| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๗๗. เสตเกตุชาตกํ (๖-๑-๒)
377. Setaketujātakaṃ (6-1-2)
๘.
8.
มา ตาต กุชฺฌิ น หิ สาธุ โกโธ, พหุมฺปิ เต อทิฎฺฐมสฺสุตญฺจ;
Mā tāta kujjhi na hi sādhu kodho, bahumpi te adiṭṭhamassutañca;
มาตา ปิตา ทิสตา 1 เสตเกตุ, อาจริยมาหุ ทิสตํ ปสตฺถาฯ
Mātā pitā disatā 2 setaketu, ācariyamāhu disataṃ pasatthā.
๙.
9.
อคาริโน อนฺนทปานวตฺถทา 3, อวฺหายิกา ตมฺปิ ทิสํ วทนฺติ;
Agārino annadapānavatthadā 4, avhāyikā tampi disaṃ vadanti;
เอสา ทิสา ปรมา เสตเกตุ, ยํ ปตฺวา ทุกฺขี สุขิโน ภวนฺติฯ
Esā disā paramā setaketu, yaṃ patvā dukkhī sukhino bhavanti.
๑๐.
10.
ขราชินา ชฎิลา ปงฺกทนฺตา, ทุมฺมกฺขรูปา 5 เยเม ชปฺปนฺติ มเนฺต;
Kharājinā jaṭilā paṅkadantā, dummakkharūpā 6 yeme jappanti mante;
กจฺจิ นุ เต มานุสเก ปโยเค, อิทํ วิทู ปริมุตฺตา อปายาฯ
Kacci nu te mānusake payoge, idaṃ vidū parimuttā apāyā.
๑๑.
11.
ปาปานิ กมฺมานิ กตฺวาน ราช, พหุสฺสุโต เจ น 7 จเรยฺย ธมฺมํ;
Pāpāni kammāni katvāna rāja, bahussuto ce na 8 careyya dhammaṃ;
สหสฺสเวโทปิ น ตํ ปฎิจฺจ, ทุกฺขา ปมุเญฺจ จรณํ อปตฺวาฯ
Sahassavedopi na taṃ paṭicca, dukkhā pamuñce caraṇaṃ apatvā.
๑๒.
12.
สหสฺสเวโทปิ น ตํ ปฎิจฺจ, ทุกฺขา ปมุเญฺจ จรณํ อปตฺวา;
Sahassavedopi na taṃ paṭicca, dukkhā pamuñce caraṇaṃ apatvā;
มญฺญามิ เวทา อผลา ภวนฺติ, สสํยมํ จรณเมว 9 สจฺจํฯ
Maññāmi vedā aphalā bhavanti, sasaṃyamaṃ caraṇameva 10 saccaṃ.
๑๓.
13.
น เหว เวทา อผลา ภวนฺติ, สสํยมํ จรณเมว สจฺจํ;
Na heva vedā aphalā bhavanti, sasaṃyamaṃ caraṇameva saccaṃ;
กิตฺติญฺหิ ปโปฺปติ อธิจฺจ เวเท, สนฺติํ ปุเณติ 11 จรเณน ทโนฺตติฯ
Kittiñhi pappoti adhicca vede, santiṃ puṇeti 12 caraṇena dantoti.
เสตเกตุชาตกํ ทุติยํฯ
Setaketujātakaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๗๗] ๒. เสตเกตุชาตกวณฺณนา • [377] 2. Setaketujātakavaṇṇanā
