| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩-੪. ਸੇਰੀਸੁਤ੍ਤਾਦਿવਣ੍ਣਨਾ
3-4. Serīsuttādivaṇṇanā
੧੦੪. ਤਤਿਯੇ ਦਾਯਕੋਤਿ ਦਾਨਸੀਲੋ। ਦਾਨਪਤੀਤਿ ਯਂ ਦਾਨਂ ਦੇਮਿ, ਤਸ੍ਸ ਪਤਿ ਹੁਤ੍વਾ ਦੇਮਿ, ਨ ਦਾਸੋ ਨ ਸਹਾਯੋ। ਯੋ ਹਿ ਅਤ੍ਤਨਾ ਮਧੁਰਂ ਭੁਞ੍ਜਤਿ, ਪਰੇਸਂ ਅਮਧੁਰਂ ਦੇਤਿ, ਸੋ ਦਾਨਸਙ੍ਖਾਤਸ੍ਸ ਦੇਯ੍ਯਧਮ੍ਮਸ੍ਸ ਦਾਸੋ ਹੁਤ੍વਾ ਦੇਤਿ। ਯੋ ਯਂ ਅਤ੍ਤਨਾ ਭੁਞ੍ਜਤਿ, ਤਦੇવ ਦੇਤਿ, ਸੋ ਸਹਾਯੋ ਹੁਤ੍વਾ ਦੇਤਿ। ਯੋ ਪਨ ਅਤ੍ਤਨਾ ਯੇਨ ਤੇਨ ਯਾਪੇਤਿ, ਪਰੇਸਂ ਮਧੁਰਂ ਦੇਤਿ, ਸੋ ਪਤਿ ਜੇਟ੍ਠਕੋ ਸਾਮਿ ਹੁਤ੍વਾ ਦੇਤਿ। ਅਹਂ ‘‘ਤਾਦਿਸੋ ਅਹੋਸਿ’’ਨ੍ਤਿ વਦਤਿ।
104. Tatiye dāyakoti dānasīlo. Dānapatīti yaṃ dānaṃ demi, tassa pati hutvā demi, na dāso na sahāyo. Yo hi attanā madhuraṃ bhuñjati, paresaṃ amadhuraṃ deti, so dānasaṅkhātassa deyyadhammassa dāso hutvā deti. Yo yaṃ attanā bhuñjati, tadeva deti, so sahāyo hutvā deti. Yo pana attanā yena tena yāpeti, paresaṃ madhuraṃ deti, so pati jeṭṭhako sāmi hutvā deti. Ahaṃ ‘‘tādiso ahosi’’nti vadati.
ਚਤੂਸੁ ਦ੍વਾਰੇਸੁਤਿ ਤਸ੍ਸ ਕਿਰ ਰਞ੍ਞੋ ਸਿਨ੍ਧવਰਟ੍ਠਂ ਸੋਧਿવਾਕਰਟ੍ਠਨ੍ਤਿ ਦ੍વੇ ਰਟ੍ਠਾਨਿ ਅਹੇਸੁਂ, ਨਗਰਂ ਰੋਰੁવਂ ਨਾਮ। ਤਸ੍ਸ ਏਕੇਕਸ੍ਮਿਂ ਦ੍વਾਰੇ ਦੇવਸਿਕਂ ਸਤਸਹਸ੍ਸਂ ਉਪ੍ਪਜ੍ਜਤਿ, ਅਨ੍ਤੋਨਗਰੇ વਿਨਿਚ੍ਛਯਟ੍ਠਾਨੇ ਸਤਸਹਸ੍ਸਂ। ਸੋ ਬਹੁਹਿਰਞ੍ਞਸੁવਣ੍ਣਂ ਰਾਸਿਭੂਤਂ ਦਿਸ੍વਾ ਕਮ੍ਮਸ੍ਸਕਤਞਾਣਂ ਉਪ੍ਪਾਦੇਤ੍વਾ ਚਤੂਸੁ ਦ੍વਾਰੇਸੁ ਦਾਨਸਾਲਾਯੋ ਕਾਰੇਤ੍વਾ ਤਸ੍ਮਿਂ ਤਸ੍ਮਿਂ ਦ੍વਾਰੇ ਉਟ੍ਠਿਤਆਯੇਨ ਦਾਨਂ ਦੇਥਾਤਿ ਅਮਚ੍ਚੇ ਠਪੇਸਿ। ਤੇਨਾਹ – ‘‘ਚਤੂਸੁ ਦ੍વਾਰੇਸੁ ਦਾਨਂ ਦੀਯਿਤ੍ਥਾ’’ਤਿ।
Catūsu dvāresuti tassa kira rañño sindhavaraṭṭhaṃ sodhivākaraṭṭhanti dve raṭṭhāni ahesuṃ, nagaraṃ roruvaṃ nāma. Tassa ekekasmiṃ dvāre devasikaṃ satasahassaṃ uppajjati, antonagare vinicchayaṭṭhāne satasahassaṃ. So bahuhiraññasuvaṇṇaṃ rāsibhūtaṃ disvā kammassakatañāṇaṃ uppādetvā catūsu dvāresu dānasālāyo kāretvā tasmiṃ tasmiṃ dvāre uṭṭhitaāyena dānaṃ dethāti amacce ṭhapesi. Tenāha – ‘‘catūsu dvāresu dānaṃ dīyitthā’’ti.
ਸਮਣਬ੍ਰਾਹ੍ਮਣਕਪਣਦ੍ਧਿਕવਨਿਬ੍ਬਕਯਾਚਕਾਨਨ੍ਤਿ ਏਤ੍ਥ ਸਮਣਾਤਿ ਪਬ੍ਬਜ੍ਜੂਪਗਤਾ। ਬ੍ਰਾਹ੍ਮਣਾਤਿ ਭੋવਾਦਿਨੋ। ਸਮਿਤਪਾਪਬਾਹਿਤਪਾਪੇ ਪਨ ਸਮਣਬ੍ਰਾਹ੍ਮਣੇ ਏਸ ਨਾਲਤ੍ਥ। ਕਪਣਾਤਿ ਦੁਗ੍ਗਤਾ ਦਲਿਦ੍ਦਮਨੁਸ੍ਸਾ ਕਾਣਕੁਣਿਆਦਯੋ। ਅਦ੍ਧਿਕਾਤਿ ਪਥਾવਿਨੋ। વਨਿਬ੍ਬਕਾਤਿ ਯੇ ‘‘ਇਟ੍ਠਂ, ਦਿਨ੍ਨਂ, ਕਨ੍ਤਂ, ਮਨਾਪਂ, ਕਾਲੇਨ, ਅਨવਜ੍ਜਂ ਦਿਨ੍ਨਂ, ਦਦਂ ਚਿਤ੍ਤਂ ਪਸਾਦੇਯ੍ਯ, ਗਚ੍ਛਤੁ ਭવਂ ਬ੍ਰਹ੍ਮਲੋਕ’’ਨ੍ਤਿਆਦਿਨਾ ਨਯੇਨ ਦਾਨਸ੍ਸ વਣ੍ਣਂ ਥੋਮਯਮਾਨਾ વਿਚਰਨ੍ਤਿ। ਯਾਚਕਾਤਿ ਯੇ ‘‘ਪਸਤਮਤ੍ਤਂ ਦੇਥ, ਸਰਾવਮਤ੍ਤਂ ਦੇਥਾ’’ਤਿਆਦੀਨਿ ਚ વਤ੍વਾ ਯਾਚਮਾਨਾ વਿਚਰਨ੍ਤਿ। ਇਤ੍ਥਾਗਾਰਸ੍ਸ ਦਾਨਂ ਦੀਯਿਤ੍ਥਾਤਿ ਪਠਮਦ੍વਾਰਸ੍ਸ ਲਦ੍ਧਤ੍ਤਾ ਤਤ੍ਥ ਉਪ੍ਪਜ੍ਜਨਕਸਤਸਹਸ੍ਸੇ ਅਞ੍ਞਮ੍ਪਿ ਧਨਂ ਪਕ੍ਖਿਪਿਤ੍વਾ ਰਞ੍ਞੋ ਅਮਚ੍ਚੇ ਹਾਰੇਤ੍વਾ ਅਤ੍ਤਨੋ ਅਮਚ੍ਚੇ ਠਪੇਤ੍વਾ ਰਞ੍ਞਾ ਦਿਨ੍ਨਦਾਨਤੋ ਰਾਜਿਤ੍ਥਿਯੋ ਮਹਨ੍ਤਤਰਂ ਦਾਨਂ ਅਦਂਸੁ। ਤਂ ਸਨ੍ਧਾਯੇવਮਾਹ। ਮਮ ਦਾਨਂ ਪਟਿਕ੍ਕਮੀਤਿ ਯਂ ਮਮ ਦਾਨਂ ਤਤ੍ਥ ਦੀਯਿਤ੍ਥ, ਤਂ ਪਟਿਨਿવਤ੍ਤਿ। ਸੇਸਦ੍વਾਰੇਸੁਪਿ ਏਸੇવ ਨਯੋ। ਕੋਚੀਤਿ ਕਤ੍ਥਚਿ। ਦੀਘਰਤ੍ਤਨ੍ਤਿ ਅਸੀਤਿવਸ੍ਸਸਹਸ੍ਸਾਨਿ। ਏਤ੍ਤਕਂ ਕਿਰ ਕਾਲਂ ਤਸ੍ਸ ਰਞ੍ਞੋ ਦਾਨਂ ਦੀਯਿਤ੍ਥ। ਤਤਿਯਂ।
Samaṇabrāhmaṇakapaṇaddhikavanibbakayācakānanti ettha samaṇāti pabbajjūpagatā. Brāhmaṇāti bhovādino. Samitapāpabāhitapāpe pana samaṇabrāhmaṇe esa nālattha. Kapaṇāti duggatā daliddamanussā kāṇakuṇiādayo. Addhikāti pathāvino. Vanibbakāti ye ‘‘iṭṭhaṃ, dinnaṃ, kantaṃ, manāpaṃ, kālena, anavajjaṃ dinnaṃ, dadaṃ cittaṃ pasādeyya, gacchatu bhavaṃ brahmaloka’’ntiādinā nayena dānassa vaṇṇaṃ thomayamānā vicaranti. Yācakāti ye ‘‘pasatamattaṃ detha, sarāvamattaṃ dethā’’tiādīni ca vatvā yācamānā vicaranti. Itthāgārassa dānaṃ dīyitthāti paṭhamadvārassa laddhattā tattha uppajjanakasatasahasse aññampi dhanaṃ pakkhipitvā rañño amacce hāretvā attano amacce ṭhapetvā raññā dinnadānato rājitthiyo mahantataraṃ dānaṃ adaṃsu. Taṃ sandhāyevamāha. Mama dānaṃ paṭikkamīti yaṃ mama dānaṃ tattha dīyittha, taṃ paṭinivatti. Sesadvāresupi eseva nayo. Kocīti katthaci. Dīgharattanti asītivassasahassāni. Ettakaṃ kira kālaṃ tassa rañño dānaṃ dīyittha. Tatiyaṃ.
੧੦੫. ਚਤੁਤ੍ਥਂ વੁਤ੍ਤਤ੍ਥਮੇવ। ਚਤੁਤ੍ਥਂ।
105. Catutthaṃ vuttatthameva. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩. ਸੇਰੀਸੁਤ੍ਤਂ • 3. Serīsuttaṃ
੪. ਘਟੀਕਾਰਸੁਤ੍ਤਂ • 4. Ghaṭīkārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā)
੩. ਸੇਰੀਸੁਤ੍ਤવਣ੍ਣਨਾ • 3. Serīsuttavaṇṇanā
੪. ਘਟੀਕਾਰਸੁਤ੍ਤવਣ੍ਣਨਾ • 4. Ghaṭīkārasuttavaṇṇanā
