа вуд̇д̇ам̣, д̇ад̇д̇амиваижжзва д̣̇адтаб̣б̣ам̣. анааяасанд̇и над̇т̇и зд̇т̇а ааяо суканд̇и анааяам̣, д̇ад̇о зва ж̇ийвид̇ам̣ сийяад̇и винаасзд̇ийд̇и анааяасам̣. ат̇а ваа на ааяасанд̇и анааяасам̣. баралогзнаад̇и нарагзна д̇уляам̣. нараган̃хи сад̇д̇аанам̣ зганд̇аанад̇т̇ад̇ааяа барабхууд̇о бадисад̇д̇убхууд̇о логод̇и висзсад̇о ‘‘баралого’’д̇и вужжад̇и, саманд̇ад̇о аяомаяад̇д̇аа ааяасан̃жа, ид̣̇ам̣ бана д̇ад̣̇абхаавад̇о анааяасам̣, махад̇о д̣̇угкасса уббад̇д̇идтаанад̇ааяа баралогасад̣̇исанд̇и д̣̇ассзд̇и, ‘‘анассаяа’’нд̇и жа гзжи батанд̇и, сукасса аббад̇идтаанабхууд̇анд̇и ад̇т̇о. луд̣̇д̣̇аанамааваасамид̣̇ам̣ бураан̣анд̇и ид̣̇ам̣ таанам̣ жирагаалад̇о бадтааяа луд̣̇д̣̇аанам̣ д̣̇аарун̣аанам̣ бисаажаад̣̇ийнам̣ ааваасабхууд̇ам̣. абхисад̇д̇аруубод̇и ‘‘звам̣ лууко гхораагааро ход̇уу’’д̇и бораан̣зхи исийхи сабид̇асад̣̇исо, д̣̇иннасабо вияаад̇и ад̇т̇о.

1232.Ujjaṅgalanti jaṅgalaṃ vuccati lūkhadhūsaro anudako bhūmippadeso, taṃ pana ṭhānaṃ jaṅgalatopi ukkaṃsena jaṅgalanti āha ‘‘ujjaṅgala’’nti. Tenāha ‘‘tattamivaṃ kapāla’’nti, tattaṃ ayokapālasadisanti attho. Gāthāsukhatthañcettha sānunāsikaṃ katvā vuttaṃ, tattamivaicceva daṭṭhabbaṃ. Anāyasanti natthi ettha āyo sukhanti anāyaṃ, tato eva jīvitaṃ sīyati vināsetīti anāyasaṃ. Atha vā na āyasanti anāyasaṃ. Paralokenāti narakena tulyaṃ. Narakañhi sattānaṃ ekantānatthatāya parabhūto paṭisattubhūto lokoti visesato ‘‘paraloko’’ti vuccati, samantato ayomayattā āyasañca, idaṃ pana tadabhāvato anāyasaṃ, mahato dukkhassa uppattiṭṭhānatāya paralokasadisanti dasseti, ‘‘anassaya’’nti ca keci paṭhanti, sukhassa appatiṭṭhānabhūtanti attho. Luddānamāvāsamidaṃ purāṇanti idaṃ ṭhānaṃ cirakālato paṭṭhāya luddānaṃ dāruṇānaṃ pisācādīnaṃ āvāsabhūtaṃ. Abhisattarūpoti ‘‘evaṃ lūkho ghorākāro hotū’’ti porāṇehi isīhi sapitasadiso, dinnasapo viyāti attho.

1233. гзна ван̣н̣знаад̇и гзна гааран̣зна. гимаасамаанаад̇и гим̣ бажжаасийсанд̇аа. хийд̇и нибаад̇амад̇д̇ам̣. ‘‘бад̣̇зсамбий’’д̇и жа батанд̇и, имамби наама бад̣̇зсанд̇и ад̇т̇о. сахасаа самзжжаад̇и сахасаа аад̣̇ийнаваанисам̣сз авижаарзд̇ваа самавааязна анубавидтаа саббавидтаа. лобхаа бхаяаа ат̇а ваа гзнажи анад̇т̇агаамзна балобхид̇аа лобхад̇о гзнажи амануссаад̣̇инаа барибаад̇ид̇аа бхаяаа ваа. ат̇а ваа самбамуул̣хаад̇и маг̇г̇авиббанадтаа имам̣ бад̣̇зсам̣ анубавидтаад̇и яож̇анаа.

1233.Kena vaṇṇenāti kena kāraṇena. Kimāsamānāti kiṃ paccāsīsantā. Hīti nipātamattaṃ. ‘‘Padesampī’’ti ca paṭhanti, imampi nāma padesanti attho. Sahasā sameccāti sahasā ādīnavānisaṃse avicāretvā samavāyena anupaviṭṭhā sappaviṭṭhā. Lobhā bhayā atha vā kenaci anatthakāmena palobhitā lobhato kenaci amanussādinā paripātitā bhayā vā. Atha vā sampamūḷhāti maggavippanaṭṭhā imaṃ padesaṃ anupaviṭṭhāti yojanā.

ид̣̇аани ваан̣иж̇аа аахам̣су –

Idāni vāṇijā āhaṃsu –

1234.

‘‘маг̇ад̇хзсу ан̇г̇зсу жа сад̇т̇аваахаа, ааробаяид̇ваа бан̣ияам̣ бут̇уд̇д̇ам̣;

‘‘Magadhesu aṅgesu ca satthavāhā, āropayitvā paṇiyaṃ puthuttaṃ;

д̇з яаамасз синд̇хусовийрабхуумим̣, д̇ханад̇т̇игаа уд̣̇д̣̇аяам̣ бад̇т̇аяаанаа.

Te yāmase sindhusovīrabhūmiṃ, dhanatthikā uddayaṃ patthayānā.

1235.

‘‘д̣̇иваа бибаасам̣над̇хиваасаяанд̇аа, яог̇г̇аанугамбан̃жа самзгкамаанаа;

‘‘Divā pipāsaṃnadhivāsayantā, yoggānukampañca samekkhamānā;

зд̇зна взг̇зна ааяаама саб̣б̣з, рад̇д̇им̣ маг̇г̇ам̣ бадибаннаа вигаалз.

Etena vegena āyāma sabbe, rattiṃ maggaṃ paṭipannā vikāle.

1236.

‘‘д̇з д̣̇уббаяаад̇аа абарад̣̇д̇хамаг̇г̇аа, анд̇хаагулаа виббанадтаа аран̃н̃з;

‘‘Te duppayātā aparaddhamaggā, andhākulā vippanaṭṭhā araññe;

суд̣̇уг̇г̇амз ван̣н̣убат̇асса маж̇жхз, д̣̇исам̣ на ж̇аанаама бамуул̣хажид̇д̇аа.

Suduggame vaṇṇupathassa majjhe, disaṃ na jānāma pamūḷhacittā.

1237.

‘‘ид̣̇ан̃жа д̣̇исваана ад̣̇идтабуб̣б̣ам̣, вимаанасздтан̃жа д̇аван̃жа яагка;

‘‘Idañca disvāna adiṭṭhapubbaṃ, vimānaseṭṭhañca tavañca yakkha;

д̇ад̇уд̇д̇арим̣ ж̇ийвид̇амаасамаанаа, д̣̇исваа бад̇ийд̇аа суманаа уд̣̇аг̇г̇аа’’д̇и.

Tatuttariṃ jīvitamāsamānā, disvā patītā sumanā udaggā’’ti.

1234. д̇ад̇т̇а маг̇ад̇хзсу ан̇г̇зсу жа сад̇т̇аваахаад̇и маг̇ад̇харадтз жа ан̇г̇арадтз жа ж̇аад̇аа сам̣вад̣дхаа д̇ам̣ниваасино сад̇т̇з сад̇т̇асса жа вааханагаа сад̇т̇агаа жзва сад̇т̇асаамигаа жа. бан̣ияанд̇и бхан̣д̣ам̣. д̇зд̇и д̇з маяам̣. яаамасзд̇и г̇ажчаама. синд̇хусовийрабхууминд̇и синд̇худ̣̇зсам̣ совийрад̣̇зсан̃жа. уд̣̇д̣̇аяанд̇и аанисам̣сам̣ ад̇ирзгалаабхам̣.

1234. Tattha magadhesu aṅgesu ca satthavāhāti magadharaṭṭhe ca aṅgaraṭṭhe ca jātā saṃvaḍḍhā taṃnivāsino satthe satthassa ca vāhanakā satthakā ceva satthasāmikā ca. Paṇiyanti bhaṇḍaṃ. Teti te mayaṃ. Yāmaseti gacchāma. Sindhusovīrabhūminti sindhudesaṃ sovīradesañca. Uddayanti ānisaṃsaṃ atirekalābhaṃ.

1235. анад̇хиваасаяанд̇аад̇и ад̇хиваасзд̇ум̣ асаггонд̇аа. яог̇г̇аанугамбанд̇и г̇он̣аад̣̇ийнам̣ сад̇д̇аанам̣ ануг̇г̇ахам̣. зд̇зна взг̇знаад̇и иминаа ж̇авзна, язна д̇ава д̣̇ассанад̇о буб̣б̣з ааяаама ааг̇ад̇амха. рад̇д̇им̣ маг̇г̇ам̣ бадибаннаад̇и рад̇д̇ияам̣ маг̇г̇ам̣ бадибаннаа. вигаалзд̇и агаалз авзлааяам̣.

1235.Anadhivāsayantāti adhivāsetuṃ asakkontā. Yoggānukampanti goṇādīnaṃ sattānaṃ anuggahaṃ. Etena vegenāti iminā javena, yena tava dassanato pubbe āyāma āgatamha. Rattiṃ maggaṃ paṭipannāti rattiyaṃ maggaṃ paṭipannā. Vikāleti akāle avelāyaṃ.

1236. д̣̇уббаяаад̇аад̇и д̣̇удту баяаад̇аа абат̇з г̇ад̇аа, д̇ад̇о зва абарад̣̇д̇хамаг̇г̇аа. анд̇хаагулаад̇и анд̇хаа вияа аагулаа, маг̇г̇аж̇аананасамад̇т̇асса бан̃н̃аажагкуно абхаавзна анд̇хаа, д̇ад̇о зва аагулаа, виббанадтаа жа маг̇г̇асаммуул̣хад̇ааяа. д̣̇исанд̇и г̇анд̇аб̣б̣ад̣̇исам̣, яассам̣ д̣̇исааяам̣ синд̇хусовийрад̣̇зсо, д̇ам̣ д̣̇исам̣. бамуул̣хажид̇д̇аад̇и д̣̇исаасам̣саяасумуул̣хажид̇д̇аа.

1236.Duppayātāti duṭṭhu payātā apathe gatā, tato eva aparaddhamaggā. Andhākulāti andhā viya ākulā, maggajānanasamatthassa paññācakkhuno abhāvena andhā, tato eva ākulā, vippanaṭṭhā ca maggasammūḷhatāya. Disanti gantabbadisaṃ, yassaṃ disāyaṃ sindhusovīradeso, taṃ disaṃ. Pamūḷhacittāti disāsaṃsayasumūḷhacittā.

1237. д̇аван̃жаад̇и д̇уван̃жа. яагкаад̇и аалабанам̣. д̇ад̇уд̇д̇арим̣ ж̇ийвид̇амаасамаанаад̇и яо ‘‘ид̇о барам̣ амхаагам̣ ж̇ийвид̇ам̣ над̇т̇ий’’д̇и ж̇ийвид̇асам̣саяо уббанно, ид̣̇аани д̇ад̇о уд̇д̇аримби ж̇ийвид̇ам̣ аасийсанд̇аа. д̣̇исваад̇и д̣̇ассанахзд̇у. бад̇ийд̇аад̇и бахадтаа. суманаад̇и соманассаббад̇д̇аа. уд̣̇аг̇г̇аад̇и уд̣̇аг̇г̇ааяа бийд̇ияаа уд̣̇аг̇г̇ажид̇д̇аа.

1237.Tavañcāti tuvañca. Yakkhāti ālapanaṃ. Tatuttariṃ jīvitamāsamānāti yo ‘‘ito paraṃ amhākaṃ jīvitaṃ natthī’’ti jīvitasaṃsayo uppanno, idāni tato uttarimpi jīvitaṃ āsīsantā. Disvāti dassanahetu. Patītāti pahaṭṭhā. Sumanāti somanassappattā. Udaggāti udaggāya pītiyā udaggacittā.

звам̣ ваан̣иж̇зхи ад̇д̇ано бавад̇д̇ияаа багаасид̇ааяа буна д̣̇звабуд̇д̇о д̣̇вийхи г̇аат̇аахи бужчи –

Evaṃ vāṇijehi attano pavattiyā pakāsitāya puna devaputto dvīhi gāthāhi pucchi –

1238.

‘‘баарам̣ самуд̣̇д̣̇асса иман̃жа ван̣н̣ум̣, взд̇д̇аажарам̣ сан̇губат̇ан̃жа маг̇г̇ам̣;

‘‘Pāraṃ samuddassa imañca vaṇṇuṃ, vettācaraṃ saṅkupathañca maggaṃ;

над̣̇ияо бана баб̣б̣ад̇аанан̃жа д̣̇уг̇г̇аа, бут̇уд̣̇д̣̇исаа г̇ажчат̇а бхог̇ахзд̇у.

Nadiyo pana pabbatānañca duggā, puthuddisā gacchatha bhogahetu.

1239.

‘‘багканд̣̇ияаана виж̇ид̇ам̣ барзсам̣, взраж̇ж̇агз маанусз бзгкамаанаа;

‘‘Pakkhandiyāna vijitaṃ paresaṃ, verajjake mānuse pekkhamānā;

яам̣ во суд̇ам̣ ваа ат̇а вааби д̣̇идтам̣, ажчзрагам̣ д̇ам̣ во сун̣ома д̇аад̇аа’’д̇и.

Yaṃ vo sutaṃ vā atha vāpi diṭṭhaṃ, accherakaṃ taṃ vo suṇoma tātā’’ti.

д̇ассад̇т̇о – баарам̣ самуд̣̇д̣̇ассаад̇и самуд̣̇д̣̇асса барад̇ийрам̣, иман̃жа ийд̣̇исам̣, ван̣н̣ум̣ ван̣н̣убат̇ам̣ взд̇д̇алад̇аа б̣анд̇хид̇ваа аажарид̇аб̣б̣ад̇о взд̇д̇аажарам̣ маг̇г̇ам̣, сан̇гугз каан̣угз годдзд̇ваа г̇анд̇аб̣б̣ад̇о сан̇губат̇ам̣ маг̇г̇ам̣, над̣̇ияо бана жанд̣̇абхааг̇аад̣̇игаа, баб̣б̣ад̇аанан̃жа висамаббад̣̇зсаад̇и звам̣ д̣̇уг̇г̇аа бут̇уд̣̇д̣̇исаа бхог̇анимид̇д̇ам̣ г̇ажчат̇а, звам̣ г̇ажчанд̇аа жа багканд̣̇ияаана багканд̣̇ид̇ваа анубависид̇ваа, барзсам̣ рааж̇уунам̣ виж̇ид̇ам̣ д̇ад̇т̇а взраж̇ж̇агз вид̣̇зсаваасигз мануссз бзгкамаанаа г̇ажчат̇а, звам̣бхууд̇зхи во д̇умхзхи яам̣ суд̇ам̣ ваа ат̇а ваа д̣̇идтам̣ ваа ажчзрагам̣ ажчарияам̣, д̇ам̣ во санд̇игз д̇аад̇аа ваан̣иж̇аа сун̣омаад̇и ад̇д̇ано вимаанасса ажчарияабхаавам̣ д̇зхи гат̇аабзд̇угаамо бужчад̇и.

Tassattho – pāraṃ samuddassāti samuddassa paratīraṃ, imañca īdisaṃ, vaṇṇuṃ vaṇṇupathaṃ vettalatā bandhitvā ācaritabbato vettācaraṃ maggaṃ, saṅkuke khāṇuke koṭṭetvā gantabbato saṅkupathaṃ maggaṃ, nadiyo pana candabhāgādikā, pabbatānañca visamappadesāti evaṃ duggā puthuddisā bhoganimittaṃ gacchatha, evaṃ gacchantā ca pakkhandiyāna pakkhanditvā anupavisitvā, paresaṃ rājūnaṃ vijitaṃ tattha verajjake videsavāsike manusse pekkhamānā gacchatha, evaṃbhūtehi vo tumhehi yaṃ sutaṃ vā atha vā diṭṭhaṃ vā accherakaṃ acchariyaṃ, taṃ vo santike tātā vāṇijā suṇomāti attano vimānassa acchariyabhāvaṃ tehi kathāpetukāmo pucchati.

звам̣ д̣̇звабуд̇д̇зна будтаа ваан̣иж̇аа аахам̣су –

Evaṃ devaputtena puṭṭhā vāṇijā āhaṃsu –

1240.

‘‘ид̇оби ажчзрад̇арам̣ гумаара, на но суд̇ам̣ ваа ат̇а вааби д̣̇идтам̣;

‘‘Itopi accherataraṃ kumāra, na no sutaṃ vā atha vāpi diṭṭhaṃ;

ад̇ийд̇амаанусагамзва саб̣б̣ам̣, д̣̇исваа на д̇аббаама аномаван̣н̣ам̣.

Atītamānusakameva sabbaṃ, disvā na tappāma anomavaṇṇaṃ.

1241.

‘‘взхааяасам̣ богкаран̃н̃о саванд̇и, бахууд̇амаляаа б̣ахубун̣д̣арийгаа;

‘‘Vehāyasaṃ pokkharañño savanti, pahūtamalyā bahupuṇḍarīkā;

д̣̇умаа жимз нижжапалуубабаннаа, ад̇ийва г̇анд̇хаа сурабхим̣ бавааяанд̇и.

Dumā cime niccaphalūpapannā, atīva gandhā surabhiṃ pavāyanti.

1242.

‘‘взл̣уурияат̇амбхаа сад̇амуссид̇аасз, силаабаваал̣асса жа ааяад̇ам̣саа;

‘‘Veḷūriyathambhā satamussitāse, silāpavāḷassa ca āyataṃsā;

масаараг̇аллаа сахалохид̇ан̇г̇аа, т̇амбхаа имз ж̇од̇ирасаамаяаасз.

Masāragallā sahalohitaṅgā, thambhā ime jotirasāmayāse.

1243.

‘‘сахассат̇амбхам̣ ад̇улаанубхаавам̣, д̇зсуубари саад̇хумид̣̇ам̣ вимаанам̣;

‘‘Sahassathambhaṃ atulānubhāvaṃ, tesūpari sādhumidaṃ vimānaṃ;

рад̇ананд̇арам̣ ган̃жанавзд̣̇имиссам̣, д̇абанийяабаддзхи жа саад̇хучаннам̣.

Ratanantaraṃ kañcanavedimissaṃ, tapanīyapaṭṭehi ca sādhuchannaṃ.

1244.

‘‘ж̇амб̣онад̣̇уд̇д̇ад̇д̇амид̣̇ам̣ сумадто, баасаад̣̇асобаанапалуубабанно;

‘‘Jambonaduttattamidaṃ sumaṭṭho, pāsādasopānaphalūpapanno;

д̣̇ал̣хо жа ваг̇г̇у жа сусан̇г̇ад̇о жа, ад̇ийва ниж̇жхаанакамо манун̃н̃о.

Daḷho ca vaggu ca susaṅgato ca, atīva nijjhānakhamo manuñño.

1245.

‘‘рад̇ананд̇арасмим̣ б̣ахуаннабаанам̣, бариваарид̇о ажчараасан̇г̇ан̣зна;

‘‘Ratanantarasmiṃ bahuannapānaṃ, parivārito accharāsaṅgaṇena;

мураж̇аааламб̣арад̇уурияагхудто, абхиванд̣̇ид̇оси т̇уд̇иванд̣̇анааяа.

Murajaālambaratūriyaghuṭṭho, abhivanditosi thutivandanāya.

1246.

‘‘со мод̣̇аси наариг̇ан̣аббаб̣од̇хано, вимаанабаасаад̣̇аварз манорамз;

‘‘So modasi nārigaṇappabodhano, vimānapāsādavare manorame;

ажинд̇ияо саб̣б̣аг̇ун̣уубабанно, рааж̇аа яат̇аа взссаван̣о нал̣иняаа.

Acintiyo sabbaguṇūpapanno, rājā yathā vessavaṇo naḷinyā.

1247.

‘‘д̣̇зво ну ааси уд̣̇авааси яагко,

‘‘Devo nu āsi udavāsi yakkho,

уд̣̇ааху д̣̇звинд̣̇о мануссабхууд̇о;

Udāhu devindo manussabhūto;

бужчанд̇и д̇ам̣ ваан̣иж̇аа сад̇т̇аваахаа,

Pucchanti taṃ vāṇijā satthavāhā,

аажигка го наама д̇увам̣си яагко’’д̇и.

Ācikkha ko nāma tuvaṃsi yakkho’’ti.

1240-2. д̇ад̇т̇а гумаараад̇и батамаваяз тид̇ад̇д̇аа д̣̇звабуд̇д̇ам̣ аалабад̇и. саб̣б̣анд̇и д̣̇звабуд̇д̇ам̣ д̇асса вимаанабадиб̣ад̣̇д̇хан̃жа санд̇хааяа вад̣̇ад̇и. богкаран̃н̃од̇и богкаран̣ияо. сад̇амуссид̇аасзд̇и сад̇арад̇ануб̣б̣зд̇хаа. силаабаваал̣ассаад̇и силааяа баваал̣асса жа, силаамаяаа баваал̣амаяаад̇и ад̇т̇о. ааяад̇ам̣саад̇и д̣̇ийгхам̣саа. ат̇а ваа ааяад̇аа худ̇ваа адтасол̣асад̣̇вад̇д̇им̣саад̣̇иам̣саванд̇о.

1240-2. Tattha kumārāti paṭhamavaye ṭhitattā devaputtaṃ ālapati. Sabbanti devaputtaṃ tassa vimānapaṭibaddhañca sandhāya vadati. Pokkharaññoti pokkharaṇiyo. Satamussitāseti sataratanubbedhā. Silāpavāḷassāti silāya pavāḷassa ca, silāmayā pavāḷamayāti attho. Āyataṃsāti dīghaṃsā. Atha vā āyatā hutvā aṭṭhasoḷasadvattiṃsādiaṃsavanto.

1242. д̇зсуубарийд̇и д̇зсам̣ т̇амбхаанам̣ убари. саад̇хумид̣̇анд̇и сунд̣̇арам̣ ид̣̇ам̣ д̇ава вимаанам̣. рад̇ананд̇аранд̇и рад̇ананд̇араванд̇ам̣, бхид̇д̇ит̇амбхасобаанаад̣̇ийсу наанаавид̇хзхи ан̃н̃зхи рад̇анзхи яуд̇д̇ам̣. ган̃жанавзд̣̇имиссанд̇и суван̣н̣амаяааяа взд̣̇игааяа сахид̇ам̣ баригкид̇д̇ам̣. д̇абанийяабаддзхи жа саад̇хучаннанд̇и д̇абанийяамаязхи анзгарад̇анамаязхи жа чад̣̇анзхи д̇ад̇т̇а д̇ад̇т̇а судту чаад̣̇ид̇ам̣.

1242.Tesūparīti tesaṃ thambhānaṃ upari. Sādhumidanti sundaraṃ idaṃ tava vimānaṃ. Ratanantaranti ratanantaravantaṃ, bhittithambhasopānādīsu nānāvidhehi aññehi ratanehi yuttaṃ. Kañcanavedimissanti suvaṇṇamayāya vedikāya sahitaṃ parikkhittaṃ. Tapanīyapaṭṭehi ca sādhuchannanti tapanīyamayehi anekaratanamayehi ca chadanehi tattha tattha suṭṭhu chāditaṃ.

1244. ж̇амб̣онад̣̇уд̇д̇ад̇д̇амид̣̇анд̇и ид̣̇ам̣ д̇ава вимаанам̣ язбхуяязна уд̇д̇ад̇д̇аж̇амб̣унад̣̇абхаасурам̣. сумадто баасаад̣̇асобаанапалуубабаннод̇и д̇асса жа со со бад̣̇зсо сумадто судту маж̇ж̇ид̇о, д̇зхи д̇зхи ананд̇арабаасаад̣̇зхи собаанависзсзхи раман̣ийязхи палагзхи жа яуд̇д̇о. д̣̇ал̣ход̇и т̇иро. ваг̇г̇ууд̇и абхируубо самуг̇г̇ад̇о. сусан̇г̇ад̇од̇и судту сан̇г̇ад̇ааваяаво ан̃н̃аман̃н̃аануруубабаасаад̣̇ааваяаво. ад̇ийва ниж̇жхаанакамод̇и бабхассарабхаавзби ад̇ивияа ологанагкамо. манун̃н̃од̇и манорамо.

1244.Jambonaduttattamidanti idaṃ tava vimānaṃ yebhuyyena uttattajambunadabhāsuraṃ. Sumaṭṭho pāsādasopānaphalūpapannoti tassa ca so so padeso sumaṭṭho suṭṭhu majjito, tehi tehi anantarapāsādehi sopānavisesehi ramaṇīyehi phalakehi ca yutto. Daḷhoti thiro. Vaggūti abhirūpo samuggato. Susaṅgatoti suṭṭhu saṅgatāvayavo aññamaññānurūpapāsādāvayavo. Atīva nijjhānakhamoti pabhassarabhāvepi ativiya olokanakkhamo. Manuññoti manoramo.

1245. рад̇ананд̇арасминд̇и рад̇анамаяз, рад̇анабхууд̇з ваа саарабхууд̇з вимаанасса аб̣бханд̇арз. б̣ахуаннабаананд̇и бзсалам̣ бахууд̇ам̣ аннан̃жа баанан̃жа виж̇ж̇ад̇и, убалаб̣бхад̇ийд̇и ад̇хиббааяо. мураж̇аааламб̣арад̇уурияагхудтод̇и муд̣̇ин̇г̇аанам̣ ааламб̣араанам̣ авасидтад̇уурияаанан̃жа сад̣̇д̣̇зхи нижжагхосид̇о. абхиванд̣̇ид̇осийд̇и намассид̇о, т̇омид̇о ваа аси. д̇знааха ‘‘т̇ууд̇иванд̣̇анааяаа’’д̇и.

1245.Ratanantarasminti ratanamaye, ratanabhūte vā sārabhūte vimānassa abbhantare. Bahuannapānanti pesalaṃ pahūtaṃ annañca pānañca vijjati, upalabbhatīti adhippāyo. Murajaālambaratūriyaghuṭṭhoti mudiṅgānaṃ ālambarānaṃ avasiṭṭhatūriyānañca saddehi niccaghosito. Abhivanditosīti namassito, thomito vā asi. Tenāha ‘‘thūtivandanāyā’’ti.

1246. ажинд̇ияод̇и ажинд̇зяяаанубхааво. нал̣иняаад̇и звам̣наамагз гийл̣анадтаанз яат̇аа взссаван̣о махаарааж̇аа, звам̣ д̇вам̣ мод̣̇асийд̇и яож̇анаа.

1246.Acintiyoti acinteyyānubhāvo. Naḷinyāti evaṃnāmake kīḷanaṭṭhāne yathā vessavaṇo mahārājā, evaṃ tvaṃ modasīti yojanā.

1247. аасийд̇и аси бхаваси. д̣̇звинд̣̇од̇и сагго д̣̇зварааж̇аа. мануссабхууд̇од̇и мануссзсу бхууд̇о мануссаж̇аад̇иго. яагкод̇и д̣̇зваад̣̇ибхаавам̣ бужчид̇вааби яагкабхаавам̣ аасан̇ганд̇аа вад̣̇анд̇и.

1247.Āsīti asi bhavasi. Devindoti sakko devarājā. Manussabhūtoti manussesu bhūto manussajātiko. Yakkhoti devādibhāvaṃ pucchitvāpi yakkhabhāvaṃ āsaṅkantā vadanti.

ид̣̇аани со д̣̇звабуд̇д̇о ад̇д̇аанам̣ ж̇аанаабзнд̇о –

Idāni so devaputto attānaṃ jānāpento –

1248.

‘‘сзрийсаго наама ахамхи яагко, ганд̇аарияо ван̣н̣убат̇амхи г̇уд̇д̇о;

‘‘Serīsako nāma ahamhi yakkho, kantāriyo vaṇṇupathamhi gutto;

имам̣ бад̣̇зсам̣ абхибаалаяаами, важанагаро взссаван̣асса ран̃н̃о’’д̇и. –

Imaṃ padesaṃ abhipālayāmi, vacanakaro vessavaṇassa rañño’’ti. –

ааха. д̇ад̇т̇а ахамхий яагкод̇и ахам̣ яагко амхи. ганд̇аарияод̇и аарагкан̣ад̇т̇ам̣ ганд̇аарз нияуд̇д̇о. г̇уд̇д̇од̇и г̇обаго. д̇знааха ‘‘абхибаалаяаамий’’д̇и.

Āha. Tattha ahamhī yakkhoti ahaṃ yakkho amhi. Kantāriyoti ārakkhaṇatthaṃ kantāre niyutto. Guttoti gopako. Tenāha ‘‘abhipālayāmī’’ti.

ид̣̇аани ваан̣иж̇аа д̇асса гаммаад̣̇ийни бужчанд̇аа аахам̣су –

Idāni vāṇijā tassa kammādīni pucchantā āhaṃsu –

1249.

‘‘ад̇хижжалад̣̇д̇хам̣ барин̣аамаж̇ам̣ д̇з, саяам̣гад̇ам̣ уд̣̇ааху д̣̇звзхи д̣̇иннам̣;

‘‘Adhiccaladdhaṃ pariṇāmajaṃ te, sayaṃkataṃ udāhu devehi dinnaṃ;

бужчанд̇и д̇ам̣ ваан̣иж̇аа сад̇т̇аваахаа, гат̇ам̣ д̇аяаа лад̣̇д̇хамид̣̇ам̣ манун̃н̃а’’нд̇и.

Pucchanti taṃ vāṇijā satthavāhā, kathaṃ tayā laddhamidaṃ manuñña’’nti.

д̇ад̇т̇а ад̇хижжалад̣̇д̇ханд̇и ад̇хижжасамуббад̇д̇игам̣, яад̣̇ижчагам̣ лад̣̇д̇ханд̇и ад̇т̇о. барин̣аамаж̇ам̣ д̇зд̇и нияад̇исан̇г̇ад̇ибхаавабарин̣ад̇ам̣, гаалабарин̣ад̇ам̣ ваа. саяам̣гад̇анд̇и д̇аяаа саяамзва гад̇ам̣, д̣̇звид̣̇д̇хияаа д̇аяаа саяамзва ниб̣б̣ад̇д̇ид̇анд̇и ад̇т̇о. уд̣̇ааху д̣̇звзхи д̣̇иннанд̇и д̇аяаа аараад̇хид̇зхи д̣̇звзхи басаад̣̇авасзна ниссадтам̣.

Tattha adhiccaladdhanti adhiccasamuppattikaṃ, yadicchakaṃ laddhanti attho. Pariṇāmajaṃ teti niyatisaṅgatibhāvapariṇataṃ, kālapariṇataṃ vā. Sayaṃkatanti tayā sayameva kataṃ, deviddhiyā tayā sayameva nibbattitanti attho. Udāhu devehi dinnanti tayā ārādhitehi devehi pasādavasena nissaṭṭhaṃ.

ид̣̇аани д̣̇звабуд̇д̇о жад̇уроби багаарз бадигкибид̇ваа бун̃н̃амзва абад̣̇исанд̇о –

Idāni devaputto caturopi pakāre paṭikkhipitvā puññameva apadisanto –

1250.

‘‘наад̇хижжалад̣̇д̇хам̣ на барин̣аамаж̇ам̣ мз, на саяам̣гад̇ам̣ на хи д̣̇звзхи д̣̇иннам̣;

‘‘Nādhiccaladdhaṃ na pariṇāmajaṃ me, na sayaṃkataṃ na hi devehi dinnaṃ;

сагзхи гаммзхи абаабагзхи, бун̃н̃зхи мз лад̣̇д̇хамид̣̇ам̣ манун̃н̃а’’нд̇и. –

Sakehi kammehi apāpakehi, puññehi me laddhamidaṃ manuñña’’nti. –

г̇аат̇амааха.

Gāthamāha.

д̇ам̣ суд̇ваа ваан̣иж̇аа буна ‘‘наад̇хижжалад̣̇д̇ха’’нд̇и г̇аат̇ааяам̣ бун̃н̃аад̇хигамзва д̇з жад̇уро багаарз ааробзд̇ваа бун̃н̃асса жа саруубам̣ бужчим̣су –

Taṃ sutvā vāṇijā puna ‘‘nādhiccaladdha’’nti gāthāyaṃ puññādhikameva te caturo pakāre āropetvā puññassa ca sarūpaṃ pucchiṃsu –

1251.

‘‘гим̣ д̇з вад̇ам̣ гим̣ бана б̣рахмажарияам̣, гисса сужин̣н̣асса аяам̣ вибааго;

‘‘Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;

бужчанд̇и д̇ам̣ ваан̣иж̇аа сад̇т̇аваахаа, гат̇ам̣ д̇аяаа лад̣̇д̇хамид̣̇ам̣ вимаана’’нд̇и.

Pucchanti taṃ vāṇijā satthavāhā, kathaṃ tayā laddhamidaṃ vimāna’’nti.

д̇ад̇т̇а вад̇анд̇и вад̇асамаад̣̇аанам̣. б̣рахмажарияанд̇и сздтажарияам̣.

Tattha vatanti vatasamādānaṃ. Brahmacariyanti seṭṭhacariyaṃ.

буна д̣̇звабуд̇д̇о д̇з бадигкибид̇ваа ад̇д̇аанам̣ яат̇уубажид̇ам̣ бун̃н̃ан̃жа д̣̇ассзнд̇о –

Puna devaputto te paṭikkhipitvā attānaṃ yathūpacitaṃ puññañca dassento –

1252.

‘‘мамам̣ бааяаасийд̇и аху саман̃н̃аа, раж̇ж̇ам̣ яад̣̇аа гаараяим̣ госалаанам̣;

‘‘Mamaṃ pāyāsīti ahu samaññā, rajjaṃ yadā kārayiṃ kosalānaṃ;

над̇т̇игад̣̇идти гад̣̇арияо баабад̇хаммо, ужчзд̣̇аваад̣̇ий жа д̇ад̣̇аа ахосим̣.

Natthikadiṭṭhi kadariyo pāpadhammo, ucchedavādī ca tadā ahosiṃ.

1253.

‘‘саман̣о жа ко ааси гумаарагассабо, б̣ахуссуд̇о жид̇д̇агат̇ий ул̣ааро;

‘‘Samaṇo ca kho āsi kumārakassapo, bahussuto cittakathī uḷāro;

со мз д̇ад̣̇аа д̇хаммагат̇ам̣ абхааси, д̣̇идтивисуугаани винод̣̇аяий мз.

So me tadā dhammakathaṃ abhāsi, diṭṭhivisūkāni vinodayī me.

1254.

‘‘д̇аахам̣ д̇асса д̇хаммагат̇ам̣ сун̣ид̇ваа, убаасагад̇д̇ам̣ бадивзд̣̇аяиссам̣;

‘‘Tāhaṃ tassa dhammakathaṃ suṇitvā, upāsakattaṃ paṭivedayissaṃ;

баан̣аад̇ибаад̇аа вирад̇о ахосим̣, логз ад̣̇иннам̣ бариваж̇ж̇аяиссам̣;

Pāṇātipātā virato ahosiṃ, loke adinnaṃ parivajjayissaṃ;

амаж̇ж̇або но жа мусаа абхаан̣им̣, сагзна д̣̇аарзна жа ахосим̣ д̇удто.

Amajjapo no ca musā abhāṇiṃ, sakena dārena ca ahosiṃ tuṭṭho.

1255.

‘‘д̇ам̣ мз вад̇ам̣ д̇ам̣ бана б̣рахмажарияам̣, д̇асса сужин̣н̣асса аяам̣ вибааго;

‘‘Taṃ me vataṃ taṃ pana brahmacariyaṃ, tassa suciṇṇassa ayaṃ vipāko;

д̇зхзва гаммзхи абаабагзхи, бун̃н̃зхи мз лад̣̇д̇хамид̣̇ам̣ вимаана’’нд̇и. –

Teheva kammehi apāpakehi, puññehi me laddhamidaṃ vimāna’’nti. –

ааха. д̇ам̣ сувин̃н̃зяяамзва.

Āha. Taṃ suviññeyyameva.

ат̇а ваан̣иж̇аа д̣̇звабуд̇д̇ам̣ вимаанан̃жасса бажжагкад̇о д̣̇исваа гаммапалам̣ сад̣̇д̣̇ахид̇ваа ад̇д̇ано гаммапалз сад̣̇д̇хам̣ бавзд̣̇знд̇аа –

Atha vāṇijā devaputtaṃ vimānañcassa paccakkhato disvā kammaphalaṃ saddahitvā attano kammaphale saddhaṃ pavedentā –

1256.

‘‘сажжам̣ гираахам̣су нараа сабан̃н̃аа, анан̃н̃ат̇аа важанам̣ бан̣д̣ид̇аанам̣;

‘‘Saccaṃ kirāhaṃsu narā sapaññā, anaññathā vacanaṃ paṇḍitānaṃ;

яахим̣ яахим̣ г̇ажчад̇и бун̃н̃агаммо, д̇ахим̣ д̇ахим̣ мод̣̇ад̇и гаамагаамий.

Yahiṃ yahiṃ gacchati puññakammo, tahiṃ tahiṃ modati kāmakāmī.

1257.

‘‘яахим̣ яахим̣ согабарид̣̇д̣̇аво жа, вад̇хо жа б̣анд̇хо жа бариггилзсо;

‘‘Yahiṃ yahiṃ sokapariddavo ca, vadho ca bandho ca parikkileso;

д̇ахим̣ д̇ахим̣ г̇ажчад̇и баабагаммо, на мужжад̇и д̣̇уг̇г̇ад̇ияаа гад̣̇аажий’’д̇и. –

Tahiṃ tahiṃ gacchati pāpakammo, na muccati duggatiyā kadācī’’ti. –

г̇аат̇аад̣̇ваяам̣ авожум̣. д̇ад̇т̇а согабарид̣̇д̣̇авод̇и сого жа барид̣̇зво жа. бариггилзсод̇и вуд̇д̇аа анад̇т̇уббад̇д̇и.

Gāthādvayaṃ avocuṃ. Tattha sokapariddavoti soko ca paridevo ca. Parikkilesoti vuttā anatthuppatti.

звам̣ д̇зсу гат̇знд̇зсуязва вимаанад̣̇ваарз сирийсаругкад̇о барибаагзна муд̇д̇аб̣анд̇ханаа барибаггаа сибаадигаа бад̇и, д̇зна д̣̇звабуд̇д̇о сабариж̇ано д̣̇оманассаббад̇д̇о ахоси. д̇ам̣ д̣̇исваа ваан̣иж̇аа –

Evaṃ tesu kathentesuyeva vimānadvāre sirīsarukkhato paripākena muttabandhanā paripakkā sipāṭikā pati, tena devaputto saparijano domanassappatto ahosi. Taṃ disvā vāṇijā –

1258.

‘‘саммуул̣харуубова ж̇ано ахоси, асмим̣ мухуд̇д̇з галалийгад̇ова;

‘‘Sammūḷharūpova jano ahosi, asmiṃ muhutte kalalīkatova;

ж̇анассимасса д̇уяхан̃жа гумаара, аббажжаяо гзна ну ко ахосий’’д̇и. –

Janassimassa tuyhañca kumāra, appaccayo kena nu kho ahosī’’ti. –

г̇аат̇амаахам̣су. д̇ад̇т̇а саммуул̣харуубоваад̇и согавасзна саб̣б̣асо муул̣хасабхааво вияа. ж̇анод̇и д̣̇зваж̇ано. асмим̣ мухуд̇д̇зд̇и имасмим̣ мухуд̇д̇амад̇д̇з . галалийгад̇од̇и галалам̣ вияа гад̇о, галаланиссид̇ауд̣̇агийбхууд̇о вияа аавилод̇и ад̇хиббааяо. ж̇анассимасса д̇уяхан̃жаад̇и имасса д̇ава бариж̇анасса д̇уяхан̃жа. аббажжаяод̇и д̣̇оманассам̣.

Gāthamāhaṃsu. Tattha sammūḷharūpovāti sokavasena sabbaso mūḷhasabhāvo viya. Janoti devajano. Asmiṃ muhutteti imasmiṃ muhuttamatte . Kalalīkatoti kalalaṃ viya kato, kalalanissitaudakībhūto viya āviloti adhippāyo. Janassimassa tuyhañcāti imassa tava parijanassa tuyhañca. Appaccayoti domanassaṃ.

д̇ам̣ суд̇ваа д̣̇звабуд̇д̇о –

Taṃ sutvā devaputto –

1259.

‘‘имз жа сирийсаванаа д̇аад̇аа, д̣̇иб̣б̣аа г̇анд̇хаа сурабхий самбаванд̇и;

‘‘Ime ca sirīsavanā tātā, dibbā gandhā surabhī sampavanti;

д̇з самбавааяанд̇и имам̣ вимаанам̣, д̣̇иваа жа рад̇д̇о жа д̇амам̣ ниханд̇ваа.

Te sampavāyanti imaṃ vimānaṃ, divā ca ratto ca tamaṃ nihantvā.

1260.

‘‘имзсан̃жа ко вассасад̇ажжаязна, сибаадигаа палад̇и згамзгаа;

‘‘Imesañca kho vassasataccayena, sipāṭikā phalati ekamekā;

маануссагам̣ вассасад̇ам̣ ад̇ийд̇ам̣, яад̣̇аг̇г̇з гааяамхи ид̇хуубабанно.

Mānussakaṃ vassasataṃ atītaṃ, yadagge kāyamhi idhūpapanno.

1261.

‘‘д̣̇исваанахам̣ вассасад̇аани бан̃жа,

‘‘Disvānahaṃ vassasatāni pañca,

асмим̣ вимаанз тад̇ваана д̇аад̇аа;

Asmiṃ vimāne ṭhatvāna tātā;

ааяугкаяаа бун̃н̃агкаяаа жависсам̣,

Āyukkhayā puññakkhayā cavissaṃ,

д̇знзва согзна бамужчид̇осмий’’д̇и. – ааха;

Teneva sokena pamucchitosmī’’ti. – āha;

1256. д̇ад̇т̇а сирийсаванаад̇и сирийсавибинад̇о. д̇аад̇аад̇и ваан̣иж̇з аалабад̇и. имз д̇умхаагам̣ маяхан̃жа бажжагкабхууд̇аа д̣̇иб̣б̣аа г̇анд̇хаа сурабхий ад̇ивияа суг̇анд̇хааязва саманд̇ад̇о баванд̇и бавааяанд̇и. д̇з д̣̇иб̣б̣аа г̇анд̇хаа звам̣ вааяанд̇аа имам̣ вимаанам̣ самбавааяанд̇и саммад̣̇зва г̇анд̇хам̣ г̇аахаабзнд̇и, на гзвалам̣ самбавааяанамзва, ат̇а ко ад̇д̇ано бабхааяа д̇амамби ниханд̇и. д̇знааха ‘‘д̣̇иваа жа рад̇д̇о жа д̇амам̣ ниханд̇ваа’’д̇и.

1256. Tattha sirīsavanāti sirīsavipinato. Tātāti vāṇije ālapati. Ime tumhākaṃ mayhañca paccakkhabhūtā dibbā gandhā surabhī ativiya sugandhāyeva samantato pavanti pavāyanti. Te dibbā gandhā evaṃ vāyantā imaṃ vimānaṃ sampavāyanti sammadeva gandhaṃ gāhāpenti, na kevalaṃ sampavāyanameva, atha kho attano pabhāya tamampi nihanti. Tenāha ‘‘divā ca ratto ca tamaṃ nihantvā’’ti.

1260-61. имзсанд̇и сирийсаанам̣. сибаадигаад̇и палагудтилигаа. палад̇ийд̇и бажжид̇ваа ван̣дад̇о мужжад̇и, будабхзд̣̇ам̣ ваа бад̇ваа сиссад̇и. маануссагам̣ вассасад̇ам̣ ад̇ийд̇анд̇и яасмаа вассасад̇асса ажжаязна имасса сирийсасса сибаадигаа палад̇и, аяан̃жа палид̇аа, д̇асмаа маяхам̣ маануссагам̣ вассасад̇ам̣ ад̇ийд̇ам̣. яад̣̇аг̇г̇з яад̇о бадтааяа, гааяамхи ид̇ха имасмим̣ д̣̇званигааяз убабанно ниб̣б̣ад̇д̇о. маяхан̃жа д̣̇зваг̇ан̣анааяа бан̃жа вассасад̇аани ааяу, д̇асмаа кийяад̇и мз ааяууд̇и согавасзна самбамуул̣ход̇и д̣̇ассзд̇и. д̇знааха ‘‘д̣̇исваанахам̣ вассасад̇аани бан̃жа…бз… д̇знзва согзна бамужчид̇осмий’’д̇и.

1260-61.Imesanti sirīsānaṃ. Sipāṭikāti phalakuṭṭhilikā. Phalatīti paccitvā vaṇṭato muccati, puṭabhedaṃ vā patvā sissati. Mānussakaṃ vassasataṃ atītanti yasmā vassasatassa accayena imassa sirīsassa sipāṭikā phalati, ayañca phalitā, tasmā mayhaṃ mānussakaṃ vassasataṃ atītaṃ. Yadagge yato paṭṭhāya, kāyamhi idha imasmiṃ devanikāye upapanno nibbatto. Mayhañca devagaṇanāya pañca vassasatāni āyu, tasmā khīyati me āyūti sokavasena sampamūḷhoti dasseti. Tenāha ‘‘disvānahaṃ vassasatāni pañca…pe… teneva sokena pamucchitosmī’’ti.

ат̇а нам̣ ваан̣иж̇аа самассаасзнд̇о –

Atha naṃ vāṇijā samassāsento –

1262.

‘‘гат̇ам̣ ну сожзяяа д̇ат̇аавид̇хо со, лад̣̇д̇хаа вимаанам̣ ад̇улам̣ жирааяа;

‘‘Kathaṃ nu soceyya tathāvidho so, laddhā vimānaṃ atulaṃ cirāya;

яз жааби ко ид̇д̇арамубабаннаа, д̇з нууна сожзяяум̣ барид̇д̇абун̃н̃аа’’д̇и. –

Ye cāpi kho ittaramupapannā, te nūna soceyyuṃ parittapuññā’’ti. –

аахам̣су. д̇ад̇т̇а яаад̣̇исзхи аббааяугзхи маран̣ам̣ бадижжа сожид̇аб̣б̣ам̣ сияаа, д̇аад̣̇исо бана звам̣ д̣̇иб̣б̣аанубхаавасамбанно навуд̇ивассасад̇асахассааяуго гат̇ам̣ ну сожзяяа, на сожид̇аб̣б̣амзваад̇и ад̇хиббааяо.

Āhaṃsu. Tattha yādisehi appāyukehi maraṇaṃ paṭicca socitabbaṃ siyā, tādiso pana evaṃ dibbānubhāvasampanno navutivassasatasahassāyuko kathaṃ nu soceyya, na socitabbamevāti adhippāyo.

д̣̇звабуд̇д̇о д̇ад̇д̇агзнзва самассаасзд̇ваа д̇зсам̣ важанам̣ самбадижчанд̇о д̇зсан̃жа убад̣̇зсам̣ д̣̇знд̇о –

Devaputto tattakeneva samassāsetvā tesaṃ vacanaṃ sampaṭicchanto tesañca upadesaṃ dento –

1263.

‘‘анужчавим̣ овад̣̇ияан̃жа мзд̇ам̣, яам̣ мам̣ д̇умхз бзяяаваажам̣ вад̣̇зт̇а;

‘‘Anucchaviṃ ovadiyañca metaṃ, yaṃ maṃ tumhe peyyavācaṃ vadetha;

д̇умхз жа ко д̇аад̇аа маяаануг̇уд̇д̇аа, язхижчагам̣ д̇зна балзт̇а сод̇т̇и’’нд̇и. –

Tumhe ca kho tātā mayānuguttā, yehicchakaṃ tena paletha sotthi’’nti. –

г̇аат̇амааха. д̇ад̇т̇а анужчавинд̇и анужчавигам̣, д̇умхаагамзва д̇ам̣ яуд̇д̇аруубам̣. овад̣̇ияан̃жа мзд̇анд̇и мз маяхам̣ д̇умхзхи овад̣̇ияам̣ оваад̣̇авасзна вад̇д̇аб̣б̣амзд̇ам̣. яам̣ яасмаа, мам̣ маяхам̣, д̇умхз ‘‘гат̇ам̣ ну сожзяяа’’нд̇иаад̣̇инаа бзяяаваажам̣ бияаважанам̣ вад̣̇зт̇а. яам̣ ваа бзяяаваажааяа вад̣̇анам̣ гат̇анам̣, д̇ам̣ д̇умхаагамзва анужчавиганд̇и яож̇анаа. ат̇а ваа яам̣ яасмаа д̇умхз бзяяаваажам̣ вад̣̇зт̇а, д̇асмаа анужчавигам̣ овад̣̇ияан̃жа овад̣̇ид̇аб̣б̣ам̣ оваад̣̇аануруубам̣ гаад̇аб̣б̣ан̃жа мз маяаа гад̇ам̣, гим̣ бана д̇анд̇и ааха ‘‘д̇умхз жа ко д̇аад̇аа’’д̇иаад̣̇и. д̇ад̇т̇а маяаануг̇уд̇д̇аад̇и имасмим̣ амануссабариг̇г̇ахз маруганд̇аарз яаава ганд̇аараад̇иггамаа маяаа ануг̇уд̇д̇аа рагкид̇аа, язнижчагам̣ яат̇ааружид̇зна, сод̇т̇им̣ кзмзна, балзт̇а г̇ажчат̇аад̇и ад̇т̇о.

Gāthamāha. Tattha anucchavinti anucchavikaṃ, tumhākameva taṃ yuttarūpaṃ. Ovadiyañca metanti me mayhaṃ tumhehi ovadiyaṃ ovādavasena vattabbametaṃ. Yaṃ yasmā, maṃ mayhaṃ, tumhe ‘‘kathaṃ nu soceyya’’ntiādinā peyyavācaṃ piyavacanaṃ vadetha. Yaṃ vā peyyavācāya vadanaṃ kathanaṃ, taṃ tumhākameva anucchavikanti yojanā. Atha vā yaṃ yasmā tumhe peyyavācaṃ vadetha, tasmā anucchavikaṃ ovadiyañca ovaditabbaṃ ovādānurūpaṃ kātabbañca me mayā kataṃ, kiṃ pana tanti āha ‘‘tumhe ca kho tātā’’tiādi. Tattha mayānuguttāti imasmiṃ amanussapariggahe marukantāre yāva kantārātikkamā mayā anuguttā rakkhitā, yenicchakaṃ yathārucitena, sotthiṃ khemena, paletha gacchathāti attho.

ат̇а ваан̣иж̇аа гад̇ан̃н̃убхаавам̣ багаасзнд̇аа –

Atha vāṇijā kataññubhāvaṃ pakāsentā –

1264.

‘‘г̇анд̇ваа маяам̣ синд̇хусовийрабхуумим̣, д̇ханад̇т̇игаа уд̣̇д̣̇аяам̣ бад̇т̇аяаанаа;

‘‘Gantvā mayaṃ sindhusovīrabhūmiṃ, dhanatthikā uddayaṃ patthayānā;

яат̇аабаяог̇аа барибун̣н̣ажааг̇аа, гаахаама сзрийсамахам̣ ул̣ааранд̇и. –

Yathāpayogā paripuṇṇacāgā, kāhāma serīsamahaṃ uḷāranti. –

г̇аат̇амаахам̣су. д̇ад̇т̇а яат̇аабаяог̇аад̇и ид̣̇аани гад̇абадин̃н̃аануруубабаяог̇аа. барибун̣н̣ажааг̇аад̇и самад̇д̇ажааг̇аа, ул̣аарасса махасса барияад̇д̇абарижжааг̇аа. маханд̇и уссавабууж̇ам̣.

Gāthamāhaṃsu. Tattha yathāpayogāti idāni katapaṭiññānurūpapayogā. Paripuṇṇacāgāti samattacāgā, uḷārassa mahassa pariyattapariccāgā. Mahanti ussavapūjaṃ.

буна д̣̇звабуд̇д̇о махагаран̣ам̣ бадигкибанд̇о гад̇д̇аб̣б̣зсу жа д̇з нияож̇знд̇о –

Puna devaputto mahakaraṇaṃ paṭikkhipanto kattabbesu ca te niyojento –

1265.

‘‘маа жзва сзрийсамахам̣ агад̇т̇а, саб̣б̣ан̃жа во бхависсад̇и яам̣ вад̣̇зт̇а;

‘‘Mā ceva serīsamahaṃ akattha, sabbañca vo bhavissati yaṃ vadetha;

баабаани гаммаани виваж̇ж̇аяаат̇а, д̇хаммаануяог̇ан̃жа ад̇хидтахаат̇аа’’д̇и. –

Pāpāni kammāni vivajjayātha, dhammānuyogañca adhiṭṭhahāthā’’ti. –

г̇аат̇амааха. д̇ад̇т̇а яам̣ вад̣̇зт̇аад̇и яам̣ д̇умхз кзмзна синд̇хусовийрад̣̇зсабад̇д̇им̣ д̇ад̇т̇а жа вибулам̣ уд̣̇д̣̇аяам̣ лаабхам̣ бажжаасийсанд̇аа ‘‘г̇анд̇ваа маяа’’нд̇иаад̣̇ийни вад̣̇ат̇а. саб̣б̣ам̣ д̇ам̣ во д̇умхаагам̣ д̇ат̇зва бхависсад̇и, д̇ад̇т̇а нигган̇каа хот̇а, д̇умхз бана ид̇о бадтааяа баабаани гаммаани баан̣аад̇ибаад̇аад̣̇ийни виваж̇ж̇аяаат̇а бариваж̇ж̇зт̇а. д̇хаммаануяог̇анд̇и д̣̇аанаад̣̇игусалад̇хаммасса ануяун̃ж̇анам̣. ад̇хидтахаат̇аад̇и анусигкат̇а ид̣̇ам̣ сзрийсагамаханд̇и д̣̇ассзд̇и.

Gāthamāha. Tattha yaṃ vadethāti yaṃ tumhe khemena sindhusovīradesapattiṃ tattha ca vipulaṃ uddayaṃ lābhaṃ paccāsīsantā ‘‘gantvā maya’’ntiādīni vadatha. Sabbaṃ taṃ vo tumhākaṃ tatheva bhavissati, tattha nikkaṅkhā hotha, tumhe pana ito paṭṭhāya pāpāni kammāni pāṇātipātādīni vivajjayātha parivajjetha. Dhammānuyoganti dānādikusaladhammassa anuyuñjanaṃ. Adhiṭṭhahāthāti anusikkhatha idaṃ serīsakamahanti dasseti.

яам̣ бана убаасагам̣ ануг̇г̇ан̣ханд̇о д̇зсам̣ рагкааваран̣ам̣ гаад̇угаамо ахоси, д̇асса г̇ун̣ам̣ гид̇д̇зд̇ваа д̇ам̣ д̇зсам̣ уд̣̇д̣̇исанд̇о имаа г̇аат̇ааяо ааха –

Yaṃ pana upāsakaṃ anuggaṇhanto tesaṃ rakkhāvaraṇaṃ kātukāmo ahosi, tassa guṇaṃ kittetvā taṃ tesaṃ uddisanto imā gāthāyo āha –

1266.

‘‘убаасаго ад̇т̇и имамхи сан̇гхз, б̣ахуссуд̇о сийлавад̇уубабанно;

‘‘Upāsako atthi imamhi saṅghe, bahussuto sīlavatūpapanno;

сад̣̇д̇хо жа жааг̇ий жа субзсало жа, вижагкан̣о санд̇усид̇о муд̇иймаа.

Saddho ca cāgī ca supesalo ca, vicakkhaṇo santusito mutīmā.

1267.

‘‘сан̃ж̇аанамаано на мусаа бхан̣зяяа, баруубагхаад̇ааяа на жзд̇аязяяа;

‘‘Sañjānamāno na musā bhaṇeyya, parūpaghātāya na cetayeyya;

взбхууд̇игам̣ бзсун̣ам̣ но гарзяяа, сан̣хан̃жа ваажам̣ сакилам̣ бхан̣зяяа.

Vebhūtikaṃ pesuṇaṃ no kareyya, saṇhañca vācaṃ sakhilaṃ bhaṇeyya.

1268.

‘‘саг̇аараво саббад̇иссо винийд̇о, абаабаго ад̇хисийлз висуд̣̇д̇хо;

‘‘Sagāravo sappatisso vinīto, apāpako adhisīle visuddho;

со маад̇арам̣ бид̇аран̃жааби ж̇анд̇у, д̇хаммзна босзд̇и арияавуд̇д̇и.

So mātaraṃ pitarañcāpi jantu, dhammena poseti ariyavutti.

1269.

‘‘ман̃н̃з со маад̇аабид̇уунам̣ гааран̣аа, бхог̇аани бариязсад̇и на ад̇д̇ахзд̇у;

‘‘Maññe so mātāpitūnaṃ kāraṇā, bhogāni pariyesati na attahetu;

маад̇аабид̇уунан̃жа яо ажжаязна, нзгкаммабон̣о жариссад̇и б̣рахмажарияам̣.

Mātāpitūnañca yo accayena, nekkhammapoṇo carissati brahmacariyaṃ.

1270.

‘‘уж̇уу аван̇го асато амааяо, на лзсагаббзна жа вохарзяяа;

‘‘Ujū avaṅko asaṭho amāyo, na lesakappena ca vohareyya;

со д̇аад̣̇исо сугад̇агаммагаарий, д̇хаммз тид̇о гинд̇и лабхзт̇а д̣̇угкам̣.

So tādiso sukatakammakārī, dhamme ṭhito kinti labhetha dukkhaṃ.

1271.

‘‘д̇ам̣гааран̣аа баад̇угад̇омхи ад̇д̇анаа, д̇асмаа д̇хаммам̣ бассат̇а ваан̣иж̇аасз;

‘‘Taṃkāraṇā pātukatomhi attanā, tasmā dhammaṃ passatha vāṇijāse;

ан̃н̃ад̇ра д̇зниха бхасмий бхавзт̇а, анд̇хаагулаа виббанадтаа аран̃н̃з;

Aññatra teniha bhasmī bhavetha, andhākulā vippanaṭṭhā araññe;

д̇ам̣ киббамаанзна лахум̣ барзна, суко хавз саббурисзна сан̇г̇амо’’д̇и.

Taṃ khippamānena lahuṃ parena, sukho have sappurisena saṅgamo’’ti.

1266. д̇ад̇т̇а сан̇гхзд̇и сад̇д̇асамуухз. вижагкан̣од̇и д̇ад̇т̇а д̇ад̇т̇а гад̇д̇аб̣б̣ад̇ааяа гусало. санд̇усид̇од̇и санд̇удто. муд̇иймаад̇и гаммассагад̇ан̃аан̣аад̣̇инаа ид̇халогабаралогахид̇аанам̣ мунанад̇о муд̇имаа.

1266. Tattha saṅgheti sattasamūhe. Vicakkhaṇoti tattha tattha kattabbatāya kusalo. Santusitoti santuṭṭho. Mutīmāti kammassakatañāṇādinā idhalokaparalokahitānaṃ munanato mutimā.

1267. сан̃ж̇аанамаано на мусаа бхан̣зяяаад̇и самбаж̇аанамусаа на бхаасзяяа. взбхууд̇иганд̇и сахид̇аанам̣ винаабхаавагаран̣ад̇о ‘‘взбхууд̇ига’’нд̇и лад̣̇д̇ханаамам̣ бисун̣ам̣, но гарзяяа на вад̣̇зяяа.

1267.Sañjānamāno na musā bhaṇeyyāti sampajānamusā na bhāseyya. Vebhūtikanti sahitānaṃ vinābhāvakaraṇato ‘‘vebhūtika’’nti laddhanāmaṃ pisuṇaṃ, no kareyya na vadeyya.

1268. саббад̇иссод̇и бад̇иссаяо г̇арудтааниязсу ниваад̇авуд̇д̇игад̇д̇аа соражжам̣, саха бад̇иссзнаад̇и саббад̇иссо. ад̇хисийлзд̇и убаасагзна рагкид̇аб̣б̣аад̇хисийласигкааяа. арияавуд̇д̇ийд̇и барисуд̣̇д̇хавуд̇д̇и.

1268.Sappatissoti patissayo garuṭṭhāniyesu nivātavuttikattā soraccaṃ, saha patissenāti sappatisso. Adhisīleti upāsakena rakkhitabbaadhisīlasikkhāya. Ariyavuttīti parisuddhavutti.

1269. нзгкаммабон̣од̇и ниб̣б̣аананинно. жариссад̇и б̣рахмажарияанд̇и баб̣б̣аж̇ж̇ам̣ саасанаб̣рахмажарияам̣ жариссад̇и.

1269.Nekkhammapoṇoti nibbānaninno. Carissati brahmacariyanti pabbajjaṃ sāsanabrahmacariyaṃ carissati.

1270. лзсагаббзнаад̇и габбияалзсзна. на жа вохарзяяаад̇и мааяаасаатзяяавасзна важанам̣ на нижчаарзяяа. д̇хаммз тид̇о гинд̇и лабхзт̇а д̣̇угканд̇и звам̣ вуд̇д̇анаязна д̇хаммз тид̇о д̇хаммажаарий самажаарий гинд̇и гзна багаарзна д̣̇угкам̣ лабхзт̇а баабун̣зяяа.

1270.Lesakappenāti kappiyalesena. Na ca vohareyyāti māyāsāṭheyyavasena vacanaṃ na nicchāreyya. Dhamme ṭhito kinti labhetha dukkhanti evaṃ vuttanayena dhamme ṭhito dhammacārī samacārī kinti kena pakārena dukkhaṃ labhetha pāpuṇeyya.

1271. д̇ам̣гааран̣аад̇и д̇аннимид̇д̇ам̣ д̇асса убаасагасса хзд̇у. баад̇угад̇омхи ад̇д̇анаад̇и саяамзва д̇умхаагам̣ ахам̣ баад̇урахосим̣. ‘‘ад̇д̇аана’’нд̇иби баато, мама ад̇д̇аанам̣ д̇умхаагам̣ баад̇ваагаасинд̇и ад̇т̇о. д̇асмаад̇и яасмаа ахам̣ д̇хаммам̣ абажааяамаано д̇ам̣ рагканд̇о д̇умхзби рагкаами, д̇асмаа д̇хаммам̣ бассат̇а д̇хаммамзва жарид̇аб̣б̣ам̣ гад̇ваа ологзт̇а. ан̃н̃ад̇ра д̇зниха бхасмий бхавзт̇аад̇и д̇зна убаасагзна винаа жз ааг̇ад̇аа, имасмим̣ маруганд̇аарз анаат̇аа аббадисаран̣аа бхасмабхаавам̣ г̇ажчзяяаат̇а. киббамаанзнаад̇и звам̣ киббанд̇зна вамбханд̇зна бийл̣анд̇зна. лахунд̇и сугарам̣. барзнаад̇и ад̇хигам̣, ан̃н̃зна ваа. д̇асмаа суко хавз саббурисзна сан̇г̇амод̇и. со хи канд̇исоражжз нивидто гзнажи гин̃жи вуд̇д̇оби на бадибпарад̇ийд̇и ад̇хиббааяо.

1271.Taṃkāraṇāti tannimittaṃ tassa upāsakassa hetu. Pātukatomhi attanāti sayameva tumhākaṃ ahaṃ pāturahosiṃ. ‘‘Attāna’’ntipi pāṭho, mama attānaṃ tumhākaṃ pātvākāsinti attho. Tasmāti yasmā ahaṃ dhammaṃ apacāyamāno taṃ rakkhanto tumhepi rakkhāmi, tasmā dhammaṃ passatha dhammameva caritabbaṃ katvā oloketha. Aññatra teniha bhasmī bhavethāti tena upāsakena vinā ce āgatā, imasmiṃ marukantāre anāthā appaṭisaraṇā bhasmabhāvaṃ gaccheyyātha. Khippamānenāti evaṃ khippantena vambhantena pīḷantena. Lahunti sukaraṃ. Parenāti adhikaṃ, aññena vā. Tasmā sukho have sappurisena saṅgamoti. So hi khantisoracce niviṭṭho kenaci kiñci vuttopi na paṭippharatīti adhippāyo.

звам̣ сааман̃н̃ад̇о гид̇д̇ид̇ам̣ саруубад̇о н̃аад̇угаамаа ваан̣иж̇аа –

Evaṃ sāmaññato kittitaṃ sarūpato ñātukāmā vāṇijā –

1272.

‘‘гим̣ наама со гин̃жа гарод̇и гаммам̣,

‘‘Kiṃ nāma so kiñca karoti kammaṃ,

гим̣ наамад̇хзяяам̣ гим̣ бана д̇асса г̇од̇д̇ам̣;

Kiṃ nāmadheyyaṃ kiṃ pana tassa gottaṃ;

маяамби нам̣ д̣̇адтугаамамха яагка, яассаанугамбааяа ид̇хааг̇ад̇оси;

Mayampi naṃ daṭṭhukāmamha yakkha, yassānukampāya idhāgatosi;

лаабхаа хи д̇асса яасса д̇увам̣ бихзсий’’д̇и. –

Lābhā hi tassa yassa tuvaṃ pihesī’’ti. –

г̇аат̇амаахам̣су. д̇ад̇т̇а гим̣ наама сод̇и наамад̇о со ж̇анд̇у сад̇д̇о го наама. гин̃жа гарод̇и гамманд̇и гасиван̣иж̇ж̇аад̣̇ийсу гийд̣̇исам̣ гаммам̣ гарод̇и. гим̣ наамад̇хзяяанд̇и маад̇аабид̇уухи гад̇ам̣ бана ‘‘д̇иссо пуссо’’д̇иаад̣̇ийсу д̇асса гим̣ наамад̇хзяяам̣, ‘‘бхаг̇г̇аво бхаарад̣̇вааж̇о’’д̇иаад̣̇ийсу гим̣ ваа д̇асса г̇од̇д̇ам̣. яасса д̇увам̣ бихзсийд̇и яам̣ д̇увам̣ бияааяаси.

Gāthamāhaṃsu. Tattha kiṃ nāma soti nāmato so jantu satto ko nāma. Kiñca karoti kammanti kasivaṇijjādīsu kīdisaṃ kammaṃ karoti. Kiṃnāmadheyyanti mātāpitūhi kataṃ pana ‘‘tisso phusso’’tiādīsu tassa kiṃ nāmadheyyaṃ, ‘‘bhaggavo bhāradvājo’’tiādīsu kiṃ vā tassa gottaṃ. Yassa tuvaṃ pihesīti yaṃ tuvaṃ piyāyasi.

ид̣̇аани д̣̇звабуд̇д̇о д̇ам̣ наамаг̇од̇д̇аад̣̇ивасзна д̣̇ассзнд̇о –

Idāni devaputto taṃ nāmagottādivasena dassento –

1273.

‘‘яо габбаго самбхаванаамад̇хзяяо,

‘‘Yo kappako sambhavanāmadheyyo,

убаасаго гожчапалуубаж̇ийвий;

Upāsako kocchaphalūpajīvī;

ж̇аанаат̇а нам̣ д̇умхаагам̣ бзсияо со,

Jānātha naṃ tumhākaṃ pesiyo so,

маа ко нам̣ хийл̣ид̇т̇а субзсало со’’д̇и. –

Mā kho naṃ hīḷittha supesalo so’’ti. –

ааха. д̇ад̇т̇а габбагод̇и нхаабид̇о. самбхаванаамад̇хзяяод̇и самбхавод̇и звам̣наамо. гожчапалуубаж̇ийвийд̇и гожчан̃жа палан̃жа убаниссааяа ж̇ийванаго. д̇ад̇т̇а гожчам̣ наама аал̣агаад̣̇исан̣таабанад̇т̇ам̣ гзсаад̣̇ийнам̣ улликанасаад̇ханам̣. бзсияо бзсанагаараго взяяааважжагаро.

Āha. Tattha kappakoti nhāpito. Sambhavanāmadheyyoti sambhavoti evaṃnāmo. Kocchaphalūpajīvīti kocchañca phalañca upanissāya jīvanako. Tattha kocchaṃ nāma āḷakādisaṇṭhāpanatthaṃ kesādīnaṃ ullikhanasādhanaṃ. Pesiyo pesanakārako veyyāvaccakaro.

ид̣̇аани ваан̣иж̇аа д̇ам̣ сан̃ж̇аанид̇ваа аахам̣су –

Idāni vāṇijā taṃ sañjānitvā āhaṃsu –

1274.

‘‘ж̇аанаамасз яам̣ д̇вам̣ бавад̣̇зси яагка, на ко нам̣ ж̇аанаама са зд̣̇исод̇и;

‘‘Jānāmase yaṃ tvaṃ pavadesi yakkha, na kho naṃ jānāma sa edisoti;

маяамби нам̣ бууж̇аяиссаама яагка, суд̇ваана д̇уяхам̣ важанам̣ ул̣аара’’нд̇и.

Mayampi naṃ pūjayissāma yakkha, sutvāna tuyhaṃ vacanaṃ uḷāra’’nti.

д̇ад̇т̇а ж̇аанаамасзд̇и яам̣ д̇вам̣ вад̣̇зси, д̇ам̣ маяам̣ саруубад̇о ж̇аанаама. зд̣̇исод̇и г̇ун̣ад̇о бана яат̇аа д̇аяаа гид̇д̇ид̇ам̣, звам̣ зд̣̇исод̇и д̇ам̣ на ко ж̇аанаама, яат̇аа д̇ам̣ авид̣̇д̣̇асунод̇и ад̇хиббааяо.

Tattha jānāmaseti yaṃ tvaṃ vadesi, taṃ mayaṃ sarūpato jānāma. Edisoti guṇato pana yathā tayā kittitaṃ, evaṃ edisoti taṃ na kho jānāma, yathā taṃ aviddasunoti adhippāyo.

ид̣̇аани д̣̇звабуд̇д̇о д̇з ад̇д̇ано вимаанам̣ ааробзд̇ваа анусаасанад̇т̇ам̣ –

Idāni devaputto te attano vimānaṃ āropetvā anusāsanatthaṃ –

1275.

‘‘яз гзжи имасмим̣ сад̇т̇з мануссаа, д̣̇ахараа маханд̇аа ат̇авааби маж̇жхимаа;

‘‘Ye keci imasmiṃ satthe manussā, daharā mahantā athavāpi majjhimā;

саб̣б̣зва д̇з ааламб̣анд̇у вимаанам̣, бассанд̇у бун̃н̃аанам̣ палам̣ гад̣̇арияаа’’д̇и. –

Sabbeva te ālambantu vimānaṃ, passantu puññānaṃ phalaṃ kadariyā’’ti. –

г̇аат̇амааха . д̇ад̇т̇а маханд̇аад̇и вуд̣дхаа. ааламб̣анд̇ууд̇и аароханд̇у. гад̣̇арияаад̇и мажчарино ад̣̇аанасийлаа.

Gāthamāha . Tattha mahantāti vuḍḍhā. Ālambantūti ārohantu. Kadariyāti maccharino adānasīlā.

ид̣̇аани барияосаанз ча г̇аат̇аа д̇хаммасан̇г̇аахагзхи вуд̇д̇аа –

Idāni pariyosāne cha gāthā dhammasaṅgāhakehi vuttā –

1276.

‘‘д̇з д̇ад̇т̇а саб̣б̣зва ахам̣ бурзд̇и, д̇ам̣ габбагам̣ д̇ад̇т̇а бурагкад̇ваа;

‘‘Te tattha sabbeva ahaṃ pureti, taṃ kappakaṃ tattha purakkhatvā;

саб̣б̣зва д̇з ааламб̣им̣су вимаанам̣, масаггасаарам̣ вияа ваасавасса.

Sabbeva te ālambiṃsu vimānaṃ, masakkasāraṃ viya vāsavassa.

1277.

‘‘д̇з д̇ад̇т̇а саб̣б̣зва ахам̣ бурзд̇и, убаасагад̇д̇ам̣ бадивзд̣̇аяим̣су;

‘‘Te tattha sabbeva ahaṃ pureti, upāsakattaṃ paṭivedayiṃsu;

баан̣аад̇ибаад̇аа вирад̇аа ахзсум̣, логз ад̣̇иннам̣ бариваж̇ж̇аяим̣су;

Pāṇātipātā viratā ahesuṃ, loke adinnaṃ parivajjayiṃsu;

амаж̇ж̇абаа но жа мусаа бхан̣им̣су, сагзна д̣̇аарзна жа ахзсум̣ д̇удтаа.

Amajjapā no ca musā bhaṇiṃsu, sakena dārena ca ahesuṃ tuṭṭhā.

1278.

‘‘д̇з д̇ад̇т̇а саб̣б̣зва ахам̣ бурзд̇и, убаасагад̇д̇ам̣ бадивзд̣̇аяид̇ваа;

‘‘Te tattha sabbeva ahaṃ pureti, upāsakattaṃ paṭivedayitvā;

баггаами сад̇т̇о анумод̣̇амаано, яагкид̣̇д̇хияаа анумад̇о бунаббунам̣.

Pakkāmi sattho anumodamāno, yakkhiddhiyā anumato punappunaṃ.

1279.

‘‘г̇анд̇ваана д̇з синд̇хусовийрабхуумим̣, д̇ханад̇т̇игаа уд̣̇д̣̇аяам̣ бад̇т̇аяаанаа;

‘‘Gantvāna te sindhusovīrabhūmiṃ, dhanatthikā uddayaṃ patthayānā;

яат̇аабаяог̇аа барибун̣н̣алаабхаа, бажжааг̇амум̣ баадалибуд̇д̇амагкад̇ам̣.

Yathāpayogā paripuṇṇalābhā, paccāgamuṃ pāṭaliputtamakkhataṃ.

1280.

‘‘г̇анд̇ваана д̇з сан̇гхарам̣ сод̇т̇иванд̇о, буд̇д̇зхи д̣̇аарзхи саман̇г̇ибхууд̇аа;

‘‘Gantvāna te saṅgharaṃ sotthivanto, puttehi dārehi samaṅgibhūtā;

аананд̣̇ий вид̇д̇аа суманаа бад̇ийд̇аа, агам̣су сзрийсамахам̣ ул̣аарам̣;

Ānandī vittā sumanā patītā, akaṃsu serīsamahaṃ uḷāraṃ;

сзрийсагам̣ д̇з баривзн̣ам̣ маабаяим̣су.

Serīsakaṃ te pariveṇaṃ māpayiṃsu.

1281.

‘‘зд̇аад̣̇исаа саббурисаана сзванаа, махад̇т̇игаа д̇хаммаг̇ун̣аана сзванаа;

‘‘Etādisā sappurisāna sevanā, mahatthikā dhammaguṇāna sevanā;

згасса ад̇т̇ааяа убаасагасса, саб̣б̣зва сад̇д̇аа сукид̇аа ахзсу’’нд̇и.

Ekassa atthāya upāsakassa, sabbeva sattā sukhitā ahesu’’nti.

1276. д̇ад̇т̇а ахам̣ бурзд̇и ахам̣ буримам̣ ахам̣ буриманд̇и ахамахам̣гараад̇и ад̇т̇о. ‘‘д̇з д̇ад̇т̇а саб̣б̣зваа’’д̇и вад̇ваа буна ‘‘саб̣б̣зва д̇з’’д̇и важанам̣ ‘‘саб̣б̣зва д̇з яат̇аа вимаанасса ааруханз уссуггаж̇аад̇аа ахзсум̣, д̇ат̇аа саб̣б̣зва д̇ам̣ аарухим̣су, на гассажи ааруханз анд̇арааяо ахосий’’д̇и д̣̇ассанад̇т̇ам̣ вуд̇д̇ам̣. масаггасаарам̣ вияа ваасавассаад̇и ‘‘масаггасаара’’нд̇и жа д̇аавад̇им̣сабхаванам̣ вужжад̇и, саб̣б̣ам̣ ваа д̣̇звабхаванам̣, ид̇ха бана саггабхаванам̣ взд̣̇ид̇аб̣б̣ам̣. д̇знааха ‘‘масаггасаарам̣ вияа ваасавассаа’’д̇и.

1276. Tattha ahaṃ pureti ahaṃ purimaṃ ahaṃ purimanti ahamahaṃkarāti attho. ‘‘Te tattha sabbevā’’ti vatvā puna ‘‘sabbeva te’’ti vacanaṃ ‘‘sabbeva te yathā vimānassa āruhane ussukkajātā ahesuṃ, tathā sabbeva taṃ āruhiṃsu, na kassaci āruhane antarāyo ahosī’’ti dassanatthaṃ vuttaṃ. Masakkasāraṃ viya vāsavassāti ‘‘masakkasāra’’nti ca tāvatiṃsabhavanaṃ vuccati, sabbaṃ vā devabhavanaṃ, idha pana sakkabhavanaṃ veditabbaṃ. Tenāha ‘‘masakkasāraṃ viya vāsavassā’’ti.

1277-8. ат̇а д̇з ваан̣иж̇аа вимаанам̣ бассид̇ваа басаннажид̇д̇аа д̇асса д̣̇звабуд̇д̇асса оваад̣̇з тад̇ваа саран̣зсу жа сийлзсу жа бад̇идтааяа д̇асса аанубхаавзна сод̇т̇инаа ижчид̇ам̣ д̣̇зсам̣ аг̇амам̣су. д̇зна вуд̇д̇ам̣ ‘‘д̇з д̇ад̇т̇а саб̣б̣зваа’’д̇иаад̣̇и. д̇ад̇т̇а анумад̇о баггаами сад̇т̇о яагкид̣̇д̇хияаа бунаббунам̣ анумод̣̇амаанод̇и яож̇анаа. гзна бана анумад̇од̇и? яагкзнаад̇и баагадояамад̇т̇о.

1277-8. Atha te vāṇijā vimānaṃ passitvā pasannacittā tassa devaputtassa ovāde ṭhatvā saraṇesu ca sīlesu ca patiṭṭhāya tassa ānubhāvena sotthinā icchitaṃ desaṃ agamaṃsu. Tena vuttaṃ ‘‘te tattha sabbevā’’tiādi. Tattha anumato pakkāmi sattho yakkhiddhiyā punappunaṃ anumodamānoti yojanā. Kena pana anumatoti? Yakkhenāti pākaṭoyamattho.

1279. яат̇аабаяог̇аад̇и яат̇аааж̇жхаасаяам̣ гад̇абаяог̇аа. барибун̣н̣алаабхаад̇и самид̣̇д̇халаабхаа. агкад̇анд̇и анубад̣̇д̣̇уд̇ам̣ баадалибуд̇д̇ам̣. агкад̇анд̇и ваа анааб̣аад̇хам̣ ануббийл̣ам̣, ананд̇арааязнаад̇и ад̇т̇о.

1279.Yathāpayogāti yathāajjhāsayaṃ katapayogā. Paripuṇṇalābhāti samiddhalābhā. Akkhatanti anupaddutaṃ pāṭaliputtaṃ. Akkhatanti vā anābādhaṃ anuppīḷaṃ, anantarāyenāti attho.

1280. сан̇гхаранд̇и сагам̣ г̇зхам̣. сод̇т̇иванд̇од̇и сод̇т̇ибхаавзна яуд̇д̇аа кзмино. аананд̣̇ийд̇иаад̣̇ийхи жад̇уухи бад̣̇зхи соманассид̇абхаавамзва вад̣̇ад̇и. сзрийсагам̣ д̇з баривзн̣ам̣ маабаяим̣сууд̇и гад̇ан̃н̃уд̇ааяа тад̇ваа бадиссаваможанад̇т̇ан̃жа д̣̇звабуд̇д̇асса наамзна сзрийсагам̣ наама барижчзд̣̇авасзна взн̣ияад̇о бзгкид̇аб̣б̣ад̇о баривзн̣ам̣ баасаад̣̇агуудааг̇аарарад̇д̇идтаанаад̣̇исамбаннам̣ баагаарабаригкид̇д̇ам̣ д̣̇ваарагодтагаяуд̇д̇ам̣ ааваасам̣ агам̣су.

1280.Saṅgharanti sakaṃ gehaṃ. Sotthivantoti sotthibhāvena yuttā khemino. Ānandītiādīhi catūhi padehi somanassitabhāvameva vadati. Serīsakaṃ te pariveṇaṃ māpayiṃsūti kataññutāya ṭhatvā paṭissavamocanatthañca devaputtassa nāmena serīsakaṃ nāma paricchedavasena veṇiyato pekkhitabbato pariveṇaṃ pāsādakūṭāgārarattiṭṭhānādisampannaṃ pākāraparikkhittaṃ dvārakoṭṭhakayuttaṃ āvāsaṃ akaṃsu.

1281. зд̇аад̣̇исаад̇и зд̣̇исий, звам̣ анад̇т̇абадиб̣аахиний ад̇т̇асаад̇хигаа жа. махад̇т̇игаад̇и махаабаяож̇анаа махаанисам̣саа. д̇хаммаг̇ун̣аананд̇и авибарийд̇аг̇ун̣аанам̣. згасса сад̇д̇асса хид̇ад̇т̇ам̣ саб̣б̣зва сад̇д̇аа саб̣б̣з зва д̇з сад̇т̇абарияаабаннаа сад̇д̇аа, сукид̇аа сукаббад̇д̇аа кзмаббад̇д̇аа ахзсум̣.

1281.Etādisāti edisī, evaṃ anatthapaṭibāhinī atthasādhikā ca. Mahatthikāti mahāpayojanā mahānisaṃsā. Dhammaguṇānanti aviparītaguṇānaṃ. Ekassa sattassa hitatthaṃ sabbeva sattā sabbe eva te satthapariyāpannā sattā, sukhitā sukhappattā khemappattā ahesuṃ.

самбхаво бана убаасаго бааяаасисса д̣̇звабуд̇д̇асса д̇зсан̃жа ваан̣иж̇аанам̣ важанабадиважанавасзна бавад̇д̇ам̣ г̇аат̇ааб̣анд̇хам̣ суд̇анияаамзнзва уг̇г̇ахзд̇ваа т̇зраанам̣ аарожзси. бааяаасид̣̇звабуд̇д̇о ааяасмад̇о самбхавад̇т̇зрасса гат̇зсийд̇и абарз. д̇ам̣ яасад̇т̇зраббамукаа махаат̇зраа д̣̇уд̇ияасан̇г̇ийд̇ияам̣ сан̇г̇ахам̣ ааробзсум̣. самбхаво бана убаасаго маад̇аабид̇уунам̣ ажжаязна баб̣б̣аж̇ид̇ваа арахад̇д̇з бад̇идтааси.

Sambhavo pana upāsako pāyāsissa devaputtassa tesañca vāṇijānaṃ vacanapaṭivacanavasena pavattaṃ gāthābandhaṃ sutaniyāmeneva uggahetvā therānaṃ ārocesi. Pāyāsidevaputto āyasmato sambhavattherassa kathesīti apare. Taṃ yasattherappamukhā mahātherā dutiyasaṅgītiyaṃ saṅgahaṃ āropesuṃ. Sambhavo pana upāsako mātāpitūnaṃ accayena pabbajitvā arahatte patiṭṭhāsi.

сзрийсагавимаанаван̣н̣анаа нидтид̇аа.

Serīsakavimānavaṇṇanā niṭṭhitā.

Next: 11. сунигкид̇д̇авимаанаван̣н̣анаа • 11. Sunikkhittavimānavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 10. сзрийсагавимаанавад̇т̇у • 10. Serīsakavimānavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact